متن نوحه حضرت ابوالفضل - زبانحال
متن نوحه ترکی و فارسی زبانحال حضرت ابوالفضل العباس علیه السلام
زبانحال حضرت ابوالفضل (علیه السلام)
هر امری سنه لازم الاجرادی ابوالفضل
بیر گون گلر آفاقین اولار تیره فضاسی
بیر قورخولی چولده اوجالار عشق لواسی
یعنی بو حسینین اولار عاشور بلاسی
اخلاصیله سن اوندا فداکار اولاجاقسان
مین شوقیله خاک قدم یار اولاجاقسان
من لازمیدی ترک سر و جان ایلییدیم
جان خاک ره مقدم جانان ایلییدیم
ناچیز بو جانی سنه قربان ایلییدیم
ای کاش بو جانیم کیمی مین جان اولا قارداش
هر تک تکی مین یول سنه قربان اولا قارداش
هنگام ولادتده منه ایلدون اعزاز
باخدیم یوزیوه تا ایلیم عشقیمی ابراز
بو عشق منی هم آنامی ایتدی سرافراز
گوردون گوزومی اوّل آچاندا سنه باخدیم
آخِر باخیشیم غرقیدی قاندا، سنه باخدیم
من مایلدیم خاک ره یار اولام اولدوم
عاشقلره بو عشقیده معیار اولام اولدوم
گل خاطرینه خاره گرفتار اولام اولدوم
بو سهلدی باشدان باشا جسمیم دولی اوخدی
مشکل بودی عطشانلارا مشکیمده سو یوخدی
شاهددی اوز شاهد میدان شهادت
هر قدر الیمدیدی الیم، جسمیده قدرت
اخلاصیله ایتدیم اونا بو عرصه ده خدمت
پروانه کیمی باشینه عشقیله دولاندیم
تا دوشدی الیم گیتدی سو، ناچار دایاندیم
خوندل بو جسارت سنه اولمازدی سزاوار
شایسته دی ارباب قلمدن بیله آثار
شانی یازا ذهنی یازا عابد یازا ناچار
سن ذرّه، اولار مهر درخشاندی مسلّم
هر تک تکی بیر نیّر تاباندی مسلّم
مرحوم حاج حیدرخوندل
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حاج حیدرخوندل
------------
زبانحال حضرت امام حسین (علیه السلام)
به حضرت ابوالفضل العباس (علیه السلام)
حیف اولا که اودلی سینه اولمادی وقایه قارداش
گوستروب قضا سو مشگین ناوک جفایه قارداش
مشگ آبله فراتی قصد ایدنده من برادر
تا خلاص اولا عطشدن، خیمه لرده آل حیدر
عزت فراتی گورجک، آرزو ایدوبدی کوثر
خلددن اولیدی جاری دشت کربلایه قارداش
بانگ العطش اوجالدی تا سپهر نیلفامه
اشگ دیده مثل باران، توکدی چرخ چون غمامه
سوز آه تشنه لب لر، مانع اولدی اخذ کامه
اولدی ابر تک بو باران، منتشر فضایه قارداش
اولدی تیر جانشکاره، مشک آب تا نشانه
بو کش کش ایچره گلدی، گوز پیاله سی گمانه
مین امیدیله ال آتدیم، جام چشم خونفشانه
بو قدح ده سیندی اما گلدی دل نوایه قارداش
واردی جور اشقیادن گر چه دلده مین حکایت
قفل همتیله اما بسته دور لب شکایت
واپسین مراحلمدور، ایله سن اگر عنایت
آرزو ایدر دئسون دل، دردین آشنایه قارداش
اشتیاقیدن وجودیم سر به سر دوتوبدی آتش
شوق وصلون ایلیوبدور حالت دلی مشوش
هر نفس نفسله ایلر حسرتونده جان کشاکش
بیرده بلکه نائل اولسون، نعمت لقایه قارداش
کسمیوب نقدری الفت، جسمده نفس نفسدن
چوخ چتین کسه امیدین، دادخواه دادرسدن
سسلرم سنی هرایه ال اوزولممیش بو سسدن
قویما ناامید اولوم من، ویر صدا صدایه قارداش
شرح شوقه عاجزم من، یتمسه مدد سوزومدن
ایسترم ولی شهادت شور عشقمه اوزوندن
جانب بهشته گوردون، دونمدی اوزوم اوزوندن
وای منه که ایندی گلمیش هجر آدی آرایه قارداش
ضرب تیغ و خنجریله باش یارالی، تن یارالی
داغ مرگ اکبریله سنده قلبدن یارالی
اوزگه حالدور برادر، سن یارالی من یارالی
کیمدی ایلسون مداوا بیر بئله یارایه قارداش؟
همتیم اراده ایتدی فتحی، جنگده ازلدن
یتمه میش حصوله مطلب ال گوتورمسین جدلدن
بین رهده ال کسیلدی تا الیم اوزولدی الدن
بو شکست ویردی جراءت لشگر جفایه قارداش
هر طرفدن اولدی عازم، قتلیمه سپاه دشمن
جسمدن دئمم که یکسر پاره لندی درع و جوشن
همتیم مقابلنده باش اگوب عمود آهن
قویمادی عدو اوجالتسون باشیمی جدایه قارداش.
مرحوم استاد محمد عابد (ره)
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عابد
------------
زبانحال امام حسین (علیه السلام)
در بالین حضرت ابوالفضل (علیه السلام)
آچ او شهلا گوزون باخ منه قارداش ابوالفضل
سسله قارداش دیوم جان سنه قارداش ابوالفضل
قالدیم بو چولده تنها برادر
ئوُلدون سُووندی اعدا برادر
ای آتام اوغلی ای منشی درباریم عباس
ای اوجا بوی، اوزون قول سپه سالاریم عباس
آغلاشور خیمه‌ده گور نجه قزلاریم عباس
دور امان ویرمه بو دشمنه قارداش ابوالفضل
بو رسا قامتی باوریم یوخدور یخوبلار
خطّ مردانگیدن قوشون قارداش چخوبلار
اوستُوه ساری چوخ نیزه و خنجر سیخوبلار
قوی چکوم پیکرون مَأمَنه قارداش ابوالفضل
پیکرونده یارالار سنون گلمز شماره
قولسوز آتدان یره یخدیلار ای ماه پاره
جوشنونده اولان تیرلر گچمش دوباره
گلمشم غصّه‌دن شیونه قارداش ابوالفضل
قوللارون آگهم ظلمیله میداندا دوشدی
صاق قولون سالدیلار ولوله هر یاندا دوشدی
قوللارون دوشجاقین پرچم قرآندا دوشدی
بو علم چاتماز اهریمنه قارداش ابوالفضل
ظاهراً بیرَقون یاتدی باطنده اوجالدی
تا جهان وار آدون قارداشیم دللره قالدی
آخ بلیم سندی چارم کسلدی صبر آزالدی
وای باجیم زینبه وای منه قارداش ابوالفضل
حاج غلامرضا عینی فرد زنجانی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عینی فرد
------------
زبانحال حضرت زینب (س)
به علمدار کربلا در کوچ از کربلا
قافلم شامه گیدورقافله سالاریم اویان
زینبین دوریولا سال یاتما علمداریم اویان
گوره بلمزدین اولا زینبی بیرلحظه ملول
یا دل آزرده اولا لحظه اولاد رسول
ایمدی باغلوب نجه گورقول قولا بو قوم ظلول
رشته ظلمه گیچوب ظلمیله قولاریم اویان
باش گوتور بیرجه باجین زینبین احوالینی گور
شرر ظلمه یانان قارداشین اطفالینی گور
بوینی چگنینده قالان عابدیمینحالین گور
گور نه احواله قالوب عابد بیماریم اویان
اولا مشگلدی بو غم گورنجهبی غسل و کفن
قوملاراسته قالا بو یتمش ایکی پاره بدن
اولمیا بونلارا بیرغسل ویروب دفن ایلین
خاک و خون ایچره قالوب پیکرانصاریم اویان
بیر طرفدن باخارام ضعف دل آرامین آلوب
بیرطرف حیرته بوینونداکی زنجیری سالوب
باخ یالین ناقه ده گوراونی نه حاله قالوب
اونا باخدوخجا دوتوب اود بو دل زاریم اویان
نه یاتوبسان دور ایدور فوج الم قصد زوال
یولانور قافله غم اله دوربیرقین آل
بو سفرقورخولودور زینبیوی دوریولا سال
قویما دشمنلر اولا یارو نگهداریم اویان
سن منیم زحمتیمی چکماقا چوخ راغبیدین
هامی بیریرده عزیز اولماقیما طالبیدون
بو اوزون یولاری هردمده مراقبیدین
ایمدی یوخ بیر کس اولا مونس و غمخواریم اویان
گیدورم شامه ولی اوزگه بیراحوالیله من
درد و غمدن سارالان رنگ رخ و آلیله من
قرخادین بی پناه اطفالیله من
آه شبگیریم اولورزاد ره و یاریم اویان
بو اوزون یولاری سن بیر سوزه لا سویلمدون
هامی بیر زحمتیمه صبرایلیوب یوخ دیمدون
قونا بو صورته غم گردی قبول ایلمدون
ایمدی سنسیز سارالوب گورنجه رخساریم اویان
طاقت و صبریمی بیریان بوقدرغملرآلوب
کسیلوب صبر و ثباتیم غم دردیم چوخالوب
نجه گور حسرت الیم ظلمیله قوینومدا قالوب
آتش آفاقه سالوب آه شرر باریم اویان
(وافیا) گوهراشکیله گوزل سیر ایلدون
دل ویرانه وی بو اشکیله تعمیر ایلدون
یاخشی بو مطلعی سردفترع تحریر ایلدون
قافلم شامه گیدورقافله سالاریم اویان
دیوان مرحوم وافی تحت عنوان
جلد30 گنجینه گذشتگان انتشاریافته
منبع کانال گنجینه گذشتگان
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , وافی تبریزی , وافی
------------
زبانحال حضرت ابوالفضل (ع)
باش چک سنه قربان کسیلن قارداشا قارداش
خنجر چکوب اون یدی شقی بیر باشا قارداش
بوندان چون اولیدی سنه چوخ شایق اولیدیم
تشریفوه قربان کسلوب، لایق اولیدیم
شانون دگی مندن سنه اظهار ارادت
شانوندی ولی بنده لره لطف و سیادت
گل چاکر جان بر لبوی ایله عیادت
گور بیر منه قارداش او عیادتده نه لر وار
افسوس صد افسوس، سنه درد کمر وار
قربان کسیلن قارداشوام قارداشا خاطر
بیر السیزم اللرده قالان بیر باشا خاطر
یولدا نگران قانلی گوزوم یولداشا خاطر
قارداش دئمورم من سنیلن قارداشام آخر
چوخداندی بو یوللاردا سنه یولداشام آخر
ای نور رخی، کنگره عرشده لامع
هر شاه و گدا، درگهوه خاضع و خاشع
بو شانیله سندن نه گوزل راخدی تواضع
شاها بو تواضعده ده شاهانه اثر وار
من خاک ره مقدموه رفعت سر وار
حاشا که قدم رنجوه زیبندیم ای شاه
شهزادیم اما سنه بیر بندیم ای شاه
بیر بنده شرمنده، سرافکندیم ای شاه
نیزه بویی باشیم اوجالار، باشیم اوجالماز
دنیا بویی سو خجلتیم آرتار که آزالماز
بیر مشگ سو تحصیلینه قیلدون منی مامور
بیر طالعه سیر ایله اودا، اولمادی مقدور
عفو ایله گذشت ایله، اوزون دوت منی معذور
نیلیم که الیم قالمادی خدمت گله الدن
گوردون اوزون، اوزدوم الیمی، من بئله الدن
خدمت قیزلیم چخمادی خالص محکوندن
بیر اود گوتوره بولمدیم اودلی اوروگوندن
سالدیم الیمی یولدا یاپوشسون اتکوندن
الدن اتکون کسمه، کسیلمیش اله خاطر
عباسی گذشت ایله، قان اولموش دله خاطر
هر قدر وفا یولارینی طی ایدن اولسام
بو شاهره، دور و درازی گیدن اولسام
باشدان ایاقه مهر و وفا بیر بدن اولسام
بیر ذره وفا جوهره سیندن عرض اولماز
تشریفوین اول قدمنیدن عوض اولماز
تشریف گتور، منتی منده شرف اولسون
دلدن بو یانان نسگل اودی بر طرف اولسون
بو فرصتی فوت ایلمه جای اسف اولسون
نسگل لر اولار فکر بنی آدمه گلمز
الدن گیدر عباس، داخی عالمه گلمز
من که سنه خدمتده وفور ایسترم اولسون
غم غصه لریم دلده سرور ایسترم اولسون
دشمنلریوین گوزلری کور ایسترم اولسون
بولسونله بیزیم عالم سر و سریمیز وار
قارداشلقیمزدان سوای عالملریمز وار
ممکندی بوشالمیش قدح غم دولا بیرده
ممکندی سولان گل، آچا بیرده، سولا بیرده
ممکندی دوشن قافله دوشسون یولا بیرده
ممکندی بو دنیا گیده دنیا گله کرات
اما بیز ایکی قارداشی بیرده گوره هیهات
بوللم بو فرات اوستی منه قبر اولی قارداش
بوردا نه سرشگیله نه گوزلر دولی قارداش
گل مصلحت اولسا اوزون آچ بو یولی قارداش
هر چند گلن یوللاریوی بیر گلن اولماز
اما بو یولی سن گله سن، گلمین اولماز
چوخلار سنه قربان کسیلوب مهر و وفادن
چوخلار گلی قربانون اولار صدق و صفادن
تا واردی جهان نام و نشان وار بو منادن
هیچ قربانوین قانی بو گرمیتی گورمز
هیچ گوز بئله وحدت، بئله جمعیتی گورمز
تاپدیم او زمان که آنادان فیض ولادت
وقف ایتدی منی اوندا سنه شاه ولایت
بو باشدا سنون کیدی که مندیدی امانت
بو سن بو امانت کیمه بذل ایلوسن ایله
حفظینده قصور اولدی، نه عدل ایلوسن ایله
قان ایچره یاتان دولت بیداریله باهم
قیلموش اوزینه عزت دارینی فراهم
دولت بودی، عزت بودی، عالمدی بو عالم
بو عالمی تاپماز مگر اهل دل اولانلار
دنیا و متاعیندن اونون غافل اولانلار
بو عالمی تاپماقدان اوتور لیل و نهاری
بیر عمریدی ایلردیم اوزوم روز شماری
المنت لله که نصیب ایلدی باری
چوخ خون دل عمریده یمیشدیم بو گون اوسته
بیر باش، ایکی قول، نذر دیمشدیم بو گون اوسته
من ماه بنی هاشم ای شمس ولایت
گون نوری آیا دوشمَسه آیدا نه شرافت
گَل باشیمه سال پرتو مخصوص عنایت
گورسونله که من شیفته ی نور حسینم
دوتسونلا نظرلرده که منظور حسینم
بیر گون که اُلنلَر یغیشار حشره دوباره
هر کیم اَتکون دوتماز، اَلی بوش یوزی قاره
اَلسیزلره اوندا گوره سَن بس نَدی چاره
حلّال اول اوزون اوندا بو مشکللره قارداش
بیر اَل یتور اللرده قالان اللره قارداش
گیتدیم منیله قبره گیدر دلده بو حسرت
دنیاجه منه عمر ویرِیدی ید قدرت
بو عمری اولونجه ایلییِیدیم سنه خدمت
هر لحظه ده مین دفعه اولِیدیم دیریلِیدیم
هر دفعه ده مین یول سنه قربان کسیلِیدیم
یازمیش او شهادت که منه خامه ی تقدیر
اولماز بولورم امر مقدّر تاپا تغییر
سعییم بودی قتلونده بیر آز یوز ویره تاخیر
باشیم قوشا خنجرلریله باش باشا قارداش
بیر دمده غنیمتدی اقلّاً یاشا قارداش
بنزردیم او سروه که رسا قامتی اولسون
بو قامتیله گلشنیوین زینتی اولسون
هر سروی گوروم قول بوداغین حسرتی اولسون
توپراقلار اوتورسون قریلان قول بوداقندا
کوکو قالا قمریلرینون دل دوداقندا
سو اولمادی تا من دایانِیدیم سوزوم اوسته
راضیدیم او ساعت یخلِیدیم یوزوم اوسته
نوفل یاراسی باشدان اُوتوردی گوزوم اوسته
چون گوردی اَلیم آختاریرام حیف اَله دوشمز
من اَلسیزه اَل آچدی که بیرده اَله دوشمز
ای بنده چیلیق عالَمینون عالِم رازی
عالَم سر کویونده دی محراب نمازی
من اهل نیازین سنه وار راز و نیازی
قویما آرامیزدا بو یولی فاصله دوشسون
راز دلیمیز حیفدی دلدن دله دوشسون
فخریم بودی پرورده سیَم سایه ی لطفون
سرمایه ی عمریدی گران مایه ی لطفون
اندازه ی شانوندی منه پایه ی لطفون
ذرّات سنون لطفوین امّیدینه بسته
من ذرّه، سنون لطفوین امّیدینه بسته
بیر عالم اسراره گیدوب یِتملیم من
راز دلیمی گیتمه میش عرض ایتملیَم من
بیر نیمه نگاهیمده دیوب گیتمه لیَم من
وار قانلی گوزون طیِّ لسانی باخشیندا
سوزلر آخاجاق غمزه ده گوزلر آخشیندا
قویسِیدی قضا قویمازیدیم غم سنه گلسون
هر درد و غمون اولسا برادر منه گلسون
درمان سیز اولان دردی گوروم دشمنه گلسون
بو ملّت کافِر که مسلمانی تاپیلماز
بیر حاله سالوبلار منی درمانی تاپیلماز
قاموس معانیده کی معنای محبّت
بازار حقیقتده کی کالای محبّت
سوداگریِ عشقده سودای محبّت
خاک رهون اولماقدی خوشا بیر ایله خاکه
قربان او قدم لردن اوپَن تربت پاکه
اللهین اگر عمر بیوک نعمتی اولسا
بو عمر عزیزین نقدر لذّتی اولسا
عالم هامی بیر لحظه سینین قیمتی اولسا
صرف اولماسا خدمتده سنه ای شهِ خوبان
نقمتدی، بو نعمت دگی عمریم سنه قربان
(ذهنی) یارادیر نوحه ده هنگامه ی اخلاص
امّیدیله آلموش اَلینه خامه ی اخلاص
یازمیش نه گوزل طرز بیله نامه ی اخلاص
هر کلمه سی مین راز دلیمدن خبر ایلر
اعماق دل اهل دله چوخ اثر ایلر
مرحوم حاج عبدالعظیم ذهنی زاده
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , ذهنی زاده
------------
استمداد حضرت ابوالفضل (علیه السلام)
بلا موجه گلوب داشدی وورار قان موج دریاده
فرات استه قولوم دوشدی یتوش یا سیدی داده
یولوندا جانیمه خوشدوراولام صد پاره یا مولا
دوشوب مشکیم الیم بوشدورگلم درباره یا مولا
غلامین دوشدی بو حاله اوزون قیل چاره یا مولا
دوشوبدورتاب و طاقتدن توانا یوخدی سقاده
اوزوم محتاج دیدارم گیدوب الدن علاجیم یوخ
چیخا جانیم سزاوارم حیاته احتیاجیم یوخ
آنام یوخ قارداشیم یوخدور باشیم استنده باجیم یوخ
الیم یوخدورگوزیم قانین سیلوب گلسونله فریاده
سویی ویرمزدیم الدن چون منی الدن سالان الدی
الی گراولماسا مریخ سیریندن معطلدی
قولوم دوشجک عمود الده قاچان دوردی گیدن گلدی
اولوب اون یدی سرکرده منیم قتلیمه آماده
آچیق قالموش باشیم نیم شق اولوب گرزین گزندیندن
ازیلدیم خرد خرد اولدوم عدو نعل سمندیندن
یتوش فریاده آیریلموش وجودیم بند بندیندن
سنی گورماقدان اوزگه بیرخیالیم یوخدی عالمده
نقدری زخم دگموش جسمیمه بو قوم ظالمدن
فراموش ایتموشم یکسرغم ودرد و ملالیمدن
نقدری وورسالا چیخمازباجیم زینب خیالیمدن
اولارکیم پاسبانی کوچ ایدن وقته بو صحراده
نه دنیا دم غنیمتدوراوزون بیرفکرقیل واقف
ابو الفضله ثنا خوان اولماقیندان شکرقیل واقف
سوزون دوشمزاثردن وارتوجه ذکر قیل (واقف)
بو ذکرو فکردن بیریاخشی نعمت یوخدی دنیاده
مرحوم واقف سرابی
منبع کانال گنجینه گذشتگان
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , واقف سرابی
------------
زبانحال حضرت امام حسین (علیه السلام)
به حضرت ابوالفضل (علیه السلام)
یانام باخارام بو یارالی پیکره قارداش
خندان گوله بنزر داغلوب چو للره قارداش
جسمونده چاتوب باشباشا سنبل کیمی قارداش
وار هانسی چمنده بیله خوش منظره قارداش
دور گور نه قیامتدی بو گون خیملریمده
یردن اوجالوب ناله سسی گویلره قارداش
یاتدی علمون سیندی بلیم چارم آزالدی
ایوای منه وای عترت پیغمبره قارداش
دشمنلر ایچینده گوروسن یالقوزام ایندی
دور ایله حمایت من،بی یاوره قارداش
دعوا گونی سن شیریدون ای شیر شجاعت
سن وارثیدون شیر خدا حیدره قارداش
دور ال اله شمشیریوی دشمن قاباقین کس
ای غالب اولان جنگده بیر لشکره قارداش
آیا بو او الدور هامی اللردن اوجیدی
قطع ایتدی قضانین الی سالدی یره قارداش
بیر گون قورولار محکمه عدل الهی
قهریله دگر ارض و سما بیر بیره قارداش
فریاد او گون داد او ساعتدن ابوالفضل
بو اللری زهرا گتوره محشره قارداش
بیر اوزگه قیامت اولی محشر گونی برپا
باخدوقجه آنام فاطمه بو اللره قارداش
چون امته اسباب شفاعت بو اللر
محبوبیدی درگاه حق داوره قارداش
قیلام بو کسوک اللرینه منده شفاعت
محشر گونی (صحاف) الم پروره قارداش
مرحوم صحاف
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , صحاف تبریزی
------------
زبانحال حضرت امام حسین (ع)
در بالین حضرت ابوالفضل (ع)
ای شاهباز بی پریم میداندا یاتما دور گئدک
عبّاس همّت پروریم میداندا یاتما دور گئدک
گلشنده سینون یاره سی گللّر آچوب گلزار تک
امّا شکفته گللّره اوخلار باتوبدور خار تک
اعدایه اولدون نیزه پوش سن جعفر طیّار تک
دوشدوم حصار آهنه من نقطۀ پرگار تک
باخدوقجا تترر پیکریم میداندا یاتما دور گئدک
بیر یاندا پرچم بیر یانا پیکر بویوندا قول دوشوب
قانون آخوب سو تک یره میداندا قرمز یول دوشوب
نخل وجودوندان اَخی برجسته بیر جوت قول دوشوب
بیر یاندا شمشیرون دوشوب بیر یاندا ساق و صول دوشوب
ای یادگار حیدریم میداندا یاتما دور گئدک
علقم کنارینده سنون اطارفوی دشمن آلوب
آتدان یخوبلار تُپراقا جسمون یوزی اوسته قالوب
گویا سنق کشتی دوشوب گردابیده لنگر سالوب
فارغ اولوبدور کوفیان طبل یریش بیردن چالوب
آلدی قشون دور و بریم میداندا یاتما دور گئدک
آهیم بو لرزان جسم تک لرزه سماواته سالور
قارداشوی دشمن گورور بو حالتیله کام آلور
یاتما بو قانلی رزمیده اخیام بی صاحب قالور
من باشون اوسته آغلارام شام اهلی امّا اَل چالور
ظاهر اولوبدور محشریم میداندا یاتما دور گئدک
تیر جفایه آلنوی قوم دنی ائتمیش هدف
اَل اولمیوبدور گوزلروندن قانی ائتسون بر طرف
قان پرده چکمیش رویوه آی تک اولوبدور منخسف
نیزاریدور گویا سینون اوخلار دوروبدور صف به صف
ای یاره لی سرلشکریم میداندا یاتما دور گئدک
مرحوم مُنعم اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منعم اردبیلی
------------
استمداد حضرت ابوالفضل (علیه السلام)
گل ماه آل هاشم دوشدی خسوفه قارداش
سرداروه ال آچدی، اشرار کوفه قارداش
فریاده گل برادر، صاحب علم یخیلدی
باش زخمین ایتدی خاک و احجار، روفه قارداش
ای شمس چرخ عزت، ای نیر امامت
هرگز دیمم واریمدور جسمیمده چوخ جراحت
مندن صورا تاپار بو دشمن سنه جسارت
آی باتدی گون یاخوندور دوشسون کسوفه قارداش
ای لشگری سنان شه، درک ایله سرسپاهی
سندن صورا بلورسن، یوخدور امیدگاهی
سنسن بو گون جهاندا، عالم لرین پناهی
لطف و عطاده مظهر، حی روفه قارداش
قلب سپاه کفره، اولده لرزه سالدیم
تا لشگری داغیتدیم، نهر فراتی آلدیم
اما الیم کسیلدی اشرار الینده قالدیم
اولدی نیام جسمیم، مین لر سیوفه قارداش
یول آختاروردی روحیم، راه صواب عشقه
بیر حرف صاق قولومدان اولده باب عشقه
بیر حرف صول قولومدان یازدیم کتاب عشقه
قانه دونر سرشگون باخسان حروفه قارداش
قولاریمی سالاندا بو پیروان باطل
سو مشگیمه برادر، ایتدیم قولومی حایل
دورت بیر طرفدن از بس، اوخ ووردی بو اراذل
الفی گیچوب، یتشدی زخمیم الوفه قارداش
ال سیز منی گورنده، ال قوم کافر آچدی
عنقا تک اوخ یاراسی جسمیمده شهپر آچدی
اوج وصال قدسه روحیم قوشی پر آچدی
اشگیم کیمی سپولدی قانیم طفوفه قارداش
جسمیمده زخم پبکان، گلشن کیمی گل آچدی
هر یاره شرح حاله، بیر نوعیله دل آچدی
عالمده مین رسائل، تک بو مسائل آچدی
کیم سجده گهده گورمیش آچسون شکوفه قارداش
زخم سنان و پیکان، گر چه بدنده چوخدی
اما منه موثر، نه نیزه دور نه اوخدی
من سیز سنه بو چولده، بیر جان نثار یوخدی
باعث بو غمدی بئله داد و لهوفه قارداش
آتدان دوشنده گوردوم، ال یوخ ویرم قباقه
دوشدوم یوزی اوسته آتدان، چون پای بسته ناقه
قادر اولانمادیم تا، بیرده دورام ایاقه
ایلوم دوباره حمله، یاغی صفوفه قارداش
آختارسان ای (حسینی) بو مشکلاته چاره
عباسه قیل توسل، گل نی تک آه و زاره
اوز مطلع کلامون یاز مقطعه دوباره
گل ماه آل هاشم، دوشدی خسوفه قارداش
مرحوم سید رضا حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
زبانحال حضرت ابوالفضل (علیه السلام)
حاشا سنه مندن اولا قارداش بو جسارت
یا خواهش اولا سسلماقیم یا اولا دعوت
سن هر نه اگر فرض ایله سن ایله اجابت
گل گلماقیوا جلب ایله بو دشمنی قارداش
بی صاحب اولان بولمه سین اعدا منی قارداش
شایسته دی قارداش منی اُلدورسه بو حسرت
ایستردیم آلام عطریوی روحوم اولا راحت
افسوس مشامیمده داخی یوخدی او قدرت
بیر وضع گلوب باشیمه نوفل یاراسیندان
باش یاره سی مشکلدی منه ال یاراسیندان
عشق اهلی بولر حقّه چاتان یول ندی قارداش
یا اهل وفا سالک اولان یول ندی قارداش
مین یول دولانوم باشیوه بیر یول ندی قارداش
گلسن گل رخساریوی گورّم گوزوم اولسا
قویّام قدم پاکیوه قارداش یوزوم اولسا
سن گلمه میسن فیض حضور اولمیوب اولماز
آلام غمیم وجد و سرور اولمیوب اولماز
عبّاسیده بیر ذرّه قصور اولمیوب اولماز
تاپدیم شرف عزّتی نان و نمکوندن
چخدی قزلیم بوته ده خالص محکوندن
بو ننگدی عبّاس اولا عالمده سلامت
گل تک سوسوزوندان سولا گلزار رسالت
بیر مشک سویا واردی بو چولده ایله قیمت
آلّام ایکی ال اولسا اگر بیر یارالی باش
فخریم بودی اوستونده ده بیر گوز اولا قارداش
مین جان اولا مین یول سنه قربان اولام ای کاش
بو معرکه ده خاکیله یکسان اولام ای کاش
یا گرد و غبار ره جانان اولام ای کاش
پاینده حیات آلماقا زیر قدموندن
عیسانی سالام حیرته بو گرم دموندن
چوخ شایقیدیم جسمیمه یوز مین دگه یاره
اوخ دگمیه سو مشکیمه، مشک اولمیه پاره
تا بلکه سلامت یتورم محضر یاره
ایوای او اوخدان که گلوب مشکیمه دگدی
نه اولدی، اولار عجز، دیسم قدّیمی اگدی
بیر جان ندی مین جان سنه قربان اولار اولماز
باشسیز بدنیم زینت میدان اولار اولماز
خاکِ ره اولام عشقیده میزان اولار اولماز
نه ال قالا نه باش قالا نه گوز نه وجودیم
اولماز گینه پابوسیوه شایسته وجودیم
اخلاصیله دلدن واریدیم وصلیوه شایق
ایثاریمی گورسن گلوب امکانیمه فایق
عبّاسیوه بو دهریده سنسیز نه علایق
نه عشقیله بو عمره وفادار اولوم ایمدی
هانسی یوزیله طالب دیدار اولوم ایمدی
سقّا آدی بو گون منه تا اولدی محوّل
سو ایستماقا امر ایلدون سن منی اوّل
آچدیم یولی آلدیم سویی حلّ اولدی او معضل
چوخ دلخوشیدیم امریوه اولموشدی اطاعت
فریاد او اوخدان که ایدوب مشکه اصابت
بیر شمع کیمی مشکیمه باخدوقجا یانوردوم
پروانه صفت باشنه گاهی دولانوردوم
خرگاهه ظرف گاه گیدوب گه دایانوردوم
"بو مشکه دگن اوخ منی مایوس ایلدی چوخ"
"ای کاش دگیدی گوزومه مشکه دگن اوخ"
دوتدی منی بیر حادثه طوفانی سو اوسته
یاغدورد عدو بارش پیکانی سو اوسته
اوز سینمه دوزدوم گل جانانی سو اوسته
جسمیم دیدیم اوخدان گل آچا یاره، گوزلدی
یاریم بدنیمده گوره چوخ یاره گوزلدی
من جهد ایلدیم فدیه ی جانان اولام اولدوم
عشق اهلینه ایثاریده میزان اولام اولدوم
زیر قدم یاریده قربان اولام اولدوم
بو راه محبّتدی ره همّته یول وار
بو یولدا نه باش فکری نه گوز فکری نه قول وار
فکریمده دی هنگام ولادتده کی مطلب
ویردون منه بیر جام می عشق لبالب
شاهددی بو پیمانیمه زهرا قیزی زینب
او عهد الستین هله پابستیم ایمدی
گلسن گوره جاقسان او مِیین مستیم ایمدی
بیر جان ندی مین جان سنه قربان اولا قارداش
عشق اوندادی جان فدیه ی جانان اولا قارداش
سندنده بو قربانیوی احسان اولا قارداش
گلسن ایله بیر عالمی مین عالمه ویرمم
بیر گرم دمون مینله مسیحا دمه ویرمم
ای کان وفا، بحر کرم، معدن رافت
احسان ایله بو خواهشیمی ایله اجابت
گل باشیمه سال بیرده منیم سایه ی رحمت
اشرار آراسیندا منه اعزاز ایله قارداش
بو عاشقیوی رتبه ده ممتاز ایله قارداش
قربان سنه آزرده دل اولما بو سوزومدن
من صرف نظر ایلمیشم دوزدی اوزومدن
گورّم یوزیوی سیلسن اگر قانی گوزومدن
حاشا که دیم منتظرم من سنه قارداش
مشکلدی ئولومدنده بو دعوت منه قارداش
بو عرض گلوب گورسن اولار اوندا محقّق
هر ذرّه وجودیم سنه مجذوبدی مطلق
اوز ایستدیقیم تک منی حق ایتدی موفّق
نه باش نه بدن قالدی نه گوز قالدی سلامت
نه ساخلاموشام ال اولا اسباب حمایت
من جهد ایلدیم ترک سر و جان ایدم ایتدیم
اوز جانیمی جانانیمه قربان ایدم ایتدیم
بو پیکری خاک ره جانان ایدم ایتدیم
گل معرکه ی عشقیده بیر قانیله یول وار
گر دامنیوه یتسه یول اوسته ایکی قول وار
تا سو واریدی شادیدیم ای منبع جودیم
صد شکر که ویرموشدی ثمر فیض سجودیم
پیکانیله عنقا کیمی پر آچدی وجودیم
بیر مشک سو اوستونده هامی زحمته دوزدوم
سو گیتدی، بیر اوخ گلدی حیاتیمدن ال اوزدوم
ای عشق سپهرینده کی خورشید موفّق
ذرّات وجودیم سنه مجذوبیدی الحق
بو امر گلوب گورسن اولار اوندا محقّق
دامانیوه اگلشسه یول اوستونده غباریم
ایثاریمی بولّم که قبول ایتدی نگاریم
آخِر شب عمرینده آتام شاه ولایت
تا ال اله تاپشوردی بیزی ایتدی وصیّت
سنسن منیم اوغلوم دیدی از راه اصالت
امّا بو حسین زاده ی زهرادی ابوالفضل
هر امری سنه لازم الاجرادی ابوالفضل
بیر گون گلر آفاقین اولار تیره فضاسی
بیر قورخولی چولده اوجالار عشق لواسی
یعنی بو حسینین اولار عاشور بلاسی
اخلاصیله سن اوندا فداکار اولاجاقسان
مین شوقیله خاک قدم یار اولاجاقسان
من لازمیدی ترک سر و جان ایلییدیم
جان خاک ره مقدم جانان ایلییدیم
ناچیز بو جانی سنه قربان ایلییدیم
ای کاش بو جانیم کیمی مین جان اولا قارداش
هر تک تکی مین یول سنه قربان اولا قارداش
هنگام ولادتده منه ایلدون اعزاز
باخدیم یوزیوه تا ایلیم عشقیمی ابراز
بو عشق منی هم آنامی ایتدی سرافراز
گوردون گوزومی اوّل آچاندا سنه باخدیم
آخِر باخیشیم غرقیدی قاندا، سنه باخدیم
من مایلدیم خاک ره یار اولام اولدوم
عاشقلره بو عشقیده معیار اولام اولدوم
گل خاطرینه خاره گرفتار اولام اولدوم
بو سهلدی باشدان باشا جسمیم دولی اوخدی
مشکل بودی عطشانلارا مشکیمده سو یوخدی
شاهددی اوز شاهد میدان شهادت
هر قدر الیمدیدی الیم، جسمیده قدرت
اخلاصیله ایتدیم اونا بو عرصه ده خدمت
پروانه کیمی باشینه عشقیله دولاندیم
تا دوشدی الیم گیتدی سو، ناچار دایاندیم
خوندل بو جسارت سنه اولمازدی سزاوار
شایسته دی ارباب قلمدن بیله آثار
شانی یازا ذهنی یازا عابد یازا ناچار
سن ذرّه، اولار مهر درخشاندی مسلّم
هر تک تکی بیر نیّر تاباندی مسلّم
مرحوم حاج حیدرخوندل
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حاج حیدرخوندل
------------
زبانحال حضرت امام حسین (ع)
به حضرت ابوالفضل (ع)
ابوالفضلیم علمداریم گوزن آچ یاوریم قارداش
سن ئولدون پرچمیم یاتدی داغیلدی لشگریم قارداش
علم بیرسمتیده بیرسمتیده مشکون دوشوب پاره
قلج بیریاندا صاحب‌سیز فرس بیریاندا آواره
وجودونده دگوب ازبس که یاره اوستونه یاره
قیزیل‌گل تک بدن خنداندی ای گل پیکریم قارداش
ازل گون تا لبالب اولدی ساغر نور وحدتدن
ایچوب مست و خراب اولدون می ناب محبّتدن
ایله سیراب اولوبسان بادة جام شهادتدن
که یکسر عالمی ترک ایتموسن ای یاوریم قارداش
سن ای وادی حیرتده اولان مست رخ جانان
یتن طیّ مراحلده مقام فقره لب عطشان
وصاله یول تاپوب دین اوسته اولدون قانوه غلطان
علایقدن داخی اولدون بری ای یاوریم قارداش
عَلَم نصب ایلدون ای شیر دل میدانه شاهانه
داغیددون صفلری تاپدون ظفر اول قوم عدوانه
آتام حیدر کیمی جنگ ایلدون بی‌باک و مردانه
ولی آخرده آخدون ای ایشقلی اختریم قارداش
علی رزمین مجسّم ایلدون اشراره صولتده
حنین و بدری سالدون یاده ابراز شهامتده
الوندن ال گوتوردون آرزوی قاف وحدتده
مرامه یتدون ای عنقای خونین شهپریم قارداش
بلادریاسی طغیان ایلیوب قان دوتدی صحرانی
ستم ابری بو دشته یاغدیروبدور درد بارانی
سموم کینه تا ساحلده یخدی تشنه سقّانی
منیمده دولدی موج دردیله دور و بریم قارداش
بنات مصطفانون غصّه‌دن سلب اولموش آرامی
تیکوبلر گوز یولا لب‌تشنه قیزلار الده سو جامی
مصیبت سنگباراننده سیندی سینه‌لر جامی
قیریلدی تار امیّد ای درخشان گوهریم قارداش
سنیدون بو سپاه ایچره منه فرمانده لشکر
سنیدون روز هیجاده پناه آل پیغمبر(ص)
سنیدون خرمن بیداد ده چون شعلة آذر
سنیدون ظلمت محنتده ماه انوریم قارداش
عجب کامه چاتوب ترک ایلدون دنیا و عقبانی
رضای حقّی آختاردون نه حور و شاخ طوبانی
بو حالاتی دونن اثبات ایدوبسن ای وفا کانی
بو سودائیله اولدون اهل عشقه رهبریم قارداش
بوگون‌باشدان گیچوب جان وئرموسن شوقیله‌جانانه
ولایت امرینی تفسیر ائدوبسن اهل دورانه
وفا درسین گوزل تعلیم ائدوبسن اهل ایمانه
سنه جانیم فدا ای با وفا فرمانبریم قارداش
گوزمدن نهر علقمده وجودون تا نهان اولدی
دئدیم دلدن که شهبازیم یقین تیره نشان اولدی
همای عشقه جولانگه فضای لامکان اولدی
دئدون گرچه اولوب تیره، نشان بال و پریم قارداش
دور ای سقّای غم‌پرور تدارک قیل سو اطفاله
یته تا تشنه آل‌مصطفی(ص) مخیمده آماله
یانارکون و مکان قلبی مصیبتدن بو احواله
سوسوز دور آل پیغمبر منیم ای کوثریم قارداش
دور ای آرام جانیم تشنه سرداریم اویان یاتما
دور ای ماه بنی هاشم محاق قانیله باتما
حرمده اهل بیتین گوزلرین، هجرونده آغلاتما
نجه گور آغلیری حالون گورنده گوزلریم قارداش
یازیبدور مطلعی بیر بندیله استاد بی همتا
آدی «عابد» تخلّصده ولیکن عارف بینا
او سر مشق اولدی «فانی» قلبنه بو شعر اولوب القا
نظر قیل اونلارا لطفیله ای غم‌پروریم قارداش
استاد فانی تبریزی
منبع کانال اشعار فانی تبریزی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , فانی تبریزی
------------
احوالات حضرت ابوالفضل (علیه السلام)
آتدان دوشنده توپراقا سردار نامدار
سسلندی دادیمه یتیش ای میر تاجدار
سال سایه وی بو مهلکه ده باشیمه منیم
ای فاطمه عزیزی امام بزرگوار
گوز تیکمیشم گلن یولوا مین امیدیله
اطرافیمی احاطه ایدوب فرقه شرار
اَللی لرین الینده بو السیز بدن قالوب
باشیم دوشوب قضایه غمه اولموشام دچار
قربان اولوم گلن یولوا هاردا قالموسان
قویما منی بو سون نفسیمده چوخ انتظار
قربانیوی یخوبلا مناده اوزون یتور
جان ویرمرم گلونجه سن ای نازنین نگار
مرغ دلیم وصالیوه چوخ بی قراریدور
لطف ایت مریض عشقیوه باش چک طبیب وار
بیر اوخ دگوبدی مشکیمه قان آغلادور منی
سقایه یوز ویروبدی بلایای جان شکار
ای وای منه که چخدی بو چولده الیم بوشا
مندن سوسوز بالالاروون انتظاری وار
ای کاش آشا بو نهر فراتین سووی داشا
بوردان جنازه می آپارا ایلیه کنار
من نهرین اوسته حشره جه راحت یاتانمارام
آخدوقجا سو ، گلر سَسی بو قلبیمی سِیخار
زهرا آنان کیمی نولی گیزلین مزاراولام
بوردا رباب دردی یا دیمدان مگر چیخار؟
آلسان اگر بو دم سسیمی سس یتور منه
ای امت پیمبر اسلامه غمگسار
تعجیل ایله قدملریوه من فدا اولوم
السیز بو پیکری اوزون اللردن آل قوتار
گلسن گوزومده باخما گیلن اوخ یاراسنا
قلب شریفیوی ایلییر چون جریحه دار
دوشسه گوزون و یا که قلم قولارا اخا
توکمه عذاره گوز یاشی چون شبنم بهار
ایندی منیم الیمده دگور اللریم ، دورام
گوز یاشیوی اوزوم سیلم ای میر تاجدار
یوخ سوز چتیندی قارداشا قارداش مصیبتی
سّری ندور که قارداشی قارداش غمی یخار
گلسن دیمه غمونده بلیم سندی آچ گوزون
باخسام خمیده قامته آرتوق توان آلار
لطف ایلسن اگر دیَرم عرض حالیمی
من دل شکسته نین سنه بیر عرض حالی وار
عبداللّهین خیالین او که باشدان آتموشام
یوخ یا سوزوم مدینه ده قالدی آنام فکار
ایندی سنون بالا لاریوون ناگرانیم
غارت خیالینه دوشوب اشرار کین شعار
مقدور اگر چه اولسا قبول ایت بو خواهشی
گلمه و یا که گورسن حرم ناگران اولار
اخیامیده بویور سن اوزون عرض حالیمی
ائیله منیم دلیمجه حرملردن اعتذار
تاپشور امام ساجده دفن ایلسه منی
باش داشیمی یازاندا عنایت ایدر یازار
بوردا یاتان او قافله سالار عشقیدی
مقصودینه چاتانمادی اولدی شکسته بار
ساده ثواب نوحه نه تنها سنونکیدور
اولدی شریک اجر سنه عندلیب زار
طهمورثی (عتیق)
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , طهمورثی عتیق
------------
زبانحال حضرت ابوالفضل (علیه السلام)
به حضرت امام حسین (علیه السلام)
قارداشون دوشوب ایاقدان داده گل اماندی قارداش
آیریلوق زمانی یتدی طاقتیم تالاندی قارداش
ای بودار ابتلاده پادشاه ملک عزّت
ای منازل فناده رهنمای راه وحدت
ای بوخانقاه عشقه پیر و مرشد طریقت
سالک طریق عشقم همّتیم عیاندی قارداش
ای فروغ آفرینش علّت وجود عالم
سنده دور صفات توحید رمز و راز اسم‌اعظم
باشیم اوسته رأفتیله گلسن ای شه مکرّم
اوندا دورکی قتلگاهیم غبطۀ جناندی قارداش
گل طبیب عالمینیم تا گوروم گوزل جمالون
درد هجردن خلاص ایت وئر اجازه وصالون
پیکریمده تازه جاندور هر نظارۀ کمالون
کشتۀ غم فراقه بیر باخیش رواندی قارداش
ای امام کون و امکان معدن صفا و رأفت
سنسن ای بو بزم عشقه ساقی می شهادت
وئر شراب ناب عرفان ای خمار جام وحدت
مست یار اولوم که مسته قرب حق مکاندی قارداش
کوی سیروه نولوردی بیرده یول سالیدی گوزلر
بیرده گوزلرین گوریدی باخمادان قالیدی گوزلر
اول جمال دلربادن نورحق آلیدی گوزلر
چون اوحُسن کبریائی عکس دلستاندی قارداش
ای فروغ حُسن یاره مظهر جمال و رحمت
سنسن اول جماله مطلق جلوۀ جلال و شوکت
سنسن اوج بنده لیقدا شاهباز اوج وحدت
منده مرغ حق، مجالیم قرب لامکاندی قارداش
شوقیله سنون یولوندا ماسوانی آتمیشام من
دوتموشام طریق وصلون باش و جانی آتمیشام من
منظریمدی گول جمالون گلستانی آتمیشام من
تا گورم گوزل جمالون آیریلوق یاماندی قارداش
سن امام مفترض سن ماسوایه انس و جانه
حکمون ایلیوبدی نافذ ذات حق هامی جهانه
منده درگهونده چاکر ملتجی بو آستانه
تک نه من که جمله هستی عبد آستاندی قارداش
بی‌گمان گوزل جمالون باغ خلد و کوثر یمدور
خاک مقدمون فداسی الده جان مضطریمدور
عشقیمه دلیل و برهان زخمدار پیکر یمدور
مین یولا، ئولوب دیریلماق آرزوی جاندی قارداش
سن امیر ماسواسن من سنه امیر لشکر
سن شهنشه وفاسن من سنه غلام و چاکر
ای بو وادی بلاده بی معین و یار و یاور
دلده شور اشتیاقیم وسعت جهاندی قارداش
شوق وصل عارضونله سسلرم سنی هرایه
گوزلریم قالوبدی یولدا منتظر او مه‌لقایه
العطش سسی خیمدن اوج ایدوبدی نه سمایه
خیمه‌لرده تشنه‌لیقدان ناله و فغاندی قارداش
لطف قیل عنایت ایله یا اخا بو سر سپاهه
منحصر اولوب امیدیم صون نفسده بیر نگاهه
مشکیم اوخلانوب یانوب دل غصّه دن شرار آهه
ال گدیب علم یاتیبدی داده گل اماندی قارداش
خسروا عنایت‌ایله عاشقان بی‌قراره
خیمه لرده قالما دور گل درد هجره‌ایله چاره
بیرده بیر عنایت‌ایله «فانی» غریب و زاره
اشک چشم خون فشانی گورنجه رواندی قارداش
استاد فانی تبریزی
منبع کانال اشعار فانی تبریزی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , فانی تبریزی
------------
زبانحال حضرت ابوالفضل (علیه السلام)
او لحظه دن کی گتوردی خدا جهانه منی
بابام علی ایلیوب نوکر آستانه منی
اگر چی عمروده چوخ گورموشم چتین گونلر
بو گون کی تک غمه سالموبدی هئچ زمانه منی
اوزوم سوسوز بالالار آغلاشولا حسرتیله
فغان و ناله خیمده گتوردی جانه منی
آقام بویوردی منه گئت گئدنمرم چونکی
بابام وئروب اوزی نوکر بو آستانه منی
اجازه آلدوم امیریم حسیندن گلدیم
تدارک ائتماقا سو ایلدی روانه منی
آدیمدی باب الحوائج قاپومدا واردی اومید
ولیک غصه و محنت ایدوب نشانه منی
جدال حقیله با طل سویی خجالت ائدوب
ائدوبدی دشمن دین گوئیا بهانه منی
عجب زماندا گوزوم قانیله منیم دولدی
یارالی پیکریم اوخشاتدی گلستانه منی
نقدر سو واریدی دیلده چوخ هوس واریدی
دگوبدی اوخ سو جالاندی چکوبدی قانه منی
سو گولدی اوجوما دولجاق که بلکه منده گولم
چتین زاماندا سالوب مشکل امتحانه منی
خدایه شکر اولا من یاخشی امتحان وئردیم
سالانمادی هوسیم آیری بیر گمانه منی
امان او اوخ کی دلوب مشکی توکدی صحرایه
اوتانماقین غمی دوندردی بیر کمانه منی
سویوم جالاندی سوسوزلار هله گوزتلولر
چوخاتدی خجلتیمی قویدی یانه یانه منی
باشیمدا گئتسه اگر عشق اورکدن ایریلماز
نوکر ویروبدی بابام سرور جنانه منی
بو کربلا چولونون آیری بیر طراوتی وار
چکوب گتوردی فلک سویملی مکانه منی
کسوب قباقیمی بیر فرصت آختاران نامرد
جسارت ایلدی یاندیردی بیر بیانه منی
دئدیم فراته طرف یول سالاندا هاردیدون
ووروبدی دیل یاراسی دوندروبدی قانه منی
قولوم کی دوشدی یولومدا کسیلدی قانیله
فلک ایدوب نشان تیغییله سنانه منی
دمیر عمودیله السیز باشین نه نسبتی وار
گوزومده گورمدی چکسون اقلی یانه منی
سسون ایشدیم حسینون آناسینون افسوس
آنا مصیبتی سالدی غم گرانه منی
اگر چی من کیچیگم لطف ایدوب آنام زهرا
اوغول آدیلا خطاب ایتدی مادرانه منی
آنام بویوردی که سسله حسین قارداشووی
اوجاتدی شأنیمی یول ویردی دودمانه منی
حسینی قارداش آدیله دیلیم دوتار دوتماز
چاغیرموشام ایلیه جنته روانه منی
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
زبانحال حضرت امام حسین (علیه السلام)
به حضرت ابوالفضل العباس (علیه السلام)
دور ای میدان جنگین شیری قارداش
حسینون قان توکن شمشیری قارداش
پناهی ای پناه عالمینون
یانور قلبیم گورنده شور و شینون
سنه قربان اولا جانی حسینون
آتام شیر خدا تصویری قارداش
الون اولسیدی ایتمزدی جسارت
سنه بیر پهلوان وورسون جراحت
ولیکن سندن آلدی استقامت
بو قومین حیله و تزویری قارداش
قاچان روباه تک ای شیر سندن
حیا ایتدی نه زهرادن نه مندن
کمین ایتدی قولون سالدی بدندن
دوشوب شیرین یره شمشیری قارداش
نجه توکمز گوزوم رخساره قانیاش؟
دونوب قلبیم غمونده قانه قارداش
ووریدی حرمله قلبیمندن ای کاش
سنون آنونداکی بو تیری قارداش
گونوم شام اولدی غم گوندوزلروندن
دانیش قلبیم آچیلسون سوزلروندن
اوپوم حیدر باخیشلی گوزلروندن
آزالدیم ناله شبگیری قارداش
رخ ماهون چکوب قان سرخ پرده
گتوردی انجم افلاکی درده
بلیم سیندی الیم قالدی کمرده
عیاندور حالیمون تغییری قارداش
الینده بوش سو جامی خیردا قیزلار
توکر قان یاش یوزه نی تک سیزیلدار
بولورسن ایلسم بو حالی اظهار
اولار قیزلاردا نه تاثیری قارداش
بلونسه گچموسن الدن علمدن
چیخار شیونگویه اهل حرمندن
بنات هاشمیه بو ستمندن
اولار صیاد غم نخجیری قارداش
مواساتین مقامات برینین
نشان ویردون بولوندی قدری دینین
حلال اولسون انان ام البنین
سنه جان شیره سیندن شیری قارداش
عجب طی ایلدون سن عشق راهین
چوخاتدون اهل عشقین عز و جاهین
ولی سنسیز داخی بو بی پناهین
کسیلدی چاره و تدبیری قارداش
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
زبانحال حضرت ابوالفضل (ع) به
حضرت امام حسین (ع)
ای که خاک قدمت سرمۀچشم تر من
کن قدم رنجه بیا پای بنه بر سر من
خانه زاد توأم ای سرور اقلیم وجود
افتخار است بگویی تو اگر نوکر من
مرتضی از نجف آمد، تو هم از خیمه بیا
کن خلاص از غم حسرت دل غم پرورِ من
حسرتم بود نبود ام بنینم به کنار
مادرت فاطمه آمد عوض مادر من
رو به سوی تو و چشمم نگرانِ ره تو
دم مرگ است، بیا و بنشین در بر من
دستم افتاد و نگون گشت علم غرقه به خون
واژگون گشت ز مرکب چو علم پیکر من
ای پناه همه مظلوم ز پا افتاده
وقت آن است که دستی بکشی بر سر من
دستگیر همه وامانده، بیا دستم گیر
از ره لطف، فشان آب بر این آذر من
نگران توأم ای شاه که جان بسپارم
خنجر قاتل دون آمده بر حنجر من
شاهبازت به کف کرکس دون افتاده
دست تقدیر بر افکنده ز تن شهپر من
می نمودم به سوی خرگه سلطان پرواز
کوفیان گر ز ره کینه بکند پر من
بجز از دیدن وجه الله باقی رویت
آرزوی دگری نی به دل مضطر من
نام تو در لب و، بر خاک همی مالم رخ
می نویسد به زمین نام تو چشم تر من
دادن دست به عشقت چه لیاقت دارد
ای به قربان تو بشکسته سر ای سرور من
من « حسینی » نسبم، چشم به دست کرمت
خالی از قول اباطیل رود دفتر من
همه عمرم، به تو من گفته ام آقا، مولا
از ره لطف بگو نوکر من ، چاکر من
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , حسینی سعدی زمان
------------
زبانحال حضرت ابوالفضل (علیه السلام)
ای پرچم اسلام نه سرعتله اسورسن
عباس دوشور تپراقا سنده تله سورسن
اولما گل امیدیمی سن پرپر ائدورسن
قولسوز گوروب عباسی بله لنگر ائدورسن
چوخ زحمتیوی چکدی سنون جعفرطیار
جان قویدی بابام شیرخدا حیدرکرار
راضی دگلم منده سنی خوار ائده اشرار
سن دینمیزون پرچمی سن یاتماقا اسمه
السیز باشیم اوستن یخیلوب سایوی کسمه
به علت نداشتن اجازه انتشار کامل اشعار
(مرحوم استاد رحیم منزوی اردبیلی) چند بیت از اشعار
ایشان به اشتراک گذاشته میشود
مرحوم منزوی اردبیلی
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , منزوی اردبیلی
------------
زبانحال حضرت امام حسین (علیه السلام)
در بالین حضرت ابوالفضل (علیه السلام)
ال تاپدیلا شام اهلی بو چولده سنه قارداش
بوندان صورا وای زینبه ای وای منه قارداش
حالیم سنه واضحدی بو بر کلمه سوزیمده
گرچه گلورم من سنون آردونجا اوزیمده
اما بو گونون عصری مجسمدی گوزیمده
زینب نجه مقهور اولا جان دشمنه قارداش
بو یوزدی و یا آیدی و یا مهر و شفق دور
بوجسمیدی یا دفتر غم کتب سبق دور
هر عضوه باخاندا گورورم نچه ورق دور
خندان گله بنزور داغیلوب دامنه قارداش
دوندردی غمون گلشن اسلامی خزانه
بلبل کیمی اهلیم یری وار گلسه فغانه
جسمون که سنون باتدی قزل گل کیمی قانه
جسمون دونه جاق زینبیمون سوسنه قارداش
سنسیز آتامین نایبی قارداشیم ابولفضل
موج ایلدی دریا کیمی گوز یاشیم ابولفضل
سندی بیلیم ای ماه بنی هاشم ابولفضل
تار اولدی جهان چشمیمه باخجاق سنه قارداش
شام اهلی جفادن نقدر ظلم ایده دویماز
حرمت حرم عصمت پیغمبره قویماز
بو حاله سالانلار سنی گور زینبی سویماز
رحم ایلر آتاسیز اوشاقا یا زنه قارداش
یاتدی علمون شیونیم افلاکه اوجالدی
آرتدی المیم محنتون آتش دله سالدی
قطع اولدی امیدیم داخی بل چارم آزالدی
چوخ اوخشورام ایمدی پوزولان گلشنه قارداش
دوشدون یره آتدان سن_ایشیم مشگله دوشدی
کشتی نجات اولدی یقینیم گله دوشدی
زهرا قیزینون معجری الدن اله دوشدی
ال یوخ بدنونده چگه سن مامنه قارداش
عمرونجه (حسینی) یاناسان چوخ دگل آزدی
بودورده طبعون نچه گون دوز یولی آزدی
جدون صورا دم ویردی قلم بو سوزی یازدی
ال تاپدیلا شام اهلی بو چولده سنه قارداش
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
زبانحال حضرت ابوالفضل (علیه السلام)
به حضرت امام حسین (علیه السلام)
قارداش یارالی باشیم قالوبدور، بو لشگر بیشمار الینده
گل قویما بو شیر زخمداری، صیاد ستم شعار الینده
بیر صید خدنگ خورده تک من، مین رحمسیز اووچیا دچارم
شیرم، کسیلوبدی دست پنجم، روباه صفتلره شکارم
یوخ دادرسیم بو صون نفسده، قارداش سنه بیر امیدوارم
صیاد ستمگرین برادر، وار بیر یارالی شکار الینده
بیر صدمه جفائیله یتشدی، بو لشگر شوم و فتنه جودن
سلب ائتدی وجودیمون قواسین، جبریله بوشالدی سو سبودن
یوخ منده گوروله جنگه قدرت، هی یاره ورولا چار سودن
جانه یتشوبدی قارداشون گل، بو فرقه نابکار الینده
قالمور او قدر که تار عمری، سر پنجه کین ایده گسسته
تشریفوه منتظردی شاها، بو ساقی ساغری شکسته
گلسن گوره سن نه کشمکش وار، قارداش بو یارالی بیر باش اوسته
قورخوم بودی سن گلنجه قالسون، باشیم نچه نیزه دار الینده
گل گور نجه ساحل فراتی، قانیم آخوب ایلیوب گلستان
گل گور نجه صرصر جفادن، گل تک بدنیم اولوبدی خندان
وار بسکه صفا و لطفی قاندان، ایلر اونا غبطه باغ رضوان
حاشا گتوره بو گل نظیرین، بیر گلشنه نوبهار الینده
قارداش بوئیدی تمام فکریم، دل نایل آرزو اولیدی
من خیمه لره گله بولیدیم، بیر مشگ الیمده سو اولیدی
لب تشنه اوشاقلارین یانندا، اول سو منه آبرو اولیدی
بو خدمت اولیدی قارداشوین، سرمایه افتخار الینده
میدانه نچون گلنده گوردوم، عطشاندی بنات فاطمیه
من فکریمون آردیجه دولاندیم، بیر مشگ سو ایلدیم تهیه
تا خیمه لره گلنده اولسون، الده بالا قیزلارا هدیه
گورموم قوروموش سو جامی بیرده، اطفال سمن عذار الینده
بو خسته وجودیمی سراسر، قارداش سپر ایلدیم سهامه
دوزدوم نقدر یارا یتشدی، بلکه یتورم سوئی خیامه
گیتدی ایکی اللریم سو اوسته، ویردیم گنه سعیمه ادامه
حفظ ایلدی قارداشون سو مشگین، تا واریدی اقتدار الینده
مشگیمدن او اوخ که رد اولوردی، آغوشه باسوردوم آرزو تک
مصروفیدی حفظ مشگه فکریم، کسب ایلدیقیم بیر آبرو تک
بو عزمیمی دل بولوردی واجب، انجام فرائضه وضو تک
افسوس پوزولدی بو مرامیم، بیر مرتد و پست و خوار الینده
جسممده کی یاره لرایده لر، بو نکته نی مو به مو حکایت
حفظنده سو مشگینین برادر،عباسده اولمیوبدی غفلت
رد اولدی بیر اودلی اوخ گوزیمدن، سو مشگینه ایلدی اصابت
قلبیم کیمی یاندی قانلی مشگیم، او ناوک پرشرار الینده
اوخ اونداکی دگدی مشگه ایکاش، بو عالمی تارمار اولیدی
یا چشم پر اشگمه دگیدی، یا مشگدن اوخ کنار اولیدی
اطفال نه تشنه لب قالیدی، عباس نه شرمسار اولیدی
یا قارداشوین قالیدی قارداش، اولده کی اقتدار الینده
سو آخدی دئمم که گیتدی الدن سرمایه عمر جاودانی
هر قطره سینون بها و قدری، مین چشمه آب زندگانی
تیر ایلدی مشگی پاره بولمم، یا دست قضای آسمانی؟
بازوی عدوده وار بو قدرت، یا گنبد کجمدار الینده؟
سودائی جذبه محبت، افتاده فرقت نگارم
دل سوخته شرار هجران، رنجور غم فراق یارم
یوخ شوقیمه انتها که ایندی، سر منزل یاره رهسپارم
جان نقدی ایکی کسوک الیمده، بیر تحفه دی یاره یار الینده
قارداش سویا من اولاندا مالک، سس دوشدی قوشون آرا سراسر
عباس فراته صاحب اولدی، بو سسله بو دشت دولدی یکسر
مطلق بولورم که خیمه لرده، آلدی بو سسی بنات حیدر
بولدی هاموسی سو اختیاری، واردور من دلفگار الینده
تا منتشر اولدی خیمه لرده، بو مطلبی بولدی آل طاها
سو مژده سی ویردی بیر بیرینه، اولدی هامی انتظار سقا
سقانی ولیک یخدی آتدان، سو اوسته سوسوز گروه اعدا
بولم قوروموش سو جامی قالموش، اطفالوین انتظار الینده
سو اولمادی تشنه قیزلاروندان، دنیاجه من اولموشام خجالت
گلسن یارالی جنازم اوسته، ایتسن منه رافت و عنایت
حمل ایلمه نعشیمی خیامه، ای آیت لطف بی نهایت
گورموم داخی اصغرون سوسوزدان گریاندی رباب زار الینده
شرمنده لیقیم گچوبدی حددن، قارداش یتشوبدی انتهایه
شامه کیمی فرط خجلتیمدن، باش قوزامارام سر جدایه
تا دوشمیه چشم خونفشانیم، رنگ رخ آل مصطفایه
مشگلدی گورم که تشنه لیقدان، گللر سارالوبدی خار الینده
بو شرح غم یازاندا(عاصی) چون یازدی خلوص نیتیله
پیرامون دامنی اودور که، اسلاندی سرشگ حسرتیله
گوگلی گنه ببر زیارت ایستر، باشنده اولان جماعتیله
بو نوحه وسیله تمسک، اولموش بو گناه کار الینده
ای پور غیور شبر داور، وی باغ شجاعتین نهالی
سندنصورا دستگیر اولوندی دشمنلره قارداشون عیالی
تقدیر قضائیدی که دوتسون بیر اوزگه محاق او مه جمالی
تا گورمیه سن حیالی زینب اشرارین اولوب دچار الینده
مرحوم عاصی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عاصی
------------
بخشهایی از احتجاج
حضرت ابوالفضل العباس (علیه السلام)
مامور اولموشام بولون ای اشقیای شام
بیر شهریاردن یتورم سیزلره پیام
تحت حکومتنده ذرات کون اونون
جبریل آستانینه دور بیر کمین غلام
یاخشی قولاق ویرون ایشیدون ایلیون قبول
آگاه اولون بودور سیزه فرمایش امام
یاز دوز نقدر هیچ بولوسوز نامه کوفه دن
اشیاخ هر قبایل و اشراف خاص و عام
سنسن یر اوزره حجت حق مقتدای خلق
بیز قالمیشوخ امامسیز ای سید انام
کای رهنمای خلق و یا هادی السلیل
یا منجی الخلائق من حیره الظلام
تعجیل ایله گلماقا گل انتظاردن
قورتار بیزی قالوب گوزوموز یولدا صبح و شام
مین شزط وعده ایله قوناق دعوت ایلدوز
آیا بودور قوناقه گوره رسم احترام
اول عیالینون یوزونه باغلادوز یولی
ایتدوز عجب ملاحظه حرمت کرام
نهر فرات فاطمیه مهر دور ندن
بیگانیه حلالیدی اولادینه حرام
اوز یازدوقوزدان ایمدی اگر نادم اولموسوز
قتلیمده ایلیسوز نه سبب سعی و اهتمام
بو قیل و قال , جنگ و جدال اجتماعدن
گر ادعای سلطنت ملک دور مرام
یثرب سیزون حجاز سیزون یول ویرون گیدوم
چوللرده اوز عیالیم ایچون اخذ ایدوم مقام
تبلیغ ایلدیم سیزه امر رسالتی
بو اول کلامیدی بو آخر کلام
هر نه دیدیم نصیحت اوزوندندی سیزلره
ورنه تصور ایتمیون عاجز قالوب امام
عالم بوتون وجودئیله برقرار دور
تاپماز وجودی اولماسا امر جهان نظام
کشتی ممکناته بودور لنگر ثبات
اقطار کائناته بو دور مرکز قوام
بیر نفسدور دولاندیرور آفاق و انفسی
دست تصرفینده دی سررشته ی مهام
خلق جهانه واسطه فیض حق دور
جاری اولور بو عالمه فیضی علی الدوام
پرگار وار ثابت و سیار و مهر و ماه
سرگشته باشینه دولانور روز و شب مدام
کعبه اگر بونون باشینا ایتمیه طواف
اولماز مطاف عالمیان قبله امام
بو اهل بیت حقنه عارف دی بیت حق
وجهی بودور او بیت اولوب مسجد الحرام
قطع ایلسه ترشح فیضین سحابدن
یاغدیرماز هیچ بولود یره بارانی لاکلام
موتوا دیسه هلاک اولوسوز ویرمسه نفس
قادر دگل نفس چکه بیر نفس والسلام
باطن جلالی دورسون اگر ظاهر ایسته سوز
گیزلین دگل بو جاه و جلال و بو احتشام
عباس تک بونون قاپوسندا غلامی وار
رخصت ویره قتاله چکم تیغ انتقام
دیار قویمارام بو قشوندان آلام اگر
بو شهریاردن اله فرمان قتل عام
معذور ایتمه سین سیزی بو کثرت سپاه
بو دسته بو نظام بو انبوه و ازدحام
ایتمز مقام حربده بیر لمحه ای درنگ
عباس النده برق وورا جوهر حسام
بیر گوز یوموب آچونجا پراکنده ایلرم
نه صف قالور نه دسته نه نظم و نه انتظام
شیر فلک صلابتیمی گورسه روز جنگ
روباه وار برج حملده دوتار مقام
دعوا گونونده شیر خدا اوغلونا حریف
آیا نه جراتیله اولور روبهان شام
عباس آدی گلنده دوتار عالمی هراس
بو آد شجاعتیله تاپوب اشتهار نام
میدان کارزار ده ابطال نامدار
ایتمز برابریمده منیم لحظه ای دوام
غیرت منه حرام اولا چوخ ننگ نام دور
کفاردن قویام یر اوزونده نشان و نام
باتسون آدیم بو سینه لره داغ چکمسم
تاپماز جراحت دل ناسوز التیام
اما سوزوم بودور ایشیدون التماسیمی
رد ایتمیون جواب سوالیمه لاکلام
بیر جرعه سو ویرون آپاروم تشنه لبلره
یول گوزلور ایمدی خیمه ده اطفال تشنه کام
عهد ایتموشم سکینه ئیله وار قراریمیز
شاهد قرار عهدیمیزه حی لاینام
جهدیم بو یرده دور آپارام سو سکینیه
هر نحویله واریمدی بو سوداده اهتمام
جان ایسته سوز بها سویا ایتمم مضایقه
بو شرطین اوسته ایلمیشم جانیله قیام
باشلار بدندن آیریلوب اللر کسیلمه میش
سودانی خوشلوقیله گلون ایلیاخ تمام
ممکن دگل وگرنه بو سودادن ال چکم
چوخ مشکل امر دور ایلیوبسوز خیال خام
ال چکمرم الونجه بو سوزدن اگر دونم
بیر باشیمی ایکی الیمی ویرم التزام
گر التماسیله اولا یا خود قیامیله
سو آلماسا سو اوسته گرک جانیمی قویام
تا اولماسون حسین یانندا سکینه دن
عباس شرمسار بودور غایت المرام
سیز ایتمیون خیال حسینه برادرم
هر گه قبول ایتسه او مولادی من غلام
اولسون قسم حسینه مرادین (حقیر) آلور
عباس دامننه ایده هر کیم اعتصام
مرحوم حقیر خوئی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حقیر خویی
------------
زبانحال حضرت ابوالفضل (علیه السلام)
به حضرت امام حسین (علیه السلام)
ای جمالی چرخ ولایتین نیّر درخشانی سیّدی
لطف ایله خسوفه دوشن آیی قیل دوباره نورانی سیّدی
ای بو گون سپهر امامته عارضی درخشنده آفتاب
اقتضای خلقتدی بو که آی نورونی ایدر گوندن اکتساب
کسب نور ایدر دوتقون آی نجه اولسا قان سحابی اگر نقاب
لیک بیرجه بو درد مشکلون گلماقوندی درمانی سیّدی
قان اولان گویول ویرموری رضا سالماقا سنی گرچه زحمته
افتخار ایدردیم موفّقم آستان پاکوندا خدمته
ایلیوم نه چاره اولوب سبب کثرت علاقم بو دعوته
سن اوزون بولورسن غلاملر چوخ سویه لّه مولانی سیّدی
ایتمورم تاسّف که آز قالور پیکریمدن آیری دوشه باشیم
یا غم ایتمورم ال گیدوب دونوب ظلم الیله القانه گوزیاشیم
فکریمی پریشان ایدوب بو غم دشمن ایچره تک قالدی قارداشیم
ممکن اولمادی سندن ایلیم دفع شرّ اعدانی سیّدی
گرچه دعوتیم زحمت آرتیرار پیشگاه والا مقامیوه
درد انتظاره دوزنمورم آند اولا مقدّس مرامیوه
مایه ی شرفدی عنایتون جان ویرن زمانی غلامیوه
خاکساریوه ایله لطفیوی صون نفسده ارزانی سیّدی
ای مراد عالم مریدیوین وار سنه ریاسیز ارادتی
بو ارادت خالصانه دن تاپموشام بو شان و شرافتی
سن کیمی وجود معظّمین وار منه مقام سیادتی
نوکرم سنه، کلّ عالمه ویرمرم بو عنوانی سیّدی
دوزدی کلّ عالم بولور سنون بحر لطفیوین یوخ کرانه سی
سنده آشکارادی هر زمان فیض و رحمت حق نشانه سی
سندن استعانت دگل مگر وجه حقّی گورماق بهانه سی
مقدمونده جان آفرینه گل ایلیوم فدا جانی سیّدی
گرچه من سنون فضل و لطفیوین سایه سینده عشّاقیدن باشام
بدو خلقتیمدن مریدیوم عاشقم صداقتلی یولداشام
اذن ویرمه سیدی آنان اگر من سنه دیمزدیم که قارداشام
اوز گوزومله گوردوم ولی بو گون لطف خیر نسوانی سیّدی
اونداکی ایشیم دوشدی مشکله مندن آخدی سو تک دِما یره
اوخلانوب سو مشکیم توکلدی سو، ال گیدوب یخلدی لوا یره
ویردی بیر خانملیق نشان آنان من دوشنده آتدان اخا یره
گورجاقین او لطفی چخارتموشام فکریدن بلایانی سیّدی
تا منی او احوالیله گوروب خیرة النّسا بضعة الرّسول
چوخ محبّتیله آچوب قولون سسلدی گل آغوشیمه اوغول
من ولی یارالی گوروب اونی ایلینمدیم دعوتین قبول
من اونا، اودا آغلادی منه توکدوق اشک سوزانی سیّدی
گرچه من ایشیتمیشدیم ای اخا بیعت اوسته سیلی حکایتی
بولمه میشدیم امّا نه حدّده وار او بیحیانون جنایتی
گوردوم آخِر عمرمده وای منه آی یوزونده نیلی علامتی
باشیمه دولاندوردی گورماقیم عرصه گهده دنیانی سیّدی
ای اولان پناهنده سی جهان آستان عالم پناهیوین
وی همیشه اهل ولا اولان حسرتینده رحمت نگاهیوین
گر قصوری اولسا گذشت ایله خدمتینده میر سپاهیوین
چون کریم مولا گذشت ایدر عبدین اولسا نقصانی سیّدی
گرچه من بو صحرای عشقیده هجر و وصل دمسازیم اخا
عرصه گاه خدمتده دینیمون بیر وفالی سربازیم اخا
منصب سقایتله لطفیوین سرخوش و سرافرازیم اخا
حیف اولا سوسوزلاردان ایتدیلر شرمسار سقّانی سیّدی
صون نفسدیم داده گل اخا قویما چوخ گوزوم قالسون انتظار
لشکر جفا چوخ تلاش ایدور باشیمی بدندن ایده کنار
شمع رویوون آرزوسینه بو یارالی، پروانه تک یانار
گل گوره باشین اوسته بو «حزین» جان ویرنده جانانی سیّدی
حیدر خسروشاهی (حزین)
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حیدر خسروشاهی
------------
زبانحال حضرت ابوالفضل (علیه السلام)
به حضرت امام حسین (علیه السلام)
بیرمشک سو اوستونده دوشوب ولوله قارداش
آز قالدی که باشیم دوشه الدن اله قارداش
اوخلاندی سو مشکیم ای شاه ولایت
اولدوم حرمیندن سو اوسته خجالت
آلسان سسیمی خیمه دن ای خسرو خوبان
گل سایه وی سال باشیمه جانیم سنه قربان
نهر اوسته علمدارون اولوب قانینه غلطان
آز قالدی باتا کشتی عمروم گله قارداش
اولماز محنیم نوکریوین قیدینه قالسان
السیز بدنه لطف ایلیوب سایه وی سالسان
بیر دفعه ده دیندیرسن اگر گوگلومی آلسان
دنیایه برابردی او بیر مرحله قارداش
تا وار نفسیم سینه ده عشقون هوسینده
قویما سیخلا روحیمی محنت قفسینده
گل بیرده گوروم عمرومون اخرنفسینده
تا نخل امیدیم یتیشه حاصله قارداش
سینمده یارا لاله مثالی گول آچوبدور
گلزار ایله بیر غنچه لنوب سنبل آچوبدور
بیراوخدا دگوب مشکه منه مشگل آچوبدور
اطرافیده لشگر ایلیور هلهله قارداش
نیلوبدی بو اوخ منله مشخصدی سوزومدن
یاندرمازیدی بیربیله دگسیدی گوزومدن
اخیامه گَلم گلموری بو دفعه یوزومدن
لطف اِیت منه بو خواهشی قبول ایله قاردش
آلدوم سویی وردوم علمون نهر فراته
چکدیم سویونون خاروخسین نچه جهاته
دگدوقجا الیم نهریده اول آب حیاته
قان آغلامشام خیمه ده غنچه گوله قارداش
الله بولوری سالدی سو سقانی نه حاله
باخدوقجا سویا قزلاروی سالدی خیاله
گوردوم دوزولوبلر صفه اللرده پیاله
گوز یاشلی باخولار یولا سقا گله قارداش
استاد طهمورثی متخلص به (عتیق)
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , طهمورثی عتیق
------------
حضرت ابوالفضل العباس (علیه السلام)
ای حجاز پادشاهی داده گل علم یخلدی
سو یانندا تشنه سقا قولاری قلم یخلدی
یوخ منه ایدن حمایت قالمادی بدنده طاقت
باش یارا، بدن جراحت، صاحب علم یخلدی
مشکیمون سویی اولاندا سلسبیل ایدردی رشکین
شوقیله اودور باساردیم اوخلی سینمه سو مشکین
بیر سوسوز اوخ ایتدی اما قان ایکی گوزیمون اشکین
گلدی مشکیدن سو ایچدی شوق ایوی او دم یخلدی
مندن ایلینده خواهش سو قیزون سکینه قارداش
عهد ایدوب سو وعده ویردیم قویدوم ال جبینه قارداش
اولمادی تعهدیمدن سو او دل حزینه قارداش
سیندیروب جبینی پیکان ملجا حرم یخلدی
گوردوم اصغره آناسی چوخ باخور یانور سیزیلدیر
یوخدی سود دوشونده بلدوم دلدن اودلانور سیزیلدیر
عترت بتوله سقا تک منی تانور سیزیلدیر
آغلادیم بنای صبریم اولدی منهدم یخلدی
چوخ منه موثر اولدی ایتدی قلبیمی شکسته
سویلدیم آز آغلا ایتمه اوز اوزیوی بیله خسته
سو دیدیم گتورم اما گیتدی قولاریم سو اوسته
نهر علقم اوسته سقا گوزده قانلی یم یخلدی
قیزلارون بلوردی منده واردی منصب سقایت
سو دیوب ایدردی مندن تشنه لیقدا استعانت
ویر خبر امیدین اوزسون خانواده ی رسالت
ساقی حریم عصمت دلده یاس و غم یخلدی
دینیمون وظیفه سیله تابع امامیدیم من
قارداشام دیمم قاپوندا کمترین غلامیدیم من
اهل بیتیوله ولیکن رکن احتشامیدیم من
زینبین جلالی گیتدی رکن محتشم یخلدی
بیر آجیقلی شیریدیم من اهل کینه همچو روباه
حیف اولا کسیلدی پنجم تاپدی ال بو قوم گمراه
باش آچوق قولی کسیلمیش بیر دمیر عمود ناگاه
باشیمه ایله توخوندی توسن ایتدی رم یخلدی
بوستان بوترابه سرویدی بو قد شمشاد
قیردیلار قولین بوداقین کوفیان کینه بنیاد
من یره دوشنده آتدان سسلدی بو لشکر عاد
البشاره سرو ناز گلشن ارم یخلدی
ای مسیح دم النده گل بو مرده جسمه جان ویر
باشیمی آلوب کناره احتضاریدن امان ویر
اوخلی مشکیمی آپارسان تشنه لبلره نشان ویر
ویر خبر وفالی سقا غرق بحر غم یخلدی
بیز مدینه دن چخاندا باشلادوخ بو امره شرکت
ایلیاق الونجه باهم اعتلای دینه همت
جان یتوب دوداقه مندن آخره یتیشدی خدمت
گل قدملرون فداسی سنله همقدم یخلدی
بیر مرامیلن ازل بیز باشلادوق قیامه عنوان
کاخ ظلمینی یزیدین ایلیاق جهاندا ویران
ظاهراً منی بو چولده یخدی قوم آل سفیان
باطناً یخلماقیملا پایه ی ستم یخلدی
تا نفس گلور (حسینی) یاز حسینه خدمت ایله
آغلا گوزیاشون الونده توشه ی قیامت ایله
مقطع کلامی بیرده مطلعی کتابت ایله
ای حجاز پادشاهی داده گل علم یخلدی
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
زبانحال حضرت امام حسین (علیه السلام)
به حضرت ابوالفضل العباس (علیه السلام)
اى کشته ی راه داور من
اى پشت و پناه لشگر من
اى نور دو دیده ی تر من
عباس جوان ، برادر من
برخیز که من غریب و زارم
بى مونس و یار و غمگسارم
غیر از تو برادری ندارم
عباس جوان، برادر من
برخیز گذر به خیمه ها کن
غمخوارى آل مصطفى کن
بر وعده ی خویشتن وفا کن
عباس جوان ، برادر من
دادای به سکینه وعده ی آب
از سوز عطش فتاده بی تاب
اورا ز وفا دوباره دریاب
عباس جوان برادر من
برخیز که کرده ناتوانم
داغ علی اکبر جوانم
آتش زده داغ تو به جانم
عباس جوان برادر من
دیدى که فلک به ما چه ها کرد؟
ما را به غم تو مبتلا کرد
کى دست تورا ز تن جدا کرد
عباس جوان برادر من
گفتم که در این دیار فانى
شاید که تو بعد من بمانى
خواهر به سوى وطن رسانی
عباس جوان برادر من
مرحوم نیر تبریزی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه فارسی , نیر تبریزی
------------
حضرت ابوالفضل العباس (علیه السلام)
ای شه عطشان علمدارون اولا قربان سنه
تنگه گلدیم لطف ایله ویر رخضت میدان منه
ای بلا کانی بویون درد و بلاسین من آلوم
گل رضا اولما قطار عشقی تاخیره سالوم
نه روادور اکبرون جان ویرسون اما من قالوم
ویرمیوب ام البنین یوخسا منی قربان سنه
محضروندن صادر ایت لطفا منه فرمان جنگ
جنگه من اقدام ایدوم اولسون هامی حیران جنگ
الحذر بانگیله دولسون سر به سر میدان جنگ
حیدرانه جنگ ایدوم دشمن دیسون احسن منه
تابعم هر امروه لطف ایله قربانون اولوم
گلمیشم تنگه ولیکن باغلانوب چاره یولوم
نیلیوم من باغلیدور زنجبر حکمونله قولوم
شیروین زنجیرین آچسان حمله ایلر دشمنه
گور روادور شیروین الده بو شمشیری اولا
گل کیمی اما سوسوز قیزلار سوسوزلوقدان سولا
سو دیوب نازلی رقیه ابر نیسان تک دولا
من قالام گلسون سوسوزلقدان سوسوزلار شیونه
نه روادور اشک زینب تک بو چولده سو آخا
اصغری اما سوسوزلوق یاندیروب اود تک یاخا
الده شمشیری ابوالفضلون دوروب حیرلن باخا
بس ندن اوتری گلوب شیرون شها بو مکهنه
ضرب شصتمدن بلورسن لشگر اعدا اسر
گر آچام دعوایه ال شیرون قباقین کیم کسر
ایلوری اما منه بو پوزقون احوالون اثر
گوزلرون قربانی بیله توکمه اشگون دامنه
توکمه گوز یاشون یوزه قربان اولوم گوز یاشیوه
هر غمون وار دلده آندور با وفا قارداشیوه
لطف اوزیله گل منی ایله تصدق باشوه
باشوه آخر دولانماف فخردور شاها منه
یوخسا غباسون اولوب ای روح زهرای بتول
قالمسان گرداب محنتده بیله زار و ملول
وار حیاتیم هر قدر دنیاده ای سبط رسول
قویمارام آثار محنت گل یوزونده گورسنه
یاندرور سوز حرارت آل اطهاری بو گون
ویر اجازه دفع ایدیم بو قوم اشراری بوگون
ایلیوم نهر فراتی خیمیه جاری بو گون
اود سالوب سوز حرارت بو پوزولموش گلشنه
یوخدی قلبیمده منیم بیر آرزو بوندان گوزل
افتخاریم وار ویرم راه خداده باش وال
ممکن اولسا باشیم اوسته جان ویرن ساغتده گل
گل یوزون بیرده گوروم غمدن چاتوم تا ایمنه
جان عالملر فدا اولسون مزار پاکوه
شهلر ایلر آرزو گلسون دوشنسون خاکوه
(اعظمی) بیر یول گلوبدور روضه غمناکوه
ایسته بیرده جمعیله گلسون او غملی مدفنه
مرحوم اعظمی تبریزی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , اعظمی تبریزی
------------
زبانحال حضرت ابوالفضل (علیه السلام)
داده گل یا سیّدی یوخ اختیاریم من گلم
قولّاریم دوشدی بدندن قالدی بی صاحب علم
چوخ جسارتدور سنه من عرض ایدوم میدانه گل
گل یارالی نعشیمه باخ ناله و افغانه گل
تاجداریم حسرتیله دوندی باغریم قانه گل
اولمادی افسوس قسمت پای بوسه من گلم
دگمه سیدی مشکیمه اوخ گیتمه سیدی سو یره
محضریوه من گلردیم سورته سورته رو یره
یخدیلار آتدان منی بو فرقه ی جادو یره
ای کلیم اللهه وارث غرق دریای الم
من نه قدر ایتدیم بو مشکین حفظینه سعی و تلاش
گوزلریمدن اوخ دگیدی دگمییدی مشکه کاش
اولسا سو قول سهلیدور ویرّم آقا مین دفعه باش
بیله سودا ایتسه دشمن ایلرم بیع سلم
توکمرم بو صون نفسده بی سب گوزیاشیمی
بوندان اوتری سالّام آخِر زحمته قارداشیمی
بیر ایاقون آلتنا سورتم یارالی باشیمی
سن گوزیمدن لخته قان، من گرد ایاقوندان سیلم
بیرق اسلامه بولموشدون منی زیبنده سن
یاتماسون بلکه بو بیرق ایلدیم چوخ سعی من
نیلیوم گوردوم کسیلدی چارم ای شاه زمن
اقتداریم گیتدی الدن قولّاریم اولدی قلم
ساچموشام سنبل کیمی اوخ سینه ده بیر دسته من
ایتمیشم کوشش دفاعه اولموشام چوخ خسته من
سسلرم اَدرِک اَخاکَ یا اخی پیوسته من
وار امیدیم گل جمالون بیرده گورسم دینجلم
وار باشیمدا شور عشقیم ای شه مُلک حجاز
گل غلامون قیل اوزون دشمن یانندا سرفراز
ایلرم مولا یوزوم اوسته جنابون پیشواز
گر اسه باد خزان هنگام تشریفون بولم
من اگر بولسیدیم اولّام بیله سندن شرمسار
قیزلارا سو وعده سی ویرمزدیم ای شاه کبار
مشکیمی گورسه سکینه یاخشی درک ایلر نه وار
چوخ تقلّی ایتدیم امّا قویمادی قوم ظلم
آغلا (شانی) یالوار عبّاسه گینه بخت اولدی یار
مشکلون حلّ ایلسین مشکل گشایه یادگار
فکریوی ایلوب پریشان بو وفاسیز روزگار
یوخسا عاجزلر نه نطقون نه گیدر تاب قلم
مرحوم شانی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شانی
------------
زبانحال حضرت امام حسین (علیه السلام)
بعد از شهادت حضرت ابوالفضل (علیه السلام)
اللریم قانی گوزوم یاشی بیرعنواندور باجی
قارداشیم عباس ئولوب حالیم پریشاندور باجی
خلق ائدندن عالم امکانی خلّاق قدیر
گورمیوب بیر گوز علمداریم ابوالفضله نظیر
ظاهرا جسم ابوالفضله ویروب شام اهلی تیر
باطنا قلبیم منیم آماج پیکاندور باجی
هئچ کیمون قلبی من بی خانمان تک یانمیوب
هئچ شهیدین پیکری،عبّاس تک اوخلانمیوب
اکبری گوردون ولی اکبر کیمی دوغرانمیوب
گوئیا بیردسته گلدور یئرده خنداندور باجی
قان آخوب رنگ جمالی گل کیمی گوردوم قاچوب
گلشن جسمینده هر کاری یارا بیر گل آچوب
آنّینا بیردسته امّا ارغوانی گل ساچوب
لالهٔ احمردی گویا قانه غلطاندور باجی
من نئجه گوردوم اونی کشف ایلسم تاب ائتمسن
بیلمه سن قولّاری باغلی باشی اوسته گئتمه سن
وصلینه نهر فرات اوسته صباحه یتمه سن
اولماسان آگه،نئجه اعضاسی شان شاندور باجی
داخل اولموشدی فارته اول نهنگ تشنه کام
نفسینه سو ایچماقی بیلمیشدی معناده حرام
تشنه لب چیخمیشدی دریادن نهنگ مستظام
بو وفا باعثدی چشمیم بیله گریاندور باجی
اوجینا چون که سو دولدورمیشدی اول نیکو شیَم
عشقی فتوا ویردی اعدا قولّارین ائتدی قلم
تا آت اوستوندیدی قویموردی ولی یاتسین علم
چون شکست و فتح بیرقدن نمایاندور باجی
ایچمه میشدی سو،سویا باخمیشدی چون بی اختیار
اوزلوقوندا گوردوقی ایشدن واریدی انکسار
بیر سویا باخماقلیقا بیر جفت گوز وئردی نثار
ترجمانندن سماوات اهلی حیراندور باجی
سویلدی قصدیم ارائیدی اگرچه دشمنه
شه سوسوزدور من سویا باخدیم چوخ عار اولسون منه
اوخلاسونلار قوی بئله بیرگوز نه لازمدور سنه
گور بئله قارداشدان ال چکماقلیق آساندور باجی؟
گوردوم اطرافین آلوب اون یدّی بیرحم و دنی
سعی ائدولّر تک به تک قویسونلا قارداشسیز منی
ذوالفقاریله داغتدیم دور و بردن دشمنی
گوردوم اول شمشاد قدّ خاکیله یکساندور باجی
باشینی آلدیم دیزیم اوسته پریشان حالیله
جسمینین قانین یودوم پاک ائتدیم اشک آلیله
ایستدیم حمل ایلیم قتلایه بیر منوالیله
گوردوم ارکان وجودی جمله ویراندور باجی
باغریما باسدیم اوصدپاره داغلمیش پیکری
آغلادیم آغلاتدی حالیم سنگدل دشمنلری
اودلانار هرکیمسه گورسه بو اسفلی منظری
یوز گوزوم،سینم،وجودیم،الّریم قاندور باجی
آخر عمرینده منه ائتدی وصیّت بو قرار
نعشیمی حمل ایلمه قتلایه ای شاه کبار
بیلسه بو حالی سنه اهل جفا جرئت تاپار
بو وفاسی قابل تقدیر شایاندور باجی
ای (حسینی) حضرت عبّاسه آغلا ماه و سال
دامن باب الحوائجدن یاپیش مقصودون آل
اوزلریندن قلبووه الهام اولوندی بو مقال
قارداشیم عباس ئولوب حالیم پریشاندور باجی
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
حضرت ابوالفضل العباس (علیه السلام)
قولّاریم اولدی قلم قارداش حسین
سرنگون اولدی علم قارداش حسین
(الاماندور، الامان امداده گل)
(گَلمه سن باش ویرمرم جلّاده گَل)
مشکیمه اوخ ووردیلار قوم ضلال
گیتدی سو آخدی گوزیمدن اشک آل
خجلتیم ایلوب منی پژمرده حال
الاماندور، الامان امداده گل
ای امامت بُرجینه مِهر مُنیر
گوردولر قولسوز منی قوم شریر
ووردیلار بیحد سِنان و تیغ و تیر
الاماندور، الامان امداده گل
آلدیلار اطرافیمی قوم دنی
تیر باران ایتدیلر قارداش منی
گوزلریم یولدا قالوب گوزلر سنی
الاماندور، الامان امداده گل
طاقتیم یوخ جنگ ایدیم دونانیله
پیکریم مملُوّ اولوب پیکانیله
کاسه ی چَشمیم دولوبدور قانیله
الاماندور، الامان امداده گل
قول گیدوب اولدوم بلایه پای بست
باشیمون جامین عمود ایتدی شکست
هارداسان ای شاه اقلیم اَلَست
الاماندور، الامان امداده گل
نیزه لر اللرده، دورت یوز نیزده دار
آز قالور اعضامی ایتسون تار و مار
هر گَلَن نیزه وورار، خنجر وورار
الاماندور، الامان امداده گل
تا منی آتدان یِر اوسته سالدیلار
کوفیان طبل بشارت چالدیلار
دوره می غیظیله یکسر آلدیلار
الاماندور، الامان امداده گل
دولدوروبدور جسمیمی چوخ اوخ منیم
آچماقا گوز اختیاریم یوخ منیم
جسمده کاری یارام وار چوخ منیم
الاماندور، الامان امداده گل
باشیمه نوفَل ووران ساعت عمود
خورد خورد اولدی باشیم ایتدیم سجود
آز قالوب روحیم قوشی ایتسون صعود
الاماندور، الامان امداده گل
دوندی بو صحراده شامه گوندوزوم
قویما قالسون بیر بیله یولدا گوزوم
گیتدی یِرلرده سورونماقدان یوزوم
الاماندور، الامان امداده گل
رم یِدی آتدان دوشن وقته سمند
بیر اَیاقیم چون رکابه اولدی بند
اولدی میداندا وجودیم بند بند
الاماندور، الامان امداده گل
قارداشون قوم دَنی دلدن سالوب
دوره می اون یِتدی بدکردار آلوب
گَل اماندور باشیم اللرده قالوب
الاماندور، الامان امداده گل
ای (حسینی) دلده وار دردون سنین
دوت گیلن باب الحوائج دامنین
بو سوز آرتوردی حسینین شیونین
الاماندور، الامان امداده گل
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
حضرت ابوالفضل العباس (علیه السلام)
اماندور تیز یتیش داده قالوب یولدا گوزوم قارداش
سورونماقدان یوزوم اوسته گیدوب یرده یوزوم قارداش
آلوب اطرافیمی اهل جفا قارداش امان ویرمز
سراسر پیکریم زخم سِناندور یاره سان ویرمز
جمالون گورمیونجه قارداشون جانانه جان ویرمز
وصالون ایستورم هجرانیوه یوخدور دوزوم قارداش
یارام چوخ دادخواهیم یوخ اوزوم یالقوز بو صحراده
اولوب جسمیم نشان تیغ و خدنگ قوم بیداده
شکارم بیر یارالی آهو تک اون یتدی صیّاده
منی قورتار بو زحمتدن سنه قربان اوزوم قارداش
نقدری ووردی یاره جسمیمه بو فرقه ی اعدا
رضا ویردیم سنون عشقونده من ای سرور بطحا
بو قدری ظلملر من بیکسه چوخ سهلدور امّا
نجه سن تک وفالی قارداشیمدان ال اوزوم قارداش
بو چولده صرصر ظلم اسدی عمریم گلشنی سولدی
باشیم سیندی، گوزوم جامی حسین جان قانیله دولدی
قولوم دوشدی، علم یاتدی، وجودیم غرق خون اولدی
بو دشت پر خطرده شامه دوندی گوندوزوم قارداش
عمامه ردّ اولوب باشدان باشیم قارداش آچوق قالدی
عمودیله ووروب نوفل منی آتدان یره سالدی
سراسر دوره می غیظیله دورت یوز نیزه دار آلدی
نفس باتدی اورکده قالدی چوخ گیزلین سوزوم قارداش
دوشنده صدر زین اوستن قضا بندی کمند اولدی
رکابین حلقه سینده بر ایاقیم قالدی بند اولدی
وجودیم قطعه قطعه ریزه ریزه بند بند اولدی
بوشالدی کاسه سرقانیله دولدی گوزوم قارداش
یخلدیم من عقاب اوستن فرح یوز ویردی اشراره
یارالی جسمیمی ایتدی خدنگ و نیزه صد پاره
وجودیم نقشه سی محو اولدی بسکه ووردولار یاره
نه نوعیله بو ظلم بی حسابه من دوزوم قارداش
یانور قلبون «حسینی» گرچه مقصودون زیارتدور
یازاندا پرده لی سوز یاز آچوق یازماق جسارتدور
آنان زهرا قبول ایتسه بو بیر بیتون کفایتدور
اماندور تیز یتیش داده قالوب یولدا گوزوم قارداش
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
حضرت ابوالفضل العباس (علیه السلام)
اَلده سو جامی تیکوب گوز آل حیدر مشکیمه
رحم ایدون اوخ وورمیون ای قوم کافر مشکیمه
ایچسه اصغر سلسبیل اولماز برابر مشکیمه
ناله ی اَلمائیله دولموش خیام طاهرات
شدّت سوز عطشدن عشّ ایدوب خوردا بنات
نه روادور چوللره دریا کیمی آخسون فرات
سو دِیوب یانسون باخاندا آل حیدر مشکیمه
ایلیوب سوز عطشدن آل علی قلبین کباب
بیر سودان چخمش بالیق تک اصغر ایلور اضطراب
اَلده بوش پستانلاری لای لای دیور بی کس رباب
ایلوری امّیدوار اوغلون او مادر مشکیمه
بسکه اوچ گوندور سوسوزدور آغلاماقدان خسته دور
گورسه هر کیم حالینی سویلر یقین جان اوسته دور
چون حیاتِ اصغرِ عطشان بو مشکه بسته دور
یِر یوزین دولدورسا سو اولماز برابر مشکیمه
العطش صوتین ایشتمورسوز اَیا قوم نفاق
ناله ی آل پیمبردن دولوب دشت عراق
بیر بو مشکه گوز تیکوب هشتاده دین عورت اوشاق
راضیم قربان اولا بو باش بو اللر مشکیمه
جسمیمه یوز مین وورولسا نوک پیکان راضیم
دیده ی پر اشکیمی دولدورسا گر قان راضیم
مشکیمه اوخ دگمسون ای قوم عدوان راضیم
اوخ دگوب اولسون سپر بو دیده ی تر مشکیمه
خیمه ده خوردا اوشاقلار جام اَلنده تشنه کام
گوز تیکوب میدانه گوزلوللر بو سو مشکین تمام
کیم ایدوب آب حلالی فاطمیّاته حرام
منتظردور اشکیله مملوّ گوزلر مشکیمه
یار و انصاری حسینون جان ویروب یکسر سوسوز
دوغرانوبدور قاسم و ناکام علی اکبر سوسوز
اولمیون راضی جماعت جان ویره اصغر سوسوز
بسته دور بو غملی چولده عمر اصغر مشکیمه
گوشه ی غربتده (سعدیِّ زمانم) اشکبار
اهل بیتیندن اوزاق، پوزقون، پریشان، دلفکار
انتقام ظالمه منده گوگلده انتظار
گوز تیکوبدور ظلمدن دلتنگ نوکر مشکیمه
مرحوم حسینی سعدی زمان
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , حسینی سعدی زمان
------------
حضرت ابوالفضل العباس (علیه السلام)
شیرمردون یخلوب توپراقا قارداش یارالی
ایلورم سجده جبینیم یارالی باش یارالی
اوج اعلاده قوشون دگسه یارا شهپرینه
قادرتی اولماز حمایت ایلیه پیکرینه
مرد شمشیرون اگر یتسه خطر اللرینه
کسیلر چاره سی دشمن قباقیندا سخلار
قارداشون تک یخلاندا یوزی اوسته یخلار
دولسا هر بیر گوزه قان لخته سی گورمز قاباقی
سندیرار شخصی مسلّم قولونون اولماماقی
یخلان وقیتده بند اولسا رکابه ایاقی
مرکبی گیتدوقیجا لرزه دوشر قامتینه
یوزی توپراقه دگر صدمه یتر صورتینه
سرو نسگللی اولار دوشسه بوداقسیز چمنه
ایتمورم دردیمی اظهار اولان اولدی منه
گَل اوزون ال یتور ای شاه بو السیز بدنه
دیمورم مهلکه دن جسمیمی قارداش چکه سن
ولی چوخ خوشدی بو السیز باشیما باش چکه سن
ایتموسن سن گوز آچاندان منه تعلیم وفا
دیمیشم امریوه بیر عمریدی لبّیک و بَلی
سایه تک پشت سرونده دولانوب صبح و مسا
قاباقا گیچمه میشم ایمدی گینه گیچمیورم
ساقی کوثر آتام سو گَتیروب ایچمیورم
من اوتوز بش ایله بالغ قاپیوین نوکریم
خوان اجلالیوین عالمده نمک پروریم
دیمورم کنز وفا و ادبین گوهریم
هر نیم صحنه ی عشقونده اوزومدن گیچنم
تیر عشقون پر آچان وقته گوزومدن گیچنم
خدمتیم اولسا برازنده یوبانما اُلورم
گَل طبیبانه باشیم اوسته، دایانما اُلورم
خیمه لرده الی بوینوندا دولانما اُلورم
دشمنه وقریمی ای میر امم ویرمه میشم
ویرمیشم اللریمی الدن علم ویرمه میشم
دلخوشام گوزلریمی فاطمه لطفیله سیلور
سینمون یاره سینه باد بهشتی اَسیلور
دلخوشام باشیوه نذر ایلدیقیم باش کسیلور
شاد اولوب نوکریوین روحی آقا غم یرینه
شکری وار نذریمی بو چولده یتورسم یرینه
آلدی قارداش سسینی قتلگهه گَلدی امام
گوردی عبّاسی چالیخلور یوخودی حال قیام
دیدی جان قارداشیوین قارداش ایشی اولدی تمام
اکبری گیتمیشیدی اصغری دوشدی خطره
زینبون باشدا قرا معجری دوشدی خطره
برج محنتده که اولدوزلاریمون وای گونونه
قورخولی چولده آدامسیزلاریمون وای گونونه
سایه وه دالدالانان قیزلاریمون وای گونونه
صف عشقه دوزولنلر سنه قربان یارالی
الی الدن اوزولنلر سنه قربان یارالی
مایلم نطقیوه گفتاریوه قارداش دی منه
قلبیوین دردینی اظهار ایله قارداش دی منه
دمبدم آدیمی تکرار ایله قارداش دی منه
چرپنان قلبیمون آرام ایله چرپنماقینی
بیلیمون بلکه یادیمدان چخادام سنماقینی
من حسینم غم هجرونده یانان قارداشوام
نوجوان اوغلی اُلن قدّی کمان قارداشوام
یخه سی خیمه ده اللرده قالان قارداشوام
گوزیوین قانینی حسرتله سیلن قارداشوام
قوجا وقتینده علاجی کَسیلن قارداشوام
نه قدر چوللری حیران دولانوم آه چکوم
نه قدر اشک ملاله بویانوم آه چکوم
نه قدر آتش هجرونده یانوم آه چکوم
نه قدر قلبیمی پیکان مصیبتله یانوم
نه قدر خیمیه بیر گونده جنازه آپاروم
من نجه دشمن ایچینده سنه غم بزمی قوروم
من نجه طعنه وورانلار قباقیندا اوتوروم
من نجه سن یخلان یرده ایاق اوسته دوروم
من نجه ایمدی بو قولسوز بدنین ترکین ایدوم
من نجه خیمه سرایه الی بوینومدا گیدوم
یاندورار حشره کیمی عالمی درد و محنون
شاخه سیز سروه مثلدور کچیلیبدور بدنون
قالسون اللرده او ال که الیوی کسدی سنون
بِلی سنسون ستمیله بِلیمی سندیرانون
گوزی چخسون آتام اوغلی گوزیوه اوخ آتانون
مرحوم انور اردبیلی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , انور اردبیلی
------------
حضرت ابوالفضل عباس (علیه السلام)
ال گیدوب علم سرنگون اولوب
قارداش ال تاپوب اشقیا منه
دستگیرم اون یدّی کافره
لطف قیل شه کربلا منه
باش یارالی قان آخدی سو کیمی
هر ایکی گوزوم دولدی قانیلن
چاک چاک حسین اولدی پیکریم
تیغ و تیریلن هم سنانیلن
قالمیوب داخی قدرتیم منیم
ایلیم جدل شامیانیلن
پیکریم داخی پایمال اولوب
کوفیان وروب چوخ یارا منه
وردولار زبس خنجر و سنان
یخدیلار منی بو عقابیدن
کثرت یارا شدت عطش
سالدی قلبیمی صبر و تابدن
ای ابوتراب اوغلی گل گوتور
قانلی نعشیمی بو ترابدن
یاره لر سالوب نطقدن منی
ایلوب اشقیا چوخ جفا منه
صف بصف آلوب دوره می قشون
مشگل امریدور خیمیه گلم
باغلانوب داخی چاره یوللاری
باش سنوب اولوب قوللاریم قلم
نیلیوم یتوب جان دوداقیمه
قورخورام یوزون گورمیم الم
هر او قدر سس گلدی سسلدیم
سنده لطف قیل ویر صدا منه
ویر سکینیه حالیمی خبر
تکمه سون داخی یوللارا گوزین
مشگیم اوخلانوب آخدی سو یره
کشف قیلماسون برده سو سوزین
سو کنارینه یخدیلار سوسوز
کوفیان حسین سقانون اوزین
چکمه سون داخی انتظاریمی
یوز ویروبدی بیر ماجرا منه
ایتدیلر بهانه سو مشگیمی
الده بو گروه ستم شعار
وردولار اوخ اوستن اوخی منه
قالمادی وجودیمده اختیار
آخدی قان ز بس گیتدی طاقتیم
سلب اولوب داخی قلبدن قرار
سالدیلار آت اوستن یره حسین
آچدی ال بو قوم دغا منه
روز و شب سنه خدمت ایلوری
نوکرون شهاب ای شه جهان
عمرونی ویروب باشه صدقیله
ایلیوب منه خدمتین عیان
سنده ایسته حقدن بهشتده
روز حشر ویرسون اونا مکان
اولسا جرمی نصفین سنه گذشت
ایلسون او نصفین خدا منه
مرحوم شهاب تبریزی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , شهاب تبریزی
------------
زبانحال حضرت امام حسین (ع)
در بالین حضرت ابوالفضل (ع)
آچ گوزلرین گلدیم اویان ابوالفضل
قارداشینی یالقوز قویان ابوالفضل
بیر یاندا بو دشمنلرین جفاسی
بیریاندا بو سوسوزلارین صداسی
بیریاندا اهلبیتیمین نواسی
عرشه چیخوب آه و فغان ابوالفضل
سندن منی ایردیلاربو لشکر
نه دادرس نه مونس و نه یاور
دوتماز دلیم گلمز بیلیم برادر
قالموب داخی تاب و توان ابوالفضل
نسکلدی چوخ قارداش من حزینه
بو نه باشدوربو نه بدن نه سینه
قالدی گوزی یولدا سوسوزسکینه
دوداقینه یتوبدی جان ابوالفضل
خیملره دوشوب شورو ولوله
ایلورزبس اهل جفا هلهله
یوخدورالین بیرده ویراق ال اله
اولدی جری قوم عدوان ابوالفضل
قان آغلادور منی بیله دیدارین
گلدیم اولام باشین استه غمخوارین
گوردوم دوشوب یولادا اوزون قولارین
ای جان فشان ای مهربان ابوالفضل
سندن صورا قشون دسته قورالار
خیملره کین اهلی اودوورالار
اهلبیتی آت دوشونده قووالار
قاچار چوله اودا یانان ابوالفضل
سیندیردیلاربوکوفیان بیلیمی
الدوردولر قبیلمی ایلیمی
ساربانیم کسرمنیم الیمی
بی رحمیدورچون کوفیان ابوالفضل
ویرسسسسهبیرآغلاشاق برادر
آز قالوبدوراوزاقلاشاق برادر
یوخدور قولون قوجاقلاشاق برادر
گلورمنه چوخ بو گران ابوالفضل
تا وار نفس ای صاحب شجاعت
(دلریش) ایدر شرح و بیان مصیبت
بو جمعیله ایله اونا شفاعت
اولموش منه چون نوحه خوان ابوالفضل
مرحوم دلریش تبریزی
منبع کانال گنجینه گذشتگان
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , دلریش تبریزی , دلریش
------------
ای اوخ
گوروب سنده تجلای نشان بی نشان ای اوخ
مکان لامکانی دل سنه ویردی نشان ای اوخ
ویروبسان قلب اقلیم وفا و عشقه پرچم سن
ایدوبسن انتظام عالم امکانی برهم سن
اولوبسان ایمدی که اسرار سراللهه محرم سن
تلاش ایت راز تک اول دلده گوزلردن نهان ای اوخ
رها ایتدون لقا مشتاقینی قید تکلفدن
زجاج خاطره ویردون صفا گرد تاسفدن
جهانه افتخار ایتسن سزادور بو تشرفدن
تجلی گاه وحدتده اولوبسان میهمان ای اوخ
کمانی ترک ایدنده عزم مقصدله شتاب ایتدون
خطاده وار خطا گوردون خطا گیتدون صواب ایتدون
محبت کعبه سین بیر اعتکافیله خراب ایتدون
خلیل عشق اشکی اولدی زمزم تک روان ای اوخ
بولردی یوخسا سنله نه خطا بیر قصد ایدوب دشمن
که مین عجزیله اولموشدی سنه زه دست بر دامن
گوروب بو عزم ده وار اهتمامون تیتردی دلدن
ندامتدن خم اولدی پشت گردون تک کمان ای اوخ
دیمم هرگز دل غمدیده و نالانی اینجیتمه
خفاگاه لب عطشانه یتمیش جانی اینجیتمه
مدارا ایت ولی دلده غم جانانی اینجیتمه
غم جانان قبالنده ندور سودای جان ای اوخ
نه تک موج فضانی شرح ایدوب قصد شکار ایتدون
پر جبریلدن بال ملائک دن گذار ایتدون
دل زهرانی قلب مصطفانی (ص) داغدار ایتدون
فراز ذروه وحدتده تاپدون آشیان ای اوخ
کلیمه طورده بیر نخله حق نورین ایدوب روشن
اولوبدور باشنه صیت اناللهیله شور افکن
مگر سنسن همان پر شعله شاخ نخله ایمن
او نار و نور و شوری ایلدون دلده عیان ای اوخ
اگرچه مرغ دست آموز قوم کینه پرورسن
آلوبسان طایران قدسدن بو عرصه ده پر ، سن
(حمام نامه برسن) ، حامل پیغام دلبرسن
فضای گلشن دلده اولوبسان پر فشان ای اوخ
حریم رازه آچدون شاهراه صحبت والفت
حسین بن علی قلبینده یرتاپدون زهی عزت
دل سوفاری یاندیردی شرار رشکه بوحسرت
تلاش ایلیب اوداتاپدی بوعزتدن نشان ای اوخ
صفیرون نغمه مرغ بهشت وصله آیتدور
فروغ نوبهاروصل جاناندان حکایتدور
یقیناماجرای هجره هنگام نهایتدور
ایدربودلنشین آهنگ ختم داستان ای اوخ
دگل بیجاکه دل عطف عنان ایتموب مسیروندن
تشفی آختاربدورسوزینه سوزضمیروندن
ندای البشاره آلدی آهنگ صفیروندن
گوزاوسته یرویریب ایتدی سنه توقیر شان ای اوخ
پرآچدی دل سروریندن چوشصت کینه دن گیچدون
اولوب غرق شعف تاگوردی اودلی سینه دن گیچدون
رضاالموب گوره سرمنزل دیریندن گیچدون
حریم امنینی ایتدی سنه دارالامان ای اوخ
سن ای جانسوزپیکان من کیمی عطشانیدون گویا
که بوسرچشمه فیاضه آچدون دست استسقا
بومشربدن یتن بیرفیض جاویدان لاینفی
سنی سرچشمه حیوانه ایلرسرگران ای اوخ
بولردی یوخساسنله نه خطابیرقصدایدیب دشمن
که مین عجزیله اولموشدی سنه زه دست بردامن
گوروب بوعزمیده واراهتمامون تیتردی دلدن
ندامتدن خم اولدی پشت گردون تک کمان ای اوخ
زبس سوز دلون آرتوبدی بوکانون آذردن
علاجی ممکن اولماز آب زهر آ گین جوهردن
نه اوددورجانوه دوشموش شرارداغ اکبردن
که سیراب اولموسان ایچدوخجاجرعه جرعه قان ای اوخ
نهانگاه دله دلدن ایدیب شورونواگلدون
خیالوندن اورکده ناله والیتناگلدون
نوای واحسینا ئیله شوره بی نواگلدون
بیان غمده اولدون زینبیله هم زبان ای اوخ
دیمم ایتدین اورک تسخیری سودای سویدادن
که مین لرفتح باب اولدی دله انافتحنادن
دگل زائل اولان هرگزبوفتح آثاری دنیادن
دوتارصیت حسینی عالمی تاوارجهان ای اوخ
نوای مرغ یاحقی گیجه یار دل تنگ ایت
هم آوازاول شباویزیله (عابد) ناله چون چنگ ایت
بوآهنگ (شباهنگیله) آهنگ شباهنگ ایت
پرآچ اوزآچدوقون بیریاریه اول سایه بان ای اوخ
مرحوم هندی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , هندی
------------
حضرت ابوالفضل عباس (علیه السلام)
ای فیضیوه محتاج هامی عالم و آدم
اقلیم محبّت سنه تفویض و مسلّم
تشریفیوه اولموش هامی اسباب فراهم
فرش ایلمیشم اطلس گلرنگ، ترابه
تعجیلیله قوی پای فلک سیری رکابه
ماذون ایلدون اونداکی سو ایتماقا تحصیل
بو خدمت ابوالفضله اولوب مایه ی تجلیل
اجراسینه ایتدی اودی چوخ شوقیله تعجیل
شاید که بو خدمتده اولا یار سعادت
اجراسی ابوالفضله اولا مایه ی عزّت
بولدوم که مماشاته دی شه خاطری مایل
اولدوم سپهه رسم رساتیله مقابل
افسوس که درک ایلمدی فرقه ی باطل
دل آچدیلار اقوام اباطیله سراسر
گوردوم که اولار جنگیله مقصود میسّر
پوزدوم ایله بیر قدرتیله نظم سپاهی
دل چاتدی تمنّاسینه بو یولدا کماهی
موّاج گورنده سویی چون سینه ی ماهی
دل شوره گلوب چخدی اورک سوزشی یاددان
هر سوزی آپاردی او سویون لرزشی یاددان
فکر ایتدیم ایکی سس اوجالور عرشه بو یرده
بیر ناله ی اصغر که گلوب نی کیمی درده
بیرده سویون آهنگیدی که پرده به پرده
امواج فضانی بورویوب زیر و یمیندن
گویا که ایدور ناله بو قومین ستمیندن
ترکیب اولالی بو ایکی سس اوج فلکده
ناله ایدور ایجاد دل ماه و سمکده
نفرینه مبدّل اولوری ذکر مَلَکده
لعن ایلوری شام اهلینه سکّان سماوات
بو ظلم نظیرین گوره دنیا گوزی هیهات
بیر یاندا آخور شوق لب اصغریلن آب
بیر یاندا عطش خاطر اصغردن آلوب تاب
بیر یاندا یانار چوللری سو ایلوری سیراب
بیر یاندا یانان دللر اولوب قان سوسوزوندان
اولاد پیمبر ویروری جان سوسوزوندان
بو فکرلر اود سالدی ایله قلب نوانه
تار اولدی جهان دیدمه، دویدوم داخی جانه
طوفان کیمی ووردوم اوزیمی آب روانه
تسخیر ایلدیم سرعتیله آب فراتی
چون خضر گتوردوم اله اکسیر حیاتی
آگهسن اوزون شدّت سوز عطشیمدن
نفسیله سو اوستونده اولان کشمکشیمدن
نفس اولدی زبون همّت بی غلّ و غشیمدن
امّا سویا ال وورماقیمی عفو ایله شاها
عفو ایله بو تقصیری کسیلمیش اله شاها
آغلار گوزیله آینه ی آب رواندا
گوردوم عطش آثاری لب جان جهاندا
یاندی اورگیم نائره ی سوز نهاندا
سولموش گوره لی نوگلینی باغ حیاتین
گوزیاشیم آخوب، موجینی آرتوردی فراتین
ایتدیم گوزیمون جامی کیمی مشکی لبالب
چخدیم سودان اودلی اورگیمده شرر تب
دل نغمه سی: حفظ ایله اوزون بو سویی یارب
مخیمده عطشدن قورویان لبلره خاطر
گل تک سارالان رنگ علی اصغره خاطر
بیر جنگ و ستیز اولدی که تار اولدی فلک لر
ردّ ایتدی تماشایه حجاباتی مَلَک لر
ماهی کیمی قان لجّه سینه باتدی اورک لر
ظلماتیده اُرتولدی رخ روشن آفاق
یردن اوجالان گرد، آلوب شمسیدن اشراق
هر لحظه ده شدّت ایلدی موج تنازع
دورمده جفا تیغلری تاپدی تقاطع
افراد ایلدی بیر بیره قتلیمده تتابع
یاغدوردی اوخی اوستومه بو اهل تفاخر
باران بلا ایلوری گویا که تقاطر
شاهین کیمی بال آچماقا من اوج وفاده
دریا قوشی تک باتدیم او طوفان بلاده
شهپر کسیلوب، حادث اولوب ضعف قواده
بیر کشتی طوفان زده تک سیندیم اورکدن
ال گیتدی، هامی قدرتیمی آلدی بیلکدن
ال خدمتینی قورتاروب آیریلدی بدندن
بیر شاخه ی تردور دیه سن سیندی سمندن
همراه آپارا ایستمدی روحیده تندن
گوردی گینه وار کشمکش و جنگه ضرورت
سالمدی سو مشکی اونا لازمدی حراست
بو امری محوّل ایلدی دست یساره
ال ویردی صول ال قدرتیله رشته ی کاره
تیغیله عدو کشتینه یاغدوردی شراره
چوخ کیمسه لری تک الیله سالدی نفسدن
تک ال الی کوتاهیدی گرچه هامی سسدن
بیر بالیله شاهین پر آچوب اوج هماده
انصاف ولیک اولمادی صیّاد قضاده
بیر تیغ ستم اوینادی ناگاه فضاده
ضربیندن اولوبدور صول الیم صاق اله لاحق
یول اوسته دی گوزلور یولیوی لاحق و سابق
دوشدی ایکی ال، شانه ی دل اولدی سبکبار
قالموبدی ولی منده داخی قدرت پیکار
مصروف ایلدیم همّتی بو همّیده ناچار
سو مشکی مگر حفظ اولا آسیب ستمدن
عبّاس خجل اولمیا اطفال حرمدن
کسگین قلجیم ال کسیلوب دوشدی کسردن
شمشاد کیمی بوش قالوب ال شاخی ثمردن
افسوس علاج اولمادی حسرتلی نظردن
الدن الی بوش بیر اله گوز سوزیله باخدی
یوخ چاره گوروب، اشک روان دامینه آخدی
سوزیله دولانسینه نی دل ایتدی وقایه
یر ویردی گوز اوستونده گلن تیر جفایه
افسوس سپر اولمادی پیکان جفایه
بیر اوخ تاپوب ال مشکه، شرر جانیمه سالدی
قلبیمده اولان طاقت و آرامیمی آلدی
مرحوم عابد تبریزی
منبع مجموعه کانالهای مدح و مرثیه
موضوع: حضرت ابوالفضل العباس (ع) زبانحال ,
زبان شعر و شاعر: نوحه ترکی , عابد
نظرات (۰)
هیچ نظری هنوز ثبت نشده است