متن نوحه ترکی فقیر خویی - مجید قلعه بیگی
مجموعه اشعار آیینی و مذهبی مجید قلعه بیگی (فقیر خویی) در مدح و رثای اهلبیت علیهم السلام ، متن نوحه ترکی از فقیر خویی
----
در احوالات امام حسین (علیه السلام)
تاحسین دوشوب ذوالجناحیدن
ناامید اولوب مرکب آغلادی
معجرین آچوب فرشه فاطمه
باشینه ویروب زینب آغلادی
تکلیوب چوخور یرده شامیان
بی کمک امامی نَدن ویرور
صف چکوب هامی وحشی کوفیان
بیر گلن ویرور بیر گئدن ویرور
کیم ویرور گیدیر آخرِ صفه
نوبتی چاتوب تازه دن ویرور
گاه بیر نفس تازه ایلیوری
گه گیدیر گینه حال عادیدن
گه دئیور ابوالفضل هایانداسان
دم آلور اسَن وقته بادیدن
راوی نقل ائدیر گوردوم حضرتین
صاف یری وجودینده قالمادی
بولمورم او بیرحم عربلرین
پس نَدن دیلی راضی اولمادی
اول چوخور مکاندا گلن گئدن
ویردی بی کمک شاهی دویمادی
بعضیسی گورور قورتاروب حسین
جسمینه گینه داش آتوردولار
بعضی تازه نعل آتلارا سالوب
سینه سینده هی آت چاپوردولار
قوی اوزوم دئیوم نیزه داریدن
عفو ائله منی یابن فاطمه
بیر اشاره چوخ آچمورام سوزی
یوخدی طاقتی اهل محْرمه
نیزه نی ویروب گیچدی قلبینه
چکدی قان سَپوپ عرش اعظمه
لخته لخته قان سوزدی نیزه دن
سیندی زینبون خم اولان بِئلی
تلّیده ویروب لطمه صورته
سسلدی یتیر داده یاعلی
بو مخمسیلن تمام ائدوم
شیعه نین بو نسگیل، آغیر داغین
بیر اشاره ده ساربانیدن
پوزدی باد غم گورنجه باغین
چوخ تلاش ائدوب چیخمادی اوزوک
خشمگین اولوب کسدی بارماغین
صف ب صف گلوب قدسیان یره
وای حسین دئیوب سینه داغلادی
جبرییل او دو نوحه باشلادی
قورخورام یازام اللّه آغلادی
بسدور ای قلم جان فاطمه
وئر بو نوحه یه بوردا خاتمه سن
حیا ائله ساخلا ال دایان
زخمدار اولور قلب فاطمه
گورمیسن «فقیر» آغلوری قلم
دفتر آغلوری بیله ماتمه
آچما هر سوزی آلدی اهل دل
قصه ی غم قتلگاهیدن
یاز شجاعتین یاز شهامتین
آل صله اوزون پادشاهیدن
مرحوم فقیر خویی
----------- متن اشعار فقیر خویی ---------
احوالات وداع حضرت علی اکبر (ع)
با حذف دو چهار مصرع
زلفون آتدا علی طلعتِ زیبا گورونور
دشتِ ایمنده منه نورِ تجلّا گورونور
زلفون آت یانه علی ، تا گوره بو فرقهء کور
یازیلوب مصحفِ رویونده نجه آیهء نور
درک ایده بو یوزی هم چشمِ مَلک ، دیدهء حور
بسکه بو وجهِ خدا ، مظهرُ الاَسما گورونور
ای شجاعتده علی ، حُسنده هم پیغمبر
خَلقا" و خُلقا" و منطقده رسوله مظهر
سورهء اِقتَرَبَ السّاعة و انشَقّ قمر
کاکلون عارضون اوستونده هویدا گورونور
رنگِ مویوندی اوغول شمسِ ضحی' ، لیلِ دجا
اوخونور جبههء پاکینده فَتَدَلّا و دَنا
قابِ قوسِین ، قاشوندور ، یازیلیب اَو اَدنا
کاکلون هر تِلی بیر لیلةُ الاَسرا گورونور...
نازل ایلوبدی خدا جدّون ایچون کافیله ها
مقصد ، کرب و بلا ، واقعهء عاشورا
زکریّادن عبارتدی بو شاهِ شهدا
طشتِ زر ایچره باشی حضرتِ یحیا گورونور
حرم آهوسینه بو قوم وورار سلسله قید
اهلِ کوفه اوخویوب آیهء لا تَقتِلو صید
حرمتِ ماهِ محرّم گوتوروب آلِ عُبِید
خصمِ قرآندی بولار ، دشمنِ طاها گورونور
کربلانون زکریّاسینه یحیاسن علی
نینوا مریمی لیلایه مسیحاسن علی
سورهء کوثر و الفَجرده معناسن علی
اصغرون شأنینه اَلمَهد صَبیّا گورونور
هر محرّمده ایدر بزمِ عزا چیده (فقیر)
قیدِ غملرده گرفتار ، بلا دیده (فقیر)
قویما اولسون سن اوغول حشریده رنجیده (فقیر)
گلشنِ ماتمه بیر بلبلِ شیدا گورونور.
فقیر خوئی
منبع مجموعه کانالهای مدح و مرثیه
----------- متن اشعار فقیر خویی ---------
اتمام حجت حضرت امام حسین (علیه السلام)
به لشگر کوفه
کوفیان فرزند زهرا شرکه خدمت ائیلمز
آل سفیانه حسین واللاهی بیعت ائیلمز
من حسینم، زادهٔ شیر ولایت حیدرم
قهرمان بی بدیل عرصه گاه محشرم
آسمانِ بی ستونه من ستونم،لنگرم
مرتضی اوغلی جگرخوار اوغلونا رهبر دئمز
اللری گئتسه بلکدن،ظلمه بیعت ائیلمز
کوفیان کوه صلابت سنبل غیرت منم
هستهٔ ایجاد هستی،زینت خلقت منم
کان غیرت بحر عزّت سرور جنت منم
ایلسم آنی اشاره،من بإذن کردگار
ایلیر گویدن ملکلر،لشگریزی تار و مار
قورخودورسوز سیز کیمی اؤلمَقدن،ای قوم دنی
بسلیوب مرد شجاعت فاتح خیبر منی
قویمارام چاتسون مرامه تا وارام من دشمنی
وئرمیشم اسلامه خاطر اکبریمله قاسمی
سرو قامت باصلابت،قهرمان عباسمی
گلموشم کرببلایه من شهادت عشقینه
جان وئرم دریاده لب تشنه،ولایت عشقینه
کوفه و شامی گزه قیزلار،اسارت عشقینه
چون گرک بو چولده قانیمله آلام من دستماز
سجده گاهیمدن آخا قانیم ائدم راز و نیاز
سیز منی یاخشی تانورسیز میوهٔ پیغمبرم
من حسینم گوهر ناب بتول اطهرم
شیریزدان اوغلویام من نور عین حیدرم
گلموشم دالدان کسه،شمر ستمگر باشیمی
وئرمیشم دینه فدا،عباس تک قارداشیمی
ایستسم بیر لمحه ده بو دشتی القان ایلرم
بو آخان نهر فراتی،قانه الوان ایلرم
کوفه نی تپراقیلن بیر آنی یکسان ایلرم
قطعه قطعه دوغرانام وئرمم یزیده فرصتی
منبرِ پیغمبره لم ویرسین او بی غیرتی
ای قلم یاد ایله آخرده نچه بیر شاعری
«صافی»و«صحاف»و«ذهنی» «یحیوی» و «صابری»
«انور» و«هندیّ»و«ذهنی زاده» «عاصی» «ناصری»
افتخار شاعران مرحوم «سعدی زمان»
«منزوی» مرحوم «حقیر» و نچه یوزلر شاعران
غم گینه طغیان ایدیر روح و وجودینده «فقیر»
چیرپونور سینه نده قلبین کاه مثلینده اسیر
سوزلرین پروانه تک،شمعین کنارینده گزیر
بسدور ال ساخلا،بو دفترده کفایت ایلمز
آل سفیانه حسین واللاهی بیعت ایلمز
فقیر خویی
----------- متن اشعار فقیر خویی ---------
زبانحال حضرت زینب (سلام الله)
در مجلس یزید ملعون
لحظه ای که رسم اولوبدی عالم امکان عشق
زینب والا مقامه لطف ائدوب سبحان عشق
صبر ایوب و صفای احمد و علم علی
جمع ایدوب بیر یرده بو محبوبیه سلطان عشق
فارغ التحصیل عشق مصطفادور بو خانم
نور عین فاطمه چون مرتضادور بو خانم
زیب هستی،افتخار انبیادور بو خانم
هر جهتدن بیر شریک اولدی حسینه یار عشق
هر مصیبتده دوام ائتدی غمه غمخوار عشق
کربلا هر نوعیله تاپدی خلاصه فیسله
ظاهراً قورتولدی اما دوشدی زینب مشکله
بیرسوری اطفال سرگردان،خانم سر قافله
نه حسین وار نه ابولفضل، تکدی میداندار عشق
دیلده یا باب الحوائج باشلانوب ایثار عشق
وارد اولدی شامیده تالار دخت مرتضی
نظمیلن دورون آلوبدی دختران باوفا
گوردی بو حالی ظنین اولدی یزید بیحیا
کیمدی بو عورت دیدی بیله وقاریلن گلوب
بو مگر شهزاده دی چوخ افتخاریلن گلوب
سویلوبلر دختر شیر خدا زینبدی بو
وارث خون حسین و اولیا زینبدی بو
قهرمان نامدار کربلا زینبدی بو
کربلادن شامه یا باب الحوائج سسلیوب
مکتب زهراده،زهرای سه ساله بسلیوب
سیندی ناکس دل آچوب گفتارینه بهتانیله
باشلادی بی دین سوزون اوّلده بو عنوانیله
من امیرالمومنینم مدرک شایانیله
عادل و عاقلدی الله کیملری خار ایلسین
کیمسنی لایق امیر و کیمسنی زار ایلسین
ائتمه دی بیعت منه سالدی بلایه باشینی
هم اوزی اؤلدی هم اؤلدوردی نچه قارداشینی
گورنجه راضی اولوب قیزلار توکه گوز یاشینی
اللی یدّی سینیده میل خلافت ایلدی
هم سنه هم قیزلارا واللاه خیانت ایلدی
زینبه گلدی گران عوعو کلب اموی
دوردی بیردن ایاقا حامی خون علوی
دیدی لال اول،سسیوی کس، اوزوی بیلمه قوی
شرفی هر کسین اولسا سنه بیعت ایلمز
آل طاها بالاسی سیزدن حمایت ایلمز
دور ایاقه دِنن حضاره،سنین کیمدی آتان؟
هامی یاخشی تانیری هرزه دی بدکاره آنان
تانمورسان تانی،من زینبم ای فتنه سالان
هنده نین اوغلی،آتام شیرخدا حیدردی
منیم استادم آنام فاطمه ی اطهردی
زینبم فخر نسا فاطمه دن صود اَمنم
اوز ایونده سنی آواره و رسوا ائدنم
من علینون قیزیام،بت شکنم شیرزنم
گلمیشم شامیده پرونده وی افشا ائلیم
طلقازاده گرک من سنی رسوا ائلیم
تانمورسان تانی من فاتح خیبر قیزیام
شیرزن شیر خدانون او دلاور قیزیام
ذوالفقاره یتورن نطقی برابر قیزیام
چون علینون قانی تزریقدی قانیمده منیم
ذوالفقارین کسَری واردی بیانیمده منیم
یاحسین سن بول اول زینب سنی چوخ ایسته ردی
منِ بی لایقین اشعارینه امضا ویراسان
سن « فقیرا» شهی وئر حضرت زهرایه قسم
قبرین اوّل گجه سینده منه حامی دوراسان
مجید قلعه بیگی (فقیر)
----------- متن اشعار فقیر خویی ---------
حضرت امام زمان (عج)
اذن وئرسن سوگیلی دلبر،غلام اوللام سنه
تا ابد ای عشق پیغمبر غلام اوللام سنه
اول سر زولفون کیمی حالیم پریشاندور منیم
آغلاماقدان قان اولور گوزلر،غلام اوللام سنه
بولمورم اول حلقهٔ زلف سیاهونده نه وار
آولموشام آوارهٔ چوللر، غلام اوللام سنه
گل منی یاندیرما هجران آتشینده رحم ائله
بیر نظر اییله گُل حیدر، غلام اوللام سنه
کیم سنه یوسف دئسه حقّونده انصاف ائتمیوب
یوسف کنعان اوزی سویلر غلام اوللام سنه
یوسفه بیر عمر یعقوب آغلادی یابن الحسن
آغلوری شیعه سنه یکسر، غلام اوللام سنه
چوخ دولاندوم عالمی سنن وفالی گورمه دیم
آنداولا زهرایه تامحشر، غلام اوللام سنه
بیرباخیش باخسان گوز آلتی ای عزیز فاطمه
گور منه اول بیر باخیش نیلر؟ غلام اوللام سنه
لبده کی خالین هارا، اول کعبه نین داشی هارا
حاجیم دگسه اورا لبلر، غلام اوللام سنه
اولماسا لائق «فقیر» اؤپسون لب شاهنشهی
جایِ پایی آرزو ایلر غلام اوللام سنه
فقیرخویی
----------- متن اشعار فقیر خویی ---------
مجلس یزید
تک یگانه گهر گنج حیا زینبدی
ایکی دنیا شرف آلعبا زینبدی
خلقتی عالمه نعمت، سبب زینت عرش
همچو صدیقهٔ محبوب خدا، زینبدی
دست پروردهٔ سلطان عرب، شاه جهان
دختر بت شکنِ شاه ولا زینبدی
تربیت یافتهٔ مکتب زهرای بتول
مونس و کفوّ علی، خیرنسا زینبدی
یارادوب پنج تنین عشقینه دنیانی ودود
لنگر پنج تن آل عبا زینبدی
عاقبت اؤپدی شجاعت الینی، گلدی دیله
دیدی که شیرزن کرب وبلا زینبدی
حلمده فاطمه دی لهجه و منطقده علی
ناجی خون حسین و شهدا زینبدی
غیرتی همچو علمدار وفادار حسین
مونس و پشت و پناه اُسرا زینبدی
تانوموردی او زنازاده علینون قیزینی
دیدیلر خادمه لر، امّ بلا زینبدی
تا ایشتدی علوی گوهرِ مه پاره سینی
باشلادی زینب غمپروره دل یاره سینی
ایسته دی جمعیده زهرا قیزنی خوار ائله سین
او سینان قلبی دوباره بئله آزار ائله سین
خلقه آندیرسین او ظالم حقِ مطلق بیزیدوخ
ظلمی که ائتدی حسینه گینه انکار ائله سین
صورا ئوز زینبه دوتدی او شرور اموی
طعنه لی سوزلرینی زینبه اظهار ائله سین
دیدی زینب سیزه گور نیله دی قارداشین حسین
مگر انصافیدی سیزلرله بو رفتار ائله سین
ئوزی اؤلدی بالالار اولدی کمندیمده اسیر
سلطنت آختاروب او سیزلری آزار ائله سین
دوزمه دی زخم زبانه گل گلزار، ولی
شیر تک قاخدی ایاقه ائیله بیل دوردی علی
باشلادی صحبته علّامهٔ فرخنده لقا
ائتدی اللهه ازل شکر وسپاس، حمد و ثنا
صورا ئوز دوتدی او فرزند جگرخواره طرف
دیدی لال اول سسیوی کَس، ثمر تخم زنا
کیم دئور زینب اولوب زادهٔ سفیانه اسیر
من اسیرم اول باشا کی اولونوب ذبح قفا
کیم دئور سلطنت آختاردی حسین بن علی
سه طلاقه ایلیوب دهری، آتام شیرخدا
آلوسان باشدان علینون قیزینین معجرینی
قالوری پرده دالینذا حرمین، پست و دغا
سیز اولارسیز کی دوتوبسوز هله لات و حُبلی
طلقازاده تانوللار سیزی یابن الطلقا
اولاسان لات و حبل شامیده هرلحظه یزید
منده بوردا دییللر تبر کرب و بلا
هرزمان بو سوزی انشاد ائله مطلبده «فقیر»
زینب اولماز طلقازاده یه هئچ حالدا اسیر
فقیر خویی
منبع مجموعه کانالهای مدح و مرثیه
----------- متن اشعار فقیر خویی ---------
شجاعت حضرت علی اکبر (علیه السلام)
لشگر گوروب حسینون طاهایه بنزر اوغلی
میدانه سالدی غوغا الله اکبر،، اوغلی
ترک ایلیوب خیامی یوز قویدی رزمگاهه
بیر لخظه ده یتیردی میدان قتلگاهه
وحشت سالوب حسینون شهزاده سی سپاهه
سسلوردی ای جماعت گور نیلر حیدر اوغلی
هر بیر قدم گلوردی، صفلر دالا قاچوردی
جانین قوتاردی هرکس بیر ذره یول آچوردی
فرماندهان اعدا رنگینده قان قاچوردی
زینب دئیوردی احسن، شیر دلاور اوغلی
هرکیم گلوردی جنگه شبه پیمبریلن
تا روبرو دوروردی ماه منوّریلن
گویا دوروب مقابل فتّاح خیبریلن
صفیّنی ایتدی احیا، فتاح خیبر اوغلی
سسلوردی اشقیالر فرزند حیدرم من
استاد رزمیم عباس هر درسین ازبرم من
شیرخدانین اوغلی شیر دلاورم من
میدانه سالدی وحشت شیر غضنفر اوغلی
سسلوردی ویرموشام من پیمانِ عشقه امضا
جان نقدی قویدوم ایتدم میدان عشقی احیا
بازارِ مصره سالدوم بو قیمتیله غوغا
اولدی فقط خریدار زهرای اطهر اوغلی
من گلموشم علینون احیا ائدم حُنینین
تک قویمارام بتولین بو چولده نور عینین
اؤپسون گرک عمرسعد ال ایاقین حسینین
یوخسا ائدر بو نهری قان شاه محشر اوغلی
قلب سپاه دشمن ایتدی شکستی احساس
ایش بیر یره دایاندی اوضاع اولوندی حسّاس
مخیمده عشق ائلوردی هر ضربه سینده عباس
سسلوردی احسن احسن شاه دلاور اوغلی
شاعر گرکدی ائتسون هر مطلبه اشاره
ائتسون سفر خیالی،، او قان دولان دیاره
بو شعریده« فقیرین »قلبی اولوندی یاره
بی شک ائدیردی یاری لیلانین اکبر اوغلی
فقیر خویی
منبع مجموعه کانالهای مدح و مرثیه
----------- متن اشعار فقیر خویی ---------
در ولادت حضرت امام سجّاد (علیه السّلام)
دلا میلاد فخرالساجدین است
سُروره شیعیان و مسلمین است
ملائک نغمه خوان در عرش اعظم
ز این مولود بی همتای دین است
شرف را آبرو،نورُُ علیٰ نور
که اسمش وردِ ذکر عارفین، است
به عینه دیده او کرب و بلا را
ز این سو نام پاکش دلنشین است
غلوّی نی،بگو محکم «فقیـرا»
غلام درگهش روح الامین است
که سجاد مفخر ایرانیان است
بنازم مادرش بانویِ دین است
در عاشورا میان قتل و غارت
شعاری داشته الحق دلنشین است
چنین گفت ای گروه پَست و ارذل
حسین بن علی شاهِ برین است
بمیرم گر ز تَب،تنها بگویم
«فقط حیدر امیرالمومنین است»
مجید قلعه بیگی (فقیر خویی)
----------- متن اشعار فقیر خویی ---------
وداع حضرت امام حسین (علیه السلام)
با جد بزرگوارش در خروج از مدینه
یثربی ترک ایلیوب ختم رسالت گیدیرم
الوداع ای گل گلزار نبوت گیدیرم
بابا تقدیر قضا ائتدی منی خانه به دوش
کوفیان ایلدیلر شهرینه دعوت گئدیرم
بابا بو شهریده قالسام دوشجک دین خطره
مصلحت بیله دی عازم اولورام بو سفره
آلموشام هر جهتیندن بو مسافی نظره
یغموشام عترت طاهانی پریشان گئدیرم
بابا آلامه رضایم اولا هجران، گئدیرم
بابا ترک ائلمقه یوخدی علاقم وطنی
منی واردار ایلیوب گئتمه قه اشرار دنی
دینی بازیچه ائدوب شامیده ملعون علنی
ائتمَرم زادهٔ سفیانیله بیعت، گئدیرم
کوفیان وئروب قول حمایت گئدیرم
بولورم نامه یازانلار منه خائندی بابا
قتلگه اولدی آتام حیدره او شهر دغا
بولورم اوردا حسینون اولاجاخ ذبح قفا
ویراجاخلار سن اؤپن حنجره نی نیزه لره
اوت ویروب غارت ایللّر علوی خیمه لره
باباجان گلدوم آلام رخصت، حسین گئتمه لیدی
یوخ قِیتماخ بو سفردن، که نوه ن اؤلمه لیدی
آلتی قارداش ایکی اوغلون داغینی گورمه لیدی
فاطمه اوغلی باشین ظالمه اگمَز بولوسن
الی گئتسه الینی ظالمه وئرمز بولوسن
گئدیرم ریشه ی اسلامی ائدم مستحکم
ایلیوم ظلم و فسادی یر اوزونن برهم
دین و قرآن قالا پاینده، اؤله نامحرم
بو سفر امر خدادی منه لازمدی بابا
بیر زنازاده علی مُلکینه حاکمدی بابا
ترک ائدوب قبر رسولی او سخا دریاسی
بولدی الساعه یولون گوزلور اونون زهراسی
چاغیروب گلدی کنارینده دوروب عباسی
دیدی قارداش گئدیرم بیر گورم فاطمه نی
گله جک خولی ایوینده گوره کول اوسته منی
گیدیرم من ولی سن کرببلایه گلسن
اؤلدورنده بالامی دشمن، هرایه گلسن
نینواده آناجان سنده نوایه گلسن
یری وادور گلسن اصغره لای لای دییه سن
باش آچوب مویه کنان ایوای اوغول وای دییه سن
بو جهان فانیدی بِل باغلاما دنیایه «فقیر»
هانی «سعدی زمان» «ذهنی» هانی هاردا «حقیر»
گوهر آل عبانی بو جهان ایتدی اسیر
یدّی قارداش داغی گوردی او گل باغ فدک
خنجر شمر الین کسدی، بِلین بوکدی فلک
مجید قلعه بیگی (فقیر خویی)
----------- متن اشعار فقیر خویی ---------
حضرت زینب کبری (سلام الله)
گل اجل سالوب بو یالقیز،زینبی کمنده قارداش
شامه گل بلا چولوندن،منده جان وئرنده قارداش
خاطرینده وار حسینیم،قتلگهده جان وئرنده
قانلی مقتله یتیردیم،باشیوی عدو کسنده
خنجرون نه نوعی دوتدوم،باشون اوسته اندیرنده
منده اؤلدوم او مکاندا،سن حسین اؤلنده قارداش
قالموشام غریب و بی کس دوشموشم عجب فشاره
باخ بو چرخ کجمداره،باخ ایشه بو روزگاره
وار کیمیم منیم اؤلنده،جسمیمی قویا مزاره
آختارار باجی مسلّم قارداشی اؤلنده قارداش
زینبون اؤلونجه وئردی قانلی نهضته ادامه
کوفه دن گلوب نه نوعی،عترتون دیار شامه
گوندوزی گوزومده قارداش،شامی دوندروبدی شامه
آنداولا کسوک بوغازه،یوخ رمق بدنده قارداش
زینبون اؤلوبدی چوخدان،روحی یوخ قالوبدی جانی
گوردی نیمه شب او چولده ماجرای سایبانی
بوسه گاه مصطفاده،لبلرونده خیزرانی
یا باشین جدا باشیندا کو به کو گزنده قارداش
چوخ تکم بو چولده قارداش،یوخدی بیر نفر پناهیم
نه آتام آنام قالوبدی،نه قالوبدی تکیه گاهیم
کیم قویار بو جسمی قبره،یوللارا قالوب نگاهیم
یاحسین اولاردی ذکریم،قمچیلر دگنده قارداش
مجید قلعه بیگی (فقیر خویی)
----------- متن اشعار فقیر خویی ---------
حضرت علی ابن ابیطالب (علیه السلام)
حجت سبحان ولیّ کردگار
نائب بر حقّ و تام الاختیار
جانشین احمد صاحب وقار
کیست جز حیدرِ دُلدُل سوار
او وصیّ و جانشین خاتم است
او امیرالمؤمنین عالم است
او علی است از اعلیٰ بالاتر است
او ولیّ است از ولا والاتر است
عاشق است و اینچنین تنهاتر است
از همه زهراییان زهراتر است
دائماً این ذکر بودش زمزمه
هر زمان در هر مکان یافاطمه
کعبه شد حج از ولادتگاه او
بهترین جا شد شهادتگاه او
قلب شیعه گشته دانشگاه او
ما چه گوییم از فر و از جاه او
از همه وصف و مدیحه برتر است
بهترین وصفش همین بس،حیــدر است
لنگر فُلک امامت باشد او
رهبر مُلک عدالت باشد او
امپراطور قیامت باشد او
اسوه ی صبر و شجاعت باشد او
زین سبب عالم شده مست علی
ناز شست پینه ی دست علی
بی غلو سلطان برحق مرتضاست
ناطق و قرآن مطلق مرتضاست
علم و ایمان را محقق مرتضاست
ماهیان هم گفته اند،حق مرتضاست
حال ای وهابیان بیشرف
لنگر دین کیست،جز شاه نجف
ما کجا،کی گفته ایم حیدر خداست؟
این اراجیف شما کلاً فناست
رهبر ما برتر از فکر شماست
او ولیّ الله اعظم مرتضاست
بی ولایش هر که هستی میکند
فاش گویم بت پرستی میکند
مجید قلعه بیگی (فقیر خویی)
----------- متن اشعار فقیر خویی ---------
درد دل با حضرت بقیة الله امام زمان (عج)
ظلم عرشه دایانوب داده یتیر یامهدی
ذوالفقار الده گل امداده یتیر یامهدی
آغا گل گور نجه بیر عده نی طغیان ایلوری
بو قَدَر ظلمی نه نصرانی مسلمان ایلوری
آغا گل کشور اسلامیده انسانلارا باخ
سنی زهرا بو ایکی اوزلی مسلمانلارا باخ
ایاق آلتوندا قالان شیعه ده وجدانلارا باخ
چوخ سوزوم وار اوتانیر خامه الیمده آلیشیر
بیزی ارشاد ایلینلرده یالاننان دانیشیر
گجه هیئتده اولور اشکی اوزوندن جاری
یاحسین سسلوری اما،اؤزون آل گفتاری
گینه رایجدی گونوز،رشوه ربا بازاری
نیه عجّل فرجه فکری پراکنده ائدَخ
چاغوراخ صاحب عصری اونی شرمنده ائدَخ
شیعه ی حیدر کرّار ریاست بولمز
تابع خط ولایت که خیانت بولمز
شهدا قانینه ارزش اولا غارت بولمز
بیز منافقلره اؤلسقده مسلمان دئمَروخ
اوللار دهریده علّامه ده انسان دئمروخ
آغا بیر عدّه گینه دعوی قدرت ایلوری
آدینی شیعه قویوب خلقه خیانت ایلوری
بیزه هر نیلوری او میز ریاست ایلوری
شمری قاتل ایلدی بیر گجه ده، ری هوسی
هله ده دهریده چوخ چوخدی او شخصین نوه سی
همان انسان تانوری یاخشی اوز همسایه سینی
قاپوسین بیر گجه دوگمور،ایشیدیر وای سسینی
چون حرامیله اکوبدور ایوینون پایه سینی
او حرامیله دولان ثروتی طغیان ایلوری
گوروسن ایلده نچه دفعه ده احسان ایلوری
هله وار تا نقدر دهریده تبعیض و ریا
دولانیم باشیوه عف ائیله بیزی،گلمه آغا
بوریوب دهری تملّق نه نیایش نه دعا
بیری بیر آیدا گوروسن نچه میلیون آلوری
بیرده گونده خجالت،باش اشاقه سالوری
سیندیرا بولمه دی اسلام بئلین قوم یهود
چپ باخانماز حرمه داعشیله آل سعود
بیز علی شیعه سیوخ،فاطمیوخ عبد ودود
دلده یا فاطمه دور حرمینی گزروخ
حرمه چپ باخانون بوینونی والله اَزروخ
سن دعا ائیله بیزه،باهم اولوب ال بیر اولاخ
داعئشین صفحهٔ تاریخیدن آدینده پوزاخ
مفتیِ پَست سعوده علوی سیلی ویراخ
بیراولاخ آل سعودین آغا قبرین قازاروخ
حجرالاسوده یا حضرت زهرا یازاروخ
آغاجان آنلامادیم عرض ایلدیم گلمه آغا
فرقتین شیعه نی دیلدن سالوب ای باب رجا
ذوالفقار الده اوزون گل،قوتولا ظلم و جفا
درد دیلدی،آغا ظاهرده «فقیرین» سوزودی
شیعهٔ آل علی عالمِ هستی گوزودی
مجید قلعه بیگی (فقیر خویی)
نظرات (۰)
هیچ نظری هنوز ثبت نشده است