متن نوحه ترکی احوالات فرات برای سینه زنی و زنجیرزنی
مجموعه اشعار متن نوحه ترکی احوالات بسته شدن آب فرات ، متن نوحه ترکی احوالات فرات برای سینه زنی و زنجیرزنی
-----------
احوالات بسته شدن راه فرات و گریز به احوالات حضرت علی اصغر (ع) از میدان تا خیمه گاه
راه فراتی باغلادی چون لشگر جفا
گلزار مصطفاده عطش قویمادی صفا
باغ پیمبرین سارالوب سولدی گللری
نسرین و ارغوانین اولوب رنگی کهربا
چوخ غنچه نین بهاری خزانه دونوب او گون
بلبل لرین ترانه لرین ایلدی نوا
بیر غنچه گلون عطشی چوخ شدیدیدی
ویردی قضا سو ، بلبلی قالدی یانایانا
نه غنچه دور؟ نجه سو؟ که یاندوردی بلبلی
دشت بلاده گلدی وقوعه بو ماجرا
غنچه حسینون اصغری ، نوش ایتدوقی سو قان
بیچاره عندلیبی رباب آدلی بیر آنا
تفصیلیلن بو مطلبی عرض ایلیم گرک
شرح خبردی لازم و ملزوم مبتدا
وقتیکه خیمه لرده عطش شدت ایلدی
یاندی بویوک کچیک او یانار اوددا برملا
اهل حرم بنای مواسات قویدولار
بیر عهد باغلیوب هاموسی ایتدیلر وفا
بیر شربه سو تاپاندا صغاره ویروب کبار
ایچمزدیلر مباد اوشاقلار هلاک اولا
آخر تاپولمادی بیر ایچیم سو خیامده
دللرده قالدی سو آدی مانند کیمیا
اصغر آناسینون جگری ایله اودلانوب
سود خشک اولوب ، بالا عطشه اولدی مبتلا
هاردان آنانین سینه سینه سود گلور مگر؟
اوچ گوندی نه ایچوب سو نه میل ایلیوب غذا
بیر غنچه دن لطیف بالا ، سوزش عطش
سوز نهانینه یوخدی حد و انتها
هم آجلیقین حرارتی وار هم سوسوزلوقین
خاصه گون ایسی سی ، عربستان کیمی هوا
از بس سیزیلدیوب دوتولوب سس ، باتوب نفس
عرشه چیخار فغانی اوجالمور ولی صدا
باش فرط ضعفدن بدن اوستونده دورموری
پژمرده غنچه تک اگیلور صاقه گه صولا
دل یوخ سوزون دئسون قوروموش لبلرین امور
ایستور اشاره ئیله ایده مطلبین ادا
حیران باخور آنا بالانون حالینه یانور
حسرت الین وورور الینه ایلور آه و وا
هر قدر دل دیور گینه آرام ایدنموری
بی اختیار صیحه چکور وا مصیبتا
گاهی دولاندیرور گهی گهواریه سالور
بلکه بیر آز یوخ گوزونه اولسون آشنا
یاتمور بالا ، بیر آز چابالور حس سیز دوشور
قالمور او قدر روحی بدندن اولا جدا
بیر چاره تاپموری ایدوری هر تشبثات
آخر گورور گرک گینه بوش سینیه سالا
ایستور امه گورور سودی یوخ، سینه اود ویرور
فریادین آرتورور چکلور هولیله بالا
لایلای دینده دل دوتولور نطقدن دوشور
رقتلنور ز بسکه گلوگیر ایدور بکا
پروانه تک دورور دولانور باشینه ، دیور
ای شمع بزم عیشیم آز آغلا سنه فدا
صبر ائت علی بو قدر اوزون ایلمه کباب
دوشدون نفسدن آخر هلاک اولدون آغلاما
هر دم دوتور یوزون گویه گوز یاشلی عرض ایدور
یاندی بالام سوسوزدان علاجیم ندور خدا؟
عمه آنا باجی آلور آغوشه هر بیری
بیر دل دیوللر اولمور او دلسیزدن اعتنا
قونداق نازنینی گل غنچه سی کیمی
الدن اله ویروله هامی خویش و اقربا
صاحب خبر سکینه خاتون دور دییر
گوردوم وجود صبریمی ایلور عطش فنا
فکر ایلدیم گیدوم عمم حضورینه
شاید سو ممکن اولوب ایتسون منه عطا
جان علی اکبره ویرم دئدیم قسم
مایوس ایلمز منی ، چوخ میلی وار اونا
بیر آز قالاندا خیمیه گوردوم که اصغری
آغوشه جان کیمی باسوب ، آغلور او مه لقا
دردیم علاوه لندی باخاندا او حالته
آرتوردوم آه و نالمی ، عمم ایشتدی تا
باخدی منه گورنده بویوردی سکینه جان
آغلورسان علتی ندور ای دیدمه ضیا
عرض ایتدیم عمه اصغره چوخ نسگلیم گلور
قلبیم دوتور شراره یانورام آغلورام لذا
دوردی ایاقه سویلدی سنده سکینه گل
بو درد بی دوایه تاپام بلکه بیر دوا
اصحاب خیمه سین دولاناخ بیر به بیر تمام
بیر قدر سو اله گله چوخ ایلورم رجا
تا سو آدین ایشتدیله اطفال تشنه لب
هر خیمه دن توکولدوله دیشره برهنه پا
قرخا یاخون بالا ، دالیجا دلده العطش
دوشدی قباقه نایبه خیره النساء
هر خیمیه یتیشدی دئدی وار سویا گمان؟
سس گلمدی ، مگر هامی ویردی جواب با
مایوس اولوب سوسوز بالالار ویردی سس سسه
فریاد العطشله دولوب دشت نینوا
قلب بریره ایلدی تاثیر ناله لر
سس چکدی آغلادی ایدوب احبابینی ندا
سویلوب قلج بیزیم الیمزده اولا اولا
اهلحرم سوسوز قالا ، هرگز دگل روا
بیر جمعیله فراته گیدوب سو گتوردولر
یا قان اولیدی اول سویی ، سو گلمییدی یا
اطفال تشنه باخبر اولدی که سو گلوب
دلشاد اولوب هامی که اله گلدی مدعا
هولیله یوز قویوب هامی بیر مشگین اوستونه
مجبور ایتدی کشمکشه شدت ضما
مشگین آچلدی بندی ، توکولدی تمام سو
گیتدی هدر صحابه چکن زحمت و عنا
بیر حسرت آتشی ده دوشوب اودلی دللره
یاندی یاخیلدی تاره دن دن اطفال بینوا
بعضی قویاردی مشگه قوروموش دوداقلارین
لابد سرایت نمه ایلردی اکتفا
بعضی باساردی باغرینا بوش مشگی ، گوزلرین
اشگیله دولدوراردی بوشالداردی جام سا
بعضی قویاردی سینه سینی سو آخان یره
تا سو برودتیله سوزشین آلا
بیر آنیده امیدی یاءسه دونن بنات
بولمم نه حاله قالدیلا یا دائم البقا
سوز چوخ کناره چخدی گچاق اصل مطلبه
منظور شرح قصه اصغردی (ذهنیا)
راوی دیر که عاشر شهرالحرامده
قلب حسینده واریدی منتها قوا
گلنار اولوردی رنگ جمال مقدسی
ویردوقجا یوز او سروره هر محنت و بلا
میدانه نچه دفعه که گلدی او گون کی گون
گویا گلور وقار تمامیله مرتضا
صاق ال همیشه قائمه ذوالفقاریده
صول ال جلودا ، سهم و صلابتده لافتا
قونموب جمال پاکینه مغلوبیت توزی
گویا تمام لشگری باقیدی جا به جا
قانه بویانمیوب دیه سن یار و یاوری
نه بیدقی یاتوب ، نه ئولوب صاحب لوا
گوردوم که رزمگاهه گینه عزم ایدوب گلور
بیر اوزگه حالیله خلف ختم انبیا
گل تک یوزی سولوب سارالوب رنگ احمری
حالی شکسته لیقدان علامتدی مطلقا
مرکوبینون لجامینی صول الده ساخلیوب
اما صاق ال ، گورنموری استونده وار عبا
هر دم عبانین آلتنا حسرتله بیر باخور
گوزدن توکر سرشکینی مظلوم کربلا
گلدی او حالیله دایانوب عرصه گاهیده
اما کمال یاءسیله اول مامن الورا
ناگه آلوب ال اوستونه بیر سود امر بالا
سسلندی بیر باخون گورون ای قوم اشقیا
سوز عطش نجه بوریوب شیر خواره می
ضعف ایلیوب الیم اوستنده غش آرا
هر چند حق یولی منیم حقیمده آزموسوز
ظنوزجه راه شرعده من گیتمیشم خطا
آخر بو سود امر بالا آل رسولیدور
دوتموش شرر وجودی یانار اوددی گوئیا
بیر شربه سو ویرون ، یتیشوب جان دوداقینه
جان سو یانندا تشنه ویره اولمیون رضا
سس چکدی هایهائیله دشمنلر آغلادی
از بس موثر اولدی بو احوال غمفزا
ویردی بروزه حرمله اما شقاوتین
پیغمبر و خدادن او شوم ایتمدی حیا
باخموب او سود امر بالا جان اوسته دور اوزی
سو ویرمه ما او بی گنهه بسدی منتها
بیر اوخ قویوب کمانه شتابیله ویردی تاب
شستیندن اولدی تا او ستم پرورین رها
تیر سه پر ، پر آچدی او پربسته بسمله
پیکان ظلمه پیک اجل اولدی رهنما
اوخ راه راست گلدی دگوب حلق اصغره
قد حسینی بوکدی ایدوب قوس تک دوتا
تشنه لطیف حنجری سالدی نه حالته؟
واضح دیمم بو مطلبه لازمدور اختفا
اوچ شعبه زهریلن سواریلموش اوخون یری
فکر ایلین بولر که نه حاله گرک قالا
مقصود شوم حرمله کامل گلوب اله
باخدی او حالده بالانون حالینه آتا
گوردی سو اولمادی دم پیکان ظلمیله
ویردی سوسوز فداسینه سو ساقی قضا
قربان یاری ایستدی زینت سیز اولماسون
قونداقینه جمالینه بیر یاخدی قان حنا
بیرده مبارک اوجونی دولدوردی قانیله
گوی سمتینه سپوب دئدی یا رافع السما
سن شاهد اول الهی بو قومون جفاسینه
یارب بو قانی ایله منه توشه جزا
شانا فصیل ناقه صالحدن اصغریم
اسگیک دگل یانوندا ایا خالق علا
گوی ضبط ایدوب ، قییتمدی بیر قطره قان یره
وار ایمدیده علامتی هر صبح و هر مسا
خورشید غوطه ووردی او قان ایچره صبح و شام
اسم شفقله حشره کیمی وار همان دما
سس گلدی یا حسین یره قوی شیر خواره وی
جنتده دایه وار ، الون اوستنده ساخلاما
بولدی حرم امیری که قربان اصغری
اولدی منای عشقده مقبول کبریا
توپراقلار اوسته قویدی او شاداب غنچه سین
دلدن او خشک اولان دلیله ایتدی بیر ثنا
قصد تشکریله ایدوب نیت صلوه
قیلدی نماز شکر ایکی رکعت او مقتدا
باخدی او طفله گوردی ویروب جانستانه جان
آلدی اله فداسین او فخریه منا
یوز قویدی خیمه گاهه ولی انفعالیله
باشین سالوب اشاقه سرشگی آخا آخا
گویا خجلدی ، خیمه لره گیتماق ایستمز
ایستور او حالیله بالانی گورمسون آنا
گاهی گیدور ، گهی دایانور فکر ایدور بیر آز
بلکه مصیبته چکه بیر نحویله غطا
صاق و صولا توجه ایدور حال یاسیله
واله دی خط سیرینه اول خضره رهنما
الده قالوب جنازه ، آلان یوخدی بیر نفر
هریانه حسرتیله باخور سبط قل کفا
آخر کسیلدی چاره سی ، سسلندی گل باجی
گل یاخشی ویردی اصغره سو لشگر دغا
پژمرده غنچه گور نه طروات لنوب باجی
خوشرنگ اولوب ، تاپوب سارالان صورتی ضیا
گل آل ، یتور آناسینه گوزلر بالا یولون
بو انتظار دردینه مشگلدی ابتلا
جان اوسته تاپشوروب منه جان و دلین رباب
آلسون امانتین داخی گوز تیکمه سون یولا
دنجلدی راحت اولدی بالام ، تازه یوخلیوب
آهسته آل ، مباد اویانوب گوزلرین آچا
بیرده سو ایستمز ، سوده میل ایتمز آغلاماز
یوخ زحمتی آناسنا بو خوابدن صورا
زینب آناسینا نجه تسلیم ایدوب اونی؟
ذکر ایلینده کثرت غم ایلوری ابا
اصغردن اصغر ایستدی اشعارین اصغرین
ختمین که چوخ زمانیدی ایتموشدی ابتدا
(ذهنی) صله ویروله سنه ، اولما ناامید
جود جواد اکرمه ، حرمان دگل سزا
مرحوم ذهنی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی
---------------متن نوحه ترکی احوالات بسته شدن فرات----------------
بسته شدن راه فرات
یتشدی قاصد ابن زیاد بی ایمان
ویروب او گونده عمر سعده سخت بیر فرمان
یازوب بو حکمده تاکیدا ایلیرم قدغن
گرک حسینیله انصارینه سو ویرمیه سن
مباد سو اونا بیر شربه کوفیان ویرسون
گرک حسین فرات اوسته تشنه جان ویرسون
باخوب او نامه منحوسه ابن سعید لعین
بیر عمرو آدینلی ستمکاری ایلدی تعیین
سپرده ایلدی دورت مین نفر اشر شرار
ویروب تمامینی مستحفظ فرات قرار
کسوب شریعه یولین محکم اولدیلا حایل
که سو آپارمیه اردوی شاه دریا دل
او آیدا سگزه تا یتدی گونلر اعدادی
ویروب نتیجه سینی اهل کوفه بیدادی
یواش یواش سو، خیام امامده آزالوب
سوسوزلوق آتشی بعضی دله شراره سالوب
سو امری بسکه اهمیته اولوب حایز
کبار بیلمه دی اوز نفسنه سوئی جائز
اله گلنده سو بعضی خیامده بیر آز
ویروب اوشاقلارا ایتمزدیله بیوکلر آز
عطش مصیبتی گیتدوقجه شدته یتدی
حرمده زمزمه العطش بروز ایتدی
ز بس خیامده بالمره قحط آب اولدی
بیوک کیچیک هاموسی سو دیوب کباب اولدی
باخوب فراته سوسوزلار چکردی دلدن آه
آخاردی اشگ تری سس چکردی واعطشاه
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی
---------------متن نوحه ترکی احوالات بسته شدن فرات----------------
بسته شدن راه فرات
سوسوزدان آل طه دل پریشان
اشاقلارآز قالور یانسون سوسوزدان
سوسوزلوق ایلیوب بیرنوعی تاثیر
تکلمدن اولوب قیزلار گلوگیر
اشاقلار که گلوردی حاله غشدن
دولوب صحرا صدای العطشدن
بو احوال ایلیوب تاثیر غیره
اودم ویدی حمیت ال بریره
خطاب ایتدی منه عاراولسون ایقوم
صباحوز شام تک تاراولسون ای قوم
توکولدی خیمه لردن جمله اصحاب
ندورباعث اولوبسان بیله بی تاب
بریر عرض ایتدی اصحاب کباره
ایدون بو تشنه لر دردینه چاره
صدای العطشدن یاندی قلبیم
حسین اطفالی تک اودلاندی قلبیم
بتول اولادینی دوتسون حرارت
ایدون سیز خیملرده استراحت
غرض عزم ایتدیله راه نجاته
گیچوب جاندان قویوبلار اوز فراته
اولوبلار غوطه ور دریای قهره
گیوب لب تشنه لر فکریله بحره
ووروبلار اوزلرین قلب سپاهه
گتوردولر اودم سو خیمگاهه
قضا ال آچدی مشکه تاپدی فرصت
داغیلدی اولمادی اصفاله قسمت
عطش سالموشدی اطفالی نفسدن
توکولدی سو یره دوشدوله سسدن
یتوب فصل خزان گلشن پوزولسون
خجالتدن بریر آز قالدی السون
دیدی تیر و سنانیله دولیدیم
بو امری گورمییدیم من الیدیم
قضا جاری اولوبدی روز ازل
او گونندن چون بو امر اولموش محول
دوتوب یوز(بیخود)عرض ایتدی حسین جان
اولا جان سن کیمی قربان قربا
مرحوم بیخود سرابی
منبع کانال گنجینه گذشتگان
موضوع: احوالات فرات ,
زبان شعر و شاعر: نوحه ترکی , بیخود سرابی
---------------متن نوحه ترکی احوالات بسته شدن فرات----------------
بسته شدن راه فرات
یتوشدی لشک کین اچدی ال تعدایه
فراتی ایتدیله مسدود ال طاهایه
دل سکینه عطشدن یانوب کباب کیمی
حرارت جگری حر افتاب کیمی
دل سکینه عطشدن اولوبدی قان از بس
ویرردی گوز یاشینا رنگ لعل ناب کیمی
گورردی اصغری لب تشنه چون اناسی اونون
توکردی یوزدن عرق شرمیدن گلاب کیمی
گورردی چوخ سولوب العلی گلستانی
تو کردی زینب اودم گوز یاشی سحاب کیمی
سارالموش عارضه اشکین هامی ایدر افشان
اچان خزان شده گلشنده پر غراب کیمی
دوتوب سکینه عطشدن عموسینین اتگین
قوریان مشکینه سورتردی یوز تراب کیمی
بو حالی چونکه گوروب اه و ناله زینب
صعود ایدوب گوگه دعوات مستجاب کیمی
مرحوم شکوهی مراغه ای
منبع کانال گنجینه گذشتگان
موضوع: احوالات فرات ,
زبان شعر و شاعر: نوحه ترکی , شکوهی مراغه ای
---------------متن نوحه ترکی احوالات بسته شدن فرات----------------
بسته شدن راه فرات
گَل عمو باخ قوریان لبلریمه
تشنه جان اوسته قالان اصغریمه
آل بو مشکی قوی فرات اوسته قدم
قویما یانا اهل حرم
باغلیوب سو یولونی قوم ستم
دولدوروب خیمه لری محنت و غم
سوسوزوندان یانوری اهل حرم
آل بو مشکی قوی فرات اوسته قدم
ایتمرم داد و فغان اوز باشیما
قاریشوب خون دلیم گوز یاشیما
آغلورام بو سود امر قارداشیما
آل بو مشکی قوی فرات اوسته قدم
رحم سیزلرده نه انصافیدی بو
آخا صحرالری سیراب ایده سو
اصغریم جان ویره لب تشنه عمو
آل بو مشکی قوی فرات اوسته قدم
تشنه لیق اصغری بیر حاله سالوب
طاقتین سوزِ عطش اَلدن آلوب
گل کیمی رنگی سوسوزدان سارالوب
آل بو مشکی قوی فرات اوسته قدم
آناسی اصغره باخدوقجا یانور
گوروری یوخ سودی، لابد دایانور
خیمه گاهی سودان اوتری دولانور
آل بو مشکی قوی فرات اوسته قدم
دردینون سعی ایدوری چاره سینه
تاپموری چاره جگر پاره سینه
توکوری گوز یاشی گهواره سینه
آل بو مشکی قوی فرات اوسته قدم
اللرینده شهدا قیزلاری جام
آلوب اطرافیمی گوز یاشلی تمام
سنی سقّا ایدوب اطفاله بابام
آل بو مشکی قوی فرات اوسته قدم
گرچه غم گلشنینون بلبلیم
اکبرین خواهر شیرین دلیم
چون بولولّر سنه من سویگلیم
آل بو مشکی قوی فرات اوسته قدم
بو قوری مشکه باخوب داد ایدرم
یانارام، ناله و فریاد ایدرم
سو امیدیله گوگل شاد ایدرم
آل بو مشکی قوی فرات اوسته قدم
اولا سقّا آدون ای کان وفا
خوردا قیزلار قالا عطشان نه روا
خیمه لردن اوجالا عرشه نوا
آل بو مشکی قوی فرات اوسته قدم
آغلا «صحّاف» بو غمده مه و سال
صفحه ی عارضه توک اشک زلال
روز و شب بو سوزی دلدن دله سال
آل بو مشکی قوی فرات اوسته قدم
مرحوم صحاف
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , صحاف تبریزی
---------------متن نوحه ترکی احوالات بسته شدن فرات----------------
بسته شدن راه فرات
کربلاده سو یولی باغلانور الله بو گئجه
ال پیغمبر عطشدن یانور الله بو گئجه
گینه سالدی سو سوزی دللره عباسین ادین
اورگدور اهل حرم اصغره عباسین ادین
سسلنوللر چاغیرون بیر بیره عباسین ادین
ال پیغمبر عطشدن یانور الله بو گئجه
نهر علقم او طرفده اخوری ئوز باشینا
ال هاشم بو طرفده بویانوب گوز یاشینا
تاپا بیلمور سو رقیه صود امر قارداشینا
ال پیغمبر عطشدن یانور الله بو گئجه
کیم گوروب نامه یازانلار سویی کسسون قوناقا
بارماقین خورداجا قزلار قویوب عطشان دوداقا
ساقی تشنه لبان باشینی سالمیش اشاقا
ال پیغمبر عطشدن یانور الله بو گئجه
گلستان قالسا سوسوز غنچه صولار گل سارالار
چاره یوخ عترت طاها گرک عطشان قالالار
بیر بیرین خیمه سقاده قوجاقلور بالالار
ال پیغمبر عطشدن یانور الله بو گئجه
قلبلر قانه دونوبدی نیه دونمور قانا سو
خیمه ده گوز یاشی اخدیقجا اخور هر یانا سو
عمه سو . باجی سو . سسلور بالالارسو . انا سو
ال پیغمبر عطشدن یانور الله بو گئجه
کبریا اهلی لب عطشان . سو ایچور اهل ریا
ایلمور فاطمه دن کوفه و شام اهلی حیا
هشتم ماه محرمدی قیامتدی و یا
ال پیغمبر عطشدن یانور الله بو گئجه
هاردادی ساقی کوثر ائده بو مشکلی حل
الینوب تحت نظر دایره خیمه و تل
زور و زر بنده لری قویمادیلار دینه محل
ال پیغمبر عطشدن یانور الله بو گئجه
استاد کلامی زنجانی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , کلامی زنجانی
---------------متن نوحه ترکی احوالات بسته شدن فرات----------------
بسته شدن راه فـرات
روشن است این نکته بر هر شیخ و شاب
گر یکی ماهی برون افتد ز آب
لب بسی بندد گشاید با شتاب
گوید آن بیچاره با صد پیچ وتاب
آب آب وآب آب و آب آب
بسته شد در کربلا چون راه آب
در خیام شاه افتاد التهاب
از لهیبش مرد و زن شد دل کباب
شد نوای عترت ختمی مآب
آب آب وآب آب و آب آب
کربلا و گرم تابستان او
تشنگی و آتش سوزان او
قحط آب و درد بی درمان او
پیچد از آن تشنگان بر نُه قباب
آب آب وآب آب و آب آب
گلشنی با یک جهان لطف و جلال
غنچه و گل حُسن و سرحدّ کمال
تشنگی کرد آن چنانش پایمال
بلبلان این نغمه کردند انتخاب
آب آب وآب آب و آب آب
دخترک از تشنگیدرالتهاب
ماهی کوچک مگربیرون ز آب
واپسین دم رویوسینه در تراب
گفت و چشمش تا قیامت شد به خواب
آب آب وآب آب و آب آب
مادر از کودک ز خجلت سر به زیر
نی گمان بر آب و نی در سینه شیر
بسته دست شیر خوارش ناگزیر
گوید ای دارنده ی روز حساب
آب آب وآب آب و آب آب
اصغر شه زاده از سوز عطش
روی دست باب اندر حال غش
نیمه جان با مرگ خود در کشمکش
می نوشتی بر عذارش اشک ناب
آب آب وآب آب و آب آب
اکبر آن شهزاده ی والا تبار
با تن خونین و زخم بی شمار
بوسه زد بر دست و پای شهریار
گفت شاها دست من دامان باب
آب آب وآب آب و آب آب
در قتال سخت با قوم عنید
زخم های کاریم بر تن رسید
سوزش زخم و عطش ثقل جدید
از کفم برده عنان و صبر و تاب
آب آب وآب آب و آب آب
زین سوال پاره ی جان و جگر
آتشی افتاد بر جان پدر
گفت پس هاتی لِسانَک ای پسر
تا زبانت بشنود زین دل کباب
آب آب وآب آب و آب آب
تا زبانش را به کام باب داد
بر گل گوئی که بر آتش فتاد
گفت بابا چون تو لب تشنه مباد
آتش افروز است کام آن جناب
آب آب وآب آب و آب آب
گفت ما و قطره ای آب فرات
تا قیامت بعد از این هیهات و هات
کار مستسقی گذشته از حیات
یادگار از ما به دنیای خراب
آب آب وآب آب و آب آب
آب نایاب از فرا گیرد جهان
نی ز خاکش نام ماند نی نشان
سازدش دریای ژرف و بی کران
نیست ما را بهره زان دریا حباب
آب آب وآب آب و آب آب
جان من برگرد بر سوی قتال
دارم امّید از خدای لایزال
سازدت سیراب جدّم از زلال
عرضه کن از من سلامی وین خطاب
آب آب وآب آب و آب آب
در حرم شد تشنگی از حد مزید
شد سکینه پیش سقّای رشید
مشک خشکیده به کف با صد امید
سوختم گفت ای عمو از التهاب
آب آب وآب آب و آب آب
پرسی ار حال دل سوزان من
وز همه دلسوخته مهمان من
وز دوای درد بی درمان من
از لبم بشنو که گوید خوش جواب
آب آب وآب آب و آب آب
آتشی افروخته سوز عطش
هیچ کس جز تو فرو نه نشاندش
شیرخوار از تشنگی در حال غش
در خیم پیچیده هر سوی از رباب
آب آب وآب آب و آب آب
لاجرم آن ساقی خشکیده مشک
کآب کوثر زان تهی مشکش به رشک
جام خالیدر کفش لبریز اشک
گفت وپَر بگشود بر پشت عقاب
آب آب وآب آب و آب آب
آن سپه سالار شاه بی سپاه
بر فرات بسته ره بگشود راه
گفت با آب فرات آه از تو آه
ای به زهرا مهر آبی یا سراب؟
آب آب وآب آب و آب آب
با دلی کز تشنگی آتش فشان
مشک خالی کرد پر زآب روان
کرد بر سوی خیم عطف عنان
همهمه کردی به دشت آن شیر غاب
آب آب وآب آب و آب آب
تشنه دل، خشکیده لب، سقّای شاه
چون نهنگی در دل دریا سپاه
مشک آبی می برد در خیمه گاه
می زند فریاد پورِبوتراب
آب آب وآب آب و آب آب
بانک آب آب عبّاسرشید
دختران را تا به گوشجان رسید
نیمه جانان را به تن جانی دمید
مژده دادی همدگر را باشتاب
آب آب وآب آب و آب آب
ناگهان تیری به مشک آمد فرود
کرد سقّارا ز غم بی خود ز خود
دستها رفته سبو بشکسته بود
گفتریزدآبرویم روی آب
آب آب وآب آب و آب آب
بود آن حیرت زده از فرط غم
غرقه ی دریای خجلت از حرم
تا فرو افتاد زان گُرز ستم
خود به خود می گفت یک پا در رکاب
آب آب وآب آب و آب آب
با لبی خشکیده شه غلطان به خون
زخم تن از فلس ماهی ها فزون
تشنه لب آتش زدود دل برون
گفت و سنگ از آتش آهش مذاب
آب آب وآب آب و آب آب
روزگاری رفت و آمد اربعین
بر مزار کشتگان شاه دین
بانگ بر زد عترت حبل المتین
ای شهیدان لب عطشان اینک آب
آب آب وآب آب و آب آب
گفت زینب با شهنشاه شهید
چرخِ گردان چون تو مستسقی ندید
قطره قطره بعد از این خواهم چکید
نا جهان بوده است از چشم سحاب
آب آب وآب آب و آب آب
«ذهنیا» مهریه بود آب فرات
در لبش جان تشنه لب دادی بنات
زآتش این قصّه سوزد کائنات
ریزد از کلکت از آن بر این کتاب
آب آب وآب آب و آب آب
مرحوم ذهنی زاده
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه فارسی , ذهنی زاده
---------------متن نوحه ترکی احوالات بسته شدن فرات----------------
احوالات بسته شدن راه فرات
کوفه دن فرمان یتیشدی ابن سعد بی حیایه
باغلاسون راه فراتی اهل بیت مصطفایه
ایلدی ابن زیادین حکمینی سعد اوغلی اجرا
قوه ی مجریه دورت مین اوخ آتان قیلدی مهیا
باغلانوب راه شریعه، قالدی عطشان آل طاها
العطش فریادی یردن اوج ایدوب عرش خدایه
ایلدی اهل حرمده تشنه لیق بیر نوعی شدت
گل کیمی سولدی سارالدی عترت ختم رسالت
اولدی برپا خیمه لرده شورش روز قیامت
دوندی دشت کربلا بیر عرصه ی روز جزایه
اللرینده بوش سو جامی یغدیلار خوردا اوشاقالار
شدت سوز عطشدن خشک اولان غنچه دوداقلار
آلدیلار یکسر سکینه دوره سین تشنه قوناقلار
داغلی دللردن اوجالدی ناله لر طاق سمایه
خیمه ی عباسه بیردن قویدولار یوز دیده گریان
دور سقای حسینی آلدی بیر دسته لب عطشان
عرض ایدوب اول سکینه العطش، یاندیم عمو جان
سو تدارک قیل سوسوزدان قویما چوخ گلسون نوایه
ایلیوب سقا سنی چون اهل بیته شاه عطشان
خیمه لرده سو تاپولمور، اولدی باغریم قان سوسوزدان
چاره قیل، یاندیم، اماندور ایله سن بو درده درمان
قالمیوب دلده قرار و طاقتیم بو ماجرایه
اود دوتوب یاندی سوسوزدان عترت ساقی کوثر
غش ایدوب بی کس آناسی اللری اوستونده اصغر
شور محشردور خیمده بیر بیره دگمیش حرملر
قولارون قربانی اولام رحم قیل آل عبایه
نه روا آب فراتی چوللره دریا تک آخسون
یاندیروب سوز عطشدن عترت طاهانی یاخسون
اللرینده بوش سو جامی تشنه لر حسرتله باخسون
سن نجه راضی اولورسان بو جفای ناروایه
تیتروری قلب سپاه شام و کوفه صولتوندن
نه روادور استفاده ایتمیاخ بیز قدرتوندن
تشنه لب قالسون اوشاقلار چوخ اوزاقدی همتوندن
قدرت الله اوغلوسان سن، آفتاب حقه سایه
ایلدی ظلمتده بس که اشقیا طغیان بو چولده
اکبریم الدی لب عطشان قانیله غلطان بو چولده
اولما راضی اصغریمده جان ویره عطشان بو چولده
اود سالا بی کس آناسی سوز دلدن ماسوایه
قوی فرات اوسته قدم، سال لشکری خوف و هراسه
ایله بیر اتمام حجت فرقه ی حق ناشناسه
تشنه لب قیزلار یانینجا گلمیشم من التماسه
سعی قیل تحصیل آبه رحم ایله بو بی نوایه
بی سبب آخماز «صحافون» عارضه اشک زلالی
وار عمو قلبینده گیزلین محنت و درد و ملالی
دردینه قیل چاره سنده اولسون آسوده خیالی
ایتمسون غمدن شکایت بارگاه کبریایه
مرحوم صحاف تبریزی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , صحاف تبریزی
---------------متن نوحه ترکی احوالات بسته شدن فرات----------------
در بسته شدن راه فرات
چون بست خصم دون به شه مستطاب آب
شمع دل فرات شد از التهاب آب
سوز عطش دمی که دل تشنگان گداخت
شد از نوای آب دل آفتاب آب
افسرد گلستان نبی از نبود آب
لیکن روان بهر طرفی با شتاب آب
درجام دیده موج زند خون به جای اشک
چون درحرم نبود بجز اشکناب آب
تا شد طنین العطش از کودکان بلند
از داغ تشنگان شده در پیچ و تاب آب
خشکیده بود کام و لب چشمه حیات
از هول فاجعه شده در اظطراب آب
در حسرت است بر لب لعل امیر عشق
تا بوسه ای زند بشود کامیاب آب
آمد سکینه در بر سقا گشود لب
گفت ای امید عترت ختمی مآب آب
از شدت عطش رود از دست اصغرم
قربان همتت برسان بر رباب آب
کردند جرعه ای ز عداوت مضایقه
بر طفل شیرخواره از آن آب آب
خادم شود ز ساقی کوثر عنایتی
اعطا کند علی به تو روز حساب آب
مرحوم خادم تبریزی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه فارسی , خادم تبریزی
---------------متن نوحه ترکی احوالات بسته شدن فرات----------------
بسته شدن راه فرات
حسینه قسمت اولدون یا نه ،ای سو
دونیدون کاش او گون القانه ای سو
اولان ای جاری هر صحرا و دشتدن
دمشق و کوفه و شام و حبشدن
روادور کیم یانا اصغر عطشدن
ولی ایچسون سنی بیگانه ای سو
نه نوعی کئچدی احوالی حسینون
حالندان بیز اولاق حالی حسینون
عطشدن یاندی اطفالی حسینون
نجه شیعه یانار پروانه ای سو
عطشدن چخدی عرشه پرده پرده
قغان و ناله و شیون بو یرده
شهید کربلادن صونرا بیرده
نجه سن نوش اولورسان جانه ای سو
ایچوب سندن جهان اهلی سراسر
اولوب سیراب غیر از آل حیدر
روادور تشنه لب حلقوم اصغر
نشان اولسون دم پیکانه ای سو
سنی یوخ مانع ایچسون ایچسه هرکس
نه باعث اولدی بیلمم اولدی برعکس
وحوش و طیره اولدون اولمادون بس
نچون قسمت او لب عطشانه ای سو
عطشدن اکبر ناکام ئولنده
نه قالدی صبر و نه آرام ئولنده
سودان اوتری سکینه جام الینده
گلوب بلبل صفت افغانه ای سو
اسوب باد سموم تیر و خنجر
سولوب کرب و بلا دشتینده گل لر
اوتا یانمادیلار اما ئولنلر
عطشدن دوندیلر بریانه ای سو
پوزولدی بوستان آل یاسین
دل زهرای اطهر اولدی غمگین
حسینه اولمادون اولدون ولیکن
نصیب اُول فرقۀ عدوانه ای سو
مگر سن مِهر خاتون قیامت
دگولدون بس نچون ای بی حمایت
حمایت ائتمدون شمع هدایت
وئرنده جان سوسوز جانانه ای سو
دل احبابده قالموبدی یارا
ائله سو قصّه سین کوتاه (بیضا)
گورنده بیر سرین سو سویله آیا
حسینه قسمت اولدون یا نه ای سو
مرحوم بیضای اردبیلی
موضوع: احوالات فرات ,
زبان شعر و شاعر: نوحه ترکی , بیضای اردبیلی
---------------متن نوحه ترکی احوالات بسته شدن فرات----------------
در احوالات بسته شدن راه فرات
ﻫﺮ ﮐﺲ ﺑﻮﮔﻮﻥ ﺳﻮ ﮔﻮﺭﺳﻪ ﺳﺎﻟﺴﻮﻥ ﺣﺴﯿﻨﯽ ﯾﺎﺩﻩ
ﺳﻮ ﯾﻮﻻّﺭﯼ ﺑﻮﮔﻮﻧﺪﻩ ﺑﺎﻏﻼﻧﺪﯼ ﮐﺮﺑﻼﺩﻩ
ﺳﻌﺪ ﺍﻭﻏﻠﯽ ﻭﯾﺮﺩﯼ ﻓﺮﻣﺎﻥ ﺍﻭﻝ ﺳﻨﮕﺪﻝ ﺻﻔﻮﻓﻪ
ﮐﺴﺪﯼ ﺭﻩ ﻓﺮﺍﺗﯽ ﺍﺷﺮﺍﺭ ﺷﺎﻡ ﻭ ﮐﻮﻓﻪ
ﺳﻮﻟﺪﯼ ﺑﻮﮔﻮﻥ ﺳﻮﺳﻮﺯﺩﺍﻥ ﺍﻃﻔﺎﻝ ﭼﻮﻥ ﺷﮑﻮﻓﻪ
ﺍﻭﻻﺩ ﻣﺼﻄﻔﺎﻧﻮﻥ ﺍﻭﻟﺪﯼ ﻏﻤﯽ ﺯﯾﺎﺩﻩ
ﺳﻮ ﺟﺎﻣﯽ ﺍﻟﻠّﺮﯾﻨﺪﻩ ﺍﻃﻔﺎﻝ ﻣﺎﻩ ﺭﺧﺴﺎﺭ
ﻣﺤﺰﻭﻥ ﻭ ﺩﻟﺸﮑﺴﺘﻪ ﯾﮑﺴﺮ ﺑﻨﺎﺕ ﺍﻃﻬﺎﺭ
ﺁﻏﻼﺭﺩﯾﻼﺭ ﻋﻄﺸﺪﻥ ﺑﯽﯾﺎﺭ ﻭ ﺑﯽﻫﻮﺍﺩﺍﺭ
ﺑﺎﺗﻤﺸﺪﯾﻼﺭ ﻣﻼﻟﻪ ﺍﻭﻝ ﺩﺷﺖ ﭘﺮ ﺑﻼﺩﻩ
ﯾﻮﺯ ﻭﯾﺮﺩﯼ ﺍﺅﺯﮔﻪ ﺑﯿﺮﺣﺎﻝ ﺍﻭﻝ ﺟﻤﻊ ﺑﯽﭘﻨﺎﻫﻪ
ﻟﺐ ﺗﺸﻨﻪﻟﺮ ﻓﻐﺎﻧﯽ ﺍﻭﺝ ﺍﯾﺘﺪﯼ ﻣﻬﺮ ﻭ ﻣﺎﻫﻪ
ﯾﺌﺘﺪﯼ ﻋﻼﻭﻩ ﺑﯿﺮ ﻏﻢ ﺍﻭﻝ ﺷﺎﻩ ﮐﻢ ﺳﭙﺎﻫﻪ
ﺷﻮﺭ ﻭ ﻧﻮﺍ ﺍﻭﺟﺎﻟﺪﯼ ﺻﺤﺮﺍﯼ ﻧﯿﻨﻮﺍﺩﻩ
ﺳﻮﻟﺪﯼ ﺳﺎﺭﺍﻟﺪﯼ ﮔﻞﺗﮏ ﺍﻃﻔﺎﻝ ﻣﺎﻩﭘﺎﺭﻩ
ﺍﻇﻬﺎﺭ ﺣﺎﻝ ﺍﯾﺪﻭﺑﻠﻪ ﻋﺒّﺎﺱ ﻧﺎﻣﺪﺍﺭﻩ
ﻋﺮﺽ ﺍﯾﻠﺪﯼ ﺳﮑﯿﻨﻪ ﺍﯾﻠﻪ ﻋﻤﻮ ﻧﻈﺎﺭﻩپ
ﯾﻮﺥ ﮐﯿﻤﺴﻪ ﺍﻫﻞﺑﯿﺘﯽ ﺳﺎﻟﺴﻮﻥ ﺑﻮ ﻭﻗﺖ ﯾﺎﺩﻩ
ﺍﻃﺮﺍﻓﯿﻨﯽ ﻓﺮﺍﺗﻮﻥ ﺍﻋﺪﺍﯼ ﺩﯾﻦ ﺁﻟﻮﺑﺪﻭﺭ
ﺳﻮﺯ ﻋﻄﺶ ﺑﻨﺎﺗﯽ ﻧﻪ ﺣﺎﻟﻪ ﮔﻮﺭ ﺳﺎﻟﻮﺑﺪﻭﺭ
ﺳﻮ ﯾﻮﺧﺪﯼ ﺧﯿﻤﻪﻟﺮﺩﻩ ﻗﯿﺰﻻﺭ ﺳﻮﺳﻮﺯ ﻗﺎﻟﻮﺑﺪﻭﺭ
ﻏﻤﺪﻥ ﺑﯿﺰﯼ ﮐﻨﺎﺭ ﺍﯾﺖ ﺑﻮ ﺩﺷﺖ ﻏﻢﻓﺰﺍﺩﻩ
ﺍﺑﺮ ﺑﻬﺎﺭ ﺗﮏ ﮔﻮﺭ ﮔﻮﺯﻟﺮ ﻧﺠﻪ ﺩﻭﻟﻮﺑﻼﺭ
ﺑﺴﮑﻪ ﺳﻮﺳﻮﺯ ﻗﺎﻟﻮﺑﻼﺭ ﻏﻨﭽﻪ ﺻﻔﺖ ﺳﻮﻟﻮﺑﻼﺭ
ﺍﯾﻠﻮﺑﻠﻪ ﻧﺎﻟﻪ ﺍﺯ ﺑﺲ ﺑﯽﺍﺧﺘﯿﺎﺭ ﺍﻭﻟﻮﺑﻼﺭ
ﻧﻪ ﺻﺒﺮﻭﺍﺭ ﻧﻪ ﻃﺎﻗﺖ ﺍﻭﻻﺩ ﻣﺼﻄﻔﺎﺩﻩ
ﺩﻭﺭ ﻣﺸﮕﻮﯼ ﮔﻮﺗﻮﺭ ﺑﯿﺮ ﺍﯾﻠﻪ ﮔﺬﺭ ﻓﺮﺍﺗﻪ
ﺑﯿﺮ ﺷﺮﺑﻪ ﺳﻮﮔﺘﻮﺭﺳﻦ ﺑﻮ ﺗﺸﻨﻪﻟﺐ ﺑﻨﺎﺗﻪ
ﺩﺭﯾﺎﯼ ﻏﻤﺪﻩ ﻏﺮﻗﻮﺥ ﺳﺎﻝ ﮐﺸﺘﯽ ﻧﺠﺎﺗﻪ
ﺍﯼ ﻧﺎﺧﺪﺍﯼ ﺩﻭﺭﺍﻥ ﻟﻄﻒ ﺍﯾﺖ ﺭﻩ ﺧﺪﺍﺩﻩ
ﯾﻮﺥ ﺁﻝ ﻣﺼﻄﻔﺎﻧﻮﻥ ﺑﯿﺮ ﮐﯿﻤﺴﻪ ﺩﺍﺩﺧﻮﺍﻫﯽ
ﺳﻨﺴﻦ ﺑﻮ ﺍﻫﻞﺑﯿﺘﯿﻦ ﺑﻮ ﻋﺮﺻﻪﺩﻩ ﭘﻨﺎﻫﯽ
ﺍﻓﻼﮎ ﺍﻭﺝ ﺍﯾﺪﻭﺑﺪﯼ ﺁﻝ ﺭﺳﻮﻟﯿﻦ ﺁﻫﯽ
ﺑﻮﺳﻮﺯ ﻭ ﺁﻩ ﻭ ﻧﺎﻟﻪ ﺗﺄﺛﯿﺮ ﺍﯾﺪﺭ ﺟﻤﺎﺩﻩ
ﺍﻧﺼﺎﻓﺪﻭﺭ ﻣﮕﺮ ﺑﻮ ﺁﺧﺴﻮﻥ ﻓﺮﺍﺕ ﺍﻭﯾﺎﻧﺪﺍ
ﭘﯿﻐﻤﺒﺮ ﺍﻫﻞﺑﯿﺘﯽ ﻗﺎﻟﺴﻮﻥ ﺳﻮﺳﻮﺯ ﺑﻮﯾﺎﻧﺪﺍ
ﯾﻮﺥ ﺷﺮﻡ ﺍﻫﻞﺑﯿﺘﯽ ﺑﯿﻠﻪ ﺳﻮﺳﻮﺯ ﻗﻮﯾﺎﻧﺪﺍ
ﻧﻪ ﺭﺣﻢﻭﺍﺭ ﻧﻪ ﺍﻧﺼﺎﻑ ﺍﻋﺪﺍﯼ ﭘﺮ ﺟﻔﺎﺩﻩ
«ﺯﺍﯾﺮ» ﻣﻪ ﻋﺰﺍﺩﻭﺭ ﺍﯾّﺎﻡ ﻏﻢﻓﺰﺍﺩﻭﺭ
ﺻﺎﺣﺐﻋﺰﺍ ﺧﺪﺍﺩﻭﺭ ﯾﺎﺯﺁﻏﻼ ﺣﻖ ﺭﺿﺎﺩﻭﺭ
ﺑﻮ ﺷﺎﻩ ﮐﺮﺑﻼﺩﻭﺭ ﺑﯿﺮ ﻣﻨﺒﻊ ﻋﻄﺎﺩﻭﺭ
ﺍﺧﻼﺻﯿﻠﻪ ﭼﻮﺥ ﺁﻏﻼ ﻫﺮ ﺻﺒﺢ ﻭ ﻫﺮ ﻣﺴﺎﺩﻩ
مرحوم زائر تبریزی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , زایر تبریزی
---------------متن نوحه ترکی احوالات بسته شدن فرات----------------
در احوالات بسته شدن راه فرات
کربلا دشتینده سو اوسته بوگون غوغائیدی
نقد جانه بیر ایچیم سو رایگان کالائیدی
سو یولی باغلاندی قالدی تشنه آل مطصفی
سو دیدی جان ویردی حسرتله عیال مطصفی
ایله یاندی سولدی گلزار جمال مصطفی
هر یانا باخسیدی گوز، سولموش گل رعنائیدی
کربلاده هر بلانی سو گتوردی باشلارا
بیر سو اوستونده قزل قانلار سپیلدی داشلارا
بیر سو اوسته قالدی حیرت باجیلار قارداشلارا
بیر سو اوسته کربلا صحراسی قان دریائیدی
بیر سوسوزلوق آتشی چوخ اُدلی دیللر داغلادی
چوخ اوزون قوللاری یالقز بیر سو مشکه باغلادی
بیر سو اوسته تشنه سقا گوزلری قان آغلادی
آل عصمتدن سو اوستونده خجل سقائیدی
لیلیه ی دَیجوره دوندی چوخ سوسوزلار گوندوزی
چوخ سوسوزلارین ایشیق گوندزده گورمزدی گوزی
چوخ قوری دیللر دولانموردی بیان ایتسون سوزی
قز آنایه دردین عرض ایتماخ یولی ایمائیدی
گوشِ جانی ایندیده ویرسن او صحرایه اگر
وار هنوز اوردا سوسوزلار ناله سیندن بیر اثر
بیله بولم ایندیده اصغر بالاسی سو دیر
نیلییدی بینوا نسگلّی بیر ثُکلائیدی
گرچه نسگللیدی یرده هر قزل گل حالتی
گلدن آرتوخ چوخ اثر ایلریدی بلبل حالتی
چوخ اَسفلیدی او گون هر شاخه سنبل حالتی
بلبلون بر جانی امّا دردی بیر دنیائیدی
گه گورور بنزر قزیل گول بیر سارالمیش یپراقا
تشنه لقدان سولدی گل برگی توکولدی توپراقا
هی سولان گلدور یغور یردن قاچور صاقدان صولا
صورتنده جان ویرنلر حالتی پیدائیدی
شرح ایدوب موسایه بیر سوز حضرت پروردگار
کربلاده بی کم و کیف اولدی مطلب آشکار
غش ایدردی تشنه لیقدان قوملار اوستونده صغار
آهدن تیره غباره عالم بالائیدی
مرحوم ذهنی زاده
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی زاده
---------------متن نوحه ترکی احوالات بسته شدن فرات----------------
خطاب به آب فرات
آخدون عالمده ندن کوه و بیابانه فرات
اولمادون قسمت حسینه دؤنه‌سن قانه فرات
قالدی لب تشنه کنارونده سنون شاه زَمَن
قسمت اولدون سن اوگون فرقۀ کفّاره ندن
فاطمه مهری دگُلدون مگر ای قانه دونن
آل طاهایه سن اولدون بیله بیگانه فرات
یاندیلار سوز عطشدن هامی اولاد رسول
سُولدی گلزار علی اولدی خزان باغ بتول
اولدی سیراب سویوندان سنون اول‌قوم جهول
آخدون اشکِ تر زینب کیمی هریانه فرات
گوردی عبّاس حسین عترتی لب تشنه قالوب
غیرتی جوشه گلوب چگننه بیر مشگ سالوب
خشمله تیغ شررباری اَلَه اولدم آلوب
قویدی یوز غیظیله تا جانب میدانه فرات
قویدی میدانه قدم فاتح خیبر بالاسی
داغیدوب لشگر اول‌شیر غضنفر بالاسی
وارد اولدی سنه مردانه چو حیدر بالاسی
سُپَر ایتدون اونی سن ناوک پیکانه فرات
دولدوربدور سوئیله مشگی قویوب رَزمه قدم
جَهد ایدوب تا اولا سیراب اوسودان اهل حرم
سو یولوندا ایکی قوللّاری اودَم اولدی قلم
چوخ او بی‌مهرون الیندن گلوب افغانه فرات
آه او دَمون که حسین یالقوز علمداری گوروب
سَروتک یئرده قَدِ قامت سرداری گوروب
ظلم اعدائیله دوشموش ایکی قوللاری گوروب
سویلدی سیندی بیلیم تُف بیله دورانه فرات
سنیلن همسفرم منده ابالفضلیم اویان
نُطقه گل منله دانش ایلمه چوخ باغریمی قان
آپارور نوک جداده گله هریانه فرات
خازنم، قلبیدن اول قبریوی چوخ ایستینم
سر و پا بزم مصیبتده غریقِ محنم
عاشق قبر علمدار شه مُوتمنم
بذل جان قیلّام اگر گَلسَم او ایوانه فرات
مرحوم خازن
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , خازن , خازن تبریزی , میرعبدالحسین فتاحی
---------------متن نوحه ترکی احوالات بسته شدن فرات----------------
بسته شدن راه فرات
باغلاندی چون فرات یولی آل حیدره
فریاد العطش یِتیشوب طاق اخضره
زهرایه مَهر اولان سو حرام اولدی ظلمیله
کرب و بلاده عترت زهرای اطهره
آهو کیمی مَلَردی سیزیلداردی اهل بیت
دوندَردی قیل و قال او بیابانی محشره
ایش یِتدی بیر مقامه که اطفال غشّ ایدوب
بی حسّ دوشدی قالبِ بی روح تک یِره
ناگه سکینه دردینه بیر چاره فکر ایدوب
سقّا حضورینه ایدوب عزم اول مخدّره
تا یِتدی دوتدی عجزیله عبّاس دامنین
سالدی اوزین کنارِ عَمِ مهر گستره
اوّل اَلین دوداقینه قویدی اشارتاً
یعنی باخ ای عمو بو سولان غنچه لبلره
آچدی زبانحال دوتا دوتمیا دلی
تا بلکه شرح حالین اور سرداره بُلدوره
عرض ایلدی عمو نه روادور فرات آخا
آل علی باخوب سویا حسرتله جان ویره
جام اَلده خیمه گاهی سراسر دولانموشام
بیر شربه سو تاپولمادی شهزاده اصغره
نه وار آناسینون سودی، نه وار سو، سوزیدن
دونموش او سود اَمَر بالا مهد ایچره اخگره(تکّه ی آتش)
ایمدی علاج سنده دور ای مهربان عمو
ناچار بیر امیدیله گَلدیم بو محضره
سندن کَسیم امیدیمی بس یالواروم کیمه
نه قاسمه قالوبدی گمانیم نه اکبره
انصافیدور فرات آخا دریا کیمی چوله
بیر مشک سو تاپولمیه اطفال مُضطره
تغییر حال چخدی ابوالفضل خیمه دن
گَلدی حضورِ خسرو بی یار و یاوره
عرض ایتدی سیّدی داخی دویدوم حیاتیدن
خوشدور وجودیم اولسا نشانِ تیغ و خنجره
چوخ التماس و عجزیله اذن آلدی شاهیدن
اولدی سوار عقابینه تا یِتدی لشکره
ظلمت مقابلینده دوروب ماه هاشمی
حیران باخاردی لشکر او ماهِ منوّره
تا ویردی اوز حسب نسبین کاملاً نشان
ایتدی خطاب غیظیله قوم بداختره
آیا تانورسوز، هیچ بُلوسوز کیمدی بو غریب
انصارین اُلدوروب اوزین ایتدوز محاصره
عِلمُ الیَقین ایلدوز انکار جهلیدن
ایتدوز یزیده بیعت، او مرتدّ و منکره
عَینَ الحَیاتیدور بو که منع ایتمیسوز سودان
باعث بودور حیاتوزه ای قوم یکسره
قویدوز امام عصره ندن خارجی آدین
ممکن دگُل حجاب اولا خورشیدِ خاوره
پیغمبر اوغلی، فاطمه نون نور عینیدور
حافظ بو شهریاریدی شرع مطهّره
انصاف ایدون تصوّر ایدون بیر نه سوزدی بو
آد قویموسوز اماموزه عاقّ اولدی کافره
هانسی شریعت حکمی ایله ایلَدوز حلال
بیر قان که نسبتی یِتیشور حیّ داوره
فرض ایلیاق که دینوزی دنیایه ساتمسوز
عاقّ اولموسوز خدایه، امامه، پیمبره
بیر ظلم کی یهود و نصارایه اولمیوب
گوردوز روا بو بی کس و مظلوم سروره
آخِر ندور گناهی بو معصوم اوشاقلارین
سوزِ عطشدن ایله دیلَر غشّ یکسره
باغلاندی هانسی کافر و ترسایه سو یولی
سیز باغلادوز سلاله ی ساقیّ کوثره
«ذهنی» بو نوع اَلده سیزیلدار قلم، بس ایت
یوخسا سالور شرار بو سوزیله اختره
مرحوم ذهنی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی
---------------متن نوحه ترکی احوالات بسته شدن فرات----------------
احوالات بسته شدن راه فرات
باغلانوب سو یوللاری بو گونده آل حیدره
کربلادن العطش فریادی چخدی گویلره
باخدی سعد اوغلی زیادین اوغلونون فرمانینه
باغلادی سو یولارین کرب و بلا سلطانینه
اولدی باعث عترت پیغمبرین افغانینه
سو گمانی قالدی اشگیله دولی چشم تره
خیمه لردن قوتولوب سو یاندی آل مصطفا
سو خصوصینده خجل اولدی بالاسیندان آنا
کربلانون هر بلاسی بیریانا سو بیریانا
آرتوخ اولدی سو غمی هر غمدن آل اطهره
شرح ایدوب موسایه بیر سوز که اوگون پروردگار
کربلاده بی کم و کیف اولدی مطلب آشکار
تشنه لیقدان درک ایدوب چوخ تشنه طفلی احتضار
بیر سو اوسته اولدی اوخ دایه علی اصغره
لیله دیجوره دوندی چوخ سوسوزلار گوندوزی
چوخ سوسوزلارین ایشیق گوندوزده گورمزدی گوزی
چوخ سوسوز دللر دولانمازدی بیان ایتسون سوزی
رمزیله درد دلین قیز عرض ایدردی مادره
کربلاده هر بلانی سو گتوردی باشلارا
بیرسو اوستونده قیزیل قانلار سپیلدی باشلارا
بیر سو اوسته قالدی حسرت باجیلار قارداشلارا
خیمه لردن اوج ایدر ناله سپهر اخضره
بیر سوسوزلوق آتشی چوخ داغلی دللر داغلادی
چوخ اوزون قولاری یالقیز بیر سو مشکی باغلادی
بیر سو اوسته تشنه سقا گوزلری قان آغلادی
مشکی اوخلاندی سویی آخدی توکولدی یرلره
ذهنیا آغلا بوگونده باغلانوب راه فرات
ناله المانیله دولدی خیام طاهرات
تشنه لبلر حالنه قان آغلیوبدور کاینات
هر طرفدن یر یوزی تنگ اولدی آل حیدره
مرحوم ذهنی زاده
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی زاده
---------------متن نوحه ترکی احوالات بسته شدن فرات----------------
خطاب به آب فرات
صحرالره نه قَدر آخارسان آخ ای فرات
دریا کیمی تلاطم ایت هر آن آخ ای فرات
روح طراوتیله گُل آچسون بهاریده
دور و برینده لاله ی نُعمان آخ ای فرات
گُلزار مصطفانی خزان ایلسون عطش
سن اول نصیب خار و مغیلان آخ ای فرات
سرّی ندور داشوب او زمان موجه گَلمَدون
کرب و بلانی دوتمادی طوفان آخ ای فرات
رام اولدون اهلِ کوفیه نوش ایتدیلر سنی
حسرتله باخدی شاهِ شهیدان آخ ای فرات
قوی یِر گوی آغلاسون که حسین تشنه جان ویروب
سَن صبح و شام چوللره خندان آخ ای فرات
انصافیدور که عَینُ الحَیات اَلعَطَش دیه
سیراب اولا سنیله بیابان آخ ای فرات
ذبح عظیم ایچدی سو تک جان ویرن زمان
خنجر دمینده قانین او قربان آخ ای فرات
عبّاس و قاسمه بیر ایچیم قسمت اولمادون
شبه رسول ویردی سوسوز جان آخ ای فرات
قولّار کَسیلدی دوشدی کنارونده سرو تک
سقّای اهل بیت لب عطشان آخ ای فرات
توکدی سکینه سو یِرینه جامه گوز یاشین
بیر شربه ویرمدی اونا عدوان آخ ای فرات
خشک اولمادون او گون نیه سَن قانه دونمَدون
سیراب ایدَنده اصغری پیکان آخ ای فرات
رنگون دولانمادی نیه تغییر تاپمادون
ویردی حسین غسلون او گون قان آخ ای فرات
سَن قانه دونمه، قانه دونر ذهنی گوز یاشی
تا نظمده فرات ایدر عنوان آخ ای فرات
مرحوم ذهنی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی
---------------متن نوحه ترکی احوالات بسته شدن فرات----------------
خطاب به آب فرات
ای آب فرات ای آدی سو صحبتی آتش
آوازه سی اندوه و مصیبت سسی دلکش
دریا کیمی آخ چوللره سن خرّم و خندان
قوی آغلیه یر گوی که حسین تشنه ویروب جان
ای دور عطش ظلمتینون آب حیاتی
خضرین گوزونون مایه ی اشک حَسَراتی
قان دجله سی ایجاد ایلین هر قطراتی
طغیان ایلیوب کاش او صحراده داشِیدون
قان دجله لری باشدان آشانجا سن آشِیدون
قوی دور ور بون گلشن اولوب گللره دولسون
گللرده قزل گل لر آچوب غنچه لر اولسون
پیغمبرین امّا سارالوب گللری سولسون
سن بیر ایچیم اولما او سوسوز گلشنه قسمت
یاندورسون او گلزاری سنه آتش حسرت
گلشنده اولان گل لریوین روحینه باخما
گلزار پیمبردن اوتان گلشنه باخما
گلشن سوواروب دللری نسگل اودا یاخما
سندن سو ایچن غنچه لرین باغری قان اولسون
دنیاجه اگر گلشنون اولسا یالان اولسون
بیر گلشنی سولدورموسان ای سو سوسوزوندان
عالم لر اونون غنچه ی نوخیزینه قربان
ویردی اونا قان سو یرینه زهرلی پیکان
دوندردی بهارین بیر ایچیم قان سو خزانه
بلبل لرینی قویدی اُلونجه یانا یانه
بلبل لری گورسن که اوخور گل بوداغیندا
خوش لحنیله وار بیر یارالی دل سراغیندا
ایستر که طنینِ غم آچا گل قولاقیندا
سویلر نه گل و گلشن و بلبل نه ترانه
سولسون گوروم ای کاش گلستان زمانه
ای حشره کیمی تیر شماتت لره آماج
آخدیقجا ایدن صبر و دل عالمی تاراج
بیر عدّه سوسوز اولدولا بیر گون سنه محتاج
بیر قطره سویون گوردوله قان قاندی بهاسی
سو صحبتینون کلمه سینون جاندی بهاسی
هر سرو کنارینده آچان بیر ساری لاله
بیر تشنه جگر قیز دیه سن الده پیاله
سقّایه دیر باخ سارالان صورت آله
گور داغ عطشدن نجه وار دلده شراره
یاندیم سوسوزومودان سنه قربان ایله چاره
ای اوّل خلقتده سولار مایه ی رشکی
سرچشمه سی گوزلردن آخان تشنه لر اشکی
مین شوقیله گَتدی سنه سقّا قوری مشکی
بیر مشک سو دولدورماقا قوللار قلم اولدی
سو مشکیده اوخلاندی، بوشالدی قانادولدی
مرحوم ذهنی زاده
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی زاده
---------------متن نوحه ترکی احوالات بسته شدن فرات----------------
بسته شدن راه شط فرات
راه فراتی باغلادی چون لشکر جفا
گُلزارِ مصطفاده عطش قویمادی صفا
باغلاندی چون فرات یولی آل حیدره
فریاد العطش یِتیشوب طاق اخضره
زهرایه مَهر اولان سو حرام اولدی ظلمیله
کرب و بلاده عترت زهرای اطهره
آهو کیمی مَلَردی سیزیلداردی اهل بیت
دوندَردی قیل و قال او بیابانی محشره
ایش یِتدی بیر مقامه که اطفال غشّ ایدوب
بی حسّ دوشدی قالبِ بی روح تک یِره
ناگه سکینه دردینه بیر چاره فکر ایدوب
سقّا حضورینه ایدوب عزم اول مخدّره
تا یِتدی دوتدی عجزیله عبّاس دامنین
سالدی اوزین کنارِ عَمِ مهر گستره
اوّل اَلین دوداقینه قویدی اشارتاً
یعنی باخ ای عمو بو سولان غنچه لبلره
آچدی زبانحال دوتا دوتمیا دلی
تا بلکه شرح حالین اور سرداره بُلدوره
عرض ایلدی عمو نه روادور فرات آخا
آل علی باخوب سویا حسرتله جان ویره
جام اَلده خیمه گاهی سراسر دولانموشام
بیر شربه سو تاپولمادی شهزاده اصغره
نه وار آناسینون سودی، نه وار سو، سوزیدن
دونموش او سود اَمَر بالا مهد ایچره اخگره
ایمدی علاج سنده دور ای مهربان عمو
ناچار بیر امیدیله گَلدیم بو محضره
سندن کَسیم امیدیمی بس یالواروم کیمه
نه قاسمه قالوبدی گمانیم نه اکبره
انصافیدور فرات آخا دریا کیمی چوله
بیر مشک سو تاپولمیه اطفال مُضطره
تغییر حال چخدی ابوالفضل خیمه دن
گَلدی حضورِ خسرو بی یار و یاوره
عرض ایتدی سیّدی داخی دویدوم حیاتیدن
خوشدور وجودیم اولسا نشانِ تیغ و خنجره
چوخ التماس و عجزیله اذن آلدی شاهیدن
اولدی سوار عقابینه تا یِتدی لشکره
ظلمت مقابلینده دوروب ماه هاشمی
حیران باخاردی لشکر او ماهِ منوّره
تا ویردی اوز حسب نسبین کاملاً نشان
ایتدی خطاب غیظیله قوم بداختره
آیا تانورسوز، هیچ بُلوسوز کیمدی بو غریب
انصارین اُلدوروب اوزین ایتدوز محاصره
عِلمُ الیَقین ایلدوز انکار جهلیدن
ایتدوز یزیده بیعت، او مرتدّ و منکره
عَینَ الحَیاتیدور بو که منع ایتمیسوز سودان
باعث بودور حیاتوزه ای قوم یکسره
قویدوز امام عصره ندن خارجی آدین
ممکن دگُل حجاب اولا خورشیدِ خاوره
پیغمبر اوغلی، فاطمه نون نور عینیدور
حافظ بو شهریاریدی شرع مطهّره
انصاف ایدون تصوّر ایدون بیر نه سوزدی بو
آد قویموسوز اماموزه عاقّ اولدی کافره
هانسی شریعت حکمی ایله ایلَدوز حلال
بیر قان که نسبتی یِتیشور حیّ داوره
فرض ایلیاق که دینوزی دنیایه ساتمسوز
عاقّ اولموسوز خدایه، امامه، پیمبره
بیر ظلم کی یهود و نصارایه اولمیوب
گوردوز روا بو بی کس و مظلوم سروره
آخِر ندور گناهی بو معصوم اوشاقلارین
سوزِ عطشدن ایله دیلَر غشّ یکسره
باغلاندی هانسی کافر و ترسایه سو یولی
سیز باغلادوز سلاله ی ساقیّ کوثره
(ذهنی) بو نوع اَلده سیزیلدار قلم، بس ایت
یوخسا سالور شرار بو سوزیله اختره
مرحوم ذهنی
منبع مجموعه کانالهای مدح و مرثیه
موضوع: احوالات فرات ,
زبان شعر و شاعر: نوحه ترکی , ذهنی
نظرات (۰)
هیچ نظری هنوز ثبت نشده است