متن نوحه ترکی اشکی تبریزی
مجموعه اشعار آیینی و مذهبی اشکی تبریزی در مدح و رثای اهلبیت علیهم السلام ، متن نوحه ترکی از اشکی تبریزی
---
اتمام حجت حضرت ابوالفضل (ع)
من عاشق حسینم ایا لشکرظلام
خیرشکن علیدی شه لافتی آتام
عباس نامدارم و طومارعشقیده
روزازلده ایلمیشم منده ثبت نام
عشق حسینیله من آنامدان سود اممیشم
ذکرحسینیله منه لایلای دیوب آنام
سقا قویوبدی آدیمی سلطان تشنه لب
بو فخردور منه زیبنده دوربو نام
بیرمشک سو آپارماقا مامورایدوب منی
من نوکرم بو نوعیله امرایلیوب آقام
مطلوبیدور اطاعت مولا غلامیدن
مولا حسینیدور من اونا اولموشام غلام
جنگ ایتماقا اجازه یوخومدورامامیدن
اما فراتی آلماقا رخصت ویروب امام
من حیدراوغلیام آنام ام البنینیدور
آلّام فراتی گراولا هرقیمته تمام
ال قویموشام گوزاسته حسینین اطاعتین
واجب ایدوب عمومه خداوند لاینام
من وعده ویرموشم آپارام خیمگاهه سو
ایفای عهدیمه نقدروارنفس وارام
فتح شریعه جنگیله مشکل دگل منه
قصدیم دگل ولیک اله تیغ تیزآلام
شرمنده ام بلیمده کی شمشیریدن اوزوم
پیکاره بسکه رغبتی واردورعلی الدوّام
چوخ مایلم بوگون سیزیله جنگ ایدم ولی
بو اختیاری حیف منه ویرمیوب امام
صف چکموسوزبو نوعی نظامیله دورموسوز
وارقدرتیم نظاموزی بیر حمله ده پوزام
بیرجنگ ایدم جهاندا نظیری گورونمیوب
شمشیریمی چکوب ایلیم قصد قتل عام
بو لشکری قیرام داغودام یول آچام گیدم
ابن زیادی ذلتیلن تختیدن سالام
وحش و طیور ایچوربو فراتین سویون ولی
پیغمبرین اوشاقلارینا ایتموسوزحرام
ایمدی گلون اوزوز منه بیر مشک سوویرون
مجبورایتمیون الیمه من آلام حسام
سیز کوردللره اثرایتمورنصیحتیم
شیطان سیزه مسلط اولوب اولموسوز لئام
حاج مجید اشکی تبریزی
منبع کانال گنجینه گذشتگان
----------- متن اشعار اشکی تبریزی ---------
زبانحال حضرت موسی بن جعفر (علیه السلام)
ای صبا اوغلوم رضایه ویر خبربغداده گلسون
گوشه زنداندا سالسون من غریبی یاده گلسون
دیده گریان سینه سوزان محبس بغداده گلسون
بیر نفریوخدورانیسیم مونسیم فریادشبگیر
ایلیوب تاثیرآهیم خلدیده زهرانی دلگیر
تو به تو تاریک زندان طوق تک بوینومدا زنجیر
نالیه جدیم سزادورعالم معناده گلسون
اون بیر ایلدوراولموشام بو گوشه محبسده مغموم
دشمن بیرحم الینده اولدوم اوزعصریمده مظلوم
بو قوجا وقتیمده آخرایلدی ظلمیله مسموم
زهرکین تاثیر ایتدی مو به مو اکباده گلسون
گوزلریم هجرینده گریان قلب مسمومیم مکدر
هرآتا جان استه اوغلون رسمیدورعالمده گوزلر
مژده وصلیله زایل چون اولاردلدن بو غملر
فرقتی غم آرتوروربو خاطرناشاده گلسون
بیر طرف گوگلومده واردوروصل جانان اشتیاقی
قلبیمی سالموش حصاره بیر طرف یاران فراقی
ویردی غربتده منه جام اجل بیرحم ساقی
ایتدی حسرت صون نفسده عترت و اولاده گلسون
گرچه ایلرغم دچاری گردش دوران غریبی
جان ویرن وقتینده خوشدوردرک ایده یاران غریبی
اولمیوب بیر کس جهاندا من کیمی زندان غریبی
حسرت دیدارم اول سرو قد شمشاده گلسون
ایلیوب مامورهارون سند بی شرم و حیانی
گونده بیر دفعه سالور یاده من بی اقربانی
گه دوگوب گه انجیدوب بیرنوعیله بو خسته جانی
بیله بیرحم و دنی مشکلدی بو ایجاده گلسون
اشکی تبریزی
----------- متن اشعار اشکی تبریزی ---------
مبعث حضرت رسول اکرم (صلی الله)
بوگونده حقیدن امراولدی شاه بطحایه
که اوزنبوتیوی ظاهرایله دنیایه
بیله یازولا که اوچ میل مکه ده بیرکوه
دیوبله روزازلدن حرا او ماوایه
گلردی احمد مختاراکثراوقات
عبادت ایتماقا درگاه حی یکتایه
گلوب مطابق معمول او یرده اگلشدی
همانکه گونده یتوب وحی حق او مولایه
مراجعتده ایشتدی بو سس گلورناگاه
دیورکه حمداولا درگاه حی اعلایه
که سن رسول خداسن منیم آدیم جبریل
سنه خدا طرفیندن گتورموشم آیه
خدادن امر اولونوب ای محمد عربی
که خلقی دعوت ایله دین حق کبرایه
پیمبرین بدنی اضطرابیله دولدی
ایشتدی ملتفت اولدی همین بو معنایه
اوزینده حس ایلدی قدرت نبوتینی
اودورسرور ویروب یوزاو شاه طاهایه
مراجعت ایلیوب منزله شه بطحا
او اضطرابیله داخل اولوبدی ماوایه
خانم خدیجیه احوالینی بیان ایلدی
او سره محرمی حالی ایدوب قضایایه
خدیجه چون او شهین صدق قول و رفتارین
بولوردی علقه یتورموشدی میر بطحایه
دوروبدی گلدی عموسی ورقه نین یانینا
اونون بلوردی که وارعلمی بیحد و پایه
قضیه نی دیدی ویردی جواب اونا ورقه
محمدین یتوشوبدورمقامی بالایه
بو جبرئیل هماندور که طورسیناده
گتوردی وحی خدادن او وقتده موسایه
بودور پیمبر اکرم رسول عالمیان
بونون فضیلتی وارانبیا و عیسایه
خدیجه نین چوخالوبدوربو سوزده ایمانی
قیتدی بیعت ایدوبدوررسول والایه
گلوبدی کعبیه اول پیمبراکرم
دوشوب بو فکره ویره دین حقه پیرایه
ازل خدانین ایوین یدی دفعه ایتدی طواف
قویوبدی حکم خدانی او گوندن اجرایه
ایدوبدی دینه ازل اوزقبیله سین دعوت
قریش طایفه سی یتدی اجرعظمایه
قوتاردی خلقی جهالتدن ایلدی عالم
جهانی لرزیه دولدوردی باخ تجلایه
هزار حیف بو زحمتلرین مقابلینه
سالوبلا گورنقدرمحنت و بلایایه
ووروبلا سنگ جفا سجده گاهی چاک اولدی
دوزوب نقدریتوب حق یولوندا ایذایه
بویرده یادیمه سلطان کربلا دوشدی
یوزوم دولاندی گینه اول بلالی صحرایه
حسینه ارث قالوب باش یاراسی جدیندن
نچونکه رتبه ده وارثدی جدی طاهایه
گواه دور بو سوزیمده زیارت وارث
ایشقلی گون کیمی واضحدی پیرو برنایه
اوخورسان اوردا که یا وارث خلیل الله
ایدراشاره او داش یاره سی بو معنایه
دوشوبدی درگهوه یا حسین دخیل(اشکی)
سن ایسته حق اونا ویرسون بیرعالی سرمایه
حاج مجید اشکی تبریزی
منبع کانال گنجینه گذشتگان
----------- متن اشعار اشکی تبریزی ---------
شهادت حضرت امام جعفر صادق (علیه السلام)
شیعه لر قان اغلیون صاحب زمان اغلار بوگون
حضرت صادق غمینده قدسیان اغلار بو گون
باد ظلمیله گل گلزار بیغمبر سولوب
صادق ال محمد زهریله مسموم اولوب
گر دیسم زیبنده دور زهرا بو گون زلفین یولوب
عالم معناده مر مومنان اغلار بوگون
بغضیله منصور نور وحدتی خاموش ایدوب
بیشوای دین حق چام شهادت نوش ایدوب
جعفری مذهبلری محنتله هم اغوش ایدوب
گوز یاشی گوزدن توکر اهل جهان اغلار بو گون
باعث ایجاد عالم حامی دین خدا
نور یزدان مظهر توحید سبط مصطفا
مذهبه رونق ویرن دینه بویوک بیر بیشوا
درک ایدوب فیض شهادت انس و جان اغلار بو گون
شور محشر شهر یثربده بو گون اولدی عیان
وا اماما نا له سی خلقه اولوب ورد زبان
بوینی چگنینده توکردی گوز یاشی اسلامیان
تابعان حضرت صادق عیان اغلار بو گون
جان ویروب جانانه یتدی بو امام ممتحن
ایلدی اوز اوغلی موسی جسمینه غسل و کفن
اولدی چوخ اجلالیله تشییعینه جوخلی گلن
کربلا مظلومینی یاده سالان اغلار بوگون
قالدی اوچگون یرده گل جسمی یارالی بیکفن
اولمادی بیر کس او گون بیغمبر اوغلین دفن ایدن
گون ایوینده قانه غلطان قالدی یتمیش بیر بدن
بیله بیر احواله هر شیعه ینار اغلار بو گون
یتدی اوچگوندن صورا بیماره چون فرمان حق
دفن اولونسون تا نقدری وار سوسوز قربان حق
کربلا صحراسینه اعجازیله سلطان حق
گلدی بو اعچازیدن اگاه اولان اغلار بوگون
بیر قبیله اهلینی گوردی ملول و دلفکار
قصد دفنیله گلوب اللرده حفر اسبابی وار
دفنینه اما او گل بیکرلرین حیراندیلار
بو سوزه اول جمع تک حیران قالان اغلار بو گون
باخدی اول بیر اتاسی نعشینه چکدی فغان
سویلدی ای بذل ایدن جانانینه لب تشنه جان
کربلانی ایتموسن اوز قانویله گلستان
یاسمن سرو سمن هر گلستان اغلار بو گون
بیر مزار اول شهریاره قازدی با شور و محن
گوردی لازیمدور اولا شاهانه بیر عالی کفن
قالدی حیرتده او گل جسمه کفن ایتسون ندن
بو مصیبتده تمام افلاکیان اغلار بو گون
امر ایدوب اول جمعه سوز اهیله یا لقوز امیر
بیکفن دفن اولماسون مقتول اشرار شریر
تابدیلار ادل دشتیده زحمتله بیر باره حصیر
قبره شه چسمین حصیریله قویان اغلار بوگون
گوردی لیلانین علی اکبر اوجالدوب باشینی
گل کیمی خندان اولوب توکدی یوزه گوز یاشینی
دفن ایدوب بائین باده اول جوان قارداشینی
ایمدی اول ششگوشه قبره هر باخان اغلار بو گون
سن امام صادقه صدقیله (اشکی) دوش دخیل
حاجتین ایلر روا فورا او میر بیعدیل
نا امید ایتمز او شهدور سن اونا نوکر ذلیل
اولسا گر نومید سائل شاهه ذور نقصان بوگون
بقیه این اشعار در جلد (22) گنجینه گذشتگان است
اشکی تبریزی
منبع کانال گنجینه گذشتگان
----------- متن اشعار اشکی تبریزی ---------
در احوالات حضرت امام جعفر صادق (ع)
دلا دانی چرا ماتم زده بسیار مینالد
از انکه فصل دی بلبل زجور خار مینالد
فلک از گلشن زهرا گلی بیوسته می چیند
دل عالم زجور چرخ کجرفتار مینالد
گهی در کربلا گه در مدینه گاه در بغداد
زمحنت فاطمه با دیده خونبار مینالد
عزای حضرت صادق امام ششم است امروز
بجنت مصطفی و حیدر کرار مینالد
شده ماتم زده موسی بن جعفر اشک میریزد
زهجر باب خود ان سرور ابرار مینالد
به یثرب شورش محشر عیان شد زین غم عظما
همه اندر غم مولای خوشرفتار مینالد
بود گرچه سزا دیده در این غم خون ذل ریزد
ولی دلها زظلم شمر بد کردار مینالد
حسین ابن علی در کربلا گشته شهید اما
بشهر شام زینب در سر بازار مینالد
جفای چرخ را بنگر که دخت فاطمه حایل
بریشان طره خود کرده بر رخسار مینالد
گرفته از جفا اتش عمامه بر سر بیمار
بروی ناقه عریان تن تبدار مینالد
بگردن از جفا زین العبا زنجیر کین دارد
که دارد یادگار شیر یزدان عار مینالد
حریم مصطفی چون بلبلی شوریده در محفل
کنار افتاده هر یک از گل و گلزار مینالد
تو از این ماجرا (اشکی) بطور مختصر بگذ ر
که دل را این مصیبت میدهد ازار مینالد
اشکی تبریزی
منبع کانال گنجینه گذشتگان
----------- متن اشعار اشکی تبریزی ---------
زبانحال حضرت امام حسین (ع) در بالین
حضرت علی اکبر(ع) به حضرت زینب (س)
سن ندن میدانه باجی دلده واویلا گلوبسن
بلموسن یوخسا خیمده غش ایدوب لیلا گلوبسن
ای انام زهرا نشانی بو نجه حالتدی سنده
بلموسن یوخسا که واردور احتضار احوالی منده
بس نجه لیلا دایانسون من بو احواله دوشنده
صبریوی الدن ویروب میدانه بی پروا گلوبسن
صبر ایله هرگز الیندن ویرمه باجی اختیارین
چوخ سور پرهیز ایدن عورتلری پروردگارین
رونق دین استه سعی ایت حفظ قیل عز و وقارین
سن او عورتسن باجی بو عالمه تنها گلوبسن
ایتموسن بو گلماقوندا گرچه یاخشی فکر و تدبیر
جان ویروردوم داغ اکبر قلبیمه ایتموشدی تاثیر
تا سسین گلدی ویروب احوالیمه بیر اوزگه تغییر
اکبریم یاددان چیخوب گوردوم که یا اختا گلوبسن
گوزلریم گل صورتینده اوغلوما مشغولیدیم من
دوره دن اما گولردی حالیمه بیرحم دشمن
سسلینده قارداشیم وای قارداشیمین اوغلی وای سن
حالتیم تغییر تاپدی بلدوم اوندا که گلوبسن
منجنیق غم اگرچه قلبیوی بیحد سیخوبدور
خانه صبرین انام باجی غم و محنت یخوبدور
سالمیوبسن باشه یوخسا معجرین یاددان چیخوبدور
خیمه لردن سن بو وضعیله برهنه پا گلوبسن
نخل امیدیم یاتوبدور نازیله القان ایچنده
قان شفقدور گزلنوب گویا مه تابان ایچنده
خوش دگل ای شمس عصمت دورماقون میدان ایچنده
دوره دن ایلور شماتت لشکر اعدا گلوبسن
قورتولوب جدیم الیله اکبریم سوز عطشدن
طایر روحی ایدوب پرواز جلد منکمشدن
سن قایوت حاله گتور لیلانی باجی حال غشدن
کیم اونا ویرسون تسلی سن بیله آیا گلوبسن
گرچه چوخ یاره ووروبلار بو شبیه مصطفایه
پیکرین اوخ نیزه قران تک یازوبدور آیه آیه
لیک ممکندور یغام اعضاسینی منده عبایه
خیمیه تا حمل اولا بو دوغرانان اعضا گلوبسن
گیت خیامه سن علی اکبره قور بزم ماتم
دوغرانان نعشین من ایدی بیر عبا ایچره گتورم
لیلیه آندور بو سری من گلینجه قویما مبهم
ماجرانی ایتموسن گرچه اونا ایما گلوبسن
(اشکیا)اولذی بو سوزده اوز لریندن لطف شامل
گر عنایت اولماسیدی مطلبین اولمازدی حاصل
اولدی زهرادن توجه بیله شیرین اولدی بو دل
یادیوه مضمونی سالدی قافیه حتی گلوبسن
حاج مجید اشکی
منبع کانال گنجینه گذشتگان
----------- متن اشعار اشکی تبریزی ---------
احوالات تنور خولی
عشقینده مقصده آنا من تک چاتان یاتار
باشدان خیال جاه وجلالین آتان یاتار
جانان یولوندا ترک ایدن اوز خانمانینی
عشق استه سو یانیندا ویرن تشنه جان یاتار
کوی وفاده من کیمی سر مست عشق اولان
معشوقینه ویرن بیله بیر امتحان یاتار
عاشق بیر عمر یاتماسا ایام هجریده
بزم وصال یاره یته بیر زمان یاتار
مهمان خولیم بو گیجه میزبان سنه
گرچه قوناقی راحت ایدر میزبان یاتار
اما بو بارده منی معذورم عفو ایله
وار علتی بو خسته دل کوفیان یاتار
بیر باش که تندن اون ایکی ضربتله آیریلا
اول گیجه کول استه اولا میهمان یاتار
خوش گلموسن منی بو گیجه یاده سالموسان
وصلیله نار هجر دل عاشقان یاتار
درد دله دل اهلی دل شبده دل آچار
چون بزم یار خلوت اولار دیگران یاتار
باشیم تنور ایچنده کول استنده میهمان
کرببلاده جسمیمه بستردی قان یاتار
فکر ابلمه بالالاریمین فکرین ایتمورم
گل خار الینده قالسا مگر باغبان یاتار
بو باردن ولی آنا آسوده خاطرم
بیجا دگل بو پیکری باشسیز قالان یاتار
یانموش چادردا چونکه حسینین بلور اوزی
زینب کیمی بالالارا وار مهربان یاتار
چه باجیمدا بو گیجه یورقوندی خسته دور
یاتماز ولیک یاتسادا چوخ ناگران یاتار
گر یاتماسا ربابیله لیلانین حقی وار
گل غنچه سولسا بلبل خوش نغمه خوان یاتار؟
دما حسینین عشقینه نقصاندی یاتماسا
کول استه وار رضای حق لا مکان یاتار
چوخ یرده بو باشین آتا چوخ ماجراسی وار
هر یرده وار مصاحب و بیر همزبان یاتار
بوردا سنیله دیریده نصرانی شامیده
چوخ نازیله بو باشی آقاجدان آسان یاتار
اوردا بالام رقیه منه همزبان اولار
نصف شب اونداکی باشیما پاسبان یاتار
بلم سکینه بوگیجه چوخ آه و زار ایذر
آتلار دوشینده چوللره یوخسا قاچان یاتار؟
اوغلون حسین أنا ایله مخمور عشفیدور
لعل لبین اپنجه دم خبزران یاتار
ثارالهی اگرچه توکوب ظلمیله عدو
(اشکی) خیال ایلمه هر گز بو قان یاتار
بیر گون ایذر اوز اوغلی بو قان ادعاسینی
بو شورش و بو غلغله بل اول زمان یاتار
استاد دور بو بارده (عاصی) گوزل یازوب
یاتماز اونون کلامیدی (اشکی) یازان یاتار
حاج مجید اشکی
این اشعاررا آقای حاج مجید اشکی در جواب
(باشیندا شور عشق الله اولان بیر باش بیله یاتماز)
مرحوم عاصی سروده
منبع کانال گنجینه گذشتگان
----------- متن اشعار اشکی تبریزی ---------
زبانحال حضرت فاطمه زهرا
به جناب فضه
اوج ایدوب سمایه آهیم فضه گل هرایه یاندیم
دورما ویرخبراماندورشاه لافتایه یاندیم
آتش جفا وورولدی درگهیم آلشدی یاندی
آذرشررله شعله چکدی گویلره دایاندی
لاله تک یانقلی قلبیم پرده پرده لخته قاندی
شرح حالیمی دایانما سویله مرتضایه یاندیم
آزقالوربهارعمریم ظلمیله یته خزانه
سینمی ایدوبدی ثانی تیرمحنته نشانه
سقط اولوب بالام ستمله گیتدی رو ضه جنانه
اودلانوب یارالی دلدن من بو ماجرایه یاندیم
بیرطرف قاپی فشاری حایلیم بویاندا دیوار
من نقدری مانع اولدوم ایلدی هجوم اشرار
دوشموشم داخی نفسدن سینمه باتوبدی مسمار
طاقتیم گیدوب یخلدیم دوشموشم بلایه یاندیم
یوخدی دورماقا ایاقه منده طاقت و توانا
ویربو حالیمی عم اوغلوم حیدره خبردایانما
سویله داده یت یخلدی یاعلی یارالی زهرا
فوج غم آلوب بتولی هارداسان آرایه یاندیم
باخمادی بو گونده ثانی یاسلیم عزالیم من
ایتدی بلدوقی جفانی فضه گل بلالیم من
قول سینوب نفس باتوبدی سینه دن یارالیم من
اولموشام هدف خدنگ محنت و بلایه یاندیم
طاقتی کسیلدی فضه تاایشیدی بوندانی
سسلدی اوجا سسیله بودلیله مرتضانی
یاعلی یتوش هرایه الدوروربتولی ثانی
فاطمه سسین ایشیتدیم منده بو صدایه یاندیم
فضه نون سسین ایشیتدی مرتضا اولوب پریشان
غیظه گلدی صحنه چیخدی سرعتیله شیریزدان
صحن خانه ده نگوردی فاطمه دوشوب ایاقدان
سویلدی بو حاله زهراآند اولا خدایه یاندیم
ثانی ستم شعاری قصد ایدوب اوشیرداور
یخدی تپراقا بیوردی اول لعینه شاه محشر
باغلیوب ایکی قولومی امرحضرت پیمبر
تابعم بوماجراده امرمصطفایه یاندیم
جرئته گلوب بوسوزده جمله تابعان ثانی
چونکه بلدولر او گونده قصد شاه لافتانی
قوردولاراودورهمان گون ماجرای کربلانی
سوزگیدورگینه بو یرده دشت کربلایه یاندیم
ایخدا ندن هرایه گلمدی شه ولایت
زینبه قیام ایدنده غاضریه ده قیامت
اوندا که ویروب سپاهه ابن سعدحکم غارت
آتش جفا دایاندی عرش کبریایه یاندیم
خیملرآلشدی قاچدی چوللره بنات زهرا
خوردا قیزلاری قوواردی آتلارین دوشینده اعدا
بیرایله قیامت اولدی حشردوراوحشره ایما
سسلنوردی خوردا قیزلارگل بابا هرایه یاندیم
(اشگیا) دایان بو یرده یازموری دایاندی خامه
هرقدر یازیلسا یتمز غارتین غمی تمامه
بوقدرکفایت ایلراودووران زمان خیامه
قیزلارین صداسی یتدی ارضیدن سمایه یاندیم
اشکی تبریزی
منبع کانال گنجینه گذشتگان
----------- متن اشعار اشکی تبریزی ---------
زبانحال حضرت زینب کبری(سلام الله)
به حضرت فاطمه زهرا (سلام الله)
سنسیز آنا یا فاطمه تا جاندا وار جان آغلارام
سالام خیاله غملرین گوزدن توکوب قان آغلارام
خوش روزگاره ایلدی چرخ دنی حسرت سنی
اولدی بهارینده خزان ظلمیله عمرین گلشنی
قویدون یرینده نایبه ای غمکش دوران سنی
سندنصورا گلمز یوزوم هر لحظه هر آن آغلارام
بو محنتین یاد ایلرم جدیم پیمبردن صورا
یاندون آنا درگاهیوه اود ووردولار اهل جفا
بین در و دیواریده قالدون همان ساعت أنا
بطنینده سقط اولدی بالان سن ایتدون افغان آغلارام
ثانی جفاسین یادیمه سالدوقجا گلم شیونه
ووردی او ظالم ظلمیله بیر ضربت سیلی سنه
گل برکی تک تر صورتین دوندی آناجان سوسنه
باغرین او غمده غنچه تک اولدی آنا قان آغلارام
یالقوز آناسیز قیزلارین هر گز یوزی گلمز آنا
سنسیز جهاندا صاق قالوب زینب ندن المز آنا
من تک آناسیز قالمین احوالیمی بلمز آنا
تک ایوده یوز دیواریده زار و پریشان آغلارام
سندن جهاندا آلموشام درد وبلا سر مشقینی
عالملره ویرم نشان صبر و وفا سر مشقینی
قاپون یانان گون ایلدیم من کربلا سر مشفینی
دشت بلانین غملری باشلاندی بوردان آغلارام
سن تک منیمده قسمتیم اولموش ازل گوندن بلا
شوریده باشیمده اودور واردور هوای کربلا
دل ویرمیشم روز ازل هر بیر بلایه برملا
کورسم حسینین نعشینی القانه غلطان آغلارام
فریاد او ساغتدن تاپار زینب یارالی قارداشین
عریان یارالی بیکفن باغلار عذاره گوز یاشین
آیا نجه صبر ایلسون گورسه کسوب قارداش باشین
اول گیجه خولی ایدوب کول استه مهمان آغلارام
(اشکی) کلامین ایسته سن اولسون ملیح و دلنشین
نعمتدی حق لطف ایلیوب بل طبع شعرین قیمتین
باخما هوای نفسه دوت محکم حسینین دامنین
یاز سوز یازاندا اشکیله عرض ایت حسین جان آغلارام
اشکی تبریزی
کپی بدون ذکر نام منبع حرام است
منبع کانال گنجینه گذشتگان
----------- متن اشعار اشکی تبریزی ---------
قسمتی از عباسیه اشکی تبریزی
نقل ایدن بو مطلبی بیر عالم خوش خیزیدور
آدی صادق قولی صادق شهرتی تبریزی دور
مرجع تقلیدیدی اول عالم نیکو عمل
معتبر اسنادی وارقولینده یوخ اصلا خلل
گلشن عشقین گلی سرلشگر سلطان دین
سرو گلزارعلی دلبسته ام البنین
حضرت عباس حسینه باهنرصاحب علم
چارم شعبانیده بو عالمه قویدی قدم
آلدی آغوشه او مولودی امیرلافتی
ماجرای کربلانی چون بلوردی جابجا
اپمدی رسمیله اول عارض گلنارینی
گلدی شوره اپدی عباسین اوزون قولارینی
ایلدی بو ماجرا امالبنینی بیقرار
خجلتیله یوزدوتوب عرض ایلدی ای شهریار
تازه مولودین اپللر رسمیدوررخسارینی
پس نچون عباسیمین اپدون ازل قولارینی
چون او قولارین بلوردی ماجراسین سربسر
فاطمه ام البنینه رمزیله ویردی خبر
مهر عالمگیرین آغوشینده مه رام اولمادی
هرقدر ایتدی نوازش لیک آرام اولمادی
بیرنچه کس آلدی آغوشه اونی خرد و کبار
چوخ نوازشلراولوندی دوتمادی اما قرار
گوردولربیراوزگه سمته دونموراصلا گوزلری
چوخ باخورسمت حسینه لیک شهلا گوزلری
تا آلوب آغوشینه اول تازه مولودی حسین
باغرینا باسدی یوزیندن اپدی شاه مشرقین
وصل گل درک ایلین بلبل کیمی اول با وفا
قولارین فورا آچوب سالدی حسینین بوینونا
قلبیمون اندوهینی ایتدی گینه بو غم فزون
بو ایکی قارداش نچه دفعه اولوبلارقول بویون
گرچه هربیردفعه ده بیرمحشراولدی آشکار
لیک بوردا قول بویون اولماقلیقین چوخ سری وار
کربلایه عمده سری گوئیا ایمائیدی
چون ابوالفضل و حسینیله بو بیر سودائیدی
خاتمه تاپدی بو سودا محشر کبری گونی
عاشرشهرالحرام یعنی که عاشورا گونی
ایتمیوبدوربی سبب باب الحوائج اشتهار
حل ایدر مشکللری عباس الیله کردگار
روزعاشورازبس دینه حمایت ایلدی
حق اونا بو منصب و شانی کرامت ایلدی
اوندا که دولموشدی دشت کربلا غوغائیله
کهربا همرنگیدی اطفال مه سیمائیله
عرصه تنگ اولموشدی بیحد عترت پیغمبره
العطش فریادی یردن اوج ایدردی گوگلره
اللرینده بوش سو جامی خردا جا قزلارتمام
دیده گریان سینه سوزان العطش سسلورمدام
شدت سوزعطشدن غش ایدوب اصغریانور
سینه ده سود یوخ رباب بیکس و مضطر یانور
داد او ساعتدن امیرلشکرشاه حجاز
گوردی تنگ ایتدی حسینه عرصه نی اهل مجاز
حجت اللهین گوروب امری دوشوبدور مشکله
ایلوری اشرار شام و کوفه بیحد هلهله
بیرطرفدن تشنه لبلر ناله سی صبرین آلوب
بیرطرف گوردی حسین فاطمه یالقوزقالوب
ویردی الدن قلبینین آرامینی اول باوفا
دوشدی بو فکره که شهدن رخصت میدان آلا
این اشعار بیش از 500 بیت میباشد و قسمتی ازان ثبت شد
اشگی تبریزی
منبع کانال گنجینه گذشتگان
----------- متن اشعار اشکی تبریزی ---------
زبانحال امیرالمومنین حضرت علی (ع) به دخترشان
در شهادت حضرت زهرا (س)
آغلاما آز آغلا آغلار گوزلرین قربانی زینب
ای قویان آغلارغمینده دیده دنیانی زینب
گرچه وارحقین یانورسان آغلوسان زهرا غمینده
هرقیزین السه آناسی سینه داغلار ماتمینده
فاطمه اما سفارش ایلیوب آخردمینده
قویما چوخ عرشه اوجالسین ناله و افغانی زینب
من اوزومده سندن آرتوخ اولموشام بو غمده دلگیر
ایلرم دلدن همیشه ناله جانسوزشبگیر
سن النده ناله ایلورقلبیمه بیحد تاثیر
یادیمه چونکه سالورسان روزعاشورانی زینب
درد ومحنت عالمینده نایبه زهرایه سنسن
کنزغم زینب آدیندا تک گلن دنیایه سنسن
صبر ایله صبریله دینه چون ویرن پیرایه سنسن
بارمحنتله بوکرسن بو قدرعنانی زینب
ای مصیبتلرآناسی گلمه بیر بیله نوایه
آغلاما گلمه نوایه غصه ویرمه مرتضایه
گوزلرین قربانی ساخلاگوز یاشین کرببلایه
غرق ایدر فلک نجاتی اوندا غم طوفانی زینب
آغلاماق وقتی او گوندورقلبیوی غمله سیخالار
ظلمیله اوغلوم حسینی صدرزین استه یخالار
آدینی مسلم قویانلاردین و ایماندان چیخالار
برملا ویران ایدلرخانه ایمانی زینب
سن اوگون دشت بلاده ایله سن دینه حمایت
خیمیه یوزدوندره نده لشکراهل شقاوت
اهلبیت مصطفانی اهل کین ایلله غارت
چوللره قویما داغیلسین عترت طاهانی زینب
یوم عاشورا او گوندورای در گنج امامت
محشر کبری او گوندن فرض اولاربیرجه علامت
قامت سروین کمانه دوندرربارمصیبت
قانیله تفسیرایدن گون قارداشین قرآنی زینب
فاطمه هرچند لایقدورنوا و شورشینه
بی سبب فریاد و دادیله بو گون دولموب مدینه
کربلانی یاد ایدرهردم اوزی آغلارحسینه
چون اودوردشت بلاده دین حق قربانی زینب
حمد قیل (اشکی) خدایه تازه دن تاپدون سعادت
مرقد موسی الرضانی ایلدون بو ایل زیارت
بو سوزی لطف اولدی شهدن دفتره ایتدون کتابت
ایسته ویرسین حاجت دنیانی هم عقبانی زینب
اشکی تبریزی
منبع کانال گنجینه گذشتگان
به اطلاع مداحان و علاقمندان گرامی میرساند
اخیرا جلد 63 گنجینه گذشتگان
دیوان مرحوم (عاصم تبریزی) و
دیوان مرحوم دلسوزتبریزی
سراینده اشعار مشهور
(هر چند عالمین عجب عالمدی یا حسین)
و (گلموشوق ای شیعه لر شام غریبانه بیز)
تحت عنوان جلد 64 گنجینه گذشتگان انتشار یافته است
شماره تلفن مرکز پخش تبریز(35554219)
----------- متن اشعار اشکی تبریزی ---------
زبانحال به امام حسن مجتبی (علیه السلام)
ندور سنده بو حالت بیان ائت منه قارداش
دوداقوندان آخور قان فدا من سنه قارداش
بیله باخما باخاندا شرر جانه سالورسان
توانین گئدوب الدن توان الدن آلورسان
سودان آیری دوشن بیر بالیق تک چابالورسان
بو حالین اثر ایلر دل آهنه قارداش
گلر بلبل شیدا نوایه چمن اوسته
گورر قطرۀ شبنم دوروب یاسمن اوسته
دوزر قان قطراتین او وجه الحسن اوسته
دوروب دانه بدانه دونوب گلشنه قارداش
سنین درد ملالین جهاندا بُلن آغلار
گلن قبریوه پوزقون مزارین گورن آغلار
غریب وطن اولدون دیر وا حسن اغلار
یانار اهل دل آغلار گلرشیونه قارداش
گوزون یاشینه قارداش بو زینب اولا قربان
اؤرک باشینا قویما الین اولما پریشان
دونر هجره وصالین عیاندور من نالان
گرک سیل سرشکی توکم دامنه قارداش
روا گوردی بو ظلمی سنه هانسی ستمگر
بیان ائت ندی دردین ایا حجّت داور
سزادور آچا باشین آتام ساقی کوثر
آناما ایده شِکوه دوتا یاس سنه قارداش
اولوب قلب شریفین هامی غملره خازن
گهی دل یاراسیله گهی رنج مدائن
بو نسگل منه بسدورکه هم بستر خائن
سنین قتلیوی وعده ویروب دشمنه قارداش
بلا مونسییَم من یوزوم دهریده گلمز
حوادث هله چوخدور باجین گورمه سه ئولمز
نلر وار گله جاقدا بونی کیمسنه بلمز
قالوب ارث آنامدان بو محنت منه قارداش
بو غمدن منه واردور منه بیر غم دیگر
اولار کرب و بلاده عیان شورش محشر
قالار دشمن الینده او گون آل پیمبر
تاپولماز چکه کیمسه منی مَأمنه قارداش
سنه (اشکی) امامِ رضا ائتدی عنایت
که پابوسینه گلدون بو ایام زیارت
جوارینده ائدوبسن بو اشعاری کتابت
ندور سنده بو حالت بیان ائت منه قارداش
اشکی تبریزی
منبع مجموعه کانالهای مدح و مرثیه
----------- متن اشعار اشکی تبریزی ---------
در احوالات حضرت رقیه (سلام الله)
جمالی گلشن دینین اولان صفاسی رقیه
حسین فاطمه نون سویگلی بالاسی رقیه
دیردی زینبه درد و غم آشناسی رقیه
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
جنانه گیتملیم من دا آزمارام یولومی
فغان و شیونیله سیز آلون صاق و صولومی
آچون طناب جفائیله باغلانان قولومی
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
علی اکبریمین آدینین فداسی اولوم
اونون مزارینه دوشمز منیم دوباره یولوم
یارالیم ئولورم باغلانوب طنابه قولوم
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
بیر اوزگه سرّ وار ای عمّه جان فغانیمده
بابام یانیمدا اولیدی ئولن زمانیمده
گوریدی قمچی یرین جسم ناتوانیمده
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
بابام کیمی نجه گور منده امتحان ویرورم
بابامین ئولماقینی شامیده نشان ویرورم
کفن سیزم قوری یرده یارالی جان ویرورم
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
مزاریم اوسته منیم نچّه گون عزالی قالون
گورنده عمّه ساری گول، منی خیاله سالون
او گولدن عطریمی عمّه مشام جانه الون
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
گتورسه وار یری نالم جهانی فریاده
منیم کیمی هانی محنت چکن بو دنیاده
ویروبدی جان قوری یرلرده هانسی شهزاده
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
سزادی من کیمی غنچه گول آچمیوب سولسون
او قدری قالموری عمریم گولی خزان اولسون
بولود کیمی هامی گوزلر دئ بارشه دولسون
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
غریبه گونلره دور زمان منی سالدی
غریبه دار و دیار ایلدی بو چرخ دنی
قویون بو یرده مزاره من فلک زده نی
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
بو شام قیزلاری هردم گلور منیم یانیما
دیولَّه خارجی بو سوز سالور شرر جانیما
هزار شکر ئولوم ال قویوب گریبانما
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
گرک جنایت ایدن خوار و شرمسار اولسون
بساط ظلمی یزیدینده تار و مار اولسون
ئولن کناریمی بیگانه لر کنار اولسون
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
گیدوب جلالیم الیمدن دا من او قیز دگلم
بهشتده واردی جلالیم جلال سیز دگلم
اگر کتابت اولا شرح حالسیز دگلم
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
غم ایتمرم بو زمان گیچسه بیر زمان گلجاق
غمیمده عالمه مینلر اورک یانان گلجاق
«دخیلیدن» صورا (اشکی) کیمی یازان گلجاق
گرک ئولنده منه عمه جان چوخ آغلیالار
منیم نه وقتیمیدی قولاریمی باغلیالار
اشکی تبریزی
----------- متن اشعار اشکی تبریزی ---------
زبانحال حضرت امام حسین (علیه السلام)
به حضرت فاطمه زهرا (سلام الله)
هنگام خروج از مدینه
یاتما دور سال یثربه شیون خداحافظ آنا
آیریلور اوغلون بو قبریندن خداحافظ آنا
قبریوه قربان اولوم ای دفن اولان گزلین گیجه
آیریلور گور میوه قلبین بو قبریندن نجه
سرعت طی مراحل وار اگر قالسام گیجه
یول تاپار مقصودینه دشمن خداحافظ آنا
اون ایکی مین نامه دعوت یازوب اهل عراق
ظاهرا بو نامه لر دعوتدی باطنده نفاق
ایتماقا اتمام حجت دلده وار چوخ اشتیاق
گلمیشم سندن آلام رخصت خداحافظ آنا
دعوت حقدور گرک بو دعوتی ایجاب ایدم
گلشن دینی طراوتلندیرم شاداب ایدم
سو یرینه قانیمی ایثار ایدوب سیراب ایدم
سولمیا تا حشر ، بو گلشن خداحافظ آنا
بو سفرده من مقدر دور جدایه باش ویرم
عهد و پیمان ایتمیشم قربان اوغول قارداش ویرم
سود امر بیر طفلی بزم یاریده شاباش ویرم
ایستیوب یاریم بیله مندن خداحافظ آنا
وار یادوندا هر گیجه همدم اولاردیم من سنه
نقل ایدردون اوندا سن بعضی حکایتلر منه
زینبی آگاه قیلام قصه پیراهنه
ایسترم بیر کهنه پیراهن خداحافظ آنا
سن منیله عهد و پیمان ایتموسن روز ازل
گلمیشم دل وا پس اولما عهدیوه ایله عمل
کربلا صحراسینه سن روز عاشوراده گل
ایلینده عترتیم شیون خداحافظ آنا
کربلاده پیکریم باشسیز دوشنده مقتله
هم اوزون رنجه قدم قیل گل ، آتامدا دی گله
باشیمی خولی تنورینده تاپوب قانین سیله
جای راز دلدی اول مسکن خداحافظ آنا
سن آنا آگاهسن احکام دین و مذهبه
مکتبینده ویرموسن درس شهامت زینبه
وار منیله شرکتی واقف اولوب هر مطلبه
خاطرین قیل بو سوزه ایمن خداحافظ آنا
مقصدیم هر چند اول کعبه دور سعی و صفا
قسمت اولماز عید اضحی ده منه ذبح منا
شوقیله تشکیل ویرم بیر منای کربلا
فخر ایدم جدیم خلیله من خداحافظ آنا
کربلا آدی گلنده کربلا یاده گلور
اشک چشمیله دولور گوز جامی دل داده گلور
گوره سن (اشکی) او گونلر بیرده دنیایه گلور
قبر پاکینده ایداق شیون خداحافظ آنا
اشکی تبریزی
----------- متن اشعار اشکی تبریزی ---------
در احوالات حضرت ابوالفضل (ع)
بو کمال و معرفت اولموشدی عباسه سبب
شه حضورینده ایدردی چوخ مراعات ادب
سسلینده قارداشین بسکه ادبلیدی مدام
سیدی، مولا، خطاب ایلردی مانند غلام
مدت عمرینده بیر دفعه او پور بوتراب
فاطمه اوغلی حسینه، ایلیوب قارداش خطاب
او همان ساعتدی ال تاپدی اونا اهل جفا
سسلدی آتدان دوشن حالتده ادرکنی اخا
یا اخا، گوزدن عذاره توکدی قانیاش، سسلدی
عرض ایدوم نه علته بو دفعه قارداش سسلدی
گر چه بیر نوعی یازوب بو یرده هر صاحب قلم
شوشتری مرحوم، اوز راءیین بیله ایلر رقم
پرده و حایل گوزوندن گوئیا اولدی کنار
حضرت زهرانی بو حالیله گوردی آشکار
دولدوربدور اشکیله اوز دیده خونبارینی
سسلنور ایوای اوغول عباس، آچوب قولارینی
شوقیدن بسکه فرحلندی او پور مرتضا
بو دلیله گوردی چون سسلور اونی خیرالنساء
گل اوغول گل سینمه، قویموسان منت منه
اولموسان قربان حسینه، فاطمه قربان سنه
صدر زین اوستن یخیلدی چون علمدار حسین
خم اولوب قدی پوزولدی پرگار حسین...
آقای حاج مجید بدایعی (اشکی)
----------- متن اشعار اشکی تبریزی ---------
زبانحال حضرت امام حسین (ع) به
حضرت زینب (س) در
شهادت حضرت علی (ع)
باجی چوخ آغلاما بو غمده زینب
سنین گلمزیوزون عالمده زینب
ایدوب رحلت آتام شاه ولایت
اولوب عالم بوگون غرق مصیبت
سنی قان آغلادورگرچه بو محنت
باجی چوخ آغلاما بو غمده زینب
سنین وارباشوین بیحد بلاسی
دایان صبر ایله ای غم آشناسی
حسینین وارقاباقدا کربلاسی
باجی چوخ آغلاما بو غمده زینب
نوایه گلمه ای زهرا نشانی
داخی سالما خیاله مرتضانی
اوجاتما گوگلره آه و فغانی
باجی چوخ آغلاما بو غمده زینب
اگرچه رکن دینه صدمه یتدی
آتام ترک ایلیوب دنیانی گیتدی
سنی بو غم غریق محنت ایتدی
باجی چوخ آغلاما بو غمده زینب
ایدنده ناله سن ای دخت زهرا
حسینیندن اولورسلب توانا
بلا دشتینده چوخ آغلارسان اما
باجی چوخ آغلاما بو غمده زینب
هله باشیندا بیحد محنتین وار
دیارکربلاده قوم کفار
او گون آغلا منی قانه بویالار
باجی چوخ آغلاما بو غمده زینب
منیم جسمیم باتارظلمیله قانه
سالارشمرین جفاسی اود جهانه
سنه دشمن وورار چوخ تازیانه
باجی چوخ آغلاما بو غمده زینب
جفاسی دشمنین یتمزتمامه
سویالارجسمیمی قورمازلا جامه
گیدرسن شمریله قول باغلی شامه
باجی چوخ آغلاما بو غمده زینب
ثنا قیل (اشکیا) یتدون ثوابه
توسل ایلدون سن بو ترابه
توجه قیلدی شه یازدونکتابه
باجی چوخ آغلاما بو غمده زینب
اشکی تبریزی
منبع کانال گنجینه گذشتگان
نظرات (۰)
هیچ نظری هنوز ثبت نشده است