متن نوحه ترکی مرحوم وافی تبریزی
مجموعه اشعار آیینی و مذهبی مرحوم وافی تبریزی در مدح و رثای اهلبیت علیهم السلام ، متن نوحه ترکی از مرحوم وافی تبریزی
-------
ورود به کوفه
گینه محرک غیبی ایدوب منی تحریک
ایدوم وقایع آلام کوفه نی تفکیک
اولاندا کوفیه وارد بنات شاه حجاز
غریبه وضعیله ایتمیشدی کوفیان پیشواز
چالاردیلار دف و طنبور چنگ بربط و نای
بیری بیرینه قاریشمشدی کره نای و درای
دورا دورا چکیلوردی قطار آل الله
نچون آچوخ یولی دوتموشدی فرقه گمراه
کیمی اتکلرینه داش یغوب ایدردی نشان
جدا باشندا کسوک باشلاری گورن هر آن
جداده راءس جوانان هاشمی یکسر
گچردی مد نظردن آیا گونه بنذر
تمام باشلاری ورمیشدیلار جدا باشنا
بو فکریله اولا آماج درد و غم داشنا
ولی او باشلار ایچینده بیری سیچلمشدی
که رخت مهر و وفا بیر اونا بیچلمشدی
گوروب روا دگی شه باشی نیزده اوجالا
آدینی نوکر ایدن شاهیله برابر اولا
کسوک باشیله گینه عزلته تمایل ایدوب
باشین کسن ، آتینون بوینونا حمایل ایدوب
دولاندیروب آتینی فخریله او کینه شعار
ایدردی طعن و شمادتله دمبدم اظهار
بو باش منیم آتیمون بوینونون که زیوریدور
حسین تشنه لبون بو امیر لشگریدور
آت اوینادان داش آتان کف چالان اناث و ذکور
او یاشلارین قاباقنجه دوشوب ایدردی عبور
بیری دینده بو شمس هدادی جلوه لنور
بیری دیردی گلون ، خارجی اسیری گلور
بیری دینده بولار اهلبیت طاهادور
بیری دیردی سالوبلا کمنده اولادور
بیری دینده بولاردور بنات پیغمبر
بیری دیردی اسیر فرنگدور یکسر
تمام غرفه لری ایلمشدیلر اشغال
زنان کوفه تماشایه آختاروردی مجال
باخوب یانان یوخیدی گوزده قانلی یاشلارینا
کیمیسی گل کیمی توپراق توکردی باشلارینا
یتنده بیر یره بیر غرفه ایچره بیر عورت
گوروب او حال اسفناکی ایلدی رقت
دئدی دیوله بولار زنگبار اسیریدیلر
بو سوز غلطدی ، یقین کینه دستگیردیلر
بولارکی آدلارینی خارجی قویوبلا تمام
بولار دگوله مگر اهلبیت شاه انام
دولاندیران بولاری ظلمیله گذرلرده
یزید ایدن ستمه ایستور چکه پرده
من ایندی مسئله نون اصلینی سوال ایدرم
سوزون حقیقتنی هر نه اولسا کشف ایدرم
بو آرزوئیله ناگه مرامی حاصل اولوب
اسیرلر شرفی زینبه مقابل اولوب
ادبله عرض ایلدی ای بلا کشیده خانم
اولان جفای فلکدن قدی خمیده خانم
دیون گوروم منه ، سیز هانسی گلشنون گلوسوز؟
گلی خزانه دونن مرغزار بلبلوسوز
هارالیسوز؟ کیمه وار نسبتوز؟ ندور نسبوز
بو ذلتیله اسیر اولماقا ندور سببوز؟
جواب ویرمدی زینب ، ایدوب دوباره سوال
ادبله عرض ایلدی ای سپهر حسنه هلال
بویور گوروم سیزی تاری هارا مسافریسوز؟
جنایتوز ندی ؟ آلام غم مجاوریسوز؟
بلالی زینبون آرتیردی آه و ناله سینی
سرشگ نابیله دولدوردی گوز پیاله سینی
خانم توجه ایدوب ، سویلدی که ای عورت
نه اعتباریله من سنیله ایلیوم صحبت؟
تانیمرام سنی من ، دوست یا که دشمن سن
شماتت اهلی دگولسن ، محل ایمن سن
دئدی خانم سیزون احوالوزه پریشانم
بو قدر وار نماز اهلیم ، مسلمانم
بو شهره گلممیشم من سیزی شماتت ایدم
شکسته قلبه باشارسام گرک حمایت ایدم
خانم بویوردی ای عورت نماز ایدنده ادا
تشهدوزده نه ذکر ایله سوز دیون آیا؟
ادبله سویلدی ای بانوی دیار حجاز
بودور تشهدیمیز هر زماندا قیلاندا نماز
دیروخ اشهد ان لا اله الا الله
دالنجه وحده پس لاشریک له آنگاه
دینده اشهد ان محمدا او زمان
ایاقه دوردولا یکسر یاننداکی نسوان
گوروب محمد آدین ذکر ایدنده اول عورت
او اسم خاطرینه ایتدیلر هامی حرمت
خطاب قیلدی محمد کیمون آدیدور مگر؟
بو نوع حرمت ایدیرسوز او اسمه سیز یکسر
دئدی خانم اونا روحیم منیم اولا قربان
اودور پیمبر اکرم ، رسول عالمیان
بیزه عقیده ی اسلامی ایلیوب تعلیم
روادی اسم شریفین دیاخ بلا تکریم؟
گرک دینده محمد آدین ایداخ اکرام
که حرمتین بیزه واجب ایدوب خدای انام
ایشتدی بو سوزی زینب چکوب جگردن آه
دولاندی یثربه عرض ایتدی یا رسول الله
آدیوا کوفه ده حرمت بو امت ایللر
و لیک قیزلاریوا حتک حرمت ایللر
سنون مبارک آدون محترم بولوله مدام
حیالی قیزلاریوا خارجی قویوبدولا نام
بو یرده روم و فرنگ احترامی چوخ چوخدور
حسین حرملرینون لیک حرمتی یوخدور
اگر علت غائی اولان بو گفتاره
جزای خیریدی محشرده هر عزاداره
دلیل عمده سی اولوبدی (مریخی)
یازوبدی خامیه (وافی) بو شرح تاریخی
گوروم خدای حسین ایلسون اونی ماجور
عزا دوتانلارین ایتسون حسینیله مشهور
مرحوم میرزا محمد تقی ولادی متخلص به وافی
منبع مجموعه کانالهای مدح و مرثیه
----------- متن اشعار وافی تبریزی ---------
احوالات حضرت امام هادی (علیه السلام)
خداوندا من هادی یتوشدوم جانه محنتدن
منی بو دار محنتده اوزین قورتار مصیبتدن
هامی بیکسلره یارب بو دنیاده اوزین کسسن
یوخومدوراوزکسانیمدن منه بو یرده ویرسون سس
منی مسموم ایدوب سالدی ایاقدان قاتل ناکس
گینه بونلان بیله هرگزگوتورمم ال هدایتدن
منیم قصدیم هدایتدوریوخومدورشکوه ایذادن
یلا هرقدریوز ویرسه گوتورمم ال تولادن
نیدیم سوز نهانیمدن گیچوب آهیم ثریادن
دوتوب اودسربسر جانیم یانورمضمن حرارتدن
نجه جدیم آتام بیربیرقویوب جان بو مراحلده
گرک جان بذل ایدم منده رواج دین کاملده
بوگونده قویمیوب طاقت منه زهرجفا دلده
دمادم آرتوری سوزدلیم ساعت به ساعتدن
سموم ضلم اعدادن ایله قلبیم دولی قاندور
بو گزلین دردی چکماقدان الوم مین دفعه آساندور
سن عالمسن ندوردردیم منیم اغیاره پنهاندور
علاجی اولمیان درده سالوب دشمن عداوتدن
دیمم جدیم حسین نعشی کیمی نعشیم دولی اوخدور
منیم نسکلریم جدیم اوزی شاهددی چوخ چوخدور
منه بیر ظلم اولوب بیر کس بو شهر ایچره بلن یوخدور
چکوبله پرده مکریله اولا مخفی جماعتدن
دیمم بیکس عیالیمدن آلوبلار چادر و معجر
قالوب آواره چوللرده حیالی قیزلاریم یکسر
بیری سسلر بابا یاندیم بیری قارداش علی اکبر
بیری سسلر عمو سن گل بیزی قورتار بو غارتدن
سویاندا رحمیسیزلشکرحریم آل یاسینی
قاچاردی خوردا جا قیزلار خواتینی قوجاقلاردی
بیری سویلردی گل عمه دوگولر آل یاسینی
حیا ایتموربو بداخترندن بیز آل عصمتدن
اگرچه (وافیا) محنت چکن چوخ چوخدی دنیاده
ولیکن حداعلادن گیچوبدورآل طاهاده
هانی شاه شهیدان تک قویان حیرتده دنیاده
سالوبدورماسوانی محنت و صبریله طاقتدن
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
زبانحال حضرت امام حسن عسکری (علیه السلام)
بو لشگرگاه دشمنده نه محنتلرچکوب یاندیم
ویروبلرزهرکین اخردوتوب اود یاندیم اودلاندیم
ایله تاثیر ایدوب زهرجفا بو خسته جانیمده
که قالموب تاب گفتاریم نه دلده نه دهانیمده
یوخومدورحالیمی بیرکسبلن الماق زمانیمده
خدا شاهددیبویرده من زاره نه ظلم اولدی
سموم ظلمیله گل تک سارالدی گلیوزوم سولدی
شرارظلمیله باغزیمسراسرقانیله دولدی
کمند ظلم اشراره بیله اهو تک اولاندیم
منیم محنتلریم گرچه یتوبدورحداعلایه
حیالی قیزلاریم لاکن اسیراولموبدی اعدایه
جداده قان دوتان باشیم منیم گیتموب کلیسایه
دیمم جدیم حسین تک من بلا دشتینده دوغراندیم
منیم یو پیکرم هرگزبویانموب ظلمیله قانه
تشموب جوردشمندن یرا بو جسم عریانه
منیم نعشیم هاچان زینت اولوبدورقانلی میدانه
منیم سینمده ات چاپدی هاچان دشمن ایاقلاندیم
یری وار جدیمین(وافی)سالا نسکللرین یاده
دیوب ایوای حسین دایم گله شوریله فریاده
اوغم یاددان چخا مشکل چه دنیاده چه عقباده
که من اوز چکدیقیم غمدن اونون محنتلرین قاندیم
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
زبانحال حضرت رقیه (سلام الله)
به حضرت زینب کبری (سلام الله)
در خرابه شام
نولیدی عمه منیم تیره روزگاریم اولیدی
دویونجا اغلاماقا الده اختیاریم اولیدی
گلنده نالیه شام اهلی نا سزا دیمییدی
نه عزت و نه جلالیم نه اعتباریم اولیدی
بابا دیوب دولانیدیم خرابه شامی
ایفاقه غملریمه چشم اشکباریم اولیدی
گلوب گیدنده تماشایه دورمییدی شام اهلی
یریم خرابه بو ذلت همیشه کاریم اولیدی
خرابه لرده قوری یرده اج سوسوز گیجه لر
فغان و ناله ایشیم شغلیم اه و زاریم اولیدی
بیری ویریدی بو احوالیمی بابامه خبر
بو غملی حالیمه اگه او تاجداریم اولیدی
بابام گلیدی باشیم استه اگلشیدی گوریدیم
او گل جمالینی راحت دل فکاریم اولیدی
بو حسرتیله اورکدن خوشام خانم عمه
بو حال پراسفیم حال احتضاریم اولیدی
اسیدی باد اجل گل یوزوم سولوب سارالیدی
خزانیم اول عمریمده نو بهاریم اولیدی
ویرنده جان قولومی بوینوما سالیدی بابام کاش
گوزوم یوزینده اولوب رفع انتظاریم اولیدی
نولیدی قولاریمی شمر بیمروت اچیدی
که راحت اخر عمریمده جسم زاریم اولیدی
زبسکه باشیمه قمچی ووروب رضایم الم
خلاص بلکه بو جسم ضعیف و زاریم اولیدی
هانی او گونکه گوریدیم جوان علی اکبر
الوب کناریمی دنیایه افتخاریم اولیدی
ایکی الیله گوزوم یاشینی سلیدی منیم
او مهربان اله بو خسته جان نثاریم اولیدی
رقیه غملری (وافی) تمام اولا مشکل
گرک بو قصه مجالسده یادگاریم اولیدی
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
احوالات راه شام
ای هلال برج عصمت گیتمه مهربانیم عمه
قوی من یتیمه منت باشیوادولانیم عمه
ناقه دن منی سالاندا ساربان نابکاریم
صاق صولا او قدری قاچدیم گیتدی الدن اختیاریم
از قالور سالا نفسدن من یتیمی اه و زاریم
دوشموشم داخی ایاقدان ای عزیز جانیم عمه
عمه جان بابام گیدنده تاپشوروب سنه عیالین
نه سکینه سین تماما دختران مه جمالین
گورنجه بابام پوزوبدورنیزه استه وضع حالین
ایستمز اخا سرشک چشم خونفشانیم عمه
عمه خیملریاناندان استراحتیم گیدوبدور
کیم بوزاره کولگه یرده یاتماقی حرام ایدوبدور
یوخ دین بوشمره عمه بو بالا سنه نیدوبدور
بیربیله ووروب دوگورسن یوخدی بیر یانانیم عمه
عمه گل ایاقلاریم باخ گور نجه قابار اولوبدور
یول اوزاق اوزوم شکسته زخم نوک خار اولوبدور
من کیمی یتیم اولانلار کیم بو نوعی خوار اولوبدور
قورخورام بو یولدا چیخسون قوملار استه جانیم عمه
گورموسن جدا باشیندا راس شاه انس و جانی
ایلیوب داخی توقف لنگ ایدوبدی کاروانی
ایستمزقالام بوچولده من یتیم و بینوانی
چرخ چارمه اوجالسون اه و الامانیم عمه
من یتیمه قسمت اولسا عمه بیرده گرمدینه
دردیمی انام بتوله سویلرم من حزینه
سویلرم انا نه حاله گوردوشوب قیزین سکینه
یوخگیدن جلالتیمدن الده بیر نشانیم عمه
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
احوالات راه شام
گینه قلبیم گلوب درده اماندور ساربان گیتمه
سکینم قالدی چوللرده اماندور ساربان گیتمه
حسینین گورموسوز گیتمور جداده نازنین باشی
باخور اوزگلدوقی سمته توکوررحساره گوزیاشی
او نحویله ایدور واقف سالور نظاره داغ داشی
اوشاقلاردان قالوب یرده اماندور ساربان گیتمه
حسینیم بیر به بیر اخر وداعینده من زاره
عیالین تاپشوروب گیتدی ندور ایمدی منه چاره
عزیز جانیمی یالقوز قویوم بو چولده اواره
اولوم شامه روان بیرده اماندور ساربان گیتمه
حسینین جانینه هرگز سکینم اولماسا پیدا
ایشق گوندوز لرین قیلام بو جمعین لیله یلدا
نقدری اتش ظلمه منی یاندورسا بو اعدا
گوره لر اجرین اخرده اماندور ساربان گیتمه
منیم تک مهربان عمه ادیم دلده بلا گردان
بالامی قویمارام هرگز قالا چوللرده سر گردان
چاغورام دادیمه یتسون نجفدن من شه مردان
عزیزین گورسون ازرده اماندور ساربان گیتمه
یتونجه شامه هر یرده گرک شمرین جفاسیندن
دیم عالم بله بیکس حسینین ماجراسیندن
او قیز چوللرده سرگردان قالوب بیز ال یاسیندن
توکر قانیاش رخ زرده اماندور سایبان گیتمه
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
ماه محرم
گوروم بو عالمی ویران اولیدی
نه بو ماتم نه بو افغان اولیدی
نه عاشورا اولیدی نه محرم
نه خرگاه حسین تالان اولیدی
نه دشت کربلاده شاه دینین
جلالی غارت عدوان اولیدی
فراتین یولاری نه باغلانیدی
نه اولاد علی عطشان اولیدی
نه شهزاده علی اصغر سوسوزدان
سولیدی گل کیمی خندان اولیدی
بو غازیندان اونون نه اوخ دگیدی
نه قونداقی لبالب قان اولیدی
نه ظلمیله علی اکبر الیدی
نه نعشی زینت میدان اولیدی
نه زلف و کاکلی قانه باتیدی
نه لیلا دیده سی گریان اولیدی
نه بیکس اهل عیالی ظلم الیله
اسیر قوم بد بنیان اولیدی
نه اولاد علی یکسر سوسوزدان
گلوب درده هامی نالان اولیدی
علمدارین نه قولاری دوشیدی
نه سوتک مشکینه القان اولیدی
نه ظلمیله حسین آتدان دوشیدی
نه عرش کبریا لرزان اولیدی
نه گل جسمی قالوب یرده کفنسیز
نه غسلی ظلم الیله قان اولیدی
نه لشکر سینه سینده آت چاپیدی
نه اوچ گون پیکری عریان اولیدی
کسیک باشی نه خولینین ایوینده
تنور ایچره گیدوب مهمان اولیدی
اولیدی (وافیا) طبعون زر افشان
الینده گر قلم هرآن اولیدی
وافی تبریزی
منبع کانال گنجینه گذشتگان
----------- متن اشعار وافی تبریزی ---------
زبانحال امام حسن مجتبی (علیه السلام)
بزم وصلیده ساقیان غم ویردیلر منه بیر سبو باجی
واردی نشئه سی نشئه تینیده کیمسه ایچمیوب بیله سو باجی
بزم وصل جاناندا بو گیجه باش ووروب منی ایتدی شادکام
گرچه سوده زهریله منه خواب ناز اولوب بو گیجه حرام
کوی عشقیده فخردور منه شمع وصله پروانه تک یانام
قان اولان بو گو گلومده هر زمان سیر ایدر بیله أرزو باجی
دور ایاقه ایت باخبر گله باشیم استه عباس و قاسمی
قارداشین دیمه زهر کین ایچوب یاس ایدوب فلک عیش اساسیمی
غفلتا حسینه بو نوعیله سویلمه باجی اقتباسیمی
رمزیله بیان ایت حسینیمه شرح حالیمی مو بمو باجی
وای او حالیوه خیمگاهیوه هایهوئیله لشکر اوز قویار
گورسن حجت الله حرملرین قوم کفر وکین ال تاپوب سویار
خوردا قیزلارین گوشواره و معجریله خلخالی هر نه وار
اوز الونله بیر بیر سویوندوروب اهل شامه سن ویر گرو باجی
قویما اهل بیت رسالتی اودلانان چادرلاردا دیده تر
ویر اجازه قاچسونلا چوللره أهوان دین زارو خون جگر
دختران زهرایه بو ستم اهل شامیدن سهلیدورمگر
هر کیم ایتسون اوز گل جمالینه پرده طره مشکبو باجی
بو جماعتین جورو کینه سی گلمیندی حد و نهایته
ظلم الیله باغلالاگه سنون قولارون طناب اسارته
گه سو یولارین باغلار اهل کین اهل بیت ختم رسالته
گه حسن ایچر سو سو الدوری گه حسیته ویر مزله سو باجی
گرچه نصرت غیبی (وافیا) وار همیشه بو طبع ناطقه
گیچمه حقیدن بو مقالیده ایتدی نصرتون بیت لاحقه
سویله شوریله ایستسن اگر قسمتین اولا لطف شامله
بزم وصلیده ساقبان غم ویردیلر منه بیر سبو باجی
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
زبانحال حضرت رقیه (سلام الله)
نولیدی عمه منیم تیره روزگاریم اولیدی
دویونجا اغلاماقا الده اختیاریم اولیدی
گلنده نالیه شام اهلی نا سزا دیمییدی
نه عزت و نه جلالیم نه اعتباریم اولیدی
بابا دیوب دولانیدیم خرابه شامی
ایفاقه غملریمه چشم اشکباریم اولیدی
گلوب گیدنده تماشایه دورمییدی جماعت
یریم خرابه بو ذلت همیشه کاریم اولیدی
خرابه لرده قوری یرده اج سوسوز گیجه لر
فغان و ناله ایشیم شغلیم اه و زاریم اولیدی
بیری ویریدی بو احوالیمی بابامه خبر
بو غملی حالیمه اگه او تاجداریم اولیدی
بابام گلیدی باشیم استه اگلشیدی گوریدیم
او گل جمالینی راحت دل فکاریم اولیدی
بو حسرتیله اورکدن خوشام خانم عمه
بو حال پراسفیم حال احتضاریم اولیدی
اسیدی باد اجل گل یوزوم سولوب سارالیدی
خزانیم اول عمریمده نو بهاریم اولیدی
ویرنده جان قولومی بوینوما سالیدی بابام کاش
گوزوم یوزینده اولوب رفع انتظاریم اولیدی
نولیدی قولاریمی شمر بیمروت اچیدی
که راحت اخر عمریمده جسم زاریم اولیدی
زبسکه باشیمه قمچی ووروب رضایم الم
خلاص بلکه بو جسم ضعیف و زاریم اولیدی
هانی او گونکه گوریدیم جوان علی اکبر
الوب کناریمی دنیایه افتخاریم اولیدی
ایکی الیله گوزوم یاشینی سلیدی منیم
او مهربان اله بو خسته جان نثاریم اولیدی
رقیه غملری (وافی) تمام اولا مشکل
گرک بو قصه مجالسده یادگاریم اولیدی
مرحوم وافی
منبع مجموعه کانالهای مدح و مرثیه
----------- متن اشعار وافی تبریزی ---------
زبانحال حضرت زینب (س)
به علمدار کربلا در کوچ از کربلا
قافلم شامه گیدورقافله سالاریم اویان
زینبین دوریولا سال یاتما علمداریم اویان
گوره بلمزدین اولا زینبی بیرلحظه ملول
یا دل آزرده اولا لحظه اولاد رسول
ایمدی باغلوب نجه گورقول قولا بو قوم ظلول
رشته ظلمه گیچوب ظلمیله قولاریم اویان
باش گوتور بیرجه باجین زینبین احوالینی گور
شرر ظلمه یانان قارداشین اطفالینی گور
بوینی چگنینده قالان عابدیمینحالین گور
گور نه احواله قالوب عابد بیماریم اویان
اولا مشگلدی بو غم گورنجهبی غسل و کفن
قوملاراسته قالا بو یتمش ایکی پاره بدن
اولمیا بونلارا بیرغسل ویروب دفن ایلین
خاک و خون ایچره قالوب پیکرانصاریم اویان
بیر طرفدن باخارام ضعف دل آرامین آلوب
بیرطرف حیرته بوینونداکی زنجیری سالوب
باخ یالین ناقه ده گوراونی نه حاله قالوب
اونا باخدوخجا دوتوب اود بو دل زاریم اویان
نه یاتوبسان دور ایدور فوج الم قصد زوال
یولانور قافله غم اله دوربیرقین آل
بو سفرقورخولودور زینبیوی دوریولا سال
قویما دشمنلر اولا یارو نگهداریم اویان
سن منیم زحمتیمی چکماقا چوخ راغبیدین
هامی بیریرده عزیز اولماقیما طالبیدون
بو اوزون یولاری هردمده مراقبیدین
ایمدی یوخ بیر کس اولا مونس و غمخواریم اویان
گیدورم شامه ولی اوزگه بیراحوالیله من
درد و غمدن سارالان رنگ رخ و آلیله من
قرخادین بی پناه اطفالیله من
آه شبگیریم اولورزاد ره و یاریم اویان
بو اوزون یولاری سن بیر سوزه لا سویلمدون
هامی بیر زحمتیمه صبرایلیوب یوخ دیمدون
قونا بو صورته غم گردی قبول ایلمدون
ایمدی سنسیز سارالوب گورنجه رخساریم اویان
طاقت و صبریمی بیریان بوقدرغملرآلوب
کسیلوب صبر و ثباتیم غم دردیم چوخالوب
نجه گور حسرت الیم ظلمیله قوینومدا قالوب
آتش آفاقه سالوب آه شرر باریم اویان
(وافیا) گوهراشکیله گوزل سیر ایلدون
دل ویرانه وی بو اشکیله تعمیر ایلدون
یاخشی بو مطلعی سردفترع تحریر ایلدون
قافلم شامه گیدورقافله سالاریم اویان
دیوان مرحوم وافی تحت عنوان
جلد30 گنجینه گذشتگان انتشاریافته
منبع کانال گنجینه گذشتگان
----------- متن اشعار وافی تبریزی ---------
زبانحال حضرت امام جواد (ع)
بو غربت الکه ده من زارو ناتوان الورم
یوخومدی حالیمه بیرکس باخوب یانان الورم
آتام رضا کیمی گزلین ویروبله زهرمنه
ستمله باغریم اولوب مثل لاله قان الورم
حیات گلشنیمین نخلی گل کیمی سارالوب
بهر عمریم اولوب ظلمیله خزان الورم
آدیم تقی کیمی شغلیم اولوب تقیه منیم
نقدری دشمن ایوینده ایدوب مکان الورم
جواد و حی و قدیمین حضورینه گیدورم
بوقان اولان جگریم الده ارمغان الورم
اگرچه ظاهرصورتده بیر یارام یوخدور
ایدوبدی قلبیمی مین زخم کین نشان الورم
الیم اورکده یوزوم تپراق استه جان ویرورم
بو حسرتیله خدایا ایدوب فغان الورم
شهادتیم منه بیرسود اولوب بو غربتدن
غریب الماقیمی بلمورم زیان الورم
یوزیمه باغلی قالوب چاره یولاری بلورم
علاج دردیمه یوخدور داخی گمان الورم
مدینه شهری دگل جمع اولا بنی هاشم
آلا کناریمی ایل و قبیلم یکان یکان الورم
مگرآتاسی الن نوجوان آتا نعشین
اوغول گلوب گوتومزجان ویرن زمان الورم
اوغول نولورمنی جان ویرمموش گلوب گوره سن
گورم گوزل یوزون ای سرو بوستان الورم
آتا بالا نولی بیرقول بویون اولاقبیرده
اورکده قالمیا حسرتلریم نهان الورم
شکسته قلبیله (وافی)سنون الین دوتارام
جزا گونی سنی تک قویمارام اینان الورم
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
حضرت موسی ابن جعفر (علیه السلام)
یافاطمه دور قبریدن بغداده گل غوغایه باخ
زنداندا اوغلون جان ویرور بیر محنت عظمایه باخ
موسی بن جعفر حالینه هر کیم باخور زار آغلیور
هارون ایدن ظلمه باخور اغیار و اخیار آغلیور
سویلور اوغول وای حضرت احمد مختار آغلیور
طاق سپهره اوج ایدن فریاد وا موسایه باخ
اون یدی ایل زندانیده هر محنته تاب ایلیوب
شام و سحر گوزدن روان اشک در ناب ایلیوب
ظلمیله مسموم اولماقی آخرده ایجاب ایلیوب
زهر ستمله دوغرانان اکباده باخ احشایه باخ
جسم ضعیفی حبسیده از بسکه اولموشدی ضعیف
تنهالباسه اوخشادوب هر بیر گورن نفس شریف
چون کنده و زنجیریله بیر مدت اولموشدی نحیف
شمس الدجا تعبیر اولان اول کهربا سیمایه باخ
بونلان بیله رحم ایتمدی هارون او زار و مضطره
نه روح زهرایه باخوب شرم ایتدی نه پیغمبره
ویردی گینه مین ظلمیله زهر جفا اول سروره
دوغراندی اکبادی دلی مسموم اولان اعضایه باخ
سند بن شاهک مکریله قوردی مرتب بیر اساس
موسی بن جعفر قتلینه ویرسون بیر اوزگه التیاس
ساقینی یاره اوغلووا گیردردی بیر تازه لباس
اظهار اسلام ایلین اول مرتد و ترسایه باخ
حضار بزمه یوز دوتوب ویردی نشان اول حضرتی
سویلوب بو ایشده اولماسون اصلا خلیفه تهمتی
پیغمبر اوغلون سیز گورون بو منزلی بو حرمتی
هر امرینی اجرا ایدن خدام حور آسایه باخ
حضاریدن الدی بیری اول بیکسین حالی خبر
اول شه الین ویردی نشان یعنی گورون وار نه اثر
بلدی هامی مسموم اولوب اول سید خونین جگر
سویلر یدالله اوغلونون اوجونداکی حضرایه باخ
یانسون دلیم فاحش دیسم نه ظلم ایدوب اول بیحیا
بیکس امامه نیلدی حضار مجلسدن صورا
گلچهره سینده ایمدیده شاید همان اثار اولا
سیلی یرین کشف ایلین اول صورت زیبایه باخ
زهرا چراغین ظلمیله اخرده خاموش ایتدیلر
پیغمبرین زحمتلرین الحق فراموش ایتدیلر
کهنه عبائیله گینه اول نعشی روپوش ایتدیلر
بیر مختصر تابوتیله تشییع اولان مولایه باخ
اوچ گون قالوب زندانیده زنجیره باغلی پیکری
دوردومجی گون رخصت یتوب دفن ایتدیله اول مضطری
عصرین امامین دورت نفر حمال توهین اوری
تشییع ایدوب بی مهر اولان بو بیوفا دنیایه باخ
موسی بن جعفر قتلینه هارون گهی فرصت تاپور
گاهی حسین بن علی نعشینده دشمن ات چاپور
زینب باشیندان شمر دون که چادر و معجر قاپور
گل کربلا صحرا سینه اول غارت و یغمایه باخ
دشمن ایله اود ووردولار خرگاه شاه محشره
بال و پری سوزان اولان قوشلار داغیلدی چوللره
یاندی تالاندی قالمادی نه معجر و نه چادره
بیر ساتره محتاج اولان ذریه طاهایه باخ
شاها سنون درگاهیوه یوز قویموشام اهیمیله
امیدیله دود دل و ابرام ابراهیمیله
گورسم سر افرازم اگر لطف شهنشاهیمیله
(وافی) کیمی فخر ایلرم دنیاده بو معنایه باخ
مرحوم وافی تبریزی
منبع کانال گنجینه گذشتگان
----------- متن اشعار وافی تبریزی ---------
زبانحال حضرت فاطمه (س) به حضرت علی (ع)
گل یتوب زمان هجران ختم اولوب وصال عم اوغلی
وقت رفع زحمتیمدورقیل منی حلال عم اوغلی
توکمه اشک آل عم اوغلی
دوقوزایل عم اوغلی ویردیم من سنه بو ایوده زحمت
گورمدون بو دوقوزایلده مدتی سن استراحت
گل بو آیریلیق زمانی بیر اوتور یانیمدا راحت
عرض ایدیم سنه واریمدور نچه عرضحال عم اوغلی
اولا عم اوغلی مندن اولسا خاطرین مکدر
عفو قیل منی گذشت ایت محض خاطر پیمبر
بو زمان احتضاریم سن رعایت ایتمسم گر
راحت اولماقیم اولار بو اورکده محال عم اوغلی
من بو نصف شبده الم اولما سن شکسته خاطر
ایمدی گورسنوری مندن واریقین وداع آخر
دفن و کفنیمه گجیله اول گلن اوزون مباشر
قویما حقیمی دانانلار ایتسون اتصال عم اوغلی
بسکه بیوفا جماعت ایلیوب منه چوخ آزار
ایستمم جنازه م استه اوزگه لراولونسون احضار
غسلیمی منیم اوزون ویر صبح اولونجا بو شب تار
قویما نعشیم استه گلسون قوم بد خصال عم اوغلی
خانمانیمه مبادا اودوورانلاری دوباره
قبریم استه قویما گلسین گلمیوم من آه و زاره
من بو دردیمی آپارام دلده عاقبت مزاره
تا جزا گونینده نیلرحی ذوالجلال عم اوغلی
بیرده من عم اوغلی السم زینبیم باتارملاله
زینبین غم و ملالی چوخ سالوب منی خیاله
اولمارام رضا اوتورسون توزبیرآن او گل جماله
نیلیوم بو گونده گورسم غرق اشک آل عم اوغلی
بیرده بو حسینیله واربیر علاقه نهانیم
دیزده قوتیم حسیندوردلده طاقت و توانیم
آغلاسا حسینیم آرتارقبرایوینده ده فغانیم
یانام آغلارام صباح و شام و ماه و سال عم اوغلی
وار حسینیمون عم اوغلی باشدا بیر بویوک بلاسی
یاندوروب جهانی یاخسا واریری او ماجراسی
کیم گوروبدی بیر بدنده ایله سانسیز بیر یاراسی
گه جداده گه کول استه ایله مه جمال عم اوغلی
باعث غم و المدور جای حیرت و تامل
بیر بشرده ده اولاربیربیله محنته تحمل
بو شکسته بیر دلیله دایم ایتمگه توسل
ایلیوب اوزینه (وافی) فرض و اختصال عم اوغلی
مرحوم وافی تبریزی
منبع کانال گنجینه گذشتگان
نظرات (۰)
هیچ نظری هنوز ثبت نشده است