متن نوحه ترکی مرحوم شاکر تبریزی
مجموعه اشعار آیینی و مذهبی مرحوم شاکر تبریزی در مدح و رثای اهلبیت علیهم السلام ، متن نوحه ترکی از مرحوم شاکر تبریزی
---
احوالات قتلگاه
خداوندا حسینیم هاردا اولموش قانینه غلطان؟
قالوبسان هاردا قارداش؟ زینبون اولسون سنه قربان
دولاندی غم فزا دشتی گوروب آختاردیقی یوخدی
یتیشدی بیر چوخور یره گوروب قان لخته سی چوخدی
ولی مَستور ایدوب داش ، یا سینق شمشیردور اوخدی
گوروب بو یر دونَن شمریله ال دامان اولان یردور
یقین ایتدی حسینی قانینه غلطان اولان یردور
گویَرمیش اللریله ایتدی چون مانع لره چاره
عیان اولدی یوزی اوسته دوشن بیر نعشِ صدپاره
گوروب نه باشی واردور ، نه الی ، باشدان باشه یاره
توکوب حسرتله گوز یاشی ، دئدی قارداش حسین سنسن؟
شهِ لب تشنه ، پورِ فاتحِ بدر و حُنِین سنسن؟
چکوب بیر آه ، سِیرِ کینهء اهلِ عناد ایتدی
چووردی آرخاسی اوسته ، گچن ایّامی یاد ایتدی
بیر ال قارداشدا ، بیر ال آسمانه دوتدی داد ایتدی
دئدی الله بو قربانی اوزون بیزدن قبول ایله
فیوضین شاملِ احفاء و اولادِ رسول ایله
دئدی قارداش اویانسیدون بولردون منده حالتدن
باجون اوز سهمینی گوردی بو صحراده قیامتدن
حکایت ایلیوم قارداش نجه اوضاعِ غارتدن
گیدوب یغمایه حتما" اَلبَسیله اسلحون بی شک
اقلا" قالمیوب اگنونده کی مندن آلان کوینک
گچن شب عرض ایدوم قارداش نلر چکدیم بلادن من
گونوز خسته ، گجه ظلمتده یانقین خیمه لر شیون
سیزیلتی بیر طرفده بیر طرفدن ناگران سندن
سورشدوم صبح اولاندا ، وای منه قارداش حضوریندن
کول اولسون باشیمه ، دوتدوم خبر خولی تنوریندن
حسین قلبیم اولوب غم مخزنی از بسکه درد آلدی
منی دور سال یولا شامه ، باجون بو چولده تک قالدی
نجه آخر وداعوندا سنی زینب یولا سالدی
امیرِ کاروان ! گیتسون نه نوعی کاروان سنسیز؟
ایدور عزمِ بیابان زینبِ بی خانمان سنسیز
ایراق قارداش گوزوندن نازپرورده خانم قیزلار
اولوب دشمن اسیری ظلمیله بیر دسته یالقیزلار
گلوبلر شیونه ایوای اوغول دلده اوغولسوزلار
اولاردا ، موجِ غمندن دائما" لرزان دیلار قارداش
نهیبِ لشگرِ بیدادیله گریان دیلار قارداش
شبیهِ مصطفانی گوردوم اوپدوم چکدیم آغوشه
و لیکن گورمدیم من اصغری هاردا گیدوب هوشه
صباح اوغلون گلوب ترتیب ایدنده قبرِ ششگوشه
یاتار پائینِ پاده اکبرین دائم اوغول وای دئ
علیّ اصغری آل سینوه عطشاندی لایلای دئ
دیمه زینب سنی بو چولده سالدی باغریقان گیتدی
بیله گونلر قباقینده قویوب بی سایبان گیتدی
بولورسن لاعلاج ال اوزدی ای آرامِ جان گیتدی
سنی یاددان چیخاتمام روحیمی قویدوم رهینونده
اجلدن مهلت اولسا بیرده گلّم اربعینونده
مجالیم یوخ آلوبلا ، چاره می الدن خداحافظ
دریغا گورمدیم عبّاسی گیتدیم من خداحافظ
منِ زارین دلینجه اوندان ایله سن خداحافظ
سوروشسا گلمدی دیداریمه زینب ندور علّت
بویور ایستردی گلسون ، اهلِ کینه ویرمدی مهلت
اولوب زندانِ غمده (شاکرِ) محنت زده محبوس
محیطی غصّه دور ، مصیبتلر اونا مأنوس
تیکوبدور گوز سنه امّیدیله قویما اولا مأیوس
نجه اولسا ، گینه آخر وابسته دور بو درباره
سنِ زهرا خدادن ایسته ایتسون دردینه چاره.
مرحوم شاکر
منبع مجموعه کانالهای مدح و مرثیه
----------- متن اشعار شاکر تبریزی ---------
کوچ از قتلگاه
حسینیم بو سنون جسموندی غرقِ خون اولموش؟
و یا بیر گوهرِ غلطاندی یرده تیره گون اولموش؟
سنق نیزه ، قلج ، داش ، نازنین جسمون ایدوب مَستور
سوسوز نحرون اولوبدور سو کنارینده سنون منحور
عجیبه ظلم ایدوبدور ساربان ، ایکاش اولیدیم کور
حسین حقّونده بی اندازه اِسقاطِ شُئون اولموش
اسوب یل لر بوروندی خار و خَسله سوسنیم وَردیم
نلر من فکر ایدوب نخلِ امیدیمدن نلر دردیم
سنون تقدیرِ مظلومیّتون قارداش ، منیم دردیم
دیورسن شرحِ نون والقلم ما یسطرون اولموش
وَرد : گل سرخ
دوشوب توپراقلارا دوغراندی هر نه گُل بدن واردی
گوز ایشلور هر قدر ، قان کاسه لاله ، بیر چمن واردی
نقدری سرو قامت زلفی رشکِ یاسمن واردی
یخیلموش بو چمنده ، ساقه لر دینه ستون اولموش
آلوب لیلا کناره اکبرین ، گویادی ماتمدن
رباب اصغرده قاسمده سریّه اودلانار غمدن
دریغا اطّلاعیم یوخ کنارِ نهرِ علقمدن
علمدارون قالوبدور هاردا؟ کلثومی جنون اولموش
دیمم مضروب اولوب باشدان باشا جسمیمدی زنبق تک
گوروب آلِ علی بو چولده انواعِ ستم تک تک
ولی سرخِیلمیز ناخوشدی چون تنها منم بی شک
بو جمعین پاسبانی ، گور نجه دردیم فزون اولموش
چکیلدی جار قارداش ، عازمم شامه چیخوب فرمان
قولوم باغلی اسیرم فرصتیم یوخ درد ، بی درمان
بلالی باشوه اولسون بلالی زینبون قربان
منه مِهروندی بو غملی سَفرده رهنمون اولموش...
حسین بیر گونده روز و روزگاریم برملا چوندی
شرارِ غمله قلبیم لاله تک قانا دوندی...
جَری سنسیز بو صحراده بیزه قومِ جبون اولموش
سنون قبروندن اوتری (شاکرین) مهموم اولوب قلبی
محیطِ عشقیده عشقِ حسینیله دولوب قلبی
جهانِ پَست و ارذل ، مُلکِ دنیادن دویوب قلبی
چاغور گلسون ، فقط قبرون اونا مَدّ عیون اولموش.
مرحوم حاج حسین علیزادگان ،
متخلص به (شاکر تبریزی)
منبع مجموعه کانالهای مدح و مرثیه
----------- متن اشعار شاکر تبریزی ---------
احوالات سید صالح و
ماجرای نبش قبر حضرت رقیه (سلام الله)
مقاتلین بیرینده گوردوم بیله بیر اخباری
که ایمدی الدهدوریوخدورمحل انکاری
فلک دوباره دن ایجاد صحنه ایتموشدی
حریمدن حرمه بیرسو رخنه ایتموشدی
گلوبدی عالم وقته بیوردی رویاده
آلوبدی قبریمی سو قالموشام من ایذاده
نه گوردی روز حیاتینده من یتیمه بالا
بودا مزارایچی اطراف قبریمی سو آلا
او دم که گیچدی گیجه اولدی موقع گوندوز
دوشوب تحیره رویا گورن نه سوزدی بو سوز
دیوبدی عالم رویادی ایتمدی اظهار
گینه گلن گیجه بو ماجرا اولوب تکرار
یقین ایدوبدی یوخونون اصلی وار حقیقتی وار
خیاله قویدی گوره بو ایشی نه علتی وار
یتوردی واقعه نی نچه شخص دینداره
که باهم ایلیلر بو مهم ایشه چاره
گیدوب بو سری بلنده او عده نون صبری
مصمم اولدولا تا نبش ایلسونله تا قبری
قوروخلانوب حرم پاک قالدیلارناچار
تمام غسل و وضو ایلیوبله رعبه دچار
خلاصه پرده خاک اولدی بیر طرف الله
آچیلدی قبر شریف رقیه خواه نخواه
گوروبدولریوخی دوزدور کفن رطوبتیله
انیس اولوبدی یانوب حاضرین عطوفتیله
همین کفن که ایدوب عمه سی قویوب قبره
ایدوبدی جسمینی محفوظ بورگنوب عطر
نچه ایل گیچوب همان کفندی گینه
او نازنین بالا معدن محندی گینه
آلوب ال استینه حاضرلرین بیری بالانی
اولوب مرمته مشغول او جمعیدن قالانی
نمود هیئت جسم رقیه خاتوندان
ووراردی گوزلره اعضاسی پوشش آلتیندان
او جمع پاک که بو ماجرایه ناظریدی
خانم ال استه اوزی روضه خوان حاضریدی
اگرچه دل یوخودی ساکتیدی حنجره سی
صراحتا دلیدی لیک او غملی منظره سی
او قدرآغلادیلارایسلادوبدی یوزلرین اشک
چوخی اولاردان یوزی گلمدی الی دم مرگ
یتوشدی ایلکه تعمیرقبراتمامه
او گنجی چکدی گینه خاک تیره گون کامه
دوباره دن دوشنوب تپراقا او یاس جنان
ظهورایدوب آلا تا انتقام امام زمان
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
زبانحال حضرت زینب کبری (سلام الله)
هنگام کوچ از قتلگاه
صحرانی عطرین دولدوروب آرام جانیم هارداسان
زینب سنه قربان حسین روح و روانیم هارداسان
قارداش بویردورکربلا ظلم و ستم ماواسیدی
یاکه بهاری گللرین بویرخزان صحراسییدی
قارداش گلستاندوربورا یا اینکه قان دریاسیدور
ای قان ایچنده غوطه وردرگرانیم هارداسان
بو دشتی تسخیر ایلیوب ال علینین وای سسی
قارداش پریشان خاطرم درک ایتگلن من بیکسی
ایوای ربابه ایمدیده قورتولمیوب لایلای سسی
دائم دیوروای اصغریم غنچه خندان هارداسان
من عازمم شامه حسین دوتموش بلالرباشیمی
هاردا دوشوبدورپیکری قاسم جوان هاشمی
هروقت من باخدوم اونا گوردوم حسن قارداشیمی
ای یادگار مجتبی زیبا جوانیم هارداسان
عالم دگوبدی بیر بیره گورمم او زیبا اکبری
غیر از امامت هرگوزل اوصافه دارا اکبری
وارحقی دنیاده اگر ورد ایتسه لیلا اکبری
ای شبه پیغمبر علی تاب و توانیم هارداسان
مرحوم شاکرتبریزی
منبع کانال گنجینه گذشتگان
----------- متن اشعار شاکر تبریزی ---------
زبانحال حضرت ام البنین (سلام الله)
در مدینه
گلدی کاروان شامیدن خدادوشدی زار دل اختیاریدن
گلمیوب حسینیم ثمر ندور چکدیقیم بیر ایل انتظاریدن
حسرت ایتیله ظلمیله منی شمس مشرق و مغربینیمه
مایه مباهاتیمه اوسرخاندانیمه نورعینیمه
آزدی اوخشیوب هرنه آغلاسام شهریار عطشان حسینیمه
حشر اولونجا بسدور اونون فقط نسکلی منه روزگاریدن
ماه دی گیدندن صورا گینه جلوه سین جهاندا چمن ویرر
روزگاریده هم بهار اولی تازه دن گلین نسترن ویرر
دائمی خزان چوکدی عالمه بانگ ناله زاغ و زغن ویرر
باش اشاقه نرکس غمه سنبلین دوشر تاری تاریدن
قبرینی دیوله حسینیمون آلتی گوشه اصغر قوجاقدادی
ماه پاره اکبر وقاریله غرق خوندی سمت ایاقدادی
بلمورم ابوالفضلیمون نیه قبری بس حسیندن اوزاقدادی
انتقالی ممکن اولونمیوب حتما ایریلوب شهریاریدن
نقل ایدوله عباسیمون منه کربلاده لشکر یولون کسوب
چار سمتیدن لشکر اوخلارین یاغدوروبلا صاق و صولین کسوب
مکریله تعاقبده بلمورم کیم اونون او بیر جفت قولین کسوب
عاقبت عمودیله پنجه سیز شیر نر دوشوب اختیاریدن
ویردیلر خبر من بلاکشه پیشوازه چخ کاروان گلور
کاروانی گوردوم نه کاروان داغ دلدن اتش فشان گلور
بلمدیم علی قیزلاری بیله قدی بار غمدن کمان گلور
هر کیمی سراغ ایلدیم جوابینده لا گوروب اختباریدن
روزگار دون قویمادی قالام دائما مقام منیعیده
گیتدی الدن اوغلانلاریم منیم یاندیم اعتبار رفیعیده
منده بس خانم فاطمه کیمی داده گلم هرگون بقیعیده
حق ویرور منه حقی وار یانا آغلیا باخانلار کناریدن
(شاکرا) خلوص عمل یتور مطلبین بو اول بناسیدی
حقی ایلکه تاپدون حقیدن ایسته هرنه دل مدعاسیدی
ایت وسیله ام البنینی چون بو خانم ابوالفضل آناسیدی
باور ایت براورده اولار هامی مشکل حاجتین کردگاریدن
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
احوالات حضرت امام حسین (علیه السلام)
چون کربلاده خسرو لب تشنه نین شهید
اصحابی دوشدی تپراقا قالدی اوزی وحید
سسلندی واردی بیر نفر آیا بو گون گلن
آل محمده ایده تا نصرتین پدید
گوردی جواب گلمدی تکرار ایدوب گینه
مطلوب حاصل اولمادی چون اولدی ناامید
بیله تصور ایلمه ناصر تاپولمادی
سس ویردی انبیا و ملائک اولوب جنید
سو یل یاغش ملائک و جن و پری تمام
گلموشدیلر عساکر ظلمی ایده طرید
اما قبول ایتمدی سلطان مشرقین
عودت ایدوب تمام فقط اولدی بازدید
باخدی خیامه گوردی قیامتدی خیملر
وحشت دوتوب چادرلاری وار حالت جمید
دوندی باخوبدی قتلگهه گوردی بیر چمن
خندان یاتوبلا درگه یزداندا رو سفید
سر لشکر سپاه دوشوب بیر طرفده دی
انصار با وفاسی قوم استنده بی لحید
یوز دوتدی دوغرانان شهدا سمتینه دیدی
ای دودمانلارین ایلین مندن اوتری چید
ای مندن اوتری ترک قیلانلار وطنلرین
ای تارکین اهل و عیال عامد و عمید
بیر بیر اوز آدلاریله چاقوردی کمکلرین
یا مسلم بن عوسجه یا جعفر و سعید
شیران خفته یاتموسوز البته بلموسوز
زهرا قیزین نه حاله سالوب محنت شدید
سوزون یتوردی ایلکه اصحاب پاکینه
رمزیله بو جوابی ایدوب گوئیا شنید
بیز حاضروق یولوندا قزل قانه غرق اولاخ
هر گونه امرون اولسا بیزوق عبد زر خرید
پاسخ ویروب امام بو نوعی صحابینه
حصاد مرگ سیزدن آلوب بهره حصید
راحت یاتون سیزه اولا شامل عطای حق
آچموش الوم سیزیله منه فرجه بعید
هر سمتیدن خیالینی کسدی امیر دین
گوردی یتوب شهادته چون وقت سررسید
یوز قویدی خیمگاهه طرف گیتدی ذوالجناح
اولسون حیالی قیزلارینا خیمده ترید
گورجاق اوزین قوم استه چوخور یرده خلوتی
بلدی دوشوب اله چکلن حسرت مدید
قویدی خیاله سجده شکر ایلسون حقه
گوردی سو یوخدی ایتسه وضوسین اگر جدید
فتوا ویروبدی مفتی دین قانیله آلا
بیر دستماز بی مثل و مثل و بی عدید
باش قویدی سجده گاهه مناجاته آچدی دل
ای راحم و روف و صمد داور مجید
عرض ایتدی ای یاخون اولان حبل وریدیدن
ای ذات پاک مدحیوه دل کنهیله عقید
من ایستورم که جوهرو تجریدی ترک ایدم
ترک مرکب اولماسا اولماز ایله مصید
سنسن تمام هسته مرکز خیالیمه
بیرده نه لازیمیدی اولا عمر با مزید
من پیشگاه اقدسیوه هر نه ویرموشم
درویش وار تحفه دی چون برگه شوید
سیر ایتدی عشق صحنه لرین هفت شهریده
بیر صحنه لر که گورمیوب عطار و بایزید
آری طریق عشفیده عشاقه شهد دور
لب تشنه لوق قلج یاراسی زحمت حدید
ایتدی توجه حضرت باری بو خدمته
بیر موج ووردی بحر کرم باشلادی نوید
سس گلدی باطنا بیر اوزی بلدی سوز دین
یرده چوخور او یرده دوشن ایلدی شنید
ایتدون حظوظی سوزش شمشیریله عوض
آتدون او شیر خواره وی بلدون اونی مفید
منده بو افتخاری سنه ایلدیم نصیب
عاشقلقا قبول ایلدیم من سنی اکید
(شاکر) جزا گونینده او بازار حشریده
تنها یغوبدی نوحه نی نقدینه و نقید
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
زبانحال حضرت زینب کبری (سلام الله)
به آفتاب در روز عاشورا
ای توکن اود کربلایه برج رخشان آفتاب
قارداشیم یاندی بیر آز بات ایله احسان آفتاب
اولما از بس یاره دگموش حدیدن افزون اونا
اولموسان مایوس انوارون دگل مقرون اونا
بو او مولادور که عالملر اولوب مدیون اونا
جبرئیل اولموش اونا گهواره جنبان آفتاب
ایمدی که بلدون بو مولا کیمدی سن تعدیله گل
آتش افشان اولما عاشورادی بیر تقلیله گل
بات بیر آز ای گون اماندور حالت تعطیله گل
باتماسان آیا اولار سیرینده نقصان آفتاب
اولموسان دنیا بوئی پرتو فکن شام و سحر
سن بلورسن ایلیوب اعدای دین نه ظلملر؟
سن گورورسن نه ایدوب بو فرقه بیدادگر
جان ویرور فرزند پیغمبر لب عطشان آفتاب
ای اولان نوریله بیر منظومه استه نور بخش
زینبین منظومه دنیاسی اولدی بی درخش
گور تامامت شمسینی بیله دوشوبدور ماه وش
تا قیامت سیر ایله گویلرده حیران آفتاب
گور موسن ای گون حسینین پیکری مجروحدور
قان ویرور جسمینده یاره غنچه تک مفتوحدور
گرچه سانمور ذکری یا قدوس و یا سبوحدور
لیک ایذادور گینه بو وضع سوزان آفتاب
بلموسن ای گون نجه بو چولده بیداد ایتدیلر
زینبین جاه و جلالین ایله برباد ایتدیلر
چکدیلر حقه قلم اظهار الحاد ایتدیلر
بیر طرفدن سنده باری ایتمه طغیان آفتاب
قوه ناریه وی آرتورما بیر سبحانه باخ
مختصر قوی بیر خنک لنسین هوا یزدانه باخ
قاسمه رحم ایله بیرده اصغر عطشانه باخ
یاندورور اود تک بو گونده بو بیابان آفتاب
گرچه ایمدی مهرگان سیرینده دور شبها و روز
سن ولیکن یاندورورسان مثل ایام تموز
بلموسن وار خیملرده خوردا قیز لاردان سوسوز
تشنه لیقدان ویردی بیر جفت قیز جان آفتاب
نسکلی گلمز شماره بو یارالی پیکرین
عزتین الدن آلوب پامال ایدوبله لشکرین
شیر خوار اوغلوندا حتی اوخلیوبلار اصغرین
هانسی دردین من دلیمده ایلوم عنوان آفتاب
(شاکرا)واضحدی که زینب کلید چاره دور
باب حاجت دستگیر مردم آواره دور
ای اولان حلال مشکل بنتی قلبیم پاره دور
ایسته خالقدن اولا قلبیم چو تابان آفتاب
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
عرض ادب به حضرت ثامن الائمه (علیه السلام)
السلام ای مونس دلها و یا شمس الشموس
السلام ای زاده زهرا غریب ارض طوس
یا علی موسی الرضا ای خواجه جن و بشر
ای باورنگ جلالت ذر دو دنیا مستقر
هشتمین برج شرف از هیئت اثنی عشر
ای بدربانی ترا فوج ملائک مفتخر
جان ما جانان ما ، ما جمله قربان توئیم
شهریارا لطف عامی کن که مهمان توئیم
ای جمیلی که جمالت آیتی از داور است
عرش زیبایت زعرش ماسوا زیباتر است
نیست بی علت بدین درگه ز چرخ آبنوس
روزها خورشید شبها ماه باشد پای بوس
ای فروزان مشعل توحید ای دریای نور
آب و جاروب درت از کوثرو گیسوی حور
ما که اینجا جمع می باشیم از نزدیک و دور
(شاکریم)از دل که ذر یک نعمت فیض حضور
هم میسر گشته اخذ کام ما از قبر تو
بر مشام آید همی عطر حسین از عطر تو
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
احوالات حضرت امام جعفر صادق (علیه السلام)
آغلیور پیغمبر خاتم بو گون مغموم اولوب
صادق آل محمد ظلمیله مسموم اولوب
آل سفیان ایلمیشدی دینه ظلم بیشمار
ظاهرا آئینه اسلامی دوتموشدی غبار
حضرت صادق ایدوبدور اول غباری برکنار
بو مراحیلده نه اندازه دیسن مهموم اولوب
گه زمان نصف شب منصور احضار ایلدی
ناروا تهمتلر اول بی شرم اظهار ایلدی
ایلدی تهدید قتلیله چوخ آزار ایلدی
نازنین قلبی همان ایذائیله مصدوم اولوب
نچه ایل تبلیغ ایدوب چکدی بویوک زحمتلری
تا منور قیلدی تدریسیله شرع انوری
تا بو گون اقطاری تسخیر ایتدی رسم جعفری
ایله که آئین پاکی عالمه معلوم اولوب
شیعه-تک قبر شریف مجتبی پوزقون دگل
قبر پاک حضرت صادقده چون پژ مرده گل
منظری نسکیلیدی پژمرده بار غمدی بل
هم حیات و هم مماتینده ایله مظلوم اولوب
وار یری اسلامیان بو قصه دن قان آغلاسون
نوحه ایتسون شیون و آهیله ماتم ساخلاسون
پرچم غم نصب اولونسون باشه قاره باغلاسون
چون بو گون اسلامی ترویج ایلین مسموم اولوب
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
احوالات حضرت ابوالفضل (ع)
خط سیرینئه گونون آیدور دوشن ایل آی دالینجا
کربلاد شتینده گون دوشموشدی اما أی دالینجا
گلدی گوردی آی فلکدن سیرینی سالموش کناره
سیر اعلادن اوتوریرده اولوبدور پاره پاره
باش ویروب هر یاره دن چشمک وورور سانسیز ستاره
یاره لر گلمز شماره هر نه سایسان سای دالینجا
سسلدی ای فلک رفعت کیم سنی گرداب ایچنده
لنگرین سالدی قویوب طوفاندا پیچ و تاب ایچنده
حیدر ثانیدی گویا غرق خون محراب ایچنده
نه روا دور سسلیم سیندی بیلیم ایوای دالینجا
پرچمین تا اوج رفعتده واریدی اهتزازی
عالمه معلومیدی روشن حسینین امتیازی
زینبین سنسیز قارالدی آسمان اعتزازی
اصغره قویمازلا بیرده اوخشانا لایلای دالینجا
الدورر لشکر حسینی عائلم بیکس قالالار
رعد فرمانیله برق افتاده اخیامی تالالار
صوندا چون تیر شهاب اللرده قمچیله سالالار
هر قاچان یورقون قزین آت شیهه سیله های دالنجا
بارش ظلمین دالی قوس و قزح باشلار خرامه
قتلگهدن قوزانار سالار افق اقطار شامه
هفت رنگ جوریله بیداد ایدر آل کرامه
بیرده گورمز روزگار دون او ظلمه تای دالینجا
ای مواسی عبد صالح خدمتی اسلامه عالی
ارشد تیپ مجاهد وادی عشقین غزالی
کیمدی سن تک نهریدن سو ایچمموش دوشسون آرالی
گونده أخرده باتار قارداش بو دمده آی دالینجا
یاتما بو وحشت فزا چولده وفالی قارداشیم دور
باغ عمریمده گلیم غنچه ام صفالی قارداشیم دور
واردی حقیم ایمدی من بانسام یارالی قارداشیم دور
لالیه بستر گوروب کیم ارغوان بیر لای دالینجا
یاغدی طوفان زا تگرگ بو یرده یاتدی شیر بیشه
اولدی هنگامه چمن داغون اولوبدور برگ و ریشه
تابش نور اولدی گزلین کاخ بلبل گوردی تیشه
تیز بهاره گلدی پائیز و زمستان یای دالینجا
دره ظلمی جباله ملحق ایتدی اهل کینه
جوی خون استندن آخدیردی رضای مشرکینه
وای اولا قارداش قرین درد و غم ام البنینه
بلمور ایمدی ناله دن کلثوم اولوب چون نای دالینجا
(شاکره) یاخشی آچیلدی عاقبت باب سلامت
یوز ویروب توفیق خدمت بوندان آرتوق نه سعادت
سوزلری دلدن یتورسه هر دقیقه هانسی ساعت
خوان احسان حسینیدن گیدر هر پاب دالینجا
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
ورود به مدینه
و آمدن سر قبر حضرت زهرا (س)
بو رسمدور که اوغول سوزلرین آتایه دیر
اونون مقابلی قیزدا سوزین آنایه دیر
اودور که قصد ایلدی زینب اوندا اولده
گیدوب مزار بتوله دوشندی ازلده
دئدی آنا بیله قربان اولوم بو قبریوه من
که چوخدان حسرتیدیم عطریوه من
او وقتدن که دوشوب سندن آیری ، اولدوم اوزاق
نلر گلوب باشما چکموشم گوزوندن ایراق
بلا و غصه ده بول جانشین منصبووم
باشیم آغارموش اگر چه ، بلالی زینبووم
گیدن اوزاق سفره ، کربلا مسافریم
قیتموشم آناجان قبریوین مجاوریم
اگر آنا خبر آلسان حسینوی مندن
سرور سینه وی در حزینوی مندن
سیزه نه لازمه دور شرحینی ویروم تفصیل
بو قانلی کوینگی دور زینبوندن آل تحویل
بو قانلی کوینک آنا اوغلوون نشانه سیدور
باخاندا بللی دی شمشیر اوخ آشیانه سیدور
او باش که زحمتیله بسلدون گل اوستنده
آپاردی کوفه ده خولی قویوب کول اوستنده
بلا چولونده نهائی بلایه اولدوق هدف
قرا بولودلارا اولدی دچار ، شمش شرف
دئدی فرنگه گیدوم یول ویرون او ویرمدیلر
سو ایستدی آناجان بیر شربه ده سو ویرمدیلر
نه سس ویرن سسینه اولدی نه هرایه گلن
ولی کثریدی دشمن ، نه چوخ جفایه گلن
الیندن آلدیلا نورسته اکبرین حتی
آنا نه اکبربنی ، سودده اصغرین حتی
باخاندا هر یانا صحراده لاله بیتموشدی
شکسته زنبقین اوستونده ژاله بیتموشدی
اوکی نفوسیدی دوشدی خاکه بی تقصیر
او که جلالیمدی غارت اولدی اولدوم اسیر
آنا یانور اورگیم خوردا بیر کفن پوشه
او قیز که قالموشیدی چولده آلدون آغوشه
آدی رقیه دی درد و غمه قرین اولدی
یورولدی گلمدی ویرانه ده مکین اولدی
فقیر حرص اولوب یاتدی آتدی لذاتی
بسان مردم درویش اولوب خراباتی
اونون محبتی قلبیمده یر ایدوبدی نیدیم؟
گرک او قیزدان اوتور بیرده ملک شامه گیدیم
چتین آنا او مصیبتدن اختتامه گیدم
گرک او قیزدان اوتور بیرده ملک شامه گیدم...
شاکر تبریزی
منبع مجموعه کانالهای مدح و مرثیه
----------- متن اشعار شاکر تبریزی ---------
در تعریف ارض طوس
ای ملک طوس دل نجه ایتسون ثنا سنی
جائیکه مدفن ایلوب امام زمان سنی
ازبس معطر اولموسان عطررضائیله
ایلوب احاطه گورنجه آب و هواسنی
قبری که سنده واردی خراسان شهی یاتوب
تعریف ایدله گو یده سهیل و سها سنی
شبهای جمعه سنده یاتان شخصه خاطره
سکنا ایدر ائمه پاک هدا سنی
بااینکه مدح و شانیدن ارتوخدی شوکتون
تحت الشعاعه لیک سالوب کربلا سنی
ای کربلا نقدریدی شانون که ذره سی
طوفاندا نوحه ایلدی ناجی فدا سنی
ششکوشه قبرهایدادی سندن صورا گوراق
بو امتیاز بیرتاپوب ای نینوا سنی
بیرعده ای شهید بنام خدا و دین
جعرافیاده نقشه ده ایلوب سوامنی
بو افتخار بس سنه تاریخ حشره تک
کانون حق یازوب و یازار ابتدا سنی
چون سن حسینی آلموسان آعوشه جان کیمی
ایلوب عزیز فاطمه چوخ پربها سنی
جاروب کش ملائکه دورآستانیوه
الله ایدوبدی عالمه خاک شفا سنی
اما بو شانیله بلوسن ای بلالی یر
زینب نه چکدی سنده دیدی دائما سنی
فریاد ایدوب حسینی تاپوب قتلگاهیده
سسلندی اختاروردی باجون یا اخا سنی
آیا دوشن یوزاسته بو سنسن حسین من
یا اینکه اشتباه ایدورم خسروا سنی
ای کاش گورمییدی باجین زینبین گوزی
تا اینکه گورمییدی بیله بی اقربا سنی
یاخشی منی بو حالیله سن گورمدون حسین
گوردی ولیک زینب غم اشنا سنی
(شاکر) لنجه یاد ایله آغلا حسینه سن
بی گون چکرنجاته بو اه و نوا سنی
مرحوم شاکر تبریزی
منبع کانال گنجینه گذشتگان
----------- متن اشعار شاکر تبریزی ---------
زبانحال با حضرت امام زمان (عج)
در شهادت حضرت امام رضا (علیه السلام)
یابن الحسن گل آغلیاق رضایه
یرگوی گلوب یا سیدی نوایه
دلده دیر شاه وگدا
جانم رضا جانم رضا
پهلوشکسته فاطمه قان آغلار
آهیله قلب نه سمانی داغلار
گوزیاشینی دائم عذاره باغلار
گل ویر تسلی قلب قان آنایه
دلده دیر شاه وگدا
جانم رضا جانم رضا
باغ صفانین لاله سی صولوبدی
قانیله گوزلرکاسه سی دولوبدی
یابن الحسن گل گور آقانولوبدی
دللرنواسی اوج ایدیر سمایه
دلده دیر شاه وگدا
جانم رضا جانم رضا
یاپراق کیمی تترر دل فلک لر
ناله ایدوب وای وای دیر ملک لر
لاله کیمی قانه دونر اورک لر
گرد محن یردن گیدر فضایه
دلده دیر شاه وگدا
جانم رضا جانم رضا
مرحوم شاکر تبریزی
منبع مجموعه کانالهای مدح و مرثیه
----------- متن اشعار شاکر تبریزی ---------
اربعین حسینی
قبروندی بو آفاقه سپن غم توزی قارداش
سیناده دوشوب یا که سها اولدوزی قارداش
ای دشت نشیبی ایلین ارض تجلّا
عرش آلتینا قبریله آچان چتر مصفّا
ای عرشدن افضل یری شمس متجلا
انوار طلیعه ندن ، عیان نور خدادی
دارا بو مقاماته فقط کرب و بلادی
قبرون نه گوزل طرزیله منظر دوشنوبدور
شش گوشه بیر الدوز یره شش پر دوشنوبدور
حتما ایاقون آلتنا اکبر دوشنوبدور
قرآندا که یاقوتیله مرجاندی بو قبرون
باب اسف انجم کیهاندی بو قبرون
مبهوتم ایدنده بو گوزل قبره نظاره
آی گون بیله پرتو فکن اولماز نه ستاره
قبروندی بو یا نوریدن افلاکه مناره
او رشگ ارم رایحه لی تربته قربان
انبوه ملک خادم اولان ساحته قربان
یانموم نجه سینونده یاتان اصغره قارداش
اصغر آدی ، شانینده شبیه اکبره قارداش
قانی سپیلن قونداقنه ، گویلره قارداش
هانسی سودامر بیر بالانین دایه سی اوخدور
تاریخ جنایتده بیله سابقه یوخدور
قاسم هانی شمع شب شهلایه شمایل
دامادیدی ، یولداشلاری اولدی اونا مایل
بیچاره عروس آغلیه بولمز ، اودی قابل
ویردیم حسنیمدن اونی اول جمعه امانت
ناکامیدی آلسونلا آرایه یاتا راحت
قارداش او حبیب عاکف دربار حسینی
حرّی آپاروبلار اودی انصار حسینی
عباس ، هانی ، هاردادی او سردار حسینی
دنیا نقدر وار گوره بولمز بیله افسر
کیمدور هم علمدار اول ا هم اکبر لشگر
شاماته یتونجه بیزی آغلاتدیلا یولدا
بیر ناقیه نچه بالانی آتدیلا یولدا
اولدوز کیمی بعضی سی آخوب باتدیلا یولدا
زهراده که محسن نجه سقطه هدف اولدی
بیر اوغلون اولوب محسن آدنلی تلف اولدی
نیلوب بیزه قارداش بیلوسن آل امیّه
نه باخدیلا پیغمبره نه داور حیّه
بسدور بو که ویرانه ده جان ویردی رقیّه
دوشدی ایله بیر کیم ، دوشوب انگشتر الیمدن
آیریلدی نگیندن ایتوب اول گوهر الیمدن
ظاهرده یاتوب شامیده بیر طفل صغیرون
باطنده دمشقی آلوب او رنگ سریرون
اولدی او بالا شامیده قدرتلی سفیرون
طوبای امامتده کی زنجیر دو شاخه
سندیردی سالوب آخر او ویرانه ده شاخه
قارداش نه دلیله دل آچوم وقعه ی شامه
یوز ویردی نلر اوردا منه ، اوغلون امامه
القصّه یانوب مندن اورک ، اوندان عمامه
الشّام کفایتدی که عنوان اولونوبدور
شرح دل ، او بیر کلمه ده پنهان اولونوبدور
مدّتدی که سندن خبریمیوخ نگرانم
یولدان یتوشوب ایمدی ، اورکدن دولی قانم
فکریم بودی بوردا قالام ، ای روح روانم
گیتسمده مشامیمده آلوب عطرون آپارّام
عکسون سالارام قلبیمه ، بو قبرون آپارّام
(شاکر) یورولوب دهریده هر ششته دوشوبدور
هر بابده اوجه یتوشوب پسته دوشوبدور
آخر یخلوب ، بو قاپویه بسته دوشوبدور
قارداش اونی مایوس ایلمه نوحه گروندی
ای کان کرم فرض ایله بیر خاک دروندی
شاکر تبریزی
منبع مجموعه کانالهای مدح و مرثیه
----------- متن اشعار شاکر تبریزی ---------
اربعین حسینی
دورقبریوه قربان یارالی باخ من زاره
گلدیم بوبلالی چوله گوزیاشلی دوباره
قبرون نه گوزل طرزیله منظر دوشنوبدی
ششگوشه بیراولدوز یره شش پردوشنوبدی
حتما ایاقون آلتینا اکبر دوشنوبدی
قرآنداکی یاقوتیله مرجاندی بوقبرون
باب اسف انجم وکیهاندی بوقبرون
مبهوتم ایدنده بوگوزل قبره نظاره
آی گون بیله پرتوفکن اولمازنه ستاره
قبروندی بو یا نوردن افلاکه مناره
ای رشگ ارم رایحه لی تربته قربان
انبوه ملک خادم اولان ساحته قربان
باخ قیزلاریوا گورنجه فریاده گلوبلر
بیدادین الیندن بویره داده گلوبلر
ای غسل وکفن سیز دیمه که ساده گلوبلر
باخ گوزلرینون کاسه سینه غسل بدن گور
استبرق زلفیله پراکنده کفن گور
شاماته گیدنده بیزی آغلاتدیلا یولدا
هرناقیه نچه بالانی آتدیلا یولدا
اولدوز کیمی بعضی سی آخوب باتدیلا یولدا
زهراده که محسن نجه سقطه هدف اولدی
بیراوغلون اولوب محسن آدیندا تلف اولدی
یانموم نجه سینونده کی من اصغره قارداش
اصغر آدی شانینده شبیه اکبره قارداش
قونداقیده قانی سپیلن گویلره قارداش
هانسی سودامر بیربالانون دایه سی اوخدی
تاریخ جنایتده بیله سابقه یوخدی
قارداش اوحبیبوندی حبیب ابن مظاهر
حری آپاروبلا اودا انصاردی حاضر
عباسیم هانی هاردادی سرلشگرون آخر
دنیا نقدروار گوره بولمز ایله افسر
کیمدی هم علمدار اولا هم آمر لشگر
لازمدی ابولفضل کنارونده یاتیدی
سرلشگرون ای شاه جوارونده یاتیدی
همسایه اولوب ضلل مزارونده یاتیدی
طومار محبتده آدوز بیر یازیلوبدی
قبری نیه قبروندن اوزاقدا قازیلوبدی
شاکر تبریزی
منبع مجموعه کانالهای مدح و مرثیه
----------- متن اشعار شاکر تبریزی ---------
شجاعت و رجز جناب شاهزاده علی اکبر (ع)
قوشون تا گوردی جنگه اکبرِ سیمین لقا گلدی
قالوبلار شَکّده اکبردی بو یا مصطفی گلدی؟
یتیشدی مرکزِ میدانه ، ایتدی بیر رجز ایراد
اولوندی نطقِ عالی سیندن ، عالی پندلر ایفاد
ایدوبدور امر بر معروف و نهی منکراتی یاد
بو منظور اوسته بیر گمراه اولان بلکه یولا گلدی
دیوب اوندان صورا من اکبرم ای قوم ، اولون آگاه
منیم جدّیم محمّددور ، حبیبِ حق ، رسول الله
بابامدور مرتضی حیدر ، ضمیرِ لفظِ من والاه
اوئیکه صدره جامع ، عالِم و شیرِ غزا گلدی
علینون کفّی جَدّه مدور ، ملیکه کلّ آفاقه
همان زهرادی که پرتو سالوبدور طاقِ نُه طاقه
عَموم دور مجتبی ، میزانِ محکم ، حق و انصافه
حسین بن علیده ، بابِ نسبتدن اَبا گلدی
گورنده شهدِ نطقی ، اهلِ کفره ویرمدی شیره
ال آتدی فاتحِ خیبر ، علی تک اوندا شمشیره
شغالِ کورلر گویا اولوبلار روبرو شیره
آت اوستوندن یره ، باشسیز السیز اشقیا گلدی
ترابِ تیریه سالدی او قدری پهلوانلاردان
آلیندی رنگِ صورت ، سالم اعضا قهرمانلاردان
اولوندی کُشته دن پُشته ، دوتولدی یول قاچانلاردان
قدَر احسن دئدی ، ابلاغِ تحسینه قضا گلدی
او قدری قالمادی اَسسون هواده پرچمِ تسلیم
او موقع سعدین اوغلی ، نقشه ایلدی تنظیم
مقرّر قیلدی لشکر ، چار سمته اولدولار تقسیم
مجهّز دورت طرفدن اوستونه اهلِ جفا گلدی
او رزم آرا ایچون بو حمله لرده عرص تنگ اولدی
قاریشدی بیر بیره دریای لشگر ، سخت جنگ اولدی
همین اثناده حیفا ، توسنِ امّیدی لنگ اولدی
الینده تیغ منقذ ، ناگهان اول بی حیا گلدی
ایله بیر ضربه ووردی ، جسمینی سالدی تعادُلدن
توانا سلب اولوب ، ووردی گلن دشمن ، مقابلدن
او اندازه جراحت وارد اولدی ، تا دوشوب دلدن
ایراق لیلا گوزوندن ، یاره اوستوندن یارا گلدی
هوا ایسّسی ، اوزی یورقون ، گیدور قانی ، بدن خسته
آخوبدور نازنین باشی ، دوشوب اوندا عقاب اوسته
هیاهو قوپدی ، مرکب رم یِدی ، گیتدی نه آهسته
لُجام آزاد ، میدان ایچره باش قویدی هارا گلدی
دولاندوردی نه اندازه ، عقاب ، اقطارِ میدانی
گلن ووردی ، گیدن ووردی ، او رعنانی او زیبانی
یخیلدی عاقبت توپراقلارا اولدی بو عنوانی
بابا گَل اکبرون تاپ ، باشینه گور نه بلا گلدی
قیامتدور بلا صحراسی ، مَملُوّ اضطراریله
شهِ لب تشنه مشغول ، اهلِ بیتِ دلفکاریله
ایشتدی دادِ استمدادی ، بولمم نه قراریله
اوغول جان ویرماقین گورماقلیقا ، مظلوم آتا ، گلدی
گلوب گوردی تَلئلو یاغدیران آیدان دوشوب سایه
ز بسکه قان دوتوب اندامینی ، گلمز یارا سایه
بویوردی باخمادی قاتل ، بیله زلفِ سمن سایه؟
سنی بو حاله سالدی ، هانسی ظالم ابتدا گلدی
قتیلِ عشق ، امامین عطرین آلماقلیق دَلیلیله
گوز آچدی عرض ایدوب ، سیراب اولوندوم سلسبیلیله
بویوردی سن علی گئت ، منده گللم بو سبیلیله
آنان اما اوغلسوز قالدی ، دنیاسی قرا گلدی
خیال ایتدی خیامه حمل اولا ، اول قامتِ شمشاد
بویوردی ای جوانانِ بنی هاشم ایدون امداد
اولوب امرِ امام اجرا ، جوانلار چکدیلر فریاد
گریبان چاک ، تک تک ، دللرده وا اکبرا گلدی
بویوردی سرورِ آزادگان ، ای با وفا انصار
خیامه حمل ایدون ، قارداشوزی سیز ، منده یوخ انجار
گوروبلر چون جراحت چوخدی ، مشکل حمل اولا ، ناچار
کنارِ فرشِ غبرا اوسته آخر بیر عبا گلدی
عباده حمل اولوندی سروِ طوفان دیده آخرده
بسانِ یاسمن ، گللر بوتون آشفته پژمرده
بنی هاشم قاباق ، دالدا ، او سلطانِ جوان مُرده
بو تشییعی گورنده نالیه اهلِ سما گلدی
یتیشدی تا حریمِ خیمه گاهه ، دل غمین موکب
عزیزِ فاطمه فریاده گلدی ، گل باجی زینب
یوزوم لیلایه یوخدور ، سن گَل آخر گور ندور مطلب
دئ لیلایه سِنوب آئینهء احمد نما ، گلدی
چادلاردا بو سس تا دوشدی ، بولدی عترتِ طاهر
بوتون گوزلر دولی ، نعشِ علی اوسته اولوب حاضر
ولی لیلا دایاندی گلمه دی حقّه اولوب (شاکر)
دئدی صد شکر ، حسینه نوجوان اوغلوم فدا گلدی.
شاکر تبریزی
منبع مجموعه کانالهای مدح و مرثیه
----------- متن اشعار شاکر تبریزی ---------
زبانحال با حضرت ابوالفضل (علیه السلام)
در شهادت حضرت علی اکبر (علیه السلام)
کرب بلا چولنده طوفاندی یا ابا الفضل
اوغلی ئولوب حسینون گریاندی یا ابا الفضل
تل اوستونه چخوبدی قانلی عبا النده
پرپر اولوب مناده یوخدور رمق گولونده
اشگی آخار عذاره اکبر آدی دلنده
سلطان هر دو عالم بیجاندی یا اباالفضل
قانه باتوبدی یکسر دین حقو ن فداسی
آلمش قوجاقه نعشی بیکس لرون آقاسی
داغلی اورکدن عرشه او ج ایلیر نواسی
رنگی صولوب حسینو ن نالاندی یا ابا الفضل
ایوای دئین زما نی دشمن ایدر شماتت
اکبر باشندا وا ردی حیدر کیمی جراحت
لیلا یانندا اولدم افسوس اولا خجالت
جدی رسوله اکبر میهماندی یاابا الفضل
شاه جهان بویوردی قارداشینه اوساعت
زینب گلن زمانی ایله اوزون هدایت
قویما فغانه گلسون اول معدن کرامت
جبریل خیمه گهده درباندی یا ابا الفضل
پرواز ایدو بدی قوشلار گویده نوایه گلدی
اخیا میدن چخوبدی قزلار صدایه گلدی
ترک ایتدی آسمانی حوران عزایه گلدی
قرآنه هدیه ویرمک آساندی یا ابا الفضل
فریاد اوجالدی یردن اسدی بتون فلک لر
آچدی باشین سماده ایوای دئیدی ملک لر
زینب نوایه گلدی دوندی قانا اورک لر
اکبر شهید راه قرآندی یا ابا الفضل
شاکر تبریزی
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است