متن نوحه ترکی مرحوم استاد تابع دین
مجموعه اشعار آیینی و مذهبی مرحوم استاد تابع دین در مدح و رثای اهلبیت علیهم السلام ، متن نوحه ترکی از مرحوم استاد تابع دین
---
زبانحال حضرت زینب (سلام الله)
کنج غربتده وئرور جان
زینب نالان حسینیم
هارداسان گل باشیم اوسته
بیر اوخی قرآن حسینیم
هارداسان زینب وئرور جان
گَل گَلَن یوللاره قربان
من سنون هر بیر غمونده
نی کیمی فریاده گلدیم
قاتل بیرحم الینده
من سنه امداده گلدیم
سینَن اوسته شمری گوردوم
داده اول اثناده گلدیم
ایلیم سندن حمایت
اولمادی امکان حسینیم
قان توکن جلّاده نیلر
بیر نفر مظلومه عورت
من یاپوشدوم خنجریندن
قویمیام ائتسون جسارت
اللریم دوغراندی آخر
ایلدیم خرگاهه رجعت
اهل بیتون باشه یغدیم
ایلدیم افغان حسینیم
باتدی خورشید هدایت
اولدی تیره کون و امکان
ویردی باش چرخ فلک دن
حسرتیله ماه تابان
بیر یاری یانموش چادردا
ساخلادوق شام غریبان
روضه خوانی زینب اولدی
روضه سی عطشان حسینیم
صبح آچیلدی امر اولوندی
کوچ ائداخ بیز غم دیارین
قتلگاهوندن سالوبلار
جبریلن زینب گذارین
اهل بیتون ناقه اوسته
جسمیوه سالدی نظارین
گوردولر باشسیز کفن سیز
قالموسان عریان حسینیم
ناقه اوستوندن توکولدی
اهل بیت دل شکسته
هر قانادی باغلی بلبل
دوشدی بیر خندان گُل اوسته
اهل بیت بی پناهون
آغلاماقدان اولدی خسته
کام دل آلدی ولیکن
آل بوسفیان حسینیم
سن کیمی غربتده قارداش
زینبون یالقوز وئرور جان
گوزلریم قالموش یولوندا
گَل گَلَن یوللاره قربان
بیرده گورسم گُل جمالون
ایلرم من درک جانان
گَل یوزون بیرده گوروم من
جان وئروم آسان حسینیم
مسکنیم بو کُنج غربت
دوشموشم ائلدن اوزاقه
ایل قبیله یوخ بو یرده
دوشدوم حالِ احتضاره
گل آنام اوغلی قبولِ
زحمت ائت گل بو دیاره
آل دیز اوسته باشیمی ای
خسرو خوبان حسینیم
سرسرِ ظلمیله عمروم
گلشنی سولدی سارالدی
صبریمون آئینه سینی
چرخ گردون داشه چالدی
احتضار حالین دییَم گل
گوزلریم یوللاردا قالدی
مقدمونده گل ائدوم من
جانیمی قربان حسینیم
ای وجود اقدسیندن
فیض آلان بو چرخ خضرا
«تابع دینه» نظر قیل
روح حیدر جان زهرا
گوشۀ چشمیله باخسان
افتخار ایلر جهاندا
دفتره ثبت ایله آدین
بیر سگِ دربان حسینیم
مرحوم تابع دین
----------- متن اشعار مرحوم استاد تابع دین ---------
زبانحال حضرت رباب (سلام الله)
آغ اؤنّوگی ای قانیله الوان بالام یات
پیکان دمیندن سو ایچن عطشان بالام یات
مدفون اولوبسان ای اوغول شه سینه سینده
قبرون قویوب من بیکسی حیران بالام یات
من کوچ ائدنده پیکرون قالموشدی یرده
اولموبدی فرصت دفن ائده بو دل فسرده
کیم ائتدی اوخلی جسمیوی خاکه سپرده
آغوشینه آلموش شه عطشان بالام یات
سو یوللارون کسدی او گون قوم ستمگر
آغوشیمه آلدم سنی من زار و مضطر
سن آغلادون من آغلادیم یاندی حرملر
رحم ائتمدی اول فرقۀ عداون بالام یات
تیره نشان اولدون اوغول سو فکرین آتدون
قانه بویاندون باشیمی اما اوجاتدون
بسدور بو منصب سینۀ شاه اوسته یاتدون
بیر سنده دور بو عزت شایان بالام یات
چخماز یادیمدان ای اوغول جان وئردون عطشان
اولدون لبِ عطشانیله جانیله قربان
درد فراقوندان اولوب باغریم منیم قان
گلدیم دویونجا ایلیم افغان بالام یات
نسگل گلور من بیکسه بیر دل آچیدون
عزّتله همراهیم اولوب یولدا قاچیدون
مهر و وفادن سینه مه بیر گول ساچیدون
ائتدی بو حسرت دیده می گریان بالام یات
دل آچماقون اولدی یالان یاندون سوسوزدان
سو وئردی آخرده سنه اوچ شعبه پیکان
همراهیم اولدون شامه تک یوللاردا هر آن
باشون جداده چون مهِ تابان بالام یات
شأن و مقام و رتبه ده ممتازسان سن
آز سنّیله حق دینینه جانبازسان سن
شاه حجازه سود امر سربازسان سن
تکمیل ائدوبدور خدمتون پیکان بالام یات
یاندوردی یاخدی سینه می دشمن جفاسی
چخماز یادیمدان حلقوین پیکان یاراسی
اولدوم او گوندن ای اوغول غم آشناسی
غمدن رها اولموب آنان بیر آن بالام یات
گلدیم دویونجا باشلیام داد و فغانی
ایسته گله بیر «تابع دین» نوحه خوانی
گلسون گتیرسین هیئت زنجیر زنانی
اهل عزائیله ائداخ افغان بالام یات
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
در احوالات حضرت امام حسن عسکری (علیه السلام)
چشم خونباریله وئرّوق تسلیت صاحب زمانه
ایلیوب رحلت آتاسی قدسیان گلموش فغانه
معتمد اول اه دینی عمروجه مغموم ائدوبدی
حقینی الدن آلوبدی ظلمیله مظلوم ائدوبدی
آخر الامر اول ستمگر زهریله مسموم ائدوبدی
جور شلموندن سالوبدور اود دل کون و مکانه
ایلوری بیله روایت بیر عقید آدلی غلامی
ایله کی مسموم ائدوبلر زهریله مظلوم امامی
امرائدوب سو حاضر ایله دولدوروب گتدیم سو جامی
نوش ائدنموب اشک چشمی سو کیمی اولدی روانه
ایستدی سو بیرده تجدید ایلسون اوز دستمازین
صبح آچلدی صبح صادق باشلادی راز ونیازین
حجت الله باشه ویردی حال ضعفیله نمازین
بو عبادت عالمینی گتدی شور و الامانه
آتش زهر جفادن قلبی دوتموشدی شراره
گتدیم آب مقلکی تا حضرته وئردیم دوباره
میل ائده بلموب او حضرت باخ جفای روزگاره
دوشدی بو غمدن یانان اود کائناته جسم و جانه
منتهای زحمتیله صون نفس سیراب اولوبدی
سونمدی قلبینده آتش گلشن عمری سولوبدی
وا اماما ناله سیله شهر سامرا دولوبدی
شیعه لردن داد و شیون اوج ائدوب هفت آسمانه
صحنده غسلون وئروبلر کفن ائدوبلر عزتیله
یارو انصاری سپردی باشه توپراق شدتیله
قیلدی اوز اوغلی نمازین گوزده اشک حسرتیله
قویدی قبره سرو قدی دوندی بو غمده کمانه
جعفر کذاب ایستوب فاش ائده کین نهانی
پیشگاه معتمد ده آچدی لال اولموش زبانی
امر ائدوب اوُل دم خلیفه دوتالار صاحب زمانی
بیر نچه مرد جفاکار یوز قویوبدور دودمانه
ای قلم یازما اماندور ائتمه چوخ شرح مصیبت
ایکی امامه ائدوبلر چوخ جفا بی دین جماعت
قورخودوبلار اهل بیتین ایلیوبلر هتک حرمت
ظلمه باخ گور نه جفالر ائتدی اشرار زمانه
بیر امام عسکریدور بیر حسین میر هدایت
تا بویاندی قانه عطشان خیمه گاهی اولدی غارت
اولدی اول دم اهل بیت عصمته بر پا قیامت
«تابع دین» گل گتورمه غارت اوضاعین بیانه
مرحوم تابع دین
----------- متن اشعار مرحوم استاد تابع دین ---------
در احوالات حضرت علی (علیه السلام) و گریز به کوفه
دولدوروب جهانی وا حسین صداسی
سجده ده بویاندی قانه شاه مردان
دین اویئی یخیلدی سندی رکن ایمان
شیعه لر قیامتدور
حشریدن علامتدور
کوفه ده بو گونده
ابن ملجم ائتدی بیر بیوک جسارت
مرتضی باشیندان وئردی بیر جراحت
طاقتی گئدوب الدن
شیر حق دوشوب دیلدن
کوفه ده بو گونده
تیغ کینه دگدی تا سر امامه
باش یاریلدی دولدی قانیله عمامه
سجده ده شه مردان
اولدی قانینه غلطان
کوفه ده بو گونده
باش یاراسی دگدی تا ابوترابه
قان آخوب عذاره باش قویوب ترابه
یتدی عهدی اتمامه
فدیه اولدی اسلامه
کوفه ده بو گونده
دوشدی سجده گاهه مرتضی یارالی
گلدی باشی اوسته بیر نچه مارالی
گوتدولر باشین یردن
باشلیوبدولار شیون
کوفه ده بو گونده
جبرئیل هواده سسلنوب جماعت
سجده گهده تاپدی مرتضی شهادت
جان وئرور نماز اوسته
رازیله نیاز اوسته
کوفه ده بو گونده
تا ائشیتدی زینب جبرئیل صداسین
بولدی مرتضانین باشینون بلاسین
قلبی قانیله دولدی
گوز یاشی روان اولدی
کوفه ده بو گونده
مسجده گئدیردی قویمادی حیاسی
شرم ائدوب اوجالسون ناله و بکاسی
غم اوتون دله سالدی
صحن خانه ده قالدی
کوفه ده بو گونده
گتدیلر امامی خویش و اقرباسی
زینبین اوجالدی وای بابا صداسی
گوردی حجت یزدان
قانیله اولوب الوان
کوفه ده بو گونده
بیرده گوردی زینب بیر باشی جداده
قان کوله بلشمیش گئتدی صبری باده
عرض ائدوب اوخی قرآن
نطقوه اولام قربان
کوفه ده بو گونده
ائت کلام حقی نیزه ده تلاوت
آشکاره چخسون گون کیمی حقیقت
حقی پایدار ایله
دینی استوار ایله
کوفه ده بو گونده
«تابع دین» اولموش بیزلره نواخوان
هر نه دردی اولسا لطفاً ایله درمان
طبعینی ایله گویا
سوز یازان زمان شاها
کوفه ده بو گونده
مرحوم محمد حسن تابع دین
----------- متن اشعار مرحوم استاد تابع دین ---------
میلاد حضرت امام سجاد (علیه السلام)
حق ائدوب حسینه بیر اوغول کرامت
حجّت الهی رهبر جماعت
دینه پیشوا اولسون
خلقه رهنما اولسون
مقدمی مبارک
شیعه لر بو عید فخر ساجدین دور
زینت عبادت زین العابدین دور
لطف ائدوب حق یکتا
نوریلن دولوب دنیا
مقدمی مبارک
گلدی تا جهانه پادشاه والا
اولدی نوره باران دودمان زهرا
بیزده شاد اولاخ دلدن
عطر آلاخ بو بیر گلدن
مقدمی مبارک
کیمده وار بو شه تک بیر بیله سعادت
عمرونی ائدوبدور سربسر عبادت
فخر ساجدین دور بو
زین العابدین دور بو
مقدمی مبارک
بو شهین وجودی منبع سخادی
گل آدی مریضون دردینه دوادی
حجت خدادور بو
شاه ماسوادور بو
مقدمی مبارک
عمرده بو حضرت چوخ گئدوب سجوده
ائتمیوبدی شکوه خالق ودوده
هر زمان دعا ائتدی
خالقه ثنا ائتدی
مقدمی مبارک
نازنین وجودی چوخ دوشوب بلایه
امر حقدن اؤتری دؤزدی هر جفایه
حقین آلدیلار الدن
اود دوتوب یانوب دلدن
مقدمی مبارک
گون دولاندی اولدی مسکنی خرابه
گوز یاشی آخاردی درّ تک ترابه
گلدی خاطری درده
اولدی حالی پژمرده
مقدمی مبارک
شامده بیر آهو گلدی دیده گریان
اؤز دلینجه دردین عرض ائدوب او حیوان
بیر بالام گئدوب الدن
یانموشام آقا دلدن
مقدمی مبارک
قورخورام بالامی ئولدوره او صیّاد
سیّدی دخیلم گل آل ایله آزاد
معدن سخاسوز سیز
دردیمه دواسوز سیز
مقدمی مبارک
گلدی گوردی صیدی ساخلیوب اوصیاد
آلدی رأفتیله ایلیوبدی آزاد
دردینه دوا ائتدی
قلبینی رضا ائتدی
مقدمی مبارک
وار گوزوم قاپوزدا ای عزیز زهرا
«تابع دینم» من، لیک ، سوز یازاندا
ائت منه نظر شاها
طبعیمی ایله گویا
مقدمی مبارک
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
زبانحال حضرت موسی ابن جعفر (علیه السلام)
قوتار سندین الیندن، بو دلگیری الهی
یتور باشه یازیلمیش ، او تقدیری الهی
یریم تنگ و رطوبت سیزیلدار دل و جانیم
یانار شعلۀ آهیم چخار عرشه فغانیم
اولوب گوشۀ زندان نه مدّتدی مکانیم
اماندور داخی قورتار بو تسخیری الهی
غم و درد دلیمدن منیم بیر بُلَن اولماز
گئچر ایل بوئی گونلر گلوب بیر گئچن اولماز
دوتوب بیرجه الیمدن کناره چکن اولماز
بو بوینومدان آچان یوخ بو زنجیری الهی
گونی گوندن الهی بو یرده غمه دولدوم
چوخالدی غم و غُصَّم سولان گول کیمی سولدوم
حیاتیمدن ال اؤزدوم گرفتار غم اولدوم
قوتار روبه الیندن اؤزون شیری الهی
بو هارونه دییَن یوخ ندور بیله شقاوت
قوجا ناخوشا بسدور بئله ائتمه اذیّت
گهی سیلی ویروللار گه ایلولَّه اهانت
دییَن یوخدی بونون وار نه تقصیری الهی
اؤزوم حبس مُجرَّد گلیب بیر گئدنیم یوخ
نه مدّتدی مریضم عیادت ائدنیم یوخ
امان سندین الیندن هرایه گلنیم یوخ
سالار چوخلی فشاره بو دلگیری الهی
بو محبسده گر ئولسم منه آغلیان اولماز
عزا ساخلیان اولماز سینه داغلیان اولماز
مُسلَّمدی غریبون گوزون باغلیان اولماز
بو نسگلّی غمون یوخدی تدبیری الهی
بو مَحبسده قوجالدیم من ای قادر و غفّار
گونی گوندن الهی مصیبت لریم آرتار
داخی جانه دایاندیم تئز ئولدور منی قورتار
ایاقیمدن آچان یوخ بو زنجیری الهی
قیزیم ایندی وطنده سیزیلدار ملر آغلار
اؤرک قانینی گوزدن عُذاره الر آغلار
منی یاده سالاندا فغانه گلر آغلار
دییَر باغریمی دَلدی جفا تیری الهی
بو زنجیر ایاقیمدا منیم یار و کسیمدی
نه مدتدی بو کُنده منیم هم نفسیمدی
جوان اوغلومی گورماق اؤرکده هوسیمدی
ائدر شاد وصالی منِ پیری الهی
بو حسرت غمی گَتدی منی ناله و داده
دوشور جدّیم حسینون مصیبتلری یاده
یارالی بدنیله او شه کرب و بلاده
دییردی یارامون چوخدی تکثیری الهی
اولوب «تابع دینون» بو سوز ورد زبانی
اجل گلمه میش ایسته گوروم کرب و بلانی
کرامت ایله بیرده منه طبع روانی
چوخالسون گونی گوندن بو تحریری الهی
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
زبانحال حضرت علی (علیه السلام) در شهادت حضرت زهرا (سلام الله)
زینب آناوین کشتی عمری گله دوشدی
دفن اولدی ولی غملری دلدن دله دوشدی
قورتولدی ئوزی جور و غم و دردو بلادن
اما غم هجرینده علی مشگله دوشدی
آلدیم الیم اوسته ایلیم قبرینه داخل
گوردوم ارییوب جسمی اوزی منزله دوشدی
نه یاخشی دوشن ده ایکی ال آلدی الیمدن
محنت اثری هم گله هم بلبله دوشدی
سس گلدی اودمده بیله ساخلالار امانت
مرضیه بالام من سیز ایویندن چوله دوشدی
قویدوم دل شبده اونی قبره ئوز الیمله
بیر آن نظریم قبریده سنمیش اله دوشدی
آچدیم کفنین توپراقا قویدوم رخ زردین
دقتله گوزوم قبریده سولموش گله دوشدی
گوردوم آغاروب زلفی ایله حالیمی پوزدی
نالم اثری هر دل خویش و ایله دوشدی
آهسته قویولدی آناوین جسمی مزاره
دنیا بوئی درد و غمی دلدن دله دوشدی
فریاده گل ای فاطمه دردانه سی آغلا
نسگللرینه فرصتون هر آن اله دوشدی
ئولدوردولر زهرانی گیدوب قبره شهیده
ایتگین قالا قبری گونه آیه ایله دوشدی
نه دؤیدی او سیزدن و نه سیز دویدوز آنازدان
زهرا ئولومیله آرییا فاصله دوشدی
نوکردی بیزه ((تابع دین)) حاجتی اولسا
حل ایلمیشوخ هاردا ایشی مشگله دوشدی
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
ورود به مدینه
نی کیمی ای اهل یثرب باشلیون شور و نوانی
پیشواز آغلار گوزیله ایلیون آل عبانی
ایلدی شاه حجازی کوفیان دعوت عراقه
سالدیلار بودعوتیله ناله عرش نه رواقه
سویولون اولده کسدی بی مروتلر قوناقه
سودیدی یاندی سوسوزدان آل طاها گلستانی
روز عاشورمحرم اولدی انصاری حسینون
ظهر عاشوراده قالموب بیر جه غم خواری حسینون
سوکنارینده سوسوز جان ویردی سرداری حسینون
قلب عالم قلبی اولدی تیر محنتله نشانی
قالدی لشگر سیز کمک سیز عالمینون پادشاهی
آلدی هر بیر دوت طرفدن دوره سین کوفه سپاهی
بیر ایله لشگردن اولموب بیر نفر اولسون پناهی
قلبینی بیر تیر آلدی یاندیروب قلب جهانی
بیرحسینی کی اولوبدور جبرئیل فخریله دایه
گورنه حرمت ایلیوبلر نور عین مرتضایه
کسدیلر باشین قفادن ویردیلار نوک جدایه
آغلادوبلار مجتبانی یاندیروبلار مصطفانی
کوفه و شامون سپاهی ظلم ایدوبدی بی نهایت
ختم اولان ساعت شهادت ویردیلار فرمان غارت
اود ویروبدی خیمه گاهه کوفیان بی مروت
هر بالا قوش تک ایدردی قوخودان ترک آشیانی
تیر محنت قلب زار عترت طاهانی دلدی
آغلییون آل عبایه باشوزا کوللر الندی
عزتیله کوچ ایدنلر یثربه دل داغلی گلدی
داغلی دللرده بومحنت حک اولوندی جاویدانی
گور محنت لر ویروب یوز عترت خیر الانامه
ویردیلار بیر غل جامه ظلمیله بیمار امامه
ناقه اوسته دست بسته چکدیلر بازار شامه
کوفه ده زندان اولوبدی شامیده ویران مکانی
شامیده ویرانسراده یر ویروب آل امیه
نالیه گلدی بنات مصطفا نازلی صفیه
عمه سی زینب دییر کی غصه مرگ اولدی رقیه
جان ویروب توپراقلار اوسته الدی قارداشیم نشانی
زینبی بیر حاله سالموش گردش دور زمانه
مشگ تک زلفی آغارمیش قامتی دونموش کمانه
تیر محنتله ایدوبدی قلب زارین شانه شانه
تک به تک زینب گوروبدی هر غم کرب بلانی
قانلو بیر یاشل عمامه ایلیوب لیلا بهانه
سینه سینده داغ اکبر آغلور اوخشور یانه یانه
سسلنور حسرتده قالدیم ای اوغول سن تک جوانه
ایلدون لیلانی مجنون گزدی هر کوی وفانی
قاسمون آلقان اولوبدی طوی گونونده طوی حناسی
اولدی لیلا تک سریه درد وغملر آشناسی
دلده شیون گوزده اشگی باشدا دامادین قراسی
نو عروسی یانه یانه اوخشوری نوکد خدانی
شیونیله سینه داغلور اصغرین بیکس آناسی
جلوه گر دور گوزلرینده حلقینون پیکان یاراسی
چخمیوب چخماز یادیندان باغلانان ال مجراسی
راه چاره بوندا گوردی بیر زادا گلموب گمانی
اوخلانوبدی مشگ عباس ظلمیله کرب بلاده
خیمه ده عطشان اوشاقلار گلدیلر فریاد و داده
ناله ایلیور ام کلثوم قارداشی دوشدوقجا یاده
الده مشگی گوزده اشگی یاد ایدیر صاحب لوانی
عترت آل عبایه ایلسه هر کیم نظاره
بی تحمل جاری ایلر چشمه تک اشگین عذاره
اودلی دللردن آلار اود جسم و جانه قلب زاره
آتشین اهیله اودلار فرش وعرش کبریانی
بومصیبتده اچون باش باشه قاره باغلیون سیز
کاروان غم یتوشجک سینه غمدن داغلیون سیز
سس ویرون زینب سسینه بیر دویونجا آغلییون سیز
واحسینا وا اماما ناله سی دوتسون جهانی
یثربه گلدی یتوشدی کاروان درد ومحنت
بیر اوجادان آغلاشوبلار گوزلرینده اشگ حسرت
باشلارا توپراق سپوبلر اولدی هنگام قیامت
(تابع دین) خامه یازمور ختم قیل بو ماجرانی
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
زبانحال در شهادت حضرت فاطمه زهرا (سلام الله)
ای حبیب یزدان ای ختم رسالت
زهرا منه سندن قالموشدی امانت
آل امانتون مندن من خجالتم سندن
گلدی جانه زهرا
امتون گتوردی نی کیمی فغانه
قامت رساسین دوندروب کمانه
منجنیق غم سیخدی آهی گوگلره چخدی
گلدی جانه زهرا
سندن صورا آهی افلاکه اوجالدی
آز عمریله اما چوخ تئزلی قوجالدی
صورتی اولوب نیلی قوم کین ویروب سیلی
گلدی جانه زهرا
سالدی تئز ایاقدان اشقیا جفاسی
سینه سینده واردور کاری بیر یاراسی
چکدی چوخ غم و محنت تاپدی مرضی شدت
گلدی جانه زهرا
صرصر جفادن گول کیمی سارالدی
قنفذون جفاسی اختیارین آلدی
طاقتین آلوب الدن دوشدی فاطمه دلدن
گلدی جانه زهرا
سندن آلموشام بیر گول کیمی سلامت
رد اولور ولیکن سینه ده جراحت
چخدی عرشه افغانی ئولدوروبله زهرانی
گلدی جانه زهرا
مسجده چکنده من بیکسی ثانی
بیر نحویله گوردوم بانوی وفانی
گلمیش منه امداده نی کیمی گلوب داده
گلدی جانه زهرا
گلمیوب جهانه بیر بیله وفالی
گیزلدردی دردین بو حرم غزالی
عشقینی نشان ویردی سینه یاره جان ویردی
گلدی جانه زهرا
غسلونی ویرنده بولموشم وفاسین
گورموشم قولوندا سینه ده یاراسین
یانومشام ائله دلدن طاقتیم گیدوب الدن
گلدی جانه زهرا
ایلیوب وصیت قبری اولا پنهان
ال تاپمیا بلکه بو فرقۀ عدوان
قبریده یاتا راحت چوخ چکوب غم و محنت
گلدی جانه زهرا
تابع دینون وار قبریدن هراسی
اخلاص عملدی دردینون دواسی
قبریدن قیزون زهرا قورخور ای شه بطحا
گلدی جانه زهرا
مرحوم تابع دین
----------- متن اشعار مرحوم استاد تابع دین ---------
ورود به شام
بیرظلم اولوب اسیر بلایانه شامیده
ال علی دایاندی اوگون جانه شامیده
کرب وبلاوکوفه ویولارداکی ستم
یادان چیخوب اوظلم فراوانه شامیده
شمرشقی قباقه دوشوب چکدی بیله جار
اکرام ایدون بوراس لب عطشانه شامیده
دشت بلاده نیزه قلج چوخ گوروب بوباش
داش یاره سین گرگ گوره ویرانه شامیده
هرکیم ایشتدی سرعتیله چیخدی بامینه
رحم ایتمدی اوحال اسیرانه شامیده
بعضیسی اودتوکردی اسیرانون اوستونه
اودلارهواده گلمزیدی سانه شامیده
هربیراسیره قیزچاغوروب زینب عمه سین
چاره ندوربوزلف پریشانه شامیده
دوشدی اواودلارون بیری سجادباشینه
عمامه سی الیشدی یانایانه شامیده
اوزفکرین ایتمدی اناسی قیدینه قالوب
اچدی دلین اودم حق منانه شامیده
ایوای تازه دن ویریلورنوک نیزیه
ظلم وستم گلن دگیلی سانه شامیده
دوشدی یهودکوچه سینه کاروان یولی
فکرایت نیدریهودی مسلمانه شامیده
توارتین اهلی ظلموده نقصان قویمادی
چوخ ظلم ایدوبله عترت قرانه شامیده
باریک کوچه بامیلرالچاق اوجادوه
الکردولردوه لری هریانه شامیده
قیزلاردوشردی ناقه ایاقلاردی چوخلارین
قول قیج سیناردی یوخ باخان افغانه شامیده
دورموشدی بیرعجوزه باخوردی کناریدن
رحم ایتمدی اوزینب نالانه شامیده
باجی برابرینده ایدوب قارداشین نشان
بیرداش ویروب اوغولسوزاوسلطانه شامیده
اکبرگوراچدی باخدی باشایومدی گوزلرین
ایوای باشون بلشدی گینه قانه شامیده
زینب گورنده گلدی دله سسلدی حسین
حرمت ایدوله داشیله مهمانه شامیده
یتمورالیم بوتازه اخان قانی من سیلم
قربان اولوم بوصورت الوانه شامیده
ای کاش سنون یریوه منی داشلیردیلر
سنگ جفادگیدی بونالانه شامیده
خردااوشاقلارین غمی یادان چیخان دگل
هم ناله اولموشام بویتیمانه شامیده
حکم ایلین یزیداولااجراایدنده شمر
بیرظلم اولارکی یتمیه پایانه شامیده
هرگزدیمم اینان گیت اوزون باخ خبرده گور
دستورقتل عام اسیرانه شامیده
واللهی ساخلادی اسرانی خدااوزی
یوخساعمل اولاردی اوفرمانه شامیده
عباس باشی نوک جداده دایانمادی
ات تورباسینداچکدیله هریانه شامیده
نوفل عمودیلن اوباشون نقشینی پوزوب
ام البنینه اچدی عزاخانه شامیده
یارب بحق راس ابوالفضل سال اوزون
هر(تابع دینون) گذارینی سالانه شامیده
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
زبانحال فاطمه عروس
ای اولان گل کیمی خندان وای عم اوغلی
طوی حناسی اولان القان وای عم اوغلی
بلمورم هانسی غمونده ایلیوم ناله و افغان
عمّن آغلور آنان آغلور بو نه طویدور سنه قربان
بو نه عالمدی اولوبسان طوی گونی قانیوه غلتان
عروسم باشیما کولر الندی بدنون قانه بَلَندی
گورماقا تازه عروسی شوق و ذوقیله گللر
قرمزی گل گوتوره للر حجله گاهوندا سپلر
بو نئجه طویدی گلنلر گوز یاشین گوزدن اللر
عروسم باشیما کولر الندی بدنون قانه بلندی
مجلس عیشیدی بلمم یا کی بیر بزم عزادی
نار فریاد و بکادن نه فلک یانسا سزادی
قونشولار بیر بیره سویلر بو قیزون بختی قرادی
عروسم باشیما کولر الندی بدنون قانه بلندی
تازه داماد اگر اولسه اونا دلسوز لاری آغلار
سس چکر بزم غم ایچره هجلسین قیز لاری آغلار
نو عروس قاره گیونسه گویون الدوز لاری آغلار
عروسم باشیما کولر الندی بدنون قانه بلندی
جسموین نقشی عم اوغلی پوزولان گلشنه بنزر
آغلیان بلبلی چوخدی هانسی بلبل منه بنزر
مجتبانون گلوسن سن هانسی بیر گل سنه بنزر
عروسم باشیما کولر الندی بدنون قانه بلندی
پوزولوب گلشن جسمون سارالوب غنچه دوداقون
باشیوین قانی سوزولموش قانه باتموش ال ایاقون
قتلگاهوندی عم اوغلی دئگوروم یا طوی اتاقون
عروسم باشیما کولر الندی بدنون قان بلندی
آتش فرقته یانّام هر بلایه دوزرم من
قانلو باشون هارا گئتسه دالیسجا گزرم من
گر وطن قسمتم اولسا طوی اتاقون بزرم من
عروسم باشیما کولر الندی بدنون قان بلندی
باشیوین درد و بلاسی کاش گلیدی من زاره
پیکرون یاره سی گلمز سانا مانند ستاره
بطنوه بیر یارا دگمیش منی ائتدی گونی قاره
عروسم باشیما کولر الندی بدنون قانه بلندی
«تابع دینی» دعا ائت غمی دلدن اولا زایل
چوخ سیخور گردش دوران ائدیری طی منازل
نه گوزل طرزیله یازدی سوزونی ایلدی کامل
عروسم باشیما کولر الندی بدنون قانه بَلندی
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
در شهادت حضرت امام سجاد (ع)
ای باد صبا گئت شهِ دینه خبر ایله
سجاد ئولوری یثربه دور بیر گذر ایله
عرض ائت باباما اوغلون ئولور ای شه عطشان
گل بزم عزا دوت او گلن یوللارا قربان
جان اوسته گوروم بیرده سنی جان وئروم آسان
سجاد ئولوری یثربه دور بیر گذر ایله
ایچدون او زمان که باباجان جام شهادت
سالدیم من ئوزوم بوینوما زنجیر اسارت
غمدن گجه گوندوز منه اولموبدی فراغت
سجاد ئولوری یثربه دور بیر گذر ایله
سندن صورا من آتش محنت لره یاندیم
هر غم یتشوب صبر ائلدیم گرچه دایاندیم
شاماتیده اما باباجان جاندان اوساندیم
سجاد ئولوری یثربه دور بیر گذر ایله
گئت بیرده خبر وئر علی قارداشیمه بیر باش
سویله اونا قارداشون ئولور گل علی قارداش
اگلش باشیم اوسته یوزه جاری ایله قان یاش
سجاد ئولوری یثربه دور بیر گذر ایله
گئت بیرده فرات اوسته علمداره خبر وئر
سو اوسته دوشن قوللاری سرداره خبر وئر
عباس عموما یار وفاداره خبر وئر
سجاد ئولوری یثربه دور بیر گذر ایله
گئت شامی دولان زینب مظلومه نی آختار
تاپ عمَّه می ایله اونا احوالیمی اظهار
سویله اونا گوزلور یولووی عابد بیمار
سجاد ئولوری یثربه دور بیر گذر ایله
گل عمّه یتوب آخره اندوه و مصیبت
چکدیم نقدر سن بُلوسن رنج و اسارت
ای عترت طاهایه ائدن چوخلی حمایت
سجاد ئولوری یثربه دور بیر گذر ایله
گل عمّه منیم حالیمه ائت بیرده نظاره
آخر نفسیمدور گئنه وار سینه ده یاره
لطف ایله ای عمه اؤزون گل بو دیاره
سجاد ئولوری یثربه دور بیر گذر ایله
ای عمّه اولوب ((تابع دین)) بلبل خوشخوان
مشگل ده قالاندا ائدرم مشگلون آسان
یازدی نه گوزل مطلعی با دیدۀ گریان
سجاد ئولوری یثربه دور بیر گذر ایله
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
در احوالات حضرت امام جواد (علیه السلام)
گیت عرض ایله باد صبا خیرالنسایه
اوغلون ئولوب یا فاطمه دور گل عزایه
ئوز محرمی مسموم ایدوب اوغلون جوادی
ویر سر سلامت حضرت موسی الرضایه
مظلوم اولوبدور تک به تک آل پیمبر
تاثیر ایدوبدور غملری دنیایه یکسر
اوغلون تقینون حالینه آغلار ملک لر
سنده بو غمده گل خانم شور و نوایه
آز سن ایدوب اما گوروب آرتوخ اذیت
اهل جفا گاهی آچوب دست جسارت
گه دوغریوبلار بو شهی اهل ضلالت
صبر ایلیوبدور ثبت اولان امر قضایه
فریاد او ساعتدن سولوب گول تک سارالدی
مسموم ائدوب ئوز همسری کام دل آلدی
قالدی تک ایوده ناله سی عرشه اوجالدی
اولدی موثر حالی جمله ماسوایه
نی تک یانان دلدن ائدردی داد و افغان
تکرار ایدردی سو ویرون یاندیم سوسوزدان
سو حاضر ائتدی بیر کنیز الده شتابان
صد حیف توش اولدی قضا دست جفایه
آلدی الیندن ام فضلِ کینه پرور
مظلوم امامین قلبینی ائتدی مکدر
ویرموب امامه بیر ایچیم اول شوم کافر
غیظیله سپدی توپراقا باخ بیر وفایه
قلب امامی ایلدی بو باره دن قان
چشم بتولی ایلدی جنتده گریان
قویموب سو ویرسونله وئروب آخر سوسوز جان
نه باخدی بیر پیغمبره نه بیر خدایه
اول ام فضل بی حیا یتدی مرامه
یا فاطمه عذر ایستیرم بو بیر کلامه
بیر نحویلن گول پیکری حمل ائتدی بامه
دوشدی ترابه تازه دن باخ بیر جفایه
اوچ گون قالوب گول پیکری توپراقلار اوسته
تشبیه اولوبدور جدینه اول دل شکسته
اما حسین تک دگمدی اوخلار اوخ اوسته
گئچدی سوزوم یا فاطمه کرب وبلایه
من «تابع دینم» ولی عبد ذلیلم
بیر روسیاهم درگه حقه دخیلم
واضحدی بو مطلب سیزه روحاً علیلم
لطف ائت شها ال آچمیوم شاه و گدایه
مرحوم تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
حضرت امام حسین (علیه السلام)
شاها بوعزو شوکتی سن ویرموسن منه
بوبزمه کارت دعوتی سن ویرموسن منه
من کی قاریشموشام بوعزایه گلنلره
الحق بوقابلیتی سن ویرموسن منه
من کی فقیر عشقیوم عشقوندی هر زادیم
مستغنیم بو دولتی سن ویرموسن منه
هرکیم سنه محب اولا دلدن محبیم
دلده اولان ارادتی سن ویرموسن منه
من منکر ولایته سرسخت دشمنم
دشمن شکن عداوتی سن ویرموسن منه
بیر نیمه روز مکتبیوین درسین آلموشام
بو درس با کفایتی سن ویرموسن منه
عالملر ایچره اوزگه بیر عالدی عالمین
دیوانییم بوحالتی سن ویرموسن منه
سن کی ولی نعمت پروردگارسن
مداحیوام بونعمتی سن ویرموسن منه
درس شرف حجابیله ناموس ساخلاماق
دنیا بوئی دیانتی سن ویرموسن منه
یوزمین نفر شرافتیوی سندیرامادی
عالمده درس غیرتی سن ویرموسن منه
باش اگمدون چخوبدی باشون نوک نیزیه
باش اگمییرم شهامتی سن ویرموسن منه
سن مسلمین قبله سینه قبله گاهسن
سوز یوخ نشان حقیقتی سن ویرموسن منه
زاهد خیال جنت ایدر کربلانی من
جنتدن عالی جنتی سن ویرموسن منه
عالملری نظردن آتوب دوتموشام سنی
بوعشق و بومحبتی سن ویرموسن منه
حاجی طواف کعبه ایدر من سنی طواف
مقبول اولان عبادتی سن ویرموسن منه
احرام لباسی کعبده اولموش سفید رنگ
قاره گییم بو خلعتی سن ویرموسن منه
احرام لباسی اون گون اگر حاجیلار گییر
دائم لباس عزتی سن ویرموسن منه
من سسلرم وقاریله لبیک یا حسین
شکر ایلرم ولایتی سن ویرموسن منه
ای ماسوانی ترک اییلین راه حقیده
هیئده کی بولذتی سن ویرموسن منه
سعی و صفا و مروه ایدر حاجیلار اگر
بوعشق بی نهایتی سن ویرمیسن منه
لطف ایت مزارون اوسته دییوم شاه تشنه لب
بولطف و بو عنایتی سن ویرمیسن منه
انصافیدور مزاریوه شاها گلنمیرم
سینمده کی بوحسرتی سن ویرمیسن منه
گلسمده گلمسمده سنه عاشقم حسین
بو درد بی طبابتی سن ویرمیسن منه
عشقون ایدوب منی دلی دیوانه نیلییوم
بوتاپدوقوم سعادتی سن ویرمیسن منه
من عاشقم بوعشقیمی دنیایه ویرمرم
ارباب من بوشهرتی سن ویرمیسن منه
چوخلار آلوب مدال طلا من حسین چلیق
بو رتبنی بوقیمتی سن ویرمیسن منه
عشاق عالمه ایدرم بیله افتخار
فخریم بودور شرافتی سن ویرمیسن منه
سود اممیش ام او بیر آنادان یاحسین دییوب
بوعشق معنوینی سن ویرمیسن منه
من اولموشام اوبیر آتادان آغلییوب سنه
بیر طفلیدیم بو الفتی سن ویرمیسن منه
من سنله تاپموشام ره عشقی اییرمرم
جام شراب وحدتی سن ویرمیسن منه
بیر قطرییم قاریشموشام امواج رحمته
دریا کیمی فضیلتی سن ویرمیسن منه
من عاشقم سنون کیمی بیر سرو قامته
بوعالم قیامتی سن ویرمیسن منه
خدمت گزاریوام دیمورم تابع دینم
درباریوا بوخدمتی سن ویرمیسن منه
بیر نوحه خوان پاک خیابانی دم ویروب
دم لنمیش ام بوشرکتی سن ویرمیسن منه
مرحوم استاد تابع دین
منبع مجموعه کانالهای مدح و مرثیه
----------- متن اشعار مرحوم استاد تابع دین ---------
در شهادت حضرت امام جعفر صادق (علیه السلام)
ای شیعه بو غمده گلون شور و نوایه
پیغمبر اکرم بو گون باتمیش عزایه
رحلت ائدوبدور صادقِ آل محمد
عصرین امامی آغلوری اُول مقتدایه
بیر عمر دنیاده ائدوب اسلامه خدمت
صد حیف بولموب قدرینی اهل ضلالت
بو غمده اولموش شیعه لر غرق مصیبت
شیعه فغانی وار یری چخسون سمایه
دریای علم و فضلیدی بو حجت الله
دائم ائدردی حقّیدن مخلوقی آگاه
بولموبدی قدرین حیف اولا بیر عدّه گمراه
مسموم ائدوبلر اول شهی باخ بیر جفایه
ایلردی تبلیغات دین دائم او سرور
قلب شریفین ائتدیلر غمدن مکدّر
چوخ ظلم ائدوب اُول حضرته منصور کافر
گه ایستیوبدی مجلسه آچسون کنایه
منصور بی دین قویمادی ظلمونده نقصان
باغرین ائدوب اول حضرتین بیر لاله تک قان
اسلام ائوین ویران ائدوب اُول خانه ویران
دعوت ائدوب اول سروری دولت سرایه
حاضر ائدوبله اول شهی فوراً او دمده
اولموب امان عمّامه سین قویسون گلنده
باشی آچوخ وارد اولوب بزمه گیرنده
منصوره وئردی بیر سلام باخ بیر وفایه
آلموب سلامین سهلدور اول پست فطرت
قالدی ایاق اوسته او شه بیر نچه ساعت
کبریله باشین قوزادی ائتدی اهانت
گلدی بو غمده فاطمه نی تک نوایه
بو فکره دوشموشدی یته قتله او سرور
بو علته آلدی اله بیر تیز خنجر
اؤز اوغلونون امدادینه گلدی پیمبر
فرمایش ائتدی ای لعین باخ بیر خدایه
دوشدی وجودی وحشته ایلوبدی رأفت
سلطان دینه ایلدی آرتوخ محبّت
اؤز دودمانین قصد ائدوب میر هدایت
سال یاده آغلا عترت آل عبایه
بزم یزیدی ای گوزوم سال یاده آغلا
آل اللهه اولموب گلن امداده آغلا
هم زینبه هم سیِد سجّاده آغلا
هم نوعروسه آغلا هم نوکد خدایه
ای (تابع) دین اود دوتوب اودلاندی خامه
بزم یزید احوالینی چکمه نظامه
یازسان اگر تا حشره تک یتمز تمامه
یاز سوز یازاندا سرور کرب وبلایه
مرحوم تابع دین
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است