متن نوحه ترکی مرحوم بهار تبریزی
مجموعه اشعار آیینی و مذهبی مرحوم بهار تبریزی در مدح و رثای اهلبیت علیهم السلام ، متن نوحه ترکی از مرحوم بهار تبریزی
------
زبانحال حضرت سکینه (سلام الله) به حضرت رقیه (سلام الله)
گل باجی رقیه منیله شیونه یاندیم
باخ بیر یارالی عمه مه ایوای منه یاندیم
مد نظرینده باجی قیل عمه می منظور
نه حاله دوشوب باشی قالوب گورنجه بیرعور
بیرجامه گتور باجی ایدیم عمه می مستور
محتاجیدی بیر معجرو پیراهنه یاندیم
ایوای منه وای عمه مه یوخ دردینه همدم
بس کیم سالاجاق سوزجراحاتینه مرهم
باجی او قدرقمچی ووروبلار الورعمم
باشدان ایاقا جسمی دونوب سوسنه یاندیم
آغلا دیمورم آغلاما آغلا سینه داغلا
خون جگرین صفحه رخساریوه باغلا
بوشلا بابامین نعشینی گل عمه مه آغلا
مقهوریدی عمم ستم دشمنه یاندیم
ظلم آتشی بام فلک آتشه چیخدی
غم منجنیقی ال خلیلی ایله سیخدی
ضرب لگد شمر باجی عمه می یخدی
باخ بیر ستم زاده ذیالجوشنه یاندیم
دوشدی یناراودایچره بو ذریه زهرا
نه اولی نه اخری واردورباجی گویا
باخ گور نه ستمله دوگوری عمه می اعدا
ظلم اتشینی وورموش عدو دامنه یاندیم
دقتله باجی عمه مه بیر ایله نظاره
بسکه دویولوب جسمی اولوب یکسره یاره
گلمز بدنینده یارا بلمره شماره
یانام باخارام عمه مه ایوای منه یاندیم
باشه یتوشوب عمر مه و سال دولاندی
نیک و بد ایام گیچوب باشه دایاندی
ایام غمیله هره بیر نوعیله یاندی
اگهسن اوزون منده (بهارم) سنه یاندیم
مرحوم بهار تبریزی
منبع کانال گنجینه گذشتگان
----------- متن اشعار بهار تبریزی ---------
زبانحال حضرت فاطمه صغرا (سلام الله)
سالدی علی هجرانون درددله صغرانی
گیتدون سن اوزون قویدون یالقوزبیله صغرانی
بوبسترمحنتده بو زاری سالوب گیتدون
تاب دلیمی الدن قارداش سن آلوب گیتدون
فکرایلمدون صغرا آواره قالوب گیتدون
بلمم نه اولوب قارداش آتدون بیله صغرانی
غمخواره باجون رنگ محنتله بویاندوردون
قارداش اوزیوی چکدون آخریانایان دوردون
سالدون غم عشقونده ایلدن ایله صغرانی
مدتدی گوگل ایستربیربزم وصال اولسون
دیداریویله رفع اندوه و ملال اولسون
باهم اوتوراق قارداش گفتاره مجال اولسون
سن دیدوره سن اوندا مین لفیله صغرانی
دام غم هجرینده آهو کیمی نخجیرم
بومحبس عشقینده وابسته زنجیرم
پابندسرزلف مشکین گره گیرم
لطفونله سرافراز ایت آزاد ایله صغرانی
بیرلحظه گوزل ادین دوشمزعلی علی بودلدن
مشق ایلمیشم ازبس عشقین آلی دل دلدن
ترک ایلمرم فکرین هجرین گیچه مین ایلده
بووصل خیالیله ایکاش اله صغرانی
نارشررعشقه صغرانی سپند ایتدون
زلف کجیوی آخربوینومدا کمند ایتدون
دل رشته سینی چکدون بیرتارینه بندایتدون
آسدون سرزلفونله تک بیر تله صغرانی
دوت دامن اکبردن (بهارا) نجات ایسته
اوزعمریوی صرف ایله بیرزنده حیات ایسته
بزم غم صغراده آغلا حسنات ایسته
حسرتده قویوب دوران مین دردیله صغرانی
مرحوم بهار تبریزی
منبع کانال گنجینه گذشتگان
----------- متن اشعار بهار تبریزی ---------
زبانحال حضرت زینب کبری (سلام الله)
در شهر کوفه به سر برادر
ای جمال الهه مظهر کیم یوزون مستور ایدوب
دوتقون آی تک نیزه داری نیزه نی مشهور ایدوب
گورسنور مرات رویونده حسین اوصاف حق
دمبدم ایلر تجلی لمعه رب الفلق
گورسه موسی نور وجه الله سالوب بیله شفق
درک ایدر اوندا که سینانی بو نورون طور ایدوب
وادی حیرتده من زینب آدینلی بیر تکم
غم بساطین سیرین ایتماقلقدا زهرا مسلکم
بو بیانه شاهدیم بیر سن اوزون وارسان حکم
گوندوزی غم گوزلریمده لیله دیجور ایدوب
دولدوروبدور سینمی درد و مصیبت مایه سی
نقد جان تحلیل ایدر بو غملرین یوخ پایه سی
منشی کلک قضا زینب ادین غم دایه سی
صفحه اولده گویا دفتره مسطور ایدوب
کلمه انی انا الحق نیزه ده ایتموش ظهور
کوکب در کمالین ایلیوب ظلماتی نور
ای کلام الله ناطق سنده بو آیات نور
حیطه ناسوتی بیر مشکات تک پر نور ایدوب
یوخ بصیرت اهلی بو عشقه یتورسون معرفت
صادقانه عشقیده تاپسون سنون تک عافیت
بلمورم الا اوزوم آردینجا بیر ثکلا صفت
آغلارام یانام دولانام هر قدر میسور ایدوب
دوشموشم غم ششدرینده بیر بلالی محنته
دوره می دوتموش مصیبت فوجی سالموش حیرته
والهم قارداش داخی صبریم گیدوبدور غارته
غم حصارینده خیالاتیم منی محصور ایدوب
باغلانان زنجیریله مجنون نما لیلا منیم
خوشدلم اهل حرمده هر نه وار ثکلا منیم
اکبر و قاسم سنون بو ناله علیا منیم
قوی دیسونله باجی قارداش هم نشینین جور ایدوب
بیدق مهر و وفانی ایتموشم بیله فراز
دولدوروب دشت عراقی شوریله لحن حجاز
غم قطارین ای همایون فر ایدوبسن پیشواز
آفتابی طالعیم اوجی منی منصور ایدوب
کوفه شهرینده حسین بو کشمکش بو هایهو
بیر نفر یوخدور پناهیم دوره می دوتموش عدو
شمر دون هر ناقیه بیر ساربان کینه جو
دختران مه جمالین وورماقا مامور ایدوب
هب بلایه صابرم مشکل اولام کم حوصله
لیک وار بیر خواهشیم سندن قبول ایت لطف ایله
بیر دانشدور بو قیزی تا خاطری گلسون اله
خاطر رنجورینی درد و غمین ناسور ایدوب
گلشنیم سولدی داخی بلمم چمنده کل ندور
ناله اطفالیله من دلخو شام بلبل ندور
بو گیجه مهمانیدون کول باشیمه بو کول ندور
بیمروت میزبانینگل یوزون مستور ایدوب
باشه ویردون غفلتیله عمرون عالمده (بهار)
معصیتده غرقسن باشیندا بلمورسن نه وار
نا امید اولما حسینه اول گلن خدمت گذار
حشریده زهرا گوررسن خدمتین منظور ایدوب
مرحوم بهار تبریزی
منبع کانال گنجینه گذشتگان
----------- متن اشعار بهار تبریزی ---------
زبانحال حضرت رقیه (سلام الله)
به حضرت اباعبدالله الحسین (علیه السلام)
بابا باشین دالنجا شامه تک من بینوا گلدیم
نه ظلم ایتدی منه الله بلور بو اشقیا گلدیم
اوزون آگاهیدون هر حالیده بو شرح حالیمدن
یتوشدوق کوفیه اول امان کوفه ملالیمدن
نچه گون حبسیده قالدوق او یر چیخماز خیالیمدن
زیاد اوغلی نه ظلم ایتدی غرض اولدیم رها گلدیم
صغیره قیزعیالی بیر نفر دلخسته و رنجور
اوزاق یول چول دولی خار مغیلان راه و مقصد دور
منیم بو خط سیریمده بابا باشین اولوب منظور
اودور گه محمل استه گه پیاده شامه تا گلدیم
عزیزیدیم ایلیمده دائما عزت اوطاقینده
چمنده بلبل شیدا صفت گللر بوداقینده
همیشه ناز ایدردیم من عمو قارداش قوجاقینده
نجه گورعزتیم گیتدی بابا هاردان هارا گلدیم
مصیبت منجنیقی روحیمی دوتدی ایله سیخدی
اریتدی جسمیمی نالم سپهر اطلسه چیخدی
یورولموشدوم گیجیدی ساربان ووردی منی یخدی
چا قوردوم عمه گل اَلدیم دیدی قوخما بالا گلدیم
بیله بیر مهربان عمه گورونموب سطح عالمده
شریک درد اولا غمخوار اولا هر دمده هر غمده
سنه من آغلیاندا سس چکوب آغلاردی عممده
منه دمساز اولوب نالمده هر صبح و مسا گلدیم
خرابه گو شه سی غملر مکانی بیر بلا داری
قوری یر فرشی یوخ بیر شمع یوخ هر حیثیدن عاری
بیله محبس سرا اولماز نه وار سقفی نه دیواری
منی چکدی گتوردی بو یره امر قضا گلدیم
غمیم بیردی دیم یوزدی سانام و الله سانا گلمز
اوزوم بلم اوزوم یانام بیانین اوزگه لر بلمز
منیم سندن صورا آفاقیده هرگز یوزوم گلمز
اودور اولدی منه آخر مکان ویرانسرا گلدیم
دیمه بو مدتی یاددان چیخاتدیم من سنی بیر آن
همیشه عکسیوی مرآت دیلده ایلدیم تابان
باشین آردینجا چوللرده یارالی باشیوه قربان
قولی باغلی اورک داغلی اوزوم ناله سرا گلدیم
دوتار ویرانه نی گوزدن آخان بو اشکیمون سیلی
یوزیمده ایمدیده قویموش اثر دشمن ووران سیلی
نجه گور صورتیم اولموش گل سوسن کیمی نیلی
الیم یوزده غمیم دلده گوزی یاشلی بابا گلدیم
نولورحالیم مصیبتدن یانام بو رنج غربتدن
قالام آج دینمیم یا ایتمیم اظهارعفتدن
اَلوم خوشدور بو قالماقدان بو غربتدن بو نقمتدن
توکندی طاقت و صبریم داخی والله جانا گلدیم
صد حیف بو عمریمی غفلتله صرف ایتدیم یولی آزدیم
بو گوندن قلبیدن اما معاصی ریشه سین قازدیم
بلوب باب الحوائج بو قیزی بو نوحه نی یازدیم
(بهارم) من بو بابه ایتماقا درده دوا گلدیم
مرحوم بهار تبریزی
منبع کانال گنجینه گذشتگان
----------- متن اشعار بهار تبریزی ---------
وداع حضرت امام حسین (علیه السلام)
آنام اوغلی گیدورسن بیر دایان اهلحرم گلسون
وداع ایتسون سنی بو بانوان محترم گلسون
قدرعنای وصلتدن لباس وصلتی سویدون
یانوخلی قلبیله هجران ایوینده زینبی قویدون
عزیزه قزلارین قارداش چوخ ایستردون نه تیزدویدون
بلالی گونلریمده بس هرایه کیم دیم گلسون
دیمم هرگز گیدوب قارداششهادت فیضینه یتمه
بو باشسیز عترتین صحرای غمده بیله ترک ایتمه
جلالین هرجه پوزقوندورحسین میدانه تک گیتمه
اجازه ویر سنیله بیر قوای منتظم گلسون
گل اوزلی قزلارین صاقدا صولوندا عده ثکلا
دوشه آردینجا بیر یاندان اخا اوغلی الن لیلا
دالینجا دیده گریان صف چکه اطفال مه سیما
الوم میدانینه سنله هامی ثابت قدم گلسون
یگانه محرم اسرارحق ای کبریا موکب
شکسته قلبسن گویا یوخوندی صاحب منصب
غم ایتمه غم سپاهیندور امیر لشکرین زینب
باجیم کلثومیده ویرم رکابینده علم گلسون
دیمه عباس الوب ای لشکری مغلوب اولان سالطان
دوتان یوخدور رکابیندان قالوبسان واله و حیران
اوزوم اولام جلو دارین باجون زینب سنه قربان
دالینجا دیده گریان باغریقان بو قدی خم گلسون
سراسر خیملرده ناله و فریاد و شیوندور
قیامت عالمی وار گوءیا حشر معین دور
بیله که یالواروربو خردا قزلار دست بدامندور
دایان اولما رضا آردونجا جمله دیده نم گلسون
دوتوب دوروبرین ثکلادی خواهردی یا دختر
آچوق باشدان توکولموش ساچدی یا اینکه قرا معجر
پریده یوزلره باخسان پوزولموش گلشنه بنزر
یری وار نالیه قارداش گلستان ارم گلسون
حسین ال چکمرم سندن وارام هرقدرعالمده
من اول مرغ (بهارم) داده گلم گلشن غمده
منیله اولماقا همناله سوزبزم عالمده
یری وار صافی گلسون راجی گلسون محتشم گلسون
مرحوم بهار تبریزی
منبع کانال گنجینه گذشتگان
----------- متن اشعار بهار تبریزی ---------
زبانحال حضرت زینب کبری (سلام الله)
در شهادت حضرت فاطمه زهرا (سلام الله)
بهارعیشی ظلمیله خزان اولوب سولان آنا
آزعمریله جهاندا چوخ غمه اولان نشان آنا
نقدری وارنفس گرک سالام خیاله محنتون
آدون دلیمده روزو شب یانوب دیم مصیبتون
زمانه ده سنین آنا بو چکدیقون اذیتون
قویوبدی دیده ترمنی ایدوبدی باغریقان آنا
قاپون یانوبدی ظلمیله مصیبتین پدیداولوب
دوشوب شراره قلبیوه آنا غمین مزید اولوب
یتوبدی صدمه محسینون او صدمه دن شهید اولوب
همان او حالی یاد ایدوب قان آغلارام هرآن آنا
گلوب فغانه اوخشارام فراق ایوینده صبح و شام
یانوقلی قلبیله سنه قان آغلارام علی الدوام
اورکده داغ حسرتین غم و ملالیله مدام
اولورعذاره گوزیاشیم روانه هرزمان آنا
غمین ایدوبدی آشنا بو زینبی بلائیله
بو یالقوز ایده آغلارام غمینده هایهائیله
نقدری واردی منده جان دیوب بو مجتبائیله
جفای امتیله وایقاپوسی باغلانان آنا
ایدوبدی چوخ اثرغمین بو ناتوان حسینیوه
اوزون گلوب تسلی ویر بو باغریقان حسینیوه
باخاندا قلبیم اود دوتوریانوریانان حسینیوه
بو نوعی قویما آغلاسین حسینی مهربان آنا
عزیزیدیم زمانه ده یتوشدی باشه عزتیم
چتین آنا یوزوم گله سنیله گیتدی حرمتیم
اولارزیاده گون بگون داخی منیم مصیبتیم
زبسکه غم هجوم ایدرایشیم اولوب فغان آنا
نولوربوزینبین آنا الیدی سن الن گونی
ویریدی قورتولیدی جان سنه کفن ایدن گونی
باشیندا چوخ بلاسی وارقاباقدا بیر گلن گونی
همان او گونده باغلاناربو غملی دودمان آنا
هانی او گونلریم که سن منه نگاهداریدون
سنیله شادمانیدوم غمیمیده غمگساریدون
جهاندا غصه بلمدیم آنا نقدری واریدون
نه چاره ایمدی حالیمه یوخومدی بیر یانان آنا
بلالی زینم اودورمصیبت آشنالیم
باسیمدا قاره سینه دن یارالیم یارالیم
چتینآچام بو قاره نی النجه من عزالیم
قالاربو قاره تا وارامباشیمدا جاودان انا
خلوص نیتیله چون تاپوب طریق معرفت
ایکی جهاندا قیل عطا (بهاره)قدرو منزلت
بو خدمتین قبول ایله نظرده محتشم صفت
آدین کتاب غمده یاز حسینه نوحه خوان آنا
مرحوم بهار تبریزی
منبع کانال گنجینه گذشتگان
----------- متن اشعار بهار تبریزی ---------
زبانحال حضرت امام حسن مجتبی (علیه السلام)
غم گونونده دردیمون غمخواری زینب آچ گوزون
بو دل بی تابیمون دلداری زینب آچ گوزون
ای اولان هر دردیمه هم راز و هم آواز اویان
آچ گوزون بیرجه بو قدری ایتمه خواب ناز اویان
آز قالور روحیم قوشی ایتسون منیم پرواز اویان
دوتدی سوزش بو دل پرناری زینب آچ گوزون
دور آنام صدّیقۀ کبری یرینده جانشین
مصطفی اولادینه مادر کیمی یار و معین
عاقبت قارداشیوه ایچدیردی دشمن زهر کین
ای حسینیله حسن غمخواری زینب آچ گوزون
دور ایکی قارداش باجی کامیمجه آه و زار ایداخ
من سنیله، سن منیله ای باجی گفتار ایداخ
آخِر عمریمدی گل صون دمده بیر دیدار ایداخ
کشف ایدوم قلبیمده کی اسراری زینب آچ گوزون
نصف شب اولدی عطش ازبس منه غالب باجی
ناگهان سوءالقضا باش ویردی بس جالب باجی
باشه لاجرعه چکوب اولدوم اوزوم شارب باجی
سالدی اوزگه حاله بو دل زاری زینب آچ گوزون
اود دوتوب یکسر وجودیم یاندیم اودلاندیم هرای
یاندیم اودلاندیم جگرلردن الولاندیم هرای
ای آنام باجی گوزون آچ گور نجه یاندیم هرای
گور بو قلبیمده اولان اودلاری زینب آچ گوزون
بسکه بو زهر جفا بو قلبیمه تاثیر ایدوب
قان اولوب باغریم توان و طاقتیم الدن گیدوب
ایله چاره دردیمه گل، جان دوداقیمه یتوب
قارداشون یوخ حالت گفتاری زینب آچ گوزون
آتش زهر جفا قلبیمده زینب جوش ایدر
بو بلالی قارداشون بی تاب ایدر مدهوش ایدر
عمریمون شمعین گلر دست اجل خاموش ایدر
شمعیوین پروانۀ غمخواری زینب آچ گوزون
دور خبر ویر بیر به بیر ای باجی آل هاشمه
هم اوزون گل هم خبر ایله حسین قارداشیمه
نازنین اطفالیمی جمع ایله بیرده باشیمه
گوروسون اطفالیم من بی یاری زینب آچ گوزون
باری قویسِیدون بو شاهین قبرینه قاره یوزون
دولدوراردون واحسن دلده سرشکیله گوزون
ذکر ایدردون بیرده آخِرده همان اوّل سوزون
غم گونونده دردیمون غمخواری زینب آچ گوزون
مرحوم بهار تبریزی
----------- متن اشعار بهار تبریزی ---------
زبانحال حضرت امام سجاد (علیه السلام)
قرخ ایل بابا دنیاده من سندن صورا قان آغلادیم
آخِرده زهر کینیله ویردیم بابا جان آغلادیم
دوشدوقجا یاده کربلا قان آغلادیم صبح و مَسا
دردیم مَزید اولدی بابا هر لحظه هر آن آغلادیم
گوردوم بابا هر یرده سو ایتدیم سنی من آرزو
کَسدی سوسوز باشون عَدو، اُلدوردی عطشان، آغلادیم
قویمادیلار قومِ ظَلَم نعشون سنون غسلین ویرم
قبره قویوب دفن ایلیم اولمادی امکان، آغلادیم
یاندیم غم ایّامیده هر صبحیده هر شامیده
گه کوفه ده گه شامیده اولدوم نواخوان آغلادیم
اولدی عیالون دستگیر اشرار اَلینده بیر به بیر
بیماریدیم منده، اسیر اولدوم بابا جان آغلادیم
ویران اولِیدی کوفه نی اودلاره یاندوردی منی
خولی ایدوب بُلدوم سنی کُل اوسته مهمان آغلادیم
گوردوم باشون زیبِ سِنان ایتموش جداسینده سَنان
بو ظلمی من گورجک همان چوخ ایتدیم افغان آغلادیم
یاندیم سنون احوالیوه، پوزقون پریشان حالیوه
باشسیز قالان اطفالیوه اولدوم نگهبان آغلادیم
اولدوم جهاندا اشکبار، قان آغلادیم لیل و نهار
ایتدیم حسین آدین (بهار) هر یرده عنوان آغلادیم
مرحوم بهار تبریزی
منبع مجموعه کانالهای مدح و مرثیه
----------- متن اشعار بهار تبریزی ---------
در مدح حضرت امام جعفر صادق (ع)
باز به پا کرد نوبهار، سرادق
بلبل آمد خطیب و قمری ناطق
طبل زد از نیمروز لشکر نوروز
وز حد مغرب گرفت تا حد مشرق
لشکر دی شد به کوهسار شمالی
بست به هر مرز برف راه مضایق
رعد فرو کوفت کوس و ابر ز بالا
بر سر دشمن ز برق ریخت صواعق
غنچه بخندد به گونهٔ لب عذرا
ابر بگرید به سان دیدهٔ وامق
سنگدلی بین که چهر درهم معشوق
باز نگردد مگر ز گریهٔ عاشق
از می فکرت بساز جام خرد پر
جام خرد پر نگردد از می رایق
هرکه سحرخیز گشت و فکر کننده
راحت مخلوق جست و رحمت خالق
چون گل خندان، پگاه، روی فرو شوی
جانب حق روی کن به نیت صادق
غنچه صفت پردهٔ خمود فرو در
یکسره آزاد شو ز قید علایق
خیز که گل روی خود به ژاله فروشست
تا که نماز آورد به رب مشارق
خیز که مرغ سحر سرود سراید
همچو من اندر مدیح جعفر صادق
حجت یزدان که دست علم قدیمش
دین هدی را نطاق بست ز منطق
راهبر مؤمنان به درک مسائل
پیشرو عارفان به کشف حقایق
جام علومش جهان‌نمای ضمایر
ناخن فکرش گره‌گشای دقایق
از پی او رو، که اوست هادی امت
گفتهٔ او خوان، که اوست ناصح مشفق
راه به دارالشفای دانش او جوی
کوست طبیبی به هر معالجه حاذق
ای خلف مرتضی و سبط پیمبر!
جور کشیدی بسی ز خصم منافق
خون به دلت کرد روزگار جفاکیش
تا تن پاکت به قبر گشت ملاصق
پرتو مهرت مباد دور ز دلها
سایهٔ لطفت مباد کم ز مفارق
مدح تو گفتن بهار راست نکوتر
تا شنود مدح مردم متملق
کیش تو جویم مدام و راه تو پویم
تا ز تن خسته روح گردد زاهق
بر پدر و مادرم ز لطف کرم کن
گر صلتی دارد این قصیدهٔ رایق
چشم من از مهر برگشای و نگه دار
گوهر ایمان من ز پنجهٔ سارق
ملک الشعرای بهار
----------- متن اشعار بهار تبریزی ---------
احوالات کوچ از قتلگاه
بوغربت الکه ده قیلدون کفنسیز سن وطن قارداش
النجه زینبین یانسون دیسون وای بیکفن قارداش
همان نسکلدی بیر عمری قان آغلاردی آنام زهرا
همیشه یاد ایدوب قارداش دیردی روز عاشورا
حسینی تشنه لب یالقوز یارالی الدورر اعدا
تاپولماز بیر نفرصدپاره نعشین دفن ایدن قارداش
انم تقریر ایدن سوزلربوگون عینا اولور منظور
جراحات وجدین هربیری بیر زخمدور ناسور
سویوب دشمن قویوب گونلر ایوینده نعش پاکین عور
نه اگنینده لباسین وار نه کهنه پیرهن قارداش
نه بلسون زینبین بیر گون گلوربیر غملی پیش آمد
باشیندا بیر بولوک قاره لچک ذریه احمد
جگرداغلی قولی بلغلی تماما عترت امجد
قالوبلار دشمن ایچره یوخدی بیرداده یتن قارداش
باخوب هر عضویوه گورم حسین پاشیده دور اعضا
گل حمرادی خنداندی بو نوعی بو گوزل سیما
ویا آیات قراندور اولوب تذهیب سرتاپا
و یا اوراق مصحفدورچیخوب شیرازه دن قارداش
سالوبلار تیره خاک استه زجاج آیه نوری
ایدوب روشن بو نورای پور عمران وادی طوری
وفالی غم کشیده زینبم بو وتر موتوری
النجه اوخشارام یانام وارام دنیاده من قارداش
بدنده نه باشین واردورتانونسون تا باخان بلسون
نه الینده بارماقون وار نه الین کول باشیمه السون
نه بیر ساق قالوب اپسون باجین قارداش باجین السون
نه آثارو نشانین وارتانونسون بو بدن قارداش
آتام قربان اولا بیر زخمداره قانی خشگ اولماز
آخار آخدوقجا بو قان یاندورار زهرانی خشک اولماز
منیمده سیل اشکیم تک دوتار دنیانی خشک اولماز
کسیلمزحشره دین بو قلبیدن بو سینه دن قارداش
آتام قربان اولا بیر غائبه گلماق امیدیم یوخ
مسافردور گیدوب اما رجای بازدیدیم یوخ
خبر یوخ بیر اثر یوخ بیرده بیر گورماق امیدیم یوخ
دیم بیر گون گلور شاید سفردن بو گیدن قارداش
مرحوم بهارتبریزی
منبع کانال گنجینه گذشتگان
----------- متن اشعار بهار تبریزی ---------
در احوالات حضرت امام حسین (علیه السلام)
او اوخ آتان که حسینی اوخا نشان ایلدی
اوخینی آتدی ، گلوب اوخ قلبینی مکان ایلدی
ورولدی ناحق او اوخ، حق گلوب یرین آلدی
صراط حقه یول آچدی، یولی روان ایلدی
بو اوخ او اوخدی، که موسایه طورده دیولوب
خدا اوزی بو اوخین شرحنی بیان ایلدی
بو بیر خدنگیدی اوچ شعبه لی، اوزی مسموم
گورون هارانی نشانه بو اوخ آتان ایلدی؟
حسینی الدورن اول، همین به اوخ اولدی
دیماخ اولور که بو اوخ، قتل ناگهان ایلدی
نجه گلوب؟ نجه دگدی؟ بو اوخ نجه دلدی؟
اصابت ایتماخ همان، ناله قدسیان ایلدی
نه اوخ گوروندی دگن یرده، نه اوخین نوکی
قضا الی بو اوخی گوئیا نهان ایلدی
تلاوت ایلدی ذبح آیه سین، دگنده بو اوخ
اوخون یاراسینه جانیله امتنان ایلدی
حسینی سالدی ایاقدان داخی بو زهرلی اوخ
وجودینی ایله بیتاب و بی توان ایلدی
قاباخ طرفدن اوخی ایستدی ایده خارج
میسر اولمادی هر قدر امتحان ایلدی
تمام مقتله باخسان یازیلا شاه شهید
آت اوسته قدینی اگدی، قدین کمان ایلدی
نه زحمتیله دالی سمتدن چخاتدی اوخی
مجال ویرمدی قان سیل ناودان ایلدی
یخلدی مصرعینه، اوپدی مصرعین اول
اوزینه تکیه گه، الطاف مستعان ایلدی
نکات چوخدی بو اوخدا، ولی دیماخ اولماز
الیمده کلک رقم، شرح داستان ایلدی
باجیسی زینب کبری همین بو معنادن
گلنده قتلگهه شرحنی بیان ایلدی
حسینی بیله معلوم اولور ایتیرمشدی
ایتیردیقین تاپا بیر سمته چوخ گمان ایلدی
بو فکریله دولانوردی ولیک والهیدی
یورولدی دوردی، دوباره دوان دوان ایلدی
یتشدی بیر یره گوردی توکوبله اوخ سنقی
او اوخ سنقلارینی بیر اویان بویان ایلدی
حسینی تاپدی اوزی قویلی بیر چوخور یرده
آناسی فاطمه نی یاد ایدوب فغان ایلدی
چویردی آرخاسی اوسته ازل او گل جسدی
دل آچدی شکره خانم، رو به آسمان ایلدی
دئدی الهی حسینیم بو عهد و میثاقی
یتیردی باشه بو گون سندن استعان ایلدی
دم الستده یا رب رسول عالمیان
بو فدیه نی سنه بیر طرفه ارمغان ایلدی
قبول ایله بو قربانی آل عصمتدن
که حق یولوندا رضائیله ترک جان ایلدی
بو بیر قتیلیدی ، لب تشنه قاننه بویانوب
بو شامیان سو کیمی قاننی روان ایلدی
نه باشی وار نه الی، نه النده بارماقی وار
یارالی نعشنی مثله بو کوفیان ایلدی
آنام عزیزی منیم سویگلی حسینیم دور
باجیسی زینبی بیر عمر باغریقان ایلدی
یارالی عضوینی تک تک ایدوب خانم تفتیش
اورکده سینه ده سانسیز یارانی سان ایلدی
گویون ستاره سیجه گوردی سینه ده یارا وار
باخوب یارالارینا گوز یاشین روان ایلدی
ایکی یارانی خانم آرزو ایدوب اوزینه
اورکده هر ایکی سی نقش جاودان ایلدی
بیری او یاره لرون نحر اولان بوغازیدی
که بو یارا یرینی بوسه اول زمان ایلدی
بیریسی قلبدی که اوخ سوکوب داغتمشدی
باخاندا بو یاریه زینب الامان ایلدی
گون ایسی سی قوری یرده گوروب جسمینی عور
پرند ایدوب ساچین، اول نعشه سایبان ایلدی
حسینینی ایله سوز دلیله اوخشاردی
یانخلی سوزلرینه ناله هر باخان ایلدی
او حالنه خانمون یاندی قلب دشمن لر
تاسف حالنه هر کس فغان کنان ایلدی
بدنده هر یارانی گوردی، اپدی ویردی سلام
هر عضوینه بو سلامی یکان یکان ایلدی
سلام اولا باجی سندان بو نحر منحوره
بو ظلمی قارداشیما رحمسیز سنان ایلدی
سلام اولا باجی سندان بو صدر مکسوره
که آتلارین ایاقی خورد استخوان ایلدی
سلام اولا باجی سندان ایکی کسلمیش اله
منیم حسینیمه بو ظلمی ساربان ایلدی
سلام اولا باجی سندان بو اوخ دگن قلبه
منیمده قلبیمی یاره بو اوخ وران ایلدی
اورک یانور دولوری آتشین مصیبتیله
حسینه غملرینی عرضه لسان ایلدی
صراحتاً ایله بیر اوز دوگلماقین دیمدی
ولی سویلماقینی شمه ئی بیان ایلدی
دئدی گوزوندن ایراق خیمه لر یانان ساعت
ال آچدی غارته، غارت بو کوفیان ایلدی
گورن دیردی بو غارت دگل، قیامتدی
زبسکه ظلمده طغیان بو دشمنان ایلدی
نه قدری خیمه ده منظوریدی اثاث البیت
توکولدی کوفه لیلر ظلمیله تالان ایلدی
آنا بالاسین ایتوردی، بالادا اوز آناسین
گوروب بو حالی او دم ضجه مادران ایلدی
صغیر اوشاق قیز عیالی آلوبدی دوره سین اود
کسیلدی چاره یولی، ناله دختران ایلدی
داغلدی چوللره یکسر کبوتران حرم
یانار اود ایچره دوشوب ترک آشیان ایلدی
دولاندی رشته غارتده سوز دایاندی ( بهار)
کمیت طبع اوزون مطلق العنان ایلدی
حسینه دردیوی دئ، هر نه ایسته سن ایسته
وارین یوخون بو حسین بذل مشفقان ایلدی
بو امتیاز بسوندور آناسی زهرانون
سنی حسینه بو عالمده نوحه خوان ایلدی.
مرحوم بهار تبریزی
----------- متن اشعار بهار تبریزی ---------
حضرت موسی ابن جعفر (علیه السلام)
گوشه زنداندا قطب عالم امکان غریب
حضرت موسی بن جعفر ویردی اخر جان غریب
محرم سر خدا أئینه اوصاف حق
مرشد لوح و قلم أگاه حال ما سبق
لنگر کون و مکان فرمانده تار و شفق
مظهر نور سعادت حجت سبحان غریب
حامل تعلیم بسم الله الرحمن الرحیم
پیرو پیغمبر رحمت صراالمستقیم
رهبر نام اور خلق خداوند کریم
رحمه للعالمین و معدن احسان غریب
منبع جود و سخا سر چشمه اب حیات
نور بخش کوکب و شمس و قمر فلک النجات
باعث رزق عموم ذی حیات کائنات
حافظ أیات قرأن ناطق قرأن غریب
عالم علم علوم اولین و اخرین
وارث شاهنشه معراج ختم المرسلین
زاده کبری امیر المومنینه جانشین
حامی اسلام و دین و مذهب و ایمان غریب
بلمورم هارون بلوب بو شان بو تفسیریله
بس ندن دوتدی او پیر زاهدی تدبیریله
اون بیر ایل یا یدی ایل محبوس ایدوب زنجیریله
ویردی مسکن بیر قرانلوق گوشه زندان غریب
نچه امر کذبیله اول اونی محکوم ایدوب
ایتمیوب شرم و حیا چوخ ظلملر اول شوم ایدوب
ظلمیله پیغمبر اوغلین عاقبت مسموم ایدوب
دین ایوین بر باد ایدوب قویدی بیله ویران غریب
شدت زهر جفادن قلب عالم اودلانوب
اود دوتوب یکسر وجودی سم زهریله یانوب
عاقبت قلب شریفیله چگر لر دوغرانوب
یاندوروب عالملری با حالت سوزان غریب
جان ویروب جانانینه بو نوعیله بیکس غریب
قولاری زنجیریده یوخ بیر جه دادرس غریب
یر غریب منزل غریب زنجیریله محبس غریب
مسکن و الکه غریب کنده غریب اسکان غریب
اوچ گیجه گوندوز قالوب زندان غمده گل بدن
قور خودان زندانه اولدی نه گلن نه بیر گیدن
اولمادی پیغمبر اوغلین غسل و کفن و دفن ایدن
کیم گوروب دنیاده بیله ظلم بی پایان غریب
ویردیلر أخرده هارون ستمکاره خبر
دورت نفر حمال تعیین ایلیوب اول بد سیر
أچیلار زندانی ناگه گوردولر اول دورت نفر
جان ویروب نه ذلتیله خسرو خوبان غریب
شیعه لر اگاه اولوب دوشدی اودم بغداده شور
قالدیلار حیرنده گویا باشلانوبدور نفخ صور
ناله و فریاد اوجالدی سالدیلار شور و نشور
بیر بیره دگدی هامی ایلردیلر افغان غریب
گلدیلر سینه زنان بیردن تمام مرد و زن
الدیلار اول نعش پاکی ایتدیلر غسل و کفن
غزتیله دفن ایدوب بیر قوردولار بیت الحزن
اوخشیوب فریاد ایدوبلر دیده لر گریان غریب
بوردا دوشدی یادیمه شاهنشه کرببلا
قتلگهده جان ویروب بیر سینه ده سانسیز یارا
هاردا بو ظلم و ستم أیا روادور ای خدا
بیر یارالی تپراق استه پیکری عریان غریب
نه ویرن غسل و کفن نه دفن و تابوت و اب
اولمیوب ممکن گله تا زینب علیا جناب
قویمیا گونلر ایوینده نور چشم بو تراب
قالمیا اول نوعیله اوز قانینه غلطان غریب
قوی بو درگاهه یوزون چوخ عجزیله یالوار (بهار)
لطف ایده موسی بن جعفر مطلبین وار هر نه وار
بو سوزی سالدوقجا یاده أغلارام لیل و نهار
گوشه زنداندا قطب عالم امکان غریب
مرحوم بهار تبریزی
منبع مجموعه کانالهای مدح و مرثیه
نظرات (۰)
هیچ نظری هنوز ثبت نشده است