متن نوحه ترکی بیضای اردبیلی
مجموعه اشعار آیینی و مذهبی مرحوم بیضای اردبیلی در مدح و رثای اهلبیت علیهم السلام ، متن نوحه ترکی از مرحوم بیضای اردبیلی
---
احوالات حضرت امام حسین (علیه السلام)
کلیما ترک ایله اول او جانی
ترانی دی ایشیتمه لن ترانی
جمال یاری گورمک آرزوسی
اولانون قان گئرک اولسون وضوسی
جداده سویله سون یا حق و دوسی
ثبوت اولسون کمال امتحانی.
جدا اوسته گورنلر سویله سون آه
کی بو باش انفس و آفافه دور شاه
یازار خط جلیلن بسم الله
داماندا نیزه دن تپراقه قانی
وورار محبوب ذات حی مطلق
ندای من رانی قدر الحق
وئرر بو مذهب اسلامه رونق
قانیلان فاش ائدر کنز نهانی
قانی الله قانیدو بی عبارت
قان اسمی دور مسمای شهادت
نه منده حال وار نه سنده طاقت
مجال ایستر بونون شرح و بیانی
دیوم واحد دی بو شه یا عناصر
عقول عاقلان بو یئرده قاصر
دئدی قورخمادی فاش ای عشقه ناصر
نه جسمیدور نه جوهر نه معانی
خداوندا دگرگون اولدی حالیم
گواهیمدور پریشانتر مقالیم
سالوب آتدان حسینی هانسی ظالم
حسینون قالمیوب گئتدی توانی
بدن باشدان ایاقه پاره پاره
ائدر سوزش یارا گلمز شماره
اوحالتله سجود کردگاره
اولوب مشغول یوخ بیر جانفشانی
گلوب اول وقتیده شمر الده خنجر
یتورسون قتله شاهی اول ستمگر
تزلزل یئر ائدوب آغلاردی گویلر
گتوردی نالیه کون و مکانی
بویوردی شمره بسدور بو تظلم
عطشدن یوخ توانای تکلم
قوریوب لبلریم ای بی ترحم
سوسوز اولدورمه شاه انس و جانی
چیخوب بیر سینیه اول شمر غدار
کی اول سینیدی دائم مسکن یار
ایاقدا چکمه الده تیغ خونخوار
واریدی حقی اولدورمک گمانی
تجلای جمالوندن حسین جان
اگر بیر ذره لطف قیلسون احسان
ائدر 'بیضا' ید بیضا نمایان
قیلار روشن زمین و آسمانی
مرحوم بیضای اردبیلی
منبع مجموعه کانالهای مدح و مرثیه
----------- متن اشعار بیضای تبریزی ---------
حضرت امام حسین (علیه السلام)
یحیانون اگر چه باشینی کسدیله طشته
قویمادی عدو قانینی جاری اولا دشته
بوینندا حسین عترتی تک ظلمیله رشته
اولادی هاچان مجلس اغیاره چکیلدی
نمرود لعین آتدی اگر ناره خلیلی
گوردیله دوشوب گلشن گلزاره خلیلی
اوخشاتماق اولور زینب بی یاره خلیلی
گلدی نچه یول شمر ائلین ناره چکیلدی
گوردی یئر ایدوب اوغلینون حلقومینه خنجر
طاقت گتوره بیلمدی اوچ گون قالوب هاجر
بیلمم نجه تاب ایلدی لیلا،علی اکبر
نازک بوغازی خنجر خونخواره چکیلدی
گورمشدیله وار میلی نقدری حسنینه
پیغمبر آلوردی اولاری دوش و برینه
سو وئرمدیلر عالمی سو دوتدی حسینه
جار قدغن لشگر اشراره چکیلدی
شرم ائتمیوب ادب گوزلمدی ختم مآبه
پیغمبر ائوین ائتدی زیاد اوغلی خرابه
باغلاندی علی قزلاری زنجیر و طنابه
تا داغ، دل حیدر کراره چکیلدی
عباسون اوزون قولاری تندن قلم اولدی
عیسانون او کیفیت داری عدم اولدی
قدینی حسینون ایلین خم بو غم اولدی
بیر رشنه او غمدندی بو گفتاره چکیلدی
آتدان یخیلان وقتده اول شاه ولایت
قورخاردی بدادن اولا تبدیل شهادت
اجلال نزول ایتدی یره بار امانت
گلگونه بهجت گل رخساره چکیلدی
قویموشدی باشین قانی آخان تپراقا معبود
معشوقیله عاشق بیر اولوب قالمادی معدود
قاصد ئوزی مقصود ئوزی ساجد ئوزی مسجود
دوشموشدی گونون شعشعی دیواره چکیلدی
قانلی یوزی تپراقیده اول پیر خرابات
درگاه حق مطلقه ایلردی مناجات
عفو ایله عزاداریمی یا قاضی الحاجات
امر اولدی قلم لوح گنه کاره چکیلدی
بیضای اردبیلی
----------- متن اشعار بیضای تبریزی ---------
احوالات وداع حضرت علی اکبر (ع)
ایتموسن عزم ایندی که میدانه بسم الله اوغول
لطفِ رحمنِ الرّحیم اولسون سنه همراه اوغول
گیت اوغول بو گئتمگه الحمدالله ایلرم
ذکرِ الرّحمن ایدوب ، بو هجری دلخواه ایلرم
شُکرِ ربّ العالمین و حمد للّه ایلرم
یا رحیم عرض ایلرم ، یارون اولا الله اوغول
ال چکوب سندن بو گون سالدوم یولا ای مه جبین
حافظ اولسون مالک و مملوک ، شاهِ یومِ دین
بو عبادتدور ، قبول ایتسه اگر جان آفرین
سویلرم ایّاک نعبد ، روز و سال و ماه اوغول
هم و ایّاک دیوب ، ذکریم اولور هم نَستعین
اِهدنا" تا هم صراط المستقیمَ وار یقین
آتشِ هجرون اولاندا شعله ور اولسون معین
بیر بیله گفتاریمه آگاهیدور والله اوغول
گه صراطَ الّذینی ایلرم وِردِ زبان
گه انعمتَ علیهم کلمه سین قیلّام بیان
غیرِ مغضوبِ علیهم دور مقالاته لسان
حاش للّه بو ولا الضّالّین اولا دلخواه اوغول
ایسته بسم الله رحمن الرحیم اولسون مدد
قوی قدم بو کارزاره قل هو الله احد
اول مقابل اشقیایه سویله الله الصّمد
لم یلد ورد ائت ، و لم یولدده چکمه آه اوغول
ائت و لم یکن لهُ کفوا" احد وِردین بیان
شمر الینده خنجرِ کینه ، سَنان الده سِنان
دانماسون حقّون علی ، محشرده قومِ کوفیان
قتلوه آماده دور بو لشگرِ گمراه اوغول
سن ذبیحِ حقّ سن ، من هاجرِ دوران علی
شاهِ لب تشنه خلیل اللّهیدور الآن علی
گیت بو کوی عشقده ویرّم سنی قربان علی
کربلادور حضرتِ معبوده قربانگاه اوغول
توکمگه قانون مُصمّم دور بو گون بو سلسله
راضیم منده بو امره ، ایتمرم اصلا" گِله
تاب ایدر هانسی آنا ، آیا اوغول بو مشگله؟
تشنه لب قربان اولا سن تک ذبیح الله اوغول
فاخرانه باتماقون قانه اوجالدار باشیمی
باشوه بو آغ هوروکدن یولّارام شاباشیمی
قویمارام عمّون گوره بو دیدهء خونپاشیمی
اولمارام شرمنده سن اولسان فنا فی الله اوغول
رسمدور تئز ئولدورللّر گر گوزل اولسا شکار
دلخوشام بو خیمه لرده چکمرم چوخ انتطار
بیر زمان بیلّم گتوردی خیمه گاهه یاری یار
سن بولورسن که آنوندا وار دلِ آگاه اوغول
هر غم و هر درده کلّ من علیها فان اولور
شبهِ احمد باش ویرنده گُل کیمین خندان اولور
سن کیمی شایسته قربان ، لایقِ جانان اولور
سوز و سازِ عشقدن ، اخذ ایلر عزّ و جاه اوغول
پاکباز اولسا اگر (بیضا) ، تاپار قلبِ سلیم
تک حسین شأنینده نازلدور عَن النّباء العَظیم
غبطه ایلر بو بئله شخصه مسیحلن کلیم
مرحبا اولدون حسینیلن بو گون همراه اوغول.
مرحوم بیضای اردبیلی
منبع مجموعه کانالهای مدح و مرثیه
----------- متن اشعار بیضای تبریزی ---------
احوالات حضرت علی اصغر (ع)
حلق اصغردن اپن اوچ شعبه پیکان آغلادی
عرش و فرش و لوح و کرسی حی سبحان آغلادی
بیر کسه درددلین ابراز قیلسون یوخ دلی
اصغرین عطشان بوغازین اپدی آچسون اوخ دلی
آچمادی دل زخمدارایتدی و لیکن چوخ دلی
اپجاق اوخ اولده اصغرگولدی اوندان آغلادی
یدی حامیمین قیروب اوچ شعبه پیکان رشته سین
محکماتین ایلدی مستحکم اما مهره سین
پخش ایدوب دنیایه قران مجیدین خوشه سین
منزل قرآنی محزون گوردی قرآن آغلادی
من شه نبا العظیمم یوخدی منده کیف و کمم
قتلیمه شورا ایدوبسوز بلموسوزمن المرم
کل شیئی هالک الا وجه ربک هو منم
بو ندای زنده نی شمرایتدی اذعان آغلادی
باغ وصلتدن دروب گل شاد اولوب رب الفلق
محضر جانانه گوندردی او گلدن بی طبق
لطفیوه عرض ایتدی یا رب مستحقم مستحق
بیمناک اولدی بدادن شاه خوبان آغلادی
مست عین و شین و قافم مست وصلم مست یار
اکبره اکبرفدا ویردیم اولام پیوست یار
کوی عشقی سیرایدوبدور گوی چوگان آغلادی
جزرومدایلورگوروب اطفالی بحررنجیده
ماته دوشدی شه پیاده عرصه ی شطرنجیده
سرکنت کنزمخفی گورسنوب شش پنجیده
فیلیده دوشجاق وزیری کنزپنهان آغلادی
سینسا جان پیمانه سی سینمازبیلون پیمان عشق
محو اولورروزوصالیله شب هجران عشق
بلبلین گورسه آچارگل غنچه خندان عشق
غنچه ی خندان گل آچدی اولدی خندان اغلادی
عالمه افشا ایدوب (بیضا) ید ید بیضاسینی
ویردی صیقل شعریله تیز ایتدی طبعین داسینی
ارتحالینده ملکلردوتدی گویده یاسینی
مجلس ترحیمینه گلدی عریفان آغلادی
مرحوم بیضای اردبیلی
منبع کانال گنجینه گذشتگان
----------- متن اشعار بیضای تبریزی ---------
عزم میدان حضرت علی اکبر(ع)
بو نجه گوندی ؟ طلوع ، شبِ یلدا ایلیوب
عالمی نورِ رُخی ، وادی طُوّی ایلیوب
قالوب حیرتده عدو ، بیر بیره نجوا ایلیوب
دئدیلر اکبره هر کیمسه تماشا ایلیوب
بشر اولماز بیله ، اکبردی تجلّا ایلیوب
الحَذَر الحذر ، اول طُرّهء طَرّاریندن
یوز مین عاشق دِلی ، آویزیدی هر تاریندن
خَرّ موسی صَعِقا ، پرتوِ رخساریندن
بودور عیسایه ویرن دم ، دمِ گفتاریندن
که او دَم ، مُردهء صد ساله نی احیا ایلیوب
قاریشوب بیر بیرینه لشگر ، اوجالدی سخنی
قالدی دریای تحیّرده گوروب قومِ دنی
ظلمتِ محضه ، ویروب نور ، او جمالِ حَسنی
هاردا قالموش او دیَن ، طوریده ربّ اَرِنی؟
گوره پیدا اوزونی لله الاَعلا ایلیوب
بیر نظر ، عارضِ آل و خط و خالینه باخان
قالوب حیرتده دییردی بودور حیّ مَنّان
لامکان ، کرب و بلا دشتینی ایلوبدی مکان
بو یقین سوزدی دیوللر که گورونمز ، سبحان
لَن ترانی ایشیدوب ، موسی تمنّا ایلیوب
قسم آللهه بو الله دگل ، حیدردور
باشدا عمّامه سی ، عمّامهء پیغمبردور
خَلقا" و خُلقا" و نِطقا" بو همان سروردور
دئدیلر یوخ ، بو حسین اوغلی علی اکبردور
آتاسندان که جهاد اِذنی تمنّا ایلیوب
دلِ عُشّاقه خمِ طُرّه لری قاتلدور
که بونا عاشق اولان ، طایفه خونین دلدور
مشکِ آهوی خُتَن قاندان اولان حاصلدور
جلوه یوسفده ایدن حُسن نه آب و گِلدور
پردهء عصمتی صدپاره زلیخا ایلیوب
ابن سعدین حق ایوین یخسون ، آچوب جنگه عَلم
بودی نقّاش ، ویرن نقشینه هر آنیده دم
روح الاَرواحیدی بونسوز کی عدمدور عدم
عدم آئینهء لادور به وجودِ اکرم
لای نفسیله چون اول صورتِ اِلّا ایلیوب
بیر قوی دشمنینی ئولدوروب اول تازه جوان
ویرمیوب حیدر کرّار تک اعدایه امان
قیدوب خیمه لره عرض ایلدی ای بابا جان
جایزه ایله کرم گر سووا وارونسا گمان
کون و ماکانه سیزی حق ، اوزی سقّا ایلیوب
اوپدی شاهینون الیندن که او شهبازِ سفید
عطش ئولدوردی منی عرض ایدوب ای شاهِ وحید
بیر علاج ایله هلاک ایتدی منی ثِقلِ حدید
سوسوز اول دم گوروب اوز اوغلینی هادیّ رشید
گوشهء چشمِ عنایاتیله ایما ایلیوب
ثقلِ حدید : سنگینی آهن
دیلینی ویردی اوغول آغزینا ، خشک و تریلن
مُهر ایدوب هیکلِ توحیدینی انگشتریلن
چون کُمیل ابن زیادِ نَخَعی حیدریلن
کوکبا" قَد طلعا" صبح علی اکبریلن
نکته باریکیدی چون بیر بیره نجوا ایلیوب
مرتبه مرتبه زَندیقدی عشقیله طباع
بس مطیعیدون اوغول ، ایندی اولوبسان مُطاع
گلدی مقصودِ حقیقت اله ، دفع اولدی صُداع
گیت اوغول خیمه ده بیرده ایله لیلانی وداع
خرمنِ عمرینی هجرون اودی یغما ایلیوب
گلدی میدانه مبارز طلب ایتدی او جوان
بیر یهودی نجه ناگه ایدوب حمله دالدان
قلجا ویردی علی اکبرون آنّندا مکان
یول با یول هاشمی خال اوستن آخوب قرمزی قان
وَه نه شق القمر آسانیمیش ، اعدا ، ایلیوب
باشینون قانی اولوب عارضِ عالینه نقاب
قوللارین بوینونا سالدی ، دئدی دورما ای عقاب
سالما بو یرده منی خیمه لره ایله شتاب
قالمادی منده جهاده داخی بیر طاقت و تاب
گوزلری یولدا آنام ایندی مُصلّا ایلیوب
بیر نفر اولمادی ، اول وقته گیره آرخاسینه
یاره کارگر اولوب ، زینی باسوب سینه سینه
بیر الین قویدی مبارک باشینون یاره سینه
قوزانا ، هر چه ویروب دورماقا جرأت اوزینه
خُرد ، عمودیله ، بِلین گوردی او ترسا ایلیوب
قیلدی بو حالده حمله گینه ، بیر آیری شقی
گوردی آت اوسته اوتورماقلیقا یوخدور رَمقی
دوشدی آئینهء حقون یره گلگون شفقی
داغیلوب چوللره قرآنِ مجیدون ورقی
دوشدی آتدان یارالی ، توپراقی مأوا ایلیوب
کربلایه باش آچوخ گلدی چو پیغمبر ئوزی
قوملار اوسته یخیلوب ، گوردی علی اکبر اُوزی
کیمیا تک اثری وار ، ولی یوخ پیکر اوزی
عرشِ نیلی دن او دم گوردی شهِ خاور اوزی
قره توپراقی قیزیل قانی مُطلّا ایلیوب
آزدی واللهی آخا هر مُژه دن صد جیحون
نوح وار ایلیه عالملری مستغرقِ خون
علی اکبر کیمی عالمده خدایا اوغولون
قطعه قطعه آتا آناسی گورن وقته اونون
پیکرین ، صبر و تحمّل نجه آیا ایلیوب؟
لطف ایدر روزِ جزاده او شهِ تشنه لبان
وار امیدیم ویره هر بیتیمه بیر بیت جِنان
ندی جنّات ، اوزی اولمیا اوردا جانان
آفرین نطقوه (بیضا) یدِ بیضا ایلیوب
مرحوم بیضای اردبیلی
منبع مجموعه کانالهای مدح و مرثیه
----------- متن اشعار بیضای تبریزی ---------
در مدح و میلاد حضرت علی اکبر (علیه السلام)
عالمی نور رخی وادی طوی ایلیوب
قالوب حیرتده عدو بیربیره نجوا ایلیوب
دئدیلر اکبره هر کیمسه تماشا ایلیوب
بشر اولماز بیله اکبردی تجلا ایلیوب
الحذر الحذر اول طره طراریندن
یوز مین عاشق دلی آویزدی هر تاریندن
خر موسی صعقا پرتو رخساریندن
بودور عیسایه وئرن دم دم گفتاریندن
کی او دم مرده صد ساله نی احیا ایلیوب
قاریشوب بیر بیرینه لشگر اوجالدی سخنی
قالدی دریای تحیرده گوروب قوم دنی
ظلمت محضه ویروب نور اوجمال حسنی
هاردا قالموش او دین طوریده رب ارنی
گوره پیدا ئوزینی لله الاعلا ائلیوب
یبر نظر عارض آل و خط و خالینه باخان
قالوب حیرتده دیردی بودور حی و منان
لامکان کرب و بلا دشتینی ایلوبدی مکان
بو یقین سوزدی دیوللر که گورونمز سبحان
لن ترانی ائشیدوب موسی تمنا ایلیوب
قسم اللهه بو الله دگول حیدردور
باشدا عمامه سی عمامه پیغمبردور
خلقا و خلقا و نطقا بو همان سروردور
دئدیلر یوخ بو حسین اوغلی علی اکبردور
آتاسندان که جهاد اذنی تمنا ایلیوب
دل عشاقه خم طره لری محملدور
که بونا عاشق اولان طایفه خونین دلدور
مشک آهوی ختن قاندان اولان حاصلدور
جلوه یوسفده ائدن حسن نه آب و گلدور
پرده عصمتی صد پاره زلیخا ایلیوب
ابن سعدون حق ائوین یخسون آچوب جنگه علم
بودی نقاش،وئرن نقشینه هرآنیده دم
روح الارواحدی بونسوزعدمدور عالم
عدم آئینه لادوربه وجود اکرم
لای نفسیله چون اول صورت الاائلیوب
بیر قوی دشمنینی ئولدوروب اول تازه جوان
وئرمیوب حیدر کرار تک اعدایه امان
قیدوب خیمه لره عرض ائلدی ای باباجان
جایزه ایله کرم گر سووا وارونسا گمان
کون و ماکانه سیزی حق ائوزی سقا ائلیوب
اوپدی شاهینون الیندن که او شهباز سفید
عطش ئولدوردی منی عرض ائدوب ای شاه وحید
بیر علاج ایله هلاک ائتدی منی ثقل حدید
سوسوزاول دم گوروب ئوز اوغلینی هادی رشید
گوشه چشم عنایاتیله ایما ائلیوب
دیلینی ویردی اوغول آغزینا خشک و تریلن
مهر ایدوب هیکل توحیدینی انگشتریلن
چون کمیل ابن زیاد نخعی حیدریلن
کوکبا قد طلعا صبح علی اکبریلن
نکته باریکدی چون بیر بیره نجوا ایلیوب
مرتبه مرتبه زندیقدی عشقیله طباع
بس مطیعدون اوغول ایندی اولوبسان مطاع
گلدی مقصود حقیقت اله رفع اولدی صداع
گئت اوغول خیمه ده بیرده ائله لیلانی وداع
خرمن عمرینی هجرون اودی یغما ائلیوب
گلدی میدانه مبارز طلب ائتدی او جوان
بیر یهودی نجه ناگه ائدوب حمله دالدان
قلجا وئردی علی اکبرون آلنندا مکان
یول با یول هاشمی خال اوستن آخوب قرمزی قان
وه نه شق القمر آسانیمیش اعدا ائلیوب
باشینون قانی اولوب عارض آلینه نقاب
قوللارین بویننا سالدی دئدی دورما ای عقاب
سالما بویرده منی خیمه لره ایله شتاب
قالمادی منده جهاده داخی بیر طاقت و تاب
گوزلری یولدا آنام ایندی مصلا ائلیوب
بیر نفر اولمادی اول وقته گیره آرخاسینه
یاره کاریگر اولوب زینی باسوب سینه سینه
بیر الین قویدی مبارک باشینون یاره سینه
قوزانا،هر چه وئروب دورماقا جرات ئوزینه
خرد عمودیله بلین گوردی او ترسا ائلیوب
قیلدی بو حالده حمله گنه بیر آیری شقی
گوردی آت اوسته اتور ماقلیقا یوخدور رمقی
دوشدی آئینه حقون یره گلگون شفقی
داغلیوب چوللره قرآن مجیدون ورقی
دوشدی آتدان یارالی تپراقی ماوا ائلیوب
کربلایه باش آچوق گلدی چو پیغمبر ئوزی
قوملار اوسته یخلیوب گوردی علی اکبر ئوزی
کیمیا تک اثری وار ولی یوخ پیکر ئوزی
عرش نیلی دن او دم گوردی شه خاور ئوزی
قره تپراقی قیزل قانی مطلا ائلیوب
آزدی واللهی آخا هر مژه دن صد جیحون
نوح وار ائلیه عالملری مستغرق خون
علی اکبر کیمی عالمده خدایا اوغولون
قطعه قطعه آتا آناسی گورن وقته اونون
پیکرین صبر وتحمل نجه آیا ائلیوب
لطف ائدر روز جزاده او شه تشنه لبان
وار امیدیم وئره هر بیتیمه بیر بیت جنان
ندی جنات ، ئوزی اولمیا اوردا جانان
سنی تحسین ائلیه سولیه ای جان ای جان
آفرین نطقوه بیضا ید بیضا ائلیوب
مرحوم بیضای اردبیلی
----------- متن اشعار بیضای تبریزی ---------
در احوالات حضرت علی اکبر (ع)
بو نجه گوندی ؟ طلوع ، شبِ یلدا ایلیوب
عالمی نورِ رُخی ، وادی طُوّی ایلیوب
قالوب حیرتده عدو ، بیر بیره نجوا ایلیوب
دئدیلر اکبره هر کیمسه تماشا ایلیوب
بشر اولماز بیله ، اکبردی تجلّا ایلیوب
الحَذَر الحذر ، اول طُرّهء طَرّاریندن
یوز مین عاشق دِلی ، آویزیدی هر تاریندن
خَرّ موسی صَعِقا ، پرتوِ رخساریندن
بودور عیسایه ویرن دم ، دمِ گفتاریندن
که او دَم ، مُردهء صد ساله نی احیا ایلیوب
قاریشوب بیر بیرینه لشگر ، اوجالدی سخنی
قالدی دریای تحیّرده گوروب قومِ دنی
ظلمتِ محضه ، ویروب نور ، او جمالِ حَسنی
هاردا قالموش او دیَن ، طوریده ربّ اَرِنی؟
گوره پیدا اوزونی لله الاَعلا ایلیوب
بیر نظر ، عارضِ آل و خط و خالینه باخان
قالوب حیرتده دییردی بودور حیّ مَنّان
لامکان ، کرب و بلا دشتینی ایلوبدی مکان
بو یقین سوزدی دیوللر که گورونمز ، سبحان
لَن ترانی ایشیدوب ، موسی تمنّا ایلیوب
قسم آللهه بو الله دگل ، حیدردور
باشدا عمّامه سی ، عمّامهء پیغمبردور
خَلقا" و خُلقا" و نِطقا" بو همان سروردور
دئدیلر یوخ ، بو حسین اوغلی علی اکبردور
آتاسندان که جهاد اِذنی تمنّا ایلیوب
دلِ عُشّاقه خمِ طُرّه لری قاتلدور
که بونا عاشق اولان ، طایفه خونین دلدور
مشکِ آهوی خُتَن قاندان اولان حاصلدور
جلوه یوسفده ایدن حُسن نه آب و گِلدور
پردهء عصمتی صدپاره زلیخا ایلیوب
ابن سعدین حق ایوین یخسون ، آچوب جنگه عَلم
بودی نقّاش ، ویرن نقشینه هر آنیده دم
روح الاَرواحیدی بونسوز کی عدمدور عدم
عدم آئینهء لادور به وجودِ اکرم
لای نفسیله چون اول صورتِ اِلّا ایلیوب
بیر قوی دشمنینی ئولدوروب اول تازه جوان
ویرمیوب حیدر کرّار تک اعدایه امان
قیدوب خیمه لره عرض ایلدی ای بابا جان
جایزه ایله کرم گر سووا وارونسا گمان
کون و ماکانه سیزی حق ، اوزی سقّا ایلیوب
اوپدی شاهینون الیندن که او شهبازِ سفید
عطش ئولدوردی منی عرض ایدوب ای شاهِ وحید
بیر علاج ایله هلاک ایتدی منی ثِقلِ حدید
سوسوز اول دم گوروب اوز اوغلینی هادیّ رشید
گوشهء چشمِ عنایاتیله ایما ایلیوب
دیلینی ویردی اوغول آغزینا ، خشک و تریلن
مُهر ایدوب هیکلِ توحیدینی انگشتریلن
چون کُمیل ابن زیادِ نَخَعی حیدریلن
کوکبا" قَد طلعا" صبح علی اکبریلن
نکته باریکیدی چون بیر بیره نجوا ایلیوب
مرتبه مرتبه زَندیقدی عشقیله طباع
بس مطیعیدون اوغول ، ایندی اولوبسان مُطاع
گلدی مقصودِ حقیقت اله ، دفع اولدی صُداع
گیت اوغول خیمه ده بیرده ایله لیلانی وداع
خرمنِ عمرینی هجرون اودی یغما ایلیوب
گلدی میدانه مبارز طلب ایتدی او جوان
بیر یهودی نجه ناگه ایدوب حمله دالدان
قلجا ویردی علی اکبرون آنّندا مکان
یول با یول هاشمی خال اوستن آخوب قرمزی قان
وَه نه شق القمر آسانیمیش ، اعدا ، ایلیوب
باشینون قانی اولوب عارضِ عالینه نقاب
قوللارین بوینونا سالدی ، دئدی دورما ای عقاب
سالما بو یرده منی خیمه لره ایله شتاب
قالمادی منده جهاده داخی بیر طاقت و تاب
گوزلری یولدا آنام ایندی مُصلّا ایلیوب
بیر نفر اولمادی ، اول وقته گیره آرخاسینه
یاره کارگر اولوب ، زینی باسوب سینه سینه
بیر الین قویدی مبارک باشینون یاره سینه
قوزانا ، هر چه ویروب دورماقا جرأت اوزینه
خُرد ، عمودیله ، بِلین گوردی او ترسا ایلیوب
قیلدی بو حالده حمله گینه ، بیر آیری شقی
گوردی آت اوسته اوتورماقلیقا یوخدور رَمقی
دوشدی آئینهء حقون یره گلگون شفقی
داغیلوب چوللره قرآنِ مجیدون ورقی
دوشدی آتدان یارالی ، توپراقی مأوا ایلیوب
کربلایه باش آچوخ گلدی چو پیغمبر ئوزی
قوملار اوسته یخیلوب ، گوردی علی اکبر اُوزی
کیمیا تک اثری وار ، ولی یوخ پیکر اوزی
عرشِ نیلی دن او دم گوردی شهِ خاور اوزی
قره توپراقی قیزیل قانی مُطلّا ایلیوب
آزدی واللهی آخا هر مُژه دن صد جیحون
نوح وار ایلیه عالملری مستغرقِ خون
علی اکبر کیمی عالمده خدایا اوغولون
قطعه قطعه آتا آناسی گورن وقته اونون
پیکرین ، صبر و تحمّل نجه آیا ایلیوب؟
لطف ایدر روزِ جزاده او شهِ تشنه لبان
وار امیدیم ویره هر بیتیمه بیر بیت جِنان
ندی جنّات ، اوزی اولمیا اوردا جانان
آفرین نطقوه (بیضا) یدِ بیضا ایلیوب
بیضای اردبیلی
----------- متن اشعار بیضای تبریزی ---------
احوالات عبدالله بن الحسن (علیه السلام)
کمک آخر نفسده شاهه گلدی
ویروب یوز غیرت عبداللهه گلدی
چیخوب تل استه گوردی آیری عالم
او عالمدن اولوب احوالی برهم
عموسین گوردی ناگه قانه منضم
ذبیح آسا او قربان گاهه گلدی
شهادت جامینی آلدی الینه
قولین ویردی اوصمصامین دمینه
ایدوب پروازفردوس برینه
زوالی حال گویا ماهه گلدی
امامین غملری اولدی زیاده
گتوردی انبیانی آه و داده
شقی جلاد یوز قویدی عناده
ملائکده فغان وآهه گلدی
یتوب فرمان صانع ای ملائک
بونوعی امتحان ویرموبدی سالک
حسیندور کونیله ماکانه مالک
فقط بیر سجده سی اللهه گلدی
چیخوب بیر سینیه اول شمر غدار
که اول سینیدی دائم مسکن یار
ایاقدا چکمه الده تیغ خونخوار
اودمده انبیا فریاده گلدی
گوروب بو سری(بیضا)یاتما مطلق
اودور مداح طاهر خلق ایدوب حق
ایدر شاه بیتیده والله قمر شق
بو ابیاتین رضا للهه گلدی
مرحوم بیضای اردبیلی
منبع کانال گنجینه گذشتگان
----------- متن اشعار بیضای تبریزی ---------
اتمام حجت حضرت امام حسین
به لشکر کوفه
ای جماعت من حسین جدیم رسول الله دور
ناطق قران اتام ثانی خلیل الله دور
رونق دینم اماممعرشیدن اعلا منم
باعث ایجاد خلقم علمده دریا منم
چون ذبیح کربلا و معشر و منا منم
بو سببدندور حسینین قانی ثاراللهیدور
دور ایدر اجرام علوی انجم و اختر مدام
بیر وجوده بسته دور موجود کل خاص و عام
من لسان الله ناطق وارث خیر الانام
طوریده تعلیم الان مندن کلیم اللهیدور
باغلیوبسوز بو فراتی تشنه دور ال عبا
ایلیولر خیمه لرده ناله و شور و نوا
بیر جه جرعه سو ویرون سیز ای گروه اشقیا
سیز بلورسوز ال احمد جمله ال اللهیدور
اولمیون مانع منه تا یثربه ایمدی گیدیم
الدوروبسوز یاور و یاریم منیم گریان گیدیم
اصغریم اوخلاندی تشنه با غم و افغان گیدیم
روضه جدیم بیمبر مثل بیت اللهیدور
یا ویرون یول عزم ایدیم روم و فرنگ و زنگه من
دوشموشم وحدتدن اوتری کربلاده تنگه من
گلمدیم بو سرزمینه سیزلریله جنگه من
بو سوزه شاهد خدادور مطلبه اگاهیدور
ای جماعت کربلا کوه منا دور من خلیل
راه عشقیمده بو قانی ایتموشم سو تک سبیل
ایتموشم عهد و وفا من اولموشام عشقه دلیل
مست صهبای الستم عهدیم عهد اللهیدور
بیر طرفده عون و فضل و جعفریم القان اولوب
بیر طرف عباس و اکبر قانینه غلطان اولوب
بیر طرف اصحاب و یاریم قانینه الوان اولوب
سویلیون واردور جوابوز بو نه رسم و راهیدور
ال چکون مندن منم اسرار حقین مخزنی
من رموز عشقه دارایم تانور سوز سیز منی
اولمیون راضی خزان اولسون بیمبر گلشنی
بو حسین مست حقیقت هم فنا فی اللهیدور
راضیم تعجیلیله ظاهر اولا اسرار حق
شرحه شرحه بیکریم باشیم چداده چون ورق
اغلیور(بیضا)عزاداره ویرور نظم و نسق
دلده ذکری واحسینا ذکری ال الهیدور
مرحوم بیضای اردبیلی
منبع کانال گنجینه گذشتگان
----------- متن اشعار بیضای تبریزی ---------
احوالات حضرت علی اکبر (علیه السلام)
مرحبا نقاش قدرت بیر مه انور چکوب
صورت اکبرده بیر تشبیه پیغمبر چکوب
رزمگاهه وارد اولدی چون او شیر پرهنر
گوردی اعدا بیر مه رخشنده اولموش جلوه گر
قالب بیروح اولوب فی الجمله اول قوم کفر
یاندیلار باخدوقجا گویا شعله اذر چکوب
بیر فصاحتله دیدی گویا رجزاول مه جبین
جمله تحسین ایتدی اعدا سویلدی صد افرین
بو جلاده بسلموش هانسی صدفدور گوهرین
قطره بارانی صانع بیر بیله گوهر چکوب
الده تیغ ابداری حیدر کرار وار
قوم ترسانی شها متله ایدوبدور تار و مار
هی ووروب صفلر پوزولدی ایتدی روبه لر فرار
هر زمان اول شیر نر بیر نعره اکبر چکوب
ضرب تیغیله توکوب باشلاری چون برگ خزان
موجه گلدی گوئیا اولدی او چول دریای قان
چوخ دلاورلر قاچوبدی خیمه ده اولدی نهان
وحشتیندن چوخلاری بیر نقشه دیگر چکوب
یاره لندی فرقدن گویا اولوب شق القمر
فی المثل متن کلام الله چکلموش تار زر
یا که بیر مه صورتینده خط احمر چکدیلر
یا قلم گویا کنار لوحه بیر منظر چکوب
طوریده ارنی دیور (بیضا)مگر موسی بوگون
یا که رجعت ایلیوب پیغمبر بطحا بو گون
یا تجلائیله گلموش یوسف مصرا بو گون
صورت زیباسینه دیبائیله معجر چکوب
مرحوم بیضای اردبیلی
منبع کانال گنجینه گذشتگان
----------- متن اشعار بیضای تبریزی ---------
(حضرت امام زمان (عج
و گریز به مصائب شام و مجلس یزید ملعون
اذن وئر یاربّ حسینون اوغلی پنهان قالماسون
ذوالفقارین چکسون آخر یرده بو قان قالماسون
ذوالفقار صاعقه کرداری ائتسون بی نیام
اوّل و ثانی و ثالثدن او آلسون انتقام
دشمنان دینیدن آفاقی پاک ائتسون تمام
یرده بو مظلوملر قانی پریشان قالماسون
ای خداوند سمیع و لایزال و لم یزل
اذن وئر ائتسون قدوم میمنت آثاری حلّ
مشکلاتی ظاهر اولسون پیر رندان ازل
تاپسون آسایش امور کون و ماکان قالماسون
برملا چکسون ئوزی شمشیر کفر دشمنه
ورسون اول قهر خدا تیغ دو پیکر دشمنه
ایلسون دنیا و مافیهانی محشر دشمنه
آلسون اعدادن ئوزی بو قانی یکسان قالماسون
انتقامون زینبون آلسون گروه شامیدن
خولی و شمر و سنان و سعد خون آشامیدن
پاک قیلسون بو غباری صفحه ایّامیدن
غیبت کبراده مخفی شاه خوبان قالماسون
دشمن دین نبی دن اول شه رندان ئوزی
اذن وئر قان صاحبی آلسون الهی قان ئوزی
ایلسون سفیانیانی واصل نیران ئوزی
صفحه غبراده نسل نحس سفیان قالماسون
انتقام آلسون امام عصر عطشان اکبری
ایلیوب ئوز قاننه اونلار که غلطان اکبری
یاد ائدر دل هر زمان آغلار گزر قان اکبری
انتظار وصل جانانینه عطشان قالماسون
شام شومی کوفه تک یارب ئوزی ائتسون خراب
تاپدی جور شامیدن اوضاع عالم انقلاب
خارجی آل رسول اللهه ائتدیلرخطاب
تا تمام اولسون جفای قوم عدوان قالماسون
قیلدیلار ویرانۀ شام ایچره ساکن زینبی
مجلس بیگانه دن قول باغلی لکن زینبی
دشمنان دین خیال ائتدی مساکین زینبی
گتدی من باب تصدّق آج اسیران قالماسون
نه زبانیله بیان ائتسون بو زار و ناتوان
قصّه شامه بیان آغلار قلم آچماز زبان
آج سوسوز ویرانه ده یازمام رقیّه وئردی جان
هیچ کیمون یا ربّ عیالی بیله ویلان قالماسون
ایستدی وئرسون او هنده زادیه اوغلی کنیز
دامنیندن زینبون دوتدی عروس بی جهیز
سویلدی جایزدی عمه جاریه اعدایه بیز
شام ویراندا اولاق بو مشکل آسان قالماسون
ساخلادی زنجیر ظلمه باغلی بزمینده یزید
زینب و کلثوم و لیلانی او ملعون پلید
سیّد سجّاد ایاق اوستونده چون عبد عبید
آز قالوب قیلسون بدن ملکین وداع جان قالماسون
دولدی ظلمیندن او ناپاکون زمین و آسمان
ایستدی ناگه باخوب اطرافه چوب خیزران
بیر دیین اولمادی شرم ائت ای یزید آخر اوتان
ظلم بی حدّ ایلدون بو شاهه نقصان قالماسون
اهل بیتون باخمادی آخر یزید افغانینه
ائتدی طعنه کربلانون تشنه لب قربانینه
وردی چوب خیزران لعل لب عطشانینه
انتقامیم وار دئدی بو باشدا یاران قالماسون
اولمادیم کرب و بلا دشتینده صد افسوس حیف
ایلییدوم بو شه مظلومه استعمال سیف
بخت یاری اولدی حسین گلدی ئوزی بو بزمه ضیف
یتسون اتمامه یزیدون ظلمی نقصان قالماسون
بو شه مظلومه «بیضا» ایله ناله روز و شب
روز فیروزه ، شب تاریکون اولسون منقلب
زایل اولسون آغلار گوز یاشیله بو رنج وتعب
صفحه اعمالیده تصویر عصیان قالماسون
مرحوم بیضای اردبیلی
----------- متن اشعار بیضای تبریزی ---------
احوالات عاشورا
کربلا دشتینده شیعه بیر امام ئولدوردیلر
ای دریغا وئرمیوب سو تشنه کام ئولدوردیلر
وئرمدیلر جرعه سو ساقی کوثر اوغلیدور
تشنه وئرسون جان گرک زهرای اطهر اوغلیدور
بیر دیین اولمادی آخر بو پیمبر اوغلیدور
فاطمه دلبندینی بی احترام ئولدوردیلر
آغلا بو مظلومه ای گوز، اولما اشک بارسیز
اشک سیز گوز، بیر صدفدور لؤلؤ شهوار سیز
کربلاده بیر غریبی یارسیز انصارسیز
کوفه و شام اهلی ائتدی ازدحام ئولدوردیلر
آه او وقتدن آه ائتدی کینه اعدا بروز
آدم و عالم گلر افغانه بو غمدن هنوز
سالدیلار آتدان یره ذره وئرمدیلر سو ،سوسوز
خنجر و تیریله بیر عالی مقام ئولدوردیلر
نه حیا اللهیدن نه آه زهرادن حذر
ائتمیوب کرب و بلاده سالدیلار آشوب و شر
بو حسین یاران دگولدی سبط پیغمبر مگر
قویدی اهل کوفه بیلمم بس نه نام ئولدوردیلر
قاسمه بیر طوی بنا ائتدی شه کرب و بلا
طویدا داماد اللرینه یاخدیلار قاندان حنا
معجر نیلی سالوب باشه عروس نینوا
اولمامیش دامادی شیعه طوی تمام ئولدوردیلر
بیله ظلم اولمازدی ائتدی شمردون ایّامده
اهل بیتی باش آچوق گزدوردی شهر شامده
وئرمدیلر سو حسینه تشنه لب ، اسلامده
نه حلالی ایلمیشدی کیم حرام ئولدوردیلر
وئردیلر فتوای ناحق کوفه نون عالملری
وئرمیون سو ئولدورون لب تشنه آل حیدری
نه مسلمانی مسلمان یا نه کافر کافری
بیله ئولدورمزله بو قوم ظلام ئولدوردیلر
چوخ جفا و ظلم اولوب عالمده اما نه بله
اصغره ورسون سو پیکان جفادن حرمله
سنده دریادن فزون گلدی حسین جان حوصله
صبر قیلدون یاور و یارون تمام ئولدوردیلر
کربلا دشتینده بیر ظلم ائتدی اول شمر لعین
قالدی بی غسل و کفن یر اوزره نعش شاه دین
باغلادیلار سو یولون آل رسوله مشرکین
ائتدیلر بدر و حنینه انتقام ئولدوردیلر
یازما" بیضا "بو ستمدن دوشدی آشوب عالمه
اولسا اهل درد اگر بسدور بو مکتوب عالمه
سویله بو افرادی سال آفاقه شور و ولوله
کربلا دشتینده شیعه بیر امام ئولدوردیلر
مرحوم بیضای اردبیلی
----------- متن اشعار بیضای تبریزی ---------
احوالات عاشورا
تا آتش اشراره حسین خیمه سی یاندی
گون باتدی عدو یاتدی شفق قانه بویاندی
فریادو فغان جوهر ذراته داغیلدی
آوای حسین وای اودی هر یاندا عویاندی
بو ماتم عظماییده لاهوتیله ناسوت
حیراندی پریشاندی و انگشت به دهاندی
تنها نه قرا پوش اولوب کعبه بو غمده
ناقوس کلیساده ده فریادو فغاندی
خون حق و ناحق توکولوب کرب و بلایه
شرحی مرج البحر و لایلتقیاندی
تکفیر ایلمه گر دیسم الله حسیندور
واللهی و بالله او همین و بو هماندی
من چکمرم ال دامن شاه شهدادن
شاه شهدا دامنی مافوق جناندی
ای کاش اولا بیضا سر کویینده غباری
هر چندکی "بیضا " ید بیضای زماندی
بیضای اردبیلی
----------- متن اشعار بیضای تبریزی ---------
بسته شدن راه فرات
حسینه قسمت اولدون یا نه ،ای سو
دونیدون کاش او گون القانه ای سو
اولان ای جاری هر صحرا و دشتدن
دمشق و کوفه و شام و حبشدن
روادور کیم یانا اصغر عطشدن
ولی ایچسون سنی بیگانه ای سو
نه نوعی کئچدی احوالی حسینون
حالندان بیز اولاق حالی حسینون
عطشدن یاندی اطفالی حسینون
نجه شیعه یانار پروانه ای سو
عطشدن چخدی عرشه پرده پرده
قغان و ناله و شیون بو یرده
شهید کربلادن صونرا بیرده
نجه سن نوش اولورسان جانه ای سو
ایچوب سندن جهان اهلی سراسر
اولوب سیراب غیر از آل حیدر
روادور تشنه لب حلقوم اصغر
نشان اولسون دم پیکانه ای سو
سنی یوخ مانع ایچسون ایچسه هرکس
نه باعث اولدی بیلمم اولدی برعکس
وحوش و طیره اولدون اولمادون بس
نچون قسمت او لب عطشانه ای سو
عطشدن اکبر ناکام ئولنده
نه قالدی صبر و نه آرام ئولنده
سودان اوتری سکینه جام الینده
گلوب بلبل صفت افغانه ای سو
اسوب باد سموم تیر و خنجر
سولوب کرب و بلا دشتینده گل لر
اوتا یانمادیلار اما ئولنلر
عطشدن دوندیلر بریانه ای سو
پوزولدی بوستان آل یاسین
دل زهرای اطهر اولدی غمگین
حسینه اولمادون اولدون ولیکن
نصیب اُول فرقۀ عدوانه ای سو
مگر سن مِهر خاتون قیامت
دگولدون بس نچون ای بی حمایت
حمایت ائتمدون شمع هدایت
وئرنده جان سوسوز جانانه ای سو
دل احبابده قالموبدی یارا
ائله سو قصّه سین کوتاه (بیضا)
گورنده بیر سرین سو سویله آیا
حسینه قسمت اولدون یا نه ای سو
مرحوم بیضای اردبیلی
----------- متن اشعار بیضای تبریزی ---------
احوالات ورود به شهر شام
دروازه ساعتدن فوج اسرا گیچدی
آل الله ایچون محشر ای اهل عزا گیچدی
عریان دوه استنده قول باغلی آچوق باشی
مونسلری غم اما همره لری گوزیاشی
زینب او زمان گوردی صف صف دوروب او باشی
ینگین ایلیوب معجراول کان وفا گیچدی
رقصنده نوازنده الده دف و نقاره
ویرمزدی تماشاچی یول عترت اطهاره
چیخمیشدی تماشادن اوتری درودیواره
من دیدیم ایشتدون سن سوزاولدی هوا گیچدی
الله و پیمبردن نه شرم و حجاب ایلر
زهرا قیزینا دشمن خارجی خطاب ایلر
شیعه اورگین بو غم واللهی کباب ایلر
شدتله ایدوب اطفال ناله چو درا گیچدی
بیر عورت ملعونه خاتون قیامتدن
شرم ایلمیوب ووردی داش فرق امامتدن
قرآن اوخیان باشی داش سالدی تلاوتدن
غم قافله سی خاموش بی صوت و صدا گیچدی
بیر نفخه ایله صورین چالدی اودم اسرافیل
اطفال ستم دیده بازاره اولوب داخل
زینب دوه استنده کلثوم سینق محمل
بازاره نه ذلتله گور آلعبا گیچدی
گزدیردیله اولده هربرزن ترسانی
جمع اولدی تماشایه همکافر و نصرانی
زینب یوزینه سالدی گیسوی پریشانی
درک ایت بو اشاره ایله سوزاولدی ادا گیچدی
نفرین بیله شاماته لعنت بیله دورانه
زهرا قیزی معجرسیز اف بیله مسلمانه
هاردا یته جاق ایا زینب غمی پایانه
آج تشنه اشاقلاره بلمم نه جفا گیچدی
اکبرباشینی گورجاق لیلا گوزی قان آغلار
قیزلاردا اشاقلاردا ایلرهیجان آغلار
هم کون و مکان آغلار هم دورزمان آغلار
آیا بو مصیباتی کیم گوردی روا گیچدی
من اهل خراباتم (بیضایم)و درویشم
نه گبرو نه کافر بیرمسلم دلریشم
شغلیمدی کله دوزی شعریمدی منیم پیشم
تقصیرو گناهیله عمراولدی فنا گیچدی
مرحوم بیضای اردبیلی
منبع کانال گنجینه گذشتگان
نظرات (۰)
هیچ نظری هنوز ثبت نشده است