متن نوحه ترکی مضطر قفقازی
مجموعه اشعار آیینی و مذهبی مرحوم مضطر قفقازی در مدح و رثای اهلبیت علیهم السلام ، متن نوحه ترکی از مرحوم مضطر قفقازی
---
خروج از مدینه
ایستدی تا که کوچ ایده، آلِ عَبا مدینه دن
عرش برینه اوج ایدوب، شور و نوا مدینه دن
گوردیله عزم ایدوب گئدر، چونکه امام ممتحن
گلدیله شور و نالیه، آغلادی جمله مرد و زن
اولدی غریق بحر غم، فاطمه ابر دیده دن
توکدی سرشک عارضه، گوردی بکا مدینه دن
دوتدی یوزین آتاسینا، ایلدی عرض ای بابا
آلِ علی تمامیسی، ایلیوب عزم کربلا
ائتدی منِ یتیمه نی، چرخ فراقه مبتلا
عمّه و باجیلار بو گون، اولدی جدا مدینه دن
من که مریضه اولموشام، کیم منه غمگساراولار
بو وطنیمده یالقوزام، کیم منِ زاره یار اولار
ئولسم اگر وطنده من، منیم یاسیمدا خوار اولار
باجیلاریم کنار اولا، اولما رضا مدینه دن
بو وقته لطف قیل بابا، بیرجه مریضه جانیمه
بو آناسیزی تاپشور اُول، عمّۀ مهربانیمه
یا که سکینه نی شریک، ایله منیم فغانیمه
ترک سفر گل ایله سن، یا ابتا مدینه دن
من نجه تاب ایلیوم، اکبریمون فراقینه
یا نجه صبر ایدوم بو گون، محنت اشتراقینه
حسرتیله باخام گرک، گئتسه بو طوی اطاقینه
گئتمیاجاق گلینجه سیز، درد و بلا مدینه دن
ایلدی بو فلک منی، درد فراقه چون دچار
یولّارا گوز تیکوب گیجه، گوندوز اولام من انتظار
تا وطنه گلینجه سیز، اولار بو دیده اشکبار
اولدی مدینه غم ائوی، گئتدی صفا مدینه دن
هجری علی اکبرین، آلموش الیمدن اختیار
قویمادی راحت اولماقا، چون منی چرخ کجمدار
دشمنِ آل حیدری، ائتدی جهاندا کامکار
سالدی کناره بیزلری، اهل جفا مدینه دن
اولدی امام مشرقین، حشمتِ بی شماریله
کوچ ایلیوب مدینه دن، هودجِ زرنگاریله
عزّت و احترامیله، شوکت و اقتداریله
قصد ایلیوبدی تربتِ، کربُبلا مدینه دن
ائتدی سوار محمله، زینبی شاه نینوا
محملینین کنارینی، آلدیلار آل مصطفا
گلدی بو احترامیله، اولدی مکانی کربلا
گورمدی کربلایه تک، رنج و عنا مدینه دن
مجلس غمده «مضطرا»، ایله فغان و شور شین
اجریوی لطف ایدر سنون، سبط رسول عالمین
گور نقدر چکوبدی غم، اوندا بو حضرت حسین
ایستدی تا که کوچ ایده، آلِ عبا مدینه دن
مرحوم مضطر قفقازی
----------- متن اشعار مضطر قفقازی ---------
احوالات ورود اهلبیت (علیه السلام)
به شهر مدینه
چون وارد اولدی عترت طاها مدینیه
دوشدی صدای شورش و غوغا مدینیه
اهل مدینه قاطبتا ایتدی پیشواز
دولدی نوا و شوریله چون صفحه حجاز
کرببلایه عزم ایدن عزتلی کاروان
ایلوب مراجعت نجه افسرده باغریقان
یوز قویدی اهلبیت پیمبرمزارینه
جان تک او روضه نی هامی چکدی کنارینه
زینب فغانیله او زماندا گلوب دله
بیربیر جفای قوم عدودن گلوب دله
عرض ایتدی جدینه بابا ای جد تاجدار
ایلوب بو امتین بیزی بونوعی خواروزار
شام اهلی ایلدی بیزه چوخ ظلم بیحساب
هریرده شمرایتدی بیزه خارجی خطاب
ظلم یزیدیدن ایدرم حشره تک فغان
ووردی حسین لبلرینه چوب خیزران
جانیم گلوبدی تنگه جفای زمانه دن
گوربیرننوعی صدمه یتوب تازیانه دن
قلبیم منیم جفائیله هریرده داغلانوب
زینب قولی طنابیله چوللرده باغلانوب
امت ایچنده عترتین بابا جان اولمیوب عزیز
بیرشامی شامیده قیزیوی ایستدی کنیز
الدی حسین داغیلدی اساس گیتدی سلسله
سجاد اوغلون اولدی گرفتار سلسله
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت امام سجاد (علیه السلام)
بوگون بو گوشه ویرانه ایچره غمخوارم
اسیر سلسله ظلم قوم کفارم
بویوندا سلسله انظار خلقیده گویا
اسیر دیلم وروم و فرنگ و تاتارم
قوری یراسته دوشوبدوربو یرده جسمیم زار
علاوه بو مرضیمدن اسیر و تبدارم
بواهل شامه گرک نسبتیمی فاش ایلیوم
که من سلاله پاک رسول مختارم
گتوردی تنگه منی بو دو شاخه و زنجیر
نیدیم که سلسله ظلمه من گرفتارم
رقیه ناله سی دلدن توان و تاب اپارور
گیجه صباحه کیمی نیلیوم که بیدارم
خرابه ایچره چراغ و طعام و فرشیم یوخ
بو حالیله اسرایه اوزوم پرستارم
وورالا طعنه بیزه شامیان بد کردار
نشان تیرو خدنگ جفای اغیارم
غمیم چوخالدی داغیلدی ایلیم اتام الدی
دیارشامیده یوخ مونسیم دل افکارم
داغیلدی ظلم و جفائیله دودمان رسول
اسیرعیالینه دشمن ایچنده غمخوارم
کسوبدی شمربابام باشینی جفائیله
جوانلاریمی شهید ایلیوبله بی یارم
گوزوم ایوینده باتوب قانه کاکل اکبر
یخیلدی سرو کیمی قامت علمداریم
خدنگ حرمله دن سولدی گل کیمی اصغر
الیم یتوشموری مشتاق سیر گلزارم
رضای حقیدی حکم قضا علاجیم یوخ
مدام دلخوشام حکم خدایه غمبارم
بو استانیه (مضطر) قویوبدی روی نیاز
همیشه عرض ایدوری یا حسین گنهکارم
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
در احوالات حضرت
علی ابن موسی الرضا (علیه السلام)
چون جا گرفت شاه خراسان بارض طوس
خورشید سرنهاده درش بهر خاکبوس
شاهیکه نور طلعت او نورحق بود
برتافت بر عالم امکان ازان عکوس
درهردوکون صیت جلالش بلند شد
ازفرش تا به عرش رسیده غریو کوس
بنگرجلالتش همه شاهان روزگار
بردرگهش برای نیاز اورد رئوس
هرروز دید ان شه اقلیم ارتضا
اظهار کرد فتنه نو چرخ آبنوس
ای خسرویکه خسرو گردون بامر او
برتخت نیلگون فلک میکند جلوس
آندم که زهر برلب لعلش رسید شد
حیران فلک گرفت بدندان لب فسوس
شوق لقای دوست عنان رهش گرفت
باشد خلاص ازستم دهرچابلوس
لعل عقیق وش چو زمرد ززهرناب
رخسارارغوان چو ویراست وسندروس
بسیار کس فتاده از این توسن فلک
بسیار کس فتاده ازاین توسن شموس
(مضطر)همیشه بردلش ایت آرزو بود
گه بر دیار کوفه رود گه دیار طوس
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت امام حسن (علیه السلام)
به حضرت زینب کبری (سلام الله)
خواب نازیدن دور اویان بودم حالیمه ایله بیرنظرباجی
زهر دوغریوب دل دوداقیمی اود دوتوب یانار بو جگر باجی
سالام عالمه ایمدی شورشین بس هایاندادی شاه مشرقین
گیت چاقور گله قارداشیم حسین آل حیدره ویرخبرباجی
سویله تا گله شاه کربلا گوگلیم ایستوری قبرمصطفا
اوردا من تاپام بلکه تیز شفا زهرایلیوب چوخ اثرباجی
ایلیوب منی زهر ناتوان اغزیما دولوب لخته لخته قان
دوغرانوب جگر گلدی بوزمان طشته قیل بودم بیرنظرباجی
سالما زحمته جسم و جانوی کربلاده ایت بو فغانوی
شمرالدوررنوجوانوی اوندا توک یوزه اشک تر باجی
اغلاماقیدن بیرگوتور باشون صبر قیل یوزه توکمه گوزیاشین
وارسنون هله نچه قارداشون زهریله الم من اگرباجی
بیرتصورایت ایمدی حالیمی عارضه سوزن اشک الیمی
جمع قیل بودم سن عیالیمی قالدی قاسمیم دیده تر باجی
ایلدی سنی محنت بتول بو زمانه ده دائما ملول
هرنه باشیوا گلسه ایت قبول واردی چون سنه چوخ کدر باجی
کربلاده چوخ زینب اغلاسان هر مصیبته سینه داغلاسان
بو حسین گوزون اوندا باغلاسان شمر ایدر سنی دربدر باجی
کربلده وار چوخ مصیبتین شام و کوفه ده چوخدی زحمتین
خیرزرانیدن وار شکایتین شامه ایلسن سن سفرباجی
مرحوم مظطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت زینب کبری (سلام الله)
به حضرت رقیه (سلام الله)
در خرابه شام
گل باغ ال رسول سن بالام اغلاما قیزیم اغلاما
ثمر ریاض بتول سن بالام اغلاما قیزیم اغلاما
قوری یردهمسکن و منزلون یوخ علاجی محنت و مشکلون
منه چوخ چتیندی بو مشکلون بالام اغلاما قیزیم اغلاما
بو گیجه چوخ ایلوسن اضطراب منی حالتین ایلیور کباب
قولووی کسوبدی مگر طناب بالام اغلاما قیزیم اغلاما
سن عزیز شاه مدینه سن سن اسیر فرقه کینه سن
سن همدم نازلی سکینه سن بالام اغلاما قیزیم اغلاما
بو گیجه ندن ایدوسن فغان بو فغانیله منی داغلوسان
نه اولوب سنه نیه یاتموسان؟بالام اغلاما قزیم اغلاما
بیزه یوخ بو شامیده دادرس کمک ایتموری بیزه هیچ کس
اسرادیلر سنه همنفس بالام اغلاما قیزیم اغلاما
هامی بو مصیبته دور دچار ایلمه بو نوعیله اه و زار
قاپودا قالوب گوزون انتظار بالام اغلاما قیزیم اغلاما
یولا تیکموسن ایکی گوزلرون گله یانیوه مه انورون
الوب اکبرون الوب اصغرون بالام اغلاما قیزیم اغلاما
بو خرابده ایدرم نظر هاموسی یوزه توکر اشکتر
هامی در بدر هامی خونجگر بالام اغلام قیزیم اغلاما
یتوشوبدی باشه مصیبتون آزالوبدی رنج و مشقتون
بو گیجه دی آخر زحمتون بالام اغلاما قیزیم اغلاما
منی غصه ایلدی باغریقان ویروسن خرابده بیله جان
چون اولور بو غنچه گلوم خزان بالام اغلاما قیزیم اغلاما
ایلیوبدی قدیمی غصه خم منه ده سنون کیمی یتدی غم
قوری یرده یات بالا بیر بو دم بالام اغلاما قیزیم اغلاما
سارالوبدی گل کیمی گل یوزون اورگینده وار گورورم سوزون
سوله غصیه سالما اوز اوزون بالام اغلاما قیزیم اغلاما
ایله ناله (مضطر) بینوا یته دادیوه شه کربلا
سالوب اود جهانه بو ماجرا بالام اغلاما قیزیم اعلاما
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت رقیه (سلام الله)
با حضرت امام حسین (علیه السلام)
در خرابه شام
بو خرابه شامیده چکوب چون رقیه چوخ محنت ای بابا
روزگاریدن شاکیم اولوب روز وشب منه ظلمت ای بابا
منتظرقویوب بو رقیه نی گوز تیکوب یولا گوزلرم سنی
گل جمالیوه قویموسان منی روزگاریده حسرت ای بابا
شرح اینمرم بو فراقیوی بو اورک چکر اشتیاقیوی
قوی اپوم سنسن گل دوداقیویواردی الده چون فرصت ای بابا
دائما سنی یاده سالموشام اوخشیوب قوری یرده قلموشام
ایمدی سینمه باشون الموشام ایله لطفیله صحبت ای بابا
مرغ دل ایدر چوخ سنه هوسمن یتیمیه یوخدی همنفس
بیر نولور منیم ویر سسیمه سس چون خرابه دور خلوت ای بابا
روزگار دون ایتدی تلخکام ایتمدی منی مقضی المرام
طعن ایدور منه دختران شام ایلمز منه حرمت ای بابا
چکدی دشمن هر یانه باشیوی کیم بلشدوروب قانه باشیوی
جان کیمی باسوم جانه باشیویچکمیشم زبس غربت ای بابا
بسکه ظلم ایدوب شمر بیحیا باغلادی بیزی جمله قول قولا
خارجی بیزه ایلدی ندا تاپدی آدیمیز شهرت ای بابا
آغلاشور هامی گوزلر آغلارام متصل دیوب اکبر آغلارام
یادیمه دوشوب اصغر آغلارام یاندوروب منی فرقت ای بابا
حالتیمی گر ایلسن سئوال گوز یاشی منه ویرموری مجا
الدورور منی غصه و ملال چکمیشم زبس محنت ای بابا
دائم ایلرم بیله اه و زاراولمارام داخی غصه دن کنار
ایلدی منه چرخ کجمدار بو خرابه نی قسمت ای بابا
شمرین بابا بسکه قورخارام یوخ خرابه ده فرش و نه طعام
قالموشام قوری یرده من اجام دا یاتانمارام راحت ای بابا
گه پیاده ام گه شتر سوارباخ ایاقلاریم کیم اولوب قابار
کیم طنابیدن قولاری آچارچوخ منه یتوب زحمت ای بابا
چون اولار بابا عرصه جزا قویما (مضطری) دوزخه یانا
منعقد اولار مجلس عزا او سنه ایدر خدمت ای بابا
مرحوم مضطر
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت زینب کبری (سلام الله)
به حضرت رقیه (سلام الله)
سرشک چشمین اولوب ابر نوبهارقیزیم
اخاربو صفحه رخساره زار زار قیزیم
سارالدی رنگ رخون تپراق استه یاتماقدان
فلک سنی ایلدی بیله خاکسار قیزیم
اسوب سموم جفا گلشن حیاتینده
بسان غنچه سولوبدور بو گلعذار قیزیم
بو گیجه وجهی ندور یاتموسان یوخون گلمور
اویان بویان دونوسن بیله بیقرار قیزیم
همیشه سینمه باشین قویوب یاتاردون سن
سبب ندور بو گیجه اولموسان کنار قزیم
از اغلا جوخ اوجادان اغلاما امان گونیدور
که قورخورام گله اول شمر نابکار قیزیم
سنین بو ناله سسین قویموری منه طاقت
باخوب بو حالتیوه اولام اشکبار قیزیم
چتیندی بیرده علی اکبرین یوزون گوره سن
گوزین قاپودا قالوب چکدون انتظار قیزیم
زبسکه غصه چکوبسن خرابه ایجره مدام
داخی بو جسمیده یوخ تاب و اختیار قیزیم
الونجه غصه انیسیندی همدمین ناله
قضا بلایه سنی ایلیوب دچارقیزیم
طناب قولاریوی چوخ کسوبدی اینجموسن
قالوبسان اج قوری یرلرده دلفکار قیزیم
لباس کهنوه باخدوقجا اودلانور قلبیم
دیار شامیده اولدون بو نوع خوارقیزیم
بو حسرتیله بو ویرانه ایچره جان ویروسن
کفن کیم ایلیاجاق قبر کیم قازار قیزیم
قالار بو شامیده قبرین سنین غریبه مزار
مگر ایدر حاجیلار قبریوه گذار قیزیم
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت زینب کبری (سلام الله)
به حضرت رقیه (سلام الله)
ندندی یاتموسان ای بلبل مدینه قیزیم
باشیوی قوی سینمه اغلاما حزینه قیزیم
الوب قراریوی الدن بو اضطراب سنون
کسوبدی قولاریوی ظلمیله طناب قیزیم
بو ارزوئیله توکدون همیشه اشک بصر
گله خرابیه تا بلکه قارداشون اکبر
سبب اودور توکولور عارضه بو گوز یاشیم
جنازه وی گوتوره یوخدی قوم و قارداشیم
گرک النجه سنه اغلیام من محزون
قوری یر استه بو ویرانه ایچره جان ویردون
بو حاله اغلوری سکان عالم لاهوت
نه بیر کفن گتورن وار حنوط یوخ تابوت
هلاک ایدر منی بو غم قیزیم الوبدور اج
پیمبرین نوه سی کهنه معجره محتاج
بو غم قیامته تک باغریمی منیم داغلار
دیار شامیده قالدی بالام غریبه مزار
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت زینب کبری (سلام الله)
به راس منور حضرت امام حسین (علیه السلام)
در شهر شام
گینه عروج ایلیوب نیزیه یارالی باشون
حکایت ایلوری گه بدری گه هلالی باشون
ووروبلا سنگ جفا قلبیمی ایدوبدی کباب
بو اق محا سینیوی قانبله ایدوبدی خضاب
متابعت ایدرم منده ای امام مبین
محاسینین کیمی زلفیم منیم اولا رنگین
اورک فغانه گلور درد اشتیاقوندان
اپنمورم باجون السون او گل دوداقوندان
او لبلریکه مکرراوخورکلام الله
روادی نیزیه وورسونلا فرقه گمراه
سنون بو باشیوه پیغمبرایلدی تکریم
بو شهرین اهلی ندن ایلمز بو گون تعظیم
باخاندا باشیوه ای افتاب چرخ برین
بو صفحه قمره متصل اخور پروین
بو راه ورسم محبتدی اختیار ادب
گرک دالینجا دولانسون سنون باجین زینب
باشین جداده ایدور جلوه چون مه تابان
دوتوبدی دورینی باشلار چو کوکب رخشان
مرحوم مضطر قفقازی زنوزی
منبع کانال گنجینه گذشتگان
----------- متن اشعار مضطر قفقازی ---------
احوالات جناب مسلم ابن عقیل (علیه السلام)
چون کوفه ایچره اولمادی بیر یار مسلمه
ایتدی احاطه لشکر کفار مسلمه
هم تشنه و غریبیدی هم بیکس و غریب
غربتده بیر تاپولمادی غمخوار مسلمه
یوز دوندروبدی هر یانا بیر کس تاپانمادی
تا که اولیدی محرم اسرار مسلمه
سانسیز قشون آرایه آلوب بیر یارالینی
بیر کیمسه اولمیوبدی هوادار مسلمه
بسکه هچوم ایلدی کوفه جماعتی
باغلاندی راه کوچه و بازار مسلمه
ایلوب کمین او بیکسی بیر ظالم دنی
ایتدی حواله تیغینی رخسار مسلمه
اولدی شکسته دیشلری قان دولدی آغزینا
ال تاپدیلار او فرقه غدار مسلمه
قول باغلی چکدیلر اونی دارالعماریه
وارد اولوب جراحت بسیار مسلمه
ابن زیاد قتلینه فرمان ویروب او دم
طعن و شماتت ایلدی حضار مسلمه
نعشین آتوبلا ظلمیله چون بامیدن یره
چوخ ظلم ایدوبدی قوم جفا کارمسلمه
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
زبانحال حضرت امام حسین (علیه السلام)
در بالین حضرت علی اکبر (علیه السلام)
یخیلوب یر یوزینه سرو خرامانون اوغول
صرصر ظلمیله تیز سولدی گلستانون اوغول
اختیار الدن الوب خیمیه چون گلدی سسین
گلدیم ایمدی یتوشم داده اولام دادرسین
بسکه چوخ یاره دگوب ضعف ایدوسن وار نفسین
خیمیه گیتماقا قالموب داخی امکانون اوغول
دور گیداق خیمیه ای سبط رسول مدنی
تا دویونجا گوره لیلای ستمدیده سنی
ظلمیله قتله یتوردی سنی بو قوم دنی
حالتی اولدی پریشان داخی لیلانون اوغول
صورتا سن ای اوغول مظهر پیغمبریدون
خلقا و خلقا و نطقا او شهه مظهریدون
صولت و سطوتیله نایب اول حیدریدون
ظلمیله سالدی ایاقدان سنی عدوانون اوغول
قانیوه باتماقا گوگلوم ایله مشتاق اولوب
مجلس وحدت ارا چونکه بو میثاق اولوب
مصحف رویون اوغول ظلمیله اوراق اولوب
صفحه رزمیده جدول چکوری قانون اوغول
حسرتین قالدی همیشه دل لیلاده علی
یتمدون کامیوه شوقیله بو دنیاده علی
ووردی یاره سنه لشکر اولدون افتاده علی
چوخ موثردی منه حال پریشانون اوغول
ویرمشم شوقیله قربان بیله جانانه سنی
چون نشان ایلدیلر ناوک پیکانه منی
تشنه لب تا سالالار صفحه میدانه سنی
تا چیخا گل بدنوندن یارالی جانون اوغول
گر چه گل تک ورق رویون اولوب ایمدی خزان
راحت اولدون بو جهاندان ایلدون عزم جنان
جدیوه امتینین ظلمینی سن ایله بیان
شاهیدین پیکر مجروح و لب عطشانون اوغول
عرصه عشقیده عاشق اولا هر چند ذلول
زحمتی محضر جانانیده محبوب و قبول
قوری یر استه علی جان ویروسن گرچه ملول
امرتسلیم و رضا ایلدی جانانون اوغول
من نجه حسرتیله قامت رعنایه یاخوم
فانیله رنگین اولان روی دل ارایه باخوم
یا نجه خیمه ارا ناله لیلایه باخوم
باغریقان ایلدی لیلانی بو هجرانون اوغول
ایمدی سندنصورا بو فیض منه
خاک و خون ایچره الم چوخلی سعادتدی منه
یربت کرببلا جای اقامتدی منه
دالجا گیت گلوری بیر به بیر اعوانون اوغول
بو حسین درگهینی خالق ایدوب خلقه پناه
(مضطرا)غم ایلمه هر نقدر اولسا گناه
سویله بو مصرعی هر چند اولا نامه سیاه
یخیلوب یر یوزینه سرو خرامانون اوغول
مرحوم مظطر قفقازی (تبریزی)
منبع کانال گنجینه گذشتگان
----------- متن اشعار مضطر قفقازی ---------
زبانحال به حضرت امام حسین (علیه السلام)
ای شه مظلوم حسین وای وای
بیکس و مغموم حسن وای وای
گیتدی بو صحراده جلالین سنون
غارت اولوب مال و منالین سنون
قول قولا باغلاندی عیالین سنون
ای شه مظلوم حسین وای وای
کرببلا ملکی سنه عرشدور
ایسی قوم استی قوری یر فرشدور
زینبین السون بو نجه نعشدور
ای شه مظلوم حسین وای وای
قانلی باشین نیزده شامه گیدر
آیه قرآنی تلاوت ایدر
شمر ایلیوب عترتیوی دربدر
ای شه مظلوم حسین وای وای
شمر ستم پیشه کسوبدور سرین
آتلار ایاقینده قالوب پیکرین
ای آنام اوغلی هانی بس اللرین
ای شه مظلوم حسین وای وای
اوخلارا گل پیکرین آماج اولوب
خیملرین ظلمیله تاراج اولوب
عورت اشاق معجره محتاج اولوب
ای شه مظلوم حسین وای وای
قمچی وورار باشیمه شمر دنی
زینبین عرشه اوجالوب شیونییم
سنسیز اسیر ایلدی دشمن منی
ای شه مظلوم حسین وای وای
ویرمز امان شمر و سنان آغلیام
نعشیوین استنده سینه داغلیام
اولمادی ممکن گوزیوی باغلیام
ای شه مظلوم حسین وای وای
شامه طرف کوچ ایدوری قافله
هاردادور عباس آلا بیدق اله
قافله اهلین یتوره منزله
ای شه مظلوم حسین وای وای
ایسی قوم استنده یارالی بدن
آرتوری بو بیکسه دردو محن
معجریم اولسیدی ایدردیم کفن
ای شه مظلوم حسین وای وای
ووردولا شام اهلی باشون نیزیه
عترتین آردینجا گیدر کوفیه
یوخسا قوناقسان بو گیجه خولیه
ای شه مظلوم حسین وای وای
قوم عدو دوغرادیلار اکبرین
اوخلادیلار تشنه علی اصغرین
شیعه فداسی اولا نسکللرین
ای شه مظلوم حسین وای وای
(مضطر) اولوب دهریده غرق گناه
کثرت عصیان ایلیوب روسیاه
گتدی امیدیله بو بابه پناه
ای شه مظلوم حسین وای وای
مرحوم مضطر قفقازی (تبریزی)
منبع کانال گنجینه گذشتگان
----------- متن اشعار مضطر قفقازی ---------
احوالات حضرت فاطمه زهرا (سلام الله)
چو یتدی موسم رحلت بتول عذرایه
درخزینه عصمت جناب زهرایه
زبسکه دورفلکدن چکوبدی غصه و غم
اولوبدی سرو قدی هجرمصطفادن خم
اوسر قلبینه بیر کس تاپانمادی محرم
ایدوبدی دردینی اظهار امیر بطحایه
دیوبدی حیدرکراره بانوی عصمت
من فلک زده دن ایمدی ایلمه غفلت
رسول موت گلور الده قالمیوب فرصت
گرکدی روح صعود ایتسون عرش اعلایه
ایشیت وصیتیمی ای امیر ملک حجاز
فراق وقتیدی هنگام دیدو رازو نیاز
منه عم اوغلی اوزون غسل ویر هم ایله نماز
بو سریمی ایلمه آشکار اعدایه
دوتوبدی گوگلیمون آئینه سینی گرد ملال
گل ایله بذل عطوفت منی سن ایله حلال
گراختیارعیال ایله سن امامه نی آل
روف دور او بلورسن عیال طاهایه
آنالاریندان صورا بیکسدی زینب و کلثوم
حمایت ایت حسنینه یتیم دولر مظلوم
بیری جفائیله مقتول اولار بیری مسموم
دوشر عیال پیمبر بلایه غوغایه
ویرنده فاطمیه غسل حیدرکرار
گوروبدی جسم شریفینی چکدی ناله زار
ووروبدی جسمینه چون تازیانه لر اشرار
یتوبدی صدمه کلی مطهر اعضایه
او حالیده یتوشوب بلبلان باغ بتول
نه گوردولر که وفات ایلیوبدی بنت رسول
چکوبدی نعشینی آغوشه هرایکیسی ملول
غریب کرببلا گلدی بو تمنایه
خطاب قیلدی که ای شاخه دوحه مدنی
زمان سابقه تک چک بودم کناره منی
فراق وقتیتیدی تا ایلیوم وداع سنی
قولووی بوینوما سال شایقم بیر ایمایه
اوجالدی ناله زهرا آجیلدی بند کفن
چکوب کنارینه اوغلانلارینی چو پیراهن
حسن فغان ایلدی باشلیوب حسین شیون
خطاب گلدی آیور اونلاری او مولایه
آیردیلار حسنینی جنازه دن آرام
ولیک کرببلا ایچره شمر بدفرجام
سکینه نی آیروب ایلیوبدی ظلم تمام
ووروبدی قمچی صبایای سترکبرایه
بتول محنتی(مضطر)سالوب جهانه شرر
ننوعی غمدی ایدوب کل کایناته اثر
بو عصمت الهه آغلا آتاسی ویردی خبر
شفیعه دور بوخانم روز حشر عقبایه
مرحوم مضطر قفقازی
منبع کانال گنجینه گذشتگان
----------- متن اشعار مضطر قفقازی ---------
ورود به شام
دوتوب شام اهلینی حیرت گلن دوردی گیدن دوردی
کسیلمیش باش ایدر صحبت گلن دوردی گیدن دوردی
قاچاقاچ دوشدی شهر ایچره هامی حیران و سرگردان
گورنلر بیر بیره فورا قضایانی ایدر اعلان
گلون یاخشی تماشا وار جداده باش اوخور قرآن
تعجب گلدی کیفیت گلن دوردی گیدن دوردی
هامی مایل هامی مشتاق باخا اعجوبۀ دهره
تعجبلو تماشادن آپارا حصه و بهره
یغان بازار و دکانین قاچار دروازۀ شهره
گلوب بی حدّ جمعیت گلن دوردی گیدن دوردی
مگر یول وار بیری گلسون یولی ویرسون نشان گچسون
دیسون گلمه گلن صبر ائت سنق محمل دایان گچسون
دیدله یوخ باجی قارداش گرکدور یان به یان گچسون
هامومیز ایلیک رؤیت گلن دوردی گیدن دوردی
همان باش یدی ضربتلن ذبیحاً من قفا اولدی
مکان و منزلی گه دیر و گه مطبخ سرا اولدی
ولی شامه گلن وقته او باش انگشت نما اولدی
دولوب دروازۀ ساعت گلن دوردی گیدن دوردی
جداده آیۀ کهفی تلاوت ایلین وقته
عجائب سرگذشتیندن حکایت ایلین وقته
ضلال اهلین رهِ حقّه هدایت ایلین وقته
دگوب اول باشه بیر ضربت گلن دوردی گیدن دوردی
نجه صبر ایلسون آخر گرک قان آغلیا زینب
شدایدِ مصیبتدن سینه سین داغلیا زینب
چوخ حسرت چکدی قارداشین یاراسین باغلیا زینب
ولاکن اولمادی فرصت گلن دوردی گیدن دوردی
تردد باغلانوب کوچه دوتولدی راه سد اولدی
جماعت بیر بیری اوستن گلوب بی حصر و حد اولدی
نه فرمایش ایدوب شمره امامون امری رد اولدی
بیر آزدا ظلم اولوب شدت گلن دوردی گیدن دوردی
دیدی دوندرمه ای ظالم بی بیمون اشکینی نهره
آپار بو قانلو باشلاری بیر آیری راهدن شهره
تماشاچی چکیلسون قوی او سنگ دل گلوب قهره
ایدوب برعکسنه نیت گلن دوردی گیدن دوردی
ویروب فرمان حسین باشی دوروب خواهر قباقینده
اوغولون باشی ساخلاندی او دم مادر قباقینده
خانملار ناقه اوستونده قالوب گونلر قباقینده
خجالت حال اوچ ساعت گلن دوردی گیدن دوردی
دیدی بیر شخص یاز مضطر مغلظ کلمه عنوانی
دیدوم یوخ مجلس اهلینون یانیندا کنزو برهانی
اوزاندی سوز چکوب بحثه سولاندی جنگ میدانی
بیر اولمادی ایکی نیت گلن دوردی گیدن دوردی
مرحوم مضطر قفقازی
----------- متن اشعار مضطر قفقازی ---------
زبانحال امام حسین (ع)
به حبیب بن مظاهر
اوضاع روزگار اولوب برهم ای حبیب
غصه منه قرینیدی غم همدم ای حبیب
گلدون من غریبه سن امداد ایتماقا
اسرار قلبیمه اولاسان محرم ای حبیب
بو شام و کوفه لشکری ایلوبله اجتماع
آچموش سپاه غصه و غم پرچم ای حبیب
حکم ایلیوبدی ابن زیاد ستم شعار
پیغمبرین چراغی اولا مظلم ای حبیب
بو کربلا دیاریدی جدیم ویروب خبر
بو یرده اوج ایلیاجاق نالم ای حبیب
راه رضا و عشق و محبتدی ثابت اول
عاشق گوزی همیشه اولار پرنم ای حبیب
آماده اول سموم اسرصحن گلشنه
مشکلدی بیرده قلبین اولا خرم ای حبیب
بو آق محاسینون خضاب اولی قانونله ظلمیله
نعشین یارالی یرده قالار اول دم ای حبیب
تازه جوانلارین یخیلارسرو قامتی
ایلرجفا بو قامتیمی چون خم ای حبیب
بو اهل کوفه دن نقدر ظلم ایده ظهور
آل پیمبره یتوشرچوخ غم ای حبیب
اکبرجنازه سی دوشجاق قوملاراستینه
اولمازاو زخم و یاره سینه مرهم ای حبیب
اصغربوغازینه دگجاق تبرحرمله
تیره اولارگوزیمده هامی عالم ای حبیب
مین بیله لشکراولسا یقین باک ایتمرم
روباهیدن نه باک ایدرضیغم ای حبیب
(مضطر)سنون زیارتیوه شوقمنددیدور
قلبینده وارهمیشه بو سوز مبهم ای حبیب
مرحوم مضطر قفقازی
منبع کانال گنجینه گذشتگان
نظرات (۰)
هیچ نظری هنوز ثبت نشده است