متن نوحه زبانحال حضرت علی اصغر (ع) - اشعار برگزیده ترکی و فارسی

اشعار برگزیده ترکی و فارسی از شعرای نامدار در زبانحال حضرت علی اصغر علیه السلام ، متن نوحه ترکی حضرت علی اصغر (ع) برای سینه زنی و زنجیرزنی

---------

احوالات حضرت علی اصغر (ع)

بخش دوم

 

گوروب الیندن آلان یوخ ، قیلوب فسوس واَسف

اوتاندی گیتسون امامِ زمان خیامه طرف

 

باخاردی صاق صولا ، نِی تک گلیردی افغانه

گیدیردی گه قییدردی دوباره میدانه

 

امام قلبینه بو نکته دور شراره سالان

تاپولمادی بالاسین بیر نفر الیندن آلان

 

کیمی واریدی آلِیدی او قانلی قنداقی

ایدیدی دفن یتیدی تمامه میثاقی

 

باخاردی اصغره قلبی یاناردی آغلاردی

یانیخلی سوزلریله کایناتی داغلاردی

 

دییردی قالدی الیمده جنازهء اصغر

گل آل الیمدن آپار دفن ایله علی اکبر

 

غریب امامه نجه اکبری ویریدی جواب

که قطعه قطعه اونی دوغرامیشدی اهلِ عذاب

 

گورردی ویرمدی جدّی شبیهی اکبر سس

یاناردی قلبیدن آغلاردی اولشهِ بیکس

 

دونوب باخاردی فرات اوسته اول امام علیم

دییردی هارداسان ای یاوریم ابولفضلیم

 

الیمده اوخلانوب اصغر گوزوم توکر قانیاش

ایاقه دور آنام اوغلی عزیزلیقیم قارداش

 

یوخومدی حاله یانان محنت و غمیم چوخدور

بالام الیمده قالوب بیر نفر آلان یوخدور

 

یانیخلی قلبیمه بیجا خدنگِ غم دولمور

خیام سمتینه گیتماخلیقا یوزوم گلمیر

 

کمکلرینه ایدوب بیر به بیر بو نوعی خطاب

غریب امامه ویرن اولمادی ولیک جواب

 

قالوب علاجسیز ایلوب سبیل ، اشکِ ترین

یانایانا او زمان سسلیوبدی شیعه لرین

 

ایچن زماندا سرین سو منی سالون یاده

تاپولمادی منه بیر سو ویرن بو صحراده

 

غریب گورسوز اگر یاد ایدون بو محنتیمی

سالون خیاله او وقته منیمده غربتیمی

 

دیار کرب وبلاده اولوب گوریدوز کاش

آخور نه نوعیله گوزدن عذاریمه قانیاش

 

دیمم کمکلیق ایدیدوز منِ دل افکاره

کناریدن ایلییدوز بو حاله نظّاره

 

نجه گوریدوز الیم اوسته آلدیم اصغری من

بالاما رحم ایلیه بلکه سنگدل دشمن

 

سو ایسته دیم بالاما داد و آه و زاریله

بوغازین اوخلادیلار تیرِ زهر داریله

 

عزیزِ فاطمه گوردی قالوب الینده بالا

ترحم ایلین اولمور گَله الیندن آلا

 

خیال ایدردی گینه خیمیه گیده اولشاه

او حالیدن ایلیه اهل بیتینی آگاه

 

گورردی خیمه قباقینده منتظردی رباب

بیله بولور بالاسین ایلیوبدولر سیراب

 

حیا ایدردی گیدوب ماجرانی بولدورسون

آناسی واریری گورسه اوزینی ئولدورسون

 

دییردی اوز اوزونه ای خدا نه چاره ایدیم

خجالتم نجه یوز دوندروب خیامه گیدوم

 

آناسینا نجه بو حالی ایلییوم اظهار

سوزومی قویدولار آغزیمدا فرقهء کفّار

 

نه مصحفه نه منه احترام یوخلادیلار

سو ویرمه دیلر علاوه بالامی اوخلادیلار

 

سو فکرینه آناسی گوندروبدی میدانه

نجه دوزر گوره سو ایچمیوب باتوب قانه

 

گوروب امام گرک چاره یوخ گیده خیَمه

کمالِ خجلتیله یوز قویوب گینه حرمه

 

خجالتیندن اوجاتموب او شاه دین سسینی

دوشوب بو فکره چاقورسون بلا خزینه سینی

 

توکوبدی گوزیاشینی چکدی آه آه اوسته

چاقوردی زینب علیا جنابی آهسته

 

بویوردی گل باجی گل قلبیم اود دوتوب یاندی

الیمده تشنه بالام ظلم الیله اوخلاندی

 

علیّ اکبریم ئولموشدی غرقِ محنتیدیم

انیسِ غصه و همخانهء مصیبتیدیم

 

او نوجوان غمی ایتمیشدی گر چه باغریمی قان

چخارتدی اصغریم اکبر مصیبتین یاددان

 

بالامی سوزِ عطش ایلمیشدی بسکه کباب

باخوب یانوردی بونون حالینه آناسی رباب

 

خراش ایدردی آنا سینه سین بو مه پاره

دئ گلسون ایلسون ایندی بو حاله نظاره

 

تاپوب آنام باجی تغییر ازلده کی حالت

سو ویردی بیر سولی پیکان ، یاتوب راحت

 

یری وار آهیمیله یاندورام بو آفاقی

قالوبدی اصغریمون الده قانلو قنداقی

 

منیم بسیمدی پوزوب حالیمی بونون حالی

گَل آل آپار قیل آناسین بو حالدن حالی

 

خبر ویر اوغلی ئولنلر یغیشسون آچسون باش

بالاما آغلاسون عورت ، خانیم ، قیز ، اوشاق

 

ایشیتدی حضرتِ علیا مکرّمه ناگاه

حزین حزین گلوری صوتِ سرّ الله

 

قرار و صبرینی قارداشینون سسی آلدی

چخوب خیَمْدن او احواله بیر نظر سالدی

 

او بیر نظرده یوزینه غبارِ غم قوندی

نه گوردی قارداشینون حالی خیلی پوزقوندی

 

بالاسی اوخلانوب افلاکه ناله سی دایانوب

لباسی اللری عمّامه سی قانا بویانوب

 

شرارِ آهیله یاندوردی کون و امکانی

آلوبدی قارداش الیندن او تشنه قربانی

 

گتوردی خیمه لره ویردی اهلبیته خبر

یغیشدی باشینه یکسر عیالِ پیغمبر

 

گوروبله تازه هلالی قضا خسوفه سالوب

ستاره لر او هلالین تمام دورین آلوب

 

مخدّرات ووروب دورِ ماهده هاله

گورن بوغازینون اوخ یاره سین چکوب ناله

 

بیری ووروب باشا تا اوخ یاراسینا باخدی

یوزینه زلفینه قانین بیری دوتوب یاخدی

 

رباب گوردیله ایلور حیا ایده افغان

سیزیلدوری اوتانور ایتماقا نوا اوجادان

 

حزین سسیله ایدور ناله نورِ دیده سینه

تمام اوغلی ئولنلر ویروبله سس سسینه

 

باخوب او حاله سریّه یانوب بو نسگیلدن

چخارتدی قاسمی یاددان سالوب آدین دیلدن

 

گورنده لیلی علی اصغرین او حالتینی

چخارتدی یاددان علی اکبرین مصیبتینی

 

نقدر واریدی اوغلی ئولن آنا یکسر

ویروبله سس سسه سویلوبله وای علی اصغر

 

تصوّر ایله حرملر نجه گرک یانالار

جوان اوغولّاری یاددان چیخاردولّار آنالار

 

فغان ایدن باش آچان ساچ یولان او ساعتده

قاریشدی بیر بیرینه خیمه گاهِ عصمتده

 

ایله قیامت کبرا او چولده ایتدی ظهور

که بیر علامتِ صغرادور عرصه گاهِ نشور

 

دولاندوردولار الدن اله او غنچه گلی

قالوب آناسی نه حاله؟ اوزی خداسی بولی

 

باسوبدی سینیه جان تک چکیده ی جانین

یودی سرشکیله اوّل بوغازینون قانین

 

سرشکِ چشمی جگر سوزشین بولوندوردی

بو دیللریله سولان غنچه سینی دیندیردی

 

دئدی اوغول دیگوروم کیم سالوب بو حاله سنی؟

سالوبدی بیله نفسدن ملر قویوبدی منی

 

چوخ ایچموسن سو اودور گلمور آغلیاندا سسون

دوتوبدی یا بوغازون لخته قان ، باتوب نفسون؟

 

جهاندا سن چمنِ عمریمه علی گولیدون

گلنده نالیه بیر خوش ترانه بلبلیدون

 

ندندی اولموسان ایندی بو نوعیله خاموش؟

ایدوبدی ساقیِ دست قضا مگر مدهوش

 

قضا باخار سنه سویلر غریبه قرباندی

هزار حیف که عطشان فدای جاناندی

 

قَدَر دییر دگول عطشان ایدوبدور اوخ سیراب

ولی رباب گوزوندن او اوخ توکر خوناب

 

گرک بو سوزِ دیلیله یانا ئولونجه رباب

نجه که سیزیلدار یانار اود اوسته کباب

 

بو سوزشِ دلی گوزویاشی سوندوره هیهات

آخا ئولونجه گوزیمدن اگر چه شطّ فرات

 

اولا نقدر حیاتیم بو دارِ دنیاده

گورنده سو علی سالّام سوسوزلوقون یاده

 

مگر چیخار بو یادیمدان سوسوزدان اودلاندون

سو ویرمدیله سنه ظلم الیله اوخلاندون

 

گورنده بیر سود امر طفل آنا قوجاقینده

علی مجسّم اولورسان گوزوم قباقینده

 

بالالارا آنالار سود ویرنده اودلّانام

منیمده سینمه سود گلور باخوب یانّام

 

هجوم ایدردی سنه سوزشِ عطش هر آن

نه سو نه صود تاپولوردی ویرم منِ نالان

نه دل بولوردون ایدیدون سوسوزلوقون اظهار

نه دل دیینده دوتوردون بیر آز بالا آرام

 

آنان ئولونجه مگر حل ایدر بو نسگیلیوی

قویوردون اوز قورویان لبلریوه گه اَلیوی

 

دیلون دوداقیوه گاهی دولاندوروردون علی

ربابی شعله ی آهیله یاندوروردون علی

 

گهی ایدردون عطش ، شدّتیله مه پاره

خراشِ ناخنیله سینمی منیم پاره

 

بالیق کیمی چابالوردون باخوردوم آغلوردوم

قالوب علاجسیز آخر الیوی باغلوردوم

 

غریبه اولدوم انیسِ مصیبت عالمده

اوزون گیدوب ولی قویدون نشانه سینمده

 

باخوب بو سینه ده دیرناقلارون یرین گورّن

توکوب سرشک سوسوز ئولماقوی بولدورّم

 

خیال ایونده بو نسگیلریوی فکر ایدرم

الیم اورکده آدون دیلده قبره من گیدرم

 

حرمسرای امامتده عزّتیم سنیدون

باشیم اوجالیقی هم جاه و شوکتیم سنیدون

 

داخی بوودهریده سنسیز غمه دچار اولّام

خانیم لیقیم گیدوب الدن ئولونجه خوار اولّام

 

آنا بو دللریله سوزِ قلبین آندوردی

سکینه باجیسی گلدی جهانی یاندوردی

 

او سود امر بالانی آلدی باسدی آغوشه

گلوب او دم باجی قارداش محبّتی جوشه

 

دیسم سزادی که بو چوخ یانوب آناسیندان

کباب اولوب اوره گی اوپدی اوخ یاراسیندان

 

فغانیله دئدی قارداش علی باجون ئولسون

داخی محالیدی سنسیز منیم یوزوم گولسون

 

علیّ اکبریمی ئولدورن زمان دشمن

قیریلدی بندِ دلیم یاندیم ایلدیم شیون

 

گورنده نعشینی قوندی ئولوم توزی یوزومه

سنیله ویردیم علی تسلیت ولی اوزومه

 

دیدیم بونون غمی عیشیم نهالینی کسدی

اگر صاق اولسا علی اصغریم منه بسدی

 

سنیده آلدی الیمدن بو عرصه ده دشمن

بوگونکی گوندن ازل کاش علی ئولیدیم من

 

گوزومی کیمسه گورنمزدی داخی منیم یاشسیز

توکولدی کول باشیما قالدیم ایندی قارداشسیز

 

ووروبلا حلقیوه بو اوخ که فرقهء عدوان

دگیدی کاش علی قارداش منیم بوغازیمدان

 

سنی بوحاله سالان ایتمیوب علی انصاف

نجه شقیدور ایدوب ظلمیده بیله اصراف

 

بولوردی تیرینی ایلوبله زهریله سیراب

دیموبکه زهرلی تیره اوشاقدا اولماز تاب

 

باخوب بوغازیوا گرچه گوزوم توکر قانیاش

ولی خوشا سنون احوالیوه علی قارداش

 

قالوب اگرچه سوسوز غنچه کیمی سولدون

سو اوسته قانه بویاندون ولیک قورتولدون

 

منیم کیمی داخی سن گورمدون اسیر اولماق

دیارِ شامه کیمی شمره دستگیر اولماق

 

خبر ویروبدی بابام قورتولاندا امرِ قتال

سویوب اسیر ایده جاقلار بیزی گروهِ ضلال

 

(حسینی) بو غمی تا حشر گر یازا خامه

غم و مصیبت اصغر یتیشمز اتمامه

 

حرملره ایله سخت اولدی محنتِ اصغر

گوروندی خیمه لر ایچره علامتِ محشر

 

نه تک سکینه نه یالقوز ربابی یاندوردی

بو غم حرملری جاندان تمام اوساندوردی

 

بو سهلیدور که بویوکلر یاناردولار یکسر

کیچیک اوشاقلارادا ایلدی بو غصّه اثر

 

او وقته تک بالالارا العطش دییوردی تمام

دولیدی نالهء المائیله خیامِ امام

 

گورنده اصغره قانیله سو ویروب دشمن

سالوبلا خوردا اوشاقلار سو آدینی دلدن

 

فغان العطش عرشه داخی یتورمدیلر

دله سوسوز بالالار سو آدی گتورمدیلر.

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

-------------------------------

زبانحال حضرت علی اصغر (علیه السلام)

 

جذبهء عشق گتوردی منی میدانه بابا

گوگلومی آلدی ، هدف ایلدی پیکانه بابا

 

ایله مجذوب ایلموشدی منی سودای سفر

پر آچاندا منه ساری اودی پیکانِ سه پر

چشمِ بینائیله ایتدیم اونا امعانِ نظر

دلده یر ویردیم ایله مرغِ پَرافشانه بابا

 

عقل ازلده دئدی بو قان توکن اغیار اوخودی

عشق سویلوب دیمه اغیار ، بو دلدار اوخودی

گرچه اغیار الیله گلوری ، یار اوخودی

یار آدی گلدی منی ایلدی دیوانه بابا

 

من بابا یار آدینون عاشق دیوانه سیم

مستِ تَه جرعهء پیمانهء میخانه سیم

سرخوشِ جاذبهء نرگسِ مستانه سیم

داخی بولمم نه دی باده نه دی پیمانه بابا

 

ساغرِ عشقی نه گوردوم گتورور ساقیِ تیر

دولی الده مِیِ وحدت ، نه که صهبای عصیر

آختارور عاشقِ جانبازِ صغیر ، عشقده پیر

تا منی گوردی ایدوب غُرّشِ مستانه بابا

 

قلبِ عالَم ولی اول غُرّشیله اولدی ملول

نیّرِ چرخِ هُداده گورونوب حالِ اُفول

پیکِ دلداریدی ، عشقیم دئدی ویر رمزِ قبول

سِلمِ محض اولدوم او پیکه ایله فرمانه بابا

 

قصد قیلدی اوپه حلقیمدن اودم ساقیِ تیر

امر ایدوب عشقدن آل رخصت ازل ، مرشدِ پیر

رخصت آلدی ، گورَلی نُخبهء عُشّاقی فُجیر

ایدوب آهنگِ نوا و گلوب افغانه بابا

 

سِلکِ عشقین یته لی سالکِ فرزانه سینه

دئدی قوی باشوی شاهین یارالی سینه سینه

قان سپوب اهلِ ولانین رهِ میخانه سینه

گله صاحب دل اولان تا درِ میخانه بابا

 

لاجرم غنچه ده سولدی گُلِ گلخانهء شاه

سیندی میخانه ده مِی دن دولی پیمانهء شاه

بیر لبالب قدحی ویردی نشان ، شانهء شاه

نه لبالب قدح و باده و نه شانه بابا

 

قان شرابی قدحِ دلده لبالب اولالی

آرزو ساغرینه بادهء وصلت اولالی

گلشنِ عشقیده غنچه سارالوب گل سولالی

گلمه میشدی سنه بو حالِ غریبانه بابا

 

نشئهء بادهء وحدت منی ایتموشدی خمار

گوگلوم ایستوردی گورم عزّتیله مجلسِ یار

حمد لله الون اوستونده تاپوب عشقیم عیار

یول آچیلدی گیدورم مجلسِ جانانه بابا

 

قان شرایین ایچه هر کیمسه بو یولدا اولی مست

عشقِ جانان ایدوب ازّلده منی باده پرست

مستیدیم اوندا که پیمانهء جان اولدی شکست

نوشخند ایتدیم اودور ناوکِ پیکانه بابا

 

منی بیر نحویله ایلوبدی بلا باده سی مست

که گورن حالیمی بِالمَرّه اولور باده پرست

سن دولاندیر رهِ میخانه نی ای مستِ الست

رهِ میخانه ده خوشدور سینا پیمانه بابا

 

اولدی تا عالمِ عشقونده در میکده ، باز

ایلدی باده پرستان ، هوسِ میکده باز

منی ده ایلدی پیمانه سسی میکده باز

گلدیم آخر اودی بو محفلِ عرفانه بابا

 

اوجالان وقتیده میخانه ده پیمانه سسی

چوخالار باده پرستین بلی دلده هوسی

بیرینین پیرِ مرادی اولا گر هم نفسی

نجه ایتمز هوسِ باده و میخانه بابا

 

منه گهواره ده تا یتدی بلایا قدحی

بیله بولدوم ایدورم من بابا رؤیا قدحی

لیک گوردوم ویروری یار اوزی گویا قدحی

اودی بو صحنیه گلدیم بیله مستانه بابا

 

گوئیا (معتکفه) عشق یولی ساده گلیر

او خیالیله ایدوبدور هوسِ باده گلیر

بیلموری وار هله بوینوندا نه قلّاده گلیر

کیم سالور گور اوزونی مسلکِ رندانه بابا.

 

مرحوم علی اصغر زاهدی (معتکف)

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , معتکف

-------------------------------

زبانحال در شهادت حضرت علی اصغر (ع)

 

گوردولر سوسوزدان یانار بالام 

یاندی حالینه لشگر ای باجی

ویردیلر اجل کاسه سیله سو 

آغلاماز داخی اصغر ای باجی

 

من آلاندا چوخ بیقراریدی

 بیرده ایتمز افغان گتورموشم

چوخ سولوب سارالمیشدی عارضی

 ایمدی گل تک الوان گتورموشم

توکمه گوز یاشین دقّتیله باخ

 گور نه قانه غلطان گتورموشم

سولدی بو سارالمیش گُلوم

 ولی اولدی لالهء احمر ای باجی

 

بسکه آغلادی ایلدی فغان

 دوشدی نطقدن بلبلوم منیم

غنچه وش خزان اولدی ظلمیله

 نو بهاریده نو گلُوم منیم

گلدی بیر سمومین زوالینه

 یاندی باغیده سونبلوم منیم

ظلم الیله پامالِ خار اولور

 لاله زار پیغمبر ای باجی

 

دشمنه اثر ایتدی حالی چون

 سوزِ آهی اود ویردی دللره

رحمه گلدیلر قان ایچیدیلر

 سو یرینه تیریله اصغره

آغلیان گوزوندن ایراق باجی

 اوخ دگن کیمی تشنه حنجره

بیله بیچدی نازک بوغازینی

گوئیا کسوب خنجر ای باجی

 

اوخ گلن زماندا سیزیلدادی

 دگدی توکدی قانیاش بیر آغلادی

هم من آغلادیم آخدی گوز یاشیم

 هم باخوب منه اصغر آغلادی

چوخ مؤثر اولموشدی حالیمز

 رقّت ایتدی دشمنلر آغلادی

اولدولار هم آواز نالمه

 فرقهء جفاگستر ای باجی

 

من چوخ ایستورم صبر ایدوب دوزم

 لیک آغلاماق ویرموری امان

هانسی جُرمیله سود امر بالام

 اولدی اشقیا تیرینه نشان

من باخا باخا باتدی قانینه

 ویردی سو کنارینده تشنه جان

قالموری او قدری هلاک اولام

 غصّه دن منِ مضطر ای باجی

 

روزگاریده هانسی بیر آتا

 اوز بالاسینی گوردی من کیمی

من کیمی آخار گوز یاشون اگر

 گورسن اصغری من گورن کیمی

یوخلامیشدی اوخلاندی غفلتا"

آچدی گوزلرین اوخ دگن کیمی

حسرتیله باخدی فراته بیر

 آخدی سو کیمی گوزلر ای باجی

 

دولموشام بولود تک دوتولموشام

 بسکه یوز ویروب غم بو بیکسه

گَل بو قانلی قونداقی مندن آل

 بیر ویراق بو صحراده سس سسه

اوخشا سن بالامی من آغلیوم

 بلکه آغلاماق غصّه می کسه

غم شراری یاندوردی سینه می

 گوگلوم آغلاماق ایستر ای باجی

 

آغلیوب سیزیلداردی اصغریم

 چوخ ویرردی زحمت آناسینه

ایمدی ویر خبر آغلاماز داخی

 نائل اولدی اوز مدّعاسینه

آخر اولدی قربانِ راهِ حق

 جان فدا بیله حق فداسینه

ظاهر آدی اصغردی ، باطنا"

شأن و رتبه ده اکبر ای باجی

 

اصغرین بیوکدور مصیبتی

 ذکر ایدنده دنیانی یاندیرور

(ذهنی) شعله لندی شرارِ غم

 یازما سطحِ دیوانی یاندیرور

بیله غمده شاهِ هدی دئدی

 زینبا بو غم جانی یاندیرور

ای شریکِ غم گَل وجودیمه

دوشدی غصّه دن اخگر ای باجی.

 

مرحوم استاد مشهدی علی اصغر ذهنی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , ذهنی

-------------------------------

زبانحال در شهادت حضرت علی اصغر (ع)

 

گل باجی آل بالامی ، اوخلاندی قان آپاردی

جان ویردی اللریمده ، آرامِ جان آپاردی

 

بیرده گلم خیامه گلمز باجی یوزومدن

اهلِ دل اولسا آنلار احوالیمی سوزومدن

بیر حاله قالمیشام من ، مأیوسم اوز اوزومدن

اصغر غمی دلیمدن نطق و بیان آپاردی

 

گل آل آپار آناسی ویر اوخشاسین بالاسین

اطرافنه دئ یغسین هم خویش و اقرباسین

دوتسونلا اصغریمون اکبر کیمی عزاسین

چون اکبریمدن آرتوخ مندن توان آپاردی

 

سو اولمادی آناسی ویرسین بو طفلِ زاره

گل تک سارالدی سولدی ، یاندی بو شیرخواره

چوخ اینجیدی سوسوزدان گوردی یوخ اوزگه چاره

اوچ شعبه لی خدنگه آخر امان آپاردی

 

چون حرمله بالامی گوردی ویرور سوسوز جان

گوندردی پیشوازه بیر آبدار پیکان

دوتدی دمِ خدنگی شوقیله بو لب عطشان

پستان یرینه امدی ، بیله گمان آپاردی

 

سسلندی اوخ گلنده بولمم بالام نه قاندی

آلدی اوخون صداسین وحشتله بیر اویاندی

اوخ حلقینه توخوندی القانینه بویاندی

قان یاره سندن آخدی ، هوشه بیر آن آپاردی

 

آچدی گوزون یوزیمه باخدی تبسّم ایتدی

آلمیشدی اوخ توانین هوشه دوباره گیتدی

پرواز قیلدی روحی ، وصلِ بتوله یتدی

بو طفلی شوقِ زهرا ، ذوقِ جنان آپاردی

 

منقارینه آلور بیر بلبل نجه گلِ تر

منده او نوعی ایتدیم بو طفلی زینتِ بر

واردور یری دیسونلر باجی منی گورنلر

بیر دسته قرمزی گل ، بیر باغبان آپاردی

 

هر گل آچار چمنده بیر مدّتی دایانی

ایلر باجی معطّر عطریله گلستانی

اما منیم بالامون بو غنچه لق زمانی

سولدوردی آب رنگین بادِ خزان آپاردی

 

بو چولده گوز یاشیم تک ، آب فرات آخدی

سوزِ عطش بالامی یاندیردی باجی یاخدی

گاهی گوزوم فراته گاهی بالامه باخدی

بو غم سو آبروسین تا وار جهان آپاردی

 

قویما (شهاب) الوندن دوشسون بو خامه بیجا

یاز نوحه آغلا ، ایسته ویرسونله نطقِ گویا

مرحوم اولان او (صافی) دم ویردی حالِ رؤیا

گوردون دئدی حسینه نوحه یازان آپاردی.

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , شهاب تبریزی

-------------------------------

زبانحال به حضرت علی اصغر (ع)

 

خوش بخواب ای عاشق جانباز من

خوش بخواب ای اخرین سرباز من

 

روی دستم وه چه زیبا خفته ای

غنچه نازم عجب بشکفته ای

 

ای غزال زخمی دشت بلا

دیده واکن آشنایم آشنا

 

لاله پرداغ این صحرا توئی

نورچشم مادرم زهرا توئی

 

ای غزالان ختن مدهوش تو

قصه ها دارد لب خاموش تو

 

بیخبرازدردبابا خفته ای

راز دل را با تبسم گفته ای

 

جان بابا دیده ات را بازکن

رازو رمزعاشقی آغاز کن

 

گوش کن ای مونس شبهای من

گوش کن ای غنچه زیبای من

 

باتودنیائی سخن دارم هنوز

مانده اندرسینه اسرارم هنوز

 

گوش جان بسپاربراوازدل

تاکه گویم باتو اکنون رازدل

 

اصغرم-حالا تو اصغر نیستی

گوش کن تا آن که گویم کیستی

 

درمقام عشق غوغا کرده ای

قطره ای و کاردریا کرده ای

 

لاله خونین بستانم توئی

غنچه سرخ گلستانم توئی

 

ازهمه گلهای من زیباتری

درمیان عاشقان شیدا تری

 

گرچه طفلی و بظاهر اصغری

لیک از مردان جنگی برتری

 

رفته از دستم همه انصارمن

درمصاف اندرتوئی سردارمن

 

دیده واکن وقت یاری کردن است

نخل دین را آبیاری کردن است

 

اصغرم برخیز تنها مانده ام

درمیان خیل اعدا مانده ام

 

ظهر عاشوراست بابا بیکس است

یک نگاهت بر من تنها بس است

 

تو یگانه یار و غمخوارمنی

اولین و اخرین یار منی

 

من همان دلخسته بابای تو ام

من همان بابای تنهای توام

 

کودکی ، طفلی ، صغیری ، اصغری

لیک پیش دیده ام چون اکبری

 

گرچه تنهایم دراین صحرا ولی

عاشق ششماهه دارم چون علی

 

جان نثاریکه بمیدان بلا

کردسر عاشقی را برملا

 

مانده ایم اینجا من و تو اصغرم

هم سپاه من توئی هم لشکرم

 

گرچه ای گل شاد و خندان میروی

همره خیل شهیدان میروی

 

هردو می جنگیم باخیل عدو

من بشمشیرو توبا خون گلو

 

لحظه ای چشمان خودرا بازکن

باگل لبخند کشف رازکن

 

جذبه عرفانی لبخند تو

کرد عالم را اسیر بند تو

 

گوش کن ای غنچه خندان عشق

گوش کن ای لاله عطشان عشق

 

لایلای مادرت را گوش کن

بعدازان جام بلارا نوش کن

 

باخدنگ عشق رامت کرده اند

عاشق جانباز نامت کرده اند

 

عاقبت خون گلویت شیر شد

شهرت عشق تو عالمگیر شد

 

خوش بخواب اینجا دیاراشناست

تربت پاکش حریم کبریاست

 

دایه پیکان تورا سیراب کرد

نرگس مست تورا در خواب کرد

 

دارد این گلشن بسی آلاله ها

لاله ششماهه تاصدساله ها

 

سوختند اینجا بسی پروانه ها

گردشمع محفل فرزانه ها

 

دارد این دریای خونین موجها

موجهایش سرکشدتا اوجها

 

هرکسی همراه این امواج شد

روزروشن راهی معراج شد

 

هروجب ازخاک این دشت بلا

دارد اندر دل هزاران ماجرا

 

عشق در اینجا تجلا میکند

عشق طوفان عقل سازش میکند

 

عقل میگوید که این تیر بلاست

عشق میگوید که پیک اشناست

 

عشق اینجا دل بدریا میزند

عقل دورخویش درجامیزند

 

یک طرف روباه جنگی سی هزار

یک طرف یک شیراما شیرخوار

 

ان طرف کفرجهانی یک جهان

این طرف جان جهانی نیمه جان

 

عشق اینجا نیز طغیان میکند

شیرخواری کار شیران میکند

 

اصغرمن ظهرعاشورا رسید

روزروشن لیله اسراءرسید

 

میروی آنجا که خلوتگاه اوست

یارآنجا باتو اندر گفت و گوست

 

خفتگان را خفتنت بیدارکرد

ماندگان را رفتنت بیمارکرد

 

آفرین برهمت والای تو

مرحبا بر عشق بی پروای تو

 

خوش برو معشوق میخواند تورا

میرسد این بانگ از عرش خدا

 

الصلا ای محرم اسرار عشق

الصلا ای اخرین سردارعشق

 

ای یگانه محرم رازم بیا

غنچه خونین ممتازم بیا

 

بسترت اینک نه دشت کربلاست

جای تو خلوتسرای کبریاست

 

گاهوارت ذروه اعلا بود

جای تو دردامن زهرا بود

 

ای همه بیچارگان را چاره ساز

رونقی بی تو ندارد بزم راز

 

قدسیان درراه تو بنشسته اند

عرش را با نور آذین بسته اند

 

یک طرف صف بسته خیل حوریان

ایستاده یک طرف کروبیان

 

تو بیا ای آشنای خرد سال

شد مهیا بهر تو بزم وصال

 

ای فروغ جنت الماوای من

ای همای شاخه طوبای من

 

تو بما پیوستی و ازما شدی

قطره بودی و کنون دریا شدی

 

ای به موج خون چو ماهی درشنا

آمدی خوش بردیارآشنا

 

یار یار خویش تا آوازکرد

روح اصغرازقفس پرواز کرد

 

حاج صمد قاسمپور

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه فارسی , قاسمپور

-------------------------------

زبانحال حضرت علی اصغر (ع)

 

من اصغرم به سوزِ دلم ساز می کنم

با یادِ اوست زیرِ لب آواز می کنم

 

بهرِ وصال اوست ،   چو اکبر برادرم

از عشق ، دفتری دگر آغاز  می کنم

 

رزمندهٔ حسینم و با تیغ آه خود

کارِ هزار افسر و سرباز می کنم

 

بی تابیَم  زِ تشنگی و قحط آب نیست

راهی برای عفوِ  خدا باز می کنم

 

امروز هر چه خواست بنازد برایم آب

من هم به  روز حشر بر او ناز می کنم

 

کس پِی نَبُرد گر چه به رازم ، مهمّ نیست

تیر سه شعبه را به خود همراز می کنم

 

چون تیر کین حرمله بر حنجرم نشست

آن وقت درد خویشتن ابراز می کنم

 

می گیرم از خدنگ سه پر  بال و چون همای

سویِ لقایِ فاطمه پرواز می کنم

 

از خیل خاکیان جهان می شوم  جدا

خود را مثال عاشق جانباز می کنم

 

تا روز حشر ، پرچم بابم حسین را

با حنجر بریده سرافراز می کنم

 

آیندگان به قدرت من پی بَرَند ، چون

با دست های کوچکم اعجاز می کنم

 

مَنگَرچنین به کوچکی دستهای من

صدها گِرِه زِ خلق جهان باز می کنم

 

صدها هزار همچو(منادی) ِ عشق را

در شعرِ شیعه قافیه پرداز می کنم

 

روح اله اسماعیلی (منادی)

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه فارسی , روح اله اسماعیلی , منادی

-------------------------------

زبانجال حضرت امام حسین (علیه السلام)

در شهادت حضرت علی اصغر (علیه السلام)

 

گل آنام نائبه سی گلمه چوخ افغانه باجی

ویردی سو تیر جفا اصغر عطشانه باجی

 

سو امیدیله آپاردیم بونی میدانه طرف

اولدی بیر تیریله اوچ شعبه لی پیکانه هدف

هدف تیر جفا اولدی منه جای اسف

ایتدی گل غنچه نی خندان بلشوب قانه باجی

 

گرچه بو تشنه بالام لاله کیمی قانه باتوب

قان ایچوب سو یرینه باشداکی سو فکرین آتوب

بسکه یورقوندی اولوب راحت الیم اوسته یاتوب

بیرده رغبت ایلمز مادر و پستانه باجی

 

اوخ آتان حرمله، قول قوّه لی، دل کینه سی چوخ

اوخ نه اوخ، زهریله سیراب اولان اوچ شعبه لی اوخ

اوزی بی شرم و حیا رحمیدن آثار اونا یوخ

نجه ظلم اولدی بو عطشان قوزی قربانه باجی

 

یری وار یانسا بو غم شعله سینه کون و مکان

بسکه فولادتک آهن دلیمیش بو اوخ آتان

ایکی مظلومی تاپوب ایلدی بیر تیره نشان

ظلم تکمیلینی قویموب یته نقصانه باجی

 

اکبریم قانه باتاندا منه چوخ یتدی الم

اَلَمیم آرتدی یاتاندا علم و صاحب علم

نشئه ویرمزدی بو صحراده می کثرت غم

ویرمه سیدی منه اصغر دولی پیمانه باجی

 

باجی بو دشت بلاده منه چوخ یتدی بلا

هر بلا گلدی دایاندیم، دلیمه گلمدی لا

لیک چوخ پوزدی منیم حالیمی بو تیر جفا

سِچه سن باخسان اگر دیده ی گریانه باجی

 

گورمه میشدی سلف اجداد بو شهرتده خلف

اولمامیشدی بیله اختر تاپا بیر برج شرف

بیر اووج قانینی سپدیم اودی افلاکه طرف

ملکوت اهلی یته عزّت شایانه باجی

 

کربلا باغی بزندی نه گوزل گللریله

سرولر دوشدی ایاقدان سریله پیکریله

قالدی بیر غنچه گل آدلانموش علی اصغریله

گیتدی قانیله سو ویردی بو گلستانه باجی

 

ای آنام نائبه سی عصمت صغری لقبی

آدی زینب اوزی هر درد و بلا منتخبی

صابر اول هر نه بلا گلسه ولادور سببی

آچما شکوه دلیوی درگه سبحانه باجی

 

لوح آفاقیده غم نامه سی مسطور اولالی

ابتلا نامی ولا اهلینه منظور اولالی

یازمیوب کلک قضا یازماقا مامور اولالی

گون الینده آخا اولدوز باتا القانه باجی

 

تاپدی درگاه جلالتده بالام اوزگه مقام

قرب وصله یتیشوب ایلدی تحصیل مرام

قدسیان عالم علوی ده ایدر ناله تمام

آناسی یرده گلن وقتیده افغانه باجی

 

ایله شهزاده ی فرزانه دی بو طفل صغیر

ایستدی صورت اصغر اولا معناده کبیر

اولدی بیر قافله عشق اهلینه سالار و امیر

آلتی آیلیقدا قدم قویدی بو میدانه باجی

 

یوخیدی طاقت اگرچه لب خاموشینده

منه آندوردی عطش خواب عطش هوشینده

گیدورم عرصه ی رزمه آتا آغوشینده

شوقیله فدیه ویرم جانیمی جانانه باجی

 

گرچه من گوهر گنجینه ی بحر شرفم

بولوسن صبر و وقاریله بو گون متّصفم

آغلارام آغلادارام بسکه غمیله طرفم

باخورام هر طرفه هر یره هر یانه باجی

 

نظره آلمادی شخصیّتیمی قوم لعین

که وارام مصحف و توراتیده آیات مبین

الیم اوسته بالامی اوخلادیلار لشکر کین

اولدولار دشمن اولار مصحف و قرآنه باجی

 

نه یهود اولدی بو ملّت قویا توراته محل

نه مسلمان ایده لر آیه ی قرآنه عمل

یخماقا دین ایوینی وورماقا ارکانه خلل

تابع اولموش هاموسی زاده ی سفیانه باجی

 

آتش غمده یانانلار نه بولر طاقت تاب

عالمین قلبی منیم قلبیمی غم ایتدی کباب

سوله گَلسون آناسی غمکش آفاق رباب

ویر تسلّانی بو طرزیله او نالانه باجی

 

آنا هجرینده آتا وار یری فریاد ایلیه

هر جفایه اونی غم مرشدی ارشاد ایلیه

قویما چوخ آغلیه دریای غم ایجاد ایلیه

اشکی طغیان ایلیه غرق اولا طوفانه باجی

 

توصیه وار سنه ای خواهر پاکیزه صفات

لب لعلیمدن آخار چشمه کیمی آب حیات

منیده تشنه جگر اُلدوری بو قوم عدات

سنده هر بیر غمه دوز صبر ایله مردانه باجی

 

باجی بو درگه والایه دیمه کیمدی گلن

بیر «یتیمدی» بیری «سالک» حسینیله حسن

واسطه اصغری الده گتیروبلر من و سن

شافع اولّوخ بو ایکی صاحب عصیانه باجی

 

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی

-------------------------------

زبانحال به حضرت علی اصغر (علیه السلام)

 

بخواب ای نو گل پژمان و پرپر

بخواب ای غنچۀ افسرده اصغر

 

بخواب آسوده اندر دامن خاک

ندیده دامن پر مهر مادر

 

بخواب و خواب راحت کن شب و روز

که خاموش است صحرا بار دیگر

 

نمی آید صدای تیر و شمشیر

نه دیگر نعرۀ الله اکبر

 

همه افتاده در خوابند خاموش

توئی صحرا و چندین نعش بی سر

 

نترس ای کودک شش ماهۀ من

که این جا خفته هم قاسم هم اکبر

 

مگر باز از عطش می سوزی ای گل؟

که از خون گلو لب می کنی تر

 

که با تیر سه شعبه کرده صیدت؟

بسوزد جان آن صیاد کافر

 

خدایا بشکند آن دست گلچین

که کرد این غنچه را نشکفته پرپر 

 

مرحوم حبیب الله چایچیان (حسان)

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه فارسی , حبیب الله چایچیان

-------------------------------

زبانحال حضرت علی اصغر (علیه السلام)

 

لاله خونین رخ این آتشین صحرا منم

غنچه عطشان که سوزد بر لب دریا منم

 

می‌برد همراه قرآن ، سوی میدانم پدر

چون که عترت را ، بقرآن ، مختصر معنی منم

 

اشک ریزد مادرم ، از دیدن لبخند من

غنچه خندان که شد پرپر درین صحرا منم

 

من که یا رب می‌شدم سیراب ، از یک جرعه آب

کشتة لب تشنة بی شیر عاشورا منم

 

آنکه در دست پدر ، جان داده در میدان جنگ

پیش چشم مادر غمدیده اش ، تنها منم

 

ختم شد با نام من ، طومار اصحاب حسین

چون به اسناد شهادت ، مختصر امضاء منم

 

می‌رود برنی سرم ، تا شام ، همراه رباب

اصغرم ، با اکبر اما همره و همپا منم

 

کس نکشته کودک ششماهه معصوم را

در شهادت ، یادگار محسن زهرا منم

 

قلب ثاراله منم ، ز آن قبر من شد سینه اش

آنکه دارد مدفنی والاتر از والا منم

 

هر کسی گرید ( حسانا ) از غم امروز من

خود رهائی بخش او ، از آتش فردا منم

 

مرحوم حبیب الله چایچیان (حسان)

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه فارسی , حبیب الله چایچیان

-------------------------------

زبانحال امام حسین (علیه السلام)

بعد از شهادت حضرت علی اصغر (ع)

خطاب به خواهرشان

 

گل دوتوب اوت اورگیم یاندی باجی

الیم اوسته بالام اوخلاندی باجی

 

جام صبرین باجی بیر اوخ جالادی

خانهٔ قلبیمی دشمن تالادی

اوخ دیوبدور بوغازین پارچالادی

یوز گوزی اُنوگی القاندی باجی

 

یاخشی قویدی سوزی میدان یرینه

نوش ائدوب قانینی درمان یرینه

اَمدی تیری باجی پستان یرینه

بولمدی زهرلی پیکاندی باجی

 

منی یاندیردی یانوب آغلاماقی

آتش آهه جگر داغلاماقی

گوزلریمدن گوزونی باغلاماقی

اورگیم اوت دوتوب اوتلاندی باجی

 

اتمیوب اوچ گئجه دور ناز ایله خواب

آناسین یاندروب ایتمیشدی کباب

یولونی گوزلوری بیچاره رباب

بولموری غنچه سی خنداندی باجی

 

آلدی مندن باجی بو حالی دوزوم

اوخ دگنده قالوب آغزیمدا سوزوم

خیمیه گلماقا گلموردی یوزوم

قارداشون حالی پریشاندی باجی

 

قالدی قونداقی الیمده باجی جان

قانلی میدانی دولاندم نگران

اولمادی قونداقنی مندن آلان

اوت دوتوب قلبیم الولاندی باجی

 

منی یاندردی ایله درد گران

یتیش امدادیمه ای روح روان

اوزون آل یاره سینی ویرمه نشان

آناسی سینه سی سوزاندی باجی

 

ظلمیله غنچه گلوم قانه باتوب

فانی دنیانی باجی گوزدن آتوب

یاتمیوب اوچ گئجه نی ایندی یاتوب

استراحت بونا الاندی باجی

 

کیم بولور قوم عدو نیله دیلر

ناقه صبری نجه پیله دیلر

ایستدیم سو بالامه ویرمدیلر

دیمیوبلر کی لب عطشاندی باجی

 

بو ستاره گون الی اوسته آخوب

قلب خورشیدی آخوب ناره یاخوب

اوخ دگنده منه حسرتله باخوب

گوزلریم حالینه گریاندی باجی

 

ماهین آردنجا ستاره دولانار

گور باتا آی او ستاره دایانار؟

اولارین حالینه خورشید یانار

حالیمه نه فلک اوتلاندی باجی

 

بسدی یعقوبی دولانما شرده

دینه اصغر آدنی هر یرده

دادوه بلکه یته محشرده

بیرده ده اصغریم اوخلاندی باجی

 

حاج حسن یعقوبی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حاج حسن یعقوبی

-------------------------------

زبانحال امام حسین (علیه السلام)

در شهادت حضرت علی اصغر (علیه السلام)

 

غنچه م گول آچیب گولدی، بشارت، باجی زینب

گلزار وفا تاپدی طراوت باجی زینب

 

گلشنده بیچر دست صباحت گوله کوینک

اما اونی هر کوینک ائدنمز بئله گویچک

قرمز گیینوب یاسمنیم لاله لریم تک

تک رنگدی باغیمده وجاهت باجی زینب

 

تعظیم الیورحقه سینیق ساقه ده سونبول

یا اینکه دوشوب سجدیه یارب چاغیرورگول

دونسون بوگولون ایندی گرک باشینه بولبول

لبخندی ائدیر نشر ملاحت باجی زینب

 

بو غنچه که باغیمده اولوبدور بئله خندان

عشقین چمنینده اولاجاق رایحه افشان

حشره کیمی بونوگوله بولبولدی غزلخوان

دلدن ائده جک عرض ارادت باجی زینب

 

اوغلوم الیم اوستونده چیخیب خیمه سرادن

عطشانیدی سو میل ائلدی جام بقادن

وئر مژده ربابه که مرام شهدادن

اصغر ائلدی اکبر حمایت باجی زینب

 

قویما اله سین اشک ملالت بصریندن

مظلوم قانی کسکیندی قلینجین کسیریندن

دین دولتی دائمدی بوقانین اثریندن

رونقلی دی بازار شریعت باجی زینب

 

گرچه غم  هجراندا ئورک داغلیاجاقدی

خلوتده عزا بزمی قوروب آغلیاجاقدی

وهم عالمی هی قونداق آچیب باغلیاجاقدی

اولماز ننه عشقینده ملامت باجی زینب

 

 جعفر عباس نژاد

موضوع: حضرت علی اصغر (ع) زبانحال ,
زبان شعر و شاعر: نوحه ترکی , جعفر عباس نژاد

-------------------------------

‍زبانحال حضرت امام حسین (ع) به خواهرشان

در شهادت جناب علی اصغر (ع)

 

گَل باجی گل ، اصغریم پژمرده حال اوخلاندی گَل

آفتابِ دین الی اوسته ، هلال اوخلاندی گَل

 

آلتی آیدور بیر بلا بُرجین هر آی بو ماهوَش

سیر ایدوب ایلوردی درک و ترک عشقه کشمکش

رهنمای عالَمِ عشق ، اولدی آخرده عطش

ایتدی ترکِ جانیله درکِ جلال اوخلاندی گَل

 

اوچ گجه گوندوزدی آغلوردی بالام عطشانیدی

سانما سن منظوری یا سو یا دولی پستانیدی

من بولوردوم مقصدی اوچ شعبه لی پیکانیدی

ویردی ساقیّ اجل آبِ زلال اوخلاندی گَل

 

عالمِ ارواحده تکمیل اولان بیر مسئله

اصغریم اوخلانماسیدی باجی گلمزدی اله

قلبیمه اود ویردی ظاهرده خدنگِ حرمله

باطنا" شادم ویرن نقصه کمال اوخلاندی گَل

 

تارِ قلبیمدن دگوب مضرابِ تیرِ جانشکار

قیردی تاری بو شکسته دلدن آلدی اختیار

گر چه پوزدی حالیمی ، امّا بو اوخدان هر نه وار

حاصل اولدی دلده کی فکره مآل اوخلاندی گَل

 

وار امامت چرخینون مِهرینده حالِ جانگداز

هئیتِ افلاک ایدر اوز گردشیندن احتراز

ویر خبر ایتسون نجومِ چرخِ عصمت پیشواز

گون کسوفه یوز قویوب بو مه جمال اوخلاندی گل

 

محنتِ هجران وجودین ایلمشدی پرّ کاه

آختاروردی خالی از اغیار بیر آرامگاه

اوخ بیچوب حلقین آچوب بزمِ وصاله شاهراه

ایتدی قان پیمانه سی مستِ وصال ، اوخلاندی گل

 

وار یری یانسون شرارِ آهمیله نُه رواق

شوریله دولسون باجی دشتِ همایونِ عراق

اوخ آتان قول قوّه لی ، اوخ زهرلی ، خوردا اوشاق

ظلم الیله اصغرِ شیرین مقال اوخلاندی گل

 

وار نقدری خیمه ده قاره گیَن ، اوغلی ئولن

باش آچوب ایتسونله برپا شیونیله انجمن

اوخشاسونلار اصغره ، پیکان یاراسین باغلا سن

سنگدل صیّاد الینده بو غزال اوخلاندی گل

 

گوردولر قومِ مخالف غشّ ایدوب بو ماهرو

بولدولر حاله گتورماقا بونی لازمدی سو

سو یرینه ویردیلر قان ایچدی سیراب اولدی بو

زهرلی پیکان ویروب تغییر حال اوخلاندی گل

 

بیر سارالمیش گُل آپارمشدیم صفِ هیجایه من

گَتدیم اما بیر قزل گل دسته سی لعلِ یمن

گیدیروب دشمن بالاما ارغوانی پیرهن

قرمزی اونّوک تکوبدور خونِ آل ، اوخلاندی گل

 

اللریم ، سینم ، یوزوم باجی گینه قانه باتوب

یوز گوزی قانلی ، الیم اوسته بالام راحت یاتوب

دنجلوبدور یوخلیوب سو فکرینی باشدان آتوب

گَل آپار گهواریه آهسته سال ، اوخلاندی گل

 

اوچ گجه گوندوزدی ایتمیشدی آناسین دلکباب

بیر دقیقه ساکت ایتسون چاره تاپموردی رباب

اوخ ایله لای لای دیوب گهواره سین ایتدی تراب

بیرده بو گهواره دن دورسون محال ، اوخلاندی گل

 

غشّدیدی اوخ دگنده دیسگنوب آچدی گوزین

گولدی بیر ، زهرا آنام آغوشینه آتدی اوزین

گولماقیندا کاملا" آندوردی مقصودین سوزین

گولماقین ایتدیم خداحافظ خیال ، اوخلاندی گل

 

آغلاماقدان سینه سی تنگه دوشوب باتمیشدی سس

ایتدی تیری اَمماقا پستان خیالیله هوس

طایرِ روحی اوچوب قالدی الیمده بوش قفس

بلبلِ گلزارِ زهرا اولدی لال ، اوخلاندی گل

 

چوخ خراش ایتمیشدی آجلیقدان ربابین سینه سین

اللری قانلی آپاردیم بو دُرِ گنجینه سین

یوز گوزی قانلی گتوردیم اکبرین آئینه سین

لیلیه بیکس رباب اولدی مثال ، اوخلاندی گل

 

چخدی ناگه خیمه دن بنتُ الوقار ، اُختُ الجلال

دولدوروب آفاقی گوردی ابرِ غم ، گَردِ ملال

اوخلانوب شمسِ امامت اللری اوسته هلال

سسلدی چکمه عزیزیم انفعال ، اوخلاندی گل

 

زینبون قربان خجالت جانوه ایتمه نوا

سنده یوخ چاره بو قومِ دون یوزی اولسون قرا

سن آپاردون بو امیدیله سو ویرسون اشقیا

اولمادی سو اولما چوخ غرقِ ملال ، اوخلاندی گل

 

باخ آقارمیش زلفیمه ای خسروِ گردون مدار

ویر بالامین قانینی آق زلفیمه ایلوم خضاب

ویردی قارداش ، آلدی باجی ، سسلدی ایوای رباب

هارداسان باغِ امیدونده نهال اوخلاندی گل

 

چوخ سنی تنگه گتورمشدی غمِ بی پایه سی

حالوه یاندی زبس رحم ایلدی اوخ دایه سی

سالدی بو سولموش گُله بیر خوشه سنبل سایه سی

ایلمز بیرده عطشدن ابتهال اوخلاندی گل.

 

یا حسین اوغلون (حسینی) آرزو ایلر مدام

قبروه اهلِ عزائیله گلوب ویرسون سلام

سس سسه ویرسونله قبرونده اوخونسون بو کلام

گل باجی گل ، اصغریم پژمرده حال اوخلاندی گل

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

-------------------------------

زبانحال حضرت امام حسین (ع)

به خواهرشان

در احوالات حضرت علی اصغر (ع)

 

گَل باجی عطشان آپاردیم اصغری عطشان گتوردوم

اوخلی قربانین ربابه تازه دن مهمان گتوردوم

 

سو امیدیله بو طفلی خیمدن عطشان آپاردیم

اوز آناسیندان آیردیم بیر قوزی قربان آپاردیم

اللریم اوسته بالامی تحفهء جانان آپاردیم

عرض قیلدیم بار الها تحفهٔ ارزان گتوردوم

 

اولسا بیر بلبل چمنده گر گلِ رعنایه مأنوس

نیشِ خاری نوش ایدر ، نه شکوه ایلر نه بیر افسوس

ایستدیم نمرودِ ثانی اولماسون بو چولده مأیوس

بیر سوسوز ماهی نشانِ ناوکِ پیکان گتوردوم

 

تشنه حلقندن دگنده اوخ اوزی گَلدی امانه

دوز خدنگ ، افلاک قدّین اگدی دوندردی کمانه

قانینی اوجومدا دوتدم منده سپدیم آسمانه

سویلدیم یارب ختام ِخاتمِ پیمان گتوروم

 

قالمیوب آهی بالامون چوخ گیدوب قان یاره سندن

گلماقا شرم ایلورم من مادر ِبیچاره سندن

اوندا که آتدی اوزینی اصغریم گهواره سندن

رمزیله آندوردی یعنی منده یاره جان گتوردوم

 

گوردی قوم اشقیاده یوخدی آثارِ ترحّم

سو خیالین باشدان آتدی ایتمدی اصلا تکلّم

اوخ بوغازیندان دگنده ذوقدان ایتدی تبسّم

غنچه وش سولموش دوداقین گل کیمی خندان گتوردوم

 

بیر قالوردی بو نشانه گلستانیمدن گُلیمدن

گلشنیمدن ، بلبلمدن ، سوسنیمدن ، سونبلیمدن

اولمادی بیر کیمسه آلسون قانلی قنداقین الیمدن

لاعلاج اولدوم خیامه نعشنیی بو آن گتوردوم

 

قانلی قنداقین باسوب آغوشه میدانی دولاندیم

قصد ایدوب گلدیم آناسین منتظر گوردوم اوتاندیم

گه باخوب بو طفله یاندیم گاه گلدیم گه دایاندیم

رنجِ بسیاریله گلدیم سن دیمه آسان گتوردوم

 

ایستدیم یاریله یتسون عهد و پیمانیم ختامه

هر شهیدین پاره پاره نعشینی گَتدیم خیامه

گَل آنام باجی یورولما زحمتیم یتدی تمامه

آخرین بیر زحمتیمدور ، زحمته پایان گتوردوم

 

ویر خبر بیرده حرمده شیونِ دیگر قورولسون

آغلاسون اکبر آناسی ماتم ِاصغر قورولسون

خیمگاهیم حشره دونسون شورش ِمحشر قورولسون

اوخلی بیر محشوری شور ِمحشره اعلان گتوردوم

 

هی باخوب یانّام بو جامِ عشقدن مدهوشه زینب

من دانشدیرام دانشماز سن چاغور آغوشه زینب

گور چخوب روحی بدندن یا گیدوبدور هوشه زینب؟

هوشده اولسا اویاتما ، باخما من نالان گتوردوم

 

گللریم سولموشدی بیرجه گُل بوداقمده قالوردی

گلستانیمدن بو غنچه بیر سراغیمده قالوردی

فکریم آسوده دگلدی تا قوجاقیمده قالوردی

ایمدی ویردیم راحت اولدوم بیر ختمِ نقصان گتوردوم

 

تارِ زلف اکبریمده بیر تله بستیدی اصغر

ذوقِ وصلیله او قدری آغلیوب خستیدی اصغر

اوندا که من سندن آلدیم باجی جان اوستیدی اصغر

احتضاریله آپاردیم ، محتضر قربان گتوردوم

 

بو زبانحالیمون واردور بو بیتینده معمّا

غیره فرض ایلر خطا اهلی ، بولر سوز دوزدی امّا

بیرده گُل گلشنده گولسه ایتمیوب انصاف اصلا

من عزا گلزارینون بو غنچه سین گریان گتوردوم

 

(شأنیم ) ای شاه ذیشان غرق ئدریای گناهم

زادِ عقبادن الیم بوش معصیتدن روسیاهم

ناامید ایتمه قاپوندان سن گورورسن بی پناهم

اصغره بیر نوحه یازدیم اکبره عنوان گتوردوم.

 

مرحوم شانی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , شانی

-------------------------------

زبانحال حضرت امام حسین (علیه السلام)

در شهادت حضرت علی اصغر (علیه السلام)

 

اصغریم اوچدی کبوتر کیمی طوبایه باجی

قوندی شوقیله بوگون دامن زهرایه باجی

 

معنوی سیریده اصغر یتوشوب اکبرینه

ظلمیدن شکوه ایدر داده چاتان داورینه

جبروت اهلی یانوب پارچالانان حنجرینه

دردی تاثیر ایلیوب عالم بالایه باجی

 

آچدی آفاقه دریچه یاریلان حنجرهسی

گویلره شور سالوب حنجرینین منظره سی

عطر جنات دوتوب کرببلا کستره سی

کربلا طعنه وورار جنت اعلایه باجی

 

اگلشوب اصغر شهزاده بو گون گاه استه

ظل ممدود خدا وار بو فلک جاه استه

پرتو نوری دوشوب شعشعه ماه استه

نور الیمدن اوجالور اوج ثریایه باجی

 

اوخ دگوب اصغریمه تتردی ملک و ملکوت

درد جانسو زینه آغلاشدیلا عرش و جبروت

قانلی قنداقینی دوتدوم گویه مانند قنوت

گلدیلر فوج ملک گور نه تماشایه باجی

 

یوخدی بیر دادرسیم قانه باتوب عباسیم

سو کنارینده سوسوز گورنه یاتوب عباسیم

پرآچوب مش ثل هما عرشه چاتوب عباسیم

آز قالور منده چاتام عرش معلایه باجی

 

وای ربابه گوره گر یاره سینی قان آغلار

سینه سین آه جگر سوزیله آغلار داغلار

نه آنا بو غمه تاب ایلیه بلمز داغلار

بنذر اول داغلی اورک لاله حمرایه باجی

 

نو شگفته گلیمی سالدی طراوتدن عطش

آلدی یاراسینی بو نو گل جنتدن عطش

سولدی گلبر گی ولی دوشمدی حدتدن عطش

طعنه ووردی قوریان لبلری دریایه باجی

 

اصغریم ایتدی بوگون خانه اسلامی رفیع

دیممیش دردینی آگاهیدی خلاق سمیع

هانسی مذهبده دی که اوخلانا بیر طفل رضیع

چیخدیلار سود امریملن سر دعوایه باجی

 

قویدولار دینی ایاق آتدا او شورای شریر

نه بوگون اصغریمه دگدی سقیفه گونی تیر

وای اولا امته مسکوت قالوب اصل غدیر

باخمادی مردم بی شرم که وار آیه باجی

 

 آقای هادی وحیدی زنجانی

منبع کانال گنجینه گذشتگان

موضوع: حضرت علی اصغر (ع) زبانحال ,
زبان شعر و شاعر: نوحه ترکی , هادی وحیدی زنجانی

-------------------------------

زبانحال امام حسین (علیه السلام)

به حضرت علی اصغر (علیه السلام)

 

گشودی چشم ، در چشم من و رفتی بخواب اصغر

خداحافظ خداحافظ بخواب اصغر بخواب اصغر

 

بدست خود به قاتل دادمت هستم خجل

اما ز تاب تشنگی آسوده ای از التهاب اصغر

 

بشب تا مادرت گیرد ببر قنداقه خالیت

بگریند اختران شب ها به لالای رباب اصغر

 

کبوتر گو به نسوان مدینه با پسر خونین

خبر کن آنچه بو بردند از وای غراب اصغر

 

تو با رنگ پریده غرق خون دنیا بمن تاریک

کجا دیدی شب آمیزد شفق با ماهتاب اصغر

 

برو سیراب شو از جام جدت ساقی کوثر

که دنیا و سرآبش را ندیدی جز سراب اصغر

 

گلوی تشنه بشکافته بنمای با زهرا

بگو کز زهر پیکانها بما دادند آب اصغر

 

الا ای غنچه ی نشکفته پژمرده بهارت کو؟

چه در رفتن بتاراج خزان کردی شتاب اصغر

 

خراب از قتل ما شد خانه دین مسلمانان

که بعد از خانه دین هم جهان بادا خراب اصغر

 

عمو سقای عاشورا خجالت دارد از رویت

که بی دست از سرزین شد نگون پادر رکاب اصغر

 

بچشم شیعیانت اشگ حسرت یادگار تست

بلی در شیشه ماند یادگار ازگل، گلاب اصغر

 

الا ای لاله خونین چه داغی آتشین داری

جگرها میکنی تا دامن محشر کباب اصغر

 

توآن ذبح عظیمستی که قرآن شد بدو ناطق

الا ای طلعت تأویل آیات کتاب اصغر

 

خدا چون پرسد از حق رسول و آل در محشر

نمیدانم چه خواهد داد؟ این امت جواب اصغر

 

زیارت خواهد و فیض شفاعت شهریار از تو

دعای شیعیان کن از شفاعت مستجاب اصغر

 

استاد شهریار

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه فارسی , استاد شهریار

-------------------------------

زبانحال امام حسین (علیه السلام)

به خواهرشان در

شهادت حضرت علی اصغر (علیه السلام)

 

آنام باجیم ظلم اودینا ، قلبیم اود دوتوب یاندی

الیمده تشنه اصغریم ، ظلم اوخیله اوخلاندی

 

گل یاراسینی باغلا

اوخشا اصغری آغلا

 

بالام یاتوب راحت اولوب دینجلوبدی دیندیرمه

قماطین آچ رختینی سوی تازه دن گییندیرمه

آناسینا باغلامامیش یاره سین نشان ویرمه

مگر آنایه بالانون بیله حالی آساندور

 

دگنده اوخ آغلامادی باخدی بیر منه گولدی

نه علته گولدی اونی خالقیم اوزی بیلدی

الیمده ال ایاق چالیب تشنه جان ویروب ئولدی

الیم قولیم سینم اودور رنگ رنگ الواندی

 

بیر عهد ایتمیشیدیم ازل حی کردگاریله

ویرم او عهده خاتمه من بو شیر خواریله

سو ویردی حرمله بونا تیر زهرداریله

اوخیله سیراب ایلدی غم یمه که عطشاندی

 

سوسوزدان اولموشدی بالام غنچه لیقدا پژمرده

او حالی حالیمی منیم ایلمیشدی افسرده

و لیک قویمادی اولام حرمله دل آزرده

دئدی سو ساخلیان بونا بوسه شعبه پیکاندی

 

همان باجیسی که بونا متصل دیوب لایلای

چتیندی دوزماقی باجی حالنه اونون وای وای

یقین گورنده سسلنور تشنه قارداشیم ایوای

باجون فدا یوزگوزیوه یوزگوزونده نه قاندی

 

قانه باتان آنوگین آچ سیل بوغازینین قانین

آناسینا ویرمه نشان زخم نوک پیکانین

بو قانیله من بویادیم عرش و فرش دامانین

سماده قانی اصغرون حشره دین نمایاندی

 

ویروبدی آغلاما قلقین اجرینی غریب طوس

حسینه آغلیان اودور اولماز حشرده مایوس

دوباره خامه دفتره شاننی ایدن مانوس

حسن رحیمی زاده دور شاه طوسه مهماندی

 

مرحوم شانی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , شانی

-------------------------------

حضرت علی اصغر (علیه السلام)

 

عمه دل ترابیدن ظلم الی گوهر آختارور

نیزه لرین ویرور یره اصغری لشگر آختارور

 

جهد ایدور اشقیا تاپا چرخ وفا ستاره سین

عارضی منخسف اولان قانیله ماه پاره سین

نیزه باشیندا باشلارین آرتیرالار شماره سین

عرش جدایه کوفیان جلوه لی اختر آختارور

 

عمه گورولّه باشلارین واردی تمامی نیزه ده

خوش گورونور ستاره تک نظم و نظامی نیزه ده

اولماسا اصغرین باشی کسر اولی نامی نیزه ده

کوفه لیلر او علته نعشینی پیدر آختارور

 

دور ایلیوب گروه کین خیمه لرین کنارینی

بیرده ربابین ایتماقا قان دل داغدارینی

پرچم زلفی اسماقا نیزه ده شیر خوارینی

نوک سنانی ظلمیله فرقه کافر آختارور

 

بیله که سبقت ایلوری بیر بیره عمه کوفیان

یاللعجب توکولموری تپراقا جمله آسمان

زیر و زبر ندندی بس اولموری یرلر عمه جان

اصغری زیر خاکیدن قوم بداخترآختارور

 

اصغره دوتمیوب هله اصغر آناسی تعزیه

شوریله نیزه دارلر عرشی سالوبلا لرزیه

ظلمیله ذبح ایدوب باشین ویرماقا نوک نیزیه

نچه ستمگر و شقی بیر علی اصغر آختارور

 

سیر ایله بیر بو لشکرین کینه سینه جفاسینه

باعث اولوب جفالری آل علی نواسینه

آتشی گل ساچوب هره فخریله اوز جداسینه

حرمله غیطه ایلیوب غنچه احمر آختارور

 

گون الی اوسته ظلمیله عمه آخان ستاره نی

خاک سیه ده دفن اولان بیر در شاهواره نی

حلقی سه شعبه تیریله یاره لی شیر خواره نی

سعی و تلاش ایدور تاپا فرقه ابتر آختارور

 

هانسی ستم شعاریدن وار بولارین اجازه سی

خشک اولا شاهزاده نون قویموری خون تازه سی

چاره نه دور تاپولسا گر قارداشیمون جنازه سی

الده جدا بو اون نفر طفل مکدّر آختارور

 

بس دگی عارض مهین ایتدی بو قوم منخسف

شمس سپهر عزتی عمه ایدوبله منکسف

حلق علیّ اصغری ایلدیلر اوخا هدف

دویمادی ظلمیدن بولار کینه دیگر آختارور

 

آتش ظلمه عمه جان ووردی بو کوفیان اَتَک

آل علی او آتشه یاندی بو چولده تک به تک

بس دگی باتدی اصغریم چرخ وفاده نجم تک

قانلی جنازه سین ندن قوم ستمگر آختارور

 

 مرحوم نجمی تبریزی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , نجمی

-------------------------------

زبانحال حضرت امام حسین (علیه السلام)

در شهادت حضرت علی اصغر (علیه السّلام)

 

شاه عطشان اصغرین تپراقیده پنهان ایدوب

زینبه اخیامیده گویا بیله اعلان ایدوب

 

گلمیشم گل منده زینب دیده گریانه باخ

چکمیشم اوخ حلق اصغردن الیمده قانه باخ

 

فاطمه مهریّه سیندن ذرّه احسان اولمادی

ئولدی ششماهم لب عطشان فرقهٔ عدوانه باخ

 

من دیدیم سعد اوغلونا زهرای اطهر اوغلیام

جدّیم احمددور گرامی دوت منی قرآنه باخ

 

باخمادی گفتاریمه ناقص قالوبدور موعظم

اوغلوما وردیردی پیکان خصمیده وجدانه باخ

 

هیچ گوروبسن گلستاندا گل سناندا شاخه دن

عالم فکرونده زینب غنچه خندانه باخ

 

بیر گل آویز تک آسلاندی باشی جسمیده

یانمیشام احوالینه میدانیده بحرانه باخ

 

باش گیدوب دال سمته گویا شکر ایدوب اللّهنه

رمزه باخ عشق عالمینده شکر بی پایانه باخ

 

هانسی گوهر هاشمیدور ارزشی سنماقدادور

گوهر علایه باخ عشّاقه باخ جانانه باخ

 

شاهرگ فوّاره تک قان آتدی دوتدوم اؤجما

قانینی سپدیم سمایه قیمت قربانه باخ

 

گوزلرین یوممشدی پیکان دگدی آچدی گوزلرین

کربلاده احترام اصغر عطشانه باخ

 

گوردی زهرانی قباقینده دیور گل سینمه

قلب پر مهرینده رحم مفخر نسوانه باخ

 

ال ایاقین چالدی گویا عرض ایدوب گلدیم ننه

یاره لی سینونده پیکاندان یورولمش جانه باخ

 

سینووه آهسته گللم اینجمز پهلولرون

پنجه منحوس اعدادن سنان مرجانه باخ

 

زینبیم هیچ کیم قوجاقیمدن بالامی آل مادی

سن آدامسیز قارداشوندا درد بی درمانه باخ

 

سسلدیم عباسی سمت نهر علقمدن گله

گل دیدیم ای دادرس یالقوز قالان سلطانه باخ

 

ناگهان بیر سس گلوب قاز قبرینی قربانوین

من خلیله خالقیندن گلدیگی فرمانه باخ

 

اللّریم گلموردی قوملاردا جمالین گیزلدم

تز دیدی عشقیم شروط لوحه باخ پیمانه باخ

 

ویر خبر گلسون رقیه اصغره لای لای دیسون

آل کنارین خیمه سینده بلبل خوشخوانه باخ

 

قان دولان قونداقینی آچسون گوزل قارداشینون

خرداجا گهواریه سالسون سن ای فرزانه باخ

 

زینبیم بیر قاره معجر سال زبابون باشینه

اصغریم گلمز خیامه آز دینن میدانه باخ

 

سوندی شمعی ویر خبر پروانه شمعین گزمه سون

تز یخار فرقت ربابی آتش هجرانه باخ

 

سسلنوب اوچ گون بالا یوخدور سویوم یوخدور صودوم

تیر عشقونلن عزیزیم یار دل شان شانه باخ

 

قانلی قنداقدان بیلر دلبندی نه حاله دوشوب

بیچدی خنجر تک بوغازین زهریلی پیکانه باخ

 

صود بیلوب قانین دولاندیردی دوداقینده دلین

اوخ اموب پستان یرینده قانه باخ پستانه باخ

 

یا حسین «معزّی» هر زمان پرشور اولا

گل ئولن گون قبرینه قوی قبریده پر نور اولا

 

حاج یوسف معزی اردبیلی

موضوع: حضرت علی اصغر (ع) زبانحال ,
زبان شعر و شاعر: نوحه ترکی , معزی اردبیلی

-------------------------------

زبانحال حضرت علی اصغر (علیه السلام)

 

سولی پیکاندا بابا ویردی منه حرمله سو

قان اولیدی بو فراتی نیه لازم بیله سو

 

سودا الله یارادوب عالمه نیروی حیات

سودی عالملره سر چشمه فیض برکات

بیزه اما سبب قتل و ممات اولدی فرات

آه اگر حشره ده اولسون بیزه جای گله سو

 

موجه دریا کیمی گلدی بو بیاباندا فرات

لب دریاده عطشدن سو دیدی یاندی بنات

منه ده ویرمدی حتی بیر ایچیم قوم عدات

یوخسا قورخوردلا بیر شربه ایچم اسگیله سو

 

قوم بی عرضه نه آنلار بابا شخصیتیوی

پست ملت نه قاناز پایه حیثیتیوی

قدریوی بولمین امت نه بولر قیمتیوی

آبرو یوزدن آلار وجهینه ویرمز هله سو

 

ندی بیر شربه سویون قیمت و قدری باباجان

آلالار صحبتوون وجهینه یتمیش ایکی جان

نجه جانلار ، اولا قربان اولارا جان جهان

هر بیری خلقت آدمده کی آب و گله سو

 

تشنه سقا عمومون گوردون او جدیتینی

بیر قوری مشک سویا صرف اولونان همتینی

بولمدی لشگر او سردار الینون قیمتینی

کسدی ویرموب بیر ایچیم حیف اولا بیر جوت اله سو

 

گیجه گوردوم بابا ئوز طالعیمون اولدوزینی

بلدوم اوندان گیجه مین آخرینون گوندوزینی

ایستدیم چوخ گورم عمه آنا باجی یوزونی

هره آلسون منی آغوشینه سالسون دله سو

 

بسکه مشغولیدی گوگلوم گیجه گوندوز غمینه

بیر ائلین قتلینه ماتم زده لر ماتمینه

بیر بولوک السیز ایاقسیز اسراء عالمینه

توکولوردی اودی گوزدن یوزه بی فاصله سو

 

آنامون حالینی بیر حالیده گوردوم بابا جان

غصه دن آز قالور اولسون غم ایدوب باغرینی قان

چخدی یاددان عطشیم قالدیم آنامدان نگران

گوزلریم ایسته دی سپسون بو آلیشمیش دله سو

 

نه قدر گوز یاشی سپدیم او یانار سینه سینه

گوردوم اشکیمده یانار اودلار آتار سینه سینه

دیرناقیم فکر ایلدیم بیر یول آچار سینه سینه

چنگ وردوم یاراسیندان سپم اول مشعله سو

 

آرتدی هر قدر بابا سوزشی سوز عطشین

گول کیمی سولدی گل عارضی هر غنچه وشین

من او نوعیله که گوردوم عطشین کشمکشین

بو حسابیله دگور حل اولونان مسئله سو

 

بیزی فرض ایلدی شام اهلی بابا روم و حبش

خیمه ده باجیلاروم عمه لریم ایتدیله غش

بیزی سولدوردی بو نوعیله که بو سوز و عطش

نه یوزیله ویرجاخ بیرده طراوت گله سو

 

حیف اولا گتدیم آنام بولمدی درد دلیمی

نیلییدی هانی دل منده بولیدی دلیمی

سن اوزون شرح ایله باری آناما نیسگلیمی

گله قبریمده سرشکیله سپه نیسکیله سو

 

روز و شب (ذهنی) بیزه ایلوری خدمت بابا جان

ایستوری عزت دارینی ویره رب جهان

یازوری نوحه منه کاه نهان گاه عیان

شب عاشوریده هر ایل گتورور چوخ دله سو

 

مرحوم ذهنی زاده

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , ذهنی زاده

-------------------------------

زبانحال حضرت امام حسین (علیه السلام)

در احوالات حضرت علی اصغر (علیه السلام)

 

بزم وصاله بیر گل خندان گتورمیشم

قونداق ایچینده دسته ریحان گتورمیشم

 

قؤرخوم بودور که لایق درگاه اولماسین

چون چؤخ سؤلوبدی رنگی پریشان گتورمیشم

 

هرنه واریمدی وئرمیشم اما خجالتم

بیر بو قالوب الیمده که قربان گتورمیشم

 

بو تحفهٔ محقری یارب قبول ائله

شرمنده ام که تحفهٔ ارزان گتورمیشم

 

بیلّم ائدر یانوندا منی سرخ رو اگر

اؤز قانی ائتسه رنگینی الوان گتورمیشم

 

ای اهل شام مژده وئرون بیرجه شربه سو

بیر تازه غنچه زینت میدان گتورمیشم

 

مین عذریله بالانی آنادان آیورمیشام

یالقوز قویوب آناسینی نالان گتورمیشم

 

گویلی دؤلوبدی غصه ایلن بؤش قالوب الی

قالمیش دالیجا گؤزلری گریان گتورمیشم

 

سو وئرمگه آناسینا چؤخ ضامن اؤلموشام

شرمنده ائتمیون منی عطشان گتورمیشم

 

سو ایستیرم گرک وئره سوز وئرمه سوز اگر

ناچار سو یرینه وئرم قان گتورمیشم

 

اوچ گوندی شیریله دؤلی پستانی امّمیوب

پستان یرینه تا امه پیکان گتورمیشم

 

اوّل وئرون سو،صونرا بوغازینی اوخلیون

تا وئرمسین الیمده سوسوز جان،گتورمیشم

 

مرحوم دخیل مراغه ای

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , دخیل مراغه ای

-------------------------------

زبانحال به حضرت علی اصغر (علیه السلام)

 

نازلی یارالی سود امر، جانیم اولا فدا سنه

شامه گیدور باجون گلوب، نی تک ایده نوا سنه

 

گلشن غمده بیر گلوخ، هر گل و غنچه دن باشوخ

ناقه ده من جداده سن، شامه یتینجه یولداشوخ

عشقیمزی گورن بولر، بیز نجه باجی قارداشوخ

عشقده آفرین منه، حسن ده مرحبا سنه

 

بیر اربعین مزاریوه هامی گلور زیارته

من که گلنمرم یتم، بیر عمر تا سعادته

من سنی گورماقیم علی، قالدی داخی قیامته

حشره دین اولدی خوابگه وادی کربلا سنه

 

گیت گیله نازیله علی، سینه شهده هوشه سن

باخما ستمله سولموسان، خرمن عشقه خوشه سن

شیعه لرون امیدی سن، روز جزایه توشه سن

حشرده آغلاماز یقین ساخلاسا کیم عزا سنه

 

رخت علایقی نجه بو جسمدن سویوم گیدوم؟

نعشوی قوملار اوسته من، بو حالیله قویوم گیدوم

جسمده یوخ باشون اوپوب گل یوزیوی دویوم گیدوم

قوی باری حلقوی اوپوم، جانیم اولا فدا سنه

 

گل گیله قول بویون اولاخ، دلده کی مقصده چاتاخ

کنار نهر علقمه آلوم قوجاقیمه گیداخ

بوغازون اوخ یاراسینی، عموما بیر نشان ویراخ

گوره نه ظلم ایدوبدولر بو چولده اشقیا سنه

 

(اعظمی) خالقون سنه، توجه ایلیوب اوزی

تائید اولوبدی گوئیا، اوندا یازاندا بو سوزی

رسمدی شاهزاده ده چوخ اولی نوکرین گوزی

اشگیله نوحه یاز ویرور روز جزا، جزا سنه

 

مرحوم اعظمی تبریزی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , اعظمی تبریزی

-------------------------------

زبانحال حضرت امام حسین (علیه السلام)

در شهادت حضرت علی اصغر (علیه السلام)

 

گل باجی فغانه سینه داغلا، اوخلاندی الیمده اصغریم گل

هم اصغره هم حسینه آغلا، واردور بیر اسفلی منظریم گل

 

گلموردی یوزوم گلم خیامه، گوردوم آناسی باخور اوتاندیم

میدانی بالام الیمده زینب، بیر قدر صاقا صولا دولاندیم

گه قانلی جنازه لر یانندا، گه پشت خیمه ده دالدالاندیم

آخرده بو سوز قلبیمیله بو گوز یاشیم اولدی رهبریم گل

 

آهسته بالامی آل الیمدن، باجی هله سسلمه آناسین

سیل یوز گوزونون قانین، آناسی گلسه بئله گورمسون بالاسین

انجتمه چوخ اینجیوب یاتوبدی، لای لای دئنه باغلا اوخ یاراسین

ای غصه و درد و غم شریکی، محنتلی گونیمده یاوریم گل

 

بو قانلی جنازه سی بالامون، قویما بو قدر الیمده قالسون

گل آل ویر آناسنا، دئ باجی گهوارسینه یواشجه سالسون

وار هر نه باشی قرالی یاسلی، گهواره سنون کنارین آلسون

آچسون باشینی ساچینی یولسون، دوتسونلا عزا حرملریم گل

 

دلدن باجی دوتموشام شراره، غم آتشی قلبیمی یاخاندا

الله بولوری نه چکمیشم من، حلقندن اوخی چکوب باخاندا

دمشنلریم ایلیوب شماتت، من صورته قاننی یاخاندا

علت اودور عارضیمه بئله، قانیاش توکوری بو گوزلریم گل

 

اوخ دگدی بوغازینا گوز آچدی، باخدی منه بولمورم نه بولدی

یاندوردی منی او باخماقیلا، قان آخدی من آغلادیم او گلدی

یومدی گوزونی دوشوب نفسدن، جان ویردی بالام الیمده ئولدی

از بس بوغازیندان آخدی قانی،قانه بویانوبدی اللریم گل

 

خلوت گه یاره یولادیم من، بو گون باجی بیر دولی گلستان

تک تک هاموسی او گللر اولدی، زیبنده بزم راز جانان

گوردوم قالوری او گلستاندان، ببر غنچه گولوم منیم باجی جان

افزایش زیب و زینت اولدی، اول بزمه بو غنچه تریم گل

 

تشنه ئیدی بالام ز بس سوسوزلوق، آلمیشدی الیندن اختیارین

سولدورموشدی خزان گلی تک، آثار عطش بو گل عذارین

اوچ شعبه لی تیر رحمه گلدی، گوردی باجی حال احتضارین

قان ویردی بو طفله سو یرینه، قان اولدی دل مکدریم گل

 

دینموردی الیمده یوخلامشدی، اوخ دگدی بوغازینا اویاتدی

گوردی که اوشاقدور آغلیاجاق، لای لای دئدی اوخ دوباره یاتدی

دئ گلسون آناسی ایستمز سو، سو فکرین آتوب مرامه چاتدی

یوخدور سودی چکمسون خجالت، سرمستیدی سودن اصغریم گل

 

یاندیم شرر غمه آلشدیم، سو تک بالامون قانی آخاندا

باخدیم صولا صاقه حسرتیله، حسرتله بالام منه باخاندا

دنیا یوزینه او قانی یاخدیم، قانین بالامون یوزه یاخاندا

آثارینی انتقامه ساخلار، گوگلرده خدای داوریم گل

 

بو غم ایله حالیمی پوزوبدور، آنلار هامی اهل دل سوزومدن

آخسا یری وار بو گوز یاشیم تک، گر خون جگر ایکی گوزومدن

گل آل ویر آناسینا بالاسین، گلمور باجی جان منیم یوزیمدن

دئ ویرسون او بی کسه تسلی، وار نه هر سیاه معجریم گل

 

هر بیر اوشاقی آچاندا سوددن، بو رسمدی ناز ایدر آنایه

اما آناسی بالا یولوندا، صبر ایلر هامی غم و جفایه

نسگلدی بو غم منیم بالامه، اوچ شعبه لی تیر اولوبدی دایه

زحمتله باجی آچلدی سوددن، بو مهجه قلب مضطریم گل

 

بیر عمریدی یا حسین (عاصی) حسرتدی بولورسن اول مزاره

هر شام و سحر اورکدن ایستر، آغلار توکر اشگ تر عذاره

ایسته سنی زینبون بو وقفه، لطف ایلیه بو چشم انتظاره

قویما قالا حسرتیم اورکده، یاز آدینی باری نوکریم گل.

 

مرحوم مشهدی حسن عاصی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , عاصی , حسن عاصی

-------------------------------

زبانحال حضرت علی اصغر (علیه السلام)

 

باباجان گل بشیگیمدن منی میدانه آپار

شیر خوار عاشقوی محضر جانانه آپار

ذره پرورسن ایله ذره لره لطف و نظر

ای سعادت گونی غملی گیجه می ایله سحر

خوردا سربازوی فاتح یازا تاریخ بشر

 

دگلم راضی حقارتله جهاندا یاشیام

اصغر اولسامدا بابا اکبروون قارداشیام

عهدنامون اولونان وقتیده تنظیم و رقم

ثبت ایدوبدور آدیمی لوح شهادتده قلم

گوزله یاددان چیخادارسان منی ای میر امم

 

سنی عباس عمومون خاطری افسوس ایلمه

کرموندن چوخ اوزاقدور منی مأیوس ایلمه

مست جام ازلم بسکه دولوب مغزیمه شور

ایستورم بزم تقربده تاپام فیض حضور

خوشدی بو غملی بشیکدن منه گهواره گور

 

ایستورم شهپر آچام شاخه طوبایه گیدم

یوموب آغلار گوزومی سینه زهرایه گیدم

هبجان گتدی منه کلمه استنصارون

غم یمه کوی وفاده یخلوب انصارون

هله گهوارده وار بو صود امر غمخوارون

 

سنکه عارفسن حساب ایت کموی بیش کیمی

برگ سبزون اله آل دوش یولا درویش کیمی

کوفه اهلینده لیاقت هانی وئرسون سنه سس

گله دشمندی همیشه بیلوسن خاریله خس

گنه ئوز خیموه گل ایشه پاکیزه نفس

 

جستجو ائتسون اگر بی نظر عاشق تاپولا

نوجوان اولماسادا صود امر عاشق تاپولار

 

مرحوم انور اردبیلی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , انور اردبیلی

-------------------------------

احوالات حضرت علی اصغر (علیه السلام)

از زبان حضرت امام حسین (علیه السلام) 

 

ای حسینین اللهی شاهد اول اوخلانوب سوسوز سودامر بالام

اوچ گجه گونوز لبلرین اموب، ایمدی قانلی پیکان امر بالام

 

من ازل کی گون قول ویرموشم کربلاده بیر امتحان ویرم

نونهال باغ رسالتده سو یرینه بو چولده قان ویرم

قویمیام شریعت گلی سولا، عشقیمی جهانه نشان ویرم

عهدیمه وفا ایلدیم بو گون تشنه اوخلانوب محتضر بالام

 

دوغریوب جوانلاریمی سوسوز بیر به بیر بو گون قوم اشقیا

صبر ایلدیم هر مصیبته هر قضایه ویردیم خدا رضا

اکبریم اُلنده بو حالته دوشمدیم من ای خالق عَلا

آه آتشینیله جانیمه اوخلاناندا ووردی شرر بالام

 

ماه آل هاشم بو دشتیده ایلدی خدا آی کیمی خسوف

شمس آل هاشمده آز قالور ابر خونیده ایلسون کسوف

اللریمده بو سودامر بالام گلمیشم بو درگاهه یا رئوف

شاهد اول بو قانلی قماطیله محشره بو نوعی گلر بالام

 

بو منای عشقیمی دولدوروب یتمیش ایکی قوچ قوزی قربانیم

فرد فردینون حقلیم اگر آتش فراقیله اودلانوم

بی گمان منای محبّتین قانلی توپراقین خوش بزر قانیم

قانلی قنداقیله ولی گوزل بو منای عشقی بزر بالام

 

من موفّق اولدوم مرامیمه شکر اولا سنه حیّ لایَنام

آز قالور اوزوم جان ویرم سوسوز ایلیم هامی عهدیمی تمام

خدمتیمی تکمیل ایدوب منیم اللریمده بو طفل تشنه کام

قانیله بویاندی بو عرصه ده ویردی یاخشی شیرین ثمر بالام

 

دین یولوندا گرچه بو چولده من کسمیشم تمام علایقی

بولمرم اوزومی بو حالیله لیک وصل دلدار لایقی

شمر الینده کی خنجرین بو گون بو سوسوز دوداقلاردی شایقی

اصغریمده جان ویردی تشنه لب ایلدی من مفتخر بالام

 

من بو شیرخواری گتورمدیم بو امیده بیر جرعه سو ایچه

ایستدیم بو ظالم جماعتین جور و ظلمی اندازه دن گیچه

لیک گلمزیدی گمانیمه اوخ قلج کیمی حلقینی بیچه

سو یرینه بولمزدیم اوخ گلر اللریمده الدن گیدر بالام

 

گرچه اوخلانوب تشنه لب بالام حالیمی پوزوبدور مصیبتی

سن بولورسن ا... حسینیوین وار بو حاله دلدن رضایتی

لیک آناسی گوزلور بونون یولون گوز تیکوب یولا دلده حسرتی

بولموری ایچوب سو یرینه قان تشنه کام اُلوب سودامر بالام

 

بو جماعت ایستوردی جدّیمون ایلسونله زحمتلرین هدر

باغ دینده گللر خزان اولا، نونهال دین ویرمیه ثمر

دینینه فدا اولماقا گلوب قانینه بویاندی بو سودامر

آی گونون دالینجا جدا بویی بیر ستاره تک سیر ایدر بالام

 

آتش فراقیله وار یری عالمه بو گونده شرر سالام

دلخوشام اورکدن من ای خدا بو منای وحدتده تک قالام

اوخ دگنده نازک بوغازینه گوز آچوبدی دیسگیندی بیر بالام

ایلدیم من احساس او وقتیده شمع تک الیمده سونَر بالام

 

هر مصیبتیم درد و محنتیم بیر یانا، بالام دردی بیر یانا

سن بولورسن ا... بو سودامر نسگلیله باغریم دونوب قانا

بیر ایچیم سو اوستونده کیم گوروب شیرخواره ظلمیله اوخلانا

لامَحاله باخموبدی حرمله وورماسیدی پیکان اُلر بالام

 

مین بیله بلا و محن یته منده وار دوزوم اولمارام ملول

باخمارام خیمده سو ایستوری، آغلاشور هامی عترت رسول

واردی خواهشیم لیک ای خدا قیل اوزون بو قربانیمی قبول

چون اوزین منای محبّتین بیر قوزی فداسی بولر بالام

 

گوردی اصغریم دین کمکلری ایلیوبله بو چولده اتّفاق

نوش ایدن شهادت پیاله سین محضر نگاره گیدر قوناق

ایستدی فدایان دینیدن قالمیه دالی بو ضعیف اوشاق

لعل تک اودور سرخ فام اولوب قرمزی لباسی سور بالام

 

بیر نهاره اسلامی دعوتی حاضر ایلدی جمعه نین گونی

ناصریّ و محمود و حبشی آذریّ و طاهباز و محسنی

کهنمویی ریاضی و فقیه نوحه خوان حمیدیله گلچینی

یازدیلار او سائل یازان سوزی اوخلانوب سوسوز سودامر بالام

 

مرحوم کهنمویی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , کهنمویی

-------------------------------

زبانحال حضرت امام حسین (ع)

در شهادت حضرت علی اصغر (ع)

 

اصغریم اولدی قیامت گونیمه توشه باجی

اوخلانوب الّلریم اوستنده گیدوب هوشه باجی

 

خیمه دن گل نجه گور قانه دونوب اشک تریم

وار بو قربانگه عشق ایچره گوزل فدیه لریم

اوّلی اکبر اولوب آخری بو سود امریم

خرمن عمردن اخذ ایتدیم عجب توشه باجی

 

ایستمیشدی حق اوزی دیننه قربان بالامی

حرمله ایتدی اودور قاننه غلطان بالامی

یوخلامشدی اویادوب ناوک پیکان بالامی

دم پیکاندان ایچوب سو بو جگر گوشه باجی

 

اوخ دگوب رنگی قاچوب دیسگنوب آچدی گوزینی

باخدی بیر گلدی دینموب ولی واضح سوزینی

باشی آخدی دالیه سینمه قویدی یوزینی

منلن اصغرده اولان مهر گلوب جوشه باجی

 

اوخلی قربانیمه باخدوقجه من ایوای دییرم

قلبیمون میوه سیدور یانّام اوغول وای دییرم

باسارام باغریما سولموش گله لای لای دییرم

آلارام قبریده قونداقنی آغوشه باجی

 

اصغر و اکبر الوب قانه حسینونده باتار

دیمه قارداشون اوز ایستکلی لرین گوزدن آتار

سینه ده اصغریم اکبر ایاقیم آتدا یاتار

اوچ وجودیله مزاریم اولی ششگوشه باجی

 

بزم وصله بو بلا دشتی اولار رهگذریم

یر یوزینده قالاجاق قبریمله خوش اثریم

گله جاق دسته به دسته بو یره شیعه لریم

هر بیری محشر ایچون اخذ ایده جاق توشه باجی

 

گل الیمدن آل آپار سسله وفالی آناسین

آنا آغوشنه ویر قانه بلشمش بالاسین

دیسون ایوای بالاوای باغلاسون اصغر یاراسین

آغلاسون اهل حرم اصغر مدهوشه باجی

 

بیرق عشقی هامی مایل اولار دلده ساچا

چوخ سور لشگر غم دورمیه قلبینده قاچا

سود امری آنا ایستر بالاسین سودّن آچا

نسکل اولدی بو مصیبت اوسیه پوشه باجی

 

روزگارین آنا ایستر بالاسیله خوش اولا

سالا اوز امجگینه سود امه تا دلخوش اولا

راضی اولماز بالا گهواره سی بیر آن بوش اولا

گله لای لای سسی هر صبح و مسا گوشه باجی

 

سینم اوسته بالامون یاتماقنون علّتی وار

ایسترم حشره قوجاقیمده گله حکمتی وار

شهدا صفلرینه اصغریمون زینتی وار

قویمارام نقص اولا تا حکمت منقوشه باجی

 

سعی ایدر «ساعی» بیزه خدمت ایده لیل و نهار

اودی هر روز عزا نوحه اوخور نوحه یازار

روز محشر آنامیز فاطمه دن اجرتی وار

اوندا که دین علمین آلدی آتام دوشه باجی

 

 مرحوم حاج غلامرضا شیعۀ خلّص

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حاج غلامرضا شیعه خلص

-------------------------------

زبانحال حضرت زینب (س)

به حضرت امام حسین (ع) در

شهادت حضرت علی اصغر (ع)

 

چوخ باخوب اصغره یانما منی یاندرما حسین

اوخلی قربانیوی میدانی دولاندرما حسین

 

ایتمه غم اولمادی سو سولدی الونده گل یاس

گتور اکبر کیمی دوتسون آناسی اصغره یاس

باخوری اهل جفا اصغرون آز باغریوا باس

خیمه ده منتظری واردی یوباندورما حسین

 

شعله آهویله قلبیمی آز یاندور یاخ

غش ایدوبدور آناسی خیمه ده بیر شیونه باخ

بالاوون قانینی گل بو آغاران زلفیمه یاخ

آتما قانین گویه افلاکی بویاندرما حسین

 

سن او قانیله بویاندون منیده قوی بویانوم

گلمه سن گلم اوزوم اولما رضا چوخ دولانوم

قویموری قید محبت باجون اولسون دایان

.چکمه خجلت چکیلوب دوره ده یاندورما منی

 

نه چکور اصغر آناسی اونی بیر لیلی بولر

شیر خواره بالاسین گورمسه صاق قالماز ئولر

پوزقون احوالیوه باخدوقجا بو شام اهلی گولر

دردیوی گل منه دی دشمنه آندورما حسین

 

سوورم بیرده او غنچه گولی آغوشه آلام

باغلیام حلقینی گهواره سینه بیرده سالام

ساخلاما عرصه گه رزمیده یورقوندی بالام

اوز اوزون یورما مصیبتدن اوساندورما حسین

 

آفت باد خزان یوز ویروب اول غنچه گوله

قورخورام آغلیاسان شاد اولا شام اهلی گوله

گورورم ایستموسن بو غمی اطفال بوله

من ربابه دیرم سن اونا قاندورما حسین

 

یاتمیوب اوچ گیجه گوندوزدی زبس ایچمیوب آب

سو ویروب زهرلی پیکان ایلیوب ایمدیکه خواب

سو ایچوب اصغری فکر ایلوری بیچاره رباب

یوخلیوب، ساخلاما میداندا اویاندرما حسین

 

بولموری اهل حرم وضعینی قارداش ایشیگون

سو امیدیله چکور الده سو جامی کشیکون

خردا قیز لار دولانولار باشنا بوش بشیگون

آغلا ماقدان بالالار اولدی دایاندرما حسین

 

گه فرات اوسته باخورسان ایدوسن شور و نوا

چاقورورسان بالاوی آلسون ابوالفضلون اخا

الی یوخ قارداشون عباسین اونی سندن آلا

عذری واردور آتاسی حیدری یاندورما حسین

 

یانار احوالیوه بیگانه اگر گورسه سنی

آغلاسان آغلادوسان قارداش آنام فاطمه نی

غصه دن باتدی سسیم آغلاما آغلاتما منی

خانه صبریمی بو چولده تالاندورما حسین

 

یاحسین رفع ایت (حسینی) دن اوزون بو مرضی

بیر نگاهون اولی مین دکتر عالی عوضی

گوز یاشیدی بو سوزیمدن نچه نوکر غرضی

چوخ باخوب اکبره یانما منی یاندورما حسین

اوخلی قربانیوی میدانی دولاندورما حسین

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

-------------------------------

زبانحال حضرت امام حسین (ع)

به خواهرشان

در شهادت حضرت علی اصغر (ع)

 

هلال برج عزت گون الینده باتدی گل زینب

چوخ آغلوردی بالام لای لای دیدی اوخ،یاتدی گل زینب

 

آلان یوخ بیر نفر بو قانلی قنداقی قوجاقیمدن

سنه معلومدور حالی ربابین، اوز سیاقیمدن

یوزیندن اوپمیشم ازبس، آخور قانی دوداقیمدن

یوزیمده،اللریمده تازه قانه باتدی گل زینب

 

اچلدی عالم ارواحده تا عشق بازاری

متاع وصل حقین اولمادی من تک خریداری

آچوب اکبر آدی، اصغر آدی ختم ایتدی طوماری

بالام اوخلاندی،من آلدیم، حبیبیم ساتدی گل زینب

 

رباب آغلوردی سویلوردی آز آغلا سینه می داغلا

گورنده آغلامور ایندی دیور آغلا بالام آغلا

آناسندان باجی گیزلین یاراسین گل آپار باغلا

آنا آغوشنون فکرین باشینان آتدی گل زینب

 

دگن ساعت بوغازنان بو قوم سفله پیکانی

یارالاندی جگر گوشم گلوب جوشه جگر قانی

پوزولدوم باغریما باسدیم باجی بو تشنه قربانی

یاراسیندان آخان قان، سینه می ایسلاتدی یا زینب

 

عطشدن ایله سولموشدی سارالمیشدی بو دلخسته

گورنده سس چکوپ آغلاشدی دشمن دسته به دسته

سها تک اصغری هر کیم باخوب گوردی الیم اوسته

منی مهره،بالامی اولدوزا اوخشاتدی گل زینب

 

بوغاز نازک، آتان قول قوه لی اوچ شعبه لی پیکان

اودور علت بوغازین بیچدی اوخ چون خنجر بران

گیچوب دیدی قولومدان آخدی قان بو فرقه عدوان

ایکی قان بیر بیرینه بیر اوخیله قاتدی گل زینب

 

ربابین سینه سین اوز صورتین دیرناق یاراسیله

خراش ایلوردی آجلیقدان سو فکری سود هواسیله

نه آ؛لور نه دینور نه حسی وار بیر اوخ صداسیله

بالامی حرمله سسدن سالوپ یوخلاتدی یا زینب

 

بالم پستان خیال ایتدی ازل پیکان دمین امدی

بولوب تا سوزشین، آچدی گوزون گوردی اولن دمدی

ایله گولدی او گولماق تا جهان وار مایه غمدی

دوباره گوزلرین یومدی مرامه چاتدی گل زینب

 

(حسینی) وردی الدن سود امر بیر طفل شش ماهه

یتوب بولدی نه غم اصغر غمینده حجت اللهه

نشست ایلر بو سوز چون نوک پیکان قلب آگاهه

هلال برج عزت گون الینده باتدی گل زینب

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

-------------------------------

زبانحال حضرت امام حسین (ع)

در شهادت حضرت علی اصغر (ع)

 

یانار اودلارا سالوبدی منی اهل شام الهی

سوسوز اوخلانوب الیمده سودامر بالام الهی

 

نجه تاب ایدر آناسی- گوره اوخلانوب بالاسی

آلیشوردی تشنه لیقدان، دوتوب اود الولانوردی

آناسی گوروب بو حالی چکوب آه اودلانوردی

چابالوردی اللریمده جگری زبس یانوردی

سولی بیر اوخیله دلدن دوشوب اولدی رام الهی

 

یری واردی نالم عرشه بو گون ای خدا اوجالسون

شرر فغان و نالم فلکه شراره سالسون

کمکیم که یوخ، کیمیم وار بالامی الیمدن آلسون

ستمیله آل هاشم قیریلوب تمام الهی

 

آناسیندان ایمدی آلدیم بونی مین دلیله یارب

نجه قیتروم من ایلوم اونا ایمدی کشف مطلب

بیچیلوب بوغازی، قانی بدنین ایدوب مخضّب

آناسین مَلَر قویوبدور سپه لئام الهی

 

منی یاندیرور بولورسن بالامین بو اوخ یاراسی

گیده بولمورم خیامه، گلور آغلاماق صداسی

بالاسین بو نوع گورسه اوزین اُلدورر آناسی

بیر آنا مگر بو ظلمه گتورر دوام الهی

 

من امامم عالمینه بولوری بو قوم یکسر

عجب احترام ایدولّر منه بو گروه کافر

گهی آد قویولّا یاغی، گهی ناسزا دیولّر

منی خارجی بولولّر سپه ظلام الهی

 

بو فراتی ایلمیشدون سن الهی مَهر آناما

ولی ویرمدی بو لشکر بیر ایچیم منیم بالاما

صف حشریده دوران گون هامی صف بصف نظامه

اوزون آل بو اشقیادن او گون انتقام الهی

 

بو قدر جفا روادور اولا بیر غریب زاره

هامی یار و جان نثاری دوشه یرده پاره پاره

بویانا ستمله قانه الی اوسته شیرخواره

ایده لر بنی امیّه اونی تلخکام الهی

 

غم روزگار ایدوبدور منی ای خدا دل افکار

نه انیس وار نه مونس، نه بو یالقوز ایوده غمخوار

نسباً حسینیم من هم حسینیوه عزادار

بو حسیندن ال گوتورمم نه قدر وارام الهی

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

-------------------------------

زبانحال حضرت امام حسین (علیه السلام)

در شهادت حضرت علی اصغر (علیه السلام)

 

ای خدا اوزون شاهد اول بونا اوخلانان علی اصغریمدی بو

قانینی سنه تحفه یولّورام عرشیوه سنون زیوریمدی بو

 

چکمیشم خزان دردی یِتمیشم عالم وفا نوبهارینه

سو یرینه قان ویرمیشم بو گون گلستان دین لاله زارینه

رسمیدور قزل گُل نثار ایدر عاشق اوز وفالی نگارینه

گرچه بیر صولان غنچه دی ولی دسته ی گُل اَحمریمدی بو

 

تا یازیلدی طومار ابتلا مطلعی من اولدوم او دفترین

یازدیلار متمّم او دفتره آدینی ابوالفضل و اکبرین

ایله فدیه لر ویرمیشم بو گون گورمیوب فلک مثل و مظهرین

دفتر شهادتده حشریده شاهکار و سر دفتریمدی بو

 

مقصد اَلستیم گَلوب اَله بو حسین الهی بو کربلا

بو قُماط اصغر او حرمله بو بوغازداکی ناوک جفا

ویرمیشم بو گون کوی عشقیده شوق اوزیله یِتمیش نفر فدا

تک به تک اولار اصغر اولسالار شاهد اول اوزون اکبریمدی بو

 

ایلدی بنی هاشمین آیی خاک و خون ایچینده بو گون خسوف

آسمان عمریمده اکبریم آفتابیدی ایلدی کسوف

ظلم اَلیله اوخلاندی اصغریم باشی نیزیه گیچسه یا رئوف

باشینی گورن نیزه ده بُلر آی یانینجا بیر اختریمدی بو

 

سوگُلون حسینم کمکسیزم، حالیمی ایدن کیمسه یوخ سراغ

اولموری رضا اهل کوفه من غصه دن تاپام بیر نفس فراغ

اکبرین هله داغی گیتمیوب چکدیلر او داغ اوسته تازه داغ

وار یری دلیم اود دوتوب یانا پاره ی دل مضطریمدی بو

 

یالقوزام غریبم اوغولسوزام دشمنیم منیم چوخدور ای خدا

بو دیار غربتده بر نفر دادیمه یتن یوخدور ای خدا

سسلینده هَل مِن مُعین منه سس ویرن قلج اوخدور ای خدا

قیزلاریم سو ایستور خجالتم رفع خجلته رهبریمدی بو

 

یوخ آلان اَلیمدن جنازه سین سوزِ غم ایدوب قلبیمی کباب

اوغلوم اکبرین گَلموری سسی هر چه ایلورم نعشینه خطاب

قارداشیم ابوالفضلی سسلورم نیزه و قلجلار ویرور جواب

گیزله دَم گرک زیر خاکیده پر بها دُر و گوهریمدی بو

 

بو جماعت شام و کوفه نین وصفه گَلمین دور شقاوتی

وار بو غنچه ی نو شکفته نون برگِ گُلدن آرتوق لطافتی

سود اَمَر اوشاق نازنین بدن سُمِّ مرکبیله نه نسبتی؟

ایستورم وجودی تاپولماسون دلده مقصد مُضمریمدی بو

 

ای حبیب من اوخلانوب بالام منتهای مقصوده چاتمیشام

باغریما باسوب قانلی قونداقین سر به سر اوزوم قانه باتمیشام

اصغریم ایله حالیمی پوزوب اکبریمی یاددان چخاتمیشام

بُلمورم آخور قانی قلبیمون یا که اشگ چشم تریمدی بو

 

بیر نفر کمک سیز غریبیده نه قَدَر اولور ای خدا دوزوم؟

هر یانا بو چولده بو گون باخور دوغرانان جنازه گورور گوزوم

عرصه گهده دورسام قوشون گُلر خیمیه گیدوم گَلموری یوزوم

دوشموری دلیمدن علی آدی بسکه دلده چوخ از بریمدی بو

 

قان دوتوب بوغازین باتوب سسی آغلامور داخی ایلیوبدی خواب

عُذریله آناسیندان آلموشام وعده ویرمیشم اصغرینه آب

نه یوزیله من خیمیه گیدوم خیمه نین قاپوسین کَسوب رباب

حقّی وار گوروب قونداقین دیسه بوش قفسدی یا اصغریمدی بو؟

 

سس یِتیشدی دربار قدسیدن آغلاما حسین، صبر ایله دایان

وار بهشتیده دایه سی بونون گوزلوری بالان فاطمه آنان

تحفه یولّادون قانین اصغرین درگهیمده قیمتلی دور بو قان

باشلاناندا دیوان معدلت لطف و قهریمه مصدریمدی بو 

 

یالقوزام غریبم اوغولسوزام دشمنیم منیم چوخدور ای خدا

بو دیار غربتده بر نفر دادیمه یتن یوخدور ای خدا

سسلینده هَل مِن مُعین منه سس ویرن قلج اوخدور ای خدا

قیزلاریم سو ایستور خجالتم رفع خجلته رهبریمدی بو

 

یوخ آلان اَلیمدن جنازه سین سوزِ غم ایدوب قلبیمی کباب

اوغلوم اکبرین گَلموری سسی هر چه ایلورم نعشینه خطاب

قارداشیم ابوالفضلی سسلورم نیزه و قلجلار ویرور جواب

گیزله دَم گرک زیر خاکیده پر بها دُر و گوهریمدی بو

 

بو جماعت شام و کوفه نین وصفه گَلمین دور شقاوتی

وار بو غنچه ی نو شکفته نون برگِ گُلدن آرتوق لطافتی

سود اَمَر اوشاق نازنین بدن سُمِّ مرکبیله نه نسبتی؟

ایستورم وجودی تاپولماسون دلده مقصد مُضمریمدی بو

 

ای حبیب من اوخلانوب بالام منتهای مقصوده چاتمیشام

باغریما باسوب قانلی قونداقین سر به سر اوزوم قانه باتمیشام

اصغریم ایله حالیمی پوزوب اکبریمی یاددان چخاتمیشام

بُلمورم آخور قانی قلبیمون یا که اشگ چشم تریمدی بو

 

بیر نفر کمک سیز غریبیده نه قَدَر اولور ای خدا دوزوم؟

هر یانا بو چولده بو گون باخور دوغرانان جنازه گورور گوزوم

عرصه گهده دورسام قوشون گُلر خیمیه گیدوم گَلموری یوزوم

دوشموری دلیمدن علی آدی بسکه دلده چوخ از بریمدی بو

 

قان دوتوب بوغازین باتوب سسی آغلامور داخی ایلیوبدی خواب

عُذریله آناسیندان آلموشام وعده ویرمیشم اصغرینه آب

نه یوزیله من خیمیه گیدوم خیمه نین قاپوسین کَسوب رباب

حقّی وار گوروب قونداقین دیسه بوش قفسدی یا اصغریمدی بو؟

 

سس یِتیشدی دربار قدسیدن آغلاما حسین، صبر ایله دایان

وار بهشتیده دایه سی بونون گوزلوری بالان فاطمه آنان

تحفه یولّادون قانین اصغرین درگهیمده قیمتلی دور بو قان

باشلاناندا دیوان معدلت لطف و قهریمه مصدریمدی بو

 

باخما اصغره یانما آغلاما، کائناتی یاندورما یا حسین

سود اَمَر بالان باغریوا باسوب چوللری دولاندورما یا حسین

چرخ اطلسین دامنین بیله قانیله بویاندورما یا حسین

چرخیده شفق تک قالار بو قان زینت خورِ اَنوریمدی بو

 

سن منیم یولومدا بو سود اَمَر طفلی ایلدون تشنه لب فدا

تا که جدّیوین امّتی اولا نار قهریدن حشریده جدا

منده بو بالایه بغیشلرم ایتسه لر حسینی لرون خطا

شامل ایلرم لطفیمی دیسه هر او کس منه- سروریمدی بو

 

اولمیوبدی اولماز سنون کیمی بیر نفر وفاسین نشان ویره

سو یرینه سو اولمیان زمان نخل دین اسلامه قان ویره

ساخلاما اَل اوسته چکیده ی جانیوی یره قوی که جان ویره

ایچمیوبدی ایچمز فراتیدن، تشنه ی یَمِ کوثریمدی بو

 

ایچمه میشدی سو تشنه کامیدی، غنچه تک سارالمشدی صورتی

قانیله بویاندورموسان یوزین قرمزی گُله وار شباهتی

منتظردی زهرا گوزَتلوری بو گُلِ ریاض ولایتی

پیشوازینه مرتضی چخوب میهمان پیغمبریمدی بو

 

دوتما گوگلره قانلی صورتون، قان یاشیله دولدورما گوزلرون

بارگاهیمه سالما ولوله، قوزاما گویه قانلی اَللرون

محضریمده اثبات عهدیوه اکبروندن آرتوقدی اصغرون

بو مناده اکبر فدادی بو، چوخ دیمه داخی اصغریمدی بو

 

ای حبیب خلّاق لا مَکان، وی شهنشه انبیا غلام

من حسینیم سعدی زمان درگهونده مستخدمم مُدام

یازسان آدیمی کلبِ آستان کائناته فخر ایلرم تمام

تاج و تختیله ایتمرم عوض سن دیسن اگر نوکریمدی بو

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , حسینی سعدی زمان

-------------------------------

زبانحال در احوالات جناب علی اصغر (ع)

 

گل علی اصغری آل حالتی برهمدی باجی

قانلی قونداق آرا بیر روح مجسمدی باجی

 

قوروموشدی آنا پستانی داخی سود یوخیدی

سوزش و ناله آنادان بالادان چوخ چوخیدی

اونی سیراب ایدن عالمده فقط بیر اوخیدی

از قضا تیر قضا زهریله پر نَمدی باجی

 

آتش عشقیده صاف ایتمک ایچون غلّ و غشین

آلدیم آغوشیمه قونداقینی اول حور وشین

لبلرینده اوخودوم شدت سوز عطشین

گل یوزینه توکولن گوزیاشی شبنمدی باجی

 

الیم اوستونده گوتوردوم آپارام میدانه

هدیۀ کوچک ال اوستونده گیده جانانه

تحفۀ کوچک ذی قیمت اولور شاهانه

قطره کوچک دی ولی زیب کَفِ یَمدی باجی

 

سو امیدیله آپاردیم صف اعدایه اونی

اوخلیوب آخ دیمیوب دشمن دون پایه اونی

گورمدیم من قوجاقیمدا داخی جز سایه اونی

قوی قدم بزم غمه گور بو نه عالمدی باجی

 

صبح صادق کیمی آق گردن مینا گورونوب

پرنیان قونداق آرا بیر تن رعنا گورونوب

تن رعناده گلو لوءلوء لالا گورونوب

حرمله گوردی که منظوری منظمدی باجی

 

ائتمدی هیچ خطا اوخ اتانون تدبیری

پر آچان نعره چکن وای دین بیر تیری

راست گلدی یره یخدی او گوزل نخجیری

دیمدی صید حرم صید محرمّدی باجی

 

دوغری تشخیص ایلیوب تیر جفانین هدفین

سیندیروب اصغر والا گهرون جان صدفین

بوغازی نازکیدی آچدی اونون هر طرفین

اوخ بوغازه نه ایدر امر مسلّمدی باجی

 

نوک پیکان یرینه ناوک پیکان آلدی

گوش تا گوش گلو ویردی بوتون جان آلدی

شیر و شیرانه بالام جانله جانان آلدی

سعی و توفیق هامی امرده باهمدی باجی

 

شیر مادر کیمی اوخ اصغری سیراب ایلدی

نازیله آچدی گوزون باخدی گینه خواب ایلدی

نخله ی جانی آخان قانیله شاداب ایلدی

نخل اگر سو ایچه شادابدی خرّمدی باجی

 

بسکه قونداق لطیف ایچره قیزیل قان دولدی

دامنیم قرمزی گوللرله گلستان اولدی

گل یاسیم یوزومه گولدی ده گل تک سولدی

اوزی اوز یاسنه خندان گا ماتمدی باجی

 

کعبه حقده قویون کسدی اگر ابراهیم

کربلاده قوزی قربانی اولور ذبح عظیم

قان مرکّب قلم اوخ سطح گلو صفحه سیم

او گوموش صفحه قیزیل قانلا مترجَمدی باجی

 

بیر اووج آتدیم اوقاندان فلک الاَفلاکه

بیر کیچیک قطره سیده گلمدی روی خاکه

دامن عرش مقام اولدی اوخون پاکه

سرخی رنگ شفق آیت محکمدی باجی

 

شکر صد شکر الیم اوسته بالام جان ویردی

جان ویروب سهلیدی لب تشنه و عطشان ویردی

اولدی قربان هامی قربانلارا بیرشان ویردی

آدی اصغردی اگر، رتبه سی اعظمدی باجی

 

هرنه قربان ویره جکدیم او بویوک درگاهه

بیر به بیر یولّامیشام محضر شاهنشاهه

گیدورم ایمدی فراغتله لقاء اللّهه

چونکه اسباب سفر جمله فراهمدی باجی

 

شهر تبریزده «هندی» دو تا هرگونه مرض

یازماسا نوحه محرّمده اولور نقص غرض

آیریلور چونکه بودرگاهیده ذاتیله عرض

گَله هر کیمسه خلوصیله او اقدمدی باجی

 

مرحوم هندی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , هندی

-------------------------------

 زبانحال حضرت سکینه (س)

 در راه شام

 

گلدی بهار بلبل اولوب گللر عاشقی

من او لمو شام زما نه ده بیر دلبر عاشقی

 

مژگان او خون کما نه قویوب آتما سینمه

الدورمه ای نگار وفا پرورعاشقی

 

یا قوت پر بها اولا دنیا من ایستمم

اهل خرد بلولّه منم حیدر عاشقی

 

پروانه نار شمعه یانا یوخ مذمتی

والله سالار بلایه محبت هر عاشقی

 

ایستر آنا بالاسینی هر باجی قارداشین

اما سکینه ایله رباب اصغر عاشقی

 

شامین یولوندا بیر گیجه گوردی خانم رباب

آغلار هَزار وار گل احمر عاشقی

 

گوردی سکینه یوخلیوب اما سسی گلور

او خشار فصاحتیله قرا معجر عاشقی

 

آغلار دیر قوجاقیمه گل ای گل تریم

واللهی یاندورور او ملک منظر عاشقی

 

اولدم سکینه نی اویادوب خوابیدن رباب

سو یلوبدی بیله آغلاما ای اصغر عاشقی

 

ای مهربان قیزیم بیله قلبین یانور مگر

لیلا کیمی اولوبسان علی اکبر عاشقی

 

عرض ایلدی آنا یوخودا گوردوم اصغری

اولدوم دوباره قانه باتان حنجر عاشقی

 

آلموش آتام قوجاقینه باغ بهشتیده

نازین چکر نه نازیله اول داور عاشقی

 

گوردوم او خردا قارداشیم آرام دوتموری

امر ایلدی آتام منه ای غملر عاشقی

 

گل آل قوجاقه اصغری لایلای دی بیر زمان

عالمده خردا قارداش اولور خواهر عاشقی

 

آلدیم قوجاقه جوشه گلوبدور محبتیم

غملی اورک اولوب یارالی سوزلر عاشقی

 

لایلای دیدیم دودا قیمی قویدوم دودا قینه

اولماز او لبلرین اُپنی کوثر عاشقی

 

محشر گونی جهنم اودوندان صدا گلور

یا ندور مارام (حزینی) اودور اصغر عاشقی

 

مرحوم حزین طارمی

موضوع: حضرت علی اصغر (ع) زبانحال , احوالات راه شام , حضرت سکینه (س) ,
زبان شعر و شاعر: نوحه ترکی , حزین زنجانی

-------------------------------

زبانحال حضرت امام حسین (علیه السلام) در شهادت حضرت علی اصغر (علیه السلام)

 

پایانه یتوب عهدیله پیمانیم الهی

اوخلاندی الیمده قوزی قربانیم الهی

 

بیر الده بالام، یارب آلوب بیر اله قرآن

گتدیم بو گون اثبات حق ایتماقلیقا عنوان

قرآنی دانوب ایلدیلر ظلمیده طغیان

دوتسون بو ستمگرلری قرآنیم الهی

 

سولموشدی الیم اوسته بو گل غنچۀ مینو

آهسته ملردی دیه سن بچّۀ آهو

یاندی سوسوزوندان بیر ایچیم ویرمدیلر سو

باخدیم اونا یاندی دل سوزانیم الهی

 

هر یانه فراتین سویی دریا کیمی آخدی

یاندوردی بالامی بو سوسوزلوق اودی یاخدی

آغلار گوزیله گه سویا گاهی منه باخدی

ایچدی قانینی اصغر عطشانیم الهی

 

صحرای بلا تاپدی بزک گللریمیله

عبّاسیمیله قاسمیله اکبریمیله

آرتدی بزکی غنچه دهن اصغریمیله

جنّاته وورار طعنه گلستانیم الهی

 

قانه بویانوب تشنه بو بیر گوهر نایاب

دین گلشنینی ایتدی قزل قانیله سیراب

بیر گون اولی بو گلشن آچار مین گل شاداب

اعلان اولونار مقصد پنهانیم الهی

 

بیر یرده که چوخ گرم اولا بازار محبّت

کالایه خریدار اولا ذات احدیّت

کالانی الیمده ساتوب آلّام دولی قیمت

محشرده شفاعت اولی عنوانیم الهی

 

نازلی بالامین یتدی بهارینده خزانی

سولدوردی اونی باد خزان غنچه زمانی

بیر سرخ گلابه بویادی کرب و بلانی

باتدی او گلابیله بو دامانیم الهی

 

آز سنّیله نسگل لری عالمده چوخ اولدی

واردان ال اوزوب، نغمۀ سو دلده یوخ اولدی

سیراب ایدن آخِرده سه شعبه بیر اوخ اولدی

باخدیم اونا یاندی دل بریانیم الهی

 

ائلسیز قالانا یاور و غمخوار تاپولماز

من ائلسیزه اغیار آرا بیر یار تاپولماز

فریاده یتن یوخ، داخی دلدار تاپولماز

فریادیمه یت ای حق منّانیم الهی

 

دوز عشقیله دوتدوم سنی، عرضیم یالان اولماز

سنده منی دوت بی کسی یاده سالان اولماز

دردیم ندی غصّم ندی دلدن آلان اولماز

ای درده یتن، دردیمه درمانیم الهی

 

بی یاورم اغیار آرا یاده سالانوم یوخ

انصاریم الیمدن گیدوب اصلا قالانیم یوخ

نازلی بالامین نعشین الیمدن آلانیم یوخ

قالموش الیم اوسته قوزی قربانیم الهی

 

قنداقی قوجاقیمده شرار غمه یانّام

بو قانلی چولی صاق صولا حسرتله دولانّام

گه صاق صولا حیرتله گیدوب، گاه دایانّام

خوناب توکر دیدۀ گریانیم الهی

 

اوخلاندی بو آهو باخیشیم ظلمیله اُلدی

حشره کیمی آغلار آناسی بو سوزی بولدی

غنچه دوداقی قاچدی باخوب بیر منه گولدی

آغلاتدی منی غنچۀ خندانیم الهی

 

بو عرصیه یول شیعه لر ایکاش سالیدی

بیر قیدیمه بو قانلی بیاباندا قالیدی

رافتله الیمدن قوزی قربانی آلیدی

آباد اولیدی دل ویرانیم الهی

 

یاخدیم یوزینه قانینی، خوش صحنه یاراتدیم

زلفین بویادیم، ارزش قربانی چوخاتدیم

اوجومدا همان قانی دوتوب من گویه آتدیم

ساخلا او قانی چرخیده یزدانیم الهی

 

یوز دونروب ایمدی هایانا عزم ایدوم الله

چارم کسیلوب، چاره ندور بس نیدوم الله

گلمز بو یوزیمدن که خیامه گیدوم الله

یوخ دورماقا، یوخ گیتماقا امکانیم الهی

 

خیمه قاپوسین ایمدی کسوب آغلار آناسی

فکر ایلوری سیراب اولونوب نازلی بالاسی

بولمور بوغازیندا وار اونون کاری یاراسی

بی روح دوشوب فدیۀ بی جانیم الهی

 

کیم واردی هرایه گیدوم ایتسونله حمایت

خرگاهه سالوم یول، چکورم چوخلی خجالت

میداندا دولانسام منه ایله لّه شماتت

بی شرمدی چوخ دشمن نادانیم الهی

 

مندن نه دونر درد و بلا، من نه بلادن

اعداده جفا جودیله، دویمازلا جفادن

فریاد جفاکاری بی شرم و حیادن

دیوان ایت اوزون داور دیوانیم الهی

 

سندندی نییم وار منیم ای ورد زبانیم

ویردیم سنون اوغروندا نیه گلدی گمانیم

یوخدور قالانیم ایمدی، مگر بو باش و جانیم

قربان ایلیم من سنه جانانیم الهی

 

من (تائبم) آگاه حسینی شرفیمدن

گر تیر شماتت یاغا دورت بیر طرفیمدن

حقدور هدفیم، دونمرم اصلا هدفیمدن

قرباندی الهی هدفه جانیم الهی

 

من (تائبم) الله بولورم چوخدی گناهیم

تکمیلدی پروندۀ سنگین سیاهیم

ویرّم قسم اصغر جانینا سینه ده آهیم

عفو ایله اوزون واردی نه عصیانیم الهی

 

مرحوم تائب تبریزی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , تائب تبریزی

-------------------------------

زبانحال حضرت امام حسین (ع)

در شهادت حضرت علی اصغر (ع)

 

گل کناره ای آنام یادگاری زینبیم

آل الیمدن اوخلانان شیرخواری زینبیم

ویر غریب آناسینا اوخلانان بالاسینی

اوخشاسین بالاسینا باغلاسون یاراسینی

 

گوزلور اوغلونی رباب ایمدی انتظاریله

گوزلرین تیکوب یولا حال انکساریله

بولمور اوخلیوبدیلر تیر زهرداریله

اگلشوب بوغازینا زخم کاری زینبیم

 

گوردی مرغ روحینون تنگ آشیانه سین

صاق صولا دولاندیروب چشم آهوانه سین

رمزاً ایلدی بیان العطش ترانه سین

گتدی رقّته او نور اهل ناری زینبیم

 

گوردیلر من آغلادیم باخدی اصغر آغلادی

اولدی همنوا بیزه قوم کافر آغلادی

سس سسه ویروب اودم هامّی لشکر آغلادی

چخدی دشمنین گویه آه و زاری زینبیم

 

حرمله ایدوب عیان کینه ی نهانینی

کینیله آلوب اله تیریله کمانینی

ردّ ایدوب کمانیدن تیر جان ستانینی

اوخلادی الیمده بو شیرخواری زینبیم

 

اوخ آتان قولی قوی اوخ سه شعبه زهردار

اوخلانان ولی سوسوز بیر ضعیف شیرخوار

اوچی سنگدل شقی، سودامر اوشاق شکار

گورمیوب جهان بیله بیر شکاری زینبیم

 

اوخلانوب ستاره تک آخدی گیتدی اصغریم

گوزلری آخا آخا باخدی گیتدی اصغریم

یاخدی، یاندیروب منی یاخدی، گیتدی اصغریم

ساندیروب او حسرتی بو فکاری زینبیم

 

چوخ فرحله اوخلانوب ئولدی سوامر بالام

لذّت شهادتی بولدی سودامر بالام

باخدی نازیله منه گولدی سودامر بالام

ایتدی عشقینی بیان احتضاری زینبیم

 

بیر غریب و بیکسم یوخدی قیدیمه قالان

بیر آدامسیزام منی یوخدی یادینه سالان

نعش شیرخواریمی یوخدی بیر نفر آلان

گل بالامی آل آنام یادگاری زینبیم

 

باخبر ایله اوزون اصغرین آناسینی

ویر قوجاقینه اونون سودامر بالاسینی

اوخلانان بوغازینون باغلاسون یاراسینی

اوخشاسون دویونجا بو زخمداری زینبیم

 

نوحه خوان هدایته یتدی حق هدایتی

یازدیروبدی (تائبه) بیله بیر کتابتی

بیرده خوشدی ذکر ایداق دل یاران مصیبتی

آل الیمدن اوخلانان شیرخواری زینبیم

 

مرحوم تائب تبریزی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , تائب تبریزی

-------------------------------

نوحه ترکی شاهزاده حضرت علی اصغر (علیه السّلام)

 

امان او وقتده میدان دا گوردی تیر سه پر

حسینون اللری اوستنده ضعف ایدوب اصغر

 

بوغازینون چوخوری آی کیمی نمایاندور

زبس قالوبدی سوسوز حالی چوخ پریشاندور

 

مصمم اولدی علی اصغری ایده سیراب

النجه گوزلری آغلار قالا آناسی رباب

 

علی سیزیلدیسی فولاده ایلیوبدی نشست

حبیبی ایستدی محبوبیله ایده پیوست

 

بروز ویردی او گیزلین اولان علاقه سنی

نچون سوردی ازلدن کیچیک اوشاق سسنی

 

کمان آلشدی اوخ اود دوتدی شمع تک یاندی

گیده گیده اریوب زهر پرلر ایسلاندی

 

اگر دیاخ او اوخون شدتنده اوخ چوخودی

خبرده وار او قشوندا اولان او اوچ اوخودی

 

اگرچه پرلری تک تک الف کیمی دوزیدی

ولیک باشلاری نوک سنان کیمی تیزیدی

 

دوروب مجسمه ده زهر قاتلون اثری

واریدی صاق و صولندا قلج کیمی کسری

 

سوزون بیوک سوز اولوب سالما اوز اوزون رعبه

دیاخ اگر یری وار بیر پر آچدی مین شعبه

 

نهان تیر بلا عین سمیله دولدی

کمان ایدوب حرکت اوخ هوایه رد اولدی

 

قضا نشانینی ویردی نشان اوخون دمنه

یتوردی سوگلنی حال ایوینده محرمنه

 

قزشدی پرلری سیراب اولدی قان ایچدی

گلوب نشانیه دگدی قلج کیمی بیچدی

 

ازل آچوب او بالا گوزلری گویه باخدی

یر و گوی اهلنه اود ووردی یاندروب یاخدی

 

دولاندیروب گوزینی ایلدی امامه نظر

او باخماقیله دیدی ای امام جن و بشر

 

صغیر سنیله عین حیاتدن گچدیم

سوسوز گلوب بابا میدانه ، لخته قان ایچدیم

 

منیم بو بیر یارامی چوخ یارادان آز ساناما

یارالیام منی بیرجه یتور غریب آناما

 

چکوب اوخی بوغازیندان سپوپ گویه قانین

ایدوبدی سرخ او قان نیلی چرخ دامانین

 

سپردی قاننی میداندا مهر و ماهه طرف

او حالله بالاسین گتدی خیمه گاهه طرف

 

گوروب آتا بالانین همتین هوسلندی

یتشدی خیمیه زینب آدیله سسلندی

 

سکوت صبردهد کاشانه نی وروب یخدی

حسین باجیسی زینب خیامدن چخدی

 

نگوردی دولدوروب آفاقی جمله درد و ملال

ایشق گونون الی اوستنده اوخلانوبدی هلال

 

الین آتوب باشنا خیمه گاهه اود سالدی

یوگوردی اصغری فورا امامدن آلدی

 

باخوب بوغزینا گوزلر دولوبدی مثل سحاب

اوزون ایتردی خانم سویلدی رباب ، رباب

 

تعجبم نیه آرام اولوب یر و گویلر

کناره گل نجه گور اوخلانوب علی اصغر

 

اولوری هانسی شقی سو یرینه قان ویرسون

ایچوب او قانی اوشاق حقه امتحان ویرسون

 

گوروب آنا ، باجیلار ،عمه ، زخم تازه سنی

دولاندیروبدیلا الدن اله ، جنازه سنی

 

رباب مرتبه عشقده علم ووردی

اوزونی پوزمادی ظاهرده صبر ایدوب دوردی

 

امام دورموشیدی حبس ایدوبدی اوز نفسین

اورک یانوردی ، حیادن چخاتمیوبدی سسین

 

یواش یواش بو سوزی ایلیوبدی ورد زبان

دیردی مین بیله اوغلوم آقا سنه قربان

 

اولوبلا گون کیمی بی پرده بانوان حرم

مجددا قورولوب خیمه لرده مجلس غم

 

امام گوردی سرادقده عالم عرصات

او قدر قالمور هلاک اولسون عترت سادات

 

دوباره زینب مظلومه نی ایدوب احضار

بیوردی گل باجی معلومدور سنه اسرار

 

الستده یازیلوبدور بو امره چون فرمان

گرک بو گونده ویرم منده قوچ قوزی قربان

 

دوباره گیت منه قیتر او قانلی قربانی

که بلکه دفن ایلیوم چوخ لطیف دور جانی

 

خانم دوباره قیتدی باسوبدی سینه سینه

او قانلی قنداقی قیتردی اوز خزینه سینه

 

اگرچه مست محبت ایدوب اونی ساقی

آیوتماسین دیرم بول ، کمیت دیرناقی

 

امام گوردی باتوب قانه طفل شش ماهه

یانقلی قلبله عرض ایلیوبدی اللهه

 

گوروبکه قنداقی باشدان باشا قزل قاندی

دیدی قبول ایله الله غریبه قرباندی

 

نگوردی یاره لنوب حلقی گوش اندر گوش

باتوبدی سینه اولوب بلبل سحر خاموش

 

یتوردی آخره اول شهریار میثاقین

قماطی پاره لدی آچدی قانلی قنداقین

 

قرار و تاب توان نه رواقدن آلدی

دیماق اولار گنه قان ایچره ال ایاق چالدی

 

یوخیدی بیر گلنی باخدی بیر صول و صاقه

علی جنازه سینی تاپشوروبدی تپراقه

 

او قدر گچمدی الدی الن یانوب خرگاه

اولوبدی دشمن النده اسیر آل الله

 

سوزوم یتوب او یره یاندی داغیله داشلار

وورولدی نیزه لره گون کیمی کسیک باشلار

 

دایانما صفحه رخساره توک گوزون یاشون

تاپون دیدی گنه سعد اوغلی اصغرون باشون

 

تعجم نجه مذهب دی ، نه طریقه ، نه کیش

ایدوبدی نیزه لی لر کربلا چولین تفتیش

 

عجب دی نچه نفر دین ایوین ووروب یخدی

بیری ووراندا یره نیزه قنداقی چخدی

 

کسوبله باشین عدو نیزه ده ویروبله مقام

قشون ایدوب حرکت جمله تاپدی نظم و نظام

 

بو سوزلرونده «رفوگر» یوخوندی ذره ثمر

مگر سنه گنه لطف ایلیه علی اصغر

 

مرحوم روفه گر

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , روفه گر

-------------------------------

زبانحال حضرت امام حسین (علیه السلام) در شهادت حضرت علی اصغر (علیه السلام)

 

ای لشگر کین بوشیرخواره ذریه ختم انبیادور

اودتک بدنی دوتوب شراره بوتشنه لق آتشی بلادور

 

گورموسوزایا گروه کینه  بوطفل نجه یانورعطشدن 

ذریه دی ختم مرسلینه  نی اهل فرنگدن حبش دن 

آخربورضیع دل حزینه بیرهوشه گلوب آیلساغشدن

قطعاً گلی نالیه دوباره نی تک قوری نائی پر نوادور

 

هرگوز گوره بوفسرده حالین مطلق اورگی یانار باحاله 

گل تک سارادوب عطش جمالین بلبل نجه باتماسون ملاله 

بوبال شکسته نطق لالین عمه باجیسی چکله ناله 

چون گل سولا پیشه هزاره شیوندی فغاندی آه و وادور

 

یازدوز که نچه رساله نامه ایتدوز منی بودیاره دعوت 

بس نولدی سبب بواحترامه آیابودی راه ورسم حرمت 

بوطفل صغیر وتشنه کامه سو ویرمه ما قوزدا وار نه علت 

دوشموش نفسی باخون شماره آثار مماتی برملا دور

 

گرمغرب ومشرق جهانی ای قوم تمام ایله سوز سیر

بیردختر مصطفانشانی دنیاده فقط منم دگل غیر 

دنیادکی ملک جاودانی شر اهلینه یتمز عاقبت خیر 

ناچاردی یوخ بوامره چاره هربیر عمله عوض جزادور

 

بیر امردی بو جهاندا معلوم بوسوادمرین ندور گناهی 

نه ظالم اولان قالور نه مظلوم نه یرده یاتار ستمکش آهی 

جان تشنه ویره بو ماهپاره انصاف ایلیون گورون روادور

 

تاپشوردی سیزه رسول طاها اولادینی بیرده حق کلامین 

ایتدوز هرایکی جهتدن اجرا تمرین اورسول لاینامین 

فرمایش مصطفانون آیا ساخلالا بونوعی احترامین 

اولاد رسول تاجداره عالمده بو ظلملر سزادور

 

ازبسکه یانقلی دل دیدی شاه یاندی او اسفلی حاله لشگر

قالموب اوقدر او قوم گمراه مطلق تاپا راه حقه رهبر 

افسوس جفای چرخدن آه ای دادگر و روف وداور 

دشمنکه یانوب اوشهریاره شیعه اوزین اولدوره بجادور

 

سعداوغلی گوروبکه اشقیاده وار اوزگه بیر انقالاب وشورش

گیتسون هاموسی یاخوندی باده ایتمشدی نقدر سعی وکوشش 

بیرقصدایلدی اونحس اراده سالدی دل مصطفایه سوزش 

ایتدی اوخ آتانلارا نظاره بیر حرمله گوردی بیحیادور

 

نه ظلم ایلدی اوظالم شوم (شأنی) دیمه حرمله جفاسین

نه حاله قالوب اوطفل معصوم نه حالته سالدی اوز آتاسین 

اوتاندی بیوردی شاه مظلوم گل باغلا باجی بو اوخ یاراسین 

سال باشیوه قاره اوسته قاره توک اشگوی موسم عزادور

 

آهسته گل اوپ سولان یوزیندن قویما آتاسی بو حالی گورسون 

سیل قانی تلیندن اوز گوزیندن گوسترمه بورنگ آلی گورسون 

چخسون یری وار رباب اوزیندن اوز سود امرین یارالی گورسون 

توکسون گوزی خون دل عذاره وار حقی اورک یانور آنادور

 

من فکر تمام ماسوانی عباسیم اولنده باشدان آتدیم 

تا اوخلادیلار بونا توانی مقصوده یتوب مرامه چاتدیم 

حلقندن او تیر جانستانی الله بولوری نجه چیخاتدیم 

گور گوش بگوش اولوبدی پاره بیرپارچا هامی بوغاز یارادور

 

مرحوم شانی

منبع مجموعه کانالهای مدح و مرثیه

موضوع: حضرت علی اصغر (ع) زبانحال ,
زبان شعر و شاعر: نوحه ترکی , شانی