متن نوحه ترکی و فارسی احوالات حضرت علی اکبر علیه السلام

منتخبی از اشعار متن نوحه ترکی و فارسی احوالات حضرت علی اکبر (ع) از شعرای معاصر و قدیمی

 

عزم میدان حضرت علی اکبر(ع)

 

بو نجه گوندی ؟ طلوع ، شبِ یلدا ایلیوب

عالمی نورِ رُخی ، وادی طُوّی ایلیوب

قالوب حیرتده عدو ، بیر بیره نجوا ایلیوب

دئدیلر اکبره هر کیمسه تماشا ایلیوب

بشر اولماز بیله ، اکبردی تجلّا ایلیوب

الحَذَر الحذر ، اول طُرّهء طَرّاریندن

یوز مین عاشق دِلی ، آویزیدی هر تاریندن

خَرّ موسی صَعِقا ، پرتوِ رخساریندن

بودور عیسایه ویرن دم ، دمِ گفتاریندن

که او دَم ، مُردهء صد ساله نی احیا ایلیوب

 

قاریشوب بیر بیرینه لشگر ، اوجالدی سخنی

قالدی دریای تحیّرده گوروب قومِ دنی

ظلمتِ محضه ، ویروب نور ، او جمالِ حَسنی

هاردا قالموش او دیَن ، طوریده ربّ اَرِنی؟

گوره پیدا اوزونی لله الاَعلا ایلیوب

 

بیر نظر ، عارضِ آل و خط و خالینه باخان

قالوب حیرتده دییردی بودور حیّ مَنّان

لامکان ، کرب و بلا دشتینی ایلوبدی مکان

بو یقین سوزدی دیوللر که گورونمز ، سبحان

لَن ترانی ایشیدوب ، موسی تمنّا ایلیوب

 

قسم آللهه بو الله دگل ، حیدردور

باشدا عمّامه سی ، عمّامهء پیغمبردور

خَلقا" و خُلقا" و نِطقا" بو همان سروردور

دئدیلر یوخ ، بو حسین اوغلی علی اکبردور

آتاسندان که جهاد اِذنی تمنّا ایلیوب

 

دلِ عُشّاقه خمِ طُرّه لری قاتلدور

که بونا عاشق اولان ، طایفه خونین دلدور

مشکِ آهوی خُتَن قاندان اولان حاصلدور

جلوه یوسفده ایدن حُسن نه آب و گِلدور

پردهء عصمتی صدپاره زلیخا ایلیوب

 

ابن سعدین حق ایوین یخسون ، آچوب جنگه عَلم

بودی نقّاش ، ویرن نقشینه هر آنیده دم

روح الاَرواحیدی بونسوز کی عدمدور عدم

عدم آئینهء لادور به وجودِ اکرم

لای نفسیله چون اول صورتِ اِلّا ایلیوب

 

بیر قوی دشمنینی ئولدوروب اول تازه جوان

ویرمیوب حیدر کرّار تک اعدایه امان

قیدوب خیمه لره عرض ایلدی ای بابا جان

جایزه ایله کرم گر سووا وارونسا گمان

کون و ماکانه سیزی حق ، اوزی سقّا ایلیوب

 

اوپدی شاهینون الیندن که او شهبازِ سفید

عطش ئولدوردی منی عرض ایدوب ای شاهِ وحید

بیر علاج ایله هلاک ایتدی منی ثِقلِ حدید

سوسوز اول دم گوروب اوز اوغلینی هادیّ رشید

گوشهء چشمِ عنایاتیله ایما ایلیوب

 

ثقلِ حدید : سنگینی آهن

 

دیلینی ویردی اوغول آغزینا ، خشک و تریلن

مُهر ایدوب هیکلِ توحیدینی انگشتریلن

چون کُمیل ابن زیادِ نَخَعی حیدریلن

کوکبا" قَد طلعا" صبح علی اکبریلن

نکته باریکیدی چون بیر بیره نجوا ایلیوب

 

مرتبه مرتبه زَندیقدی عشقیله طباع

بس مطیعیدون اوغول ، ایندی اولوبسان مُطاع

گلدی مقصودِ حقیقت اله ، دفع اولدی صُداع

گیت اوغول خیمه ده بیرده ایله لیلانی وداع

خرمنِ عمرینی هجرون اودی یغما ایلیوب

 

گلدی میدانه مبارز طلب ایتدی او جوان

بیر یهودی نجه ناگه ایدوب حمله دالدان

قلجا ویردی علی اکبرون آنّندا مکان

یول با یول هاشمی خال اوستن آخوب قرمزی قان

وَه نه شق القمر آسانیمیش ، اعدا ، ایلیوب

 

باشینون قانی اولوب عارضِ عالینه نقاب

قوللارین بوینونا سالدی ، دئدی دورما ای عقاب

سالما بو یرده منی خیمه لره ایله شتاب

قالمادی منده جهاده داخی بیر طاقت و تاب

گوزلری یولدا آنام ایندی مُصلّا ایلیوب

 

بیر نفر اولمادی ، اول وقته گیره آرخاسینه

یاره کارگر اولوب ، زینی باسوب سینه سینه

بیر الین قویدی مبارک باشینون یاره سینه

قوزانا ، هر چه ویروب دورماقا جرأت اوزینه

خُرد ، عمودیله ، بِلین گوردی او ترسا ایلیوب

 

قیلدی بو حالده حمله گینه ، بیر آیری شقی

گوردی آت اوسته اوتورماقلیقا یوخدور رَمقی

دوشدی آئینهء حقون یره گلگون شفقی

داغیلوب چوللره قرآنِ مجیدون ورقی

دوشدی آتدان یارالی ، توپراقی مأوا ایلیوب

 

کربلایه باش آچوخ گلدی چو پیغمبر ئوزی

قوملار اوسته یخیلوب ، گوردی علی اکبر اُوزی

کیمیا تک اثری وار ، ولی یوخ پیکر اوزی

عرشِ نیلی دن او دم گوردی شهِ خاور اوزی

قره توپراقی قیزیل قانی مُطلّا ایلیوب

 

آزدی واللهی آخا هر مُژه دن صد جیحون

نوح وار ایلیه عالملری مستغرقِ خون

علی اکبر کیمی عالمده خدایا اوغولون

قطعه قطعه آتا آناسی گورن وقته اونون

پیکرین ، صبر و تحمّل نجه آیا ایلیوب؟

 

لطف ایدر روزِ جزاده او شهِ تشنه لبان

وار امیدیم ویره هر بیتیمه بیر بیت جِنان

ندی جنّات ، اوزی اولمیا اوردا جانان

آفرین نطقوه (بیضا) یدِ بیضا ایلیوب

 

مرحوم بیضای اردبیلی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , بیضای اردبیلی

 

------------

 

لباسِ رزم پوشیدن حضرت علی اکبر (ع)

 

غرض امامِ اُمم ، شاهِ مذهب و ملّت

علی اکبره ویردی جهاد ایچون رخصت

 

قایتدی خیمه سینه اول جوانِ مه طلعت

سِلاحِ رزمیله تا قدّینه ویره زینت

 

قویوب برابره آلاتِ رزمی ، آماده

شروع ایدوب ویره پیرایه قدِ شمشاده

 

توکنده کاکلین آئینهء صُنعِ اِله اوسته

سحابِ پُر مطر ، گویا دوزولدی قرصِ ماه اوسته

 

جمالینده شعاعِ پرتوِ شمس الضحی ، پیدا

مقابل دوردی ، زلفی بیر طرف همچون شبِ یلدا

 

چکوب سدّ سکندر تک ، حصارِ اندامینه خفتان

مثالِ آفتاب اولدی حجابِ ابرده پنهان

 

گیوب جوشنِ زره ، ترتیب ویردی قد رعنایه

صدای ماشاءالله چیخدی طاقِ عرشِ اعلایه

 

بلینه باغلادی بیر ناوکِ مژگانی تک خنجر

دمی ، خونریز و برّان ، مثلِ برقِ شعلهء آذر

 

سِپر کتفینده بیر آرایشیلن استوار اولدی

فلکده مِهرِ زرّین تاب ، گویا برقرار اولدی

 

کمندِ پُر گره ، چین چین اولاندا مُتصّل دوشه

چکوب اول یوسفِ مصرِ بلا اندامین آغوشه

 

خمِ ابروسی تک ، آلدی کمان ، اول حیدرِ ثانی

چکلدی چرخه قوس الله ، دنیا اولدی نورانی

 

بو نوعیلن گیینوردی پیمبرون نوه سی

یتشیدی سَمعِنه بیر طرفه آه و ناله سسی

 

دونوب باخاندا نه گوردی ، سکینه قان آغلار

وورا وورا باشا ، هر لحظه الامان آغلار

 

سکینه نی چکوب آغوشینه علی اکبر

دئدی نه باعث اولوب ، آغلیرسان ای خواهر؟...

 

مرحوم قمری

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , قمری

 

------------

 

در احوالات حضرت علی اکبر (ع)

 

تیر آهیم سرّی وار بوچرخ مینادن گیچر

داد و فریاد ایلرم نالم ثرّیادن گیچر

 

هیئت عالم دگرگوندور کواکب منقلب

نکته چوخ باریکدور حلّ معمّادن گیچر

 

صبح صادقده بو گون طالع اولوب خورشید دین

لعمۀ نور جمال الله زوایادن گیچر

 

قطب عالم حجة ابن العسکری ناموس دهر

گوئیا بی پرده شرق سُرَّ من رآدن کیچر

 

جرم خورشید جهانتابه یتوب مرئی کسوف

بو کسوفیله ایشق گون لیل یلدادن گیچر

 

نیّر اعظمدی گون بالذّات واردور اوندا نور

مسئله واضحدی سوز یوخ لفظ معنادن گیچر

 

گون شعاعی اولماسا آی هاردان ایلر اقتباس

پردۀ ظلمت مگر بو سطح غبردان گیچر

 

غیبت کبری ایدوب شمس امامت اختیار

سرّی وار گلمور ظهوره ستر اخفادن گیچر

 

مکّه دن بر گون طلوع ایلر الینده ذوالفقار

حد ورار جرم کبیره لیک صغرادن گیچر

 

درک ایدنمور نقطۀ مقصودی پرگار وجود

گرچه بی پرده اوزی هر چشم بینادن گیچر

 

آختارور چون دایره بیر قطب اعظم اهل دل

عالم حیرتده گورمور نقطۀ بادن گیچر

 

اون ایکی برجین نظامنده وار ایله اختلال

فرق یوخ حوت و حملده ثور جوزادن گیچر

 

زهره نی تیر زحل اوز خط سیریندن سالوب

مشتری میزان غمدور کیم مرایادن گیچر

 

درده گلدی خاطریم یازمور قلم مقصودیمی

سرّیم اولسا فاش ایاقیم طاق کسرادن گیچر

 

فکریمی بُلمور اهالی یازدیقیم وئرمور ثمر

شعلۀ آهیم اگرچه سنگ خارادن گیچر

 

من اوزم اوز یازدیقیم اشعاره دلدن عاشقم

نیلیوم عاشق مگر زلف سمن سادن گچر

 

عشق لیلادن قویوب مجنون باشا تاج جنون

شمعدن پروانه گیچسه وامق عذرادن گیچر

 

پای داره گیتماقی منصوری ایلوب پایدار

باش ویرر صنعان دیمه جعد مطرّادن گیچر

 

عشقده بر امتیاز نقطه حُبیّ جُبّ ایدر

اوز حیاتین ترک ایدر یوسف زلیخادن گیچر

 

اختیاریله بدن کسمز علاقه روحدن

کیم دیر شوریده سر زلف چلیپادن گیچر

 

آیری بیرعالمدی بو عالم عوالم صاحبی

ماسوانی ترک ایدر دنیا و عقبادن گیچر

 

ایستسن بو مطلبین توضیحنه لمّی دلیل

گور نجه پیغمبر اوغلی شبه طاهادن گیچر

 

قدسیان مبهوت اولوب شاه شهیدین صبرینه

عرض ایدوبلر ای خدا کیم بیله برنادن گیچر

 

قلب عالم اوز امامت قوّه سیله ال چکوب

بُلمورم لیلا نجه اول ماه سیمادن گیچر

 

نوجوان اوغلین یولا سالدی ئولوم میداننه

سوز قلبی باخمادی افلاک خضرادن گیچر

 

روحی گیتدی قالب بیروح تک قالدی اوزی

ناله سی حال وَلَهده عرش اعلادن گیچر

 

شامیان گوردی قتاله بیر ملک صورت گلور

شهرت نور جمالی شمس دنیادن گیچر

 

توکدیلر آلات حربی چکدیلر بیردن فغان

حُسنه باخ دشمن باخاندا فکر ایذادن گیچر

 

سسلنوبلر رجعت ایلوب رحمةً للعالمین

یاعلی المرتضی بو دشت هیجادن گیچر

 

گور حسین بن علی امری هارا منجرّ اولوب

بیله گل یوزلی جوان عالم آرادن گیچر

 

بیر نگاهیله دل دنیانی ایلر تار مار

باش وجاندان هر باخان گوزلر بیرایمادن گیچر

 

بو جوانه یاره وورسا هر کیم اولسون شل الی

کیم بیله آهو باخیشلی چشم شهلادن گیچر

 

سسلدی سعد اوغلی پیغمبر دگل اکبردی بو

سانمیون پیغمبر اکرم بو صحرادن گیجر

 

بو حسینون روحیدور جان جهان فرزندیدور

تالی موسادی گویا طور سینادن گیچر

 

ای جماعت جهد ایدون بو نوجوانی ئولدرون

چون ریاست آختاران ابطال، پروادن گیچر

 

شاهده مفتی حسینون قتلینه فتوا ویروب

کیم باخوب نورس جوانین گورسه فتوادن گیچر

 

بو جوان ئولسه حسین قالماز داخی بوندان صورا

گیچسه هر کیم روحدن بالمرّه اعضادن گیچر

 

جرأته گلدی قشون آماده اولدی قتلینه

دهره باخ اعلانون امر قتلی ادنادن گیچر

 

بیر رشادت بیر شجاعت گوستروب شبه نبی

چرخ چارمده سسی گوش مسیحادن گیچر

 

تیغ تیزی گزدوروردی الده صهبای اجل

عمردن نوش ایلین بو قانلو صهبادن گیچر

 

قابض الارواح ساقی تیغ ساغر قان شراب

هوشه گلمز شاربی تا قعر سفلادن گیچر

 

قویدی میدانه قدم هر کیم دوتوب راه عدم

گوئیا سوزنده اخگر نقش دیبادن گیچر

 

اولمیوب بیر کیمسه ده قدرت مبارز دورماقا

گوردی اکبر ال گوتورماق رسم دعوادن گیچر

 

قبضۀ شمشیر الینده ائتدی حمله لشگره

تیغی گویا برقدور افواج اعدادن گیچر

 

یاتدی بیرقلر سنوب صفلر اولوب برهم نظام

شیر شرزه گوئیا اول قانلو بیدادن گیچر

 

میمنه سندی داغلدی میسره قلب و جناح

پهلوانلار تک به تک راه منایادن گیچر

 

تیغ قهر آمیزی یمناده ووراندا دشمنه

برق لامع تک شعاعی فوج یسرادن گیچر

 

اَلحَذر این المفر اوج ائتدی اهل شامدن

گوئیا روباه پیش شیر غرّادن گیچر

 

یوز قویوب شهزاده هر سمته یاراردی صفلری

بیر قیامت اولدی شوری حشر عظمادن گیچر

 

باشلادی شام اهلی ضجّه ویردی فرمان ابن سعد

ای جماعت فرصت هیجا شکیبادن گیچر

 

دورت طرفدن بو جوانی تیر باران ایلیون

نوک پیکان جسمنی دولدورسا یارادن گیچر

 

اوخ اوخ اوستن توکدولر دورت بیر طرفدن اهل کین

رزمدن یوخسا بو زخم تاب فرسادن گیچر

 

اوخ وورانلار ظاهراً اوخ ووردی جسم اکبره

باطناً هر نوک پیکان قلب لیلادن گیچر

 

منقذ ابن مرّه آخر مکریله ائتدی کمین

حق مگر اول بیحیای کینه جویادن گیچر

 

بیر قلج ووردیباشیندان قان دوتوب گول صورتین

رنگ رخساری گوروبلر رنگ رعنادن گیچر

 

دولدی شهلا گوزلری قانیله قولّار سست اولوب

بوشلیوبدور مرکبین باخموب که هر جادن گیچر

 

بیمروّتلر تاپوب فرصت آلوبلار انتقام

عرشدن نالم بو شرح محنت افزادن گیچر

 

جور یعقوبی قلم یازمور دلیم لال اول دیمه

خنجر عریان نجه دوغرانموش اعضادن گیچر

 

ساخلا ال یازما حسینی بوندان آرتوخ گر دئسن

فاش اولار مطلب او گزلین سوز هویدادن کچر

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

وداع حضرت علی اکبر (علیه السلام)

 

گَل سرمه چک بو دیدهٔ گریانه سال یولا

بیر شانه ویر بو زلف پریشانه سال یولا

 

قیل دود آهی سرمه ، اگر شانه اولماسا

ایله حواله پنجهٔ مژگانه سال یولا

 

هرچند چؤخ قرادی گؤزوم یوخدی احتیاج

سرمه چکلّه دیدهٔ قربانه سال یولا

 

سواولماساگؤزون یاشی وار،گل بو زلفیمی

یؤخدور حنا گئدیم باتوروم قانه سال یولا

 

بی تابیلوق چؤخ ایلمه یالقوز آتام باخور

آرتیرما غصّه شاه شهیدانه سال یولا

 

معلوم اولور آنا اورگی چؤخ رقیق اولور

نامردلر قباقینه مردانه سال یولا

 

سنسن انام،سکینه باجیم،یوسفم اوزوم

یعقوب آتام عزیزینی ،زندانه سال یولا

 

ایلر منی شهیدلر ارواحی پیشواز

ایله حلال،تئز منی میدانه سال یولا

 

ییغ یانیوه امیر ولایت حرملرین

دشمن لریم باخولّا امیرانه سال یولا

 

مستانه گؤزلریمه باخوب گئتمه هوشدن

وئر هوشیوی منه ،منی مستانه سال یولا

 

مور ضعیف ،اوزون منه پای ملخ دیوب

بیر پیشکش آپار او سلیمانه سال یولا

 

گَل بیر آنالیق ایله الیمدن دوتوب منیم

وئر کمترین غلام او سلطانه سال یولا

 

هرچند چؤخ چتیندی بو تکلیف لر سنه

مردانه همت ایله دلیرانه،سال یولا

 

مرحوم دخیل مراغه ای

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , دخیل مراغه ای

 

------------

 

در احوالات حضرت علی اکبر (ع)

 

بو نجه گوندی ؟ طلوع ، شبِ یلدا ایلیوب

عالمی نورِ رُخی ، وادی طُوّی ایلیوب

قالوب حیرتده عدو ، بیر بیره نجوا ایلیوب

دئدیلر اکبره هر کیمسه تماشا ایلیوب

بشر اولماز بیله ، اکبردی تجلّا ایلیوب

 

الحَذَر الحذر ، اول طُرّهء طَرّاریندن

یوز مین عاشق دِلی ، آویزیدی هر تاریندن

خَرّ موسی صَعِقا ، پرتوِ رخساریندن

بودور عیسایه ویرن دم ، دمِ گفتاریندن

که او دَم ، مُردهء صد ساله نی احیا ایلیوب

 

قاریشوب بیر بیرینه لشگر ، اوجالدی سخنی

قالدی دریای تحیّرده گوروب قومِ دنی

ظلمتِ محضه ، ویروب نور ، او جمالِ حَسنی

هاردا قالموش او دیَن ، طوریده ربّ اَرِنی؟

گوره پیدا اوزونی لله الاَعلا ایلیوب

 

بیر نظر ، عارضِ آل و خط و خالینه باخان

قالوب حیرتده دییردی بودور حیّ مَنّان

لامکان ، کرب و بلا دشتینی ایلوبدی مکان

بو یقین سوزدی دیوللر که گورونمز ، سبحان

لَن ترانی ایشیدوب ، موسی تمنّا ایلیوب

 

قسم آللهه بو الله دگل ، حیدردور

باشدا عمّامه سی ، عمّامهء پیغمبردور

خَلقا" و خُلقا" و نِطقا" بو همان سروردور

دئدیلر یوخ ، بو حسین اوغلی علی اکبردور

آتاسندان که جهاد اِذنی تمنّا ایلیوب

 

دلِ عُشّاقه خمِ طُرّه لری قاتلدور

که بونا عاشق اولان ، طایفه خونین دلدور

مشکِ آهوی خُتَن قاندان اولان حاصلدور

جلوه یوسفده ایدن حُسن نه آب و گِلدور

پردهء عصمتی صدپاره زلیخا ایلیوب

 

ابن سعدین حق ایوین یخسون ، آچوب جنگه عَلم

بودی نقّاش ، ویرن نقشینه هر آنیده دم

روح الاَرواحیدی بونسوز کی عدمدور عدم

عدم آئینهء لادور به وجودِ اکرم

لای نفسیله چون اول صورتِ اِلّا ایلیوب

 

بیر قوی دشمنینی ئولدوروب اول تازه جوان

ویرمیوب حیدر کرّار تک اعدایه امان

قیدوب خیمه لره عرض ایلدی ای بابا جان

جایزه ایله کرم گر سووا وارونسا گمان

کون و ماکانه سیزی حق ، اوزی سقّا ایلیوب

 

اوپدی شاهینون الیندن که او شهبازِ سفید

عطش ئولدوردی منی عرض ایدوب ای شاهِ وحید

بیر علاج ایله هلاک ایتدی منی ثِقلِ حدید

سوسوز اول دم گوروب اوز اوغلینی هادیّ رشید

گوشهء چشمِ عنایاتیله ایما ایلیوب

 

دیلینی ویردی اوغول آغزینا ، خشک و تریلن

مُهر ایدوب هیکلِ توحیدینی انگشتریلن

چون کُمیل ابن زیادِ نَخَعی حیدریلن

کوکبا" قَد طلعا" صبح علی اکبریلن

نکته باریکیدی چون بیر بیره نجوا ایلیوب

 

مرتبه مرتبه زَندیقدی عشقیله طباع

بس مطیعیدون اوغول ، ایندی اولوبسان مُطاع

گلدی مقصودِ حقیقت اله ، دفع اولدی صُداع

گیت اوغول خیمه ده بیرده ایله لیلانی وداع

خرمنِ عمرینی هجرون اودی یغما ایلیوب

 

گلدی میدانه مبارز طلب ایتدی او جوان

بیر یهودی نجه ناگه ایدوب حمله دالدان

قلجا ویردی علی اکبرون آنّندا مکان

یول با یول هاشمی خال اوستن آخوب قرمزی قان

وَه نه شق القمر آسانیمیش ، اعدا ، ایلیوب

 

باشینون قانی اولوب عارضِ عالینه نقاب

قوللارین بوینونا سالدی ، دئدی دورما ای عقاب

سالما بو یرده منی خیمه لره ایله شتاب

قالمادی منده جهاده داخی بیر طاقت و تاب

گوزلری یولدا آنام ایندی مُصلّا ایلیوب

 

بیر نفر اولمادی ، اول وقته گیره آرخاسینه

یاره کارگر اولوب ، زینی باسوب سینه سینه

بیر الین قویدی مبارک باشینون یاره سینه

قوزانا ، هر چه ویروب دورماقا جرأت اوزینه

خُرد ، عمودیله ، بِلین گوردی او ترسا ایلیوب

 

قیلدی بو حالده حمله گینه ، بیر آیری شقی

گوردی آت اوسته اوتورماقلیقا یوخدور رَمقی

دوشدی آئینهء حقون یره گلگون شفقی

داغیلوب چوللره قرآنِ مجیدون ورقی

دوشدی آتدان یارالی ، توپراقی مأوا ایلیوب

 

کربلایه باش آچوخ گلدی چو پیغمبر ئوزی

قوملار اوسته یخیلوب ، گوردی علی اکبر اُوزی

کیمیا تک اثری وار ، ولی یوخ پیکر اوزی

عرشِ نیلی دن او دم گوردی شهِ خاور اوزی

قره توپراقی قیزیل قانی مُطلّا ایلیوب

 

آزدی واللهی آخا هر مُژه دن صد جیحون

نوح وار ایلیه عالملری مستغرقِ خون

علی اکبر کیمی عالمده خدایا اوغولون

قطعه قطعه آتا آناسی گورن وقته اونون

پیکرین ، صبر و تحمّل نجه آیا ایلیوب؟

 

لطف ایدر روزِ جزاده او شهِ تشنه لبان

وار امیدیم ویره هر بیتیمه بیر بیت جِنان

ندی جنّات ، اوزی اولمیا اوردا جانان

آفرین نطقوه (بیضا) یدِ بیضا ایلیوب

 

بیضای ‌اردبیلی

موضوع: حضرت علی اکبر (ع) احوالات ,
زبان شعر و شاعر: نوحه ترکی , بیضای اردبیلی

 

------------

 

بهاریه و

گریز به روضۀ حضرت علی اکبر (علیه السلام)

 

بهار اولدی گوروندی آیت توحید دنیاده

سالندی گلستانه بر زمرّد رنگ سجّاده

 

اولان سرگرم وحدت معتکف کاشانۀ غمده

دولانسون گلشنی باخسون قد دلجوی شمشاده

 

تفکّر ایلسون تغییر فصل و وضع گلزاری

ندور علّت گیدور آز وقتده وضع چمن باده

 

ایدوب گلده عجب اظهار قدرت خالق یکتا

هویدا ذات مکنونی ایدوب هر چشم بیناده

 

نه یالقوز گل نه تک سنبل نباتات چمن یکسر

باخاندا وَحدَهُ وَحدَه دیر ظاهرده معناده

 

گل سرخ اوسته نقّاش حقیقی گوستروب قدرت

آچوبدور باب توحیده اونون هر برگی مینجاده

 

ویروب صبّاغ حکمت هر گله بیر نقش رنگارنگ

طبیعی آنلاسون وار مقتدر خالق بو دنیاده

 

شقایق اشرفی رعنا حنائی یاسمن صد برگ

دِیَر اوز رنگ بوینده نه قدرت واردی یکتاده

 

گل بید و بنفشه نرگس و اژدر دهن سوسن

ایدر اثبات توحیدی سمن تک لفظ و معناده

 

مرتّب بر بساط جشن گلشنده اولوب برپا

مُبرهن گورسنور بر موجدقادر وار اخفاده

 

وجوده موجده هر شیئی بر برهان انّی دور

هواده طیر و وحشی چولده ماهی قعر دریاده

 

نسیم صبح اولوب ساقی پیاله لاله می شبنم

او بزم عیشده شوریده بلبل نوش ایدر باده

 

خمار عشق ایدوبدور عندلیبی نرگس مخمور

یاتار گه شاخۀ گلده قونار گه سرو آزاده

 

گُله وار عشقی دلدن جور و طعن خاره تاب ایلر

سالار یاده خزان فصلین وورار جه جه گلور داده

 

غم هجره دوزوبدور دامن وصله وروبدور چنگ

اوخور درس وفا گلدوقجه شاخ گلده فریاده

 

اگر چه موسم عیش و فرح دور فصل گل امّا

منیم قلبیم آچلمور قید غمدن اولمور آزاده

 

گریز

 

خیالیم نه چمن نه عشق گل نه ذوق بلبلدور

دیار کربلاده سالموشام بر نوگلی یاده

 

نجه گل عارضی رشگ گل و گلزار جنّتدور

قد موزونی قویموش داغ حسرت قلب طوباده

 

بشر صورت ملک طلعت اوزی تصویر پیغمبر

آدی اکبردی گلمز گلمیوب مانندی ایجاده

 

یوزی گل زلفی سنبل بینوا لیلا اونا بلبل

باخار آغلار یانار شوریده بلبل تک او صحراده

 

هوائین ایسّسی سوز عطش ایلوب یوزین گلگون

قویار طاقت نجه او حُسنِ روز افزونی لیلاده

 

قرا زُلف آق کفن رخسار گلگون قامت موزون

سالوب سرو آتدا گویا سایه سنبل برگ رعناده

 

ایدوب اوز زلفی تک مجنون کیمی لیلانی آشفته

ورُوبدور بوینونا هر تار مو بر سخت قلّاده

 

باخان سویلر گل لیلا چکوب نقّاش غم تصویر

بو لیلادور هانی روحی یقین صورتدی دیباده

 

ویرور اولقالب بیروحه دو هردم مسیحا دم

جگر قان اولماقین توضیح ایدور گوز اشگ حمراده

 

دیور ایلوب علی بو قاره زلفون بختیمی قاره

گرک آشفته زلفون تک قالام عمریمجه افتاده

 

بو نه قامتدی لیلایه قیامنده قیامتدور

گورونمز لیلیه بیله قیامت حشر عظماده

 

غزال مشگمو آهو باخیشلی گوزلریم نوری

حرم آهوسی تک دوشسن بوگون سن دام صیّاده

 

دوشر صحرالره لیلا مَلَر آغلار یولار گیسو

باخاندا حالینه آغلار یانار اعلاده ادناده

 

دِیَنده وای علی اکبر جوانیم وای اوغول ایوای

منیله سس سسه زهرا ویرر جنّات اعلاده

 

آلوبدور شاهد غیبی سنون آرامیوی اَلدن

اودور جان ویرماقا دلدن اولوبسان بیله آماده

 

منه چوخ باخما یانما ای گوزوم نوری گیدورسن گیت

یانوب یاندیرما لیلانی شرار آهه شهزاده

 

اوزون راضی آتان راضی رضایم منده بو حاله

اگر چه طاقتیم یوخ قان گورم بو چشم شهلاده

 

رضایم پیکرون اولسون گل صد برگ تک صد چاک

بو چشم نرگسون قانیله دولسون دشت هیجاده

 

دوزولسون شدّۀ مرجان کیمی قان تار زلفونده

باخان رحم ایلسون گرچه مروّت یوخدی اعداده

 

بو کوی عشقده باش ویر آناوی سرفراز ایله

قیام حشردور باخما خیام آل طاهاده

 

ترقّی عالمین سیر ایت اوجات احکام اسلامی

گیدنده نیزه ده شامه گلر آردونجا لیلاده

 

جدا باشندا تبلیغات اسلام ایله سن سنده

دیار شامده محملده بانگ وا علیّاده

 

گلنده قتلگاهه دست بسته پیکرون اوسته

کسنده باشوی عجز ایلرم بیرحم جلّاده

 

وُراندا باشیمه قمچی منه بیر دادخواه اولماز

کیمی سسلر اوغولسوز لار بلا وقتینده امداده

 

«حسینی» معدن جود و کرمدور بو علی اکبر

ویرر عالی جزا یوم الجزا مطلق بو افراده

 

مرحوم  حسینی سعدی زمان

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

در شهادت حضرت علی اکبر (علیه السلام)

 

ازبرزین برزمین آن مه فتاد

مات شه بود و سلامش خوش بداد

 

گفت بابا برتو ازاکبرسلام

حمدلله جستم ازدارالسلام

 

بروساده خاک ره بنهاد سر

ان پسردرحسرت روی پدر

 

باپدرمیگفت ازعشق ان شهید

پنجه قدرت حجابم رادرید

 

زانچه دادی وعده اینک مصطفی

حاضراست ان بادوجام با صفا

 

داده یک زان دو مرا خوردم بکام

دارد ان دیگربرایت ای همام

 

حالیا زان جام عشق بااصول

نوش کردم از رسول اندر وصول

 

جان بلب اورده ام ایثاررا

ای رساننده به منزل باررا

 

دردم اخربیا جان پدر

جان کندایثارپایت این پسر

 

بارمن ازهمتت منزل رسید

آفتاب جان زشرق حق دمید

 

مشرقی دیگرنمود ازمغربم

که نه شرقیم کنون نه غربیم

 

بود شه دراوج عرش خیمگاه

ناظرشهزاده وان رزمگاه

 

بانگش امد چون بگوش سرنیوش

شاه عاشق شدسرا پا جمله گوش

 

—ان یم وحدت زغیرت شدبجوش

باطنش پرجوش شکر ولب خموش

 

نعره زن درمعنی ازشکروسپاس

این سخن رادرک نتواند قیاس

 

رنگ ازرخساره انشه پرید

بهرانبدکزوصال امد نوید

 

درحقیقت رنگ شه شدسرختر

فاقع اید ازشرررخسارزرد

 

سرخ روی نشئتین چون شاهباز

شدسواروسوی میدان کرد تاز

 

درشکارانان که گیردبازپر

شه بدیدارعلی بدتیزتر

 

هرطرف میتاختشاه سرفراز

بهردیدارعلی با سوزوساز

 

ره بداندش گروه مشرکان

چون بدیدندش غیور ازبیم جان

 

بهر دیدارعلی شه می شتافت

ناگهان در خاک و خونش باز یافت

 

کردخالی هردو پارا ازرکاب

دریکیدم ان خدیو مستطاب

 

مرحوم عنقای تهرانی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه فارسی , عنقا تهرانی

 

------------

 

احوالات حضرت علی اکبر (علیه السلام)

 

مرحبا نقاش قدرت بیر مه انور چکوب

صورت اکبرده بیر تشبیه پیغمبر چکوب

 

رزمگاهه وارد اولدی چون او شیر پرهنر

گوردی اعدا بیر مه رخشنده اولموش جلوه گر

قالب بیروح اولوب فی الجمله اول قوم کفر

یاندیلار باخدوقجا گویا شعله اذر چکوب

 

بیر فصاحتله دیدی گویا رجزاول مه جبین

جمله تحسین ایتدی اعدا سویلدی صد افرین

بو جلاده بسلموش هانسی صدفدور گوهرین

قطره بارانی صانع بیر بیله گوهر چکوب

 

الده تیغ ابداری حیدر کرار وار

قوم ترسانی شها متله ایدوبدور تار و مار

هی ووروب صفلر پوزولدی ایتدی روبه لر فرار

هر زمان اول شیر نر بیر نعره اکبر چکوب

 

ضرب تیغیله توکوب باشلاری چون برگ خزان

موجه گلدی گوئیا اولدی او چول دریای قان

چوخ دلاورلر قاچوبدی خیمه ده اولدی نهان

وحشتیندن چوخلاری بیر نقشه دیگر چکوب

 

یاره لندی فرقدن گویا اولوب شق القمر

فی المثل متن کلام الله چکلموش تار زر

یا که بیر مه صورتینده خط احمر چکدیلر

یا قلم گویا کنار لوحه بیر منظر چکوب

 

طوریده ارنی دیور (بیضا)مگر موسی بوگون

یا که رجعت ایلیوب پیغمبر بطحا بو گون

یا تجلائیله گلموش یوسف مصرا بو گون

صورت زیباسینه دیبائیله معجر چکوب

 

مرحوم بیضای اردبیلی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه ترکی , بیضای اردبیلی

 

------------

 

احوالات حضرت علی اکبر (علیه السلام)

 

شبیه مصطفی آماده جنگ اولدی نام آلسون

طریق سعی و همتده نشان اهتمام آلسون

 

بلا پیما نه سین قالو بلاده ایچدی مست اولدی

او بیر پیمانه دن پابند پیمان الست اولدی

خمار نشئه صهبای وحدت می پرست اولدی

تیز ایستر محضر پیره یتوشسون بیرده جام آلسون

 

گلوب دوردی مقابل لشکره یوز دوتدی غفاره

گرک سودا ایدن کالانی گوسترسون خریداره

حیاتیندن چکوب ال جان مطاعین گتدی بازاره

شریک عشقه لازیمدور که جان ویرسون سهام آلسون

 

جهاده آلمیشام رخصت بودور برنامه کااریم

ورق صحرا مرکب قان قلم تیغ شرر باریم

یازام تاریخیده تا ثبت اولا معنای گفتاریم

مجاهد لفظینین تفسیری قان ویر سون مرام ألسون

 

ال آتدی قبضه شمشیره دوشدی لشکره وحشت

دیوب الله اکبر مصطفی سیما علی صولت

سماواته دوشوب سس شیر یزدان ایلیوب رجعت

تما شا ایلیون ایستر اله حیدر حسام آلسون

 

آچوب شهباز تک بال و پر اگلشدی عقاب استه

توکوب اعدای دینی بوتراب اوغلی تراب استه

عمومین قولارین سالدوز نیه بیر مشک أب استه

گرک بو قانی سیزلردن امام اوغلی امام ألسون

 

قلج جولان ایدوب بازوی حیدرده دیوب قان قان

ایچردیب زمره خونخواره قان شمشیر خون  افشان

دوشوب سعد اوغلی تشویشه ویروبدور لشکره فرمان

گرکدور هاله تک مه دوره سین قوم ظلام ألسون

 

امیرین امرینی افراد بلدی لازم الاجرا

احاطه ایلیوب افواج ظلمت نوری سر تا پا

بونی ناموس خلقت چشم دنیا گورمیوب اصلا

گونوز خورشید رخشان دوره سین احشام شام ألسون

 

بو بیر گلدور پیمبر گلشن یدن آچمیوب کامل

طراوتدن سالون پامال ایدون ای قوم سنگین دل

بو بیر گلدور پیمبر گلشنیندن آچمیوب کامل

طراوتدن سالون پامال ایدون ای قوم سنگین دل

 

بیاد بدر احکام خدانی ایلیون باطل

حیاتیندن ایدون محروم قیمون فیض کام آلسون

 

خیام ایچره بونون چوخ آغلیان گوزلر یولون گوزلر

سر راهین دوتون ساغ قویمیون گیتسون بو بییاور

تقلا ایلیون تیز الدورون داغ علی اکبر

حسینین قامتین  ایتسون خمیده شکل لام ألسون

 

بلوبلر نسبتی پیغمبره وار هر گلن ووردی

بو گل هانسی چمندن سو ایچوب هر بیر بلن ووردی

گلن ووردی گیدن ووردیبلن هم بلمین ووردی

بو ظلمین انتقامین روز محشر لاینام ألسون

 

خیامه یوز دوتوب درک ایت منی ای عالمه سرور

آلولار دوره می دشمن بسان چنگ انگشتر

بو قومین دیو نفسی عقلینه غالب اولوب ایستر

نگین خاتم جاه سلیمانی سرام آلسون

 

ختا دشتینده آهوی ختا صید اولی صیاده

اماندور قالمیشام بیداد الینده تیز یتوش داده

قضا سوق ایلوری مرکب قویوب  یوز سمت جلاده

دوروب خنجر الینده عسقلانی انتقام آلسون

 

یوزون گورسم اگر جان ویر مموش عین سعادتدور

ویا السم بابا سن گلممیش مندن وصیتدور

داغیلموش نعشیمی حمل ایت خیامه گر چه زحمتدور

یارالی جسمیمی آغو شینه لیلا آنام ألسون

 

شکار زخمداری مرکب آچدی یر دولاندوردی

گتوردی عاقبت صیاد اولان یرده دایاندوردی

دیلیم یانسون  دیسم بیر ظلم ایدوب دنیانی یاندوردی

عنادا الدوروب رکن و مقام اوغلین مقام آلسون

 

گلستان ادبدن لفظ و معنا ایلدی گلچین

گتوردی رشته نظمه گوروب هرکس ایدوب تحسین

(کلامی) یازدی بو اشعاری اولسون الده یوم الدین

دوتوب پیر طریقت  دامنین اجر کلام آلسون

 

نیشکر میریزد از کلک کلامی در سخن

تا شود نقل مجالس این کلام دلنشین

تخم معنی کاشتم خرمن نمودم از ادب

حاصلم محصول گشته (ناجیان) شد خوشه چین

 

مرحوم کلامی تبریزی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه ترکی , کلامی تبریزی

 

------------

 

وداع حضرت علی اکبر (ع) با امام حسین (ع)  و چند بند از احوالاتِ حضرتِ ابوالفضل (ع)

 

سبقت ایتدی آلِ هاشمده ، شبیهِ مصطفا

اولدی نسلِ آلِ ابراهیمدن ، اوّل فدا

ایلدی بیر همّتیله ، نصرتِ دینِ خدا

همّتین عالمده سرمشق جوانان ایلدی

 

اییستدی رخصت ادبله ، خسروِ بی یاردن

عرض قیلدی ، کِای حریمِ قُربی ، دور ، اغیاردن

اذن ویر ، تا خاکپایونده نثارِ ثاردن

گورسون اکبر ، کوکبِ بختین فروزان ایلدی

 

بو منای عشقده ، ای مایهء فخرِ خلیل

هیچ فدایه اولماز اسماعیل تک فِدیه بَدیل

اولمیان قربانِ کویون ، دوشمین بو گون قتیل

هم اوزین ، هم هاجرین ، عمره پشیمان ایلدی

 

آلدی بو دللر شکسته دل ، شهنشاهین دِلین

اوغلونون گوردی مُخمّر ، دینیله آب و گِلین

لیک حیف اولسون ، عطش دلدن سالوب شیرین دلین

گوزده بحرِ اشکِ شه موج ایتدی طوفان ایلدی

 

ایتدی فرمایش که ای آرامِ دل ، نورِ بصر

اذن ویردیم گیت ، گیدر روحیمده سن گیتسن اگر

لیک بیر لحظه قباقیمجه یری ایلوم نظر

سروِ نازِ اکبری ، بو سوز خُرامان ایلدی

 

شه قباقنجه دوشوب شهزاده بیر آز ووردی گام

اوغلونون آردینجا باخدی بیر دولی گوزله امام

دوتدی یوز گوگ سمتنه عرض ایلدی کِای لایَنام

شاهد اول ، امّت بیزه ظلمینده طغیان ایلدی

 

بیر جوان اولدی مبارز بو گروهه ای خدا

خَلق و خُلق و مَنطقی ، آئینهء احمد نما

کُلمّا الشّتقنا علی خیر الاَنام مصطفا

اشتیاقیم دردینه شوقیمجه درمان ایلدی

 

خجلتیله دوردی شهزاده ، چکوب دلدن بیر آه

عرض ایدوب کِای آسمانِ عزّته خورشید و ماه

من سنون قربانووام ، ای فِدیهء عشقِ اِلاه

چوخ خجل قربانینی ، الطافِ سلطان ایلدی

 

شهریارا ، سیز عظیمُ الشّأنسوز ، قدروز جلیل

ماسوا ذاتِ عزیزوز پیشگاهنده ذلیل

کسبِ فخرِ خدمتوزده ، صرفِ نقدِ جان ، قلیل

شه منی فِدیه قبول ایتدی ، چوخ احسان ایلدی

 

لطفِ مخصوصوز ، و لو مخصوصِ عزّتدور منه

گو بو رفتاروز ، تقاضای محبّتدور منه

آند اولا زهرایه ، چوخ اسبابِ خجلتدور منه

اوّلین آثارِ خجلت ، عمری پایان ایلدی

 

لاجَرَم آیریلدی گوندن مین دِلیله مُشتری

مشتری جان نقدینه ، کالای قتله مشتری

مشتری آردونجا گون ، جاری یوزه اشگِ تری

چون فرات و دجله ، شه دامانین عمّان ایلدی

 

گیتدی شهزاده ، دوروب تلّ اوسته شهنشاهِ دین

گوردی اوغلی سخت سست ایلوب عنانِ مرکبین

دشمن اوسته آت سالوب ، گویا امیرالمؤمنین

حمله دشمن اوستنه ، چون شیرِ یزدان ایلدی

 

تا یتیشدی مرکزِ میدانه سست ایتدی رکاب

هم لُجامِ توسنین ، سخت ایتدی سبطِ بوتراب

باد پیما دوردی اوستونده ، یوزی بیر آفتاب

آبِ تابی چشمهء خورشیدی ، سوزان ایلدی

 

باشلادی کفّاره دعوت دینه پیغمبر کیمی

کوفیانه حجت اتمام ایلدی حیدر کیمی

توکدی دریای فصاحتدن سوزی گوهر کیمی

ارزشِ هر گوهری ، بو گوهر ، ارزان ایلدی

 

حیف او ملّت بسکه غفلت باده سیندن مستیدی

پست فطرت ملّته هر پندِ عالی پَستیدی

جمله سی پابندِ فکرِ قتل و بند و بَستیدی

آشیانه دللرینده بسکه شیطان ایلدی

 

یازدی ابوابِ مساواتی ، مواسات هیکلی

هیکلیله تربیت ویرمیشدی دامانِ علی

بیله نفسی ، ایله دامن تربیت ایلر بلی

تربیت هر پاک نفسی ، پاک دامان ایلدی

 

ایله مبسوط و مُفصّل بابی ، عبّاسِ علی

بیر عتابِ نفسده یازدی مُفصّل مُجمَلی

اختیار ایتدی بو منظوره قلم ایکّی الی

چون سویا دگمیشدی ، کَسرین بونلا جبران ایلدی

 

تیرِ پرّانیله دولدوردی وجودین ، یوز گوزین

اوجِ اَعلای مواساته ، هُمای ایتدی اوزین

صفحهء رخساره گوز قانیله یازدی بو سوزین

گوز سو گورماق دردیمه ، اوخ یاخشی درمان ایلدی

 

سو کیمی یوزلرده گورموشدی سوسوزلار اشگینی

اوز گوزوندن آرتیق ایلردی حَراست مشگینی

بی مُروّتلر آپاردی بو حراست رشگینی

شاهپرسیز شاهبازی تیر باران ایلدی

 

اوخ اوخ اوستن سانجلوب ، پَر دوردی پر اوسته ز بس

مرغِ روحه اوخ الیندن ، تنگ اولوب اوخلی قفس

مشگل اولدی حضرتِ عبّاسه تجدیدِ نفس

سینه سین ظلم اوخلاری ، از بسکه شان شان ایلدی

 

(ذهنیا) بولمم ندن کِلکون بیله اعجاز ایدر

کربلا آدی گلنده ، مرغِ دل پرواز ایدر

صدقیله یازّسان ، حسین اشعاریوی ممتاز ایدر

شکر ایله شاهِ شهیدان ، لطف و احسان ایلدی.

 

قسمتی از اشعار مرحوم استاد ذهنی زاده

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , ذهنی زاده

 

------------

 

احوالات حضرت علی اکبر (علیه السلام)

 

نه گوزل ساعتدور عالمده او ساعت ای خدا

جان وئرنده باشی اوسته اوغلونی گورسون آتا

نه یاماندور بو ایشین عکسی جوان ئولسون بالا

بو آخان گوز یاشیمه باعث او حالتدور منه

 

چوخ چتین ایشدور گوره جان اوسته اؤز اوغلون آتا

بلمورم نه حاله قالدی خامس آل عبا

گوردی اوغلی جان وئرور جسمینده وار سانسیز یارا

سسلدی آچ گوزلرون سنسیز قیامتدور منه

 

اولمیوب بیر کس حسین تک مبتلا بو حسرته

ایلدی خم قامتین قویدی یوزین مه صورته

«شوشتری» او حالی جان وئرماق یازوبدور حضرته

مدرک الده گوردوقوم مقتل کفایتدور منه

 

سویلدی سنسیز اوغول توپراق جهانون باشینه

درد هجروندور سبب من بیکسون گوز یاشینه

آغلوری ایمدی سکینه سن کیمی قارداشینه

عرض ائدور سنسیز علی قسمت اسارتدور منه

 

خیمه ده برپا اولوب شور قیامت دور گئداخ

لیلینی آلمیش آرایه بیر جماعت دور گئداخ

سنده بیر ایله آنان حالین رعایت دور گئداخ

بو رعایت لیلیه عین رعایتدور منه

 

حمل نعشون گر چه مشکلدور اوغول من بیکسه

نیلیوم ایمدی وئروبلر اهل بیتیم سس سسه

سسلنور زینب ئولر لیلا جوانی گلمسه

دور گئداخ بو گئتماقون رسم اعانتدور منه

 

سعدین اوغلی باخموری غمدن وجودیم اوتلانور

نوجوان داغی یاماندور اود دوتور قلبیم یانور

گور نه فخر ایلور منه اکبر غمین آسان سانور

سر سلامت وئرماقی طعن و شمادتدور منه

 

آغلارام سندن صورا هر قدر وار دنیا علی

باخمارام هرگز ندور دنیا و مافیها علی

یوخ ملامت گر هلاک اولسا آنان لیلا علی

حالینی سن بلموسن اما درایتدور منه

 

 مرحوم رجائی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , رجائی

 

------------

 

حضرت علی اکبر (علیه السلام)

 

دل؛ خون، نگاه ؛بسته، نفس ؛حبس، خون؛ روان

دم؛بازدم،حضور؛غیاب،اشک؛سیل سان

 

برگشته؛بخت،آمده؛طوفان،رسیده؛درد

افتاده؛قرعه،قرعه؛فتادن؛امان امان

 

برعکس؛کار،منقلب از این زمان؛زمین

خورشید؛ماه،ماه؛ستاره،زمین؛زمان

 

آمده،چه؟بانگ،بود چه؟بانگ مرو مرو

می رفت،چه؟صدا،به چه معنی؟بمان بمان

 

زد بر تنش،که؟خصم،چه؟افواج تیر،تیر

آمد برش،که؟شاه،چگونه؟کمان کمان

 

شد قطعه قطعه،کی؟سر ظهری،کجا؟به دشت

لب تشنه،خسته،روی زمین،زیر آسمان

 

چرخیده؛سر،شکسته؛قدم،سوخته؛جگر

تفتیده؛آه،خشک؛دو لب،خشک تر؛زبان

 

محور؛عمود،شعر؛علی،صنعت؛ازدواج

حورا؛عروس،حجله؛جنان،تیغ؛خطبه خوان

 

بحث؛اختیار،مساله؛جبر،آب؛راه حل

موضوع؛تیغ،فکر؛سنان،مغز؛استخوان

 

اکبر؛شهید،شاه؛پریشان،حرم؛غریب

واژون؛فلک،سیاه؛زمین،تار؛آسمان

 

معنی؛غلام،شعر؛غلامی،قلم؛اثاث

میخانه؛روضه،ساقی پیر؛اکبر جوان

 

محمد سهرابی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه فارسی , محمد سهرابی

 

------------

 

وداع حضرت علی اکبر (علیه السلام)

 

ای منای عشقیمده زینت منا اوغلوم

گئت جداله خوش گلدون، تشنه لب فدا اوغلوم

 

بو بساط عشقیمده اولین فدا سن‌ سن

کربلا مناسینده، زینت منا سن ‌سن

پیشگاه جانانه، تحفه ابتدا سن‌ سن

برگزیده قربان سان، شبه مصطفیٰ سن ‌سن

وئرمیشم سنی قربان حقّه ابتدا اوغلوم

 

وئرمدیم سر زلفون، مین فدای مینایه

سن کیمی فدا گلمز عرصه‌گاه دنیایه

گئت آنون کفن سالسین قامت دل ‌آرایه

آفرین دیسین هاجر صبر حلم لیلایه

سن فدایه اسماعیل ائتسین اقتدا اوغلوم

 

وئرمه قوّت قلبون الد‌ن ای جگر گوشه

مزرع شهادتده سن ‌سن اولین خوشه

گلمسه علی قانون قتلگاهیده جوشه

روح عالم اسلام، گلمیور بالا هوشه

مُحکم اولمیور دین ختمُ ‌الانبیا اوغلوم

 

اولماسا قیزیل قانه خال هاشمون غلطان

یا توکولمسه زلفون توپراق اوستونه افشان

یا بُلونمسه جسمون، قطعه قطعه چون قربان

اولمیور یقین تکمیل حقّه وئردیگیم پیمان

اولموسان اله گلمز، عین مدّعا اوغلوم

 

اوغلونون الین دوتدی گلدی تلّید‌ن اندی

یوز دوتوب عمرسعد بیحیایه سسلندی

نسلیوی گوروم کسسین، اکبرین خداوندی

بو منا بو سن، بو من بو حسین جگر بندی

اول سنون قرا قلبون، بو قمر لقا اوغلوم

 

سن کی راضی اولدون بو ظلمه ای جفا کرده

احترام طاهایه قویمادون قالا پرده

بو جوان رعناد‌ن چکدیم ال همین یئرده

حقّ اوزی آلار سند‌ن، بو قصاصی محشرده

فاطمه رضا اولماز، اولماسا رضا اوغلوم

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , یحیوی اردبیلی

 

------------

 

احوالات حضرت علی اکبر (علیه السّلام)

 

مدینه زادگاهیمدور شبیه روی طاهایم

حسینون اوغلیام منده جمالا ماه سیمایم

 

اولوب نازل رسول اکرمه تنها کتاب الله

گلوبدور آیه تطهیر واریم قرآنیده آیم

منم تندیس عشق الله منم فرزند عین الله

زیارت ایلیور حورا دوشنده تپراقا سایم

 

گتورمیش تار مژگانیم جهان حسنی تسخیره

بیلون فردوس اعلاده منیم یوسف دور همسایم

بابام فخر کلیم الله اولوبدور عصرینه موسی

باخور سیناده میدانه باخون فرزند موسایم

 

هایاندا مردیه باخسا ائدرعیسی کیمی زنده

اگر خالیقدن اذن اولسا بلی قدرتده عیسایم

حسیندور عالمه مولا حسیندور عاشق کامل

بویوردی یاره خاطر گئت مطیع امر مولایم

 

صراط المستقیمه ایلورم امت لری دعوت

عزیز زینت عرشم فهیمم فرد دانایم

الیمدن اتقیا ئوپدی یوزومدن قدسیان ئوپدی

ذبیح الله عشقم من خود قرآنه معنایم

 

شجاعت ارث دور آلعبایه شاه خیبردن

جدلده قطریه بنذور وجودوز آری دریایم

چکم شمشیری قانوزدن گلر ایجاده دریالر

واریمدور صولت وسطوت بو چولده مرد هیجایم

 

فنون جنگی اورگتمیش منه عباس نام آور

کلاسینده اونون درس آلمشام شاگرد سقایم

خروشاندور همیشه بحرتک زهد و ورع منده

ملکلر پای بوسیمدور بیلون مرآت تقوایم

 

زیارت ایلیوب دست خلیل خاتمی گلدیم

اجازه آلمیشام جنگه فدای روح زهرایم

 

معزی اردبیلی

موضوع: حضرت علی اکبر (ع) احوالات ,
زبان شعر و شاعر: نوحه ترکی , معزی اردبیلی

 

------------

 

شجاعت حضرت علی اکبر (علیه السلام)

 

چون شیر خشمگین او جوانمرد نامدار

بحر بلایه غوطه ور اولدی نهنگ وار

 

اندیردی بیر عمامه نی ابرولر اوستونه

فرق سرینده مغفرینی ائتدی استوار

 

دریای قهری جوشه گلوب پور لافتا

قیلدی خروش ایلدی آهنگ کارزار

 

ووردی اؤزین چو شیر ژیان قلب لشکره

حیدر کیمی الینده درخشنده ذوالفقار

 

اوّل صفی داغیتدی ایکیمجین اوچومجیه

ملحق ائدوب نظام لری قیلدی تار مار

 

سیندیردی قلب میمنه نی تا صباحدن

کچدی صولا داغیلدی نظام صف یسار

 

تشویش اضطرابیدن اعدا ائدوب گمان

تیغ دوسر الینده علی اولدی آشکار

 

باشلار بدندن آیری بدن باشدان آیریلوب

باش بیر طرفده دوشدی بدن بیر طرفده خوار

 

ال باش توکولدی او صحراده بی حساب

مغفر سپر کمان داغیلوب بی حد و شمار

 

صفلر پوزولدی دسته داغیلدی سینوب سپاه

برهم اولوب نظام قوشون ایلدی فرار

 

خالی اولوب چو عرصه گه رزم کوفیان

دلخسته پر شکسته و مجروح و زخمدار

 

قومی احاطه ایلدی وحشت دوتوب هراس

قاچدی قاچان ئولن ئولوب اول معدن وقار

 

چکدی عنان توسنی نوک سنانینی

محکم دل ترابیده نصب ائتدی استوار

 

تکیه ائدوب جدایه زمانی سکوتیده

آچدی دوباره لعل گهربار و دُر نثار

 

کای قوم بی حمیّت و بی شرم و بی حیا

یوخ سیزده بیر نشانه ی ناموس و ننگ و عار

 

گوردوز منیم شجاعتیمی ضرب شستیمی

بو ال بو ذوالفقار علیدندی یادگار

 

مرد نبردسیز بو فرار ایلماق ندور

من بیر نفر ولیک سیز ای قوم صد هزار

 

فرزند حیدرم خلف شیر ذوالجلال

دعوا گونینده شیر اولور پنجمه شکار

 

انصاف ائدون مروّت ائدون یول وئرون گئدوم

نهر فراته یانمیشام ای قوم نابکار

 

دیّار قویمارام یر اوزون دوتسا گر سپاه

اذن قتال بنده یه گر وئرسه شهریار

 

قوّتده مین بو قدر وار آرتوق شجاعتیم

نیلوم که قویمیوبدی عطش منده اختیار

 

بیر جرعه سو بهاسی اگر نقد جان اولا

وئرم قالوب سکینه گوزی یولدا انتظار

 

یتمز (حقیر) قصّه ی اکبر نهایته

صبح و مسا قلم ووراسان تا دم شمار

 

حقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

احوالات حضرت علی اکبر (علیه السلام)

 

بو ماجرادن اولوب آگه آل پیغمبر

که رزمگاهه گئدور نوجوان علی اکبر

 

اوجالدی شور و نوا اهل بیت عصمتدن

چخوب کناره هامی خیمهٔ طهارتدن

 

مخدّرات حرم عترت رسول الله

آلوب او ماه وشین دوره سین چو هالهٔ ماه

 

بنات نعش آراسیندا او کوکب سیّار

جُدی مثال چخوب انجم ایچره دوتدی قرار

 

یوزی سپهر ملاحتده شمس نور افشان

جبینی زهرهٔ زهرا کیمی اولوب تابان

 

ائدوب احاطه اونی اختران برج حیا

قرین اولوب قمره اولدی مشتری لیلا

 

الین آلوب الینه سویلدی جوانیم اوغول

منیله خیمیه گل ای عزیز جانیم اوغول

 

که دور رویوه ای شمع محفل شب تار

اجازه وئر گله پروانه تک دولانیم اوغول

 

یوزوی سینمه قوی اضطراب قلبیمدن

سنه عیان اولا سوز دل نهانیم اوغول

 

ترحّم ایله غریبم علی پناهیم یوخ

بو غربت ائلده گلور بیر سنه گمانیم اوغول

 

من غریبی اگر مبتلای هجر ائده سن

فلک لره اوجالور ناله و فغانیم اوغول

 

سن اولماسان بو جلالیم گئدر علی الدن

سنیله محترمم یوسف زمانیم اوغول

 

اگر دلیمده دئسم قلبیدن رضا دگلم

سنون فراقوا یوخ طاقت و توانیم اوغول

 

نه گوردی لیلی بیچاره اؤزگه حاله دوشوب

ولی او حالیله بیر اولمیان خیاله دوشوب

 

اگرچه فصل خزاندور بهاره مایلدور

زمان هجر یتوب فکرت وصاله دوشوب

 

گوزیندن اشگ یوزه دمبدم اولور جاری

گل اوسته بس دیه سن قطره قطره ژاله دوشوب

 

دئدی چوخ آغلاما صبر ایله مهربانیم آنا

غم زمانه ئیله قامتی کمانیم آنا

 

منه بویور گوروم آیا نه نوع منع ائدوسن

بیر امریدن که ائدوب سرور زمانیم آنا

 

مگر حسینیدن آرتوقدی اکبرین جانی

اولیدی مین بئله عالمده کاش جانیم آنا

 

پیمبر اوغلونا قربان اولیدی هر آندا

آخیدی هر طرفه چشمه چشمه قانیم آنا

 

بو قدر آغلاما آرتوق منی کباب ائتمه

دولوبدی اشگیله گور چشم خونفشانیم آنا

 

اگر چه مشکل اولور درد هجر چاره ندور

آز آغلا صبر ائله ای راحت روانیم آنا

 

دوشوبدی باشیمه سودای حق بو سودادن

به غیر سودنه معلومیدور زیانیم آنا

 

قوری یر اوستی اولا فرش خاک بالینیم

مقام قرب اولور منزل و مکانیم آنا

 

گر اولماسا کفنیم اولماسون نه باک اولا گر

حریر شعشعه ی شمس سایبانیم آنا

 

کبوتر حرمم طایر بهشت برین

فراز کنگره ی عرش آشیانیم آنا

 

گهر نثار اولوب لعل گوهر افشانی

آلوب فصاحتی آرام و صبر لیلانی

 

اوغول یرینه آنا ائتدی حسرتیله نگاه

او گل جماله باخوب جوش ائدوب اورک قانی

 

دئدی اوغول سر زلفون کیمی پریشانم

دوباره ائتمه پریشان من پریشانی

 

جانیمه سالدی شراره عشق پنهانون سنون

اولموشام پروانه سان نار ایچره سوزانون سنون

 

بیر ساغالماز یاره دور سینمده کی یارم منیم

بیر توکنمز دردیدور بو درد هجرانون سنون

 

کاکلون تک درهم و آشفته دور حالیم منیم

تیتروری گوگلوم کیمی زلف پریشانون سنون

 

خم اولور پشت گمان تک نخل شمشادیم منیم

دوشسه گر رفتاریدن سرو خرامانون سنون

 

زهر هجرانیله آرتار دمبدم دردیم منیم

شربت وصلیله وار بو درده درمانون سنون

 

روزگاریم تیره زلفون تک قرا بختیم منیم

طالعیم همرنگ زلف عنبر افشانون سنون

 

کهربائی رنگ اولور بو چهره ی زردیم منیم

قانیله گلرنگ اولا گر ماه تابانون سنون

 

قطره قطره خوندل جاری ائدر دیدم منیم

گر توکولسه خنجر بیدادیله قانون سنون

 

ناوک محنتلره آماج اولور سینم منیم

محنت دنیادن اما قورتولور جانون سنون

 

اؤز الیمله چاک اولو پیراهن صبریم منیم

چاک اولا شمشیریله گر جسم عریانون سنون

 

من نه لیلایم ظهور ائتمز ولی عشقیم منیم

اولماسام مجنون کیمی قیس بیابانون سنون

 

قویمارام گوزدن سنی وابسته دور روحیم منیم

جان گئدر الدن الیمدن گئتسه دامانون سنون

 

قلبیمی اولار آناجان آه و افغانون سنون

صبر قیل هرچند وار درد فراوانون سنون

 

بو فناده دنیاده یتدی آخره عمریم منیم

سهل مطلبدور من ئولسم ساق اولا جانون سنون

 

راضیم مین یردن اولسون چاک بو سینم منیم

اولماسون چاک اوز الونله بیر گریبانون سنون

 

راضیم میداندا آخسون چشمه تک قانیم منیم

آخماسون بیر قطره اشگ چشم گریانون سنون

 

وار شهادت عهدینه اوّلده میثاقیم منیم

هم اسیر اولماقلیقا محکمدی پیمانون سنون

 

وار یری اولسون ذبیح اللهه بو فخریم منیم

سنده فخر ائت هاجره اکبردی قربانون سنون

 

شامه تک نوک جداده سیر ائدر باشیم منیم

ظلمت شام ایچره اولسون ماه تابانون سنون

 

کاکلیم گورسون اولوب چون شدّهٔ مرجان منیم

اولماسون آشفته گیسوی پریشانون سنون

 

مرحوم حقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

احوالات حضرت علی اکبر (علیه السلام)

 

نه وصل یاره دوزوم وار نه فرقته طاقت

همی وصالی همی هجری اختیار آپارور

 

دوشورخیالیمه اوضاع روز عاشورا

قرار وصبریمی الدن نقدر وار آپارور

 

ویروب اجازه علی اکبره امام حسین

سالوب قباقینه ، محبوبه بیر نثار اپارور

 

بویوردی گیت حرم اهلین اوغول وداع ایله

سوسوز آنا یانینا چشم اشکبار آپارور

 

اوشاهزاده گلوب خیمه لر کنارینده

سسین اوجاتدی اوسس لیلیدن قرار آپارور

 

دیدی گلون گیدوری اکبری حلال ایلیون

دورانمورام منی شوق وصال یار آپارور

 

توکولدولر حرم اهلی اوشاق بیوک یکسر

گوروب اوحالی قرار دل نگار آپارور

 

آلوبلار دوره سینی هاله تک اوماه وشون

تمام فیض تماشالی یادگار آپارور

 

ویروبله سس سسه سسلردیلر علی اکبر

بوکار زاره سنی هانسی انتظار آپارور

 

بو غربتیمیزه رحم ایله گیتمه میدانه

قالان تحمل اوصبری بوکار زار آپارور

بیری دیور آناوین حالینه ترحم ایله

که روح لیلینی بوتیره روزگار آپارور

باجی چکور اتگیندن دیور نجه گیدوسن

باحال مهر ومحبتدن اعتبار آپارور

کناریدن ایله پر عاطفه باخوردی حسین

قراراکبری گوردی او وضع کار آپارور

بویوردی اکبریمی بوشلیون کباب اولدی

جواندی صبرینی آلام بی شمار آپارور

 

دیمه فقط اوزی اکبر تک ایریلوب گیتدی

ایدوب کمک لری ویران وتار ومار آپارور

 

حسین قبرینه ای (صافی) منده مشتاقم

میسر اولموی نیلوم چوخ انتظار آپارور

 

مرحوم صافی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , صافی تبریزی

 

------------

 

شهادت حضرت علی اکبر (علیه السلام)

 

گلدی خیمه دن حسین کربلا مناسینه

هر قدمده سس وئروب اکبرون صداسینه

 

قویدی شاه دین قدم ذوالجناحدن یره

هاشمی جوانلاری ایلدی محاصره

راضی اولمیوبدولار کوفه لشگری گوره

آغلیور نجه حسین نوجوان بالاسینه

 

باشی اوسته اگلشوب شهریار کربلا

پرچم آچدی قارداشی نامدار کربلا

تا قوشون باخوب گوره تاجدار کربلا

نه جلالیلن گلوب اوغلونون عزاسینه

 

حسرتیله اکبرون باخدی گول عذارینه

قویدی بیر الین اونون رأس زخمدارینه

بیر الیله ایلدی تکیه ذوالفقارینه

پی آپارماسون باخان حال غم فزاسینه

 

گلدی آل هاشمون باشدا جوشه قانلاری

اذن جنگ ائدوب طلب مرتضی جوانلاری

رام ائدوب حسین اوزی بیر دیلیله اونلاری

سویلدی او عده نون مرحبا وفاسینه

 

بو سوزی ائشتموسن شهریار با وقار

سردی اوز عباسینی توپراق اوسته فرش وار

قطعه قطعه پیکری اول عبایه قویدولار

تئز یتوردیلر اونی منتظر آناسینه

 

قلبوون یاراسینه شیعه لر فدا حسین

سالدی یادیمه بو غم آیری ماجرا حسین

چکدون اول جنازیه سن نیه عبا حسین

لیلی باخماسون اونون جسمنون یاراسینه

 

چخدی خیمه گاهیدن اهل بیت خونجگر

نو گل محمدی اوسته اندی پؤره لر

شمعون عاشقی نجه شمع دوره سین گزر

حلقه ویردیلار اونون زلفنون جلاسینه

 

عمّۀ حمیده سی اکبرین قوجاقلادی

قالخزوب اونون باشین سینه سینده ساخلادی

صوت جانگدازیلن ضجه چکدی آغلادی

قوشدی ناله سین حسین زینبون نواسینه

 

ای جوان نازنین بی گناه ئولن بالا

قطعه قطعه پیکری دوغرانوب گلن بالا

جسمووی نجه گوروم من بو حالیلن بالا

تیغ آهنین کچوب قاشلارون آراسینه

 

مرحوم یحیوی اردبیلی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , یحیوی اردبیلی

 

------------

 

در احوالات حضرت علی اکبر (علیه السلام)

 

بو نوجوان کی یوزی آفتاب انوردور

جمالی آیینه ی طلعت پیمبردور

 

یوزونده نور خدا آشکاردور گون تک

جبینی مطلع انوار قدس داوردور

 

گوز ایستر ایلیه ادراک پرتو نوری

فراز چرخیده خورشید سایه گستردور

 

محالیدور گوره کوته نظرلرین نظری

ز بس کی قصر جلالی رفیع منظردور

 

گورر حقیقتی صورتده دیده ی حق بین

کی صورتینده علی صورتی مصوّردور

 

گوزوزی پرده ی ظلمت دوتوب اولوب حایل

وگرنه گون چیخوب عالم هامی منوّردور

 

بلی چو مِهر جهانتاب گوسترنده جمال

نقدر روشن اولا خیره چشم شب پَردور

 

اراده ایلموسوز نورِ حق اولا خاموش

ولی مشیّت حق ضوئینه مقدّردور

 

باشی کسیلسه گینه نیزه دن ظهور ائده جاق

جمالی چرخ حقیقتده مِهر انوردور

 

ائدوبدی بوندا پیمبرلرین صفاسی ظهور

شبیه ختم رسل یادگار حیدردور

 

آتام نشانه سی جدّیم شبیهی دور بو جوان

آدی علیدی علی اسمی اسم اکبردور

 

الیم عصاسی گوزوم نوری قلبیمین ثمری

اوغول دئمه منه بیر مهربان برادردور

 

قولومدا هیکل اخلاص حرز بازوبند

دلیمده جوشن اسم کبیری ازبردور

 

منه نظیر تاپولماز بو بی نظیر اوغلوم

بو گون کی اؤز نظریمده منه برابردور

 

قتیل کوی محبت عزیز جان عزیز

بو جسم ایچینده کی جانیم بو نازپروردور

 

نه من خلیل اؤزوم نه ذبیحم اسماعیل

نه کربلادی منا نه آناسی هاجردور

 

گورون ذبیح خلیله بونون نه نسبتی وار

بئله اوغول نجه اول هاجره میسّردور

 

اونون کسیلمدی باشی آدی ذبیح اولدی

بونون باشیندا ولی شور عشق دیگردور

 

باشی کسیلماقا یالقوز قناعت ائتمیه جاق

ز بس که همّتی عالی هواسی برتردور

 

فضای کرب و بلا بوی عطریله دولاجاق

شمیم طرّه لری رشگ مشگ و عنبردور

 

جدا باشیندا گرک سیرینی تمامه وئره

سلوک و سیرده چون عاشقینه سَروردور

 

شهادت عهدینه عهد ازل شهادتی وار

همان شهادته شاهد شهید داوردور

 

میِ محبّتیله مست اولوب گچوب باشدان

سرشت آب و گِلی عشقیله مخمّردور

 

بو بزم عشقیده شهد شهادت ائتماقا نوش

شراب ناب آخان قانی زخم ساغردور

 

نقدر یاره دگه جسمینه بو جانه دگر

بو جسم او جسم او پیکر همین بو پیکردور

 

بونی بیلون نقدر ئولمیوبدی دویمیاجاق

گلون گلون اؤزی مشتاق تیغ و خنجردور

 

سوسوزدی قانینه هم شمر و همده خنجر

زلال خنجره تشنه بو تشنه حنجردور

 

دیون سَنانه سِنانه کلاله ی مشگین

بو زلف و کاکلی بو طرّه ی معنبردور

 

گرکدی آیریلا ترکیب جسمی بند به بند

قالا او جسمی که جسم لطیف جوهردور

 

بو اسم اکبری ورد ایله قبر ائوینده«حقیر»

سؤال وقتی جواب نکیر و منکردور

 

مرحوم حقیر خوئی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

در احوالات حضرت علی اکبر (ع)

 

روز عاشورا که روز عشق بود

جان یاران پر ز سوز عشق بود

 

بانگ می زد ساقی بزم بلا

عاشقان را آشکار و برملا

 

کای گروه باده خواران الست

باید از جام بلا گردید مست

 

از در و دیوار می بارد بلا

تا کند خیل شما را مبتلا

 

باده خواران! همدم ساقی شوید

سرخوش از جام هوالباقی شوید

 

همتی، هنگام مستی کردن است

وقت رو سوی بلا آوردن است

 

نیست هوشیاری ز سرمستان روا

ترسم از یزدان بدا آید، بدا

 

باده خواران گرد او گشتند جمع

جانشان پروانه شد بر گرد شمع

 

هر که را در حد خود می ریخت می

تا کند این راه را مستانه طی

 

تا مبادا مستیش افزون شود

حالتش از باده دیگرگون شود

 

مستی اکبر ز یاران بیش بود

جام را از دست ساقی می ربود

 

هر چه می در ساغرش می ریخت او

می شنید از او که ساقی باده کو؟

 

ساغرم پر کن دمادم از شراب

تا کند هر ذره ام را آفتاب

 

کی توان سرمست شد زین یک دو جام؟

باده نوشی خوش بود، اما مدام

 

خوش بود با می مدام آمیختن

باده را دائم به ساغر ریختن

 

باده بی اندازه باشد خوشتر است

مرد این میدان، علی اکبر است

 

ساقی دانا دل، صافی ضمیر

گفت با او هر چه خواهی باده گیر

 

آنقدر می از سبوی هو کشید

تا که رنگ او گرفت و هو کشید

 

رو سپس بر جمع میخواران نمود

پرده از راز دل خود برگشود

 

کای گروه باده خواران، الوداع

ترسم این مستی مرا آرد صداع

 

صحتم آهنگ بیماری کند

مستیم رو سوی هوشیاری کند

 

ترک جان گفتن به مستی، خوش تر است

بهر او مردن ز هستی خوش تر است

 

این بگفت و سوی میدان رو نهاد

پا به میدان لقای هو نهاد

 

هستی موهوم را معدوم کرد

خویش را قربانی قیوم کرد

 

رفت بیرون از جهات و از قیود

طلعت حق گشت در چشم شهود

 

چون حسین این جلوه را نظاره کرد

جامه بر تن از تحیر پاره کرد

 

کاین چه رسم عشق بازی با خداست؟

اکبر است این در تجلی؟ یا خداست؟

 

چون شنید انی انا الله از درون

کرد خود نعلین را از پا برون

 

سر برهنه جانب یاران دوید

پا برهنه سوی میخواران دوید

 

کاینک اکبر در تجلی گاه اوست

دیگر اکبر نیست آنجا، بلکه هوست

 

هر چه می بیند آیات وی است

عالم امکان ظهورات وی است

 

در فنای ما بقا دارد حضور

لای ما، الا در آرد در ظهور

 

بنگرید ای باده خواران آشکار

در جمال اکبرم رخسار یار

 

هر که را میل تماشای خداست

رو کند آنجا که طور کبریاست

 

جمله مست از جام آگاهی شدند

باده خواران اکبراللهی شدند

 

هر که از آن باده ساغر می کشید

نعره ی الله اکبر می کشید

 

زان سپس در عرصه غیب و شهود

ذکر تسبیح ملک، تکبیر بود.

 

جناب آقای محمد علی مجاهدی پروانه

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه فارسی , محمد علی مجاهدی

 

------------

 

احوالات حضرت علی اکبر (علیه السلام)

 

انسانین اولار قدی کمان اوغلی ئولنده

قالماز گوزینون نوری جوان اوغلی ئولنده

اوغلی ئوله هر بیر آتانین دار فناده

بو رسمیدی قویمازلا قالا آه و نواده

ائللر آلار اطرافینی هنگام عزاده

 

بیر بیر هامیسی بزم غم افزایه گللر

اوغلی ئولن اشخاصه تسلایه گللر

بعضیسی دییر آغلاما ای درده گرفتار

صبر ایله عزیزیم بو قدر اولما عزادار

ائللر آلوب اطرافیوی آیا نه غمون وار

 

بعضیسی دییر اوغلون ئولوب همدمون اولام

سن تک گییرم قاره شریک غمون اولام

جانلار ولی زهرانین عزیز اوغلونا قربان

ئولدوردی جوان اوغلین او گون لشگر عدوان

گلدی باشینون اوستونه با دیده گریان

 

اطرافینه باخدوقجا غم و دردی چوخ اولدی

باش ساغلیقی اوغلی ئولنه نیزه اوخ اولدی

سسلندی علی جان یانورام نار فراقه

یوخ تاب و توان دیزده دورام بیرده ایاقه

هی سسلورم اکبر باخورام قانلی دوداقه

 

اوغلی ئولنه یاخشی تسلایه گلوللر

من آغلادوقیجا بالا شام اهلی گولوللر

هر بیر آنانین آرزیسی وار شاد اولا اوغلی

غمدن بو فنا دهریده آزاد اولا اوغلی

خوشحال اولا دیلدن آنا داماد اولا اوغلی

 

بو باره ده لیلانی عجب بختور ائتدون

طوی گورمدون اوغلوم آنووی خونجگر ائتدون

موضوع: حضرت علی اکبر (ع) احوالات ,
زبان شعر و شاعر: نوحه ترکی

 

------------

 

احوالات حضرت علی اکبر (علیه السلام)

 

اورک گوزومده عجب منظره هویدادی

نه منظره که به سان بهشت اعلادی

 

دیسم بهشتیده هرگز بیله صفا یوخدی

ایدر بو عرضیمی تصدیق او گوز که بینادی

 

اورک گوزیله باخاندا او ایکه من گورورم

دیلیم بیانینه عاجزدی ناتوانادی

 

ایله مجسّم اولور عالی بیر سرا گوزومه

که آستانه سینه فرش اولان ثریّادی

 

او صحنه که گورورم وادی مقدّسدور

محل لطف خدادی، مقام موسادی

 

او قبّه که باش اوجالدوبدی قبّه ی فلکه

طواف ایدن اونی خورشید عالم آرادی

 

او قبّه دن گون ایدر کسب نور هر گونده

دیمه بو نور ندور یا بو نه تجلّادی

 

او گون که سیر ایدر افلاکی گونده بیر دفعه

مرامی شوط همان قبّه ی معلّادی

 

او قبّه صاحبی کیمدور سوال ایتدیم من

جواب گَلدی قتیل گروه اعدادی

 

ذبیح کوی محبّت، شهید عشق خدا

یگانه گوهر گنج خدای یکتادی

 

آدین سوال ایلدیم ویردیلر جواب منه

حسین تشنه جگردی، آناسی زهرادی

 

ایشیتمیسن حرمینده اوغول دیور آغلور

اَلی اورکده گَزور، ذکری وا حسینادی

 

اجازه حاصل ایدوب داخل رواق اولدوم

نجه رواق، بهشتدن یقین دل آرادی

 

ایله رواقه اگر عرض ایدم لیاقتی وار

رواق عرش معلّادی، بلکه بالادی

 

گورن گوز ایستوری گورسون، که اَل اَل اوسته دوران

مسیح عشق حضورینده یوز مسیحادی

 

کلیم منتظر رخصتِ تکلّم دور

ذبیح گر اولا خُدّامی فخر عُظمادی

 

شهاب کشتی فکری اُتورمه اوز باشنا

گوزَتله غرق اولوسان، بو عمیق دریادی

 

کناره چخما، سوزون رشته سی چخار اَلدن

بیان واقعه ایله، دیمه که رویادی

 

او تحت قبّیه باخ بیرده بلکه بیر گوره سن

او محترم حرم ایچره نه شور و غوغادی

 

او آلتی گوشه ضریحی طواف ایدنلری گور

عجب مراده یتوبلر عجب تمنّادی

 

بیری زیارت اوخور گوز یاشین ایدیر جاری

بیریسی درد دله دل آچوبدی گویادی

 

بیری نظرده علی اصغری مجسّم ایدور

آدی صغیر ، گورور ماجراسی کبرادی

 

سوسوزدی آغلور آناسی باسوبدی سینه سینه

آناسی شامه گیدوب حالی چوخ غم افزادی

 

آنا یرینه آتا متّصل دیور لای لای

خرابه ده آناسی ذکری وا علیلادی

 

بیری عروس او زلفون یولان یری گوروری

ببریسی یاده سالور قان حنالی دامادی

 

بیری دیه او یتیمه اگر مبارک باد

حقیقتاً یری واردور، دیمه کنایادی

 

بیری ضریحین اَیاق سمتینی اُپور، دویمور

مگر او یرده یاتان هانسی ماه سیمادی

 

او بیر جواندی که تعریف ایدوب اونی دشمن

جمالی گُلدی، لبی غنچه، قدّی رعنادی

 

ایله گُل اوزلی بشر گورمیوب بو گردش پیر

علاوه گورمیه جاق باقی تا بو دنیادی

 

مین ایلدی گُل آدی زیب مجالس غمدی

بیر عالم اهلی اونا عندلیب شیدادی

 

اوزی شبیه پیمبر، آدی علی اکبر

قرار و طاقت و آرام شاه بطحادی

 

بیله جوانیدن اَلحق چتیندی اَل اوزماق

بیله بلایه برازنده اُمّ لیلادی

 

گَلوب جهاده گیدنده آناسینی گورسون

گوروب خانمدا اُلوم حالی آشکارادی

 

آناسینا اورگی یاندی، نطقیدن دوردی

صراحتاً دیمدی بو وداع اُخرادی

 

آنا گورنده اوغول حالینی ، اوزی قاندی

اوغول قلج دمینه گیتماقا مهیّادی

 

نه اولدی تاب تکلم اوغولدا نه آنادا

تصوّر ایلمه سن بولمه سن نه اوضادی

 

آنا بالایه باخوب آغلادی ، بالا آنیه

او حاله آ‎غلاسا سکّان عرش باجادی

 

اوغول، آنا، باجی، عمّه، تمام عورت اوشاق

قاریشدی بیربیره گویا که حشر برپادی

 

اوجالدی ضجّه و شیون خیام طاهره دن

دایاندی عرشه حریمون فغان و فریادی

 

گر ایستَسَن بُله سَن بُل بو سوزدن اهل حرم

سُوَردیلر که نه قدری او سرو آزادی

 

خیامیدن نچه دفعه تمام اهل حرم

چیخوب کناره او گون، اَلده واردی اسنادی

 

بیری حسینون او صحراده اوز وداعیدی

که چولقامیشدی فغان پرده پرده ایجادی

 

بیری بو تازه جوانی یولا سالاندِیدی

گورن دیردی یقین نفخ صور پیدادی

 

بیری اَلیندن اُپردی، بیری ایاقیندن

بیری کسردی یولون دلده شیون و دادی

 

بیری چخاندا سراسیمه خیمه دن، یوگوروب

باساردی باغرینا اول نوجوان ناشادی

 

بیری دیردی غریبوخ بیزه ترحّم ایله

سنون بو آیریلیقون تلخ و ناگوارادی

 

اوغول آناسی باخاردی دوتاردی دلدن اود

اَلولانوب جگری، اودلانوردی اَکبادی

 

دیردی بیر چکیلون یوز قویوم قدم لرینه

اوغول اَیاقینه دوشه آناسی اولادی

 

قویون آچیم ساچیمی بیر توکوم گیدن یولونا

سالوم کمنده، عجب بو غزال زیبادی

 

گیدر دچار اولی صیّاده خیمیه گلمز

قالور آناسی اوغول سوز بو چولده تنهادی

 

ویرون اَلین اَلیمه سیز، منیم گوزوم گورمور

گوزیمه پرده گَلوب یا که لیل یلدادی

 

اوجادان آغلامیون بلکه بیر سسین ایشیدیم

اوغول سسی آنیا طاقت و توانادی

 

امام گوردی حرملر علیدن اَل چکمور

او آه و ناله او خسته جوانه ایذادی

 

دیدی بالامی چوخ اینجیتمیون قویون گیتسین

یولونی گوزلور اونون منتظردی جلّادی

 

بالامی آغلیوب آغلاتمیون ، عطش گتورور

اوزی سوسوزدی، بو صحرا بیر اودلی صحرادی

 

حرملرین هره سین بیر دلیله ساکت ایدوب

اگرچه هر تکی بی صبر و بی شکیبادی

 

حرم غزالینی میر حرم حرمدن آلوب

سالوب یولا اوز اَلیله چاغیردی صیّادی

 

یوزون دوتوب گویه عرض ایتدی شاهد اول یا رب

بو نوجوان که هامی حُسنِ خُلقه دارادی

 

آدی علیدی، آتام مرتضی نشانه سیدی

ولیکن خَلقاً و خُلقاً شبیه طاهادی

 

بس ایت بو قصّه ی جان سوزی شرح ویرمه (شهاب)

آناسی فاطمه بو غمده ناتوانادی

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , شهاب تبریزی

 

------------

 

آوردن جنازه حضرت علی اکبر (ع)

به خیمه ها

 

شاه شهید خیمه لره نعش اکبری

گتدی آت اوسته سسلدی بیکس حرملری

 

کای اهلبیت ایاقه دورون پیشواز ائدون

تعظیم و احترامیله شبه پیمبری

 

بیردن توکولدولر ائشیگه خیمه گاهیدن

اندیردیلر آت اوستن او صد پاره پیکری

 

اطرافین آلدی اهل حرم ناله باشلیوب

بیربیر حیالی عمه لری نازلی خواهری

 

گوردی امام آناسی دوروب خیمه دن باخور

ایستر گله گلنموری تیترور قدملری

 

فرمایش ایلدی باجیلار بیر دورون کنار

گلسون اوغول جنازه سینون اوسته مادری

 

لیلا باخاندا خیمه ده اکبر جمالینه

گوردی کسوف ائدوب شرف شمس خاوری

 

باشی قلجلانوب یارادان تازه قان آخار

قانه باتوب یوزی گوزی زلف معنبری

 

سنبل کیمی گل اوزره پریشاندی کاکلی

گرد عذارینه اولوب آشفته تللری

 

یومدی گوزونی گوردی یوزینه باخانموری

قانیله چون لبالب اولوب قانلی گوزلری

 

قویدی یوزون یارالارینا آچدی قوللارین

نعشین قوجاقلیوب بویانوب قانه اللری

 

دوشدی گوزی دالینداکی خنجر یاراسینا

گوردی که سینه دن گورونور خنجرین یری

 

بی اختیار واولدا نعره سی چکوب

فریاده گتدی ناله سی کلاً ملک لری

 

ناکام اوغول بو قدرده بی رحمیلیق اولار

سینسون الی نه نوع ووروب گور بو خنجری

 

قانی کسیلموری بو نجه کاری یاره دور

هئچ خیر گورمسین بو ستم پیشه لشگری

 

مرهم یئرینه گوزیاشی آماده ائتموشم

اما یاراوی باغلاماقا قاره معجری

 

عمّون دوروب باخور باشون اوسته باش آچماقا

نیلوم چکوم حجاب یوزیمه حیا تری

 

آزدور اگر قیامته تک آغلیام سنه

مشگل ئولونجه حلّ ائلیم من بو غملری

 

ئولدوردولر اوغول سنی یاندیردیلار منی

یانسین شرار قهریله بو قوم کافری

 

قویدی منی جمالوه حسرت گوروم اوغول

کام آلماسین زمانه ده شمر ستمگری

 

مرحوم حقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

شجاعت حضرت علی اکبر (علیه السلام)

 

لشگر گوروب حسینون طاهایه بنزر اوغلی

میدانه سالدی غوغا الله اکبر،، اوغلی

 

ترک ایلیوب خیامی یوز قویدی رزمگاهه

بیر لخظه ده یتیردی میدان قتلگاهه

وحشت سالوب حسینون شهزاده سی سپاهه

سسلوردی ای جماعت گور نیلر حیدر اوغلی

 

هر بیر قدم گلوردی، صفلر دالا قاچوردی

جانین قوتاردی هرکس بیر ذره یول آچوردی

فرماندهان اعدا رنگینده قان قاچوردی

زینب دئیوردی احسن، شیر دلاور اوغلی

 

هرکیم گلوردی جنگه شبه پیمبریلن

تا روبرو دوروردی ماه منوّریلن

گویا دوروب مقابل فتّاح خیبریلن

صفیّنی ایتدی احیا، فتاح خیبر اوغلی

 

سسلوردی اشقیالر فرزند حیدرم من

استاد رزمیم عباس هر درسین ازبرم من

شیرخدانین اوغلی شیر دلاورم من

میدانه سالدی وحشت شیر غضنفر اوغلی

 

سسلوردی ویرموشام من پیمانِ عشقه امضا

جان نقدی قویدوم ایتدم میدان عشقی احیا

بازارِ مصره سالدوم بو قیمتیله غوغا

اولدی فقط خریدار زهرای اطهر اوغلی

 

من گلموشم علینون احیا ائدم حُنینین

تک قویمارام بتولین بو چولده نور عینین

اؤپسون گرک عمرسعد ال ایاقین حسینین

یوخسا ائدر بو نهری قان شاه محشر اوغلی

 

قلب سپاه دشمن ایتدی شکستی احساس

ایش بیر یره دایاندی اوضاع اولوندی حسّاس

مخیمده عشق ائلوردی هر ضربه سینده عباس

سسلوردی احسن احسن شاه دلاور اوغلی

 

شاعر گرکدی ائتسون هر مطلبه اشاره

ائتسون سفر خیالی،، او قان دولان دیاره

بو شعریده« فقیرین »قلبی اولوندی یاره

بی شک ائدیردی یاری لیلانین اکبر اوغلی

 

 فقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , فقیر خویی

 

------------

 

احوالات حضرتِ علی اکبر (ع)

 

 گینه حضورِ امامِ زمانه قیلدی خُرام

ادب یولیله دوروب خدمتنده ویردی سلام

 

فدا اولوم سنه ، راضی اولوبلا اهلِ حرم

حلال قیل منی ، جدّون حضورینه گیدورم

 

امیرِ حِلّ و حرم ، شهریارِ مُلکِ عرب

چاغوردی گلمگه تعجیل قیل باجی زینب

 

توّقف ایتمه ، مواریثِ انبیانی گتور

عمامهء شرف افزای مصطفانی گتور

 

رَدای شیثِ نبی ، خاتمِ سلیمانی

حمایل ایتماقا شمشیر مصطفانی گتور

 

قَمیصِ یوسف و اسحق و حرزِ یعقوبی

قبای فاخر و دیبای مجتبانی گتور

 

ضروردور سپرِ خمره ، جوشنِ داوود

عقابِ توسنِ عبّاس با وفانی گتور

 

عصای موسی عمران ، کمانِ اسماعیل

نشانه ، جعفرِ طیّاردن سِنانی گتور

 

ایدوب اطاعتِ فرمایشِ امامِ انام

حضورینه گتوروب زیب و رزمِ بزمی تمام

 

جمالِ اکبره حسرت یوزیله سالدی نظر

بویوردی گَل ایره لی ای شبیه پیغمبر

 

سنی بو حُسنله بزمِ لقایه گوندرورم

حریمِ بارگهِ کبریایه گوندرورم

 

خلیل وارثیَم ، کربلادی کوهِ منا

ذبیح وار سنی بو منایه گوندرورم

 

عبث یره دگلم ، زینت ایتماقا راغب

که طالبم ، طلبِ مدّعایه گوندرورم

 

عزیز ایتماقا یعقوب وار یوسفیمی

متاعِ حُسنیله مصرِ بلایه گوندرورم

 

وفالیسان بولورم ، واردی چوخ وفا سنده

قتیل اولماقا کوی وفایه گوندرورم

 

وصال تشنه سی سن ، خضرِ رهنمایم من

دلیل اولوب سنه ، عینِ لقایه گوندرورم

 

رضای دوستیله بیگانه لر مقابلینه

حقیقتا" طرفِ آشنایه گوندرورم

 

جهادِ اکبر ایدوبسن ، جهادِ اصغر ایچون

قتالِ طائفهء اشقیایه گوندوروم

 

علی سنون کیمی رعنا جواندان ، ال چکورم

بوله بوله دمِ تیغِ جفایه گوندرورم

 

ایدوبدی دوست سنی ، بزمِ اُنسه چون دعوت

حبیب بزمینه ، وحدت سرایه گوندرورم

 

بو حلقه حلقه ، سیه زلفِ عنبر افشانون

کَلاله اولماقا نوکِ جدایه گوندرورم

 

سبیلِ حقّده ، ناحق سبیل اولا قانون

بو قانلی معرکهء کربلایه گوندرورم

 

شروع ایدوب که ایده اکبرینه پیرایه

توجّه ایتدی ازل کاکلِ مُطرّایه

 

گُل اوسته گوردی دوشوب ، دسته دسته سُنبلینی

ال آتدی زلفینه ، دوتوب شقّه قیلدی کاکلینی

 

سالوب نظامیله بیر شقّه سین جبینندن

کمند وار بیرین جانبِ یَمینندن

 

بیرین دالی طرفدن ، بیرین یَساره سالوب

دعای هیکلیلن ، هیکلین حصاره سالوب

 

باشینا قویدی چون عمامهء رسول الله

نهان ایدوب بولود آلتندا اوز جمالینی ماه

 

دوزلدی قامتینه راست ، جوشنِ داوود

جمالِ مِهر و رخِ ماه اولدی زر کبود

 

سالوب کمان قاشینی چگننه ، کمان چون تیر

خدنگ تیرینه شیرِ فلک اولوب نخجیر

 

کمندِ زلفی کیمی ، کهکشانِ چرخ کمند

قولونا عقد ثریّانی قیلدی بازوبند

 

کمانِ گوشهء ابروسینی ، گوروب بهرام

آتوب کمانی ، دوتوب گوشهء فلکده مقام

 

چکوب مقابلِ چشمینده صف صف مژگان

خدنگ هر مژه بیر تیر ناوکِ پیکان

 

ویروب قرار سپر کتفینه ، چو قرصِ قمر

نهان اولوب بولود آلتندا خسروِ خاور

 

نهالِ قامتِ موزونی تک ، الده سِنان

گلنده لرزیه ارض و سما اولوب لرزان

 

حمایل ایلدی چون ذوالفقاری حیدر وار

گورن دیردی بو سروردی حیدرِ کرّار

 

چکوب رکابه عقابی ، او ضیغمِ بی باک

قدم رکابه قویوب ، جَست و چابُک و چالاک

 

بسانِ برقِ جَهَنده اولوب سَمنده سوار

دوشوب رکابینه ، فتح و ظفر ، یمین و یسار

 

سُرورِ سینهء لیلی اولوب روانهء راه

دالینجا حسرتیله اهلبیت ایدردی نگاه

 

بیری دیردی الیمدن برادریم گیتدی

بیری دیردی شبیهِ پیمبریم گیتدی

 

بیری دیردی بوکولدی قامتیم ، بِلیم سیندی

بو اعتدالیله سروِ صنوبریم گیتدی

 

بیری دیردی غریبم ، دیارِ غربتده

قویوب قرا گونه ، مِهرِ منوّریم گیتدی

 

بیری دیردی اسیر اولماقیم یقین اولدی

الی اوزولدی الیمدن ، دلاوریم گیتدی

 

گلنده نالیه لیلا دیردی وا ولدا

الیم عصاسی ، گوزوم نوری ، اکبریم گیتدی

 

ایدردی ناله سکینه ، سالوب منی گوزدن

وفالی عاشقی ترک ایتدی ، دلبریم گیتدی

 

نوای شوریله زینب ، فغانیله کلثوم

دیردی بیر به بیر عزّتلی گونلریم گیتدی

 

یری وار عرض ایلیم گر بویوردی شاهِ شهید

منیمده بیر به بیر الدن کمک لریم گیتدی

 

قریلدی قوم و قبیلم داغیلدی اصحابیم

تمام ناصر و اعوانِ لشگریم گیتدی

 

بو چولده بیر منه غم خواردی علی اکبر

اودا قویوب منی بی یار ، یاوریم گیتدی.

 

مرحوم حقیرخوئی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

جنگ شاهزاده حضرت علی اکبر (علیه السلام)

با بکر (علیه اللعنه)

 

او یزیدین دئدی رفتارینی سر مشق ائلرم

بو دئدی منده ابوالفضل عموما عشق ائلرم

 

اودئدی سعی ائدرم کاسه صبرین جالارام

بودئدی غیضه گلم پیکریوه اود قالارام

 

اودئدی امر ائلسم لشکریم اطرافون آلار

بو دئدی اصغرین آهی جانوا رعشه سالار

 

اودئدی دقتیله باخ یوزومه بکرم من

بودئدی دشمن سرسخت ابوبکرم من

 

او دئدی مشکله سالام سنی ای ماه لقا

بودئدی مشکله دوشسم دیرم یازهرا

 

اودئدی ایندی سنی ئولدوررم یا ئولرم

بودئدی پیکریوی اورتادان الآن بولرم

 

اودئدی واریری من سوزلریوه ایندی گولم

بو دئدی گردنوی ورماسام اکبر دگولم

 

بکره اکبر دئدی الآن اورگین قان ائدرم

سنی بیرضربتیله وارد نیران ائدرم

 

نحس انداموی شمشیریله منشق ائدرم

اوجهنمده کی اجدادیوه ملحق ائدرم

 

بکریله شبه پیمبر او قدر جنگ ایلدی

بکره آخرده علی عرصه گهی تنگ ایلدی

 

باطل ائتدی اوجفا پیشه نون آینده سینی

آخرین ضربتیله باغلادی پرونده سینی

 

عطش افسوس او مولانی ایاقدان سالدی

بی حیا کوفه لیلر دورینی فورا آلدی

 

مرکبیندن یره شام اهلی او مولانی سالوب

اوخ وران نیزه ورانلار اونون اطرافین

 

هرطرفدن آقانون یولارینی باغلادیلار

خامس آل عبانون اورگین داعلادیلار

موضوع: حضرت علی اکبر (ع) احوالات ,
زبان شعر و شاعر: نوحه ترکی

 

------------

 

احوالات وداع حضرت علی اکبر (ع)

 

چو لیلی کرد زینت اکبر آن سرو دلارا را

بدوش افکند چون سنبل سیه زلف چلیپا را

 

زبس بگریست وقت زینت آن مستورۀ کونین

زآب دیده برقرص قمرزد نقش دریا را

 

زتاب تشنه کامی دید چون خشکیده  لبهایش

بگفت آب ازکجا آرم لب لعل شکرخا را

 

عبث نبود پس ازاکبرکند ترک وطن لیلی

که عشق ازپردۀ عصمت برون آرد زلیخا را

 

بود دشوارصبرلیلی ازهجرعلی اکبر

محال صبر کی باشد ازاین غم ناشکیبا را

 

زمجنون عشق لیلی را  ملامت گو مکن عاقل

کشد هجرعلی اکبر به هامون رخت لیلا را

 

برای دوست شاه دین ندارد تحفۀ لایق

به قربانگاه بفرستد مگرآن سرو بالا را

 

زبان (جاریه)عاجزازاین شرح است چون ترسد

بسوزاند شرار غم  تمام اهل دنیا را

 

مرحومه خانم جاریه زنجانی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه فارسی , خانم جاریه زنجانی

 

------------

 

شجاعت و رجز جناب شاهزاده علی اکبر (ع)

 

قوشون تا گوردی جنگه اکبرِ سیمین لقا گلدی

قالوبلار شَکّده اکبردی بو یا مصطفی گلدی؟

 

یتیشدی مرکزِ میدانه ، ایتدی بیر رجز ایراد

اولوندی نطقِ عالی سیندن ، عالی پندلر ایفاد

ایدوبدور امر بر معروف و نهی منکراتی یاد

بو منظور اوسته بیر گمراه اولان بلکه یولا گلدی

 

دیوب اوندان صورا من اکبرم ای قوم ، اولون آگاه

منیم جدّیم محمّددور ، حبیبِ حق ، رسول الله

بابامدور مرتضی حیدر ، ضمیرِ لفظِ من والاه

اوئیکه صدره جامع ، عالِم و شیرِ غزا گلدی

 

علینون کفّی جَدّه مدور ، ملیکه کلّ آفاقه

همان زهرادی که پرتو سالوبدور طاقِ نُه طاقه

عَموم دور مجتبی ، میزانِ محکم ، حق و انصافه

حسین بن علیده ، بابِ نسبتدن اَبا گلدی

 

گورنده شهدِ نطقی ، اهلِ کفره ویرمدی شیره

ال آتدی فاتحِ خیبر ، علی تک اوندا شمشیره

شغالِ کورلر گویا اولوبلار روبرو شیره

آت اوستوندن یره ، باشسیز السیز اشقیا گلدی

 

ترابِ تیریه سالدی او قدری پهلوانلاردان

آلیندی رنگِ صورت ، سالم اعضا قهرمانلاردان

اولوندی کُشته دن پُشته ، دوتولدی یول قاچانلاردان

قدَر احسن دئدی ، ابلاغِ تحسینه قضا گلدی

 

او قدری قالمادی اَسسون هواده پرچمِ تسلیم

او موقع سعدین اوغلی ، نقشه ایلدی تنظیم

مقرّر قیلدی لشکر ، چار سمته اولدولار تقسیم

مجهّز دورت طرفدن اوستونه اهلِ جفا گلدی

 

او رزم آرا ایچون بو حمله لرده عرص تنگ اولدی

قاریشدی بیر بیره دریای لشگر ، سخت جنگ اولدی

همین اثناده حیفا ، توسنِ امّیدی لنگ اولدی

الینده تیغ منقذ ، ناگهان اول بی حیا گلدی

 

ایله بیر ضربه ووردی ، جسمینی سالدی تعادُلدن

توانا سلب اولوب ، ووردی گلن دشمن ، مقابلدن

او اندازه جراحت وارد اولدی ، تا دوشوب دلدن

ایراق لیلا گوزوندن ، یاره اوستوندن یارا گلدی

 

هوا ایسّسی ، اوزی یورقون ، گیدور قانی ، بدن خسته

آخوبدور نازنین باشی ، دوشوب اوندا عقاب اوسته

هیاهو قوپدی ، مرکب رم یِدی ، گیتدی نه آهسته

لُجام آزاد ، میدان ایچره باش قویدی هارا گلدی

 

دولاندوردی نه اندازه ، عقاب ، اقطارِ میدانی

گلن ووردی ، گیدن ووردی ، او رعنانی او زیبانی

یخیلدی عاقبت توپراقلارا اولدی بو عنوانی

بابا گَل اکبرون تاپ ، باشینه گور نه بلا گلدی

 

 

قیامتدور بلا صحراسی ، مَملُوّ اضطراریله

شهِ لب تشنه مشغول ، اهلِ بیتِ دلفکاریله

ایشتدی دادِ استمدادی ، بولمم نه قراریله

اوغول جان ویرماقین گورماقلیقا ، مظلوم آتا ، گلدی

 

گلوب گوردی تَلئلو یاغدیران آیدان دوشوب سایه

ز بسکه قان دوتوب اندامینی ، گلمز یارا سایه

بویوردی باخمادی قاتل ، بیله زلفِ سمن سایه؟

سنی بو حاله سالدی ، هانسی ظالم ابتدا گلدی

 

قتیلِ عشق ، امامین عطرین آلماقلیق دَلیلیله

گوز آچدی عرض ایدوب ، سیراب اولوندوم سلسبیلیله

بویوردی سن علی گئت ، منده گللم بو سبیلیله

آنان اما اوغلسوز قالدی ، دنیاسی قرا گلدی

 

خیال ایتدی خیامه حمل اولا ، اول قامتِ شمشاد

بویوردی ای جوانانِ بنی هاشم ایدون امداد

اولوب امرِ امام اجرا ، جوانلار چکدیلر فریاد

گریبان چاک ، تک تک ، دللرده وا اکبرا گلدی

 

بویوردی سرورِ آزادگان ، ای با وفا انصار

خیامه حمل ایدون ، قارداشوزی سیز ، منده یوخ انجار

گوروبلر چون جراحت چوخدی ، مشکل حمل اولا ، ناچار

کنارِ فرشِ غبرا اوسته آخر بیر عبا گلدی

 

عباده حمل اولوندی سروِ طوفان دیده آخرده

بسانِ یاسمن ، گللر بوتون آشفته پژمرده

بنی هاشم قاباق ، دالدا ، او سلطانِ جوان مُرده

بو تشییعی گورنده نالیه اهلِ سما گلدی

 

یتیشدی تا حریمِ خیمه گاهه ، دل غمین موکب

عزیزِ فاطمه فریاده گلدی ، گل باجی زینب

یوزوم لیلایه یوخدور ، سن گَل آخر گور ندور مطلب

دئ لیلایه سِنوب آئینهء احمد نما ، گلدی

 

چادلاردا بو سس تا دوشدی ، بولدی عترتِ طاهر

بوتون گوزلر دولی ، نعشِ علی اوسته اولوب حاضر

ولی لیلا دایاندی گلمه دی حقّه اولوب (شاکر)

دئدی صد شکر ، حسینه نوجوان اوغلوم فدا گلدی.

 

شاکر تبریزی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , شاکر تبریزی

 

------------

 

احوالات حضرت علی اکبر (علیه السلام)

 

دوشدی عقابیدن یره چون شبه مصطفا

گویا دوشوب یراستینه والشمس والضحا

 

قان گیتدی بسکه ضعف ایلدی هوشه چون گلوب

یوزدوندروب خیامه طرف ایلدی ندا

 

مندن سنه سلام اولا ای تاجداردین

ای کان جود بحرکرم معدن سخا

 

درک ایت گلن منی که دم احتضاریدور

گوسترجمال حقی ایا حجت خدا

 

ای باب تاجدارسنین انتظاروم

سالدی ایاقیدن منی بو قوم بیحیا

 

قربان کسنده لازمه دورگوسترله سو

اما سوسوزکسیله بو قربانی اشقیا

 

من حق ذبیحی کوی محبت قتیلیم

سنسن خلیل هاجرآنام کربلا منا

 

گرممکن اولسا ای بابا بیرجرعه سو گتور

چوخ تشنیم یانورجگریم ایسیدورهوا

 

جان تاپشوران زماندا قدم باشیم استه قوی

تا ایلیوم قدملریوه جانیمی فدا

 

اما بابا سکینیه بلدورمه حالیمی

چون طفلیدور دوام ایلمز اول ملک لقا

 

ایوای او وقتیدن ایشیدوب خیمگاهیده

بو صوت دلربانی شهنشاه کربلا

 

تغییر تاپدی حالی سارالدی او گل یوزی

زینب گوروب بو حالتی عرض ایتدی یا اخا

 

نولدی مگرسارالدی  بو رخسارانورین

اولدی بدل خزانه گلستان مرتضا

 

گویا بویوردی ای باجی آلدی قراریمی

میدانیدن قولاقه گلن صوت غم فزا

 

ازبسکه دلربادی سسی آلدی صبریمی

وارجذبه سی چکورمنی اول دلربا صدا

 

اعدا سالوبلا اکبری آتلارایاقینه

آز قالدی باشینی ایده لر زینت جدا

 

پس اول جناب خیمه آرا اخذ سیف ایدوب

یوزقویدی رزمگاهه طرف قهرکبریا

 

بیرصولت و صلابت او شهدن بروزایدوب

آز قالدی اضطرابه دوشه کل ماسوا

 

یعقوب تک گزردی او صحرانی کو بکو

هردم ایدردی یوسف گمگشته سین صدا

 

ال قولتوقوندا گوزلری یاشلی دیردی زار

اف لدهر بعدک یا کوکب الدجا

 

ناگه یتوشدی بیر یره گوردیجوانینی

اهل خطا سالوب یره چون آهوی خطا

 

ازبس ووروبلا تیر جفا نازلی جسمینه

اولموش تمام باشدان ایاقه بدن یارا

 

تاب و توان اوزولدی گیدوب اختیاریدن

اوغلون گوروب او حالیله چون مهربان آتا

 

بی اختیارسالدی اوزین ذوالجناحیدن

چکدی فغان وا علیا وا محمدا

 

باشین آلوب دیز استه دیدی ای جوان  اوغول

آچ گوزلین منم آتان ای معدن حیا

 

آیا نه وقت اولموشیدی من اولان زمان

سن اگلشیدون ای خلف صدق مرتضا

 

ایمدی نولوب سنه من ایاق استه دورموشام

سن یاتموسان فراقتیله  ای جوان بال

 

ای معدن ادب بلورم یوخدی طاقتین

ازبس ووروبلا پیکریوه زخم جان گزا

 

سویله گوروم که هنسی ستمگر جفائیله

سالدی سنی بو حاله علیی وا مصیبتا

 

آیا سنی نه جرمیله الدوردی اهل کین

یا هانسی علت استه قتیل ایتدی اشقیا

 

ایتدون نه تیز غروب سن ای کوکب سحر

ایتدون نه تیز غریب آتاوی هجره مبتلا

 

آخر سنیله شاد ایدردیم بو گوگلومی

جدیم دوشنده یادیمه ای شبه مصطفا

 

سن یتمدون زمانه ده کام مرادیوه

اولدی اوغول ولیک منیم مطلبیم روا

 

مین اشتیاقیله بو قدسروی بسلدیم

تا ایلیم بو عرصه ده تحصیل مدعا

 

صد شکرذوالجلاله که یتدوم مرادیمه

عهد الست وعده سینه ایلدیم وفا

 

صد مرحبا سنه که منی سرفراز ایدوب

ایتدون اوغولوق حقینی سن حقیله ادا

 

جهد ایلدون حمایت آل رسولیده

اولدون قتیل معرکه دشت نینوا

 

گیتدون قاباقجا جدیمهمندن سلام قیل

عرض ایت گلورحسین ذبیحا من القفا

 

اولسون قسم بو حالیوه ای با وفا اوغول

محشرده حق اولور  اوزی بو قانه خونبها

 

اولما ملول اولمادی ممکن عزا دوتام

هروقتیده دوتالا سنه شیعه لر عزا

 

هرکیمسه بیر دلیله سنه نوحه ثبت ایدر

(سایلده) اوزدلیله ایدرنوحه و بکا

 

سائل خویی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه ترکی , سائل خویی

 

------------

 

احوالات حضرت علی اکبر (علیه السلام)

 

جبین انوری شمشیره چون نشان اولدی

مه منیرده شقّ القمر عیان اولدی

 

سکینه حالینه , احوال زار لیلایه

جراحت اثر زخمی خونچکان اولدی

 

بوکولدی قامت افلاک پشت چرخ برین

نهال قامت کلثوم تک کمان اولدی

 

چکلدی مصحف رخساره قانیله جدول

یوزونده خط جلی زلف سرخی قان اولدی

 

بویاندی طره لری قانه شده ی مرجان

دوشوب گل اوستونه گل رنگی ارغوان الدی

 

ملک لر آغلادی قان قطره قطره چون قانی

سرشک دیده زینب کیمی روان اولدی

 

سحاب سرخ سیه آفتاب تابانه

شفق سالوب بولود آلتندا گون نهان اولدی

 

مذهّب اولدی طلائیله صفحه قرآن

طلا و سرخیله سر لوحی زر فشان اولدی

 

یازیلدی سوره توحید صدر اوّلده

شهادت آیه سی عنوانینه بیان اولدی

 

نظرده یاره ایدی لیک منزل یاره

گیدردی الده او قان یاره ارمغان اولدی

 

نقدر قانی آخوب یوزده نقش اولوب یا دوست

چو حق یولوندا فراموش جسم و جان اولدی

 

وصال تشنه سینه تشنه لیق اولوب غالب

خیال وصلیله بی طاقت و توان اولدی

 

اراده ایلدی بیرده گوره غریب آناسین

خیام طاهریه عاطف العنان اولدی

 

یارالی یوسفی یعقوب اثقلانی گوروب

کسوب گذرگهی بیر گوشه ده نهان اولدی

 

باخاندا خنجر خونخواره قان دوتوب گوزینی

که باغری قاننی توکماقدان اوتری قان اولدی

 

بولوب خیالین او آهن دلین سویا دوندی

بلند او دم دل خنجردن الامان اولدی

 

دگنده خنجر ایکی کتفنین آراسندان

آت اوسته منقلب احوال او نوجوان اولدی

 

یتن ووراردی او ناکامی قوللارین سالدی

عقاب بوینونا یوز خیمیه روان اولدی

 

زبسکه قان یارالاردان آخوب عقاب اوستن

یخلدی خاک سیه منزل و مکان اولدی

 

بلی بو رسمدی هر عاشق امتحان اولسون

اولوب حبیبنه محبوب امتحان اولدی

 

زبس علی آدینی ورد ایدوب دلینده (حقیر)

سبب بودور بو مطالبده نکته دان اولدی

 

مرحوم حقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

احوالات حضرت علی اکبر (علیه السّلام)

 

بلبل چو بوی گل ز نسیم صبا گرفت

آمد به نغمه باز ببین جا کجا گرفت

 

از سر گرفت زمزمۀ عاشقانه را

تا آشیانه در حرم آشنا گرفت

 

هر بلبلی بیاد گلی گریه می کند

شاید تواند از گل خود مدعّا گرفت

 

ما عندلیب گلشن عشق و محبّتیم

عشق است اختیار دل و جان ما گرفت

 

از مهر سرزند به دلت مهر معرفت

نازم دلیکه خوی به مهر و وفا گرفت

 

از ناله شور یافت دل بینوای ما

وز نی نوا گرفت و ره نینوا گرفت

 

ما سر به آستان حسینی نهاده ایم

کان شه به لطف دست ز شاه و گدا گرفت

 

گه روی خود به روی غلامش نهاد و گه

در روی زانویش سر فرزند جا گرفت

 

ز اکبر اگر گذشت حسین در ره خدا

اندر عوض ز خالق اکبر چه ها گرفت

 

اکبر که بود شبه پیمبر که طلعتش

آئینه وار عکس رُخ مصطفی گرفت

 

مهر سپهر مجد به آغوش خویشتن

مانند جان  تنِ پسرِ مه لقا گرفت

 

بالین شاهزاده بزد صیحه هفت بار

شیون دیار کرببلا را فرا گرفت

 

از شش جهت ز چار طرف ناله شد بلند

در بر دُرِ یگانه به قّدِ دو تا گرفت

 

آن سان بگفت واولدا را به کربلا

دور فضای غم سخن اکبرا گرفت

 

از فرط مهر روی به روی علی گذاشت

توشه ز حُسن آن رُخ احمد نما گرفت

 

در آخرین نفس سخنی شاهزاده گفت

ای دیده گریه کن دل از آن ماجرا گرفت

 

بابا کنون تو روی بگردان ز سوی من

زد صیحۀ که تابِ شه کربلا گرفت

 

زین دهر پنج روزۀ فانی ببست چشم

گلگون قبا قرار به ملک بقا گرفت

 

لیلا اگر نیامده بالین اکبرش

مرگ پسر توان و قرارش زپا گرفت

 

در کربلا عروسی اکبر مگر نبود

دستش ز خون ز بهر چه رنگ حنا گرفت

 

هان «منطقی» به ماتم اکبر بریز اشگ

از اشگ میتوان به دل و جان صفا گرفت

 

 مرحوم منطقی زنجانی

موضوع: حضرت علی اکبر (ع) احوالات ,
زبان شعر و شاعر: نوحه فارسی , منطقی زنجانی

 

------------

 

احوالات حضرت علی اکبر (علیه السلام)

 

دل دولوبدور غنچه تک قانیله دلدار آختارور

گوز بولود تک یاش توکور گُل یوزلی بیر یار آختارور

 

دیده ی شب زنده داریم صبحه تک اولدوز سایور

هریانا حیران باخور بیر ماه رخسار آختارور

 

چشمه ی چشمیمده وار بیر سرو قامت منظری

دل ویروب باش دیده دن بیر سرو رفتار آختارور

 

اوزگه لر اولسا سلامت یا گوزل گوز عاشقی

عشق بیماری همیشه چشم بیمار آختارور

 

تارِ عمریم بسته دور بیر نقطه ی خال لبه

گوزلریم بو نقطه نی مانند پرگار آختارور

 

ایلیوب تارِ دله تاثیر مضراب فراق

شوریله ایلور نوا بیر طُرّه ی تار آختارور

 

من شکسته قلبیله نورسته بیر گُل عاشقی

حیف اولا گُل گُلستاندا صحبت خار آختارور

 

آیریلان گوندن گُلیمدن باخمارام رنگ گُله

قان اولان گوگلوم نه گُل نه سیر گُلزار آختارور

 

نینوا دشتنده سالّام یاده بیر خندان گُلی

ایله بیر گُل گُلستانلار تا جهان وار آختارور

 

بیر قوجا قدّی بوکولموش باغبانی وار اونون

باغبانی اوز گُلین گُلزاریده زار آختارور

 

گُل نه گُل گُللر او نا عاشق، علی اکبر آدی

بیر اوغولسوز شه اونی میداندا آغلار آختارور

 

جور و بیداد مخالفدن شهنشاه حجاز

قوس قامتله نشان تیر اشرار آختارور

 

وای اوغول دلده، محاسن اَلده، گوزده خونِ دل

اوز جوان اوغلین آتا با چشم خونبار آختارور

 

گه گیدور، گه سَسلَنور ای نوجوانیم هارداسان

بُلموسن یالقوز آتان بیر یاور و یار آختارور؟

 

هارداسان، سَس ویر، سسون قربانی دوشدوم نطقدن

نخله ی عمریم سنون تک حاصل و بار آختارور

 

خیمه دن عرشه چخوبدور وا علیّا ناله سی

جدّیمون آئینه سین اولاد اطهار آختارور

 

چوخ دولاندی تاپدی آخِر باغبان اوز نوگُلین

بیر گُله مین خار گوردی قصد آزار آختارور

 

شه گوروب شهزاده نی بی اختیار آتدان دوشوب

کوفیان گوردی آتا، فرزند دلدار آختارور

 

قلبینون بندین قیروبلار، دیزلری گَلمور دورا

قلب عالم، طاقت دلبند مضمار آختارور

 

عین عین اللهی قانیاش دولدوروب درای کیمی

ایله بیر دریا همیشه ابر آزار آختارور

 

چشمه ی چشمی یوزه اشکین توکر باران کیمی

اوز عزیزین عزّت دنیا و دین خوار آختارور

 

دیزلری اوسته سوروندی شاهِ دین یِتدی قدم

گوردولر قلبی سینوب، جَبریله جبّار آختارور

 

تا یِتیشدی باغرینا باسدی داغیلمیش پیکرین

سسلدی دور، بو کمکسیز بیر مددکار آختارور

 

قویدولار یالقوز اوغولسوز من غریبی کوفیان

بو غریبین قتلینی قرخ مین جفاکار آختارور

 

بو منیم قانیمدی جسموندن رواندور سو کیمی

قانیمون سفگین عبث بو قوم خونخوار آختارور

 

من اوزوم اُلّم اگر بو قوم دون اُلدورمَسه

قتلیمه بی جا سپاه کینه اصرار آختارور

 

ای (حسینی) خوش اثردور سوزلرون سندن صورا

صاحب علم و هنر عالمده آثار آختارور

 

ارزش اشعاروی با فضل شعر اهلی بُلر

شخص دانشمند و فاضل بیله اشعار آختارور

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات جناب حضرت علی اکبر (علیه السلام)

 

آتدان دوشن ده اکبر گلگون قبا یره

شان و شرفده غبطه آپاردی سما یره

 

معناده گَلدی عرش خدای جلیلدن

زهرا و مرتضی و رسول خدا یره

 

یاسین تلاوت ایتماقا یاسین شبیهینه

اَگلَشدی باشی اوسته شه هَل اَتی یره

 

جان اوسته گوردی قبله ی اصلی اوز عکسینی

دوندردی سالدی قبلیه، آخدی دِما یره

 

سرمشق ویردی لیلیه زهرا فغانیله

افلاکیدن یتوردی ملک لر نوا یره

 

بیرده آتاسی گَلدی اوغول نعشی اوستونه

گوردی دوشوب یارالی او اعظم فدا یره

 

باشی قلجلانوبدی جفائیله، گوئیا

کحراب کوفه ده یخیلوب مرتضی یره

 

بیر دسته آتشی گُله بنزور یارالاری

اوراق ایدوب توکوبدی نسیم صبا یره

 

اعضاسی برگ گُل کیمی میدانی دولدوروب

قانی بغیشلیوب اثر کیمیا یره

 

بیر کیمیادی قلبِ مِسه مسح ایده اگر

سویلر باخان دوشوبدی اَرینمیش طلا یره

 

نه باشدا وار نه سینه ده بیر قطعه صاف یری

اهل جفا ووروبلا یارانی یارا یره

 

تیغیله آیریلوبدی بدن اِرب اِربدن

کفّارِ کوفه جسمین ایدوب توتیا یره

 

گورجک بو حالی چخدی اوزیندن غریب امام

بی اختیار آتدان اوزین سالدی تا یره

 

یِتدی قدم سوروندی، یِتوب قانلی نعشینه

مظلوم اوغول یانندا اوتوردی آتا یره

 

یِردن گوتوردی قویدی دیزی اوسته باشینی

توکدی دُرِ سرشکینی میرِ هُدا یره

 

دیندیردی، گوردی دینموری، ضعف عالمینده دور

قانی آخور یارالارینون برملا یره

 

بیر گوزلرینی بیرده سیلوب قانلی دیشلرین

بیگانه گوردی، قویدی باشین آشنا یره

 

یعنی یارالی باشین اورک باشینه باسوب

قویدی دوباره پادشاه کربلا یره

 

سالدی اوزین جنازه سی اوسته فغانیله

یوخدور علاجی گوردی گَلور بیر رجا یره

 

قویدی یوزین او قانلی یوزه چَکدی آهِ سرد

اود یاغدیروب او سرد نفسدن هوا یره

 

بیر صیحه چَکدی، آغلادی، سسلندی وای اوغول

هانسی خطالی اَل سنی یخدی بالا یره

 

ای گوزلریم ضیاسی، گوزون من فداسی دور

سنسیز دوشوب گوزیمده کی نور و ضیا یره

 

من دل شکسته نین اَلینه سَن عصائیدون

قدّیم بوکولدی، دوشدی اَلیمدن عصا یره

 

هر اوخ سنه ووروبلا منیم باغریمی دَلوب

بو قان منیم قانومدی توکوب اشقیا یره

 

ناز ایلوسَن منه سسیمی یا ایشیتموسَن؟

جسمون تیکوبدی خنجر و شمشیر یا یره

 

گیرم دورانموسان اَیاقا باری آچ گوزون

قلبیم سینوب، سوزوم دوشه اولما رضا یره

 

ای نوجوان قوجاتدی جوان اُلماقون منی

لایق بو سرو قدّیوی گوردی قضا یره

 

توپراقلار اوسته ایسّی ده یاتما یارالی سان

دور حمل ایدوم جنازه وی بیر با صفا یره

 

قلبیم دولوبدی قانیله ای مایه ی حیات

توکسون گرک بو قانی خدنگ جفا یره

 

پیغمبر اوغلی آغلادی، آغلاتدی دشمنی

ووردی عمامه سین او زمان مصطفی یره

 

قلبین بوشاتدی، دوردی اَیاقه فسرده حال

سالدی عبانی خامس آل عبا یره

 

یخدی عبایه قطعه به قطعه جنازه سین

ووردی فضای صبریده عالی لِوا یره

 

آغلار گوزیله سسلدی فِتیانِ هاشمی

جمع اولدولار او مجمع داد و بُکا یره

 

بیر نحویله گوتوردوله صد پاره جسمینی

مَخیَمده تا سالندی او فرش عزا یره

 

اهل حرم توکولدوله، ناگه نه گوردولر

فرش ایلیوبله شورش روز جزا یره

 

مظلوم آتا دوروبدی اوغول نعشینه باخور

اشکین توکور او آئینه ی حق نما یره

 

آغلار گوزیله زلفی پریشان مخدّرات

اَگلشدی گوزده گوز یاشی، دلده نوا یره

 

بعضی اوپوب یارالارین ایلردی آه و زار

سسلردی قویما صورتون ای مَه لَقا یره

 

بعضی او دسته ی گُلدن ایدردی کنار خار

بلبل کیمی سالوردی فغان و نوا یره

 

گَلدی هامی، آناسی ولی گَلمدی، دوشوب

بی هوش خیمه لرده او بی اقربا یره

 

امر ایلدی امام چخاتسونلا لیلینی

گَلسون اودا او منطقه ی ابتلا یره

 

قولتوقلارینا گیردیله لیلانین اهل بیت

گَلدی او لوح دلده کی ما یُرتَجی یره

 

امّا نجه که گه یخیلوردی، دوراردی گاه

گوزدن توکردی گوهر عالی بها یره

 

گَلموردی دیزلری، سورونوردی اَیاقلاری

دَگموردی خطِّ مَشّیده بِالمرّه پا یره

 

گَلدی یِتیشدی تا که اوغول نعشی اوستونه

گوردی او بینوا دوشَنوب بیر عبا یره

 

امّا نجه عبا، دولودور قانلی عضویله

هر عضو اوز یرینده دوشوب جابجا یره

 

مانع اولوب حیا، باشی اوسته اوتورمادی

پائین پاده اَگلَشوب اول بینوا یره

 

اوز سینه سی آراسینا باسدی اَیاقلارین

ناکام اوغول یانندا دوشَندی آنا یره

 

اوّل او قانلی چکمه لرین خارج ایلدی

اشکیله یازدی رمزاً او کانِ حیا یره

 

شهزاده لر گَلنده سفردن کنیزلر

بو رسمیدور جلوس ایدر ای با وفا یره

 

شهزاده چکمه سین چخادار مهربان کنیز

یورقون گَلوب، یِتیشمَسون امری رخا یره

 

منده سنه کمینه کنیزم اوغول علی

لازمدی نقش بند اولا بو ماجرا یره

 

اُلسون آنان، اوغولسوز آنان تاب ایدر مگر

دوشسون بیله یارالی بو قدّ رسا یره

 

دور گور نجه قیام قیامت قیام ایدوب

خون دلین توکور حرم لافَتی یره

 

ای نسل مصطفادن اولان اوّلین قتیل

عطشان دوشن یارالی فدا تک منا یره

 

مستخدمون (حسینی) بُلورسَن مریض دور

لطف ایله تا اوزین سالا خاکِ‌ شِفا یره

 

مرحوم حسینی سعدی زمان

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابراهیم و اسماعیل (ع)

و گریز به احوالات حضرت علی اکبر (ع)

 

مقام خلته بیجا یتشمیوبدی خلیل

ایدوب خلیلی عجب امتحان خدای جلیل

 

بلوندوروب جبروت اهلنه بو اسراری

که مندن اوزگه خلیلین اورکده یوخ یاری

 

عبث خلیله خدا ویرمیوبدی بو جاهی

خلیل دلدن آتوب فکر ماسواللهی

 

یازولا سگز ذی الحجه لیله سینده خلیل

یاتوب گوروب یوخودا امر ایدور خدای جلیل

 

خلیل اولماز ایکی حب بیر دله جاگیر

برینی آتماسان اصلا دگل علاج پذیر

 

محبتون بیزه وار قویموسان آدوی خلیل

نقیض خلت اولور اولسا حب اسماعیل

 

گرگ بو قیددن اوز فکروی رها ایده سن

مجتیمده منیم، اوغلوی فدا ایده سن

 

اویاندی صبح زمانی خلیل ایدوب تردید

قالوبدی ترویه آدی گیجه اولوب تجدید

 

یاتوب صباح گیجه نی فکریله بقلب سلیم

گنه همان ایشه مامور اولوبدی ابراهیم

 

اویاندی شکی گیدوب یتدی ظنی حق طرفه

بلوب که امر خدا دور آدی قالوب عرفه

 

چاغوردی محضرینه هاجری بیوردی خلیل

صباح خلیلیمه مهماندی اوغلوم اسماعیل

 

ایدوب زیارته بیر دوست اوغلومی دعوت

لباسینی عوض ایله بالاما ویر زینت

 

او بزمه گیتمیه اوغلوم گرک حقیرانه

گوزینه سرمه چکوب ایله زلفنی شانه

 

سیاه طره سینه عطر وور معطر ایله

نقدر گلسه الوندن بالاما زیور ایله

 

ذبیحینی گتوروبدور همان گیجه هاجر

قویوب برابره کامنجه ایلسون زیور

 

خیال ایدوب که اوغول زلفین ایلسون شانه

سو سپدی اشکیله اول زلف عنبر افشانه

 

ال آتدی زلفینه شوقیله پیچ وتاب ویره

دوتوبدی اللرینی رعشه شانه دوشدی یره

 

دیدی فدا سنه ای نوردیدۀ هاجر

اوغول سبب ندی بلمم نیه الیم تیترر

 

ووراندا زلفوه شانه الیمده شانه دونر

گوروب خمیده قاشون قامتیم کمانه دونر

 

گوزون فداسی کنار اولما بو گیجه مندن

مشام جانه گلور آیرلیق ائیی سندن

 

اوغول گیدنده قوناق رسمدور آنا سوونور

منیم ولی اوره گیم بلمورم گینه دوگونور

 

چکنده گوزلروه سرمه ای گوزوم نوری

آخور گوزوم یاشی تبدیل ایدور غمه سوری

 

گورور اوره ک گوزی هاجرده بو قضایانی

مجسم ایلوری مد نظرده لیلانی

 

باخاندا هاجره لیلا گورور دل بینا

دیور گوزیمدن آخان اشک چشم وای لیلا

 

دگلدی مطلبه آگاه بینوا هاجر

صباح فدا اولاجاق اولجوان مه پیکر

 

ورندا زلفنه شانه گنه اسردی الی

بیله قیاس اولی لیلایه هاجرین عملی

 

بلوردی لیلی صباح اولسا اوغلی دوغراناجاق

شرار هجرله بر عمر قلبی اودلاناجاق

 

فقط بر اوغلیدی امیدی قوم و قارداشدان

اودور که گوز یاشی طوفان ایدوب آشور باشدان

 

بو فکریله اولا لنگر سنق سفینه سنه

باسور جوان اوغولین باشین اودلی سینه سنه

 

چوخ ایستورم که دیم اول گیجه نه عالمیدی

دینمورم ولی چون حشرگاه اعظمیدی

 

آنا بلوردی صباح اوغلنون شهادتیدی

اوغول بلوردی آنانون صباح قیامتیدی

 

نچکدی لیلی بیچاره شرح اولونسا اگر

قالار وقایع حال ذبیحیله هاجر

 

گرگ تعاقب ایدم باشدا کی قضایانی

ویرم تمامه قضایای عید اضحانی

 

اوگیجه صبحه کیمی عارضینده اشک بصر

الینده شانه ایدوب زیور اوغلونا هاجر

 

آچیلدی صبح ایدوب هاجره خلیل خطاب

اولور بوگون منه لازم اولا پچاق و طناب

 

پچاق آدی ایشدنده آنا اولوب بیتاب

دیدی قوناق گیدنه نه لزوم کارد و طناب

 

جواب ویردی خلیل خدا که ای هاجر

وار احتمالی شکاره ایشیم اولا منجر

 

شکارین ال ایاقین باغلارام طنابیله

باشین پچاقیله ذبح ایلرم شتابیله

 

گتوردی کارد و طنابی آنا ایدوب تسلیم

گوتوردی اوغلونی اولدی روانه ابراهیم

 

اوغول گیدردی منایه طرف وقاریله

آنا باخاردی دالنجا چوخ انکساریله

 

باخاردی قالب بیروح تک او بیچاره

آخاردی خون دلی گوز یاشیله رخساره

 

خیال ایدردی گر اوغلوم ضیافته گیدیری

ندن قدم بقدم گوز یاشیمی قان ایدیری

 

گنه حصار دلی لشگر ملال آلدی

بو قصه اکبر و لیلانی یادیمه سالدی

 

گیدنده رزمگهه مظهر رخ طه

نحاله قالدی بله بلمورم خانم لیلا

 

اوره ک گوزوم گوروری حالینی ولیک قلم

ایدنموری اورگیمده اولان مقامی رقم

 

بیرینی ایتمسه لیلا محبتی مجنون

نجه بولر ندی معنای حسن روز افزون

 

آنا گورنده قتاله طرف جوانی گیدور

او حاله قالدی گورن فرض ایدردی جانی گیدور

 

جوان اوغول قد رعناسینه سالوبدی کفن

باخان او حاله دیر برفیله دولوب گلشن

 

ولی بهار و خزان جمع اولوبدی گلشنده

گورنمیوب ایله ضدین اولا برازنده

 

ایدوبدی سرو قدین برف تک کفن مستور

یوزی بهار تک ایلر باخان گوزی مسرور

 

هوانون ایستیسی رخسارینه دوزوبدی عرق

یوزی قزل گله بنزر آچوب ورق به ورق

 

گون ایستیسیندن آچوب صورتی ایکی لاله

گل اوسته شبنمه بنزور دورب تری ژاله

 

دوداقلاری قورویوب کثرت حرارتدن

سالوب عطش گل رخسارینی طراوتدون

 

آناسی شانه ویروب زلفینی ایدوب پرچین

نه زلف مشگ خطا دور عبیر از فرچین

 

جسارت اولدی دیدیم من اوزلفه مشک خطا

اوزی بغشلسه اکبر بغشلنر بو خطا

 

باخان او طره مشکین و زلف پرچینه

حیا ایدر باخا مشگیله عنبر چینه

 

او آغ کفن او قرا زلف ایله خوشن یاراشور

قرار و صبرین آلور هر کیمون گوزی ساتاشور

 

او صورتیکه باخان گوزلرین قرارین آلور

تصور ایت آنا باخدوقجا گورنه حاله قالور

 

گورور ملاحتینی قلب زار و مجروحی

اورکده سوزش ایدور زخمی اودلانور روحی

 

دیور دایان دور علی گیتمه برده عطرون آلوم

باشوا بر دولانیم بوینوا قولومی سالوم

 

آتان ویروبدور اجازه دینمرم گیتمه

غریب آنان ولی بالمره بیله ترک ایتمه

 

دایان دویونجا گوروم گل یوزون گیدیرسن گیت

تکلم ایت ایشیدوم برسوزن گیدیرسن گیت

 

بولنمورم نجه شهزاده آیرلوب گیتدی

بوقدر وار که یخلدی آناسی غش ایتدی

 

مین ایل یازانلار اگر یازسا صبر لیلادن

محالدور اولا معلوم قطره دریادن

 

جوانی گیتسه الیندن آنا ئولر ئولمز

بونی جوان بالاسی ئولمین آنا بلمز

 

سوزی مخلص ایدوم بحثه اولماسون منجر

نه چکدی لیلی بیچاره بیر بولر هاجر

 

مرحوم حسینی سعدی زمان 

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

شجاعت و احوالات حضرت علی اکبر (علیه السلام)

 

چو عزم رزم ایدوب اول شیردل غضنفر تک

قدم رکابه قویوب حیدرانه حیدر تک

 

عقاب اوسته آچوب شاهباز تک پر و بال

خدنگ تیر و کمانی ، سنانی شهپر تک

 

نهال قد دل آراسی تک ، النده سنان

کمان ابروی مژگان ، خدنگ خنجر تک

 

کمند زلفنی چین چین ایدوبدی دورت شقه

دوتوبدی دورت طرفی بوی مشک ، عنبر تک

 

ویروب قباقجه بیر دسته پیش جنگ قرار

دوزوب یمین و یساره سواره لشکر تک

 

دالندا دسته زلفی اولوب سر افکنده

علی دالندا بعینه غلامی قنبر تک

 

یوزی صحیفه قرآن ، خطی کلام الله

ایکی طرفده سیه زلفی خط مسطر تک

 

متانتیله خرام ایتدی سمت میدانه

آت اوسته قامت رعناسی بیر صنوبر تک

 

یتوب او عرصه ده بیر گردش ایتدی چون پرگار

دایاندی مرکز میداندا قطب محور تک

 

جدایه تکیه ایدوب لحظه ای دوروب خاموش

ثباتی کشتی بحر بلایه لنگر تک

 

حصار جسمی ویروب سد آهنین ترتیب

برابر صف یاجوجده سکندر تک

 

علی یوزونده پیمبر جمالنون نوری

تجلی ایتدی او دم آفتاب انور تک

 

دوشوب تحیره لشکر سکوت حالنده

تمام عرصه حیرتده مات ششدر تک

 

شل اولسون اللریمیز گر قلج چکاق یوزینه

اگرچه شعله چکه برق تیغی آذر تک

 

بولوب عقیده قومی خطاب قیلدی عمر

بو نوجوان گوروسوز صورتا پیمبر تک

 

خیال ایلمیون سیز پیمبرون اوزیدور

اولوبدی جدینه بنزر جمالی مظهر تک

 

دگل رسول ، حسینون علی اکبری دور

شجاعتیله صلابتده شیر داور تک

 

نه دورموسوز بو جوانی چهار جانب دن

ایدون احاطه جماعت محیط اخضر تک

 

قلج ووران اوخ آتان دسته دسته حمله ایدون

ورون ، یخون یره رعنا قدون صنوبر تک

 

سنان و نیزه و شمشیر و تیر و خنجریله

تکه تکه بدنون دوغریون گل تر تک

 

اونون جمالینی قانیله ایلیون گلگون

که سرخ رو گیده بزم نگاره دلبر تک

 

ویریلدی لشکره تا ابن سعددن فرمان

صدای کوس اوجالوب هایهوی لشگر تک

 

گلوب تلاطمه دریای غیرت علوی

قزاردی رنگی غضب دن طلای احمر تک

 

آچوب فصاحتیله لعل گوهر افشانون

توکوب لعآلی دری کلامی گوهر تک

 

نه سس سسه ویروب ای قوم قیل و قال ایدوسوز

نه بیر بیره قاریشورسوز زنان و دختر تک

 

هانی او لاف گزاف ایلین دلاورلر

گله مبارزته فارس هنرور تک

 

حرام اولا سیزه غیرت ، گرک نهان اولاسیز

بو غیرتیله پس پرده ده مخدر تک

 

شجاعت اولسا اگر بیر کسون وجودینده

چخار اودا قویولاندا عیاردن زر تک

 

بو کثرت ایچره اوزوم تک، بو قوم و لشکردن

گوروم بو یرده دوران وار بو تک دلاور تک

 

دایاندی یرلی یرینده ، چو قالب بی روح

نه حس ،و نه حرکت ، صورت مصور تک

 

گورنده حالت قومی نبیره حیدر

دولاندی حالتی خشمه گلوب غضنفر تک

 

ووروب عقابه چپ و راستدن ایله مهمیز

گلوب او دم تک و پویه عقاب صرصر تک

 

اوجاتدی معنی الله اکبری اکبر

ال آتدی قائمه ذوالفقاره حیدر تک

 

یوزی گوزی قیزاروب منتهای غیضندن

ایدردی، حمله او حالیله ضیغم نر تک

 

بسان مور و ملخ ایلدی پراکنده

جناح قلب داغلدی یمین و ایسر تک

 

علم یاتوب ، پوزولوب دسته لر، قشون سیندی

داغلدی رشته نظم و نظامی صفلر تک

 

ویروب او دشتده ترتیب کشته دن پشته

بیر بیر اوسته دوشوب سرنگون بدن سر تک

 

علی الینده ظهور ایتدی سطوت علوی

یهود قومینه رزم قتال خیبر تک

 

اولاندا بارقه هر فرقه برق شمشیری

بولردی راکب و مرکوبی عمر عنتر تک

 

ایدوب او عرصه نی اعدایه حوزه عرصات

مجسم اولدی نظرلرده هول محشر تک

 

قالاندی تل کیمی نعش لر ، ایدوب مسدود

فرار ایدنلره راه فراری معبر تک

 

فضای دشت چو دریای خون اولوب مواج

او قان ایچینده بدنلر نگون شناور تک

 

قیلوب قلوب سپاه مخالفی تسخیر

باباسی بدرده منصور اولان مظفر تک

 

گلن خیالیمه الدن قراریمی آلدی

خیالیمی ایدوب آشفته زلف اکبر تک

 

نوای ناله نی ، ناله دن دایاندی ، دله

ایدر اثر رگ و جانه زبان نشتر تک

 

قلم دایاندی الیم تتردی ، دوتولدی دلیم

دولوب ملالیله قلبیم، دل مکدر تک

 

شهادتی دله گلمز دیسم دلیم یانسون

اوزوم بو اوددا یانام سهلدور سمندر تک

 

که قورخورام اورگیمده بیر اود زبانه چکه

یانا الیمده کی خامه (حقیر) دفتر تک

 

نه پیر دهر گوروبدور نه مادر ایام

جوانمرد هنرمند علی اکبر تک

 

مرحوم حقیر خویی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حقیر خویی

 

------------

 

در احوالات حضرت علی اکبر (علیه السلام)

 

چون علی حق پرست عشق خوی

سوی معراج شهادت کرد روی

 

درره عشق حسینی آن پسر

پرزسودا بود ازپا تا بسر

 

خالی ازخود گشته پرزان شاه بود

ازرموز عشق خوب آگاه بود

 

درسرا پای علی غیر ازحسین

جلوه گردیگرنبد ای نورعین

 

آری آری آن ولی حق پرست

بود ازسرخیل عشاق الست

 

مست بود از خم عشق آن ذولباب

کرد ایثار ان سرو جان با شتاب

 

جزو آن کل بود و کل را آیینه

که بجز کل اندراو پیدای نه

 

نایب احمد شه آفاق بود

درهمه خوبی چو آن مه طاق بود

 

از پدر اذن جهاد آندم که یافت

شد سوارو جانب میدان تاخت

 

جانش از عشق الهی ذوق داشت

یاد مام و عمه ازخاطرگذاشت

 

 مرحوم عنقای تهرانی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه فارسی , عنقای تهرانی

 

------------

 

عزم میدان حضرت علی اکبر (علیه السلام)

 

یک گل زگلزار حسین دربزم جانان میرود

ازبهرجانبازی حق اکبربه میدان میرود

 

چون دید بابش بی معین گردیده درآن سرزمین

بهرقتال مشرکین با لعل عطشان میرود

 

آن سرو قد نوجوان چون شد بسوی دشمنان

بابش بدنبالش روان  با چشم گریان میرود

 

جان پدربود آن پسربا چهره همچون قمر

گویی که درچشم پدرآن جسم چون جان میرود

 

آن اکبرفرخنده خو آن گلعذارمشکبو

برعزم هیجا با عدو چون شیرغران میرود

 

ازقبه کرببلا ارآن بود عرش خدا

فریاد آل مصطفی تا عرش رحمان میرود

 

(طوطی) بکن ورد زبان برعارفان حق بخوان

یک گل ز گلزار حسین دربزم جانان میرود

 

 مرحوم طوطی همدانی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه فارسی , طوطی همدانی

 

------------

 

رجز حضرت علی اکبر(ع)

 

جانینه مشتاق اولان دیدار جاناندان گیچر

مایل جانان اولان مین شوقیله جاندان گیچر

 

دگسه گر اندامینه شمشیرو تیغ جانستان

خوف قیلمازگلشن جان برق و باراندان گیچر

 

حسنیدن اوتری اولوب غواص عشقیم غوطه ور

وهم ایتمز یوزبیله دریای عماندان گیچر

 

بیر محکدورامتحان کفرو ایمانچون حسین

کفرقوخمازاول سببدن نورایماندان گیچر

 

پرتو خورشید حربادن سوروش تا شرح ایده

دیده ی خفاشیان چون مهررخشاندان گیچر

 

ایلیون انصاف ای سفیانیان دنیاده هیچ

عالم کامل اولانلارشاه مرداندان گیچر؟

 

آفتاب عرش اکبرشبه پیغمبر منم

طالب دیداراولان لازیمدی که جاندان گیچر

 

ارثیدوررسم شجاعت بیزلره ای قوم دون

گله روباهیان ضرغام غراندان گیچر

 

بیرمبارزایستورم میدانیمه قویسون قدم

طالب میدان اولان مرآت سبحاندان گیچر

 

غیظیله وورسام قلج دعواده ای قوم لعین

ضرب  تیغیم هفت آبا چار ارکاندان گیچر

 

صیدگاه رزمیده شهبازیم آچسا شهپری

طایر نسرین فگاریم اوج کیواندان گیچر

 

نیزه خون ریزی چوخ ایتمون هوایه سیز بلند

شیرمیدان رشادت چوخ نیستاندان گیچر

 

عندلیب عشقه ایتموش حسن گل هردم حضور

رسمیدورزاغ و زغن باغ و گلستاندان پیچر

 

منبع نظمیندن آخموش (قدسنون) آب روان

قمری شیرین سخن سرو خراماندان  گیچر

 

مرحوم قدسی قفقازی

منبع کانال گنجینه گذشتگان

موضوع: حضرت علی اکبر (ع) احوالات ,
زبان شعر و شاعر: نوحه ترکی , قدسی قفقازی

 

------------

 

حضرت علی اکبر (ع)

 

روزی اندر دشت مجنون می گذشت

آهوئی بگرفت صیّادی به دشت

 

بهرِ این کز لَحمِ آن آهو خورد

خواست صیّادش که از تن سر بُرَد

 

حالِ آهو را چو آن مجنون بِدید

در برِ صیّاد ، چون آهو دوید

 

خویش را در پای صیّاد اوفکند

دستِ او بگرفت و گفت آن مستمند

 

گر تو را بر قتلِ این آهوست خوش

پیش از این آهو ، مرا اوّل بکُش

 

این بگفت و آنقدر مجنون گریست

کز غمش صیّاد ، چون جیحون گریست

 

گفت صیّادش که ای شوریده حال

هست مِهرت از چه رو با این غزال؟

 

چون ز صیّاد این سخن مجنون شنید

از جگر سوزنده آهی برکشید

 

گفت آهو را ندارم از چه دوست

که شبیهِ چشمِ لیلی چشمِ اوست

 

چون محمّد بود وجهِ ذوالجلال

وآن علی اکبر شببهش در جمال

 

داشتی زان رو حسین بن علی

با جمالِ آن پسر عشقی جَلی

 

روزِ عاشورا چو هنگامِ قتال

در کفِ صیّاد افتاد آن غزال

 

خواست چون صیّاد قتلِ آن پسر

همچو مجنونش حسین آمد به سر

 

گفت ای صیّاد از بهرِ خدا

این غزالم را مکُن از من جدا

 

هین مکُش او را که او جانِ من است

زانکه حُسنش حُسن جانانِ من است

 

دان که عشقِ من از آن بر روی اوست

که بُوَد رویش شبیهِ روی دوست

 

وجهِ او مرآتِ نورِ سرمد است

صورت و سیرت ، شبیهِ احمد است

 

هین مکُش او را که این با قدر و شان

از نبی و از ولی دارد نشان

 

در سخن گفتن لبش جان پرور است

منطقش چون منطقِ پیغمبر است

 

روی او چون شبهِ روی مصطفاست

در نظر رویش مرا روی خداست

 

آری آری قومی که صاحب دیده اند

جلوهء حق را ز مجلا دیده اند

 

آنکه بودش روی حق هر سو پدید

روی حق جز روی پیغمبر ندید

 

دید حق را از نبی با چشمِ پاک

آنکه عمیت گفت عین لا تراک

 

زانکه صاحب دل خدا را بی گمان

در زمین جوید نه اندر آسمان

 

هر که در دنیا جمالِ حق ندید

کی شود در آخرت بر وی پدید

 

می نفرموده است یزدان آخرت

کورِ دنیا هست کورِ آخرت

 

حق کسی گوید که رو بر حق نمود

پشت بر حق را زِ حق گفتن چه سود

 

مظهرِ حق نفسِ انسانی بُوَد

زانکه انسان عرشِ رحمانی بوَد

 

او چو از خود سوی حق در کرده باز

من رآنی قد رأی الحق کرده ساز

 

نارِ موسی زین شجر دارد بروز

شعله ای زین نار بر خود برفروز

 

کو چو حق را از وجودِ خود بِدید

از تو حق را بر تو می آرد پدید

 

چون تو را آن بینش اندر دیده نیست

تا ببینی حق در اشیا دیدنی ست

 

از شموسِ معرفت جو این نظر

ز آفتاب آن جلوه در اشیا نگر

 

الغرض نفسی که شد با دوست ، دوست

دوست دارد هر که را همنامِ اوست

 

هست تا مجنون زبانش در دهان

برنیارد نامِ لیلی بر زبان

 

آری آری شیعهء صاخب خِرد

کی به لب نامِ علی را بد بَرد

 

کانچه منسوب است در عالَم به دوست

خواست باید ، گر چه خاکِ کوی اوست

 

هست زین رو عاشقِ روی حسین

سجده اش بر تُربتِ کوی حسین

 

مر ضریحش هست طایف روز و شب

گر چه نبود آن ضریحش جز خشب

 

چوب را نسبت چو پیدا شد به دوست

بوسه دادن چوب را از بهرِ اوست

 

اسمِ او را نسبت از چوب است بیش

با جنابش گر گشایی چشمِ خویش

 

گر ز نسبت چشم پوشی جاهلی

بر سر انصاف پا اینجا هلی.

 

فؤاد کرمانی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه فارسی , فواد کرمانی

 

------------

 

 شاهزاده حضرت علی اکبر (علیه السلام)

 

بو جوان کیمدورالهی یکّه و تنها گلور

مرد مردانه بیله میدانه بی‌پروا گلور

 

حاش‌لِلّه اولمیوب اولماز بشرده بوجمال

محو اولور نور جمالیندن بونون عقل و خیال

گوستروب خلقه بونیله اوز جلالین ذوالجلال

آیۀ حُسن المآبه احسن و طوبی گلور

 

اوج ایدر عرشه یوزوندن لَمعه لَمعه نور حق

آیۀ نوره حقیقتده بودور منظور حق

یا گلوب واد مقدّسده ظهوره طور حق

طور سینایه مناجاته چخوب موسی گلور

 

بیز بوگون دوتدوخ حسینه عرصه‌نی بیر نوع تنگ

ایلدوخ کرب و بلا دشتین قزل قانیله رنگ

مطلقا دوردومجی گُویدن ایلیوبدور عزم جنگ

ایتماقا نصرت حسینه حضرت عیسی گلور

 

یا ایدوب رجعت بوگون دنیایه ختم الانبیا

ایلیه اوغلی حسینه کربلاده جان فدا

تاج سبحانَ الّذی اَسری باشندا مصطفی

آیۀ اجری ایده تفسیر ذی‌القربی گلور

 

هاشمیلرده اگر چه حُسن چوخ تکمیل‌دور

بیر به بیر انوار حقّه مرکز تأویل دور

بو جوان آیا یوزوان دورت سوریه تنزیل دور

قلب قرآن مُبین یاسینیله طاها گلور

 

مصحف خطّنده قرآن خط بخط تحریردور

«کاف‌ ها یا عین صاده» مصدر تفسیردور

مین دلیلیله وجودی آیۀ تطهیردور

سورۀ «والشَّمسه» تحت اللّفظده معنی گلور

 

گوردی سعد اوغلی قوشوندا وار بیراؤزگه انقلاب

رعشیه دوشدی وجودی قلبی دوتدی اضطراب

ایلدی اول بی‌حیا قومه بو نوعیله خطاب

ایمدی ایش ایشدن گچوب عقبا گیدوب دنیا گلور

 

‌اشتباهه دوشمیون ای قوم بی موسی دگل

گلمیوب دوردومجی گؤیدن حضرت عیسی دگل

شبه دور پیغمبره یاسینیله طاها دگل

وارث رَفرَف سوار لَیلَۀ‌الاسری گلور

 

ایجماعت نورچشم مصطفی اکبردی بو

حُسن صورتده رسول‌اللهه چوخ بنزردی بو

خَلقده هم خُلقده منطقده پیغمبردی بو

تشنه‌لب اوغلی حسینون عزم ایدوب دعوا گلور

 

سیزده دعوایه آچون اَل ایلیون جنگِ عظیم

اُمَّهاتِ اربعه اولسون بو دعوایه عقیم

پاره‌پاره دوغریون جسمین اَیا قوم جَهیم

باش آچوب زینب دیسون لیلایه واویلا گلور

 

قامت موزونی بنزر آهه لفظ عامیله

آهی تشبیه ایلیو حرف اِلاهه لامیله

لام عبارت ذوالفقاریندندی بیله نامیله

باشدا تشدید اولسا عین‌الله اولور پیدا گلور 

 

 مرحوم طوری 

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , طوری

 

------------

 

در شهادت حضرت امام رضا (علیه السلام) و

گریز به شهادت حضرت علی اکبر (علیه السلام)

 

یوزین قویوب قوری توپراقه چوخ ملالیله

دیردی درد دلین بو زبانحالیله

 

چخوبدی عرشه فغانیم اوغول جواد ئولورم

یتوب دوداقیمه جانیم اوغول جواد ئولورم

 

ویروبله زهر جفا اود دوتوب یانار جگریم

واریمدی درد نهانیم اوغول جواد ئولورم

 

اَلیم ئورکده، یوزیم یرده، گوزلریم قاپودا

اولوبدی ورد زبانیم اوغول جواد ئولورم

 

ئولنده گَل یوزیمی باری قبلیه دوندَر

یوخومدی کیمسه گمانیم اوغول جواد ئولورم

 

ئوزوم غریب، یانیمدا باجیم عیالیم یوخ

وطن دگُل بو مکانیم اوغول جواد ئولورم

 

اَسوب سموم ستم سولدی گلشن عمریم

یاخونلاشوبدی خزانیم اوغول جواد ئولورم

 

قویوب جفائیله مامون بالالاریمی یتیم

گُل اوزلی تازه جوانیم اوغول جواد ئولورم

 

ودایع نبوینی گَل ایلیوم تسلیم

قالا یانوندا نشانیم اوغول جواد ئولورم

 

یانیمدا یوخ گوزیمی باغلیان غریبم اوغول

فراقه یوخدی توانیم اوغول جواد ئولورم

 

منی ایدوبدیله جدّیم حسین کیمی مظلوم

دوروب دوداقیده قانیم اوغول جواد ئولورم

 

دیوب بو سوزلری مظلوم امام اولوب بیتاب

گَلوب جوانی باشی اوسته ویردی بیله جواب

 

سرشک توکمه عذاره بابا دیمه ئولورم

جواب ویر بو فکاره بابا دیمه ئولورم

 

گوزیوی آچ گله آغلار گوزین فداسی اولوم

یوزیمه ایله نظاره بابا دیمه ئولورم

 

غم فراقیله قلبیم یانوب نه مدّتدور

بو قلبه سالما شراره بابا دیمه ئولورم

 

مدینه دن سسون آلدیم فغانیله گَلدیم

باخ عارضیمده غباره بابا دیمه ئولورم

 

یوزیوی توپراقا قویما، گوتور باشون یردن

آلوم باشیوی کناره بابا دیمه ئولورم

 

بو نوعیله اوره گون باشینی اوغوشدورما

غمون دور ایله شماره بابا دیمه ئولورم

 

آنام باجیم بیبیم آغلار، بابا یولون گوزلر

ندور عیالیوه چاره بابا دیمه ئولورم

 

سولوبدی گُل کیمی رنگون گورر یتیم اوغلون

فغان ایدر چو هزاره بابا دیمه ئولورم

 

غریب جانیوه قربان اولوم آز آغلا بابا

گوز آچ اماندی دوباره بابا دیمه ئولورم

 

پوزوبدی حالیمی بیحد بو پوزقون احوالون

ترحّم ایله بو زاره بابا دیمه ئولورم

 

دیوب باباسنا بو سوزلری امام جواد

عذاره گوزیاشی جاری ایدوب، چکوب فریاد

 

غریب طوس آچوب گوز گوروب جوان اوغلین

باسوبدی جان کیمی آغوشه اول زمان اوغلین

 

سالوبدی بوینونا قول، گَلدی مرغ دل هوسه

آتا بالا ایکیسی ویردیلر نفس نفسه

 

گریز به شهادت حضرت علی اکبر (علیه السلام)

 

ئولونجه وار یری گَلسم فغان و فریاده

الهی بو نه گوزل آرزودی دنیاده

 

قوجا آتا آچا گوز جان ویرن زمانینده

جوان اوغول گوره یارب دوروبدی یانینده

 

اورکده نسگلی قالماز گیدر غمی او زمان

باخار جوانینه جانانه جان ویرر آسان

 

بونون برابری مافوق بلکه نسگلدور

بو مطلب عکس اولا هر بیر آتایه مشکلدور

 

قوجا آتا گوره جان اوسته نوجوان اوغلین

قالار نه حاله آتا گورسه اول زمان اوغلین

 

حسین نه حاله قالوب بُلمورم، خدا بُلوری

گورنده جدّی شبیهی جوان اوغول اُلوری

 

او حالی هر گوره نین اختیارینی آلوری

قلجلانوب باشی، قان ایچره اَل اَیاق چالوری

 

بدنده یاره لری چشمه چشمه قان ویروری

نفس باتوب، گوز آخوب، توپراق اوسته جان ویروری

 

ایکی اَلیله گوتوردی امام دل خسته

آلوبدی پارچالانان باشینی دیزی اوسته

 

سیلوبدی گوزلرینون قانینی اولوبدی ملول

بویوردی آچ گوزون ای جدّیمون شبیهی اوغول

 

سحر ستاره سی تک تیز غروبه یتدون اوغول

قویوب غریب آتاوی تک بو چولده گیتدون اوغول

 

شل اولسون اَلری کیم ووردی باشیوه شمشیر

بو یاره نون ایدوری سوزی قلبیمه تاثیر

 

گُل اوزلی تازه جوانیم آنان گوزیندن ایراق

ایدوبله پیکریوی برگ گُل کیمی اوراق

 

نه قَدر سسلدی دیندوردی سیّد الشّهداء

جواب گَلمدی، بیر صیحه چکدی وا وَلَدا

 

اوغول باشینی گوتوردی باسوب اورک باشنا

سووومادی اورگی، شدّت اولدی گوز یاشنا

 

باشین قویوب یره اشکیله دولدورب گوزینی

اوغول جنازه سی اوسته سالوب او شه اوزینی

 

یوزین قویوب یوزینه قان قاریشدی گوز یاشنا

دیدی اوغول اولا توپراق بو عالمین باشنا

 

غریب آتاندا عزیزیم نه تیز بیله دویدون

اوزون گیدوب منی دشمنلر ایچره تک قویدون

 

او قدری آغلادی، سس چکدی، ایلدی شیون

باخوب او حالینه اودلاندی سنگدل دشمن

 

گوروردولر اوغولون زخم جسمی قان ویروری

باخان او حاله دیردی حسین جان ویروری

 

اوغول یوزیندن ایدنده یوزین امام کنار

ایدوب نظاره نه گوردوله قوم کینه شعار

 

آتا محاسنین ایلوب خضاب اوغول قانی

او حالی وار یری یاندورسا کون و امکانی

 

بو شاهزاده (حسینی) حسینه سوگُلیدور

شبیه ختم رسل گلشن وفا گُلیدور

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت امام رضا (ع) احوالات , حضرت علی اکبر (ع) احوالات ,
زبان شعر و شاعر: نوحه ترکی , حسینی سعدی زمان

 

------------

 

 شاهزاده حضرت علی اکبر (علیه السلام)

 

آه او ساعتدن سلام آخِر اکبردن اوجالدی

خیمه ده مظلوم امامون صورتی سولدی سارالدی

 

اضطراب و هولیله یوز قویدی دشت کار زاره

تا یِتوردی شه اوزین شبه رسول تاج داره

نوجوان اوغلون گوروب توپراقلار اوسته پاره پاره

اختیار اَلدن گیدوب آتدام اوزین توپراقه سالدی

 

عمریم اولسا یوز مین ایل بو بیر سوز اوسته

ذوالجناح اوستَن عزیز فاطمه دوشدی یوز اوسته

اولمادی طاقت دورا نِچّه قدم گیتدی دیز اوسته

یاندیروب زهرانی هم پیغمبرین آرامین آلدی

 

باشلادی شه ناله، بلبل تک گل خندانی گورجک

سویلدی نه تیز چخوب باتدون علی صبح اولدوزی تک

همّ و غمدن سَن خلاص اولدون اوزون، قویدون منی تک

بیر بیله دشمن آرا بی کس آنان بو چولده قالدی

 

بو مصیبتده دایان چخما قفسدن اول دل آرام

شه گوروب جان اوسته دور اول نازنین شوخ دلارام

باشینی باسدی اورک باشینه تا اولسون دل آرام

دل که آرام اولمادی آرتوب غمی دردی چوخالدی

 

خم قدین اَگدی قویوب صورت علینون صورتینه

نقل ایدر راوی باخاردیم من امامون حالتینه

گوردوم اولدی بو عمل افزوده شاهون رقّتینه

قان محاسندن آخور، گوز جامی هِی دولدی بوشالدی

 

سرخوش ایتدی شهریاری شربت هجران شهدی

بی نتیجه اولمادی عشق عالمینده جدّ و جهدی

داغ اکبر قدّینی اگدی دوزلدی نقص عهدی

مقصدی گلدی اَله آئینه ی قلبی صافالدی

 

شرمگین اولمور عجب چرخ جفاجو اوز ایشیندن

آه یازهرا امان بو روزگارون گردشیندن

سَنکه گوردون توپراقی قانی نجه سیلدی دیشیندن

اسگلوب نه غصّه دلدن، نه غم و محنت آزالدی

 

شه سَسین آلدی او شهزاده اُلومدن بیر یانشدی

جسمینه بیر تازه جان گَلدی گوروب تا سَس تانشدی

غنچه وَش سولموش لبین ناگاه بیر آچدی دانشدی

باغبان یاندی چکوب بلبل نوا گُللر سارالدی

 

سویلدی مندن سلام ایت لیلی بی اقربایه

ویر تسلّی گَلمسون بو غمده فریاد و نوایه

قاتلیم وورسا یارالی باشیمی نوک جدایه

سربلند ایلر حرملرده آنامدا باش اوجالدی

 

بولمورم نه حالیدی شه آغلیوب دشمن گُلردی

بیر خدا عالِمدی بیرده زینب کبری بولردی

گلمسِیدی قارداشی اکبر باشی اوسته اُلردی

گلدی امّا شیشه ی صبر حسینی داشه چالدی

 

عالم معناده زهرا آغلادی بو حاله یاندی

غیرت ا... عصمت اللهی گوروب حالی دولاندی

اکبرین یاددان چخاتدی داغ هجرین سهل ساندی

دوردی فوراً اوز عباسین زینبین باشینه سالدی

 

بولمورم من قالدی اکبردن صورا لیلا نه حاله

خیمه ده یا قتلگهده تاپدی نعشین چکدی ناله

گورمسون ا... آنارلار تا جهان وار لا محاله

گوردی لیلا گون گوزینده تیره تار اولدی قرالدی

 

نظم میداننده (شانی) آز دولاندور رخشِ طبعون

شکر ایزد آرتروب قلبونده نورون تخش طبعون

هر کسون بیر قسمی بو اولدی سنونده بخش طبعون

حالینی بو نوحه نین آنلار اولار که اهل حالدی

 

 مرحوم شانی

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , شانی

 

------------

 

 شاهزاده حضرت علی اکبر (علیه السلام) 

 

چون حمل اولوندی خیمیه اکبر جنازه سی

اوج ایلدی فلکلره وا اکبرا سسی

 

اطراف نعشی آل علی دوتدی لاله تک

گوز یاشلارین سپردیله گل استه ژاله تک

 

لیلا شرار آهیله دنیانی داغلادی

بو دلریله اوخشادی اوز اغلون آغلادی

 

ای آسمان حسنده رخشنده ماه اوغول

بوگردش سپهردن افسوس و آه اوغول

 

قویدی اورکده حسرتیمی چرخ کجمدار

اولدی تمام نقشه فکریم تباه اوغول

 

ای رو حیمون چکیده سی وی قلبیمه سرور

زلفین کیمی منیم گونوم اولدی سیاه اوغول

 

جسمیندی بو بو حالیده یا گلدی بیر طبق

خندان اولوبدی من ایدورم اشتباه اوغول

 

سن یوسفه عزیز زلیخا منه کنیز

فخر ایلرم یولوندا اولام خاکراه اوغول

 

بیکس آنان قبول ایلسن بیر کنیز دور

ای کشور محبته قدرتلی شاه اوغول

 

قان قطره سین یوزوندن اگر گوز یاشیم سیله

سیراب ایدر بو توپراقی خونین میاه اوغول

 

آچ قانلی گوزلرین یوزیمه ایله بیر نظر

بلکه تسلی دل اولا بیر نگاه اوغول

 

سنسیز گیدر منیمده بو صحراده عزتیم

من دل شکستیه سنیدون عزّ و جاه اوغول

 

چوخلار بو گون بو کوی محبتده جان ویروب

اما سنیله گلشن اولوب قتلگاه اوغول

 

دنیا بویی آدون اولاجاق ورد اهل عشق

باخما یتوردی قتله سنی بو سپاه اوغول

 

بسدور منه بو فخر که اول قتیلیسن

آچدون طریق عشقه گوزل شاهراه اوغول

 

(خوندل) اولوب بو درگه والاده خاکسار

امید عفوی وار ایلیوب چوخ گناه اوغول

 

مرحوم حاج حیدر خوندل 

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حاج حیدرخوندل

 

------------

 

حضرت امام زمان (عج) و گریز به وداع 

 شاهزاده حضرت علی اکبر (علیه السلام)

 

خوشا او گون که گوراخ چرخ دینه ماه گَلور

لوای فتح و ظفر اَلده پادشاه گَلور

 

آچوبدی پر باشی اوستونده طائر نصرت

دالنجا فوج مَلَک شاهیله سپاه گَلور

 

صفا ویرور دَمِ جان بخشی گلشن دینه

دوباره عالم اسلامه عزّ و جاه گَلور

 

اولور او حضرته هر قهر صاحبی مقهور

ایدر قدومینه اشراری خاک راه گَلور

 

قورار جهاندا مساوات و عدل دیوانین

پناه سیزلره بی کس لره پناه گَلور

 

نه حسرتیله ولا اهلینون سرشکی آخار

نه بیرده سینه ی مظلومیدن بیر آه گَلور

 

اگرچه پرده ی غیبتده مستتردی او گون

ولیک تابشی ذرّاته گاه گاه گَلور

 

خوشا او گون که یتر اهل عالمه بو صدا

بُلون هدایته مهدیّ دین پناه گَلور

 

امام منتقم و منتَظَر ظهور ایلور

جهاندا عدل و مساواته دادخواه گَلور

 

او قدر قان توکر اشراریدن او سرور دین

که بعض قلب لره سهو و اشتباه گَلور

 

وورار جداسینه نعلین اکبری او زمان

او معترض لره بو فعلی اِنتِباه گَلور

 

که یعنی مین بو قدر قان توکم بو گونده اگر

مقابل اولسا او قانیله پرّ کاه گَلور

 

اگر مین عالم اولا بیرده عالمه هیهات

ایله جوان ایله بیر ماه خوش نگاه گَلور

 

عبث دگل که توکر اود شراره ی آهیم

گوزومدن علّتی وار قان اولور میاه گَلور

 

علی وداعینی فکر ایلورم اورک گوزیمه

هر آغلیان آنا بیر غملی خیمه گاه گَلور

 

اوغول گورور آنادان صبر و اختیار گیدر

آنا باخور که اوغول غرق اشک و آه گَلور

 

نشان ویرور او گَلیش اذن آلوب جِداله گیدور

باشندا گورسَنوری شوق رزمگاه گَلور

 

بویوردی گیت، دیمورم گیتمه، گیت اوغول دُزَرَم

ولی گونوم سر زلفون کیمی سیاه گَلور 

 

مرحوم حاج حیدر خوندل

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , حاج حیدرخوندل

 

------------

 

در بالین حضرت علی اکبر (ع)

 

گوگلوم سنوبدی جبریله جباری آختارور

چون غملی قلب ، صاحبِ غمخواری آختارور

 

بیمار اولان همیشه طبیبین ایدر سراغ

چون هر طبیب صحّتِ بیماری آختارور

 

مولاسینین دالونجا گزر ، قول بیلن اوزون

قنبر مدام حیدرِ کرّاری آختارور

 

شیعه اولان امامین ایدر جستجو  اگر

باالذّات اشعه مطلعِ انواری آختارور

 

چون فعلِ خیر و شرّده مختار اولالا خلق

هر کیمسه خیرین ایستسه اخیاری آختارور

 

طیّب اولان مباشرتِ طیّبات ایدر

اما خبیث جفت زناکاری آختارور

 

حق طالبی اذیّت و آزار ایدر قبول

باطل اولان اذیّت و آزاری آختارور

 

هر کیمسه ایستسه دوتا پرده قباقینه

پرده دالیندا حضرتِ ستّاری آختارور

 

دنیا شرابی چوخ رؤسانی ایدوبدی مست

طالب او قومه مسند خماری آختارور

 

منکانیه قویوب سیخوری جانینی آلوب

بو چشم بسته گوگده کی غفّاری آختارور

 

هر کیمسه یاتمیوبدی آچقدور طلب گوزی

بیداریدور که بیر گوزی بیداری آختارور

 

حق آختاران بو دوره ده باشین شاباش ایدر

پرگاروار نقطهء پرگاری آختارور

 

غربالِ امتحانه گیرن پاک دانه تک

سینه شکاف پردهء ابراری آختارور

 

گوندوز سراغِ شمس ولایت ایدر بنا

ظلماتِ شبده شمعِ شبِ تاری آختارور

 

دائم دیلینده ذکریدی یا صاحب الزّمان

خونخواه ِخونِ عترتِ اطهاری آختارور

 

غوّاص اولوب گوزوم گینه دریای اشکیده

قان قلزمنده لؤلؤِ شهواری آختارور

 

عالَم حسینی آختارور اما حسین اوزی

اکبر ، شبیه احمدِ مختاری آختارور

 

خار و خدنگ وار ایتروب گُل عذارینی

بلبل کیمی او نوگلِ گلزاری آختارور

 

ال سینه ده علی چاغیرور ، اوغلون ایستیور

یا بیلمورم نجفده کی سرداری آختارور

 

گویا تاپوبدی اکبرینی یاش توکر  گوزی

سورتور الین یره ، بدنِ زاری آختارور

 

تا باغلیا یارالارین عمّامه سین آچوب

قربان او یاره بیر یارالی یاری آختارور

 

مانند ِشانه سینه سینی چاک چاک ایدوب

تل تل  آچور او زلفِ سمنباری آختارور

 

ایستور باخا صاق صولونا سوزِ عشقدن

زخمِ سِنان و خنجر ِخونخواری آختارور

 

گاهی آچور یارالارینی بیر به بیر باخور

گاهی دونور او شمرِ ستمکاری آختارور

 

گه آهو تک یارالارین ایگلر گهی دونر

صیّادِ بی مروّت و بدکاری آختارور

 

یوخ کیمسه گاه نالهء واحسرتا چکور

گاهی عموسی جعفرِ طیّاری آختارور

 

یوخدور ویرن او نعشی آت اوسته قوجاقینه

لابد قالوب اوغولسوز ، علمداری آختارور

 

نعشین آت اوسته  خیمه قباقینده ساخلیوب

زینب دلینجه لیلی بی یاری آختارور

 

مشگل گشا عزیزی اوزون مشگله سالوب

آسان ایشیله یوخ ایشی دشواری آختارور

 

ویرانه گوگلومه گینه گون دوشدی شامدن

گیتدی  خرابه مسجده معماری آختارور

 

ویرانه ده دیولّه که سجاد باشینه

گون چوخ دگوبدی سایهء دیواری آختارور

 

لیلا الینده زلفِ کلافی عجوزه تک

یوسف دیور ، دمشقیده بازاری آختارور

 

هر کیمسه ماسوای خدانی ایدر طلب

یوخ شبهه سی گُلی ایتروب ، خاری آختارور

 

یوم ِلقاده ربّدن آیری اوزین گورر

هر کیم وجودِ یاریله اغیاری آختارور

 

دردون (دخیل) چوخدی دواسین طلب ایله

بیمار اولان طبیب و پرستاری آختارور.

 

مرحوم دخیل مراغه ای

منبع مجموعه کانالهای مدح و مرثیه

موضوع: حضرت علی اکبر (ع) احوالات ,
زبان شعر و شاعر: نوحه ترکی , دخیل مراغه ای