متن نوحه ترکی صالح تبریزی

مجموعه اشعار آیینی و مذهبی صالح تبریزی در مدح و رثای اهلبیت علیهم السلام ، متن نوحه ترکی از صالح تبریزی

---

زبانحال حضرت رباب (سلام الله)

 

آغلاما ای گُلِ خندانیم اوغول

نیلیوم یوخ سووا امکانیم اوغول

 

ای گُلِ نورسِ گلزارِ وفا

باغلیوب سو یولونی اهلِ جفا

قویمیوب سَنده عطش رنگ و صفا

سارالوب سولدی گلستانیم اوغول

 

ای یوزی صورتِ جانانه زُجاج

هم سوسوزسان بولورم سن همی آج

نیلیوم واردی الیمده نه علاج

قوریوب هر ائیکی پستانیم اوغول

 

سَنَه باخدوقجا بالا اودلانورام

یوخ علاجیم ندی دردون قانورام

منده سن تک سوسوزومدان یانورام

آلشور سینهٔ سوزانیم اوغول

 

گوزیوه اوچ گئجه دور گلموری خواب

یورولوب خسته دی بیچاره رباب

سهلدور عمّه لرون اولدی کباب

یاندی بو جمع پریشانیم اوغول

 

ایلوری رنگِ رخون حالیوی فاش

ساکت اول ایلمه بیر بیله تلاش

داغلانان سینمی چوخ ایتمه خراش

بویادی اللروی قانیم اوغول

 

بولور عالَم بونی ای طاقتی طاق

رسم دور بو صود امر یوخلار اوشاق

بو قوری سینه او خشکیده دوداق

وار عجب حالیوه میزانیم اوغول

 

آغلاماقدان دوتولوب بیله سسون

یا دوشوب یوخسا شماره نفسون

تنگ اولوب طایرِ روحه قفسون

نطقه گَل مرغ ِخوش الحانیم اوغول

 

بالاجا گوزلرون آچ باخ یوزیمه

تا ویروم بیرجه تسلّی اوزیمه

بو نه حالتدی بالا کول گوزیمه

چخماز آخر نیه بس جانیم اوغول

 

گر چه چوخ گُل هامی گلشنده سولار

آچمامیش غنچه سولا مشکل اولار

سارالان رنگیوه باخدوقجا دولار

ابر تک دیدهٔ گریانیم اوغول

 

نسگلیم آرتار آچاندا گوزیوی

باسارام باغریما جان تک اوزیوی

قیمارام اوپماقا امّا یوزیوی

اود ویرور چون لب ِعطشانیم اوغول

 

اوزگه بیر شوقیله نچه آی علی

گجه گوندوز دیمیشم لایلای علی

ایمدی یانّام دیرم ایوای علی

اوجالور گوگلره افغانیم اوغول

 

(شأنی) بو طفل ربابون گوزیدور

دم ویرن نوحیه مطلق اوزیدور

سوز ربابوندی نه صابر سوزیدور

آغلاما ای گل خندانیم اوغول.

 

مرحوم شانی و مرحوم صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

زبانحال حضرت زهرا (س)

 

ای ماخلقه خلقتی پیرایه عم اوغلی

جان اوسته عنایت ایله زهرایه عم اوغلی

 

ای گل یوزی غملی گویولون لطف و صفاسی

عیسایه ویرن دم، نفس روح فزاسی

بیر نیمه نگاهون اولی مین درد دواسی

هر درد یتر سنله مداوایه عم اوغلی

 

توفیق خدادور منه بو لحظه بو ساعت

سالمیش باشما شاه ولا ظل عنایت

محشر گونی اولسا نقدر اهل ولایت

منده سالارام باشلارینا سایه عم اوغلی

 

بی عیب بولن سن کیمی پاکیزه سرشتی

تشخیص ویرر مسحدیله دیر و کنشتی

من سنله عوض ایلمرم باغ بهشتی

گر چه گیدورم جنت الاعلایه عم اوغلی

 

آیریلسا گورن گوزدن اگر پرده و پوشش

دریای عوالمده گورر واردی نه جوشش

مین عالم اولا مادر گیتی ایده کوشش

حاشا گتوره مثلوی دنیایه عم اوغلی

 

ای کسوت ایمان و عدالتله ملبس

وی باعث تنظیم سراپرده اطلس

سالسا ئوزونی پایگه عشقوه هر کس

بیر پایه سینه آرتوری مین پایه عم اوغلی

 

ای قلب لیالیده یوزی فالق الاصباح

شرمنده جمالندان اولان جلوه مصباح

دنیانون اموراتی سنیله اولی اصلاح

فیضون یتوشر عالم عقبایه عم اوغلی

 

مظهردی جمال حقه ،مرآت جمالون

روشندی جمالوندا تجلای جلالون

مین درد فراقه عوض اولدی بو وصالون

بو بارده دل یتدی تمنایه عم اوغلی

 

لوح دله تصویریدی بو حسن خداداد

سنسن یر اوزونده سبب عالم ایجاد

ویرانه گویول بیر نظرونله اولی آباد

محتاجدی مرضیه بیر ایمایه عم اوغلی

 

ای اسوه تقوی، ئوزی تندیس عدالت

همتا سنه خلق ایلمیوب خالق عزت

وار فاطمه ده گور نجه اقبال و سعادت

همسردی سنون تک شه والایه عم اوغلی

 

ای فیض دمیندن دم آلان روح مسیحا

الطافی اولان خاطره مریم و سارا

مه صورتوون، محو تماشاسیدی زهرا

حسرتدی فلک بیله تماشایه عم اوغلی

 

ای درگهنون تپراقی عشق اهلنه مسجود

عالمده یوزی قبله، اوزی کعبه مقصود

بی مثل یاراتمیش ئوزی تک مثلوی معبود

آیتدی یوزون آیت کبرایه عم اوغلی

 

سنسن ایدن احیا، صحف حی قدیمی

سنسن دله واضح گتورن عظم رمیمی

عشقوندی چکن سینه سینایه کلیمی

سنسن گورونن طورده موسایه عم اوغلی

 

قاصردی دلیم سنده دیسم وار نه کرامات

سنسن هامی مختاجلره قبله حاجات

عالملره سنله ایدرم فخر و مباهات

آند اولسون او ذات حق یکتایه عم اوغلی

 

ای برج امامتده اولان شمس ولایت

وی بارقه طلعتی روشنگر ظلمت

بو مدتی ایتدون منه احسان و کرامت

واضحدی که گون فیض ویرر آیه عم اوغلی

 

ای عاشق و دلباخته طلعت داور

عشقی اولان عشاقه ره عشقده رهبر

افسوس خزان اولدی گل باغ پیمبر

باد غم اسوب گلشن طاهایه عم اوغلی

 

تا مهبط تنزیل حقه ویردیلا آتش

طاهانون اولوب خاطری جنتده مشوش

واقفسن ئوزون اولدی او ساعت نه کشاکش

بیر جمع کثیر آچدی ال ایذایه عم اوغلی

 

بیر کشمکش اولدی اورگیم قانیله دولدی

جور و ستم خاریله عمروم گلی سولدی

من طاقت ایده بولمدیم اما اولان اولدی

گور کیم دایانار بیله بلایایه عم اوغلی

 

قلبونده سنون وار اثر رحمت لاهوت

بو عالمویله ایدوسن عالمی مبهوت

قبره منی تاپشورماقا حاضر ایله تابوت

قوی صورتیمی صورت غبرایه عم اوغلی

 

یوز کامینه دور ایلدی گردونه گردون

دورانیمی وارون ایلدی گنبد وارون

احوالیمی اطفالین ایدور حالی دگرگون

غم یوز ویروری خاطر شیدایه عم اوغلی

 

زهرایه اولوب مونس شب ناله دلگیر

اولدن اولوب آب و گلی دردیله تخمیر

اولماز دل بشکسته اولان قابل تعمیر

صدمه یتشوب دلده کی ماوایه عم اوغلی...

 

آقای صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

در مدح حضرت ابوالفضل (علیه السلام)

 

ای برفراز لوح وفا نقش نام تو

آزادگان دهر مریدمرام تو

 

دربخشش و فضائل تو این مقام بس

تا شد دراین خصوص ابالفضل نام تو

 

لایق بشان بودی و هستی که چارامام

گیرنددرمقام ادب احترام تو

 

خورشید و آسمان و ملائک زهشت خلد

آیند هرسحر به درود و سلام تو

 

گردد عیان زمنصب باب الحوائجی

ذات خدا ستوده کمال و مقام تو

 

این فخربس تورا که شدی چاکرحسین

نازد به خسروان زمانه غلام تو

 

یک عمرآرزوی تو این بوده بگذرد

باعشق سید الشهدا صبح و شام تو

 

طوبی بدست ساقی وحدت که جرعه ای

کزلطف ریخت باده غیرت به جام تو

 

خورشید طلعتی و مه آل هاشمی

ایزد نماست عارض ماه تمام تو

 

ازحشمت و جلال سلیمان فزونتر است

درپیشگاه ذات خدا احتشام تو

 

قائم شد ازقیام حسینی ستون دین

روزی که کرد شورقیامت قیام تو

 

آبی طلب نما و مکن با عدو ستیز

آزاد شد روح تو زامرامام تو

 

گامی که عاشقانه نهادی بکوی دوست

این شد دلیل طی ره اهتمام تو

 

ای صاحب صلابت و صولت به رزمگاه

شدتوسن سعادت و اقبال رام تو

 

انانکه ازخیال تو عمری خیالیند

آسوده اند صبح و مسا درکنام تو

 

تکیه بعدل و داد زدی درقبال ظلم

کاین عدل و داد بود دلیل دوام تو

 

کرده هوای دانه خال تو مرغ دل

برسدره پرکشد اگرافتد ببام تو

 

سرو سهی زقد رسای تو پا به گل

حیرت زده زشیوه و ناز خرام تو

 

درغاضریه گوش دل اهل عالمی

بشنید جمله در پند کلام تو

 

الان ظهری ان کسر یابن بوتراب

برشد نوا زنای امام همام تو

 

ای جان من فدای لب تشنه ات کسی

آبی نریخت ازره احسان بکام تو

 

(صالح)به سروران جهان فخرها کند

گردد بیک اشاره کمینه غلام تو

 

مرحوم صالح تبریزی

منبع کانال گنجینه گذشتگان

 

----------- متن اشعار صالح تبریزی ---------

در احوالات حضرت علی (علیه السلام)

 

گینه مین خیالیله سالمشام باشما خیالوی یاعلی

بو امیده برگونی تا گورم او گوزل جمالوی یاعلی

 

مه مهر و انجم و اسمان سنیله تاپوب شرف و جلال

سنه کیمسه رتبه و جاهده یته یا برابر اولا محال

بو جهان گیده گله مین جهان سنون اهل معرفت و کمال

ایده جاقدی مایه ابرو صفت کمالوی یاعلی

 

سنیله حریم ولایته سرکوی وحدته راه وار

در دولتینده شهاسنون هامی بی پناهه پناه وار

یر اوزونده کیمده سنون کیمی بو مقام و حشمت و جاه وار

هامی کیمسه دن حق ایدوب فزون شرف و جلالوی یاعلی

 

سنیله مباهی و افتخار صف حور و فوج سروش ایدر

سیلان مهرویله سنون یم عشق جوش و خروش ایدر

اولا پای بست کیمسنه هامی عمر حلقه گوش ایدر

در خاص پند و کلاموی گهر مقالوی یاعلی

 

بو زمانه ده سنه هرکیمون اولا دلده حب ولایتی

گیده قبره خوف و غم ایلمز اولی سهل حول قیامتی

سنه دوست سهلیدی دشمنون اولی بی حساب ارادتی

گوره لایزال صفاتوی نبوی خصالوی یاعلی

 

می ناب عشقوی نوش ایدن اولی می پرست اولی حق پرست

ایله باده نی وورا کیم دله اولی شور عشقوه پای بست

بو نه عشق دور بونه باده دور که ایدوب منی بیله مست مست

هله میل وار گنه نوش ایدم او می زلالوی یاعلی

 

سنی خلقته سبب ایلیوب کرمیله ما خلق افرین

هامی دورده اودی دورونه دولانور بیله فلک و زمین

سنون ای خدیو جهانیان گوره مثلوی بو جهان چتین

نجه برده مام جهان سنون گتوره مثالوی یاعلی

 

یتوروبدی بیت معظمی شرف و جلاله جلالتون

شرف ارتروب ویروب ابرو هامی پیک حقه مناعتون

سنی کبریا منش ایلسون یری وار مقام سیادتون

بو جلالی کیم گوره یاد ایدر حق ذوالجلالوی یاعلی

 

نه سفینه دله بیر زمان یم درد و غمده کناره وار

بیله موج بحر مخوفدن نه منه نجات دوباره وار

هامی درده سندن اولار دوا هامی چاره سیزلره چاره وار

باشیم اوسته لطف ایله تا گوروم اثر ظلالوی یاعلی

 

او جلال و عزت و شانیله او مقام و شوکت و جاهیله

او گل جمال و جمیلیله او خمار چشم نگاهیله

گهی ماهه دردوی سویلدون گهی دل دیدون سرچاهیله

دل لاله قانه دونوب گوروب او سرشگ الوی یاعلی

 

سن اوسان که اخدی گوزون یاشی هامی عمر عارض انوره

گیجه گوندوز اوخشیوب اغلادون غم هجر دخت پیمبره

بو جهاندا منشی غم سنون یازا شرح حالوی دفتره

یتوشر تمامه مگر یازا غم و ابتهالوی یاعلی

 

او پیمبرین قیزی فاطمه که ایدردی زخم دلون رفو

اونا بین درب و جدارده یاراووردی ثانی کینه جو

گیدوب ارزولرین ایلدون اوزوه شها الوم ارزو

حرمونده تاکه گورن زمان یارالی عیالوی یاعلی

 

سنیدون که یار و انیسسیدون هامی عمر درد و بلائیله

سنیدون که عمروی ایلدون سپری فقیر و گدائیله

بو سیادتیله هزار حیف دم تیغ و ظلم و جفائیله

ستم اهلی سالدیلا تپراقا ثمر نهالوی یاعلی

 

هامی دادیار و طبیبلر سنه وار امید دل الغرض

بر اشارتونله مریضدن اولی دفع هر غم و هر مرض

سنی باغ و راغ بهشتله بو جهاندا ایلمرم عوض

هامی همتی بودی (صالحین) گوره گل جمالوی یاعلی

 

مرحوم صالح تبریزی

 

----------- متن اشعار صالح تبریزی ---------

حضرت امام زمان (عج)

 

شها چرا تفقدی ازاین گدا نمیکنی

نظر به چشم مرحمت  به آشنا نمیکنی

 

برای دیدن رخت حجاب جان سبب شده

ولیک واقفم مرا زخودجدا نمیکنی

 

بشوق پای بوس تو بکوی عشقت امدم

زراه لطف اعتنا بمن چرا نمیکنی

 

من ای امیرقافله که آیم از قفای تو

ندانم از چه ره نظر تو بر قفا نمیکنی

 

من شکسته دل مگر دل ترا شکسته ام

که برمن شکسته دل تو اعتنا نمیکنی

 

بکاردل زهجرتو گره فتاده است عجب

مگرتو عقده های دل به غمزه وا نمیکنی

 

بقلب مفلسان غم چه میشود نظرکنی

تو مشتی خاک تیره را مگر طلا نمیکنی

 

تو چاره ساز عالمی توئی طبیب درد من

بدرد دل علاج دل چرا دوا نمیکنی

 

بخاک آستانه ات رخ نیازهشته ام

که حاجتم روا کنی چرا روا نمیکنی

 

بدولت و به مرتبت رسیدنم بدست تو ست

چو میروی نظاره ای بزیر پا نمیکنی

 

قیامت آفریده ای بدان قیام قامتت

دوباره حشر دیگری عجب بپا نمیکنی

 

صفا گرفته گلشن دو عالم ازصفای توست

که گفته باغ عشق را تو باصفا نمیکنی

 

هرآنچه خواستم مرا عنایت ازتو شد ولی

کنون بآنچه طالبم بمن عطا نمیکنی

 

تو خواجه من غلام تو تو شاه من گدای تو

روا بود عنایتی به بینوا نمیکنی

 

زنای دل نوا رود رسد بدشت نینوا

کسی چه داند از کجا چو نی نوا نمیکنی

 

زکعبه تا نجف روی ولیک نیست باورم

که بانوای دل گذر زکربلا نمیکنی

 

بناله خو گرفته ای چو نی بدل نوا فکن

تو(صالح)ازچه روی دل بکربلا نمیکنی

 

مرحوم صالح تبریزی

منبع کانال گنجینه گذشتگان

 

----------- متن اشعار صالح تبریزی ---------

زبانحال در احوالات حضرت زهرا (س)

 

نه وفالی عیالیدون که فلک سنی مندن بله کنار ایلدی

دشت ظلمین خطالی صیادی، ختن آهوسی تک شکار ایلدی

 

نه عمل باعث اولدی زهرا جان جسمدن رخت الفتی سویدون؟

آرزو ایلدون اجل گلسون، دیریلقدان زمانه ده دویدون

ایوون آباد اولا اوزون گیتدون بو کمکسیز علینی تک قویدون

سنون آیریلماقون قرار آپاروب دلده هجرون غمی قرار ایلدی

 

یانارام حسرت ایلرم بوکولن اوجا بویلی او سرو قامتوه

بو نه عالمدی دست خار ستم دگه گلدن لطیف صورتوه

هر زمان باغلینده قان اورگیم من گلردیم سنون زیارتوه

خوش گونوم سنله گیتدی، غم گلدی ایویمی یخدی، تار مار ایلدی

 

خاطرمدن مگر چیخار ثانی ظلمله ایتدی سینوی یاره

اورگیم باشی اود دوتوب یاتدی، بدنون توش اولاندا مسماره

نیه بس ئولمدیم دیری قالدیم، سن ایدن گونده تکیه دیواره

من او گوندن حیاتیدن دویدوم، قلبیمی قان بو روزگار ایلدی

 

چرخ عمرونده شرق عصمتدن او گونی که ویردی باش، سنیدون

گون غروب ایلسیدی، سن گون تک کلبه مون هر یرینده روشنیدون

نیه مندن علاقوی کسدون؟ سن که روشنگر دل منیدون

صبره باخ ئولمدی علی، قالدی سنی تا داخل مزار ایلدی

 

سنی خلق ایلین علینی گورور، بیر کسی یوخدی چوخ فشاره دوشوب

کمکی عالمین کومکسیزدی، دام اندوه بی شماره دوشوب

گورن احوالیمی دیر گویا، گون الیندن یره ستاره دوشوب

آختارور گون مدینه اولدوزونی، گوره کیم فاقد مدار ایلدی

 

سن کیمی هر کیمون شریک غمی گیتسه الدن، جهاندا کاش ئوله

سن الدن ویرن علی آغلار، چوخ چتین شاد اولوب جهاندا گله

نوبهاریم دونوب خزان اولدی، باخمارام بیرده گلستاندا گله

گلوم آخر دچار خار اولدی، منه هر نیلدی او خار ایلدی

 

باب طاها الولانان گوندن اورگیم اود دوتوب الولانوری

خرمن عالمه همان اوددان وار یقینیم بیر اود دوشوب یانوری

سنه پیغمبره اهانت ایدن بیر جماعت مگر علی تانوری؟

ئوزونی حق شناس اولان انسان ایکی دنیاده رستگار ایلدی

 

رحلت مصطفاده افلاکه آهیم اوج ایتدی پرده به پرده

سن ئولندن بو قلب مجروحیم زخمدار اولدی غصه دن بیرده

کیم بولر قالمیشام نه احواله، غم علینی سالوب یامان درده

گجه سین روز حشر ایدوب گردون، گونوزون گوزده شام تار ایلدی

 

چکلوب داغلی سینم اوستنه داغ بو مصیبتده داغ لاله کیمی

قمر چرخ عشقین اطرافین دود آهیم آلوبدی هاله کیمی

سنه صدمه قباله اوسته ویران، پاره پاره اولا قباله کیمی

اورگیم بندینی ایلدی پاره، دل طاهانی زخمدار ایلدی

 

کاش اولییدی غمیم بو عالمجه، اولمییدی ولی بله عالم

تا جهان وار منیم بو عالممه سوز غمده یانار بنی آدم

بار محنت کمان چرخ کیمی قامت مرتضانی ایلدی خم

قد سرویم بوکولماقی فلکین قدین اگدی هلال وار ایلدی

 

بسلمشدی دل صدفده سنی بیر گهر تک خدیجه کبرا

تاپدی اهریمن زمانه سنه ال، یاندی بو فقددن دل دریا

تا وارام آغلیوب یانام آزدی سنه ای حقه آیت عظما

سن کیمی گوهر شکسته دلی، صدف عشقدن کنار ایلدی

 

سن او زهرائیدون حیاتینده سنیله افتخار ایدردی رسول

دیزیمون قلبمونده طاقتیدی، گوزیمون نوریدی دیردی بتول

خاطریم غملنر ملول اولام، فاطمه آغلاسا گر اولسا ملول

سنه آزار ایدن رسول حقه گور نجه ظلم بی شمار ایلدی

 

بو مبرهندی دار فانیده غم قبالندا جان دوام ائتمز

کوه تک استوار اولان انسان غم ایوینده قالوب مقام ایتمز

صاحب احترام اولان شخصه ایمدی بیر کس اونا سلام ایتمز

یوخدی کیمسه علی سلامین آلا، بو مصیبت منی فکار ایلدی

 

دوزمدون لامحاله بیر نچه گون، عمرومون گونلری تمام اولسون

قورتولوم هم و غمدن، بلکه منه آز هتک احترام اولسون

دوزه بولمور علی بو آیرلیقا، زینبونده نجه دوام اولسون؟

سن کیمی بو زمانه زینبیده ایمددن غملره دچار ایلدی

 

هر کس اولدی زمانه ده طماع، حرص و آز اوسته اولدی عمری هدر

کشتزار وفاده بذر وفا، هر کیم اکدی ویروبدی یاخشی ثمر

یوللانور کاروان راه بقا، باغلا(صالح) جهاندا بار سفر

منزل طاعته یتشدی او که ناقه نفسینی مهار ایلدی

 

مرحوم صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

زبانحال حضرت زینب (س) در فراق مادرشان

 

ای گلشن جمالی صفای بهار آنا

عمرون گلون خزان ایلدی دست خار آنا

 

سن باغبان باغ صفا و امیدیدون

مُشکین اولاردی سنله نسیم بهار آنا

 

سالموشدی سایه باشیمه لطف و عنایتون

سایه نه سایه، سایه ی پروردگار آنا

 

یتمز مقام مریم عذرا مقامیوه

سنده اولان فروغ و صفا کیمده وار آنا

 

عزّ و وقاره سنله یتوب خِیل انبیا

اهل ولایته سنیدون اعتبار آنا

 

تاپمازدی یول حضوریوه پیک خدای حق

سندن گر اولماسیدی اونا حکم بار آنا

 

ایستردی هر سحر ایده حسنون گونی طلوع

سندن اولاردی مهر فلک شرمسار آنا

 

ایتدون حیا و عصمتیله تربیت منی

ای مکتب جلالته آموزگار آنا

 

عصمت سنه حجابیدی، عفّت سنه نقاب

آیریلمادی باشوندا اُلونجه خِمار آنا

 

خورشید مه فروغ جمالونلا هر گجه

روشن اولاردی خانه ی تاریک و تار آنا

 

مدهوش ایدردی زینبی عطر ولایتون

غبطه ایدردی عطریوه مُشک تتار آنا

 

شبنم اُپردی هر ورقون ای گل مراد

گوهر اولاردی باشیوه گویدن نثار آنا

 

صرّاف دهر مخزن عصمتده گورمیوب

بیر سن کیمی صفالی دُرِ شاهوار آنا

 

مغز طفِیلیدور سنه بو خلقت جهان

سنله اولوبدی کون و مکان برقرار آنا

 

من تک رحیق عشقیویله سرگران اولان

تا نفخ صور مشکل اولا هوشیار آنا

 

قام فریضه ده ال آتاندا نیایشه

حاجاتیوی ایدردی روا کردگار آنا

 

سجّاده ی نیایش و چادر نماز شب

سندن جهاندا قالدی منه یادگار آنا

 

قویموبدی پایدار اولا آمالیوین گلی

گل شاخه سینده گیتی ناپایدار آنا

 

کاش اولمیِیدی قصّه ی بیعت، او گیر و دار

سقط جنین، حکایت دار و جدار آنا

 

آتش سالاندا مهبطِ وحی خدایه یول

معناده دوتدی خرمن گیتی شرار آنا

 

فوج زغن هجوم آپاروب گلستانیوه

گل شاخه سیندن اولدی سینوب شاخسار آنا

 

خاره دچار ایدن گل عیش و مرادیوی

اولسون گوروم ادامه ی عمرونده خار آنا

 

خارین ایشی اذیّت و آزاریدور مُدام

خاریله گل نه نوعی اولار سازگار آنا

 

دشت خُتاده ایلدی صیّاد کین خطا

ایتدی به سانِ صید سنی زخمدار آنا

 

قدرت الین طنابیله باغلی گورن زمان

سندن او حال سلب ایلدی اختیار آنا

 

محبوبه هجری قلب حبیبه سالار شرر

آغلار یانار مُفارقت یاره یار آنا

 

ارثون ملالی سالدی سنی اختیاریدن

عمرومجه آغلارام سنه بی اختیار آنا

 

گیتدون قرار ایتدون اوزون قلب خاکیده

آلدون بو بی قرار دلیمدن قرار آنا

 

آلدی سپاه درد و مصیبت کناریمی

مندن او ساعتی که سن اولدون کنار آنا

 

دفن ایلدون اوزونله هامی دلده کی سوزون

بی پرده ایتمدون غمیوی آشکار آنا

 

سن که غریب و دربدر غمگساریدون

قالدون تک ایوده بی کس و بی غمگسار آنا

 

بوکدی او سروقامتیوی او کوله بار غم

اولدی سپید سنده اولان زلف تار آنا

 

کیمدور گونوز وفات ایلیوب قبر ایاقینه

سن تک گیده زمانی اولا رهسپار آنا

 

ایتدی به سانِ غنچه سنی تنگدل فلک

قلبونده اولدی لاله صفت داغدار آنا

 

قالدی یانان اورکده تمنّای بی شمار

گلمز شماره دردیوی ایتسم شمار آنا

 

گوردون جفا زمانه ده جور زمانه دن

تار ایتدی روزگاریوی بو روزگار آنا

 

شاد اولدی دشمنون سنی ایتدی دچار غم

عمروم نه قدری وار منیده اشکبار آنا

 

صالح غلام درگهون اولسا حساب اگر

عالمده خسروانه ایدر افتخار آنا

 

مرحوم صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

حضرت امام زمان (عج)

 

شها چرا تفقدی از این گدا نمیکنی

نظر به چشم مرحمت به آشنا نمیکنی

 

برای دیدن رخت حجاب جان سبب شده

ولیک واقفم مرا زخود جدا نمیکنی

 

به شوق پای بوس توبکوی عشقت آمدم

زراه لطف اعتنا بمن چرا نمیکنی

 

من ای امیر قافله که آیم از قفای تو

ندانم از چه ره نظر تو بر قفا نمیکنی

 

من شکسته دل مگر دل ترا شکسته ام؟

که بر من شکسته دل تو اعتنا نمیکنی

 

بکار دل ز هجر تو گره فتاده ای عجب

مگر تو عقده های دل به غمزه وا نمیکنی

 

بقلب مفلسان غم چه میشود نظر کنی

تو مشت خاک تیره را مگر طلا نمیکنی؟

 

تو چاره ساز عالمی توئی طبیب درد من

بدرد دل علاج دل چرا دوا نمیکنی

 

به خاک آستانه ات رخ نیاز هشته ام

که حاجتم روا کنی چرا روا نمیکنی؟

 

زمن خطا چه سر زده چه گفته و چه کرده ام

عجب که هرچه خوانمت مرا صدا نمیکنی

 

بدولت و به مرتبت رسیدنم بدست توست

چرا مدال نوکری بمن عطا نمیکنی

 

تو ای که بر ملک سری فلک بزیر پای توست

چو میروی نظاره ای بزیر پا نمیکنی

 

قیامت آفریده ای بدان قیام قامتت

دوباره حشر دیگری عجب بپا نمیکنی

 

صفا گرفته گلشن دو عالم از صفای توست

که گفته باغ عشق  را تو با صفا نمیکنی

 

تو ماه مهر پروری ترا سزد وفا کنی

جفا که نیست کار تو چرا وفا نمیکنی

 

تو هر که را نشان کنی نشان خوب میکنی

جهان اگر خطا کند تو یک خطا نمیکنی

 

هر أنچه خواستم مرا عنایت از تو شد ولی

کنون بانچه طالبم بمن عطا نمیکنی

 

من ان بلا کشم بجان بلای تو خریده ام

چه شد دگر که صحبت غم و بلا نمیکنی

 

تو خواجه من غلام تو تو شاه و من گدای تو

روا بود عنایتی به بینوا نمیکنی

 

ز نای دل نوا رود رسد بدشت نینوا

کسی چه داند از کجا چو نی نوا نمیکنی

 

زکعبه تا نجف روی ولیک نیست باورم

که با نوای دل گذر ز کربلا نمیکنی

 

بناله خو گرفته ای چو نی به دل نوا فکن

تو (صالح) از چه روی دل به نینوا نمیکنی

 

 صالح تبریزی

منبع کانال گنجینه گذشتگان

 

----------- متن اشعار صالح تبریزی ---------

وصیت حضرت فاطمه زهرا (سلام الله)

 

عم اوغلی محضرون درک ایلماق عین سعاتدور

منه جان اوسته تشریفون خدادن ببر عنایتدور

 

ایدوب یمن قدومون قلبدن خرسند زهرانی

بو احسانون بتوله منتهای لطف و رافتدور

 

گل رخساروه اگلش تماشا ایلیوم بیرده

گلیله صحبت ایتماق، بلبله دیرینه عاتدور

 

طواف کعبه دن افضلدی طوف کعبه حسنون

اورک بو کعبیه هر لحظه مشتاق زیارتدور

 

وجودون علت غائیدی خلق کون و امکانه

رهین منت نفس نفیسون، نفس خلقتدور

 

ولایت چرخنه سن مهرسن، من بیر مه تابان

بو مهر و ماهه افلاکین مه و خورشیدی حسرتدور

 

زمین و آسمان و عرش و کرسی، ثابت و سیار

جلال و شوکتونله صاحب عز و جلالتدور

 

سنیله هر گونوم شاد و مسرت بخش اولوب، اما

منه هر ساعتیمدن خوشترین ساعت بو ساعتدور

 

سن ای شمع وفا، ایله نطر پروانه عشقه

بو زهرادور همان پروانه شمع محبتدور

 

دم جانبخش عیسی پرورنونله دخت طاهایه

طبابت ایله، بیماروندی محتاج طبابتدور

 

سنی ملک ولایه بولمین والی، دانان حقون

جزاده مستحق ناردور چون بی ولایتدور

 

ولی اللهدن ایتماق حمایت خلقه واجبدور

خدا فرمانیدور آیین و قانون شریعتدور

 

مباهات ایلرم سن تک امامه جان فدا ایتسم

سنه قربان ایدم مین جان، گنه بو جانه منتدور

 

سنه الله ئوزی قیمت ویروب، قدرون بولر عالم

بیری گر بولمسه قدرون، ئوزی بی قدر و قیمتدور

 

عیاندی فاطمه بیر تار مویون عالمه ویرمز

منی بو امره وادار ایلین عشق ولایتدور

 

سنه لایق بولوب حق، مسند حق تکیه گاه اولسون

ولیکن حقوی غصب ایلین چوخ بی لیاقتدور

 

گورنده قدرت الله اللرین باغلی باخوب یاندیم

پوزان زهرانین احوالین او پوزقون وضع حالتدور

 

گیدنده مسجده، یوزده نقابی ایلدیم محکم

که بولسون اهل عالم، فاطمه تندیس عفتدور

 

بحمدالله من اولدوم بو سببدن لطفوه شامل

که قرب محضر شهده، نصیبیم بیله دولتدور

 

مبادا خاطرون رنجیده اولسون بیر وصیتدن

که مندن ببر اشارت مختصر سندن اجابتدور

 

ویروب تغسیلمی بیرده تدارک ایله بیر تابوت

گجیله قبرده دفن ائت، سنه هر چند زحمتدور

 

یاخوندور قابض الارواح مندن قبض روح ایتسون

حلال ائت حقوی زهرایه چون هنگام رحلتدور

 

بتوله یوخدی امکان بسترین ترک ایلسون هرگز

دوروب اگلشماقا یوخ طاقتی، سینه جراحتدور

 

گذشت ایله اگر بو حالیله من ایلورم صحبت

بله احوال، من تک همسره عالمجله خجلتدور

 

جزاده منتقم قهاره جور و ظلم دشمندن

شکایت ایلرم حق محضری، جای شکایتدور

 

کمان چرخ وارونی، خمیده قد ایدن غمدن

عم اوغلی زهره زهرادکی بو قوس قامتدور

 

هامی درد و غمی نه من دیوم، نه سن سوال ایله

دیسم یتمز تمامه چون مطول بیر حکایتدور

 

قسم ئوز جانوه، جانیم عزیزی بو حسینیمدور

اونا خاطر نه یوز ویرسه بو خسته جانه منتدور

 

ئوزون بو نکته دن آگاهیسن ای خسرو آگاه

که بو کلثوم و زینب قلبیمه یارا و طاقتدور

 

بو گللردن حفاظت ایلدیم بیر باغبان مثلی

نه تک هر تک تکی بیر گلدی، گلدن با لطافتدور

 

بیری لاله، بیری سوسن، بیری یاس و بیری زنبق

گلستان بهشته هر بیری بیر طرفه زینتدور

 

توجه ایتموشم اولسون اثر((صالح)) یازان سوزده

بولورسن دخت طاها معطی نطق و فصاحتدور

 

 صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

ورود به مدینه

 

گوگلوم کیمی ویرانه نی ویرانه دی گوردوم

بی لانه و پر مرغ دله لانه دی گوردوم

 

غم چولقالیوب غملیه غمخانه دی گوردوم

تاریکیدی سوز یوخ یوخودی وضع رفاهی

 

روشن ایلدوخ صبحه کیمی مشعل آهی

هر قیز سارالان گُل یوزینی قویدی ترابه

 

رشک چمن خلد برین اولدی خرابه

شبنم کیمی گوزیاشلاری بنزردی گلابه

 

ویرانه اولوب عطر و گلابیله معطّر

ریحان و گُل و غنچه ی نابیله معطّر

 

اولدوخ بیر اوزون مدّت او ماواده زمینگیر

احوالیمیزی ایتدی حوادث متغیّر

 

هیچ غم بیزه دل یاره سی تک ایتمدی تاثیر

یخمازدی بیز آل اللهی اندوه فراوان

 

شام اهلی ووران دل یاراسی سالدی ایاقدان

بیر گون آتا مرگین ایشیدوب باخبر اولدی

 

مین تیر غمه قلب رقیّه سپر اولدی

بیر قوش کیمی سیندی پری، بی پال و پر اولدی

 

نیلر او قفس بلبلی که دانه سیز اولسا

ناچار قوری یرده یاتار لانه سیز اولسا

 

هجران قوتاروب عالم وصلی اله سالدی

گوردی آتا باشین بالا آغوشیوه آلدی

 

بیر منظره یوز ویردی، گویه ناله اوجالدی

باش بیر طرفه دوشدی اوزی بیر یانا دوشدی

 

فوج شهداده او بالامدا سانا دوشدی

گرچه غمی چوخ مایه ی حزن و تعب اولدی

 

امّا او قیزون اُلماقی امر عجب اولدی

کاخ ستمی یخماقا عمده سبب اولدی

 

پرگار یزیدی او قیزون همّتی یخدی

شالوده ی کفری او گونون نهضتی یخدی

 

هند اوغلی گوروب آز قالور اولسون ایوی برباد

مجبور اولوب آزاده لری ایلسون آزاد

 

ویرانه ده یاتدون دیدیم اولسون ایوین آباد

ای قلبیمون آرامی رقیّه گیدیروخ بیز

 

غربت بو ولایتده سنی ترک ایدیروخ بیز

یغدیم داغیلان سلسله ی آل عبانی

 

هودجلره میندیردیم اوزوم خرد و کلانی

آغلار گوزیله قصد ایلدوخ کرب و بلانی

 

میعادگه حضرت جانانه یتیشدوخ

قربانگه حق کوی شهیدانه یتیشدوخ

 

گوردوخ که بلا دشتی دگل گلشن جاندور

افسوس او طراوتله بهارینده خزاندور

 

هر لاله سینون باغری بو باغریم کیمی قاندور

اشکیم کیمی بیر باش سو باش آلموشدی آخاردی

 

اوددان باش اودی دللره سالموشدی آخاردی

چشم اسرا دوشدی قبور شهدایه

 

یوز ویردی وله عالمی گویا اسرایه

بیر قبر که چوخ اشبهیدی عرش خدایه

 

مندن سوروشوبلار نیه شش گوشه دی بو قبر

جان نکهتی وار جانه عجب توشه دی بو قبر

 

بو سوزده گوزوم اشکیله تر ایلدی دامن

لازم اوزومه بُلدوم ایدم مطلبی روشن

 

وار علّتی شش گوشه دوشوب طرحه بو مدفن

اوچ گوهره گنجینه دی بو قبر مطهّر

 

اکبردی، حسین ابن علیدی، علی اصغر

هر کس که اوز ایستکلیسینون تاپدی مزارین

 

آچدی باشینی، باش داشنا قویدی عذارین

گُل تک اُپوب ایگلردی قرار دل زارین

 

بیر دسته بو آق زلف سریمدن اله آلدیم

گُل تک یارالی قارداشیمون قبرینه سالدیم

 

سجّاد گَلر باخدی غم اوستن غم تازه

گر قیزلار ادامه ویره لر سوز و گدازه

 

ممکندی اُلوب گیتمیه لر بیرده حجازه

غم یتسه گینه غملی دله طاق اولی طاقی

 

امر ایلدی ترک ایلماقا مُلک عراقی

توفیق عنایت ایلیوب خالق سبحان

 

وحدت یارادا (صالحینن) (حافظ قرآن)

شرکتله یازوب تاپدی گوزل طرزیله پایان

 

هر کس اولاری باندی بُلوردی گینه بُلسون

غالب ایکی بیر جاندی بُلوردی گینه بُلسون

 

حافظی تبریزی و صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

استمداد حضرت ابوالفضل (ع)

 

ای صفّ نعالندا ایدن حور ، اقامت

فوجِ مَلکه درگهی کانونِ جلالت

تشریفوه لازمدی که ایثار ایلیم جان

تشریف گتور ، قارداشون اولسون سنه قربان

 

سنسن گورونن طورده موسای کلیمه

سنسن ایدن اعطای نفس ، عَظمِ رَمیمه

سندن یتوشر روح و صفا قلبِ سلیمه

تصویرون اولوب لوحِ دله نقش ، ازلدن

عبّاسوه السیزدی یتور ال گیدور الدن

 

ای فیضِ لبِ لعلی ایدن زنده مسیحی

جنّاتی مصفّا ایلین روحِ مَلیحی

دلباخته داوودی ایدن صوتِ فصیحی

مایلدی گویول شاد اولا بیر لحظه سسوندن

یورقون نفسیم دینجله فیضِ نفسوندن

 

سنسن ایکی دنیاده سزاوارِ نیایش

هر عُقده تاپار عشقِ کلیدونله گشایش

وار دلده تمنّا ایدورم بیر بیله خواهش

بلکه عوضنده منه لطفِ نظر اولسون

عبّاسه یولون توپراقی کُحلِ بَصر اولسون

 

عالَمده اولوب شُهره سلیمان ، حشموندن

حاشا بیری محروم اولا خوانِ کرموندن

گویلوم ایوی روشن اولی یُمنِ قدموندن

قیل رنجه قدم تا اولا ویرانه گویول شاد

غم خانه سین آباد ایله ، اولسون ایوین آباد

 

گر یتسه مدد بیرده منه همّتِ اقبال

سالّام اله دامانوی ای معنی اجلال

هر حالده روشندی سنه علّتِ احوال

حکمت سنیله کسبِ مقام و شرف ایلر

هر دردی عنایت نظرون برطرف ایلر

 

عالَم سنیله عالَم اولوب ، عالَم اولاندان

آدم سنیله آدم اولوب آدم اولاندان

من رُتبته یتدیم سنیله باهم اولاندان

ای کاش گلیدون گینه ده همدم اولیدوق

بیر قالبِ تنده ایکی جان باهم اولیدوق

 

بیر کودکیدیم مهدِ وفاده سنه قربان

گوز دردی ویرردی منه آزارِ فراوان

بیر باخماقون ایتدی گوزومون دردینه درمان

هرگز دیمورم دلده سنه چوخلی سوزوم وار

اما گینه قانلی گوزیله سنده گوزوم وار

 

گر شامل اولا حالیمه الطافِ الهی

گورّم باشیم اوسته اثرِ رحمتِ شاهی

سلطانیله وار بنده لرون عزّت و جاهی

عبّاس بو جاهی شرفِ عالمه ویرمز

بو عزّتینی سلسلهء آدمه ویرمز

 

مرغِ دله بو سینم اولوب لانهء تاریک

پیکِ اجل ایستور اولا بو لانیه نزدیک

وار دایرهء دلده ولی نکتهء تاریک

پرگار صفت کاش گلینجه دایانیدیم

ای نقطهء وحدت باشوا من دولانیدیم

 

سوز یوخ که گرک غصّه بنی آدمه گلسون

قارداش نقدر غملی دل آیا غمه گلسون

عالمده نظیرون هانی بو عالمه گلسون؟

عالملر اولار عالموون حسرتین ایلر

ایستکلیلرون بو گونوون صحبتین ایلر

 

بو غم دگی صدمه بدنه یا باشا یتسون

قارداش غمی مشکلدی ولی قارداشا یتسون

قورخوم بودی روح آیریلا عمروم باشا یتسون

الدن اله باشیم دوشه باشدان گیده بیر باش

سودایه دوشن باش ، باشوا اولمیا شاباش

 

غم باده سی لبریز ایلدی دلده کی جامی

تلخ ایلدی بو آیریلقین محنتی ، کامی

دوتسا نفحات نفَس یار مشامی

بو نکهتِ جانبخشیله روحیم ئولر ، ئولمز

خوار اولسون او کسلر که سنون قدروی بولمز

 

تا گلدی امان نامه ایا سبطِ پیمبر

بو نکته سنون خاطروی ایتدی مکدّر

بو باره دن ایتدون منی مختار و مُخَیَّر

بو خجلته گوزدن آخوری ایمدیده قانیاش

دنیا بویی نفرین او امان نامیه قارداش

 

ایلوب منی سرخوش لبِ لعلونده کی باده

نوش ایلماقا واردی گینه میل و اراده

زهرا آناوون خاطرینه سال منی یاده

یوخ بیر کسیم ای هر کسین امّید و پناهی

سندندی شها نوکروون عزّت و جاهی

 

جان کوکبنون وار بولوسن حالِ اُفولی

بنزر گویون اولدوزلارینا سیرِ نزولی

چوخ مایلدیم منده گورم دختِ رسولی

بو عزّته نائل ایلدی خالقِ عزّت

تا ایتدیم آنان زهرهء زهرانی زیارت

 

عالمده سنی آزدی بو عالم ایده تعریف

تا وار نفسیم وار آتام اوغلی منه تکلیف

فکریم بودی تا سن گتورن وقتده تشریف

بو صون نفسیمده گینه مأنوسون اولیدیم

بیرده دولانوب باشوه پابوسون اولیدیم

 

مِهر و مهِ افلاکیدی دیداروه طالب

آراسته دی پرتوِ حُسنونله کواکب

گویلوم اولوب از بس گلِ رخساروه راغب

عبّاسوه امدادویله ایله عنایت

تا کعبهء حُسنوندن آلا فیضِ زیارت

 

قالمور او قدر شمعِ حیاتیم اولا خاموش

درد و غمِ هجرونله منی ایتمه هم آغوش

پروردهء احسانون اگر اولسا فراموش

نخلِ هدفیم باره گلوب پُر ثمر اولماز

عبّاسوی محروم ایلسن ، مفتخر اولماز

 

دلده اولان اَسراری گوزوم یاشی ایدر فاش

هر درد و غمونده ئوزوم اولدوم سنه یولداش

قارداشینا حامیدی یامان وقتده قارداش

هنگامِ حمایتدی ایا سَرورِ آگاه

لطفا" اتگوندن الیمی ایلمه کوتاه

 

(بیر مشک سو تحصلینه ایتدون منی مأمور)

همراهیم اولان مشگیله دوشدوم یولا مسرور

تا گلسون اله دلده اولان مقصد و منظور

بیر حمله ده تسخیر ایلدیم شطّ فراتی

چون خضر ، عجب سالدیم اله آبِ حیاتی

 

گوردوم که دگل خشمده ، آرامیدی دریا

بیر خسته دلی ایتدی نسیمی سویون احیا

من غرقِ تماشا ، سو منه غرقِ تماشا

لعلِ لبِ عطشانیمه عطشانیدی گوردوم

سرگشته اولان حالیمه حیرانیدی گوردوم

 

دلکش سسی جان گوشنه چون نغمهء دلبر

بیر نغمه که آرامشِ هر قلبِ مکدّر

ایستوب لبِ خشکیده و عطشانی ایدم تر

آرام اولا بو باره ده اوز دل تپشیندن

دریا هیجاندیدی او سو مُرتعِشندن

 

دوتوم سویی ال اوسته ، یوزه گوز یاشیم آخدی

غم آتشی یاندیردی یانان قلبمی یاخدی

عکسون سودا گورسندی گوزوم عکسوه باخدی

تشنه دلوون دلده غمین ایلدیم احساس

گل ویرما دئدیم آبِ فراتی دله عبّاس

 

سلطانِ جگر تشنه اگر اولماسا سیراب

حاشا اولا گلزارِ حیاتیم گُلی شاداب

تابِ دلِ عالَم نه روادور اولا بی تاب

بو باره ده ترک ایلمدیم رسمِ وفانی

دریایه روانه ایلدیم آبِ روانی

 

آچدیم او تهی راویه نون بندین او ساعت

سالدیم سویا دولدوردوم ایدم دوشیمه زینت

هر صدمه دن ایلردیم اونی حفظ و حراست

بیر شمع کیمی آتشِ شوقیله یاناردیم

پروانه صفت باشینا مشگین دولاناردیم

 

سو مشگینی تا که ایلدیم دوشیده محکم

ایتدیم ئوزومی خیمیه گلماقه مُصمّم

دوشدوم یولا سرعتله گلیردیم یولی ، هر دم

گاهی اوپوب ایلردیم اونی زینتِ آغوش

سو مشگمیله هر غمیم اولموشدی فراموش

 

ناگه یولی مسدود ایلدی خصمِ زمانه

بیر طُرفه نشان اولدی گلن تیره نشانه

اوخ مشگه دگوب ، اشگیم اولوب یوزده روانه

بو منظره تار ایلدی دنیانی گوزومده

غمدن اثرِ یأس و ندم تاپدوم اوزومده

 

مشگین سویی اشگیم تک اولان وقتده جاری

آز قالدی کسه تیغِ اَلَم دلده کی تاری

صَعب اولدی منه امر ، گلیم خیمیه ساری

تا واقف اولام دلده کی اندوه و غموندن

افسوس که اولدوم خجل اهلِ حرموندن

 

چاتدیم سنیله مرتبت و منصبه قارداش

یتدیم اودی تشیبع اولونان موکبه قارداش

مندنده سلام ایله باجیم زینبه قارداش

آل گویلونی تا اولمیه محزون و دلفکار

سویله اونا قالدی باجی جان محشره دیدار

 

هر ذرّه سنیله اولی بیر چشمهء خورشید

بو امرده اولماز که اولا شبهه و تردید

بابِ کرموندن اولا حاشا بیری نومید

بو (صالحین) ایله سن ئوزون دردینه درمان

زهرا آناوون خاطرینه قیل اونا احسان.

 

مرحوم صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

زبانحال حضرت فاطمه (سلام الله)

به  حضرت علی (علیه السلام)

 

ای ولاسی عین ولایت ختم الانبیا یاابالحسن

سیزدن ایلیوب کسب اعتلا خیره النساء یااباالحسن

 

تک نه فاطمه بیرجهان سنون دام عشقوین مبتلاسی وار

گلشن جمال جمیلوین خلددنده آرتوخ صفاسی وار

سنده مین طبیب زمانه نون هم دواسی وار هم شفاسی وار

چاره سیزلره بینوالره ایله سن دوا یاابالحسن

 

مقدم همایون سروره رسمیدورایدلرگهرنثار

ممکن اولمادی من بو باره دن واریری ایدم سندن اعتذار

ویراجازه ای میرممتحن تا که الده وقت و مجال وار

منده ایلیوم نقد جانیمی جانیوه فدا یاابالحسن

 

ای صفاتی ذات حقه مثل ای ولی خلاق ذوالمنن

تخت و تاج ملک ولایتین صاحبی اوزی میرممتحن

باغ حسنه بیرگلدی مصطفی سنسن اول گل عشقه پیرهن

بو گلی اوزی پرورش ویروب خالق علا یاابالحسن

 

سنله عالم ذریده شرف انبیائیله اولیا تاپوب

مهروماه و اجرام نه فلک نورویله ضوء و ضیا تاپوب

کعبه و منا مروه و صفا سنده کی صفادم صفا تاپوب

گلشن ولایتده حشره دین واردی بو صفا یاابالحسن

 

سن امام کون و مکانیسن واردی ارتباطین خدائیله

باغلادین ازلده معاهده عشق و شوریله مصطفائیله

توتیا ایدردیده جهان خاک مقدمین التجائیله

آستانیوه یوزقویارسنین خسرو گدا یاابالحسن

 

خلق ایدوبدی خلاق ذوالمنن ذاتیوی منزه سرشتیدن

سیزدن اوزگه آگه دگل منیم باشیمه گلن سرنوشتیدن

سربسرسرای ولایتین باصفادی باغ بهشتیدن

جایگاه حورو فرشته دوربیله بیر سرا یا ابالحسن

 

حشمت سلیمان یترمگراحتشام و فرخنده جاهیوه

جانیوه قسم اهل عالمین احتیاجی واربیرنگاهیوه

باغلیوبدی زهرا امیدینی هرزماندا امیدگاهوه

بیرالی که دامانیوی دوتوب ایلمزرها یاابالحسن

 

اشک چشمیله شیشه دلین گرچه فاطمه گردروب ایدر

لیک بیرنپاهونله قلبیدن رفع ابتهال و کروب ایدر

عصروقتی گون گیتسه مغربه آفتاب عمروم غروب ایدر

بو غروبیدن تیره تاراولار قلب نه سما یاابالحسن

 

وارنقدری گنج محبتین ارزش و بهاسی خدا بلر

پایه و اساس کرامتون اعتلاسین اهل وفا بلر

دردی اولسا بیر کیمسیه دیمز آشنا غمین آشنا بلر

سندن اوزگه یوخ بو زمانه ده درده آشنا یاابالحسن

 

سیزدن اوزگه بیر فرده لاجرم ذره اعتنا عالم ایلمز

کیم دیر سیزین حکموزه عمل عالم ایلمزآدم ایلمز

جانیوه قسم حقیوه قسم هرایکی جهاندا غم ایلمز

لطف اوزیله بیرلحظه هرکیمه ایتسن اعتنا یا ابالحسن

 

کیم سنیله ایتسه موافقت رستگاراولوب ایلمزخلاف

حق کلامینه اعتصام ایدریارو یاور عترت مناف

یمن اعتبارونله بدویدن عالمه اولوب کعبه بیرمطاف

هاردا خشتیده سنگیده اولاربیربیله بها یاابالحسن

 

شکراولا جمالین زیارتی صون نفسده اولدی منه نصیب

یوخ جهاندا محبوبه من کیمی یا که سن کیمی همدم و حبیب

دلپذیردورصحبتین سوزین شرح حال وصفیندی بس عجیب

دل ویروب سنه فاطمه کیمی یارو دلربایاابالحسن

 

کیم بلر که آزاده جبریله قیده بسته اولسا نلرچکر

کیم بلرکه دلداده دن اولان دلشکسته اولسا نلرچکر

کیم بلرایوینده تک اگلشن زارو خسته اولسا نلرچکر

دام ابتلاده قالان بلروارنه ماجرا یا ابالحسن

 

گورعم اوغلی انصافیدور یانا قلب فاطمه داغداراولا؟

آتشیله درگاهی اودلانا دردو ابتلایه دچاراولا

خارظلمیله گل وجودیدن دست و سینه دن زخمداراولا؟

هاردا بیرنفر من کیمی گوروب بیربیله بلا یاابالحسن

 

دشمنین جفا و اذیتی سلب ایدوب قرارو ثباتیمی

دویموشام بیله بیرحیاتیدن الماقیمدا گورم نجاتیمی

تا فرشته پخش ایتدی گوگلره بانگ حزن عجل وفاتیمی

حق یانندا یتدی اجابته ایتدوقوم دعا یاابالحسن

 

همرهیمدی عطر ولایتین ایلراکتفا نشاتینیمه

منده اولملسام سن آنالیق ایت لطفیله ایکی نورعینیمه

زینبیله کلثومه قیل نظررافت ایت علاوه حسینیمه

چوخ نوازش ایت قویما ایلسون دلدن آه و وا یاابالحسن

 

هرگره دوشه دین کلافینه دست قدرت کردگارآچار

بیرگونی گلرعشق بابینی یاری گورماقا پیک یارآچار

نینوا چولینده حسینمین کاروانی عزتله بارآچار

ماه یثربین مسکنی اولاردشت کربلا یا ابالحسن

 

آه او وقتیدن یارو یاوری تشنه لب حسینین شهیداولار

غصه باغلیان قلبی قان اولارمحنت و ملالی مزید اولار

اشقیای دین دوره سین آلار عالمین پناهی وحیداولار

من او حالینی یادیمه سالوب ایلرم نوا یاابالحسن

 

(صالحا)حسینی گوزل یازوب نظمه خوش دوشوب بیله سرسخن

ای ایدن خراسانی کربلا هرغمه رضا یا ابالحسن

سنده فاطمه قولیجا سوزین ایلدون ادا سویلدون علن

ای ولاسی عین ولایت ختم انبیا یاابالحسن

 

صالح تبریزی

منبع کانال گنجینه گذشتگان

 

----------- متن اشعار صالح تبریزی ---------

حضرت امام زمان (عج)

 

هر گاه جلوه با گل رخسار میکنی

آفاق را معاینه گلزار میکنی

 

با جلوه و جلالت و آن قامت رسا

شمشاد را ز جلوه و رفتار میکنی

 

گه مهر را به نور رُخت تاب می دهی

گه ماه را به زُلف سیه تار میکنی

 

با یک نگاه شیشه و حَصباسنگ را

یاقوت و لعل و گوهر شهوار میکنی

 

مستانه گر ز کوی خرابات بگذری

مستان عشق را همه هشیار میکنی

 

ساقی و جام و خُم همه در انتظار تُست

وقتی گُذر ز خانۀ خمّار میکنی

 

گاهی مرا به کعبۀ دل می بری گهی

واصل به کوی دستۀ زوّار میکنی

 

ای شهریار ملک وجاهت به پاس عشق

آیا مرا روانۀ دربار میکنی

 

کی بر محیط نقطۀ خال سیاه خود

دل را بسان گردش پرگار میکنی

 

با حُسنِ ماه چون گل خورشید کی شما

اشراق از سرادق زرتار میکنی

 

یوسف به خانه روی ز بازار می کند

هر گاه ز خانه روی به بازار میکنی

 

درد گران جمله طبیب زمانه را

درمان ز لطف نرگس بیمار میکنی

 

هر کس فتد به دام غمت تا به پای جان

او را به درد عشق گرفتار میکنی

 

با اینکه من سزای حریم تو نیستم

لطفی نه کم عنایت بسیار میکنی

 

در خواب غفلتم همۀ عمر کی مرا

بیدار دل ز دولت بیدار میکنی

 

ترسم که عمر ما گذرد کی دمی گذر

چون آفتاب از سر دیوار میکنی

 

دارم خبر که نخل الم را ز اشگتر

در باغ آل فاطمه پربار میکنی

 

گه بر مدینه میروی و گاه در بقیع

از قبر پاک فاطمه دیدار میکنی

 

صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

در ولادت حضرت امام حسن مجتبی (ع)

 

بیر گل ایلیوب گلشن طاهانی معطر

غبطه او گله گلبن یاس و سمن ایلر

 

گل تک اوپوب ایگلر گل رخسارنی زهرا

شوقیله تماشا حسنه، بوالحسن ایلر

 

اندامی حسن، حسنی حسن، نازی حسندور

مین لعل لبی، شیرین او شیرین دهن ایلر

 

من عاشق و مفتون حسین اولموشام اما

دیوانه منی عشق امام حسن ایلر

 

کنعانده بو ماه دل آرایه تماشا -

ائتدوقجا، فرح یوسف گل پیرهن ایلر

 

عالم دولوسی گوهری قیمتده بو گوهر

بازارده بی ارج و بها و ثمن ایلر

 

عشقنده بو زهرا گلونون، عطر فشانی

یاس و سمن و یاسمن و نسترن ایلر

 

دل طایرنون بال و پرین، جان قفسنده

بیر نیمه نگاهیله دچار رسن ایلر

 

(صالح) دلوه کلمه من گلمسه خوشدور

عارفلری گمراه و زبون حرف من ایلر

 

اظهار ایله درد دلوی میر ولایه

هر درده دوا، لطف امام حسن ایلر

 

صالح تبریزی

منبع مجموعه کانالهای مدح و مرثیه

 

----------- متن اشعار صالح تبریزی ---------

در احوالات حضرت زهرا (س)

 

خیال ایدنده گویول ماجرای زهرانی

شرارِ درد و غمی یاندیرار دل و جانی

 

گلینجه پیکِ اجل ، ثانیِ جفا گستر

ستمله سالدی ایاقدان وجودِ زهرانی

 

ایدردی فاطمه دیداری شاد ، طِبقِ روال

تمام مدتِ عمرونده شاهِ مردانی

 

گلوب او کعبهء مقصود منزله بیر گون

زیارت ایتماقا بیرده بتولِ عذرانی

 

همان او گونلریدی شدّتِ جراحتدن

پیمبرین قیزی تاپمشدی ضعفِ جسمانی

 

فروغِ طلعتِ گیتی فروزِ میرِ ولا

فضای محفلِ طاهانی ایتدی نورانی

 

گتورماقا دله ، دل صاحبی دل آرامین

مصمّم اولدی دانشدیرسون اول دل آرانی

 

دور ای محافلِ عصمتده شاهدِ یکتا

یوزونده جلوه ایدن نور و فَرِّ یزدانی

 

دور ای مهین مَهِ گردونه نورِ مِهری ضیا

غمون کسوفه سالوب مِهرِ عالم آرانی

 

دور ای یانان پرِ پروانه تک یانان شمعه

ایدن او یانماقی شرمنده شمعِ سوزانی

 

دور ای امیدِ دلیم ، آرزوی قلبِ علی

دانیش گتور یرینه دلده کی تمنّانی

 

عم اوغلون ایلوری صحبت سنیله ناز ایلمه

گل اوسته ایتمه غمین عندلیبِ شیدانی

 

نقدر لابه ایدوب گوردی یوخ سواله جواب

کلامه آچموری قفلِ زبانِ گویانی

 

توکوب گلابِ سرشکین او گل جمال اوسته

غریقِ شبنم ایدوب اشگی ، وَردِ حَمرانی

 

امام واقفیدی نکته نکته اسراره

بولوب مطالب و رمزِ عیان و پنهانی

 

گوروبدی اوز حرمینده امام حِلّ و حَرم

حریمِ عصمتینی ترک ایدور بو دنیانی

 

او لحظه ویردی هامی آرزولرین الدن

تمام نقشهء آمالنی بولوب فانی

 

اراده ایلدی اوز روحونی ایده احیا

دوباره ظاهر ایده معجزِ مسیحانی

 

ویروبدی فیضِ دمیندن او خسته جانه نفس

سالوب تحیّره گویگلرده روحِ عیسانی

 

دیردی مین دیلیله دل و لیک آهسته

او جانِ عالمی سسلردی ، عالمین جانی

 

او لحظه روحونی احساس ایدوب باشی اوسته

بتول ، نازیله باز ایتدی چشمِ شهلانی

 

وقارِ خلدِ برین آبروی باغِ جِنان

گوروب بهشت ، فضای جمالِ مولانی

 

دوباره چنگ ویروب دامنِ یداللهه

او دستِ حقّی دوتوب ، دستیارِ رَبّانی

 

او باغلی غنچه لبی آچدی گلِ تبسّمدن

او خنده مست ایلدی بلبلِ گلستانی

 

ایکی صفالی گویول تازه دن صفا تاپدی

صفاسی ایتدی مُصَفّا ریاضِ رِضوانی

 

باخوبلا بیر بیره دلداده لر محبّتله

ویروب بو گوز او گوزه لذّتِ تماشانی

 

حبیبدن دلِ محبوبه دوتدی حالِ سکون

او حال سالدی طپشدن ضمیرِ امکانی

 

مقامِ عشقِ حقیقتده ، جان ، حجاب اولماز

محبّت اهلی سالار صورت اوسته معنانی

 

علی کیمی هانی مولا ، بتول تک بانو؟

یتوب اولاردا سرانجامه ، عشق میزانی

 

اولوبدی کانِ گهر ، اشگدن سرای نبی

ز بس که شیر خدا ایتدی گوهر افشانی

 

نهایتِ ادب و احترامیله زهرا

مریضه حالیله گویا اولوب بیله گویا...

 

صالح تبریزی

منبع مجموعه کانالهای مدح و مرثیه