نوحه ترکی وقتی که دیوب فرق علی اکبره خنجر سلیم موذن زاده اردبیلی
دانلود نوحه ترکی وقتی که دیوب فرق علی اکبره خنجر با صدای حاج سلیم موذن زاده با کیفیت بالا و لینک مستقیم به همراه متن کامل نوحه
متن نوحه وقتی که دیوب فرق علی اکبره خنجر
وقتی که دیوب فرق علی اکبره خنجر
لیلا باشینا سالدی او خنجر قره معجر
آتدان باشی اوسته یخلاندا یتره اکبر
اوندا حسین ئولدی داخی آرتیق دی بو سوزلر
اکبر نئجه اکبر، نوباوه ی حیدر
آرام علی طاقت زهرای مطهر
دلبند پپمبر
زینب گوزونون نوری حسین باغینه نوبر
جان و دل مادر
صورت نئجه صورت، چون صورت خاور
یا طلعت و یا جلوه ده بیر بدر منوّر
تابنده و انور
هم حسن وجاهتده حیا برجینه اختر
یوسف اونا چاکر
قاشلار نئجه قاشلار، چون تیغ دو پیکر
قوسین و هلالین دی، تازه آیا بنزر
حیران اونا گوزلر، گوزلر نئجه گوزلر
آچیلان نرگسه مظهر
آهو باخیشی مردم چشمینده مُسخّر
اولمیش هامی دللر
بیر بیله قاشا بیله گوزه حُسنده منظر
لازم دگو زیور
کاکل نئجه کاکل،تئل تئل دی مکرر
مشگِ خُتنی رنگده عطرینده چو عنبر
تیترر یِل اسنده اونا باغلانمیش اورکلر
آشفته تر ایلر
لبلر نئجه لبلر، چون غنچه ی نوبر
اول غنچه لبه رشک آپاروردی گل احمر
یاقوت محمّر
صحبت ائلین وقتده هر کلمه سی شکّر
یاشهد مکرّر
آب گل ائدر بارش ایکی برگ معطّر
یا رشحه ی کوثر
افسوس او دوداقلار یانیب عطشاندی سو ایستر
سولموش او گل تر
دیشلر نئجه دیشلر، آغ درّه برابر
بیر رشته ده بیر رسمده بیر نظمده یکسر
میناسی چو مرمر
دل چسبدی محبوب دی شیرین و سخنور
چون دانه ی گوهر
مخزنده او بیر درّیدی برّاق و منوّر
هر دانه سی خوشتر
بو وصف و بو تعریفله حیف اولسون او دیشلر
قان دوتدی سراسر
قرمز قانی اولدی نئجه آغ دیشلره زیور
گور نقره ایلن زر، نه جلوه لر ایلر
صولت نئجه صولت،چون کوه موقّر
یا نقش مقدّر
دعوا گونی چون ضیغم و ضرغام مهابا
با شیر مصوّر،سیف اللهه مظهر
نوّاده ی خصم افکن و درّنده ی اژدر
قهّار وغضبناک، سیمرغ طلا پر
غیظیله باخاندا، سیمرغ اوزی تترر
سر پنجه آچاندا، داغ زلزله ایلر
یئر پارچالانور گر، سالسا یئره لنگر
رزمنده دایانماق، محکم هنر ایستر
قوت نئجه قوت، چون قوت حیدر
یا فاتح خیب
شیر افکن و اعداشکن و فارس و صفدر
هیبتلی غضنفر
صیاد زبردست و قوی پنجه دلاور
شهباز هنرور
خدمت نئجه خدمت، شرح ایلین ایستر
یاخشی دیین ایستر
وصفینده دور عاجز،قاصر هامی دیللر
بیر خدمت شایان ائدیب اسلامه او سرور
چوخ قابل تمجید، چوخ لایق محضر
ایندی شهدایه اونی مستوفی داور
سر لوحه ی دفتر
ناحق یئره قانین توکوب اول قوم ستمگر
اول فرقه ی کافر
طاقتدن آپاردی اونی بیر ضربت خنجر
خنجر نئجه خنجر
زهریله سو وئرمیش اونا استاد جفاگر
اول مرد خطا گر
داشلاندی هوا اوستونه زلفیندن اونون قان
سالدی اونی جاندان
باشدان باشا فوراً بورودی باشدان آخان قان
اولدی گل الوان، یا لاله ی نعمان
تنگ اولدی او وسعتله او ناکامه او میدان
آت ایلدی جولان
بیر ظالم عمودیله اونا اولدی شتابان
اول خانه سی ویران
الحاصل او مظلوم جوانی سالیب آتدان
اود دوت ای اورک یان، جانیم اونا قربان
لب تشنه وئریب جان، اولدى قانا غلطان
وقتیکه یخلدی، آتدان یئره اکبر
اول قد صنوبر، اوندا حسین ئولدی
آرتیق دی بو سوزلر
قامت نئجه قامت، چون قامت طوبی
یا الف دی گویا
باشدا یاشیل افسر ورق شجره ی خضرا
هاجر هانی آیا
کورسون ایلسون فدیه ی لیلایه تماشا
ویردی حقه لیلا
تصدیق ایلسون کیم بودور اسماعیل مینا
یا ذبحاً عظیما
گورسون بو ذبیحی نئجه ذبح ایلدی اعدا
بی رحم و مدارا
نه قوللاری نه گوزلری باغلى انئده پروا
دوغراندی سراپا
بیر پارچا قزلقان گوروب اول پیکری لیلا
بس نیلدی اوندا
گوردی بورونوب قرمز با هیکل زیبا
اول قامت رعنا
ووردی ایکی اللى باشینا سویلدی ای وای
ای وای بالام وای
بیردن یخلوب غش ایلدی هوشه گلیب تا
اولدی غمی دریا
اولمادی ایاقیله دوروب گیتمگه یارا
یا تاب و توانا
یوز اوسته سورونسون او خانم اولدی مهیا
اول هاجر کبری
تاپدی بالاسین لاله کیمی قان آراسیندا
عرض ائتدی خدایا
بو تحفه نی سن ایله قبول ای حق یکتا
یا صاحب عطایا
لیلاده حسین عهدینه صدقاً قیلیب ایفا
ائتدی بالام اجرا، ختم اولدی قضایا
اما گئجه گوندوز، او خانم ایلدی ازبر
وای کبریم اکبر
نظرات (۰)
هیچ نظری هنوز ثبت نشده است