متن نوحه ترکی احوالات ورود به کربلا برای سینه زنی و زنجیرزنی
اشعار برگزیده متن نوحه ترکی احوالات ورود کاروان امام حسین (ع) به صحرای کربلا ، متن نوحه ترکی احوالات ورود به کربلا
------
ورود به کربلا
حجازیدن باجی جان کریلایه خوش گلدون
بو دشت پر غم و پر ماجرایه خوش گلدون
خلیل وارثینین حَجی تاپمیوب پایان
منا چولونده نه چون ذبح اِیدنمدیم قربان
منای عشقیده اما بو فعله وار امکان
منای عشقه منای منایه خوش گلدون
او یر که آدلانوب آدی جهاندا کرب و بلا
همان او یردی بو یر ای عزیزه زهرا
بو یردن عرشه اوجالدار حرملر آه و نوا
دیار اوج نوا نه سمایه خوش گلدون
اگر چه ظاهر باطنده دشت پر غمدور
ولیک باطن ظاهرده اوزگه عالمدور
محل اقدس پیغمبران اعظمدور
محل داد و نوا و بکایه خوش گلدون
نیازی یوخدی سالام کل مطلبی یاده
آنام بتول گلر بوردا داد و فریاده
یانار یانان اورکی غصه دن بو ماواده
دیار مرحمت آشنایه خوش گلدون
دوشر دیار بلایاده مین بلایه باشیم
جدا اولار بدنیمدن گیدر جدایه باشیم
تلاوت ایلیر آیاتی آیه آیه باشیم
صبور اولماقا درد و بلایه خوش گلدون
تجلیات جلالی بو یرده پیدادور
شهید راه حقه گو بهشت اعلادور
حسینیوین یوزی عشاقه چون مرایادور
دیار آیینه حق نمایه خوش گلدون
بو یرده راس علی اکبریم اولار منشق
بو یرده زخم سری دل آچار دِیَر هو حق
رسول اکرمیله مطلقه اولار ملحق
محل فخر دل لیِ و لایه خوش گلدون
بو یرده قاسم شهزاده قانینه باتاجاخ
مرادینه اودا اکبر تک عاقبت چاتاجاخ
سریه خون دلون اشک چشمینه قاتاجاخ
تسلی ویرماقا اول مبتلایه خوش گلدون
بو یرده باغلیاجاخدور سو یولارون اعدا
شجاعت علوی گورسدر او گون سقا
فراتی فتح ایلیر مشکی اوخلانار اما
نگارخانه میر ولایه خوش گلدون
بو یرده حقدی سوزوم یوخدی قیل و قال و مقال
بو یرده آند اولا اللهه ذبح اولور اطفال
بویرده جسمیم اولار جور ظلمدن پامال
آنام باجی بورا عهد و وفایه خوش گلدون
دل (عتیقیده) وار آرزوی کرب و بلا
دِه لطف اِیده اونا صاحب سبوی کرب و بلا
دوای دردی اولا خاک کوی کرب و بلا
محبت ایتماقا اهل عزایه خوش گلدون
جناب طهمورثی (عتیق)
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , طهمورثی عتیق
-------------------------------
احوالات ورود به کربلا
کربلا گوزلرین آیدین ساربان یولدان یتیشدی
پیشوازه چیخ سنی چون غصه لی مهمان یتیشدی
عونیله فضلیله جعفر ام کلثومیله لیلا
اوچ یاشنیدا بیر قیزیلان سود امر جانان یتیشدی
کربلا مهمانووه باخ گور نه جاهیلن گلوبدی
پوزماقا اجلالین اما کوفه دن عدوان یتیشدی
کوفه آهنگر لرینون کسبینه رونق وریلدی
چون آچان اوخدان قیلجدان نیزدن دکان یتیشدی
سعی اله مهمان نواز اول نحرووه سقا الینده
مشکی ایستور سو آپارسن خیمیه عطشان یتیشدی
تپراقیندا بوترابین اوغلی قوردی خیمه گاهین
تپراقی مقتلده قانی ایلین الوان یتیشدی
تپراقن آلدی قوجاقه عرشه سلطانون ایاقین
تپرا قیندان عرش اعلایه سپن آلقان یتیشدی
قتله گاهیندن قوپوبدی گور نه واویلا نواسی
سانکی زهرانون حسین وای ناله سی اوردان یتیشدی
مقتلینده حاجریلن قوی خلیل الله دایانسین
بیر باجی قارداش مناده ویرمگه قربان یتیشدی
لیلینی مجنونی حاضر ایله عشقین مکتبینده
یازماقا قاندان فراز عشقه بیر دیوان یتیشدی
یوسف کنعانی سسله یوسف لیلایه باخسین
مقدمیندن اوپمگی چون حوریله قلمان یتیشدی
غملی بیر طوی وار قا باغدا ایله سون الله مبارک
قان حناسیلن عروسین حجله سی تالان یتیشدی
قوی ملکلر سسله سینلر تلیدن امن یجیبی
باخماقا میدانی اوردان زینب نالان یتیشدی
خیبره فاتح علینین ذوالفقاره وارث اوغلی
فوج اعدانین ایچینده ویرمگه جولان یتیشدی
خندقین جنگینده یخدی کفری تپراقه آتاسی
ایندیده ایماندی سسلور کفریله قان قان یتیشدی
ویرمگه غم امتحانی چکمگه قال و بلانی
ذوالجلالیلن ازلدن باغلیان پیمان یتیشدی
اوچ پر اوخلان التی آیلق اصغره لای لای چال ایندی
قمچیدن زین العبادین دردینه درمان یتیشدی
دوزدی قران ختم مرسل احمده نازیلدی اما
نیزه نین باشینده باشی باشلیان قرآن یتیشدی
نیزه باشینده تلاوت ایلین قرآنی گورجک
عشقه فتوی ورمگه باش محمیله چرپان یتیشدی
نیزه نین باشینده باشلار ناقه اوستونده اوشاقلار
گزمگه صحرانی یورقون جانیله جانان یتیشدی
کربلا سنده نه اولسا نشر ایدن زینبدی زینب
ایلین نطقی یزیدین قصرینی ویران یتیشدی
حسنعلی بالایی
موضوع: احوالات ورود به کربلا ,
زبان شعر و شاعر: نوحه ترکی , حسنعلی بالایی
-------------------------------
ورود به کربلا
ظهر وقتی دی یئتیشدی کربلایه کاروان
کربلانین خاک پاکی تاپدی فیض جاودان
کربلا سویلر بئله گویا زبان حالیله
وار یئری گر فخرقیلسام نه سمایه بی گمان
من قارابیرتوپراقی سن روسفید ائتدین حسین
منده کی عز و جلاله مات اولوبدور آسمان
سن منی ائتدین قدوم پاکیویلن سرفراز
یوخساحاشامن تاپام بوشان وشوکتده ن نشان
تاابدشکرایلسم اولماز بیری مینده ن ادا
عفو قیل شاها دیلیم عاجزدی قاصردیر بیان
شاه دین دستوروئردی تاقورولسون خیمه لر
اولسون آل هاشمین خورشید اجلالی عیان
خیمه لر نه خیمه لر قرص قمرتک تابناک
خیمه لر نه خیمه لر رشگ گلستان جنان
خیمه گاهی ائلییب روشن جمال انوری
بیر صفالی خیمه ده دوتموش علی اکبرمکان
خیمه ماه بنی هاشم آلیر دلده ن قرار
صف چکیبلر صورتین ائتسینله رویت عرشیان
من خیالین روزنینده ن خیمه لرده غرق سیر
خاطریمده اولدو ناگه محشرکبری عیان
بوستان هاشمی سولموش دونوبدورروزگار
عصرعاشورا یئتیبدیر خیمه لر اولموش تالان
زینبین آرام جانی قتلگهده یئردوتوب
غارت اولموش پیکری کامه یئتیبدیر ساربان
یوز قویوب کوه و بیابانه بنات هاشمی
وامحمدناله سی آفاقه وئرمگده تکان
بیر ملر آهو کیمی آتلار قاباقیندا قاچیر
آختاریر گویا آتاسین دختر شیرین زبان
یاندی اکبادیم"شهودی "قیل کلامه خاتمه
طرز گفتارین وورور اودجانه ای جادوبیان
علی شهودی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , علی شهودی
-------------------------------
ورود به کربلا
بو یردور مدفنیم قارداش خبر وئر کاروان دوشسون
آچیلسون هودج زینب دایانسون کاروان دوشسون
بو چولده ساخلیون قارداش قطار آل طاهانی
منه تعیین ائدوبله لطف حقدن بو بیابانی
اوزون محملدن اندیر زینب و کلثوم نالانی
بو خاک کربلایه مهر و ماه آسمان دوشسون
گوتورمه گوز خبردار اول سراسر آل حیدردن
باجیم کلثوم و زینبدن برادر جان حرم لردن
گوتورمز ذوالجناحیم بیر قدم بو غم فزا یردن
منازل طی ائدوب یتدوم مرامه رهروان دوشسون
هوای کربلادن قان اولان گویلوم گلوب درده
گوزوم توکسون سرشکین دمبدم بو عارض زرده
گئدوب قوردور سراپرده برادر بیر چوخور یرده
سُرادقلر قورولسون زینب بی خانمان دوشسون
بو صحراده باتار قانه سر زلف علی اکبر
دگر گُل جسمینه تیر سنان و نیزه و خنجر
یقین دیوانه مجنون تک اولور لیلای غم پرور
گرک دور آردیجا صحرالره اول ناتوان دوشسون
بو چولده فرقۀ کافر فراتین یولّارین باغلار
تاپولماز بیر ایچیم سو آل طاها سو دئیوب آغلار
عیالیم تشنه قالسون بوندا وار قارداش رضای یار
عطشدن دلدن آخر اصغر شیرین زبان دوشسون
مرحوم خازن تبریزی
موضوع: احوالات ورود به کربلا ,
زبان شعر و شاعر: نوحه ترکی , خازن تبریزی
-------------------------------
زبانحال در ورود به کربلا
بو یرین اسمی باجی لفظ بلا معناسیدور
جلوه گاه عشق جانان کربلا صحراسیدور
کربلا یعنی حقیقی کعبه اهل ولا
کربلا یعنی منای واقعی رشگ منا
کببلا یعنی بهشتین زینتی بزم وفا
کربلا عرش خدانین آیت عظماسیدور
مایل اولسا زینته جنتده حورالر اگر
تربتیندن بو یرین بیرذره رخساره چکر
گونکیمی صورتلرین بو تربت ایلر جلوه گر
بوگوزل تربت بهشتیلرجمال آراسیدور
عالم قالو بلاده شرح اولوندی هربلا
انبیا حیران باخوردی من دیدیم یالقوزبلا
اولدی اثبات بلا میعادی دشت کربلا
بو سولان صورت همان لفظ بلا معناسیدور
بو یرین خلق ایتمیوب مثلین گوی آلتندا الاه
قابلیت واربو یرده عرشه اولسون قبله گاه
بو یرین تپراقینه باش قویماسا هر هانسی شاه
ذلت دنیا اونون سرمایه عقباسیدور
بیر جوان ویرم بو چولده حق یولوندا من فدا
تا جهان وار افتخار ایلر اونیله برملا
من خلیله هاجره لیلا منایه کربلا
شرح ایدن ذبح عظیمی اکبرین اعضاسیدور
چوخ علمدارین سالوبلار قولارین قوم عناد
اولمیوب اولماز ابوالفضلیم کیمی باب مراد
سینه سی صفحه-خدنگ و نیزه خامه قان مداد
پیکری باشدان باشا مهرو وفا انشاسیدور
اللریندن ال گوتورسون سوزویروب روزالست
باشینین جامین عمود آهنین ایتسون شکست
باده عشقیله بسکه مست دور اول شیرمست
زخم پیکان ساغرسرشاری قان صهباسیدور
پرچم دینی یاتوردار لشکردنیا پرست
سو یانیندا تشنه ساقینین اولارجامی شکست
دیننه قربان ویرر بیر طاق سر بیرجفت دست
مفتی عشقین بلی بو مطلب اوز فتواسیدور
عشق قربانگاهیدور بو سرزمین پرخطر
قوش قوزی قربانی ویرم بوردا یتمش بیر نفر
اوخلاناراصغر-آناسی آغلار آهو تک ملر
قانلی قونداقی منای عشق زیب افزاسیدور
شاهد غیبی آتار بوردا جمالیندن نقاب
جان ویروب عاشقلره ایلرتجلی بی حجاب
باشینه تپراق سپربوردا آتامیز بوتراب
خرمن افلاکه آتش آه برق آساسیدور
بوردا قان دریاسی موج ایلر داشاربحرقتال
قانلی دریایه دونربو وادی دشت جدال
غرق اولار گرداب خونین ایچره کشتی جلال
امن ساحل ناخدای دینه قان دریاسیدور
بو یرین تپراقینه بیر قان قاتار آت دیرناقی
چشم حورایه اولارسرمه بو دشتین تپراقی
هرگلستاندا سرالسا سولسا هر گل یپراقی
سوگلی نازلی رقیم رنگینین ایماسیدور
بوردا بیر بیع و شرا بازاری وار باجی منه
قیمت اولماز عالم امکان ثمن یا مثمنه
هرایکی دنیانی آلام کهنه بیر پیراهنه
علت حیرت بو سوقین پربها کالاسیدور
عشقیمی ویرم نشان اولام فنا فی الله حق
سرعشقه ایلرم عاشقلری آگاه من
باش بدن ال ویرماقیمدان ایتمرم اکراه من
سلم محض اولماق عبودیتده رب ارضاسیدور
ملک تسلیم و رضاده اولماسام عالمده شاه
آستانیم اولماز اسلام عالمینده قبله گاه
خلد اعلایه آچارقانیم بو چولده شاهراه
نوکریم دنیا و عقبا اهلینین مولاسیدور
گرچه (سعدی زمان) چوخ ایلیوب جرم و خطا
باب رحمتدن و لیکن ایتمیب قطع رجا
عالم محشرده مولاسیندن امید عطا
آغلیان بیرگوزموثرسوزبو غم طغراسیدور
مرحوم حسینی سعدی زمان
منبع کانال گنجینه گذشتگان
موضوع: احوالات ورود به کربلا ,
زبان شعر و شاعر: نوحه ترکی , حسینی سعدی زمان
-------------------------------
احوالات ورود به کربلا
محرمین ایکیسی، پنجشنبه نون سحری
دوشوب بلا چولونه والی الولا گذری
اولاندا دشت بلا میر عالمه مقدم
گلوردی حرده شاه غریبیله توام
قاباقدا بیر عرب اولدی پدید، ناقه سوار
گلور شتابیله، چگنینده بیر کمانیده وار
گلوب برابره تا یتدی حره ویردی سلام
امامه ایلمدی اعتنا او شر لئام
انوب یره دوه دن ویردی حره بیر نامه
آلوب مطالعه ایتدی یتوردی اتمامه
دئدی بو حکم گلوب یا حسین امیریمدن
که ال گوتورمیم ئولسمده ده دستگیریمدن
منه بو امری ویروبدور امیر با شوکت
حسینی قویما داخی بیر قدم ایده حرکت
سنیله رسم مدارا داخی دگل منظور
گرک بو یرده نزول ایتدیریم سنی، مجبور
امام گوردی تعدیسین آرتریر دشمن
مصمم اولدی همان یرده ایلسون مسکن
علاوه عالمیدی عین قصد ایدن یردور
بولوردی جدی آتاسی خبر ویرن یردور
او دمده یوز دوتوب عباسه شاه مظلومان
بویوردی ویر آتام اوغلی سپاهیمه فرمان
بو دشتدن دئ داخی گیچمسون بیری، دورسون
نزول ایدوب هامی بو یرده خیمه سین قورسون
بو یردی مقصدیم ای صاحب وفا قارداش
منی همین بو یره سوق ایدوب قضا قارداش
گرک بو یرده ویرم دل قضای عشقیمه من
بو یر قضاسی منی ایلیوب جلای وطن
سوءله بو یرده دوشه هم عنانلاریم قارداش
قطاری ساخلیالار ساربانلاریم قارداش
بو یر بو ناقه لرین سر به سر یاتان یریدور
هامی جوانلاریمون قاننه باتان یریدور
بو یرده غارت اولور ظلمیله خیام حرم
شهید ایدر بیزی بد سرزمینده اهل ستم
بو یرده آند اولا آللهه ذبح اولور اطفال
بیزی زیارت ایدر بوردا صاحب آمال
همین بو تپراقی جدیم خبر ویروبدی منه
که یعنی بو یری مدفن ویروبله بو بدنه
حجاز قافله سی ایلدی عراقه نزول
کجاوه لردن انوب اهل بیت زار و ملول
ووریلدی امر شه دینیله سراپرده
ولی قورولدی خیام حرم چوخور یرده
باخوب بو نکتیه زینب گلوب دلی درده
گلوب حضور امامه دوروب برابرده
ایشتمیشم دئدی قارداش که هر سفرده آتام
همیشه چوخ اوجا یرلرده قوردوروردی خیام
اونون مراسمنون سنده عکسینی گورورم
دوزنمیرم اوزومه هر چه تسلیت ویریرم
نه سری وار منی آگاه قیل بو مطلبدن
نیه خیامی چوخور یرده قوردورورسان سن؟
کمال یاسیله گلدی او شاه گقتاره
بویوردی ای باجی سن محرمیم سن اسراره
آتام علی که علو خیامه طالبیدی
همیشه دشمنه دعوالرینده غالبیدی
ولی بو عرصه ده مغلوب ایدر منی دشمن
گرک خیامی چوخور یرده قوردورام باجی من
او دم جوانلارینی یقدی باشه میر انام
مخدرات طهارتده دوره ووردی تمام
باخوب حسین اولارا یاس بی نهایتیله
اولاردا شاه غریبه باخاردی حسرتیله
حسین جوانلاری اهل حرم، صغار و کبار
توکردیلر هامی رخساره اشگ حسرت بار
شرار محنتیله صاف سینه داغلادیلار
صدا صدایه ویروب بیر دویونجا آغلادیلار
دوروب گیدوب هره اوز خیمه سینده دوتدی قرار
ولی توکردیله گوز یاشلارین چو ابر بهار
غمیله بسکه دل شاه نینوایه دولدی
شکسته حالیله دریای فکره غرق اولدی
مدینه یادینه دوشدی اله آلوب خامه
یازوب محمده نسگل مقاله بیر نامه
بیان حالینی بش کلمه ده آندیردی
نکات رمزیله پیش آمدینده قاندیردی
فقط بو مختصری یازدی یا اخا گویا
که بو جهان یوخوموش، لایزالیدور عقبا
اسیر قوش کیمی یعنی قفسدیم قارداش
یاخونلاشوب اجلیم صون نفسدیم قارداش
منه اگر چه برادر محبتون چوخودی
غم ایتمه، بیله گمان ائت، حسینون هیچ یوخودی
مرحوم ذهنی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , ذهنی
-------------------------------
ورود به کربلا
بو همان یردور ویروب جدّیم خبر یا زینبا
کربلادور کوی عشقه رهگذر یا زینبا
کربلادور گر چه واردور چوخ بلاسی بو یرین
لیک یوخ بیر گلستان ایچره صفاسی بو یرین
سن باجی پروانه من شمع وفاسی بو یرین
آختاروردوم بو یری شام و سحر یا زینبا
آل هاشم کوکب رخشان بو یر چرخ وفا
ماه تابنده بو چرخه قارداشیم صاحب لوا
من اوزوم مهر جهان آرا اَیا کنز حیا
کیم گوروبدور بیله گون اولدوز قمر یا زینبا
عشق یارین هر بلالی باشدا بیر سوداسی وار
عاشق صادق اودور که عهدینون ایفاسی وار
بوردا قارداشون حسینون شور عاشوراسی وار
محشر کبرانی ایلر جلوه گر یا زینبا
گون او گون اولدی اگر ای باغ زهرایه ثمر
توپراقا گوردون توکولدی یتمیش اولدوز بیر قمر
گون کسوفه دوشسه ویرسه شام غارتدن خبر
اوندا باغلا شامه سن بار سفر یا زینبا
عالم ارواحده آلدیم بو مأموریتی
ایلیم تأسیس دانشگاه اسلامیتی
پخش ایدم دنیایه تا اسلامیده حُرّیتی
اولسون اسلام عالم ایچره مفتخر یا زینبا
ایستدی اسلامیان یتسون گوزل کامه باجی
مُلک دین عطشانیدی حق یازدی برنامه باجی
سو ویرم قان بارشیندن باغ اسلامه باجی
حشره دین اولسون نهالی بارور یا زینبا
دین یولوندا سینه می آماج پیکان ایلرم
راه حقده جانیمی اسلامه قربان ایلرم
قانیمیلن کربلا دشتین گلستان ایلرم
گللّریم دائم اولا مدّ نظر یا زینبا
ضربت شمشیر منقذدن گوگل پرخون اولار
طُرّۀ شبرنگ اکبر قانیله گلگون اولار
باش یاراسین باغریقان لیلا گورر مجنون اولار
شور عشق ایلر اونی شوریده سر یا زینبا
سو یولون باغلار بو صحراده بیزه قوم عدو
نازنین اطفالده قویماز سوسوزلوق رنگ و رو
ایچمروق سو قویماروق قالسون سولاردا آبرو
عاقبت بیر سود امر پیکان اَمَر یا زینبا
بیر مواسات ایلر عبّاسی جهانه مشتهر
ترک ایدر آب فراتی دل یانقلی دیده تر
بیر سویا ال ویرماق اوسته اللّریندن ال چکر
قانی توپراقدا قویار عالی اثر یا زینبا
شهرتون ای دخت زهرا گون کیمی تابنده دور
درگهونده «اعظمی» بیر سائل شرمنده دور
سائلی مأیوس قیترماق سنه زیبنده دور؟
گلمشم امّیدیله ایله نظر یا زینبا
مرحوم استاد اعظمی تبریزی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , اعظمی تبریزی
-------------------------------
ورود به کربلا
بو کربلا قربانگه جاناندی زینب
بوردا حسینون تشنه لب قرباندی زینب
جدّیم دِیَن یردور بو یر صبر ایله گورسن
صد پاره جسمیم زینت میداندی زینب
بو یر حقیقی کعبه دور رشک منادور
اوغلانلاریم قارداشلاریم بوردا فدادور
عالَم لری آغلار قویان کرب و بلادور
بوردا آنام ، جدّیم ، آتام ، گریاندی زینب
نوحی سالان طوفانه بو صحرای غمدُور
جدیم خلیله مایۀ رنج و اَلَمدُور
بوردا منی غرق ایلین بیر قانلو یَمدُور
امّا نجه یَم ؟ قانلو بیر طوفاندی زینب
گر چه حجازه سرورم میر عراقم
دنیاده امّا قالماقا یوخدور علاقم
بو غملی چولده یدّی گون، باجی قوناقم
صبر ایله دنیاده هامی مهماندی زینب
گوردون قَدَم قویجاق بورا نه حاله قالدیم
قوندی یوزومه غم توزی، سولدوم سارالدیم
ئوز مقتلیمدن عطرینی زهرانین آلدیم
زهرا حسینه ایمدیدن نالاندی زینب
آل امیّه ایلیوب اسلامی بد نام
هند اوغلی ایستور قالماسون اسلام و احکام
من قویمارام پامال اولا احکام اسلام
جانیم بو چولده دینیمه قرباندی زینب
وار بو چوله گلماقدا بیر عالی مرامیم
ضدّ یزیده باشلانور بوردا قیامیم
کاخ یزیدی یخماقا وار اهتمامیم
بو فکره مظلومیَّتیم عنواندی زینب
باخما باشیمدا بو قشون بو احتشامه
یوز دوندروب عمریم گونی ای باجی شامه
امّا بلاسی باشیمون یئتمز تمامه
گون تک گوررسن نیزه ده رخشاندی زینب
بو یر حریم قدسدُور جای بلادور
بو دشتیده سو تک آخان ثار خدادور
هر دردمنده توپراقی خاک شفادور
هر درده قانلو تربتیم درماندی زینب
اولسا هدف عالی گَلَر غَملَر گوارا
چوخ چوخ مقدّسدور هدف ای دخت زهرا
دوغرانسا قطعه قطعه گر مرآت طاها
لیلایه مشکلدور منه آساندی زینب
وئرّم باجی بو چولده من بیر جبهه تشکیل
فاتح چخار بو عرصه دن آیات تنزیل
اولماز داخی کابینۀ اسلام تعطیل
بو جبهه حقّ و باطله میزاندی زینب
بو جبهه نین عبّاس تک سرداری واردور
حیدر کیمی شمشیر آتشباری واردور
قویسون سو اوستونده اوزون قوللاری واردور
تقدیره عالی خدمتی شایاندی زینب
بو جبهه نین دل یاندیران بیر رازی واردور
بیر، آلتی آیلیق سود اَمَر ، سربازی واردور
تبلیغ دینه چوخ بُیوک اعجازی واردور
گرچه اونا پیکان، دمِ پستاندی زینب
هر درد و محنت یوز وئره من سهل سانّام
ائتدوقجا شدت درد و غم باجی دایانّام
آخر بو چولده تشنه لب قانه بویانّام
غسلیم یارالاردان آخان آلقاندی زینب
معبودیمه سوز وئرمیشم قالوا بلاده
قالسون کفن سیز پیکریم کرب و بلاده
اولسون قوناق قانلو باشیم مطبخ سراده
مطبخ مگر شایستۀ سلطاندی زینب
بیر عمردور نوحه یازار آغلار «حسینی»
سیل سرشگین عارضه باغلار «حسینی»
قلبین شرار آهیله داغلار ((حسینی))
منظوری بیر عالی صله احساندی زینب
مرحوم حسینی سعدی زمان
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حسینی سعدی زمان
-------------------------------
زبانحال در ورود به کربلا
بورا کوی وفادی وادی عشق و صفا زینب
بویئر جدیم دیین یئردی دیار کربلا زینب
بو یئر قارداشیوه مقصود و منظوره چاتان یئردی
حقیقت اوسته ایثار ائیلییب قانه باتان یئردی
بو توپراقین صفاسی چوخدی قارداشین یاتان یئردی
منه مدفندی بو یئر رتبه ده عرش خدا زینب
بو یئرده گلمیشم حقی ائده م عالملره اثبات
قاریشماز بیر بیره تا واردی دونیا نوریله ظلمات
باش اگسین ظالمه حقی بولن آزاده لر هیهات
اولا حتی بندن باشی ظلمیله جدا زینب
بو یئر آزاده لر باشیله جانیندن گئچن یئردور
منای عشقیده لب تشته لر قانین ایچن یئردور
آنالار اوز الیله اوغولونا خلعت بیچن یئردور
بورا جای عملدور نه حدیث و ادعا زینب
بو یئرده قارداشین ایستیر بیوک بیر امتحان وئرسین
رضای حقه خاطیر قانلی گودال ایچره جان وئرسین
گرک عاشیق اولان معشوقینه عشقین نشان وئرسین
مقام وصل یاره چاتماقا اولسون فنا زینب
بو یئر اهل جفا انصاف سر حدین ییخان یئردیر
سو تک دینین یولوندا قرمزی قانلار آخان یئردیر
بابا وای قارداشیم وای ناله سی عرشه چیخان یئردیر
یاخین دیر خیمه لر ظلمیله یانسین برملا زینب
بولورسن کی یزید فاسقه من ائتمرم بیعت
شهادت اهلیینه هر بیر زماندا ننگ دیر ذلت
خوشام اولسا مرام اوسته منه جام بلا قسمت
رضای حقه خاطر ایلرم سعی وصفا زینب
منیله بو مکاندا باش و جان قیدین آتان قالسین
کرگ عشق اهلینه بو نقطه دن عالی نشان قالسین
حسینین باشی ده گئتسه گرک دین جاودان قالسین
گرک روشن اولا بو یولدا وار هر ماجرا زینب
منه جدیم خبر وئرمیش بو دشتین ماجراسیندن
بو کوفه اهلنین رسم و رسومندن وفاسیندن
یوخوم قورخی بو سایسیز لشگرین ظلم و جفاسیندن
هدف آیدین دی یول معلوم مقصد آشنا زینب
اسیر اوز نفسینه اولماز اولان معبودینه بنده
اگر باشیمده گئتسه ساخلارام قرآنی پاینده
داریخما ائت توکل اللها آماده اول سنده
منه لازمیدی سن تک بیر شریک با وفا زینب
اوزون آماده ائت درد وبلا و محنته زینب
دوشرسن سنده بو نهضتده چوخلی زحمته زینب
ایکی عالم چاتارسان لیک عالی عزته زینب
چتین تکلیف دور صبر ائله تا آسان اولا زینب
بو یئر خاک شفادور گلسه هر کیم اخذ ائدرتوشه
اولار اهل وفانین کعبه سی بیر قبر ششگوشه
اگر قسمت اولا کرب بلا بیر یولدا مدهوشه
توکور باران کیمین اشکین یوزه ائیلر نوا زینب
کانال اشعار محمد هوشمند (مدهوش)
موضوع: احوالات ورود به کربلا ,
زبان شعر و شاعر: نوحه ترکی , هوشمند
-------------------------------
ورود به کربلا
گلمیشم بو سرزمینه شوقیله مهمان باجی
وعدگاه وصلیدور وئرّم بو یئرده جان باجی
قیل اوزون درد و غمه آماده ای کان وفا
صبریوی قویما ائده تاراج اندوه و بلا
من خلیلم هاجری سن بو جوانلاریم فدا
ائیلرم جانانیمه بو جانیمی قربان باجی
دقتیده باخ بو صحرا وعده گاه عشقیدور
تلیدن اطرافه بیر باخ شاهراه عشقیدور
عشق محرابی چوخور یئر قتلگاه عشقیدور
باشیمی ذبح ائیلییر بوردا عدو عطشان باجی
بو مناده دوغرانار قران یولوندا اکبریم
سو ایچر اوچ شعبه پیکاندان علی اصغریم
گر کسیلسه خنجر کینیله باشیم اللریم
ایتمرم بیعت منه حکم ائیلیور قران باجی
من اوزوم آب حیاتم نه غمیم باغلانسا سو
ذره قورخوم یوخ اگر چی دوره می آلمیش عدو
قانلی میداندا اورک قانیله من آلام وضو
تا قالا بو نهضتیم دنیاده جاویدان باجی
من بو یئرده محضر جاناندا وئرم امتحان
یار و انصاریم وئرلر حق یولوندا تشنه جان
نیزه اوستین ائیلیر شامه کیمی باشیم مکان
تا اولا حق و حقیقت عالمه اعلان باجی
قیل اوزون آماده بو فوج بلایه صبر ایله
قارداشین باشسیز دوشن وقته منایه صبر ایله
قیزلاریم گر آغلاسا آه ونوایه صبر ایله
نار غم یاندیرسا قلبین ائیلمه افغان باجی
کانال اشعار محمد هوشمند (مدهوش)
موضوع: احوالات ورود به کربلا ,
زبان شعر و شاعر: نوحه ترکی , محمد هوشمند
-------------------------------
احوالات ورود به کربلا
حجازیدن باجی جان کریلایه خوش گلدون
بو دشت پر غم و پر ماجرایه خوش گلدون
خلیل وارثینین حجی تاپمیوب پایان
منا چولونده نه چون ذبح ایدنمدیم قربان
دیار عشقیده وار فعل عشقیمه امکان
منای عشقه منای منایه خوش گلدون
بو یر که آدلانوب آدی جهاندا کرب و بلا
همان او یردی بو یر ای عزیزه زهرا
بو یردن عرشه اوجالدار حرملر آه و نوا
دیار اوج نوا نه سمایه خوش گلدون
اگر چه ظاهر باطنده دشت پر غمدور
ولیک باطن ظاهرده اوزگه عالمدور
محل اقدس پیغمبران اعظمدور
محل داد و نوا و بکایه خوش گلدون
نیازی یوخدی سالام کل مطلبی یاده
اوزون که واقف اسراریسن ، بو ماواده
آنام بتول گلر عاقبت اوزی داده
دیار مرحمت آشنایه خوش گلدون
دوشر دیار بلایاده مین بلایه باشیم
جدا اولار بدنیمدن گیدر جدایه باشیم
تلاوت ایلیر آیاتی آیه آیه باشیم
صبور اولماقا درد و بلایه خوش گلدون
تجلیات جلالی بو یرده پیدادور
شهید راه حقه گو بهشت اعلادور
حسینیوین یوزی عشاقه چون مرایادور
دیار آینه حق نمایه خوش گلدون
بو یرده راس علی اکبریم اولار منشق
زبان زخم سری دل آچار دیر هو حق
رسول اکرمیله مطلقه اولار ملحق
محل فخر دل لیو و لایه خوش گلدون
بو یرده قاسم شهزاده قانینه باتاجاخ
مرادینه اودا اکبر تک عاقبت چاتاجاخ
آناسی خون دلون اشک چشمینه قاتاجاخ
تسلی دل اول مبتلایه خوش گلدون
بو یرده باغلیاجاخدور سو یولارون اعدا
شجاعت علوی گورسدر او گون سقا
فراتی فتح ایلیر مشکی اوخلانار اما
نگارخانه میر ولایه خوش گلدون
بو یرده حقدی سوزوم یوخدی قیل و قال و مقال
بو یرده آند اولا اللهه ذبح اولور اطفال
بویرده جسمیم اولار جور ظلمدن پامال
آنام باجی بورا عهد و وفایه خوش گلدون
دل عتیقیده وار آرزوی کرب و بلا
ده لطف ایده اونا صاحب سبوی کرب و بلا
دوای دردی اولا خاک کوی کرب و بلا
محبت ایتماقا اهل عزایه خوش گلدون
استاد طهمورثی (عتیق)
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , طهمورثی عتیق
-------------------------------
ورود به کربلا
و گریز به احوالات حبیب ابن مظاهر
هر عاشقین که اولا عشقی غیریدن عاری
ایدر وجودینی رخت حیاتیدن عاری
گورن حقیقتِ معنانی صورته باخماز
که نقش لغو اولی نقّاشون اولسا آثاری
اولار که آتدی بو دنیانی، دوتدی عقبانی
یازلدی آدلاری دینِ مبین انصاری
قضیّه شاهدی میثمدی، باخ حکایتینه
آچوب اورک گوزونی گور او مرد دینداری
کَسوبله اَل اَیاقین، دل علی علی دیوری
دلین کَسونجه کَسیلموب او حق گفتاری
بلی بو عشقیده اشخاص چوخ گَلوب گیتدی
وجودین ایتدی فنا، ایلدی رضا یاری
حسین صحابه سی امّا اولوبدی چوخ ممتاز
خدا سویوبدی او یِتمیش ایکی وفاداری
حبیبی گوردوله رویاده عرض ایلدیلر
عجب سعادت دارِین ایدوب سنه یاری
حسینه باشیله جانیله ایلدون خدمت
که آخِر عمریده اولدون قوجا علمداری
داخی زمانه ده قالدی بیر آرزون آیا
سنی زیارت ایدر ایکی دفعه زوّاری
جواب ویردی بودور آرزوم اولا ممکن
گَلوب جهاندا حسینون اولام عزاداری
یازولّا بیر گونی عطر محبّتله حبیب
معطّر ایتمیشیدی بیر دکان عطّاری
حنا آلوردی که ایتسون محاسنینی خضاب
خبر یوخیدی ندور چرخ دون رفتاری
مصادف اولدی او دم مسلم بن عوسجیه
وفالی یاریدن حسّ ایتدی جور اغیاری
سوال ایتدی نه وار شهر کوفه ده آیا
تاپوب رواج چوخ آلاتِ حرب بازاری
جواب ویردی یوخوندور مگر حبیب خبر
که داغلیوبدوله قلب رسول مختاری
حسینی دعوت ایدوبله عراق جانبینه
خلاف وعده ایدوب شام و کوفه کفّاری
ایدوبله قتلینه اقدام قانینی توکَلَر
بو خلق کوفه ده یوخدور مروّت آثاری
بُلوب قضیّه نی ترک ایلدی او مقصودین
حنانی آلمادی، اولدی بلا خریداری
دیدی محاسنیمی قانیله خضاب ایدرم
گَلنده محشره اولّام عُذاری گُلناری
همان گونون گئجه سی نامه ی حسین یتدی
ایدوبدی نصرتینه دعوت اول وفاداری
بو نامه دن اولی واضح ندور مقام حبیب
بلی، محبّتین عالمده واردی معیاری
حسین بیر کسه گوندَرمیوبدی نامه، ولی
گَلوبدی کتباً حبیبه حسینون احضاری
نه نامه، شرحینی دل ایستوری بیان ایلسون
گوروب حسین کیمی کیم بی معین و بی یاری
بلی، بو رسمیدی شه نامه سین دوتالّا عزیز
نثار ایده لّه زر و سیم، اولماسین خواری
حبیب ایلدی رسم جهانیله رفتار
ایدوب او نامیه دُرّ سرشک ایثاری
پوزولدی حالی بُلن تک حسینون احوالین
او پاک روحینه جاندان گوروندی بیزاری
او گئجه قارداشی اوغلانلاریدا حاضریدی
خیال خامیله مست ایتماقا او هوشیاری
دیدیله بنزور حسینون ایشی سینیق گَمیه
سو اوسته غرق اولار هر کس گیده اونا ساری
جواب ویردی حسینه کمک گیدن دگلم
او تیره دللره ویردی دلیله دلداری
اولار دوروب گیدوب، اوز عورتی حبیبه دیدی
گَتورمه قهره بیله کردگار قهّاری
عزیز فاطمه یالقوزدی، گیت کمکلیق ایله
بو غم گونونده اونون یوخ معین و غم خواری
دیدی گیدوب سنی باشسیز قویام نجه اولی بو
زمانه ده اولوسان درد و غم گرفتاری
دیدی غم ایلمه، توپراق ییوب دیریلّم من
گیدوب او شاهه ایله بو سلامیمی جاری
جهادی عورته پیغمبر ایتمه سِیدی حرام
گَلوب اوزومده ایدردیم آقا سنه یاری
وفالی زوجه سین ایتدی حبیب آسوده
که یعنی دلده کی مقصودین اولدی اظهاری
آتین غلامی آپارمیشدی خارج شهره
که پرده لی اولا محکوم حکم سِتاری
یتوب نه گوردی آت آغلور غلامیده آغلور
دیور غلام آتا چوخ ایتمه ناله و زاری
حبیب گَلمسه قوخما، مینوب اوزوم گیدرم
حسینون اولّام او یالقوز زمان مددکاری
آتین غلامیدن آلدی، دیدی گیت اول ازاد
غلام آغلادی عرض ایلدی سنی تاری
آپار منیده یانونجا، گرک جهاندا اولا
غلام خواجه نین هر حالیده پرستاری
لیاقت اولماسا منده، حسینیده چوخدی
قبول ایلر او نخل مروّتین باری
بو قصّه نی بیله تحریر ایدوبدی دربندی
صحیح دور بُلور عالَم او عالِمِ اخباری
باخوردی زینب کبری که هی گَلور لشکر
حرملرین غمی آرتور گورنده اشراری
ایکی سواره گوروب سمت کوفه دن گَلدی
پوزوب بو حالت او تن خسته و دل افکاری
ایدوب حضورینه شبه پیغمبری احضار
مخاطب ایتدی او گُل رویِ ماه رخساری
بویوردی اکبره اول سروِ بوستانِ حیا
که ای عُذاری ایدن شرمسار گُلزاری
بو ایکی آتلی که یولدان یِتیشدی کیمدی بولار
دی بیر خلاص ایله تشویشیدن بو دلزاری
کمک گَلوبدوله یا اینکه واردی نامه لری
کمک ده اولماسالار دشمن اولمیا باری
ادبله عمّیه قارداش بالاسی عرض ایلدی
حبیب دور بو، حبیبِ خدانون انصاری
صفا دلینده وار، اهل جفا دگل قوخما
صفالی شخصلر اولمازلا دشمنه یاری
تصوّر ایلسه هر کیم بو ماجرانی بُلر
نه قَدر سختیمیش آل پیمبرین کاری
همینکه بُلدی حبیبون ورودینی زینب
بویوردی اکبره بیر رمزی کلمه اسراری
یتور حبیبه بو نوعی منیم دلیمجه سلام
حسینیمون گوروسن یوخ داخی هواداری
سپاهی آزدی بو صحراده، دشمنی چوخدی
گرکدی شهلرین اولسون سپاه و سرداری
او شاهزاده، خانم زینبون سفارشینی
دیدی حبیبه، اولوب گوز یاشی یوزه جاری
ووروب باشا گوتوروب سَپدی باشینه توپراق
دیدی که وای منه، گوز یاشین ایلدی جاری
مگر کیمم منه زینب سلام گوندَرسین
عجب فشاره سالوب روزگار او ناچاری
بلی، حبیب تانور زینبی نه هر کیمسه
علی قیزیدی، واریدی بتول کرداری
سنون گوزوندن ایراق ای حبیبِ با همّت
نجه بو زینبون آخِر پوزولدی پرگاری
گَلوب گورِیدون همان ساعتین بو خاتونین
یانوردی خیمه سی، قالموشدی اوددا بیماری
اوزون وورار اودا پروانه وار بی پروا
خلیل جدّی کیمی گلستان سانور ناری
کنار اولان کیمی اوددان نه گوردولر او خانم
باسوبدی سینه سینه بیر علیمِ تبداری
آچیق مصیبتی ((شانی)) چوخ ایلمه اظهار
اورکده ساخلا گلن، اول سخن نگهداری
کیچیک کرمدی خدایا باغشلاماق سنه بیر
منیم کیمی یوزی قاره بیوک گنهکاری
مرحوم شانی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , شانی
-------------------------------
کاروان حسینی
ما زکوی حق سفر تا کربلا خواهیم کرد
جان خودرا در ره جانان فدا خواهیم کرد
عهد و پیمانیکه ما بستیم از روز ازل
اندر این وادی بعهد خود وفا خواهیم کرد
یا زجانان یا زجان زین دو یکی باید گرفت
جای جانان انتخاب جان را کجا خواهیم کرد
پای عقل ای عاشقان اینجا زرفتار افکند
در طریق عشق او کاری که ما خواهیم کرد
حج را ما عمره سازیم از منا هم بگذریم
کربلارا بهر فربانی منا خواهیم کرد
خون خودرا در زمین کربلا خواهیم ریخت
بهر خون خود خدارا خونبها خواهیم کرد
بر لب شط فرات از خون خود دریا کنیم
واندران دریا بخون خود شنا خواهیم کرد
با تن صد چاک روی خاک و خون خواهیم خفت
خاک گرم کربلا را متکا خواهیم کرد
تشنه لب جان میدهیم و بعد کشتن در رهش
زیر سم اسب تن را توتیا خواهیم کرد
گر سرم گردد جدا ور خواهرم گردد اسیر
کی براه عاشقی چون و چرا خواهیم کرد
از نیستان غمش داریم بردل شور عشق
نینوارا برسرنی پرنواخواهیم کرد
تا غزالان حریمم سرسوی صحرا نهند
آتش از سوز جگر در خیمه ها خواهیم کرد
تا ببیند خواهر من سهر شام و کوفه را
برشتراوراسواراز نینوا خواهیم کرد
مرحوم منصور تهرانی
منبع کانال گنجینه گذشتگان
موضوع: احوالات ورود به کربلا ,
زبان شعر و شاعر: نوحه فارسی , منصور تهرانی
-------------------------------
احوالات ورود کاروان حسینی به کربلا
ای کربلا بو گون سنه شاه جهان گلور
ملک حجازی ترک ایلیوب باغریقان گلور
یتمش ایکی شهیدین آلوبدور الین اله
جان و دلیله ویرماقا جانانه جان گلور
دنیا غمین گوزیندن آتوب شوق و ذوقیله
عالمدن ال چکوبدی شه انس و جان گلور
یالقوز قویوب رسول خدانین مزارینی
گوز یاشینی بو باره ده ایلوب روان گلور
زهرا قیزی یانیندا گلور یدی قارداشی
لیلا یانینجا اکبر تازه جوان گلور
طوی خونچا سی آرایه گلور نعشی قاسیمون
شیرینی ظلمیله اولی تلخ جهان گلور
اصغر آناسی اصغری آغوشینه آلوب
جاندان گیچوبدی اصغر شیرین زبان گلور
بلمور شهید اولماقا لب تشنه اصغرین
الده دوتوبدی حرمله تیر و کمان گلور
زهر جفایه چولقیوب اوچ شعبه لی خدنگ
نازک بوغازین ایلیاجاقدور نشان گلور
عباس علم آلوب اله کلثوم الین دوتوب
مشکین سالوبدی چکنینه شیر ژیان گلور
بیر اوچ یاشیندا خوردا قیزین دوره سین آلوب
عز و جلال و جاهیله یکسر زنان گلور
میندرمیون سکینه نی زرین کجاویه
آخر منیم خیالیمه بیر داستان گلور
فخر ایلمه یازاندا (ثریا) بو سوزلری
تائید غیبی واردی بیله خوش زبان گلور
آلعلی قصاصینی دشمندن آلماقا
بیر ذوالفقار صاحبی صاحب زمان گلور
مرحوم ثریا تبریزی
منبع کانال گنجینه گذشتگان
موضوع: احوالات ورود به کربلا ,
زبان شعر و شاعر: نوحه ترکی , ثریا تبریزی
-------------------------------
ورود به کربلا
باجی بوردا جلوه ایلر حسن یار
ورا بو یرده وعده وصل نگار
بو زمین کربلادور جای عشق
وار بو یرده هر نه وار غوغای عشق
هر کسون باشین دا وار سودای عشق
باش ویروب سوداسین ایلر آشکار
وقت اولوب ظاهر اولا عهد الست
ایستدیم ویرسون فنا بو جانه هست
ساخلاماز جان هر کس اولسا حق پرست
من کیمی جان ویرماق ایلر اختیار
بیزلره همدم اولوب جانانه لر
آیریلور عشاقیدن بیگانه لر
شمع سیز حیران گزر پروانه لر
یاری یاریندن فلک ایلر کنار
چون وورار باجی بلا دریاسی موج
دشمن آرتار دسته دسته فوج فوج
صیر ایله فریادیوه چوخ ویرمه اوج
چون اولار بیتابلوق عشّاقه عار
بوردا لیلا باده محنت ایچر
جانیدن مرجان تک اوغلوندان گیچر
اوز الیله اکبره خلعت بیچر
گوندرر جانانه اولسون جان نثار
هر بلا گلسه واریمدی حوصله
اصغرین قنداقینی آلّام اَله
اوخلیوب مقصوده یتسون حرمله
قوی اودا بو یرده ایتسون بیر شکار
آتش ظلمه وورار دشمن اَتَک
اُلدورللر قاسمی میداندا تک
قان بزر جسمین حنا خونچاسی تک
چون حنا تاپماز الینه قان یاخار
بوردا عباسین یوزی گل تک سولار
باشی اوسته باجیسی زلفین یولار
سویرینه مشکینه القان دولار
او سکینمدن اولار چوخ شرمسار
باش آچار سینمده یاره گل کیمی
اوخ اوخا پیوند اولی سنبل کیمی
سنده باجی شئره گَل بلبل کیمی
صد هزاران ناله ایله چون هزار
اهل کینه ظلمدن دویماز باجی
بیر جفا یرده قالا قویماز باجی
رختیمی دشمن دیمه سویماز باجی
هم سویار هم نعشیم اوسته آت چاپار
وورماسون بوردا قدم اهل مجاز
من گرک بوردا قورام بیر بزم راز
باشیم ایتسون نیزه باشین سرفراز
شامه دین بیرباش آپارسون نیزه دار
واردی عشقیله منیم باشیمده شور
باش وورور بو دشتدن آیات نور
گاه نیزه گه کلیسا گه تنور
هر بلا باشدان منیم باشیمده وار
گاه مطبخده کول اوستونده یاتار
ماسواللّهی بوتون گوزدن آتار
گه بو لعل لب قیزیل قانه باتار
خیزران اوپدوقجا ایلر زخمدار
چکدی (هندی) دلدن آه آتشین
هر نه یازدی دلدن اولدی دلنشین
ایلیوبدور آغلاماخ از بس ایشین
آب چشم اشعارین ایتمیش آبدار
مرحوم هندی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , هندی
-------------------------------
ورود به کربلا
بو دیار کربلادور کعبه ایمان باجی
من گرک بوردا کسم یتمیش ایکی قربان باجی
کربلادور بوردا باجی جلوه‌ی دلدار وار
جستجو وار جذبه وار شوق جمال یار وار
بزم خلوت انس و الفت لذّت دیدار وار
هم بهشت آرزو هم رحمت رحمان باجی
من بو صحراده مکرّر عکس منظر چکمیشم
عکس منظر نامنه تصویر دلبر چکمیشم
آرزوی وصلنی حسرتله ایللر چکمیشم
تاپمیشام جانانیمی آیریلمارام بیر آن باجی
هر بلا بو یرده گلسه باشیمه تاب ایلرم
عاشقانه ترک اهل و قوم و اصحاب ایلرم
بسکه بو دشتی قیزیل قانیله سیراب ایلرم
کربلانی ایلرم پروردهی احسان باجی
سرگذشت کربلا سرّ سرشتیمدور منیم
قانله باشدان یازیلمیش سرونشتیمدور منیم
ایستی قوملار اوستی دیبای بهشتیمدور منیم
فرش عرش عشقدور یا سُندس رضوان باجی
باش باشا قویماق بو یرده تیغ زهرآلودیله
عهد و پیمانیمدی باشدان حضرت معبودیله
سوز ویروب سوز آلمیشام من شاهد مقصودیله
سینسا جان پیمانه‌سی سیندیرمارام پیمان باجی
مرحوم هندی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , هندی
-------------------------------
ورود به کربلا
اینجا بهشت سرخ بدن های بی سر است
اینجا نگارخانه ی گل های پرپر است
اینجا منا و مشعر و بیت الحرام ماست
اینجا حریم قرب شهیدان داور است
اینجاست قتلگاه شهیدان راه حق
اینجا مزار قاسم و عباس و اکبر است
اینجا به جای جامه ی احرام ما به تن
زخم هزار نیزه و شمشیر و خنجر است
اینجا دو طفل زینبم افتد به روی خاک
اینجا به روی سینه ی من قبر اصغر است
اینجا برای پیکر صد چاک عاشقان
گرد و غبار کرب و بلا مشک و عنبر است
اینجا چو آفتاب سرم بر فراز نی
بر کودکان در به درم سایه گستر است
اینجا تنم به زیر سم اسب، توتیا
اینجا سرم به دامن شمر ستمگر است
اینجا به جای جای گلوی بریده ام
گلبوسه های زینب و زهرای اطهر است
اینجا به یاد العطش کودکان من
هر صبح و شام دیده ی میثم، زخون تر است
حاج غلامرضا سازگار (میثم)
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه فارسی , غلامرضا سازگار
-------------------------------
ورود به کربلا
پرسید از قبیله که این سرزمین کجاست؟
این سرزمین غم زده در چشمم آشناست
این خاک بوی تشنگی و گریه می دهد
گفتند «غاضریّه»و گفتند «نینوا» است
دستی کشید بر سر و بر یال ذوالجناح
آهسته زیر لب به خودش گفت «کربلا» ست
طوفان وزید از وسط دشت ناگهان
افتاد پرده دید سرش روی نیزه ها ست
یحیای اهل بیت در آن روشنای خون
بر روی نیزه دید سر از پیکرش جدا ست
طوفان وزید قافله را برد با خودش
شمشیر بود و خنجر و دید در منا ست
باران تیر بود که می آمد از کمان
بر دوش باد دید که پیراهنش رها ست
افتاد پرده دید به تارج آمده ست
مردی که فکر غارت انگشتر و عبا ست
بر گشت اسب از لب گودال قتلگاه
افتاد پرده دید که در آسمان عزاست
مریم سقلاطونی
موضوع: احوالات ورود به کربلا ,
زبان شعر و شاعر: نوحه فارسی , مریم سقلاطونی
-------------------------------
ورود به کربلا
یتوشدی کرب و بلایه امام کون و مکان
گوروب دایاندی او دم ذوالجناح شاه جهان
قدم قدمندن او حیوان گوتورموری اصلا
یغیشدی بیر یره باخدی امامه همراهان
حسین سالدی چوله کیمیا نظر گوزونی
بویوردی بو یرون آدی ندی؟ ائدوبله بیان
بیر آدی «شطّ فرات» آیری آدی وار سوروشوب؟
بیر آدی سویلدیلر «نینوا» اولوب عنوان
گینه سؤال ائلدی یادگار پیغمبر
دییوبله «کرب و بلا» اصل آدیدور الان
اثر قویوبدی او آد شهریار عالمده
سارالدی رنگی اولوب گوزلری او دم گریان
بویوردی مقصده چاتدوم هایاندادی عبّاس؟
گلوبدی محضرینه سر سپاه شاه او زمان
ادبله عرض ائلدی حاضرم رکابونده
نه امر ائدورسن اطاعت واریم سنه قربان
چادرلاری بویوروب وور بو دشتیده عبّاس
اوامروز دئدی مولا مُطاعیدور الان
اوجا یره اوجا بوی قارداشیم چادر ورما
که گورمسون اوجا بوی زینبون قدون عدوان
بو یرده نایره ی جنگ شعله ور اولاجاق
همیشه قالمالیام بوردا جمله ی اعوان
گوروبدی زینب کبری حسینون احوالین
گلوبدی محضر سلطانه دختر سلطان
خزان وران گله اوخشور جمالین عرض ائلدی
بو یر نه یردی عجب ایلدون بو چولده مکان؟
عقیله العربه رازین ایلدی ابراز
دئدی بو چولده اولار قانینه حسین غلطان
وجوده عدمندن گلن زمان دنیا
واریدی صحبت جانسوز روز عاشورا
او قدر قالمادی اولسون عیان همان مبهم
بو چولده من ورارام حشر اولونجا قانلی علم
باجی بورا دولودی کربیلن بلائیلن
گزنده یر یوزونی بوردا آغلادی آدم
بو چولده کشتی نوحه دوشوبدی بیر طوفان
اولوبدی مضطرب احوال عالم و اَعلم
او قدر قالمادی دریاده غرق اولا کشتی
خدایه یالواروب اول شیخ انبیای قِدم
بو نه بلائیدی عرض ایلدی خدای غفور؟
یتوشدی محضرینه جبرئیل خوش مقدم
او پیک ذات خدا نوحه باشلادی نوحه
منه توسّل ائدوب باجی بر طرف اولوبدی اَلم
آنام بتوله دئیردیم سوسوزلوقومی
انا الغریب ، انا العطشان دئینده آغلیوبدی ننم
آلوب قوجاقه اوپردی بوغازیمی جدّیم
سالاردی یادینه بو گونلری بابام خاتم
او قدر قالمادی جان وئرمگیمی سن گورسن
کمک لریم گئدر الدن اوزوم غریب ئولّم
حاج غلامرضا عینی فرد زنجانی
موضوع: احوالات ورود به کربلا ,
زبان شعر و شاعر: نوحه ترکی
-------------------------------
ورود به کربلا و
گریز به حضرت علی اصغر (علیه السلام)
عشقیده قدرته باخ عارفی عاشق ایلیور
عارف و عاقلی عشقون الی لایق ایلیور
علمینه عامل اولور سالم و صادق ایلیور
آچیلور قلب گوزی چاهی گورور راهی گورور
هارا سالسا نظرین گوزلری آللهی گورور
عشقون اکسیری دگور هر اورگه طاهر اولور
یوخ زوالی گه اورکلرده دی گه ظاهر اولور
عشق نیرو ویرور عاشق ایله بیر ماهر اولور
بیر باخشیدا گورسن دیللری تسخیر ایلیور
نیزه نی منبر ایدور حق سوزی منبرده دیور
عشق اوزاق یوللاری عاشق گوزینه کوته ایدور
عشق ، جُونیله حسینی گتورور همره ایدور
عشقدور خولی ایوین خلقه زیارتگه ایدور
عشقون اعجازینون اثباتینه بو بسدی بیزه
قانلی باش ساکن اولان ایوده مقدسدی بیزه
عشق گه نار اولی گه خار اولی گه غنچه و گل
عشق اگر عاشقی یاندرماسا هیچ عشق دگل
عشق اودور سینۀ عاشقده آچا قرمزی گل
عشق او دور عاشق اونا عامل اولاندا قوجالا
ظاهراً دوشسه ایاق آلتنا عرشه اوجالا
عشق اودور روح کیمی قلب و رگ وجسمه دولا
عشق اودور عاشقی محنتلی اولا رنگی سولا
عشق اودور عاشقی بیر گون بشره کعبه اولا
کعبه نی ترک ایلیوب کعبه دیگر یارادا
وصل اولا یاره داخی قالمیا مانع آرادا
من بیر عاشق تانورام بو سوزی اثبات ایلدی
ترک آسایش ایدوب قصد بلیات ایلدی
کعبه نی یوخ اوزینه بیر چولی میقات ایلدی
تپراقی محضر جاناندا ز بس طاهریدی
کعبه دنده قباق عرش اهلی اورا زایریدی
کعبه دن من دئین عاشق غرض ایتدی حرکت
کربلا دشتینه تقدیر اولارا ویـردی جهت
دشت گمنامه چاتوب ویردی او دشته عظمت
ایلدی عرش فضیلتده مهِ ارض حلول
پر آچوب فوج ملک ایتدی او صحرایه نزول
دایانوب باخدی حسین دقتیلن صاق صولینا
تلینه عرصه سینه نهر فراتین یولونا
ویردی دستور او موقفده توقف اولونا
آل حیدر او بیابانیده خرگه قورالار
ناقه لر اوستن آی اولدوز کیمی اندی بالالار
آشنا گلدی بلا دشتی امامین گوزینه
فکری گیتدی باباسی خاتم مرسل سوزینه
بعضی سوزلرکه بویورمشدی حسینون ئوزینه
سابقاً آگهیدی بادۀ معنا دادینا
دوشدی پیغمبر اکرم بویوران سوز یادینا
گوردیلر غملی باخورگه سویا گه گوگده گونه
اللی بش ئیل ایله بیل منتظریمش بو گونه
بیلدیلر بو سفرین رشته سی دوشدی دوگونه
کربلا تپراقینا داشلارینا دقّت ایدور
نخلزاره سویا دقت ایلیور فکره گیدور
زینبون قلبینه باخدوقجا بلا رعدی شاخور
او مناظر که گورور قارداشی زینبده باخور
حضرتین صورتینه گوزلرینون یاشی آخور
بارش رحمتی آغلار گوزی احسان ایلیور
بالالاردان ولی گوز یاشینی پنهان ایلیور
پهنۀ دشته باخور صحبت ایدور ئوز ئوزینه
یرده بیر خار مغیلان ساتاشانـدا گوزینه
تز باخور محملین اوستنده رقیه یوزینه
آغلیان گوزلری گویا بالاسیلان دانشور
بی خبـردی بالا امّا آتا قلبی آلیشور
دوندی عباسه دئدی عمده نشان وار یرده
گزدیگیم یر بورادی سّر نهان وار یرده
اندیرنده بالامی گوزله تیکان وار یرده
گوزله قارداش بو گل نازیمی قویما سولسون
هله تزدی هدف خار مغیلان اولسون
بیر مناسب یری تعیین ایله قور خیمه لری
خیمه لرده بالالار دینجله امکان قدری
راحت ایله یورولان قیزلاریمی صود امری
داشلانور نهر فراتین سویی قارداش چوخدی
سو گتورمک هله آزادیدی مانع یوخدی
نظره بیر یری آل نهره یولون آز قالانی
او یریکه دیورم شرطی بودی یاخچی تانی
اولماسون خیمه لرون دوره سینون داش تیکانی
لازم اولسا بالالار قوش کیمی شهپر آچالار
اللری باشدا قاچان وقتیده راحت قاچالار
چک خیامین یرینی بو اجا تلین دالینا
اورا بهتردی یقین اهل خیامین حالینا
اوچوخور یرده گرک عشق خیامی سالینا
احتمالاً بورا آینده ده میدان اولسون
نگرانم حرمین اهلی هراسان اولسون
رعب و وحشت بو بیابانیده شاید سالالار
بیزدن آزادی امکانی بو لشکر آلالار
بعضی پیش آمداولا سس اوجالا ال چالالار
قیزلاریم رشتـۀ درد و محنی هـورمیه لر
باش کسن اولسا اگر باش کسنی گورمیه لر
بوردا شاید صود امر قنداقی قانیله دولا
حادثه دوشسه گوز اوخلانسا قلج دگسه قولا
عرصه گورسنمیه بو تّل آرادا مانع اولا
باخسالاردا نگران علقمه نون یوللارینا
دوشمیه گوزلری قولدان کچه نون قوللارینا
گرک اطفالی بشر قورخولی یردن قوریا
هاردا وحشت وار اوشاق یاخمیا هرگز اوریا
قورخوب آغلاشمالاری قوی هله قالسون صوریا
گورسه لر لشگری ممکندی ملاله باتالار
نچه گون قوی بو بیابانیده راحت یاتالار
بالالار خسته دیلر ایله بیر آزجا عجله
اکبری قاسمی یوللا سو گتورسونله اله
بعضی سولزلرکه دئدیم بیرکسه فاش ایتمه هله
گوزلریم قارداش او قاره گوزه اولسون قربان
بلسه لر مطلبی قیزلاریم اولالار نگران
قویدی ال گوزلره عباس بدیع السیما
امر مولاسینی تز باشلادی ایتسون اجرا
ایلدی خیمه لری تّل دالندا برپا
خیمه لر مأمن اولوب عترت خیرالبشره
سو مهّیا اولوب اوّل ویریلوب صودامره
آلوب آغوشه رباب اصغری سیراب اولونا
صودامنده بالانی تکیه ایدوب ئوز قولونا
صورا سالدی بشیگه قویدی نسیمین یولونا
تا نسیمین یلی یورقون گُله احسان اولسون
یاتسون اولدوز ، اونا آی گویده نگهبان اولسون
او گجه کوفه لیلر سو یولونی باغلامادی
سو ایچن ایچدی ، یاتان یاتدی اورک داغلامادی
صودامر صود اموب آسوده یاتوب آغلامادی
کوسممشدی هله سو ، بخت ربابه یاریدی
او گجه هم سو مهیائیدی هم صود واریدی
نهریدن بو گجه ایستوردی سو صحرایه آشا
نچه گون کچدی او چولده ولی سو چیخدی داشا
خوش گونی چاتدی ربابین داخی دنیاده باشا
بالانون آغلاماقی قویمادی قالسون اونا تاب
گوز قباقینده چالشدی بالاسی باخدی رباب
آناسیلان سوزولن گوزلـه دانشدی بالاسی
ماهی تک اللری اوستنده چالشدی بالاسی
تشنه لیک بیر اود اولوب یاندی آلشدی بالاسی
بالیا باخدی آنا اذن ویروب گوز یاشنا
بالاسی الده دولاندی قوری مشگین باشنا
مشگ چشمین سوئی داشلاندی قوری مشک اوسته
هم بالا هم آنا اولدی سو غمیندن خسته
مشگین اوسته بالانون قویدی یوزین آهسته
یعنی باخ گور ننوون آخرینه دلخوشدی علی
سینمون مشکی کیمی مشک ئوزیده بوشدی علی
غلامرضا هادی اردبیلی
موضوع: احوالات ورود به کربلا ,
زبان شعر و شاعر: نوحه ترکی , هادی اردبیلی
-------------------------------
ورود به کربلا
ای بلا چولی نچه دلربا گتورمیشم
کیمیا گرم سنه، کیمیا گتورمیشم
یرلر ایچره شکر ایله حیّ ذولاکراموه
هیچ یر احترامیده چاتماز احتراموه
مکّه غبطه ایلیر رتبه وه مقاموه
موکبیمده کوکب و مه لقا گتورمیشم
منفعت دوز عاشقه آری دوز هدفده دی
گتمیشم نگاریمون میلی هر طرفده دی
صادق عاشقم منیم عزّتیم شرفده دی
جانیمی شرافتیم حفظ اولا گتورمیشم
دستمازینی آلار بندگان پاکباز
تپراقا دوشر بولار عارفانه جانماز
کعبیه طرف دونر لشگریم قیلار نماز
عاشقان مؤمن و پارسا گتورمیشم
سنده بیر گون اکبرین گل وجودی اوخلانار
پیکر مقدسی خنجریله دوغرانار
اهل بیت عصمتین دلده دردی چوخلانار
بوکمگه جنازه سین بیر عبا گتورمیشم
سنده یاره لر دگر قارداشیم بالاسینا
آغلارام قویاندا یوز قاسمون یاراسینا
قدسیان گلوب باخارالده قان حناسینا
نوجوان لایق و جانفذا گتورمیشم
سنده ابر کینه دن گلشنه یاغار دولی
نهر علقمه دوشر صاحب علم یولی
خنجر اندیرر قوشون تپراقا دوشر قولی
کاروانیده بیله باوفا گتورمیشم
سنده حلقی اوخلانار طفل شیر خواریمون
قاز مزارینی گلر تز نداسی یاریمون
تابع اولّام امرینه با صفا نگاریمون
قوش کیمی قناد چالا بوبالا گتورمیشم
معزی اردبیلی
موضوع: احوالات ورود به کربلا ,
زبان شعر و شاعر: نوحه ترکی , معزی اردبیلی
-------------------------------
ورود به کربلا
قافلم یتیشدی کربلایه زینب
حاضر اول بو یرده هر بلایه زینب
گللرون سولان یردی- زلفیوی یولان یردی
بو بلالی صحرا- بو بلالی صحرا
من شهید عشقم مدفنیم بو یردی
سرور حجازم مسکنیم بو یردی
عندلیب عشقم گلشنیم بو یردی
باصفا گلستاندور- خوش هوا بیاباندور
بو بلالی صحرا- بو بلالی صحرا
من خلیل عشقم گلمیشم منایه
صابرم بلایه راضیم قضایه
غبطه وار مناده دشت کربلایه
کعبه دن مجلّلدی- شاه عشقه مقتلدی
بو بلالی صحرا- بو بلالی صحرا
کشف اولار بو یرده دلده کی مرامیم
دشتگاه ظلمی محو ایدر مقامیم
آخِرین مسیریم بهتریم مقامیم
بو دیار پرغمدور- رتبه ده معظّمدور
بو بلالی صحرا- بو بلالی صحرا
تیز قالار بو چولده قارداشون اوغولسوز
اشقیا قویالّار بو غریبی یالقوز
قلبیمه وورولّار بیر خدنگ دلسوز
خاک خونیله هردم- یاره مه قویار مرهم
بو بلالی صحرا- بو بلالی صحرا
ای آنام بتوله باوفا صبیّه
شان و منزلتده مریم سویّه
سندن اوتریدور بو تلّ زینبیّه
ظهر روز عاشورا- قانیله اولار دریا
بو بلالی صحرا- بو بلالی صحرا
گوگلومه بو یرده غم گلور غم اوسته
دوغرانار ابوالفضل نهر علقم اوسته
زلفیوی توکرسن اوخلی سینم اوسته
تیترر آه و زاروندن- آه شعله باروندن
بو بلالی صحرا- بو بلالی صحرا
اکبریم ویرر جان زینبا بو یرده
اصغریم ایچر قان برملا بو یرده
باشیمی کسه لّر اشقیا بو یرده
جای امتحانیمدور- آخِرین مکانیمدور
بو بلالی صحرا- بو بلالی صحرا
جان کیمی بو صحرا جانیمی قوجاقلار
شان و منزلتده کعبه نی قاباقلار
پاره پاره جسمی سینه سینده ساخلار
اکبریم ایاقیمده- اصغریم قوجاقیمده
بو بلالی صحرا- بو بلالی صحرا
ایمدیدن سرشکون باغلاما عذاره
اسمیوب سموم غم بو لاله زاره
اُلمیوب حسینون گلمه آه و زاره
اوندا آغلا اول غمگین- قانیله اولار رنگین
بو بلالی صحرا- بو بلالی صحرا
قارداشون قالاندا شمر الینده آغلا
تشنه جان ویرنده آغلا سینه داغلا
ویرسه شمر مهلت گوزلریمی باغلا
حالیمه یانور گویلر- لرزیه دوشوب تیترر
بو بلالی صحرا- بو بلالی صحرا
شیعه لر اولولّار بو یره مسافر
شهلر ایستور اولسون قبریمه مجاور
اولسا گر «کریمی» من غریبه زائر
عرض ایدر نه غوغادور- گور نه محنت افزادور
بو بلالی صحرا- بو بلالی صحرا
استاد کریمی مراغه ای
موضوع: احوالات ورود به کربلا ,
زبان شعر و شاعر: نوحه ترکی , کریمی مراغه ای
-------------------------------
ورود به کربلا
راوی دیر که حاضریدیم من او گونکی گون
کوی بلاده قافله ی عشق آچاردی بار
یعنی عراقی مسکن ایدنده شه حجاز
گوردوم عزیز فاطمه نون نه جلالی وار
دوردی قطارلر دایانوب هودج هودجه
تا امر ایدوب نزوله شهنشاه تاجدار
منده او طمطراقه باخاردیم کناریدن
گوردوم بیر هودج اورتوگی زردوز و زرنگار
ردّ اولدی پرده خارج ایدوب نازنین باشین
بیر بانوی مجللّه بیر معدن وقار
قصد نزول ایدنده او خاتون محترم
فوراً دیزین خم ایلدی عبّاس نامدار
شهزاده اکبر عزّتیله صاق قولون دوتوب
صولدان حسن نشانه سی قاسم غلام وار
هودجدن اندیروب یره اول سرو قامتی
اطرافین آلدی نچّه جوان گلعذار
تا دوشمه سین اوق قامته نامحرمین گوزی
شمشاد قدّلر چکوب اطرافینه حصار
ایتدیم سوال کیمدی بو خاتون محترم
ایله لّه خدمتیله بنی هاشم افتخار
آندیردی بیر نفر منه ایما و رمزیله
زینبدی بو زمانه ده زهرایه یادگار
یاده سالوب او گوردوقوم اجلال و شوکتی
ایلردیم حیرتیله اونون حالینه نظار
مبهوتیدیم گوروم که همان شان صاحبین
کیم لر بو گون سوار ایدر ای ربّ کردگار
باخدیم او دمده بیر نچه بی رحم ساربان
مامور اولوندی تا اسرانی ایده سوار
ایستردیلر که میندیره لر هر اسیره نی
فریاد ایده ایده الی باشدا ایدوب فرار
سویلردیلر اماندی گلون بیزدن ال چکون
بسدور که ایلدوز بو قدر ظلم بی شمار
ا... رضاسینه بیزی شامه آپارمیون
ویرسز اگر وطن بیزه چوخ خوشدی بو دیار
جمع ایتدیلر قاچانلاری قمچی وورا وورا
اِرکَبن امری جمعه گینه ویردی انتشار
سسلندی شمر قافله نی لنگه وورمیون
گون باتدی تیز مینون که اولاخ شامه رهسپار
زینب جواب ویردی که ای ظالم امر ویر
نامحرمان کوفه چکیلسون هامی کنار
هرگز حریم عفّت و عصمت حریم لرین
ممکن دگل سوار ایده اغیار بدشعار
اولماز حرم غزاله لری اشقیایه رام
نخجیر هر زمانیده صیّاددن قاچار
نازین بو نازنین لریمون چکمه سم اوزوم
مینمزله بو جهت بولاری ساربان وورار
شمرین اشاره سیله کنار اولدی کوفیان
قالموب اسیرلر آراسندا بیر حمله دار
چوخ اضطراب و وحشت و هولیله میندیروب
هم نازنین اوشاقلاری هم بیر بیرین کبار
تیترردی ناقه لرده خزان برگی تک تمام
اطفال شور و شیونه گلمیشدی چون هزار
بعضی دیردی عمّه یریم راحت اولمادی
یولّانسا ناقه من اوتورا بولمرم یخار
بعضی دیردی من هارا عریان دوه هارا
اولدوم عجب زمانه ده ذلّتلره دچار
یکسر مینن لرین گویه قالخاردی ناله سی
باشه ووروب تمامیسی ایلردی آه و زار
بیر زینب اولدی یرده قالان بیر غریب امام
صاق و صولا باخاردیلا حیرتله دلفگار
بیمار سویلدی غم و محنت طبیبینه
گل عمّه میندیریم سنی من اولما اشکبار
بوکدی دیزین قویاندا ایاق زینب حزین
طاقت گتورمدی که واریدی چوخ انکسار
قارداش بالاسی عمّه یخلدی هر ایکّیسی
شمر شریر غیظه گلوب الده بیر تتار
باخموب اِناث طایفه سین یا که ناخوشی
وورمازلا شرم ایتمدی منظور او نابکار
ایش یتدی بیر مقامه که بیمار ضعف ایدوب
باشین دیز اوسته زینب آلوب لیک شرمسار
ایستوب او زاری حاله گتورسون سو تاپمادی
سپسون یوزینه اشک ترین ایلدی نثار
آچدی گوزون دوزوب بیبی سین ایلسون سوار
امکانی اولمادی ولی میندیردی اضطرار
آخِر امام عصریده میندیردی ساربان
امّا اولانمادی دوه اوستونده برقرار
قطب مدار عالم اولوب واژگون یره
توپراقلار اوسته دوشدی دوتوب صورتین غبار
سعد اوغلونا یتوردوله ای میر قافله
بالای ناقه ده اوتورانمور علیل زار
بیر ظلمه باخ دیموب یرینی راحت ایلیون
اولسون مریض ناقه سی لازمدی راهوار
باخموب علاوه بسدور اونا غلّ جامعه
زنجیر آغور، وجود اوزی خسته، بدن نزار
امر ایتدی دورمیون گیدون ایمدی طنابیله
باغلون ایاقلارین دوه قارنیندا استوار
خسته بدن، یولون زحماتی، اوزی اسیر
زنجیر و کونده ویردی خصوصاً اونا فشار
بولمم نه چکدی شامه کیمی بو فشاریله
قرخ منزله گجه گونوزی ایتدیلر گذار
مرحوم ذهنی زاده
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , ذهنی زاده
-------------------------------
ورود به کربلا
بۇرا نینوادی زینب، بۇ مکان نواسیز اوْلماز
آدی کربلا اوْلان یئر، بیلیرم بلاسیز اوْلماز
بۇ زمین پاکه قانیم وئرر آیری بیر اثرلر
سوْرا قانلی تُربَتیمدن گۆلِ آرزو دَرَرلر
اؤپوب اَل به اَل جاهاندا، اوْنۇ تُحفه گؤندررلر
اوْلا هر مریضه قیسمت، مرضی شفاسیز اوْلماز
من اؤزوم خلیل عشقم، بۇرادۇر مِنای عشقیم
اوْ فرات، زَمزَمیمدیر، بۇ مکان صفای عشقیم
بۇ گول اۆزلو اکبر اوْغلۇم، اوْلاجاق فدای عشقیم
کی خلیل اوْلان میناسیز، بۇ مینا فداسیز اوْلماز
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: احوالات ورود به کربلا ,
زبان شعر و شاعر: نوحه ترکی , منزوی اردبیلی
-------------------------------
ورود به کربلا
منای کرب و بلایه یتوب چون آل الله
او یرده نازل اولوب وارث خلیل الله
حرم امیری خضوعیله باغلیوب احرام
ایدوبدی سعی صفایه یتوب صفات الله
آلوب او‌دشتده چون عطر وصل جانانی
خطاب قیلدی نزول ایلسون او یرده سپاه
کجاوه لردن اولوبلار پیاده آل رسول
ایدوبله نصب چوخور یرده خیمه و خرگاه
گلُوب حضور امامه جناب زینب اوُ دم
توکوبدی گوز یاشی زمزم کیمی چکوب بیر آه
ادبله عرض ایلدی ای امام کونُ مکان
فدا اولوم سنه ایتمه بو دشتی منزلگاه
اُلوم توزی گورورم اگلشوبدی گل یوزیوه
ایدوم سنون بو سولان رنگیوه نه نوع نگاه
بو‌منزله یتیشندن دولوب بو گوگلومه غم
نه غمدی بو منی بو غمدن ایت گلن آگاه
بویوردی سرور دین صبرایله آنام باجی
بو سرزمیندی آل خلیله قربانگاه
بو یر او یردی که‌جدیم منه ویروبدی خبر
بو یرده جلوه ایدر جلوهٔ جمال الٰه
اولالا محو جوانان هاشمی یکسر
ایچله جام شهادت اَله گلور دلخواه
یاتار علم داغلور لشگریم جوانلار اُلَر
آخارجوانلاریمون قانی فی سبیل الله
ایدلله قاسم و عباس و اکبریمی شهیاو
وقته جانیمی من ایلرم فنا فی الله
یخالا قتلگه ایچره من غریبی وحید
کَسَلَه باشیمی لب تشنه زمره گمراه
قویالا غارته یوز خیمه گاهه فوج به فوج
آچالا غارت الین فوج تودهٔ بدخواه
بو خیمه لر تالانور اودلانور سرا پرده
قاچالا چوللره اطفال آختارلا پناه
بوراخما دامن صبرون او وقت آنام باجی
یتیمه قزلاریما اول گلِن او دمده پناه
امامدن ایشدوب بو کلامی زینب زار
توکوب عذاره سرشگین چکوبدی دلدن آه
امام ساکت ایدوب زینبی بویوردی باجی
اوکه گرکدی اولا اولمیوب هنوز گواه
وجود اکبر و عباس و قاسمیمدی سنه
آلوبلا دوریوی چون انجم و ستاره و ماه
هنوز اوخلامیوبلر علی اصغریمی
هنوز گیمه میسن اگنوه لباس سیاه
هنوز خیمه لریم یانمیوب یانا اورگون
هنوز واردی جلالون تالانمیوب خرگاه
حسینه آغلیانین گوزلرینی آغلاتما
سیاه رو ایلمه روز حشر یا الله
موضوع: احوالات ورود به کربلا ,
زبان شعر و شاعر: نوحه ترکی , لاادری
-------------------------------
ورود به کربلا
بو یردور مدفنیم قارداش خبر وئر کاروان دوشسون
آچیلسون هودج زینب دایانسون کاروان دوشسون
بو چولده ساخلیون قارداش قطار آل طاهانی
منه تعیین ائدوبله لطف حقدن بو بیابانی
اوزون محملدن اندیر زینب و کلثوم نالانی
بو خاک کربلایه مهر و ماه آسمان دوشسون
گوتورمه گوز خبردار اول سراسر آل حیدردن
باجیم کلثوم و زینبدن برادر جان حرم لردن
گوتورمز ذوالجناحیم بیر قدم بو غم فزا یردن
منازل طی ائدوب یتدوم مرامه رهروان دوشسون
هوای کربلادن قان اولان گویلوم گلوب درده
گوزوم توکسون سرشکین دمبدم بو عارض زرده
گئدوب قوردور سراپرده برادر بیر چوخور یرده
سُرادقلر قورولسون زینب بی خانمان دوشسون
بو صحراده باتار قانه سر زلف علی اکبر
دگر گُل جسمینه تیر سنان و نیزه و خنجر
یقین دیوانه مجنون تک اولور لیلای غم پرور
گرک دور آردیجا صحرالره اول ناتوان دوشسون
بو چولده فرقۀ کافر فراتین یولّارین باغلار
تاپولماز بیر ایچیم سو آل طاها سو دئیوب آغلار
عیالیم تشنه قالسون بوندا وار قارداش رضای یار
عطشدن دلدن آخر اصغر شیرین زبان دوشسون
مرحوم خازن
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , خازن
-------------------------------
ورود به کربلا
قالو بلاده قسمت اولاندا بلا منه
من کربلایه عاشقیدیم کربلا منه
بو کربلا مقدمه سین ای آنام باجی
اول خبر ویروبدی رسول خدا منه
اولام شهید من سنی ایلله دستگیر
محمل سنه مقام اولی حامل جدا منه
باشیم جداده سیر ایده جاق هر ولایتی
باشیم گورنده آغلیا اهل ولا منه
گیتسون مدینیه خبر ایت آل هاشیمه
گلسون عزایه دوست سنه آشنا منه
زهرا آناما گیت خبر ایت قویمادوم قصور
تاب ایلدیم هجوم ایلیوب هر بلا منه
گاهی سریر نیزه ده شامه گیدر باشیم
گه شامیده سریر اولی طشت طلا منه
من باخمارام باخاندا جگر چاک چاک اولور
هردم باخاندا اکبر گلگون قبا منه
ممکن مناده اولمادی قربانی کسماقا
یتمش فدائیله بو چول اولدی منا منه
الله یولوندا تشنه الم سهلیدور منه
محشر گونی شفاعت اولار خونبها منه
سن آغلاما منیم چوخ اولور آغلیانلاریم
دائم ائدله واقف و بیخود نوامنه
واقف سرابی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , واقف سرابی
-------------------------------
ورود به کربلا
اردوی همایون شهنشاه مدینه
غم دشتینه گلدی غمه باشلاندی زمینه
سرلشکرینی محضره احضار ایلیوب شاه
امر ایتدی چوخور یرده وورون خیمه و خرگاه
فرمانده نیروی شه مُلک امامت
فوراً ایلدی امر ملوکانیه طاعت
پخش ایتدی او جمعیّته بو حکمی او ساعت
یکسر دایانوب دوردی گلن جمله سراپا
فرمانِ مُطاع شه کونین اولوب اجرا
اوّل قورولوب پادشهین خیمه سراسی
نصب اولدی اونون قبّه سی اوستونده لواسی
بیربیر دوشنوب خیمیه شاهانه اساسی
غبطه یری وار ایتسه بو اجلاله سلیمان
هاردِیدی سلیماندا بیله عزّت شایان
اقدام اولونوب خیمه و خرگاه دوشنسون
یاتسون دوه لر، اهل حرم ناقه دن انسون
شاهانه اساسیله بلا دشتی بزنسون
فتیان بنی هاشم ایدوب جمله اراده
بیربیر حرم عصمتی ایتسونله پیاده
بیربیرلرینه سبقت ایدوب شیر ژیانلار
جان نقدینی بازار محبّتده ساتانلار
مین مهر و محبّتله او مه پاره جوانلار
سویلردیله هر تک تکی بیر طفله مکرّر
آغوشیمه گل ای صدف عصمته گوهر
بیر یاندا دوشوب لشکر سلطان سلاطین
نصب اولدی اویان سمتیده خرگاه خواتین
شهزاده لر اندوردی شهین خوردا بناتین
هر تازه جوانین بالا بیر قیز قوجاقیندا
بلبل دیه سن بس اوتوروب گل بوداقیندا
ویر بیرجه امان ای یوزیمه گوزدن آخان یاش
قوی باری ایدوم دلده کی گیزلین سوزیمی فاش
اندیردی اوغولّار آنانی، باجینی قارداش
امّا نجه اندیردیله یوخ شرحینه قدرت
بیر گوز گوره هیهات ایله شوکت ایله عزّت
تا اینکه چادرلار قورولوب اولدی مرتّب
وقت اولدی که اجلال نزول ایلیه زینب
محملدن انن دمده او بانوی مودّب
سرعتله گلوب محضره سرداری حسینون
خم ایلدی زانوسین علمداری حسینون
جمع اولدی جوانلار خانمین دوره سین آلدی
بیکسلرین او چولده آرایه کسین آلدی
زهرا قیزی تا آل علینون سسین آلدی
دولدوری گوزین شوق و شعفدن او دل آگاه
سسلندی سیزی زینبه چوخ گورمسون الله
صاقدان قولون اوّلده دوتوب شبه پیمبر
قاسمده دوتوب صول قولون آهسته موقّر
حائل اولوب اکرامیله عبّاس دلاور
اندیردیله نازیله او بانوی حجازی
رشک ایتدی فلک گوردی بو اعزازیله نازی
غملندی قویاندا ایاقین دشت بلایه
اشکی خانمون آخدی، گلوب شور و نوایه
گویا بیله عرض ایلدی شاه شهدایه
نه یردی بو یر گتدی منی درده حسینیم
گل وورما بو صحراده سراپرده حسینیم
قارداش بو یرین آب و هواسینده بلا وار
نه قلب آچیلور بوردا، گولور یوز، نه صفا وار
قلبیم دویونور یوخسا باشیمدا نه قضا وار
بو سرّیده وار گوگلومون آرامین آلوبدی
زینب سنه قربان نیه رنگون سارالوبدی
بیرده دیدی چوخ گورموشم ای سبط پیمبر
دعوایه گیدنده آتامیز ساقی کوثر
خرگاهین ایدردی اوجا یرلرده مقرّر
علّت ندی سن ایتدوز اونون عکسینه رفتار
امر ایتدون اولا نصب چوخور یرده چادرلار
افسرده گورنده باجیسین شاه شهیدان
رافتله دیدی آغلاما گوزیاشیوه قربان
منله آتامین فرقی وار ای غمکش دوران
چون دشمنه دعواده آتام غالب اولاردی
قورسون اوجادا خیمه اودی طالب اولاردی
تشریح ایلیوم من نه دلیله جریانی
مغلوب ایده جاق لشکریمی دشمن جانی
صحرایه حسینین آخاجاق سو کیمی قانی
دنیا بویی دینه ویره جاق رونق لایق
جدّیم گتورن شرعه اولار آهنین عایق
بو یر دولانوب روضه ی رضوان اولاجاقدی
هر گوشه سی مین رشک گلستان اولاجاقدی
توپراقی هامی دردلره درمان اولاجاقدی
عاجزلسه هر دردین علاجینده اطبّا
بیر ذرّه سی ایلر مین ایله درده مداوا
معبودیمه بوردا ایدرم تشنه ملاقات
حیرتده قالار صبریمه سکّان سماوات
کعبه یرینه بو یر ایدر فخر و مباهات
بو یردی نه چون ظلمیله ثارالله آخان یر
ثاراللهی زهرا آغاران زلفه یاخان یر
یتمیش ایکی قربانه منادور بو بیابان
هر تک تکی دین اوسته ویرر جان باجی عطشان
قربانلاریم ایچره ولی وار بیر قوزی قربان
چون سوز عطشدن یاناجاق لبلری زینب
آغلار قویاجاق عالمی نسگل لری زینب
صبح اولماسا بو ظلمه حقیقت علن اولماز
نخل ستم و جهل و جفا ریشه کن اولماز
گر سنده اسیر اولماسان الله دین اولماز
ویر ال اله منله ای آنام نور دوعینی
تا قوزیاق عالمده باجی پرچم دینی
پایانه یتر شامیده چون امر اسارت
قارداشسیز اوغولسوز ایده سن یثربه رجعت
من گیتمرم امّا وطن اولماز منه قسمت
گورسن دولانان یرلریمی بیرده وطنده
وورما یوزه سیلی یریمی خالی گورنده
ختم ایله «شعاع» طائر فکرون گینه آزدی
آغلاتدی قلم بسکه اسارت سوزی یازدی
آغلا دیمورم آغلاما بو غم مگر آزدی
بیر عمریدی اودلور اورگون آتش حسرت
چاتدی باشا عمر، اولمادی قبری سنه قسمت
مرحوم شعاع
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , شعاع
-------------------------------
ورود به کربلا
ترقّی عالمینده کربلا شاهی قدم ووردی
یزیدین صفحه ی تاریخینه نقش عدم ووردی
یگانه منجی اسلام افکاری ایده تبدیل
قوروب کرب و بلاده بیر مقدّس فکریله تشکیل
او تشکیل آل سفیانین ایدوب کابینه سین تعطیل
اوز استقلالینه شمشیریله خونین قلم ووردی
حقیقت مسلکین تطبیق ایدن راه مجازیله
تاپوب روح تدیّن عزّتین شاه حجازیله
فداکار شریعت دست خطّ امتیازیله
دیریلدوب اوز آدین هر مملکتده بیر علم ووردی
حسین بن علی گوردی نظام دین اولور درهم
تمرّددن یتن زخمه بلوب لازمدی بیر مرهم
مبادا جدّینون قانونینی اشرار ایده برهم
او گون بیر خیمه ی اجرا شه گردون خیم ووردی
امورات سیاستده ویره تشکیلینه رونق
ابوالفضله دیدی وور شهر بند عشقیده بیرق
سلاطینه جراید نشر اولونسون کیم ئولوب ناحق
نه اوستونده ئولوب، کیم حقّه حرف کیف و کم ووردی
ایله فکر سیاسی ایشلدوب سلطان مظلومان
که ذکری مادّه ی تاریخدور تا دور ایدر دوران
فنون جنگی ویرسون هر سیاسی لشکره اعلان
ازل میدان رزم کربلاده بیر قدم ووردی
ویروب فرمان نظامیسی یغشدی باشینه بیر باش
ابوالفضله بویوردی گل امیر لشکریم قارداش
علم وور قلب لشکرده ضمیریم سرّینی قیل فاش
آچوبدور پرچم نصرت علم اول محتشم ووردی
قیلوب سلطان مظلومان سپاهین جراته ترغیب
صف آرالیقدا ویردی میمنه هم میسره ترتیب
ایکی لشکر آلوب فرمان جنگی رای اولوب تصویب
ازل سعد اوغلی تیریله او فرمانه رقم ووردی
جوانلار نامینه موضوع اولوب قانون حرّیّت
عمومی بیر وظیفه بلدی سربازان حیثیّت
هر آزاده جوان باش ویرماقندا قیلدی جدّیّت
ولیکن تیر غم دلدن خواتین حرم ووردی
اولوب بیر جنگ مغلوبه، ویروب بیر فوج عطشان سر
قالانلاردا ئولوب تک تک، قالوب عبّاس نام آور
او صاحب منصب اردوی شاهنشاه بی لشکر
گیدوب سردوشه پاقون نشان سرخ دم ووردی
علم یاتدی، علمدار ئولدی، سندی لشکر اسلام
امام اوسته هجوم آور اولوب کفّار بدفرجام
الینده ذوالفقارین قبضه سی شاه ملک خدّام
ایدوب حمله صفوف دشمن دینی به هم ووردی
ووراردی لشکره شمشیر قهرآمیز او بی غم خوار
دیردی دم به دم تکبیر پور حیدر کرّار
یورولدی بس که دعوا ایتدی سبط احمد مختار
یره اوز نیزه سین اول شهریار غم حشم ووردی
وجود نازنینی قید کثرتدن تاپوب وحدت
دوروب حق مرکزینده آیه ی توحیده بیر آیت
ضلالت لشکریندن بیر نفر چوخ ایلیوب جرات
شه دین سجده گاهیندن او بیر سنگ ستم ووردی
آخوب قان وجه وجه اللهی دوتدی، دولدی عین الله
یغوب دامانینی سیلسون او قانی عین حقدن شاه
نمایان اولدی قلب قلب عالم گون کیمی ناگاه
مکان لامکانه حرمله بیر تیر اودم ووردی
او اوخ اوچ شعبه لیدی بیر وظیفه ایلدی ایفا
او شاهین سینه ینده آچدی باب مجلس شورا
همان شورای عالی کشف ایدوب معنای عاشورا
یخلماق رایی تصویب اولدی شه کلک رقم ووردی
منافقلر قیلوب شورا، قتاله تازه رای آلدی
ایدوب خطّی سنان اجرای آرا توپراقا سالدی
یارالی جبهه سین قویدی ترابه، ضعفیده قالدی
نه حسّ اولدی او دمده نه دم لا و نعم ووردی
گلنده هوشه عرض ایتدی که ای دانای مکتومات
بو حاله شاهد اول، انجام تاپدی جمله مرقومات
نشان ویردیم بو صحراده واریمدور هر نه معلومات
گورن تصدیق مهری خطّیم اوسته لاجرم ووردی
هامی بیر ذلّته دوزدوم من ای یار وفاداریم
عزیز نشاتین اولسون عزاداریله زوّاریم
یتور سنده اوز عهدون باشه معلوم اولسون اسراریم
بغیشله سینیه هر کیم بو غمده دست غم ووردی
نهانی سرّینی ابراز ایدردی حیّ یکتایه
یتردی ناله سی چرخ چهارمده مسیحایه
او دم وقّاص زاده ویردی فرمان قوم اعدایه
او حاله باخدی باشه زینب مریم شیم ووردی
عشایر انقلاب ایتدی قورولدی عکس تشکیلات
گلوب مستنطق رحلت آلا جان اوسته توضیحات
ویروب اعدام حکمی، ایلدی سرنیزه تحقیقات
صمد گویان جدایه باشینی اهل صنم ووردی
(حسینی) ساخلا بو یرده سوزون ، آغلاتما زهرانی
مگر سن بلموسن؟ زهرا غمی یاندوردی دنیانی
نه ایسترسن دی ویرسون، ناامید ایتمز حسین جانی
بیرینون سینه سیندن هاردا ارباب کرم ووردی
مرحوم استاد حسینی سعدی زمان
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حسینی سعدی زمان
-------------------------------
ورود به کربلا
قارداش سارالان رنگوه قربان بو نه یِردی
یاندورما منی ایلمه فغان بو نه یِردی
تیجک بو بلالی چوله توکدون یوزه قان یاش
رنگون سارالوب سولدی اُلِیدی باجون ای کاش
قربان اولوم آغلار گوزیوه آغلاما قارداش
حالون نیه پوزقوندی حسین جان بو نه یِردی
بو صرصر محنت ته ائیدی غم یولین آچدی
قوندی یوزیوه تیر مصیبت دله ساچدی
قربان سارالان رنگیوه، رنگون نیه قاچدی
آثار خزان اولدی نمایان بو نه یِردی
قویجان قدمون بو یره، پژمرده دل اولدون
نولدی سنه قارداش که ساری گُل کیمی سولدون
گورسندی یوزومده اُلوم آثاری پوزولدون
ای عزّت گلزار و گلستان بو نه یِردی
آز آه چکوب ایله نوا ای شه دوران
گوز یاشوی توکمه او گوزل گوزلره قربان
پوزما اوزون ای قلب تمام عالم امکان
سنلن پوزولور عالم امکان بو نه یِردی
ای آفت کونِینه آدی حرز مجرّب
هرگز گوره بیلمز گوزی یاشلی سنی زینب
هر چند منه سن دیمیش کشفیدی مطلب
امّا اوزون ایت مطلبی اعلان بو نه یِردی
اوّل دولانوب یاور و انصاریوه باخدون
دولدی گوزون عبّاس علمداریوه باخدون
بیر زینبه بیر خورداجا قیزلاریوه باخدون
اولدون نیه چوخ حالی پریشان بو نه یِردی
سن آغلوسان آئینه ی طاهایه باخاندا
حالیم پوزولور من رخ لیلایه باخاندا
عبّاس کیمی سرو دل آرایه باخاندا
اشکونله اولور صبر ایوی ویران بو نه یِردی
قربانون اولوم قیل منی بو سرّیدن آگاه
علّت ندی سرلشکره امر ایلدون ای شاه
قورسونلا چوخور یرده بیزه خیمه و خرگاه
سرّین بو سوزین ایلمه کتمان بو نه یِردی
بو یِر گَتورور قلبیمی درده آنام اوغلی
وردور ما سرا پرده بو یرده آنام اوغلی
توکمه دُرِ اشکون رخ زرده آنام اوغلی
ایتمه منی دل خسته و گریان بو نه یِردی
یوخسا بو همان مرکز ایفای وفادی
بو دشتیده لیلانون ایشی وا ولدادی
واضح دی گوروم یوخسا بو یِر کرب و بلادی
اکبر اولاجاق قانیله غلطان بو نه یِردی
اَل ساخلا «حسینی» گوروسن یازموری خامه
ایسته صله شاه شهدادن بو کلامه
زینب دلیجه یاز بو سوزی بیرده امامه
قارداش سارالان رنگیوه قربان بو نه یِردی
مرحوم استاد حسینی سعدی زمان
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حسینی سعدی زمان
-------------------------------
ورود به کربلا
بو منزلین آدی مشهور کربلادی باجی
بو کاروانه بو یر منزل بلادی باجی
یاغار کدورت غم بارش هواسیندن
فضاسی بسکه بلاخیز و غمفزادی باجی
بو دشت پر خطرون گونه گونه آفتی وار
محل خوف و خطر دار ابتلادی باجی
بو یردی مدفن ابرار مصرع عشاق
که خوابگاه شهیدان نینوادی باجی
بو عرصه ده آچیلور پرده بساط جلال
حریم محفل خاصان کبریادی باجی
بو بقعه باطن عرش خدای اعظمدور
حسین زائری چون زائر خدادی باجی
بنای کعبه اولور کربلا یرینده قرار
نچونکه کندن اوتور کربلا بنادی باجی
ایدلله قانیمی زمزم کیمی مناده سبیل
خلیل وارثنه قتلگه منادی باجی
بو چولده یتمیش ایکی جانفشان ذبیح نشان
منای عشقده قربانلیقا سزادی باجی
گلولله قتلیم ایچون شام و کوفه دن لشکر
تمام قتلیمه آماده اشقیادی باجی
جدا بدندن اولوب اوج ایدر جدایه باشیم
اوجالماقی باشیمون عین مدعادی باجی
گورنده چکمه لی سینمده شمری یالوارما
نقدر عجز ایده سن آرتاجاق عنادی باجی
سسون اوجاتما که دشمن شماتت ایلمسون
اماندی کوفه و شام اهلی بی حیادی باجی
اتیم, قانیم , سوموگوم بیر بیره هامی قاریشور
اودورکه هر مرضه تربتیم شفادی باجی
شهادتیمدن علاوه حریم محترمین
اسیر اولماقی بیر اوزگه ماجرادی باجی
دمشقده اسرایه زیاده هر یردن
یزید مجلسی هنگامه بلادی باجی
بو گوزلرون گوره جاق چوب خیزران یزید
بو نازنین لب و دندانه آشنادی باجی
مرحوم حقیر خوئی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حقیر خویی
-------------------------------
ورود به کربلا
صحرای عشقه قویدی قدم پادشاه عشق
خلوتسرای یاره تاپوب شاهراه عشق
شه مرکبی قدم قدمیندن گوتورمدی
مبهوت اولوب او حاله سراسر سپاه عشق
قوندی غبار غم رخ شمس امامته
دوشدی خفایه تیره لنوب مهر و ماه عشق
امر ایلدی کجاوه لری یندرون تمام
بو دشت غم فزاده وُرون بارگاه عشق
بو حالی گوردی زینب علیا مکرّمه
چکدی درون دلدن او مظلومه آه عشق
عرض ایلدی بو یرده نزول ایلمه حسین
غرق ایلر اهل عشقی بو یرده میاه عشق
قان قان دیور بو دشت و بیابان پر خطر
قورخوم بودور بو یرده اولا محو جاه عشق
لرزاندی برگ بید تک اطفال مه لقا
وحشتده دور حرملرون ای دادخواه عشق
بو یرده سن شهید اولوسان منده دستگیر
حتمی بیر امردور بونا یوخ اشتباه عشق
پوزقون گورنده زینبنون حالنی امام
توکدی عذاره گوز یاشنی پادشاه عشق
فرمایش ایتدی ایتمه باجی زینب اضطراب
صحرای کربلادی بو یر جلوه گاه عشق
جدّیم خبر ویروب بو یرون ماجراسنی
بیر بیر بیان ایدوبدی رسول الاه عشق
پرگارمی پوزالّا بو صحراده ظلملن
بیرحم عدوی سنگدل و دین تباه عشق
لب تشنه قانینه بو یانار نوجوانلاریم
فانی ایدر وجودلرین بیر نگاه عشق
دوغرالّا اکبرین دل لیلادن اوج ایدر
طاق سپهر اخضره آه سیاه عشق
عبّاسمون ایدّله ایکی قولّارین قلم
عدلین اولور قولوندان آخام قان گواه عشق
پیکان دمینده اللریم اوستونده جان ویرر
اصغر او طفل ماه وش و بی گناه عشق
ناحق کسلّه باشمی اثبات حقّ ایدر
بو خاکدن نُموّ ایلین گل گیاه عشق
مندن صورا حرم تالانار خیمه لر یانار
بو بی پناه عیالیمه سنسن پناه عشق
فخر ایلر اهل عالمه ای شاه کربلا
« صحّافه » یتسه مرحمت گاه گاه عشق
مرحوم صحاف
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , صحاف تبریزی
-------------------------------
احوالات ورود به کربلا
چون دشت بلا منزل اولوب میرحجازه
زینب او زمان گوزیاشینا ویردی اجازه
عرض ایلدی قارداش ندن اولدون بیله دلگیر
تاپدی نیه بو رنگ شریفون بیله تغییر
نه باعث اولوب آهون ایدر عالمه تاثیر
کشف ایله گوگل سرّینی بو محرم رازه
وجهی ندی قارداش ساری گل‌تک سارالوبسان
من دربدر عشقی غم و درده سالوبسان
زینب سنه قربان نیه بو حاله قالوبسان
آرتار سنه باخدیقجا غم اوستن غم تازه
بو دشت غم افزادی مگر عشق مناسی
بیر اوزگه هوادور گورورم آب و هواسی
باشدان بولورم وار باشیمون چوخلی بلاسی
جان اوّل منزلده نولور گیتسه گدازه
شاه شهدا آچدی لب لعل گهربار
فرمایش ایدوب زینبه کای خواهر غمخوار
صحرای بلادور بو دولانماز بورا اغیار
بیگانه‌نی قویمازلا یته مجلس رازه
بوردا باتاجاق قانه باجی گل کیمی قانلار
ناحق یره بوچولدن آخار سو کیمی قانلار
مین شوقیله باشین ویری بوتازه جوانلار
عریان قالی یتمیش ایکی صدپاره جنازه
بو چولده باتار قانه گل سنبل اکبر
لیلا اولی دیوانه برای دل اکبر
بو نوعیلن آشفته اولور کاکل اکبر
عشق اهلی دوشر آرزوی دور و درازه
بو یرده باتار یاسه باجی قاسم آناسی
بو چولده اولور اوغلونون آخِر طویییاسی
دامادین اولور طوی گونی اوز قانی حناسی
حسرت قالی بیچاره گلین حجله ی نازه
عبّاسی گورورسن چکیلوب قدّی علم تک
هر درد و غمون بیر یانا ای باجی بو غم تک
ظلمیله دوشر قولّاری بیر جفت قلم تک
صدحیف او اوزون قدّه او بازوی درازه
وار اوزگه مصیبت چوخ ایدر قلبیوه تاثیر
گلمز دله امّا ایدرم رمزیله تقریر
منده دیرم نیزهده آوازیله تکبیر
باشسیز دورارام اونداکی قان ایچره نمازه
«صراف» آت اوز نقدیوی کسب زر دین ایت
بول قدرینی یاز نوحه سوزون دُرّ ثمین ایت
تایید حسین اولیمه هر کیمده یقین ایت
مشکلدی قلم صفحیه بیر کلمه نی یازه
مرحوم میرزا حیدر صراف تبریزی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , صراف تبریزی
-------------------------------
ورود به کربلا
زمین کربلایه چونکی قویدون بیر قدم باجی
مهیّا اول بلایه کربلاده دمبدم باجی
انیس درد و غم باجی عزیزه محترم باجی
مراحم منتهی اولدی یتیشدی مقصده راحل
بو وادی رهروان کعبهٔ اخلاصه دور منزل
نزول ائتجاق بو منزلده اولور شش گوشه ده نازل
امین وحی تنزیله بلا و درد و غم باجی
بو یردور کربلا معناده رشگ وادی ایمن
وجوه طیّبینه چون بو خاک پاک اولور مدفن
سنه ویرانه منزل من غریبه کربلا مسکن
بو عهد قسمتی اوّل یازوب لوحه قلم باجی
باجی شدّت گونونده سن منه همراز و همدم سن
آنام زهرایه محنت مسندینده نایب غم سن
مقام مَحرمیّتده بو گون اسراره مَحرم سن
سنی فی الجمله مطلبدن گرک آگاه ائدم باجی
آییلماز تا حیاتون وار باشون دنیاده محنتدن
ولی بی طاقت اولما شدّت درد و مصیبتدن
خبر وئرّم سنه بی شمّه اسرار شهادتدن
وقوع واقعات کربلادن کیف و کم باجی
بو چولده اَل تاپار آل رسوله آل سفیان
ائدللر خاندان مصطفانی خانمان ویران
یازوبلار کوفه دن صادر ائدوبلر قتلیمه فرمان
گلور یوزمین قوشونلار شمر دون الده رقم باجی
سوسوزلوق آتشینه یاندورالّار آل طاهانی
چیخار سوز عطشدن گوگلره اطفالون افغانی
خراب ائتماقلیقا بالمرّه ملک دین و ایمانی
اولوب کفّار شام و کوفه یکسر هم قسم باجی
بو چولده دوغرانور چون برگ گُل جسم علی اکبر
اَمر پیکان دَمیندن صود سوسوزدان شیرخوار اصغر
یخالّار قانه غلطان قاسمی قوم جفا گستر
ائدللر قولّارین عباسیمین بوردا قلم باجی
دوشر تیره تراب اوسته جوانان بنی هاشم
اولور مقتول تیغ و تیر و خنجر قوم و قارداشیم
گچر خورشید انور تک جدایه نازنین باشیم
تاپار رونق متاع ظلم بازار ستم باجی
بساط حشمت و جاهون اولور مندن صورا برهم
اسیر اولماقلیقا آماده اول باغلا بئلون محکم
حریم عصمته مَحرم اولانماز گرچه نامحرم
ولی زنجیر ظلمه باغلانور اهل حرم باجی
قضایه وئر رضا وئرمه الوندن صبر و ایمانین
گورنده سینم اوسته شمری چاک ائتمه گریبانین
اوجاتما سس مبادا کیم ائشیتسون دشمن افغانین
چتین دور هر مصیبتدن شماتت لاجرم باجی
بلا اقبال ائدنده سن بلادن اولما رو گردان
عطای یاردور ائتمه تغافل شکردن بیر آن
نه گلسه عاشقه معشوقدن ایلر قبول جان
بلا شکرانه سینده لا دئمز سویلر نعم باجی
کمند رشتهٔ ذکر مصیبتده اسیروندور
مقصّر اولسا خدمتده باغیشلا اوز (حقیر) وندور
کَرَم قیل مرحمتله دستگیر اول دستگیروندور
همیشه عفودور آئین ارباب کرم باجی
مرحوم حقیر خوئی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , حقیر خویی
-------------------------------
خطاب به زمین کربلا
کربلا آچ سینووی لب تشنه قربانلارگلور
یثربی ترک ایلیوبدورغملی مهمانلارگلور
آز قالور تیره ترابون کیمیا اولسون سنون
آز قالور عطر گُل یاسیله دولسون گلشنون
لاله لر آز قالدی گل لنسونله، سولسون سوسنون
چون سنه مهمان اولا سرو گلستانلارگلور
شه سنی ایلر مکان یتمیش ایکی قربانیله
تپراقونداگُل بیتر سیراب اولارسان قانیله
عالمه مشهور اولارسان سن قزیل ایوانیله
اول پذیرا بانیان طاق وایوانلارگلور
چارسوق مصر عشق ایلر سنی سلطان دین
بو مکاندا گل ساتار شاه گلستان آفرین
مشتری دور گللره البته رب العالمین
ظاهراًجانلار ولی باطنده جانانلارگلور
سنده بر پا ایلیور پیر مغان بیر میکده
بادة عشقی ایچوب مستان اولارلار می زده
مست اولاربیرآندا گل ده باغباندا غنچه ده
پیر اولا حتّی سنه طفل دبستانلارگلور
آز قالور سنده قیامت باشلانا قانلارداشا
آز قالور تأثیر ائده بوردا نوالر داغ داشا
هر آنااوغلیلا، هر باجی قوشولموش قارداشا
مو پریشان دیده گریانلار، پریشانلارگلور
آز قالور گون سنده تاپسون بیرجه حال اغتراب
آز قالور محنت لروندن ثبت اولونسون مین کتاب
شمره آز قالدی اسیر اولسون حریم بو تراب
دام غمده ال ایاق چالماقه جیرانلارگلور
سن منای عاشقان بی ریا سن کربلا
یعنی قربانگاه ائدرتپراقووی میر هدی
واردور علّت شیعه لر قاره گیوب ایلر نوا
جوشه عاشورا گونی رگلرده کی قانلارگلور
سنده نوحه نوح ائدریاندیم بالا طاهادیر
باش آچار یعنی (حسینیم وای) خانم زهرا دیر
تلّون اوسته قارداشیم وای زینب علیا دیر
نینواایلر نوا عرش اوستن افغانلارگلور
سنده لیلانون جوانی قانینه غلطان اولار
سنده بیر نو کدخدا ئوز دینینه قربان اولار
سنده باشسیزدینه قربان شاه مظلومان اولار
سنده باشه ظهر عاشورا ده پیمانلارگلور
کربلا بیر گون اولار بو تپراقون خاک شفا
دردینه هر چاره سیز شیعه آلارسندن دوا
هی دیرعاشقلرون آی کربلا آی کربلا
تا سنی قیلسون زیارت دیده گریانلار گلور
موضوع: احوالات ورود به کربلا ,
زبان شعر و شاعر: نوحه ترکی
-------------------------------
ورود به کربلا
کلیم عشقه بو یر جلوه گاه سینادی
زجاج دل اودی آئینه ی تجلّادی
فروغ صورته مجذوب اولماز اهل ولا
که نقش صفحه ی خاطر جمال معنادی
نه تک زباندی که هر بیر نفسده یار دیر
که یار وصفینه ذرّات جسم گویادی
ایدوبدی محو نظردن تمام دنیانی
او منظری که اورک چشمینه هویدادی
تمام عالم اولا گوز، محالیدور گورسون
او جلوه نی که منه منظر تماشادی
شهادتیله منه کام دل اولار حاصل
بو یاره لر دله راه وفادی یارادی
سنیله هم نفسم هر نفسده، گرچه دیر
گورن حسین بو دشت بلاده تنهادی
ندور جهان که دیم سندن اوتری ترک ایتدوم
نثار جان و سر اول مقام سودادی
غبار گرچه اولوبدور عذار شائبه سی
نه غم که شوق لقادن اورک مصفّادی
بو خاکدانه نه رغبت که دل اولوب مشتاق
او بزمه که رخ دلدار محفل آرادی
اورک شکفته دی چون لاله داغ اکبردن
فضای روضه ی جان گلشن مصفّادی
گرکدی پر آچا اوخدان هما کیمی عاشق
که اوج قاف تجرّد بلند و والادی
اورکده یوخدی خیالوندن اوزگه، آگهسن
که عشق شائبه ی غیریدن مبرّادی
زجاج جسم سنا آز قالور وصاله یتم
اودور اورک بیله بی تاب و ناشکیبادی
حسیندن دی ولیکن خلوصیله ''عابد''
خلوص اولماسا سعی و تلاش بی جادی
مرحوم عابد
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , عابد
-------------------------------
ورود به کربلا
ای بلالی زینب، حاضر اول بلایه
قافله‌م یتیشدی، دشتِ کربلایه
بوردا امتحان وئرر‌م
دین یولوندا جان وئرر‌م
ای بلالی زینب
بو منایِ عشقین، وار گوزل صفاسی
یتمیشه یاخین وار، مه لقا فداسی
باشلاریندا واردور، دینِ حق هواسی
بوردا جوش ایدر قانلار
قان ایچرله قربانلار
ای بلالی زینب
عهد آلیبدی مندن، ذاتِ پاکِ جانان
جانیمی ائدم بو، دینِ حقّه قربان
قویمارام که نُقصان، تاپسین عهد و پیما
من وارام سوزوم اوسته
هر بلا گوزوم اوسته
ای بلالی زینب
دیندی گلسِتانین، غملی باغبانی
دوزمرم گورنده، آفتِ خزانی
قویمارام کی سولسون، بیله گولسِتانی
سو یرینه قان وئرر‌م
باغِ دینه جان وئرر‌م
ای بلالی زینب
گوللریم بو چولده، تشنه سولسا سولسون
قانلا باغبانین، چشمی دولسا دولسون
گر خزان بو عمروم، باغی اولسا اولسون
باغِ دین بهار اولسون
حکمی پایدار اولسون
ای بلالی زینب
واردی بیر ائلیم باش فکرینی آتالّار
قانه دین یولوندا، تشنه لب باتالّار
توپراقا بو چولده، قانلارین قاتالّار
لاله رنگ اولار بو یر
شوریله دولار بو یر
ای بلالی زینب
اکبریم دوشر گول جسمیده یاراسی
کربلانی چولقار، عطرِ دلرُباسی
نعشی اوسته اوخشار، شوریله آناسی
آه و زار ائد‌ر لیلا
چوللره دوشر لیلا
ای بلالی زینب
قاسمِ جوان بو، سینه‌مین قراری
یعنی مجتبانین، نازلی یادگاری
جان وئرر بدنده، زخمِ بی‌شماری
آغلادار منی آغلار
اودلو سینَمی داغلار
ای بلالی زینب
قارداشیم ابالفضل، گورسَدَر وفاسین
توپراقا سالالّار، قامتِ رساسین
آرتیرار کنارِ علقمین صفاسین
باغِ عشق اولار علقم
عطریله دولار علقم
ای بلالی زینب
من ئوزوم ییخیلّام، دلده سوز و سازیم
سو یانیندا قاندیر، آبِ دستمازیم
قانلی قتلگهده، واردی بیر نمازیم
ئوللم اول نماز اوسته
عشقِ بی‌نیاز اوسته
ای بلالی زینب
مرحوم تائب تبریزی
موضوع: احوالات ورود به کربلا ,
زبان شعر و شاعر: نوحه ترکی , تائب تبریزی
-------------------------------
متن نوحه ترکی احوالات ورود به کربلا
سرزمین کربلا وادیّ ایمندور باجی
جلوه گاه نور وجه حیّ ذوالمندور باجی
محترم یردور بو یر دارالصّفای عشقدور
اهل عشق آنلار بو یر کرب و بلای عشقدور
من خلیل عشق، بو صحرا منای عشقدور
قان شَمیمی بو سوزه برهان مُتقَندور باجی
دولدوروب دشت عراقی باشداکی شوریم منیم
من کلیم ا... عشقم، کربلا طوریم منیم
دلده اَرنی، جلوه ی جاناندی منظوریم منیم
جلوه گر بوردا حسینه نور ذوالمندور باجی
بو بیابان بلانین بیر بیوک غوغاسی وار
آل طاهانین بو یرده محشر کبراسی وار
زینبیم بوردا حسینین یوم عاشوراسی وار
قانیمه باتماقلیقا بو یر معیّندور باجی
اوزگه بیر مقصودیله بو سرزمینه گلمیشم
ایتماقا حائل خدنگ کفره سینه گلمیشم
باش و جانیمدن گیچوب ترویج دینه گلمیشم
دین اسلامین رواجی بوردا منلندور باجی
عالم ارواحیده نشر اولدی طومار غمیم
شُقّه آچدی باشیم اوستونده بلایا پرچمیم
هر مصیبتده باجی سنسن شریک اعظمیم
عهدیمون نقصانینون تکمیلی سنلندور باجی
ای باجی اوّلده من عهد ایتموشم جانانیله
گلشن اسلام و قرآنه ویرم سو قانیله
گلمیشم بو دشته یتمیش بیر نفر قربانیله
کعبه ی مقصود بو وادیّ ایمندور باجی
باده ی عشقیله جام دل ایله سرشاردی
که وجودیم موبمو مشتاق وصل یاردی
بیر بیابان شاهراه محفل دلداردی
بوردا شمع جلوه ی دیدار روشندور باجی
بو همان یردور آتام جدّیم ویروب باجی خبر
بوردا مظلوم ایلر آل اللهی اشرار کَفَر
ایستر ایتسون ظلمینی اشرار کینه مُستتر
لیک مظلومیّتیم گون تک مبیّندور باجی
دشمنیم مظلوم ایدر بو چولده آل هاشمی
اُلدوره لّر بیر به بیر یتمیش نفر یولداشیمی
خاک و خون ایچره یخالّار اوغلومی قارداشیمی
کربلا یتمیش ایکی قربانه مدفندور باجی
اکبری باشدان قلجلار ایله قوم بدسیَر
قان آخوب باشدان، یوزینده شَدّه ی مرجان دوزر
قرمزی قانیله صحرای بلانی خوش بزر
باخسا هر کیمسه دیر بیر طرفه گلشندور باجی
قاسمی آتدان یخار ظلمیله قوم اشقیا
اکبریم تک دینه ایلر تشنه لب جانین فدا
امّ لیلایه اولار آغلار آناسی همصدا
ویرسه سس اوغلی اُلن ثَکلایه احسندور باجی
بوردا عبّاسین ایده لّر چاک چاک اعضاسینی
قان ایدر لبریز جام دیده ی شهلاسینی
سو کنارینده یخالّار قدّ سرو آساسینی
اوندا بولّم ظاهراً فاتح بو دشمندور باجی
اصغریم سوز عطشدن غنچه ی گل تک سولار
هولدن اوچ شعبه لی پیکانِ ظلمه رام اولار
اوخلانار حلقی، قزل قانیله قونداقی دولار
محفل جانان او قانیله مزیّندور باجی
خاک و خون ایچره یخار دشمن بو پابند غمی
کشف ایدر هر یاره جسمیمده رموز مُبهمی
خوش بزر اوخلار منیم سانسیز یارالی سینمی
گل وجودیم تیرِ ظلمِ خصمه مخزندور باجی
بیر زیارتگاه اولار بو سرزمین پرمحن
ایسترم منده گلر بو تائب شیرین سخن
ذکر ایدر بو شاه بیتی دوره سینده سینه زن
سرزمین کربلا وادیّ ایمندور باجی
مرحوم تائب تبریزی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , تائب تبریزی
-------------------------------
ورود به کربلا
بو عالمین غم و اندوهی عالم عالم اولیدی
نه بو محرم اولیدی نه زینبه غم اولیدی
نه حور اولیدی نه غلمان نه خلد اولیدی نه کوثر
نه کربلاده حسینون جلالی بر هم اولیدی
حسین الینده علی اصغر المییدی سوسوزدانن
جزاده شیعه لرون مسکنی جهنم اولیدی
نه شمر اولیدی نه خولی نه تیغ اولیدی نه خنجر
نه کسماقا الینی ساربان مصمم اولیدی
شکنج زلف علی اکبریله بندیدی لیلا
قاچان دگلدی نه لازم طناب محکم اولیدی
نه مشگ پاره لنیدی نه قول دوشیدی نه بیدق
نه زینبون بو مصیبتدن قامتی خم اولیدی
گوروب او پیکری اوچ حصه آغلادی دئدی زینب
حسین منیم سنه اولماقلیقیم مقدم اولیدی
منی زمانه بو طور ایلیوب مگر آنام اوغلی
گرک سکینه اسیر فرهنگ و دیلم اولیدی
الیدی کاش باجون گورمییدی بیرجه بو حالون
حسین بدنده باشون اللرین مسلم اولیدی
آنام تنوریده قویماز کسیک باشون قالا یالقوز
گئدنده دیره پذیرالیقندا مریم اولیدی
مرحوم صافی تبریزی
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه ترکی , صافی تبریزی
ورود به کربلا
آمدی ای حاجی کرب و بلا حجت قبول
سر در آوردی چرا از نینوا حجت قبول
صاحب کعبه! چرا از کعبه آواره شدی
کعبه‌ات اینجاست ای خون خدا؟ حجت قبول
این بیابان جای اهل‌البیت پیغمبر نبود
پس چه شد آن وعده‌ها آن باغ‌ها حجت قبول
قاضریّه جای امنِ منزل و بیتوته نیست
آمد استقبال‌تان سر نیزه‌ها حجت قبول
گوئیا این سرزمین قربانگه یاران توست
قتلگاهت میشود جای منا حجت قبول
از حرم تا قتلگه سعیِ صفا و مروه است
ای عجب حج شما دارد صفا حجت قبول
جای زمزم خون بجوشد از گلوی اصغرت
هدیه کردی کودک شش‌ماهه را حجت قبول
تا قدم بر خاک پاک کربلا بگذاشتی
قلب زینب شد پر از درد و بلا حجت قبول
گفتی ای ساقی ببین بِین دو نهرِ آب را
پشت آن گودال کن خیمه به‌پا حجت قبول
ای علمدار سپاهم بارها را وا کنید
خارها را از بیابان کن جدا حجت قبول
دختر نازم که جا خوش کرده بر دوشِ عمو
بر زمین پایش نیاید یا اخا حجت قبول
اکبرم اینک برای خواهرم گیرد رکاب
هیچ نامحرم نبیند عمه را حجت قبول
می‌رسد روزی که یک مَحرم نداری زینبا
بعد من هستی اسیر اشقیا حجت قبول
زیر سم اسب‌ها این استخوان‌ها بشکند
پس ندا آید ز عرش کبریا حجت قبول
میرود سرها به نیزه می‌شوم من بی‌کفن
از جنان گوید مرا خیرالنساء حجت قبول
حجّ ابراهیمی از حجّ حسینی سر زند
ای مرید کشته‌های کربلا حجت قبول
حاج محمود ژولیده
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه فارسی , حاج محمود ژولیده
-------------------------------
ورود به کربلا
با صد جلالت و شرف و عزت و وقار
آمد به دشت ماریه ناموس کردگار
فرش زمین به عرش مباهات میکند
گر روی خاک پای گذارد "ملک سوار"
چه ناقه ای چه ناقه نشینی چه محملی
مریم رکاب گیر و خدیجه است پرده دار
حتی حسین تکیه بر این شانه میزند
خلقت زنی ندیده بدین گونه استوار
بیش از همه خدای مباهات میکند
که شاهکار خلقت او کرد شاهکار
تا هست مستدام حسین است مستدام
تا هست پایدار حسین است پایدار
کوهی اگر مقابل او قد علم کند
مانند کاه میشود و میرود کنار
با خشم خویش میمنه را میزند زمین
با چشم خویش میسره را میکند شکار
آنگونه که علی به نجف اعتبار داد
زینب به دشت کرب و بلا داد اعتبار
پنجاه سال فاطمه ی اهل بیت بود
زینب که هست فاطمه هم هست ماندگار
تا اینکه فرش راه کند بال خویش را
جبریل پای ناقه نشسته به انتظار
حتی هزار بار بیایند کربلا
زینب پی حسین می آید هزار بار
کار تمام لشگریان زار میشود
زینب اگر قدم بگذارد به کارزار
روز دهم قرار خدا با حسین بود
اما حسین زودتر آمد سر قرار
محمل که ایستاد جوانان هاشمی
زانو زدند یک به یک آنهم به افتخار
افتاد سایه قد و بالاش روی خاک
رفتند از کنار همین سایه هم کنار
طفلان کاروان همه والشمس و والقمر
مردان کاروان همه واللیل و والنهار
عبدند ، عبد گوش به فرمان زینبند
از پیرمرد قافله تا طفل شیرخوار
رفتند زیر سایه عباس یک به یک
با آفتاب غنچه گل نیست سازگار
از این به بعد هیچ نمازی شکسته نیست
وقتی قدم گذاشته زینب به این دیار
از فرش تا به عرش چه خاکی به سر کنند
بر روی چادرش بنشیند اگر غبار
از خواهری چو زینب کبری بعید نیست
معجر به پای این تن عریان کند نثار
یک عده گوشواره ولی دختر علی
یک گوش پاره برد از اینجا به یادگار
خیلی زدند "تـا" شود اما تکان نخورد
سر خم نمیکند به کسی کوه اقتدار
او که فرار کرد عدو از جلالتش
فریاد میزند که علیکن بالفرار
ترسم که انبیاء بیفتند بر زمین
دستی اگر خدای نکرده به گوشوار
پرده نشین کوفه،بیابان نشین شده
با دختر بتول چه ها کرد روزگار !
" قومی که پاس محملشان جبرئیل داشت
گشتند بی عماری و محمل، شترسوار "
آن بانویی که سایه او هم حجاب داشت
با رفت و آمد سربازارها چه کار؟!!!!
چشم طنابهای اسارت به دست اوست
زینب به شام رفت ولیکن به اختیار
در یک محله زخم زبان خورد بی عدد
در یک محله سنگ گران خورد بیشمار
دردی به درد طعنه شنیدن نمیرسد
یا رب مکن عزیز کسی را بدان دچار
منبع مجموعه کانالهای مدح و مرثیه
موضوع: احوالات ورود به کربلا ,
زبان شعر و شاعر: نوحه فارسی
نظرات (۰)
هیچ نظری هنوز ثبت نشده است