متن نوحه ترکی زایر تبریزی
مجموعه اشعار آیینی و مذهبی مرحوم زایر تبریزی در مدح و رثای اهلبیت علیهم السلام ، متن نوحه ترکی از مرحوم زایر تبریزی
---
زبانحال حضرت ام البنین (سلام الله)
بیرده خطاب ایتمیون ام البنین منه
اوغلانلاریم الوبدی بو اولدی یقین منه
عباس و عون و جعفر و فضلین وجودینه
ویرمیشدی بو کنیتی حبل المتین منه
معلوم اولور الوبله او نورس جوانلاریم
اولسون گرک انیس النجه انین منه
دورت اوغلومی سوسوز یتوروبله شهادته
ماتم سرا اولوبدی بو روی زمین منه
هردوره نین غمی اثرایلر منه ولی
عباسیمین او حالی اولوب دلنشین منه
ایوای منه دیوله سو استه دوشوب قولی
بیرده محال خوش گله یاد معین منه
ایلوب خسوف برج بنی هاشیمین آئی
تیره ایدوب بو عالمی اول مه جبین منه
قطعه بقطعه دوغرانوب اعضاسی اوغلومون
بیرده قرار و صبر دل اولسون چتین منه
اوغلوم اولوب یانوب علمی مشکی اوخلانوب
ارسال ایدوبله قانه باتان پرچمین منه
هل من معین دیوبدی اولاردان صورا حسین
ایلر اثر النجه او هل من معین منه
تا وار حیاتیم آغلارام ابربهارتک
بیت الحزن جهانی ایدوب اهل کین منه
صد شکر اولا امامه اولار جان نثار اولوب
اوغلانلاریمدی ال- گوز امام مبین منه
صدمه گوزه گلنده ایدردفع شر ال
تعلیم ایدوب بونی شه عرش آستین منه
دین استه جان ویروبدیله حقیم حلال اولا
ایتموشدی کشف بو سوزی سالار دین منه
من(زایرم)یوخومدی لیاقت بو سوزلره
الهام ایدوبدی حضرت روح الامین منه
خالقدن ایسترم شب و روزی بو جمعیله
ایتسون نصیب بیر اولارین مدفنین منه
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
آمدن دختر یزید به خرابه شام
ای دختر یزید دل اچما شماتته
باعث ندور بو کینه و بغض و عداوته
ایتمه شکسته قلبیمی سن تازه دن شکست
چوخ افتخار ایتمه او شان وجلالته
منده عزیزیدیم واریدی شان و شوکتیم
باخما خرابه ده بیله ایمدی حقارته
زرتارمعجریم واریدی چوخ عزیزیدیم
گیتدی دیار کرببلا ایچره غارته
خلخال و گوشواره می شمر و سنان الوب
ایمدی اسیر اولموشام اهل شقاوته
قارداشلاریم اتام عمولار دوغرانوب تمام
قلبیم اودور باتوبدی غم بی نهایته
مظلوم الوب اتام داغیلوب جاه و عزتیم
بیرده محالیدور که چیخام استراحته
اد خارجی قویوبدی بیزه شمربیحیا
هر گون چکر بیزی او شقی بیر ولایته
چدم جناب فاطمه جدیمدی مصطفی
مظلوم اتام حسیندی گلوبدور هدایته
قلبیم سینوب ایویم یخیلوب عزتیم گیدوب
خویش و ایلیم تمام یتوبدور شهادته
هردم دوشر خیاله گیچن گونلریم منیم
حسرت چکر گوگل او گیچن وقته ساعته
گاهی اتام الوردی قوجاقه گهی عموم
گه ناز ایدردیم اکبر خوش سرو قامته
ایمدی نیدیم الوبدی جوانان هاشمی
باغلانموشام خرابه ده بند عداوته
هم باجیلار هم عمه لریم دستگیراولوب
ویرانه گوشه سینده دوشوبلر بو حالته
سجاد قارداشیم نجه گور ضعفیله دوشوب
یوخ بیر نفر گله بو مریضه عیادته
شام اهلینین شقی لری هرصبح و شامیده
طعن ایتمافا گلوله بو پوزقون جماعته
پیغمبرین عزیزیلری گورنه حالیله
کنج خرابه ایچره دوشوبلر مذلته
پیغمبرین شبیهینه من (من زایرم) اوزوم
نیلوم الیم یتوشموری فیض زیارته
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
احوالات حضرت مسلم بن عقیل (علیه السلام)
ایدل بو فانی عالمین اویما هواسینه
باخما جلال و جاهینه عالی بناسینه
بیل باغلاما بو حشمت دنیایه فانیدور
هیچ کیمسه نی یتورمیوب اوز مدعاسینه
وار شاهدیم بو عرضیمه باخ اهل کوفیه
دار بقانی ساتدیلافانی بهاسینه
کوفه غریبی مسلم ایچون بیعت ایتدیلر
گوستردیلر محبت اونون ابتداسینه
افسوس او قدری گیچمدی بی شرم کوفیان
سیندیردیلار او بیعتی دنیا هواسینه
تولاندیلار ریاسته عقبانی اتدیلار
اشرار کوفه نون گله لعنت وفاسینه
هم عهدیلر تمام باشیندان داغیلدیلار
باخ اهل کوفه نون ستم نارواسینه
قالدی وحید کوچه ده بیر کیمسه اولمیوب
ویرسون ایوینده یر اوناالله رضاسینه
گلدی دایاندیکوچه ده دیواره مضطرب
یوز ویردی اوزگه حال او غم مبتلاسینه
بیر طوعه نام عورت اونون حالینی گوروب
مبهوت اولوبدی اول شه دین ماجراسینه
سو ایستیوب گیدوب گتوروب ایچدی گیتمدی
اگلشدی غم غباری دل با صفاسینه
آواره قالدی هاردا گیدوب منزل ایلسون
اودلاندی دلدن اهل جفانین جفاسینه
طوعه دیدی سبب ندی آیا دایانموسان
گیت قال ایوینده دوشمه بو شهرین بلاسینه
فرمایش ایتدی بوردا منیم یوخدی بیر یریم
بیجا بو نوع باتماموشام غم لباسینه
عرض ایتدی یوخسا نایب شاه حجازیسن
تولانموسان بو سلسله نین اشقیاسینه
بو منزلی مزین ایدوب رنجه قیل قدم
جانیم فدادی دین مبین رهنماسینه
طوعه جناب مسلمی چوخ احترامیله
عزتله داخل ایلدی اوز غم سراسینه
گیچدی بیر ایوده باشلادی راز و نیازینی
مشغول اولوب همان گیجه حمد و ثناسینه
صبح اولدی لیک همان گیجه کاش اولمییدی صبح
اعدای دین ال اچدیلا دینین فداسینه
بیحد قشون همان او ایوین دوره سین آلوب
تولاندیلار او ابن زیادین خطاسینه
بیر ازدحامو کثرتیله صحنه دولدولا
شاید که مسلیمون اولا باعث هراسینه
حاشا او شیر دل ایده بیر ذره ای هراس
حمله ایدوب او سلسله نون پیشواسینه
شیر خدا شجاعتینی ایتدی آشکار
ماموم اولوب علی کیمی بیر مقتداسینه
سیندوردی کوفیانی چیخاردوبدی صحنیدن
لایقدی بو ولی خدا مرحباسینه
بیر تک وجود علاوه اوزی شهره نابلد
بیر شهر قتلینین دوشه لر ادعاسینه
باک ایتمی قلج وورا صولتله دشمنه
حسرت قالا او حالیده اوز اقرباسینه
گاهی ایدوبدی حمله صاقا گه دونوب صولا
گه حمله ایتدی قلب سپاهین لواسینه
پوزدی نظام لشکری شیر خدا کیمی
باخمازدی اهل کوفه نین اصلا قواسینه
شیری شکار ایتماقا اول روبهان عصر
بیر دام قوردولار اولا باعث خفاسینه
گوداله سالدیلار اونون اطرافینی آلوب
ظلمات کفر حایل اولوبدور ضیاسینه
بیر زخم کاری یتدی ازلده جمالینه
قان پرده چکدی ابرتک اول مه لقاسینه
اول الیندن آلدیلا تیغین ال آچماسین
اگلشدی گرد غصه دل دلرباسینه
محکم طناب کینیله باغلاندی قولاریبیر
کیمسه اولمیوبدی گله التماسینه
ابن زیاد مجلسینهچکدیلر اونی
قربان دین حق گیدوبدورمناسینه
بی اعتنا او بزمه گیروب ویرمدی سلام
تسلیم اولوب بو فانی جهانین قضاسینه
مرجانه اوغلی غیظیله بیر باخدی مسلمه
آچدی زبان نحسین اونون ناسزاسینه
حکم ایلدی گلون آپارون الورون بونی
باور یوخیدی هر عملین اوز جزاسینه
بامه چیخاتدی دشمن اونی اوزگه حا لیله
افسوس یتمیوب الی مشکل گشاسینه
بام استن ایتدی کرببلا سمتینه نظر
ویردی سلام ازل شه گلگون قباسینه
عرض ایتدی گلمه کوفیه ای شاه کربلا
بیل باغلاما بو طایفه نون التجاسینه
سوزین تمام ایلمموش کسدیلر باشین
تف اهل کوفه نون گله شرم و حیاسینه
باشسیز یارالی نعشین اونون آتدیلار یره
معناده باتدی عترت یاسین یاسینه
ایپ سالدیلار ایقلارینا کوفیان اونون
بلمزدیلر که کیم گله جاق خون بهاسینه
(زایر)حسین دامنینه وور همیشه چنگ
امید باغلا هر ایکی دنیا عطاسینه
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
احوالات غارت خیام
آچیلدی ظلم الی چون دختران زهرایه
اوجالدی داد و فغان طاق عرش اعلایه
نجه سویولدی اوگون بلمم ال پیغمبر
بهشت عدنیده آرتدی ملال پیغمبر
سالوبلا آت دوشونه اهلبیت زهرانی
حرم غزاله لری دولدوروب او صحرانی
بالاج قیزلاز اودم آهو تک کمنده دوشوب
او دشتیده هامی صیاد الینده بنده دوشوب
باخاردی حسرتیله بیر طرفده تازه عروس
چکردی آه ایدردی او حاله چوخ افسوس
الینده نیزه گوروب بیر ستم شعار گلور
عروسی قصد ایلیوبدور اونابکار گلور
اوزینه بلمدی اول شاهزاده بیر چاره
دوشوبدی حوله قاچوب رنگی قالدی آواره
نه وار عمو نه عم اوغلی نه قوم و نه قارداش
دیردی اوز اوزینه نیلیوم من کلباش
اوزین کنا ر ایلیه بلمدی مصیبتدن
بو فکره دوشدی که قاچسون یخلدی وحشتدن
او غم کشیده دوروب بیر نچه قدم قاچدی
یتوب او کافر اونا جور و ظلم الین آچدی
نه ظلم ایدوب او دنی کونی غمله دولدوردی
حسین عزیزینه بیر کعب نیزه اندوردی
بیله جفا و ستم گورممیشدی اول غم کش
کسیلدی طاقت و صبری یخلدی ایلدی غش
بیان ظلمینه عاجزدی دل دلیم یانسون
نجه دله گتوروم وار یری دل اودلانسون
یتوشدی زینب خاتون جوخ اضطرابیله
گوتوردی باشینی یردن اونون شتابیله
بیریسی غش ایده آخر سپله سو یوزینه
باخوب او حالته زینبیاناردی اوز اوزینه
یوزینه سپماقا سو اولمادی ایدوب ناله
گتوردی بلمم عروسی ننوعیله حاله
گوز آجدی عمه سینی گوردی بیر اورکلندی
یوخیدی دل ولی بی اختیار دلندی
دیدی که عمه عجب آخموری بو گوز یاشیم
گیدوبدی معجر و خلخال آچوق قالوب باشیم
الوبدی دوره میزی بیله فوجیله دشمن
واروندی حایل اگر ویر یوزیمی اورتوم من
دیدی ایدوبله منی اهل کوفه شرمنده
سویولموشام بیبین السون سنین کیمی منده
بو گون بو دشتیده غم غصه ده بیلیم بوکولوب
ایاقه دور که گوروم باشیمه نه کول توکولوب
یانوبدی قلبیم علاوه گتورمه سن درده
یتیملر داغولوبلار قالوبلا چوللرده
خیال آل پیمبر منی سالوب دلدن
صغیر اشاقلاری بیر بیر گرک یغام چولدن
بنات حیدره یوخ رحم ایدن بو لشکرده
ووروبلا خیملره اود یانور سرا پرده
دوتوبدی دورهمی دشمن یوخومدی غم خواریم
یانان چادردا اود ایچره قالوبدی بیماریم
شکسته خاطریم اندوه و عمله اودلاندی
بو قدر ایلمه تاخیر دور بالام یاندی
بو محنت و غمه وورما داخی قلم (زایر)
تمام عالمی غمگین ایدوب بوغم (زایر)
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
خطاب حضرت زینب کبری(سلام الله)
به آفتاب در روزعاشورا
ای گون بو قدر ایتمه علاوه حرارتی
چوخدور حسینیمون بدنینده جراحتی
زحمتدی چوخ یارالی وجوده گون ایسیسی
سالما بقدر زحمته نور هدایتی
ای گون سویوبلا گور نجه پیغمبر اوغلونی
عریان قالوبدی بو بدن بالطافتی
لب تشنه الدوروبله کنار فراتیده
شام اهلینین شقاوتینین یوخ نهایتی
ای گون پیمبر اوغلی قالوب یرده بی کفن
ایلوب تمام عالمی غمگین بو حالتی
محشر گونی کیمی سالوسان چوخ حرایتون
یو خسا بو گوندی آل علینین قیامتی
بیر یاندا اود ووروبلا خیام امامته
بیر یاندا اهل کوفه آچوب دست غارتی
خوردا اشاقلار آهو کیمی چوللره قاچار
هاردا گوروبدی آلعلی بیله ذلتی
گاهی سالولا آت دوشونه خوردا قیزلاری
پیغمبریله وار بولارین نه عداوتی
ای گون غروب ایله بو گون بلکه شام اولا
اطفال بی پناه تاپا استراحتی
شام ایله شامیان چکه ال بلکه ظلمیدن
قالموب یتیم اشقلارون آرام و طاقتی
شام ایله بلکه ال چکه کوفه شقیلری
راحت قویا گیجه بو بنات رسالتی
ای گون او گوندی که اولا بیرده بو (زایره)
قسمت بو جمعیله او حسینین زیارتی
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
ولادت حضرت رسول اکرم (صلی الله)
بیر نوریله منور ایدوبور بو عالمی
ممتاز خلق ایدوب اونی خلاق لا یزال
خلق ایلیوبدی خالق اونی پیشوای خلق
مخلوقی خلق حسنیله ایتسون فرشته حال
نور هدا و شمس ضحی اشرف رسل
نورانی ایلیوب بو جهانی او خوش خصال
زینت ویروب قدوم شریفی بو عالمه
دنیانی ایلیوبدی مزین او مه جمال
گر اولماسیدی اول خلقتده خلق او نور
ایجاد خلق اولوردی یقین ایلیون محال
اول بو نور خلق اولونوب صورا ما خلق
أخر زمان ظهو رین اگر ایلسن خیال
خالق حکیمدوراوزی ایلوب بو حکمتی
حکمتدن اولمیوب ایله بیر کیمسنه زوال
گون تک بو نوری پردده مستور ایدوبدی حق
تا یتمسون شریعته هر دورده خلال
ابلوب او نور جودیله أخر زمان ظهور
سالدی قدوم اطیبی ادیانه قیل و قالوب کمال
ایندی مزین عالمی نور مبارکی
نشو نما ایدوبدی بو دنیاده ماه و سال
أز مدتی نقدر بلالر چکوب او شه
بو شرع انور استه اونا یتدی وخ ملال
ویردی رواج دین منیره او شاه دین
گون تک شریعتین گونی اوندان تاپ
قویدی اودمبنای غروب افتاب دین
قالموب او قدر تا اولا بو دین پایمال
رونق ویروبدی فانیله اسلامه تازه دن
تعجبل ابدوب امام حسین ویرمدی مجال
ویدی فدا جوانلارینی شرع انوره
جدی حرام ایدنلری تا اولماسون حلال
قارداشلاریندان ال چکوب اوخلاندی اصغری
بلمم او حالیده او شهه یوز ویروب نه حال
دوغراندی یار و یاوری ناحق او دشتیده
رنگین ایدوبدی یکسر او صحرانی خون ال
(زایر) بو سروره شب و روز اغلا نوحه یاز
وار چوخ گناه سنده اوزین بو کمنده سال
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
احوالات حضرت فاطمه زهرا (سلام الله)
چون ایلدی وداع بو دنیانی فاطمه
درده گتوردی چوخ شه مردانی فاطمه
حیران باخاردی فاطمه نون نعشینه اوشاه
قلبی یاناردی حالینه دلدن چکردی آه
آغلاردی آه و زاریله خواتون محشره
ایلردی ناله چوخ او عزیز پیمبره
یردن گوتورسون ایستدی اول کان عصمتی
اولدی علاوه شیر خدانین مصیبتی
تقریر ایدیم ننوع خدایا بو سوزلری
آثارتازیانه لره دوشدی گوزلری
غسلین ویروب ایدوب گیجه وقتی اونی کفن
ایتموشدی چون وصیت او خاتون اوزی ازل
تابوتینه منافق دین وورماسونلا ال
اصحاب همان وصیتی باشه یتوردولر
یدی نفر جنازه نی یردن گوتوردولر
دوشدی دالینجا زینب و کلثوم اول زمان
آغلاردیلار ایدردیله گوزیاشلارین روان
حالی اولوب او حالیدن اول شاه اولیا
امر ایتدی قیتروب اولاری اوغلی مجتبا
بو چرخ کجمداریده بیر کجمداره باخ
زهرایه باخ پیمبره باخ روزگاره باخ
پیغمبریکه حق آپاروب عرش طاقینه
یدی نفرآپاردی قیزین قبرایاقینه
چوخلاربلوردی اوزلرین امت پیمبره
خدمتلری اولوبدی اذیت پیمبره
قویدی او نعشی قبره ولی خدا اوزی
آرام و صبری گیتدی دولوب اشکیله گوزی
تاپشوردی حقینه او گرامی امانتی
معلومیدی واریدی اونون چوخ خجالتی
دفن ایلیوب عزیزه سینی گیتدی تاب و صبر
ایتدی درست علاوه نچه بیرشبیه قبر
اصحابیله قیتدی او مولا همان گیجه
زهرادن آیریلا علی راحت یتارنجه؟
دلدن یاناردی صبحه کیمی نورعینینه
گه زینبه تسلی ویروب گه حسینینه
صبح اولدی تا خلیفیه یتدی همان خبر
حکم ایلیوب بقیعه گیده خلق سربسر
بو فکره دوشدولرآچیلا قبرفاطمه
دریای غیظ حق گلوبدورطلاطمه
شیرخدا حمایل ایدوب ذوالفقارینی
آلدی بو سوز الینده اونون اختیارینی
چیخدی کمال صولتیله اول شه عرب
حالیندن آشکاریدی اول سرورین غضب
یتدی کمال سرعتیله تا همان یره
ایتدی خطاب غیظیله اول قوم کافره
ترکیبینه بو قبرلرین گروورولساال
بو ذولفقاریدورسیزه بیر قاصداجل
حال علینی گوردوله چوخ خوف ایتدیلر
تشویشه دوشدولر هامی بیردن قیتدیلر
ایکاش اولیدی کرببلاده اوگون او شاه
اول گون که زینبه یوخودی اوزگه دادخواه
دوشموشدی یرده نعش حسین ابن فاطمه
دریای ظلم گلدی او گونده طلاطمه
سعداوغلی حکم ایدوب دل زهرانی یاندورون
نعش حسین استه گیدون آت دولاندورون
بو سوز یتوشدی زینب کبرا قلاقینه
آتدی ملال آهی چیخوب عرش طاقینه
آغلاردی سس چکردی دیردی خدا نیدیم
یوخ بیر کسیم بو چولده کیمه عرض حال ایدیم
فضه گوروب او حالی گلوب ایتدی عرض حال
آغلار گوزون فداسی بیله توکمه اشک آل
ویرسن اجازه گرآچارام ال دعایه من
بیر شیرواربو چولده چاغورام هرایه من
آلدی اجازه فضه گیدوب ایتدی آه و زار
اولدی او وقته گوردوله بیر شیر آشکار
بقیه این اشعار در جلد 29 گنجینه گذشتگان
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
در احوالات امام حسین (علیه السلام)
آه او ساعتدن یخلدی شاه مظلومان یره
علت ایجاد عیسی ویردی تازه جان یره
آلدیلار اطرافینی صف صف سپاه کفراودم
نیزه و خنجرقلج اوخ سربسراولدی قلم
یازدیلارشمشیریله جسم شریفین چون رقم
جلد سیز قران کیمی دوشدی شه عطشان یره
یخدیلاراعدای دین دین مبینین پایه سین
سالدیلاربی سایبان میدانه الله سایه سین
ثبت ایدوب صدرینده کتاب قضا ذبح آیه سین
خورد اولوب گویا دوشوب شیراه سیز قران یره
واله اولدی ماسواجسمینده تحریراتینه
زخم خنجرمدتک تمدید اولوب کلماتینه
نوک نیزه اوخ قویوب نقطه تمام آیاتینه
ثبت اولوب صدرینده گویاآیه قربان یره
دین پیغمبردن اول کفار کوفه ال چکوب
ازدحامیله تماماتیغ پرصیقل چکوب
هربیری او صفحه قرانه بیر جدول چکوب
قطعه قطعه ایتدیله دوشدی شه دوران یره
دوغرانوب پیغمبراوغلی ریزه ریزه بند بند
توکدولر قانین همین قان ایتدی دینی سربلند
ظاهرابو ظلم اولوب اعدایه گرچه دلپسند
باطنا جبریل گلدی واله و حیران یره
زینت عرش خدانی ایلیوبلرزیب خاک
ووردولارازبس یارا اولدی وجودی چاکچاک
جایز اولسیدی دیردیم غملنوبدور ذات پاک
لرزه افلاکه دوشوب گوگدن یاغوبدورقان یره
نازنین جسمه قلج اوخ نیزه دگدی اتصال
زخم ثارالهیدن سو تک آخوبدورخون آل
قلب عالم قلبینه مستولی اولدی ضعف حال
حال شهدن یوزویروب حال وله اول ان یره
قلب عالم قلب میداندا قالوب بی اختیار
سیردن سیاره دوشدی یربه یردوردی مدار
بهت آپاردی عالمی یوز ویردی حال انکسار
سرنگون اولموشدی قلب عالم امکان یره
یر به یردورموشدی دشمن دوست یکسرمحو و مات
اولمیوب یاره ووران حاله گلوب عین الحیات
صاق صولا باخدی سپاه کفره ایتدی التفات
ایستدی دورسون یخلدی قانینه غلطان یره
اولمادی حالی امامین ایلسین بیرده قیام
ابن سعد حکم ایلدی امرحسین اولسون تمام
دسته لردن ایریلوب شمرایلیوبدوراهتمام
آز قالوب فکرینده اول شومین دوشه لرزان یره
کفرمطلق نورحقین قتلینی منظورایدوب
جایزه آلماق اونی بو جرئته مجبورایدوب
عالم گریان یزید کافری مسرورایدوب
گلدی پیغمبرعلی زهرا اولان گریان یره
نه چفا ایتدی نه ظلم اولدی اونا یوخ منده حال
کاش اولیدی عالم امکان او وقته پایمال
جبرئیل نازل اولوب تا ایلسین کشف مقال
اولدی زایر گوردی مولاسین یخوب عدوان یره
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
احوالات شام غریبان امام حسین (علیه السلام)
ای قتیل ستم سلسله کافر اوغول
بونه منزلدی ویروبدور سنه دشمنلراوغول
بسلدیم بو باشی سینمده حسین عزتیله
یرویرردیم دیزیم استه سنه من رافتیله
ایمدی ننوعی تنورایچره گوروم ذلتیله
چولقیوب عارض آلون بیله خاکستراوغول
یاتما راحت بو کول استه بیله قویما یوزیوی
بو بلاکش آناواایلمه نازآچ گوزیوی
مگراعدایه نشان ویرمدون آخر اوزیوی
ایتدیلر قانیوه غلطیده سنی لشکراوغول
گوزون آچ بیربو آنان فاطمیه ایله نظر
کربلا دشتینه ایتمیشدیم اوغول ایمدی گذر
جسمین آلقانیله الوانیدی ای نوربص
خس و خاشاکیدی گل پیکریوه بستراوغول
ایمدی آغوشیمه چکمیشدیم او گل پیکریوی
گه اپردیم یارالی نعشیوی گه حنجریوی
هم سنین باسیوی کسمیشدیله هم اللریوی
نازنین نعشیوی گوردوم من اوزوم بی سراوغول
خاک و خون ایچره قویوب لشکرکین گل بدنون
نه حنوط و نه مزارین نه سنین دفن ایدنون
قانلی تپراقلاراولوب کرببلاده کفنون
واردی حقیم سنه من ناله ایدم ایللراوغول
ایدرم ناله بو حاله توکرم اشگ بصر
یری واردورگله اشگیم یرینه خون جگر
بسلدیم من سنی نه زحمتیله شام و سحر
ایمدی ننوع گوروم قانویله احمراوغول
آنا قلبی نجه بو طلمه ایدرصبرودوام
اوغلینون باشینی بو خاله سالا قوم ظلام
قطعه قطعه بدنین ایلیه هم لشکر شام
کسیله باش گیده انگشتیله انگشتراوغول
راضی اولمازدیم اوتورسون یوزیوه گرد و غبار
گورورم ایمدی کول استنده باشون من بیله خوار
نوردیدم گوزون آچ گیتدی داخی صبرو قرار
نطقه گل لحظه ای صبردل مادراوغول
ایسته سن (زایر) اگر گورمیه سن نارسقر
صفحه عارضه توک اشک بصرشام و سحر
بیرده یاز دفتره بو مصرعیبا دیده تر
ای قتیل ستم سلسله کافر اوغول
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
احوالات جناب عبدالله ابن الحسن (علیه السلام)
چو صدر زیندن ایلوب نزول امام حسین
دیردی لیتنی کنت تراب خانه زین
ابو تراب عزیزی دوشوب تراب استه
تاسف ایلدی استبرق بهشت برین
یخلدی کرببلا دشتینه ولی الله
ایدردی فخراو حالتده عرشه روی زمین
آتوبدی تاجینی جبریل نالیه گلدی
سپردی باشینه تپراق او وقته روح الامین
قوری یراسته دوشوب جسم پاکی صدپاره
ایدوبدی قانیله کرببلا چولین رنگین
او بیر یارالینی یالقوز گوروب قشون بیردن
احاطه ایتدیله اطرافینی نچه یوزمین
آلوب اله بیری خنجر بیری قلج بیری اوخ
ووروبلا یاره زبس ضعف ایدوب او هادی دین
چالندی طبل بشارت آت اوینادوب دشمن
یخوبلا اتدان امام حسینی لشکرکین
قویوب او طبل سسی اهلبیتی چوخ نگران
حرم سرای امامتده اولدولار غمگین
ایشیتدی بو سسی ناگه جناب عبدالله
چخوبدی وحشتیله خیمدن او طفل حزین
نگوردی بیر یارالی قتلگاهیده یخلوب
قلج ووروب اوخ آتانلار آلوبلا دورو برین
جناب زینبه عرض ایتدی ای غریب عمه
او کبمدی که اونا یوخ بیر نفربو چولده معین
جناب زینب او دم تازه دن گلوب درده
دیدی سنین او عموندوراولور اونا توهین
ایشتدی تا بو سوزی یوزقویوبدی قتلگهه
نقدرمانع اولوب زینت ایتمدی تمکین
یتوب نگوردی چکوب ابحربن کعب قلج
غریب عموسینی اول بیحیا ایدوبدی کمین
دیوبدی رحم ایله ظالم یارالیدوروورما
که خیمده گوزی یولدا قالوبدی عترتینین
گلنمز اهلحرم قتلگاهه (زایر) اولا
ایدله خیمگه ایچره تمام آه و انین
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
در ولادت حضرت رسول اکرم (ص)
بیرنوریله منورایدوبدوربو عالمی
ممتاز خلق ایدوب اونی خلاق لایزال
خلق ایلیوبدی خالق اونی پیشوای خلق
مخلوقی خُلق حُسنیله ایتسون فرشته حال
نورهدا و شمس ضحی اشرف رسل
نورانی ایلیوب بو جهانی او خوش خصال
زینت ویروب قدوم شریفی بو عالمه
دنیانی ایلیوبدی مزین او مه جمال
نه ماه بلکه ایدرکسب نوربخش
محتاجیدوراو نوره هامی خلق یوخ مقال
گراولماسیدی اول خلقتده خلق او نور
ایجاد خلق اولوردی یقین ایلیون محال
اول بو نورخلق اولونوب صورا ماخلق
آخرزمان ظهورین اگرایله سن خیال
خالق حکیمیدور اوزی ایلوب بو حکمینی
حکمتدن اولمیوب ایده بیرکیمسنه زوال
گون تک بونوری پرده ده مستورایدوبدی حق
تا یتمسین شریعته هردوره ده خلال
ایلوب اونورجودیله آخرزمان ظهور
سالدی قدوم اطیبی ادیانه قیل و قال
ایتدی مزین عالمی نورمبارکی
نشو و نما ایدوبدی بو دنیاده ماه و سال
آزمدتی نقدربلالرچکوب اوشه
بو شرع انوراسته اونا یتدی چوخ ملال
ویردی رواج دین مبینه او شاه دین
گون تک شریعتین گونی اوندان تاپوب کمال
اسلامی سربلند ایدوب عمری تمام اولوب
ترک ایلیوب بو عالمی اول سید رجال
قویدی او دم بنای غروب آفتاب شرع
قالموب او قدرتا اولا بو دین پایمال
رونق ویروبدی قانیله اسلامه تازه دن
تعجیل ایدوب امام حسین ویرمدی مجال
ویردی فدا جوانلارینی شرع انوره
جدی حرام ایدنلری تا اولماسین حلال
قارداشلاریندان ال چکوب اوخلاندی اصغری
بلمم او حالیده او شهه یوزویروب نه حال
دوغراندی یارو یاوری ناحق او دشتیده
رنگین ایدوبدی یکسراو صحرانی خون آل
(زایر) بو سروره شب و روزآغلا نوحه یاز
وارچوخ گناه سنده اوزین بو کمنده سال
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
در احوالات بسته شدن راه فرات
ﻫﺮ ﮐﺲ ﺑﻮﮔﻮﻥ ﺳﻮ ﮔﻮﺭﺳﻪ ﺳﺎﻟﺴﻮﻥ ﺣﺴﯿﻨﯽ ﯾﺎﺩﻩ
ﺳﻮ ﯾﻮﻻّﺭﯼ ﺑﻮﮔﻮﻧﺪﻩ ﺑﺎﻏﻼﻧﺪﯼ ﮐﺮﺑﻼﺩﻩ
ﺳﻌﺪ ﺍﻭﻏﻠﯽ ﻭﯾﺮﺩﯼ ﻓﺮﻣﺎﻥ ﺍﻭﻝ ﺳﻨﮕﺪﻝ ﺻﻔﻮﻓﻪ
ﮐﺴﺪﯼ ﺭﻩ ﻓﺮﺍﺗﯽ ﺍﺷﺮﺍﺭ ﺷﺎﻡ ﻭ ﮐﻮﻓﻪ
ﺳﻮﻟﺪﯼ ﺑﻮﮔﻮﻥ ﺳﻮﺳﻮﺯﺩﺍﻥ ﺍﻃﻔﺎﻝ ﭼﻮﻥ ﺷﮑﻮﻓﻪ
ﺍﻭﻻﺩ ﻣﺼﻄﻔﺎﻧﻮﻥ ﺍﻭﻟﺪﯼ ﻏﻤﯽ ﺯﯾﺎﺩﻩ
ﺳﻮ ﺟﺎﻣﯽ ﺍﻟﻠّﺮﯾﻨﺪﻩ ﺍﻃﻔﺎﻝ ﻣﺎﻩ ﺭﺧﺴﺎﺭ
ﻣﺤﺰﻭﻥ ﻭ ﺩﻟﺸﮑﺴﺘﻪ ﯾﮑﺴﺮ ﺑﻨﺎﺕ ﺍﻃﻬﺎﺭ
ﺁﻏﻼﺭﺩﯾﻼﺭ ﻋﻄﺸﺪﻥ ﺑﯽﯾﺎﺭ ﻭ ﺑﯽﻫﻮﺍﺩﺍﺭ
ﺑﺎﺗﻤﺸﺪﯾﻼﺭ ﻣﻼﻟﻪ ﺍﻭﻝ ﺩﺷﺖ ﭘﺮ ﺑﻼﺩﻩ
ﯾﻮﺯ ﻭﯾﺮﺩﯼ ﺍﺅﺯﮔﻪ ﺑﯿﺮﺣﺎﻝ ﺍﻭﻝ ﺟﻤﻊ ﺑﯽﭘﻨﺎﻫﻪ
ﻟﺐ ﺗﺸﻨﻪﻟﺮ ﻓﻐﺎﻧﯽ ﺍﻭﺝ ﺍﯾﺘﺪﯼ ﻣﻬﺮ ﻭ ﻣﺎﻫﻪ
ﯾﺌﺘﺪﯼ ﻋﻼﻭﻩ ﺑﯿﺮ ﻏﻢ ﺍﻭﻝ ﺷﺎﻩ ﮐﻢ ﺳﭙﺎﻫﻪ
ﺷﻮﺭ ﻭ ﻧﻮﺍ ﺍﻭﺟﺎﻟﺪﯼ ﺻﺤﺮﺍﯼ ﻧﯿﻨﻮﺍﺩﻩ
ﺳﻮﻟﺪﯼ ﺳﺎﺭﺍﻟﺪﯼ ﮔﻞﺗﮏ ﺍﻃﻔﺎﻝ ﻣﺎﻩﭘﺎﺭﻩ
ﺍﻇﻬﺎﺭ ﺣﺎﻝ ﺍﯾﺪﻭﺑﻠﻪ ﻋﺒّﺎﺱ ﻧﺎﻣﺪﺍﺭﻩ
ﻋﺮﺽ ﺍﯾﻠﺪﯼ ﺳﮑﯿﻨﻪ ﺍﯾﻠﻪ ﻋﻤﻮ ﻧﻈﺎﺭﻩپ
ﯾﻮﺥ ﮐﯿﻤﺴﻪ ﺍﻫﻞﺑﯿﺘﯽ ﺳﺎﻟﺴﻮﻥ ﺑﻮ ﻭﻗﺖ ﯾﺎﺩﻩ
ﺍﻃﺮﺍﻓﯿﻨﯽ ﻓﺮﺍﺗﻮﻥ ﺍﻋﺪﺍﯼ ﺩﯾﻦ ﺁﻟﻮﺑﺪﻭﺭ
ﺳﻮﺯ ﻋﻄﺶ ﺑﻨﺎﺗﯽ ﻧﻪ ﺣﺎﻟﻪ ﮔﻮﺭ ﺳﺎﻟﻮﺑﺪﻭﺭ
ﺳﻮ ﯾﻮﺧﺪﯼ ﺧﯿﻤﻪﻟﺮﺩﻩ ﻗﯿﺰﻻﺭ ﺳﻮﺳﻮﺯ ﻗﺎﻟﻮﺑﺪﻭﺭ
ﻏﻤﺪﻥ ﺑﯿﺰﯼ ﮐﻨﺎﺭ ﺍﯾﺖ ﺑﻮ ﺩﺷﺖ ﻏﻢﻓﺰﺍﺩﻩ
ﺍﺑﺮ ﺑﻬﺎﺭ ﺗﮏ ﮔﻮﺭ ﮔﻮﺯﻟﺮ ﻧﺠﻪ ﺩﻭﻟﻮﺑﻼﺭ
ﺑﺴﮑﻪ ﺳﻮﺳﻮﺯ ﻗﺎﻟﻮﺑﻼﺭ ﻏﻨﭽﻪ ﺻﻔﺖ ﺳﻮﻟﻮﺑﻼﺭ
ﺍﯾﻠﻮﺑﻠﻪ ﻧﺎﻟﻪ ﺍﺯ ﺑﺲ ﺑﯽﺍﺧﺘﯿﺎﺭ ﺍﻭﻟﻮﺑﻼﺭ
ﻧﻪ ﺻﺒﺮﻭﺍﺭ ﻧﻪ ﻃﺎﻗﺖ ﺍﻭﻻﺩ ﻣﺼﻄﻔﺎﺩﻩ
ﺩﻭﺭ ﻣﺸﮕﻮﯼ ﮔﻮﺗﻮﺭ ﺑﯿﺮ ﺍﯾﻠﻪ ﮔﺬﺭ ﻓﺮﺍﺗﻪ
ﺑﯿﺮ ﺷﺮﺑﻪ ﺳﻮﮔﺘﻮﺭﺳﻦ ﺑﻮ ﺗﺸﻨﻪﻟﺐ ﺑﻨﺎﺗﻪ
ﺩﺭﯾﺎﯼ ﻏﻤﺪﻩ ﻏﺮﻗﻮﺥ ﺳﺎﻝ ﮐﺸﺘﯽ ﻧﺠﺎﺗﻪ
ﺍﯼ ﻧﺎﺧﺪﺍﯼ ﺩﻭﺭﺍﻥ ﻟﻄﻒ ﺍﯾﺖ ﺭﻩ ﺧﺪﺍﺩﻩ
ﯾﻮﺥ ﺁﻝ ﻣﺼﻄﻔﺎﻧﻮﻥ ﺑﯿﺮ ﮐﯿﻤﺴﻪ ﺩﺍﺩﺧﻮﺍﻫﯽ
ﺳﻨﺴﻦ ﺑﻮ ﺍﻫﻞﺑﯿﺘﯿﻦ ﺑﻮ ﻋﺮﺻﻪﺩﻩ ﭘﻨﺎﻫﯽ
ﺍﻓﻼﮎ ﺍﻭﺝ ﺍﯾﺪﻭﺑﺪﯼ ﺁﻝ ﺭﺳﻮﻟﯿﻦ ﺁﻫﯽ
ﺑﻮﺳﻮﺯ ﻭ ﺁﻩ ﻭ ﻧﺎﻟﻪ ﺗﺄﺛﯿﺮ ﺍﯾﺪﺭ ﺟﻤﺎﺩﻩ
ﺍﻧﺼﺎﻓﺪﻭﺭ ﻣﮕﺮ ﺑﻮ ﺁﺧﺴﻮﻥ ﻓﺮﺍﺕ ﺍﻭﯾﺎﻧﺪﺍ
ﭘﯿﻐﻤﺒﺮ ﺍﻫﻞﺑﯿﺘﯽ ﻗﺎﻟﺴﻮﻥ ﺳﻮﺳﻮﺯ ﺑﻮﯾﺎﻧﺪﺍ
ﯾﻮﺥ ﺷﺮﻡ ﺍﻫﻞﺑﯿﺘﯽ ﺑﯿﻠﻪ ﺳﻮﺳﻮﺯ ﻗﻮﯾﺎﻧﺪﺍ
ﻧﻪ ﺭﺣﻢﻭﺍﺭ ﻧﻪ ﺍﻧﺼﺎﻑ ﺍﻋﺪﺍﯼ ﭘﺮ ﺟﻔﺎﺩﻩ
«ﺯﺍﯾﺮ» ﻣﻪ ﻋﺰﺍﺩﻭﺭ ﺍﯾّﺎﻡ ﻏﻢﻓﺰﺍﺩﻭﺭ
ﺻﺎﺣﺐﻋﺰﺍ ﺧﺪﺍﺩﻭﺭ ﯾﺎﺯﺁﻏﻼ ﺣﻖ ﺭﺿﺎﺩﻭﺭ
ﺑﻮ ﺷﺎﻩ ﮐﺮﺑﻼﺩﻭﺭ ﺑﯿﺮ ﻣﻨﺒﻊ ﻋﻄﺎﺩﻭﺭ
ﺍﺧﻼﺻﯿﻠﻪ ﭼﻮﺥ ﺁﻏﻼ ﻫﺮ ﺻﺒﺢ ﻭ ﻫﺮ ﻣﺴﺎﺩﻩ
مرحوم زائر تبریزی
منبع مجموعه کانالهای مدح و مرثیه
----------- متن اشعار زائر تبریزی ---------
ولادت حضرت امام رضا (علیه السلام)
ایتدی نورانی بوگون دنیا یوزین سلطان دین
برج عزتدن طلوع ایلوبدی اول شمس الشموس
نور حق ویردی قدومیله بوآی زینت یره
آیت الهدن یتوشدی تازه بیر عزت یره
اول وجود نازنینیله یتوب رفعت یره
ایله بیر مولودیله خوشحال اولوب کل نفوس
شاد اولوب یکسرقلوب شیعه اثنی عشر
قلبیدن مسروراولوب فردوسیده خیرالبشر
آلدی قنداقین آتاسی حالینه قیلدی تظر
عالم اسراریدی ایلوبدی چوخ آه و فسوس
چشم حسرتله اونا ایلردی هرلحظه نگاه
غملنوردی دائم آه استن چکردی آه او شاه
ظاهرا مسروریدی اول پادشاه کم سپاه
باطنا آگاهیدی نیلر اونا قوم عبوس
یاخشی بیر خوش وقتیدی اول وقت اول غنچه گله
گل کیمی دائم آلوردی خویش و ایل الدن اله
بیربیراوخشاردی آنا باجی او طفلی وجدیله
فکره سالمیشدی آتاسین لیک ساعات نحوس
آه او ساعتدن اونی مهمون ایدوب احضار بزم
بزم نه بزم عالم باطنده بیرمیدان نظم
یاس اوزیله دوردی اول سلطان طوس ایلوبدی رزم
تا او بزم نحسیده گیتدی امام ایتدی جلوس
بیمروت مکریله اولده ایلوب احترام
بیله بلدی فکرینی بلموراو ملعونین امام
زهردارانگوراله آلدی ایدوب ظلمه قیام
ایلدی تکلیف امامه بدترازگبرو مجوس
ایلدی اصرارامامه زهرویردی زوریله
ایتدی مسموم عصرامامین زهردارانگوریله
بزمیدن دوردی امام اما دل رنجوریله
منزلینده گلدی سکنی ایتدی اول تاج روس
حال ضعفیله دونردی صاق صولا اول شهریار
لحظه راحت اولا نمازدی واریدی انتظار
باشی استه گلدی اوزاوغلی او وقتده اشکبار
یوزگوزین بوسه ایدوب گاهی اولوبدی پای بوس
جان ویرنده طوسیده مسموم امام المتقین
گلدی اوزاوغلی اونا اولدی او ساعتده معین
آه آه اما حسین بن علی سلطان دین
جان ویرنده دوره ده دشمن چالوردی طبل و کوس
قانه غلطیده یخلموشدی بلا میدانینه
چوخ یارا اشراروورموشدی اونون بیر جانینه
اهل بیتیندن گلنمزدی اونون چون یانینه
خیمده آغلاردیلار کلثوم و زینب نو عروس
مرحوم زایر تبریزی
منبع کانال گنجینه گذشتگان
----------- متن اشعار زائر تبریزی ---------
زبانحال در خروج از شهر شام
واردور یری رقیه آچا نطق قبریده
بو سس گله او دخترشیرین کلامیدن
یاندیم جهاندا من غم هجرانه عمه جان
اولدی یریم بو گوشه ویرانه عمه جان
امرقضایه مشکل اولا چاره سیز گیدون
بیر مندن اوتری اولمیون آوارهسیز گیدون
غربتده تاپشورون منی اغیاره سیز گیدون
قالدیم بو شهرایچنده غریبانه عمه جان
دست قضا غریبه مزار ایلدی منی
درد فراقه چرخ دچارایلدی منی
ایلدن بو روزگارکنارایلدی منی
بیرچاره یوخدی گردش دورانه عمه جان
مشتاقیدیم قبرعلی اکبره گیدوم
ایلردیم آرزو من او قبرین طواف ایدوم
گلدی اجل خرابه ده قویدی منی نیدوم
غمدن دونوب منیم جگریم قانه عمه جان
یتسه الوز او قبره سالون یاده سیز منی
افسوس اولمادی منه قسمت او مدفنی
من نایبه زیارتیمه ایلرم سنی
اول شمع قبر اکبره پروانه عمه جان
سن قوی منیم یریمه یوزون قبراکبره
اوخشا دویونجا آغلا شبیه پیمبره
اولدی منه بو گوشه ویرانه مقبره
ایتدیم فدا بو جانیمی جانانه عمه جان
منکه گیدنمدیم چکم آغوشه قبرینی
سیز ایلیون طواف بلون توشه قبرینی
افسوس گورنمدیم من او ششگوشه قبرینی
برپا ایدردیم اوردا عزا خانه عمه جان
الدی سوسوزاو چولده آتام قارداشیم منیم
اشرار ووردی چیخدی چون افلاکه شیونیم
اول قبریدن ایمدی دوشوب آیری مدفنیم
ال چاتموری قبورشهیدانه عمه جان
بیرده اگر مدینیه گیتسه بو قافله
صغرا گلوب سوروشسا منیم حالیمی بله
ویرمه خبر آج قالماقیمی قورخورام اله
دریای محنتی گلی طوفانه عمه جان
(زایر) چوخ ایسته لطف ایده خلاق ذوالجلال
ایتسین عطا بو ایل سنه سرمایه ی حلال
حجاجیله او روضه ده خوشدور همین مقال
یاندیم جهاندا من غم هجرانه عمه جان
مرحوم زایر تبریزی
منبع کانال گنجینه گذشتگان
نظرات (۰)
هیچ نظری هنوز ثبت نشده است