متن نوحه احوالات حضرت ابوالفضل (ع) - اشعار ترکی و فارسی

 

متن نوحه ترکی و فارسی احوالات حضرت ابوالفضل العباس (ع) از شاعران نامی معاصر و قدیمی

 

شهادت حضرت ابوالفضل (علیه السلام)

 

امام ناله سی تا یتدی جان قولاقینه

گوز آچدی اوندا که یتمشدی جان دوداقنه

 

مسیح عصر او دم مرده جسمه جان ویردی

همان او قالب بی روحه بیر روان ویردی

 

باخاندا گوردی دوتوب کربلانی شور حسین

احاطه ایلیوب اول سرزمینی نور حسین

 

ایدر جمال منیرینده جلوه نور الله

گرک اوزون بوله عباس فی حضور الله

غریبه وقتده یتمشدی یار محضرینه

خیال ایدردی که سورته یوزون قدملرینه

 

همان او حالده مبهوت قالدی موسی تک

توکردی سیل سرشکین یوزونه دریا تک

 

دانشماقا اؤزی چون شه اجازه ویرمشدی

او کهنه قالبه بیر روح تازه ویرمشدی

 

کمال عجزیله عرض ایتدی ای امام نبیل

کلیمه نطق , مسیحه روان, خلیله دلیل

 

سنی قسم ویرورم جدیوین رسالتنه

آناوین عصمتنه , هم آتان ولایتنه

 

نقدر منده نفس وار آپارما خیمه لره

بو التماسیمی آل عین لطفله نظره

 

سو اولمادی بولوسن من نقدر منفعلم

نه تک سکینه هامی اهلبیتدن خجلم

 

آپار سو مشکیمی قوی نعشیمی قالا یرده

سوسوزلارین یوزونه من باخانمارام بیرده

 

گورن سو مشکیمی بو پاره پاره صورتده

بولر که منده قصور اولمیوبدی خدمتده

 

علاوه چوخلاری آگه دگل بو حالیمدن

قشون هنوز منیم چخمیوب خیالیمدن

 

بیله بولولله همان صولتیله من قالورام

ولیک بولموری قان ایچره ال ایاق چالورام

 

اورک لرینده منیم ایمدیده هراسیم وار

سبب اودور سنه بیر بیله التماسیم وار

 

اگر خیامه آپارسان منی بو حالتده

جری اولور سنه دشمن لریم او ساعتده

 

مرحوم صافی تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , صافی تبریزی

 

------------

 

احوالات حضرت ابوالفضل (علیه السلام)

 

نهر علقمه قویدی چون قدم

کربلا وزیری

تاجدار اباالفضل

تشنه لب لره سو آپارماقا

جان و دلدن ائتدی

افتخار اباالفضل

 

تاپدی خضر عطشان

چشمۀ حیاتی

تشنه لر ائشیتدی

نالۀ فراتی

گوردی نهرده موج ائدر سوئی

خود سرانه اولموش

پهن و دشته جاری

آتدی اول سودان بیر قدر گویه

دوندی باخدی ناگه

خیمه گاهه ساری

یعنی قورخمیون نهری آلمیشام

خیمیه یتورم

مشک آبداری

آلدی اوجونا ایچمدی سودان

ایلدی فراتی

شرمسار اباالفضل

 

خیردا اصغرون تشنه لب لری

یا سکینه حالی

صبرین الدن آلدی

حال زارینه اول هنرورین

باطناً فراتون

ناله سی اوجالدی

مشکین اندیروب دولدوروب سودان

چیگنینه سو مشکین

همتیله سالدی

دوندروب یوزین چخدی نهریدن

اولدی خیمه گاهه

رهسپار اباالفضل

 

ازدحامیلن ائتدیلر هجوم

صاحب لوانین

اوسته قوم کافر

تیغ تیزیلن اول جماعت

بی حیایه ائتدی

حملۀ مکرر

الحذر سسی چخدی گویلره

بیر شجاعتیلن

جنگ ایدوب او سرور

قدسیان گلوب نالیه دئدی

آفرین بو شصته

نامدار اباالفضل

 

دوندروب یولون نخلزاریدن

آتش قتاله

ویردیلر ادامه

ائتدیلر کمین هر ایکی الین

سالدیلار بدندن

یتدیلر مرامه

باخ همیّته باخ فتوّته

سعی ایدوب یتورسون

مشکی تا خیامه

قویمادی علم سرنگون اولا

دوتدی سینه سینده

پایدار اباالفضل

 

گه رکابدن بیر ایاقینی

ایلیوردی خالی

دشمنی یخاردی

گاهی ساغ طرف گاهی صول طرف

قان ایکی قولوندان

سو کیمی آخاردی

اول وفا شِیَم معدن کرم

حسرتیله مشکه

دمبدم باخاردی

سو یتورمگه خیمیه اولوب

تشنه لردن آرتوق

انتظار اباالفضل

 

فرصت ال ویروب اوخ آتانلارا

دورت مین اوخ قویولدی

چلۀ کمانه

یاغدیا وتسونه دورت طرفدن اوخ

شهپر آچدی اوخدان

فارس یگانه

مشگنون سویی خونِ دل کیمی

توپراقا توکولدی

رنگی دوندی قانه

خیمه سمتینون ترکین ایلدی

گوردی ئوز حیاتین

ناگوار اباالفضل

 

یوخ بدنده قول دشمن ال تاپوب

بیر تصور ایله

یوز ویرور نه حالت

بو مصیبتون شرح آخرین

قانه دوندی قلبیم

ائتمرم کتابت

یازدی «یحیوی» بو کلامینی

خاطرینده مکنون

نیت زیارت

آستانۀ پاکه یوز قویا

اولسا لطف اوزیله

یارکار اباالفضل

 

 مرحوم یحیوی اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , یحیوی اردبیلی

 

------------

 

احوالات حضرت ابوالفضل (علیه السلام)

 

شاه شهدا خیمه ده عباسی گوروب تک

ایلور رجز انشاد دیور دشمنه وِیحَک

شمشیرین ایتیلدور توکی باشدان بولَه نی تک

سسلور سو ایچوبسن سن اگر قدرتون اولسون

 

عباسون او احوالنه شاهون گوزی دولدی

گون داخل اولوب خیمیه ماهون یوزی سولدی

صبح اولمامش آی گون نجه گور قول بویون اولدی

سسلندی اخا یوزده قمر طلعتون اولسون

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

 مرحوم منزوی اردبیلی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , منزوی اردبیلی

 

------------

 

احوالات حضرت ابوالفضل (علیه السلام)

 

افتاده زمین قامت دلجوی ابوالفضل

افسرده زغم گشته گل روی ابوالفضل

 

آن شیرژیانی که شجاعت زعلی داشت

در معرکه و رزم شهامت چودلی داشت

عباس دو بازوی قوی ازلی داشت

چون چشمۀ خورشید زخود نور جلی داشت

مبهوت شدند خلق زنیروی ابوالفضل

 

بگرفت بکف جان بسوی رزم روان شد

چون شمس فروزان بهمه خصم عیان شد

لشگر زنگاه رخ ماهش نگران شد

پشت فلک از هیبت عباس کمان شد

نبود بجهان کس بترازوی ابوالفضل

 

آمد بفرات آب همه موج زنان دید

در میمنه و میسره¬اش خصم نهان دید

سیراب از او دشمن غدار و خسان دید

لب تشنه بدو خوردن آن آب زیان دید

بنگر به وفا و تو ببین خوی ابوالفضل

 

چون دید لب آبفرات آنهمه دشمن

برکف همه شمشیر و همه سنگ بدامن

هر یک به تن خویش نمودند دو جوشن

در ترکه پر از تیرو همه غرق در آهن

خواهند کند حمله چو بر سوی ابوالفضل

 

فرزند علی شیرنیستان شجاعت

ضرغام سلحشور خداوند شهامت

آمد بغضب غیرت دریای رشادت

زد نعره که غرید فلک زآنهمه هیبت

پرچین شده از چشم دو ابروی ابوالفضل

 

از آب بیرون آمده چون شیر غضبناک

بنموده یکی حمله بر آن دشمن بی باک

بس دست و سرخصم فروهشته چه برخاک

برخاست دوصد و لوله از عالم افلاک

سرهای یلان گشته همه سوی ابوالفضل

 

از ترس ابوالفضل فراری شده دشمن

انداخته چون مشک پر از آب بگردن

وانگه بسخن آمد و فرمود بتوسن

بشتاب که تا آب سوی خیمه برم من

طفلان همه گشتند ثناگوی ابوالفضل

 

امروز که سقای شه کرب و بلایم

من باب حوائج بهمه شاه و گدایم

من صاحب هفده سمت از شاه ولایم

در معرکه امروز قیامت بنما یم

دشمن همه هستند تکاپوی ابوالفضل

 

دشمن بخیالش که حسین یار ندارد

تسلیم شود میل به پیکار ندارد

تنها شده و یار و مدد کار ندارد

گویا که ابوالفضل علمدار ندارد

نشنید یقین بانگ هیاهوی ابوالفضل

 

تا چند ببینم بحرم شیون و غوغا

بینم که پریشان شده شاهنشه بطحا

سر را بدو زانو زده نور دل زهرا

آزرده شده خاطرش از مردم اعدا

افسرده شده چهرۀ خوشخوی ابوالفضل

 

از نالۀ اطفال برادر بفغانم،

افغان سکینه شرر انداخت بجانم

در پاسخ این طفل شده بند زبانم

نه چاره و تدبیر در اینکار ندارم

آیند بخیمه همگی سوی ابوالفضل

 

خواهم ز خدا حق ابوالفضل دلاور

سردار قوی شوکت و آن میر غضنفر

در حشر ز عصیان گناه همه بگذر

از سینه زن و بانی و هردیده که شدتر

شاداب «اخوت» شود از سوی ابوالفضل

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی

 

------------

 

در احوالات حضرت ابوالفضل (ع)

 

شوشتری مرحوم اول نیکو سیر

اوز بیاناتِ شریفنده دیَر

 

قارداشا قارداش دیموب بو مدّتی

چوخ گمانیم وار بو اولسون علّتی

 

فکر ایدردی گر چه حیدر دور آتام

لیک واضحدور دگل زهرا آنام

 

فخر ایدر زهرا حضورنده یقین

بیر کنیز اولسا آنام امّ البنین

 

لایق اولساخ اولّوخ عالمده عزیز

من حسینه قول او زهرایه کنیز

 

اونداکی گتمشدی قول ، دوشموشدی خود

بیر ستمگر گلدی الده بیر عمود

 

بولمورم نولدی اوزی یا مرکبی

کیم گوروب من ذکر ایدم بو مطلبی

 

ناگهان گوردی آچوب زهرا قولون

گل اوغول گوزلر آنان زهرا یولون

 

احمدِ محموده ریحانه بتول

تا ابوالفضله خطاب ایتدی اوغول

 

اولدی مُستَغرَق فَرَح دریاسینه

یتدی قارداش لفظنون معناسینه

 

کوکبِ بختین گوروب تابنده دور

بولدی قارداش سسلسه زیبنده دور

 

سسلدی قارداش حسین امداده گل

داده گل آتدان یخلدیم داده گل...

 

مرحوم استاد شأنی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , شانی

 

------------

 

احوالات حضرت ابوالفضل (علیه السلام)

 

ای شیعه حسیندن قالان اثارپوزولماز

قاندان قورولان دولت بیدارپوزولماز

 

بیرنهضت عظماکه شهادتی اساسی

وارپیرنودساله وشش ماهه قواسی

بیردولت پاینده که قانداندی بناسی

هرتوطئه ده ایلسه اغیارپوزولماز

 

بیروادی عشاقی ائله گوزده مجسم

یتمیش ایکی وارسته دی بیرصفده مصمم

یتمیش ایکی جانبازه طرف اولسا بیرعالم

واضحدی بوسوزایده ابرارپوزولماز

 

مستغرق دریای غمم ای دل بیدار

محنت لرائدورگوندوزومی گوزده شب تار

عباس بیراردوده اگراولساالمدار

دشمن نه قدراولساداپرگارپوزولماز

 

عباس سزادوراولاغمخواری حسینون

سردارسرافرازوفداکاری حسینون

بیرگوز،ایکی قول وئرسه ده سرداری حسینون

وصله چاتارعشقینده کی سرداری پوزولماز

 

جان نقدینی جانانیه خاطرائدوب حراج

گلمزدیله اولساسینه سی نین اوخااماج

باشدانداگئچرتاائده سرنیزده معراج

سرقالساسرداریده سردارپوزولماز

 

نهراوسته دوشوب طاقتنی غملرائدوب طاق

عاشق گوروب اخرگورشه قلبینی مشتاق

یوزدوتدی خیامه دئدی ای سرورعشاق

گلسون باشیم اوسته بودل افکارپوزولماز

 

وئرباده که پیمانده پیمانداسنوندور ال لرده سنون

هیهات ائدم شکوه حسین جانداسنوندور

هردرده دوزریاره گوره یارپوزولماز

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی

 

------------

 

سلام بر حضرت ابوالفضل (علیه السلام)

 

سلام اولا محنه تاب ایدن ابوالفضله

ایکی اوزون قولی تنن دوشن ابوالفضله

 

سلام اولا قوریان گلستان طاهایه

سو گوز یاشیله دمادم سپن ابوالفضله

 

سلام او ایستی هواده سو دیمین دیلینه

سودان رقییه خاطر کوسن ابوالفضله

 

سلام او ساعتینه دولدوراندا مشکیه سو

علی اصغر لای لای دین ابوالفضله

 

سلام اولا داغیلان مشکینه آخان قانینا

گوز اوسته اوچ پر اوخا یئر ویرن ابوالفضله

 

سلام او لحظه سینه زحمتیله اوچ پر اوخی

ایکی دیزینن گوزونن چکن ابوالفضله

 

اوخی چکنده باشین اگیدی دوشدی امامه

قان آغلادی هامی دشت و دمن ابوالفضله

 

سلام اولا بیچیلن قدینه سینان باشینا

عمود جبریله فرقین اوپن ابوالفضله

 

سلام اولا آغامین قانیلن دولان گوزونه

قاباخدا یول کسنه گورمین ابوالفضله

 

سلام او وقتینه قاتیل لرین قباقینده

عقابین اوسته او قولسوز گزن ابوالفضله

 

سلام او ایستی قوم اوستونده جان ویرن وقته

علمی سینه سی اوسته اسن ابوالفضله

 

سلام او زحمتیله ترپنن دوداقلارینا

شهید اولان وقتده حسین وای دین ابوالفضله

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی

 

------------

 

احوالات حضرت ابوالفضل (علیه السلام)

 

یخیلدی سقا یره باش یارالی قان گلور

او سسلنور یا حسین داده اوخ ووران گلور

 

یا حسین یا حسین گل هرایه هارداسان

گلدی زهرا ننم کربلایه هارداسان

 

منیم آغام اوز آغام وار اورکده سوز آغام

من سنسیز دوْزممورم سن بو درده دوْز آغام

 

حیدر اوپن اللره دوشمن وردی گوز آغا

آختاریدم بو حالی هر گجه گوندوز آغا

 

شکر اولا قوللارم حق یولوندا قطع اولوب

سو یولی گوزلمه گوزلریمه قان دولوب

 

گورسه رقیه اگر پیکریمون یاره سین

بوشلار قاچار چوللره اصغرون گهواره سین

 

یخدی یئره حرمله صبریمون دیواره سین

سو توکولدی مشکیدن کسدی سقا چاره سین

 

وای منه وای منه وای روبابه وای منه

گل یولون گوزلورم گوزلریم قربان سنه

 

دوزدی بلالی اولار پهلوان‌لارین باشی

دعوا گونونده سنار قهرمان‌لارین باشی

 

قوی اولسون بو داستان داستان‌لارین باشی

قولسوز علمدار اولوب باش یاران‌لارین باشی

 

دوشموشم تپراقا یاره لی وجودیله

یاردیلار باشیمی بیر آغیر عمودیله

 

من سنی ای یوسفیم ساتمادیم اهریمنه

قالدیم بویاندیم قانا منّت اولماسین سنه

 

بسدی فقط فاطمه لای لای دئسون منه

او سسله سین جان بالا من ده دیوم جان ننه

 

قلبیمی یاندیران نیلیگون جمالیدی

گلدی زهرا ولی سینه سی یارالی دی

 

غملی امان نامه نین ماجراسی بیر یانا

قیزلاریوین قورخوردان آه و واسی بیر یانا

 

پرچم توتان اللرین ابتلاسی بیر یانا

بنان هامی بیر یانا دل یاراسی بیر یانا

 

طعنه دشمن وورور قلبیدن یارالیام

خالی مشگیم کیمی من ده دست خالیام

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی

 

------------

 

در احوالات حضرت ابوالفضل (علیه السلام)

 

اشاره اولدی گینه بیر شه شهادتدن

خبر ویروم سیزه بیر صاحب شجاعتدن

 

رشادتیله صلابتده، نائب حیدر

گورون نه وقت قالوب صولت و صلابتدن؟

 

او دم که نخل بدندن اوزولدی قولاری

الی دوشوب یانینا، دوشدی سهم و صولتدن

 

ز بس که جسمینه دگدی یارا یارا اوستن

وجود حضرت عباس دوشدی طاقتدن

 

دوشه دوشه یره سسلندی یا حسین علی

گل ای اولان قدی خم، بار درد و محنتدن

 

الیمی دوت، الیوی مرتضا علی دوتسون

که سالدیلار منی کفار کوفه، قدرتدن

 

یتورگلن ئوزیوی ای ابوتراب اوغلی

گوتور عزیزیوی قارداش تراب ذلتدن

 

الون یتور الیمه، ببر ئوپوم ایاقوندان

اگر چه شرم ایدورم چوخ، بو نوع جراءتدن

 

و لیک جان گیدوری، جانیمی گرک چاغیرام

یولوندا چون ئولورم، دوشموشم طراوتدن

 

یتوب نه گوردی؟ دوشوب بیر قنادسیز شهباز

سالوبدی شهپر، آچوب اوج، بال همتدن

 

او دم که غالب اولوب ضعف، گیزلنور نفسی

چکن زماندا نفس، قان آخور جراحتدن

 

نقدر قانی آخوب، یرده یا حسین یازیلوب

که هر نه گلسه خیاله، چخار محبتدن

 

الی که یوخدی چالا ال ایاق، اودور سورونور

سسین چخاتموری اما کمال غیرتدن

 

مباد طعنه وورا ابن سعد و شمر لعین

اوغورلوری نفسین، قورخوری شماتتدن

 

گهی یاراسی سیزیلدار، گهی تلاطم ایدر

گهی یاتوب حرکت ایتموری حمیتدن

 

کسنده باشینی قاتل ز بس که مانع اولوب

که قارداشین گوره، ببر کام آلا زیارتدن

 

گوروب که یوخ الی، خنجر قباقینه ویرسون

ولی باشین کسن، ال چکموری شقاوتدن

 

ز بس یوزون یره سورتوب، یوزی گیدوب یرده

دوشوبدی ماه بنی هاشمی لطافتدن

 

حسین حالینی معناده بیر تصور ایدون

نقدر غصه اونا ال ویروب بو حالتدن؟

 

یره اوتوردی آلوب باشینی دیزی اوسته

گوروب که یوخدی دیزینده نشانه قوتدن

 

بویوردی آچ گوزون، ای نور چشم عین الله

گلوبدی گون باشوا، دور بو خواب راحتدن

 

او دم که گوردی باشی اوسته روح ارواحی

دوباره جانه گلوب قوخمیوب مذمتدن

 

نهیب عشقیله بیر بانگ یا حسین چکدی

که گچدی ناله صداسی، حجاب وحدتدن

 

اولوب حسین، تمام وجودینه، ساری

ئوزون حسین گوروب عباس، دوشدی شدتدن

 

دئدی بغشله دورا بولمورم، یارام چوخدور

دیمه یوخومدی خبر، راه و رسم حرمتدن

 

یوزون ایاقینه قویدی، دئدی که عفو ایله

الیم یوخومدی دوتام دامن جلالتدن

 

قولوم اوزولدی بدندن، ولی نه باکیم وار

اوزولمیوبدی الیم، دامن ولایتدن

 

سنون یولوندا شهیدم، ئوزونده شاهدسن

باشیم گیدونجه من، ال چکمرم حمایتدن

 

قوجاقلاشوب ایکی قارداش، باخوب چو اهل حرم

دایاندی عرشه فغان عترت طهارتدن

 

من غریبه بو غربتده یار بیر سنیدون

منی قویوب گیدوسن، الامان بو غربتدن

 

قاباقجا چون گیدوسن، اکبریمه ایله سلام

گلونجه من او دیاره، بو دار محنتدن

 

سوءله اوغولسوزی، قارداشسیز ایلدیم گلدیم

بتولی ایله خبر دار، بو مصیبتدن

 

بویوردی دور آپاروم جان ویرنده خیمه لره

دئدی که یوخدی یوزوم گیتماقا خجالتدن

 

دئدی سکینه قیزیم انتظاریوی چکوری

دئدی خجالتم اول نوگل صباحتدن

 

دئدی سوروشسا سنی، من سکینیه نه دیوم؟

دئدی بو مشگی آپار، قورتولوم ملالتدن

 

دئدی دایانما داخی، خیمیه آپار تشریف

گئت اول اوزون متوجه، عیال عصمتدن

 

دئدی که سن اوخی یاسین، ای امام مبین

که بلکه مست اولام، نغمه تلاوتدن

 

یولوندا شوقیله مستانه جان ویرم خوشدور

که گورمیم سکرات مماتی، سکرتدن

 

باتوب صدالری چون ویردیلر نفس نفسه

ظهور وحدت اولوب کثرت شراکتدن

 

سوسوز دیلیله دیوب لا اله الا الله

ایدوب نبوته اقرار، صون امامتدن

 

جمال حقه باخوب، حق دیوب، گوزون یومدی

که ساکت اولدی دیلی کلمه شهاتدن

 

ایدوب او حاله نظر، چونکه زینب و کلثوم

چخوبدیلار ایشگه خیمه خدارتدن

 

بیری حسین دیردی، بیریسی یا عباس

زمانه تنگه گلوب بانگ آل عصمتدن

 

قوجاقلاشوب ایکی قارداش کیمی، ایکی باجی

اولار خموش، بولار نعره زن بو حالتدن

 

بس ائت (دخیل) که حضار دوشدولر دلدن

سوون که دوشمیاجاقدور دیلون فصاحتدن

 

گینه بو دللری تعلیم ایدوب لسان الله

لسان صدق الهی، بریدی لکنتدن

 

بو یادگاریدی جان تک ویرونجه جان، ساخلا

نچونکه ناشی اولوب منشاء صداقتدن.

 

 مرحوم استاد ملا حسین مراغه ای (دخیل)

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , دخیل مراغه ای

 

------------

 

در احوالات حضرت ابوالفضل (علیه السلام)

 

دوشنده شور علمدار کربلا باشما

گرک یازام ایکی الّلی ورا ورا باشما

 

نچونکه حضرت عباس ئوزی ادبلیدی

اوتورماسام دیزی اوسته گلر بلا باشما

 

مصیبتی اوخوناندا هامی باش آچمالیدی

چاتور منیم ئوز الیم ئوز غم آشنا باشما

 

او یرده که باش آچوب فاطمه دیه وای اوغول

گرک کول اولسا توکم منده برملا باشما

 

به علت نداشتن اجازه انتشار کامل اشعار 

(مرحوم استاد رحیم منزوی اردبیلی) چند بیت از اشعار

 ایشان به اشتراک گذاشته میشود

 

مرحوم منزوی اردبیلی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , منزوی اردبیلی

 

------------

 

حضرت ابوالفضل (علیه السلام)

 

آب می خواهم اب خیمه ها پر شده از تشنگی و رنج و عذاب

ای عمو آب چه شد غیر شرمندگی عباس ندادست جواب

دختری مشک آورد مشک آورد و دنیا سرش گشت خراب

 

به دل دشمن زد قول دادست عمو تا که بیاید با اب

قول دادست عمو روی حرفش همه ی اهل حرم کرده حساب

 

ظهر عاشورا شد علم افتاد و زمین قائله ای بر پا شد

علم افتاد زمین و از آن لحظه دگر باب جسارت وا شد

 

نیزه ای بالا رفت و چه دشوار میان دو سه نیزه جا شد

دوره کردند او را سر این که چه کسی سر ببرد دعوا شد

 

یا اخا را تا گفت پسر ام بنین هم پسر زهرا شد

ساعتی بعد حسین در سرا شیبی گودال تک و تنها شد

 

شعر غرق گله است پایه زن های حرم خسته و پر آبله است

زیر تیغ خورشید سر عباس به نی سایه ی این قافله است

 

دختری سیلی خورد چون که بین سر و او چند قدم فاصله بود

روضه ی شعر اینجاست نیزه دار سر عباس چرا حرمله است

 

وحید قاسمی

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , وحید قاسمی

 

------------

 

در احوالات حضرت ابوالفضل (علیه السلام)

 

آه از آن ساعت که بر کون انقلاب افتاده بود

بر تراب غم، عزیز بو تراب افتاده بود

 

آه سرد باد، آتش روی آب افکنده بود

آفتاب از گرمی خود در عذاب افتاده بود

 

نوک پیکان سه شعبه، بین طاقین خورده بود

ناله و شیون به طاق نه قباب افتاده بود

 

بسکه لرزان گشته بوده، گاه افتادن علم

بر دل اطفال زهرا اضطراب افتاده بود

 

دست از تن رفت، اما در یسار و در یمین

یک لوا آلوده خون، یک مشک آب افتاده بود

 

پیکرش از نوک پیکان، پاره پاره، چاکچاک

زخم شمشیرش بر اعضا بی حساب افتاده بود

 

خون اعضایش ز گرمی در بدن خشکیده بود

زخم بر سوزش ز تاب آفتاب افتاده بود

 

شه به بالین سپهبد در همان ساعت رسید

بین لشگر بهر قتلش انقلاب افتاده بود

 

دید جسم ناخدا را غرق خون فلک نجات

یک چمن گل گوئیا بحر گلاب افتاده بود

 

(شانی) آن روزیکه این اشعار دلکش می نوشت

جسم بی یارش میان رختخواب افتاده بود.

 

 مرحوم شانی علیه الرحمه

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , شانی

 

------------

 

احوالات حضرت ابوالفضل (علیه السلام)

 

علمدار اوستونه پیکان توکولدی

دگوب هر اوخ یریندن قان توکولدی

 

او قان که قان دگول جان جهاندور

او قانه مشتری پیر مغاندور

او قان بیر سّردور سرّ نهاندور

بیلورسوز سیز او قان هاردان توکولدی

 

او قانیلن اولوبدور زنده مصحف

او قانون صاحبی اولدی مکلف

ائدوب موسی ایچون کشف ان اُعرف

کلیم اللهیدن عرفان توکولدی

 

او وقته پرچمی اولموش محرک

وجودین ایلیوبدور اوخ مشبّک

او جسم نازنینون عضوی تک تک

یره چون لؤلؤ مرجان توکولدی

 

سجاوند اولدی قرآنون وجودی

اولوبدور قطعه قطعه تار و پودی

پریشان ائتدی خلاق ودودی

مشبّک عضو اولوب شان شان توکولدی

 

دگوب اوخ پارچالاندی صدر سینه

یتوبدور صدمه قرآن مبینه

او بحران وقتیده روی زمینه

مه و خورشید بحُسبان ، توکولدی

 

قباقینده گوروبدور پیک مرگی

هواده برق ووردی اوخ تگرگی

سینوب خولاندی  سروُن شاخ و برگی

گلستانه گل خندان توکولدی

 

جبینینده بیر اوخ باب غم آچدی

قاچان لشگر دوباره پرچم آچدی

ساچین زهرا یولوب باش مریم آچدی

کأنه کعبیه قرآن توکولدی

 

گوروب سیر وسلوک عشقی سالک

دوروب تلّ اوسته یوم الدینه مالک

یره نازل اولوب گوگدن ملائک

دالیجان ناهید و کیوان توکولدی

 

گورونمز بیر یقین سوزدور که یزدان

مکان کرب و بلانی ائتدی سبحان

ائدوب الله او دشتی نور باران

یر اوسته جلوه سبحان توکولدی

 

یره گلدی آت اوستن پیر دانا

آچیلدی پرچم انا فتحنا

بو فتحه شاه اولوب مسرور و بینا

منایه ورد الرحمن توکولدی

 

باخان اول پیکری شان شان گوروردی

وجودین تیریله پیکان گوروردی

بدن یوخ پارچا پارچا قان گوروردی

یره پیکان و قان و جان توکولدی

 

جفا سیر ایلیوبدور پایه پایه

بلا دشتینده یتدی  انتهایه

پراکنده زمین کربلایه

حروف ابجد یزدان توکولدی

 

صدا ائتدی او دم پیر مغانی

غرض سو تک سپوب تپراقه قانی

فدا پیرینه وئردی باش و جانی

قصاصه فرقه عدوان توکولدی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی

 

------------

 

در احوالات حضرت ابوالفضل (ع)

 

هزار شکر اولا پروردگارِ لیل و نهاره

موفّق ایتدی منی خدمتِ حسینه دوباره

 

حسینین اوز آدی گُلدور ، عزا اولان یری گلشن

توک اشک ، گلشنِ عشق ایچره قیل صفایه نظاره

 

سوز عاشقانه دی اربابِ فضل ایلمز ایراد

اوزومی سایسام او غم گلشنینده منده هَزاره

 

دوشنده یادیمه کیفیّتِ شهادتِ عبّاس

دونر گوزوم یاشی ، سقّا غمنده ابرِ بهاره

 

یاتوب اونون علمی تا ، یاتان علملر اوجالدی

چالیندی طبلِ بشارت ، ویریلدی کوس و نقاره

 

و لیک عترتِ شیرِ خدایه اولدی قیامت

دیمه او گون او یر اولماز شبیه ، یومِ شماره

 

دیولّه مِهریله ماه اِقتران ایدنده قیامت -

اولور ، او اولدی ، اونا وار بو مطلبده اشاره

 

تاپاندا قولسوز علمدار پیکرین شهِ عطشان

قوجاقلیاندا ، قویاندا یوزون او قانلی عذاره

 

گونیله آی ایکیسی بیر یره یغشدی او ساعت

قیامت اولدی خیام حرمده زینبِ زاره

 

او بدرِ کاملی سالمیشدی دستِ چرخ خسوفه

که باتمیشیدی خاک و خونه ، گرد و غباره

 

او گُل وجوددن اول باغبانِ باغِ محبّت

چکردی خار کیمی اوخلاری ، آتاردی کناره

 

نه گوردی ماهِ بنی هاشمون او شمسِ امامت

بدنده گلموری زخمی شماره ، مثلِ ستاره

 

بیوردی آچگوزون عبّاس اولوم اوزوم سنه قربان

اماندی ویرما یانان قلبیمه شراره دوباره

 

کمکسیزم گوروسن چوخدی دشمنیم آتام اوغلی

فلک قویوب منی حسرت بو چولده یاور و یاره

 

آخان ستاره کیمی زخموین آخار قانی

نفس گیدوب قیدنده آتار بسان فواره

 

هامی شهید باشین من بو گون دیز اوسته آلدیم

ویرلمامیشدی ولی هیچ شهیده بیر بیله یاره

 

آزالدی چارم ، امیدیم کسیلدی اولدی قدیم خم

ایشیق گونوز گوزی دوندی گوزومده بیر شبِ تاره

 

بو بیر بولوک حرمیم ، بو اوزوم ، بو دشمن ، اوتوز مین

بو سرنگون علمیم بس ایدوم بو چولده نه چاره

 

اگر بو حالیوی بولسه سنون هامی قوشون اهلی

هجومیله توکولر خیمیه پیاده سواره

 

سنون وجودیویدی حِصنِ امن آلِ عبایه

دوشلّه سنسیز اولار ورطهء بلاده حصاره

 

سن ئولدون ، ایمدی تاپار شام و کوفه لشگری جرأت

آچار جفا الی ، اهلِ جفا ، صِغار و کُباره

 

کبار ، غارته تیز رام اولار گورر یوخ علاجی

ولی سویلماق حقیقتده چوخ چتیندی صِغاره

 

سن ئولدون ای اسداللهه سهم و صولتی ثانی

شکار اولور بالاسی روبهانِ شیر شکاره

 

که یعنی زینبمون قولّارین طنابیله باغلار

سَنان و شمر چکر بزمِ عیش و شرب و قماره

 

او گوزلریکه یاتانمّازدی قورخودان گجه راحت

یاتالّا ایمدی ، گیده لّر دویونجا خواب خُماره

 

و لیک بیرده یاتانمّاز حرملریم داخی راحت

اسیر اولور چکلور گه بو شهره گه او دیاره

 

او سیّدیکه منی ایلدی بو خدمته وادار

اودا منیم کیمی حسرتدی آلتی گوشه مزاره

 

آدی محمّد اسلام زاده ، شهرتی خوشزاد

امینِ (شأنی دی) امّا چکوب اوزینی کناره.

 

مرحوم شأنی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , شانی

 

------------

 

احوالات حضرت ابوالفضل (علیه السلام)

 

اوخ کماندان قورتاروب خلق ائتدی آیری منظره

هر طرفدن باغلادی چاره یولون سرلشگره

قولسوز اعضاسین عقاب اوستونده سالدی لنگره

یوز گوزون قان دوتدی دوشدی آرزوسی دوسداقا

مرکبیندن صاق یوزی اوسته یخیلدی تپراقا

 

اولمادی بیر کس وئره تسکین دل ناشادینه

غفلتا ام البنین دوشدی او لحظه یادینه

قیلبینون بیلدی سوزون زهرا یتیشدی دادینه

سسلدی گلدیم اوغول توکمه یوزه گوزیاشووی

گر ننون یوخدی ئوزوم آغوشه آللام باشووی

 

آلدی تا زهرا سسین تاپدی گینه تازه نفس

رویت زهرایه دیلدن ایلدی آرتیق هوس

عشق اودوندا شعله ور گوردی سنق قلبین زبس

ایلدی تکیه کسیک قوللاری گلدی شیونه

عرض قیلدی نه یامان وقته گلوبسن آی ننه

 

حاج مهدی قلندری 

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , حاج مهدی قلندری

 

------------

 

در احوالات حضرت ابوالفضل (علیه السلام)

 

داد او ساعتدن قالوب حیرتده شاه

گوردی ال تاپدی علمداره سپاه

 

صفحه میدانی دوتدی انقلاب

توز آرا گزلندی قرص آفتاب

 

هر طرفدن طبل نصرت چالدیلار

نهر علقم سمتنه آت سالدیلار

 

هایهوی لشگر اشرار شام

گوسترور گویا اولوب عین مرام

 

اولدی محشردن نمونه، کربلا

قتل عباس اولدی عیناً برملا

 

ایلدی دریا کیمی بی پرده موج

طبل نصرت چالدی لشگر فوج فوج

 

رستخیز اوضاعی اولدی آشکار

بیر جدا حدینده قوزاندی غبار

 

هایهوئیله دولوب گوش فلک

قالدی حیرتده ثریا و سمک

 

مقتضای فتحیله هر بیر قدم

ئولدورون سسلردی لشگر دمبدم

 

ایلدی آتلی پیاده هلهله

دوشدی سردار حسین الدن اله

 

سسلدی قارداش گل ای پیک امید

اوز حیاتمدن من اولدوم ناامید

 

نقل ایدر بو قصه نی علیا جناب

زینب اول دخت خدیو مستطاب

 

خیمه لر جنبنده دورموشدی امام

شهریار عز و جاه و احتشام

 

عالم معناده سولدی صورتی

آشکار اولدی امامون غربتی

 

سسلدی زینب گل ای کالای غم

آسمان صبره، شمس محترم

 

عقل و عشقون معنوی سرمایه سی

مادر غم، درد و محنت دایه سی

 

اهل کوفه دین حقدن چیخدیلار

آت گتور عباسی آتدان یخدیلار

 

واردی هر موجوده حس و انتظام

حس موجود اولماسا، اولماز نظام

 

هر بشرده وار ایکی روح حیات

روح خلقت، بیرده روح انبساط

 

بیر بشر، بی روح، ایدنمز زندگی

روح گیتسه ئولدورر کلا رگی

 

انبساطون روحی قاردشدور، رشید

سخت وقته باغلیه فکر امید

 

قارداشون امیدی، قارداشدور بلی

صاف اولا باشی، ایکی سالم الی

 

گر چه فعلاً روح بهجتدن بوشام

روح خلقتده اگر گیتسه خوشام

 

وحدتیمده کل کثرتدن چوخام

ئولدی عباسیم باجی منده یوخام

 

ایتماقا بیر دم توقف یوخ صلاح

دورما زینب حاضر ایله ذوالجناح

 

قارداشیم اشرار الینده اولدی خوار

واردی اطرافنده سانسیز نیزه دار

 

زینب کبرا دوتوب بند سمند

شه ایاقین ایلدی مرکبده بند

 

واردی مقتللرده نقل معتبر

شاه دین گوردی داخی گلمور کمر

 

خانه زین اوسته تا اگشدی شاه

حربگاهه فوج نصرت آچدی راه

 

برج عقربدن چخوبدور آفتاب

مه سراقنده، ایده سیر شتاب

 

رد ایده اشراردن رنگ کدر

جمع اولا بیر برجده شمس و قمر

 

شش جهتدن چولقادی میدانی نور

هر طرفدن اولدی هامون، رشگ طور

 

ذوالفقارون قبضه سینده بیر الی

نور بیضا تک اولوردی منجلی

 

کلمه تکبیری تا اولدی بلند

تتردی اعضای لشگر بند بند

 

شه گلوب تا که یتشدی لشگره

میمنه هولیندن اولدی میسره

 

اوز یریندن اوینادی قلب و جناح

گورسنوب هر یرده سم ذوالجناح

 

شیر غران تک ووراردی ذوالفقار

هر طرفدن لشگری ایتدی کنار

 

سسلدی ای قوم بد سلک عراق

ای محیط بذله گویان نفاق

 

من حسینم یادگار حیدرم

نور چشم حضرت پیغمبرم

 

اولماسیدی حکم سلطان الست

ماه تا ماهی ایدردیم من شکست

 

لیک مامورم او حکم اجراسینه

غوطه ور اولام بو قان دریاسینه

 

بیرق فتح و بشارت آچمیون

بیر دورون ای لشگر کین قاچمیون

 

قلبیمون آرامین الدن آلموسوز

قارداشیم عباسی هاردا سالموسوز؟

 

درد هجران قویمیوب منده توان

تیز ویرون قارداشیم عباسی نشان

 

ایتمدی تاثیر سوز، بیر کافره

حمله ایتدی شه، صفوف لشگره

 

بیر بیر اوسته توکدی چون برگ خزان

سس اوجالدی هر طرفدن الامان

 

یوز قویوبلار قاچماقا اشرار شام

ایلدی تعقیب هر یردن امام

 

ساخلادی بیر یرده رفتارین سمند

گوئیا سالدی قضا بند کمند

 

گوردی قارداشین یارالی پیکرین

بیر بیره ورودی تاسف اللرین

 

اندی مرکبدن نه نوعی مقتله

گلمیوب مقتلدن عیناً سوز اله

 

دولدورب قان، گوردی شهلا گوزلرین

باشلادی دلدن یانقلی سوزلرین

 

دور ایاقه ای منیم آرخام ایلیم

ای آتام اوغلی، سنوب سنسیز بلیم

 

دور ایاقه گور نه گوز یاشیم آخور

چشم حسرتله سنه قارداش باخور

 

پیک دلداریله سر خوشسان اوزون

آچموسان قارداش ندن قانلی گوزون؟

 

آچموسان مین لر پر، اوج وحدته

کیم دوزر وحدتله بئله کثرته

 

عشق میزانین سرفراز ایلوسن

یا کومکسیز قارداشا ناز ایلوسن؟

 

کیمده وار سن تک بو آثار هنر؟

نصب ایده اوز باشنا شق القمر

 

باشون اوسته باخدیم ازل باشوه

گوردوم اگلشمش یارا خم قاشوه

 

باشوین جامی عجب اولموش شکست

اولموری قان کاسه سینده پای بست

 

صورتون نقشین پوزوب سوز عطش

یا اولوب بو صورت اوسته کشمکش؟

 

آنوا بیر دسته گلدور ساچموسان

شاهراه عشقه یا یول آچموسان؟

 

بو نجه پیکردی قارداش چاک چاک

ایلیوب لشگر یر اوسته زیب خاک

 

شوریله ساز ایلرم هنگ نوا

کیم ووروب اوچ شعبه لی اوخ آنوا؟

 

باشوین کیم سندروبدور کاسه سین؟

قارداشون عرشه اوجالدوب ناله سین

 

ویرموری اول قدر امان بو گوز یاشیم

وردیم اولموش دلده ایوای قارداشیم

 

آچ گوزون باخ بیر بو بیکس حالنه

وای منه وای زینبون احوالنه

 

(روفه گر) یازما داخی ختم ایت سوزون

دامن عباسه سال دائم اوزون

 

مرحوم  روفه گر 

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , روفه گر

 

------------

 

آمدن مرد فقیر به در خانه

حضرت ابوالفضل العباس (علیه السلام)

بعد از شهادت

 

گویند فقیری به مدینه به دلی زار

آمد به در خانۀ عبّاس علمدار

 

زد بوسه بر آن درگه و استاد مؤدب

گفتا به ادب با پسر حیدر کرّار

 

کی صاحب این خانه یکی مرد فقیرم

بیمار و تهدیست و گرفتار و دل افکار

 

هر سال در این فصل از این خانه گرفتم

بر خرجی یکساله خود هدیه بسیار

 

گفتا به زنان امّ بنین مادر عبّاس

با سوز دل سوخته و دیدۀ خونبار

 

کز زیور و زر هر چه که دارید بیارید

بخشید بر این مرد فقیر از ره ایثار

 

خود سائل هر سالۀ عبّاس من است این

عبّاس دل آزرده شود گر برود زار

 

دادند بدو زیور و زر آنچه که می بود

از لطف و کرم عترت پیغمبر مختار

 

سائل که نگاهش به زر و سیم بیفتاد

بگذاشت ز غم گریه کنان چهره به دیوار

 

گفتند همه هستی این خانه همین بود

ای مرد عرب اشگ میفشان تو برخسار

 

آن سائل دلباخته با گریه چنین گفت

کی در همه جا بوده به خیل ضعفا یار

 

بر من در این خانه گدائی است بهانه

من عاشق عبّاسم، نه عاشق دینار

 

من آمده ام بازوی عبّاس ببوسم

من در پی گل روی نهادم سوی گلزار

 

هر سال زدم بوسه بر آن دست مبارک

هر بار شدم محو رخ صاحب این دار

 

یک لحظه بگوئید که عبّاس بیاید

باشد که برم فیض از آن چهره دگر بار

 

ناگاه زنان شیونشان رفت به گردون

گفتند فروبند لب ای مرد گرفتار

 

ای عاشق دلسوخته ای محو رخ  دوست

ای سائل دلباخته ای طالب دیدار

 

دستی که زدی بوسه جدا گشت ز پیکر

ماهی که تو دیدی به زمین گشت نگونسار

 

آن دست کز او خرجی یکساله گرفتی

شد قطع ز تیغ ستم دشمن خونخوار

 

سر بر سر نی، دست جدا تن به روی خاک

لب تشنه، جگر سوخته، دل شعله ای از نار

 

این طایفه هستند در این خانه سیه پوش

این خانه بود در غم عبّاس عزادار

 

این مادر پیری که قدش گشته خمیده

سر تا به قدم سوخته چون شمع شب تار

 

این مادر دلسوختۀ چار شهید است

گردیده دو تا قامتش از ماتم آن چار

 

این مادر عبّاس همان امّ بنین است

دادند بنینش همه جان در ره دادار

 

سوگند به آن مادر و آن چار شهدش

بگذر ز گناه همه ای خالق غفّار

 

تا شیعه نگردیده هلاک از غم عبّاس

«میثم» تو عنان سخن خویش نگهدار

 

حاج غلامرضا سازگار

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , غلامرضا سازگار

 

------------

 

در احوالات حضرت ابوالفضل (ع)

 

افتاد تا که از تنِ آن شهسوار ، دست

بگشود خصمِ او ، ز یمین و یسار دست

 

ناچار شد دچارِ اجل ، تن به مرگ داد

بی دست چون جدال کند با هزار دست؟

 

آن میرِ نامدار به دندان گرفت ، مشک

دندان دهد مدد ، چون بیفتد ز کار دست

 

دشمن کمان گشود به سویش ز چار سوی

بر مشکِ آب ، تیر و به گُل یافت خار ، دست

 

جسمِ شریفِ او ، هدفِ تیر و نیزه شد

بادِ سموم یافت بر آن لاله زار دست

 

از ضربتِ عمود ، رخش گشت غرقِ خون

بر چهرِ ماه یافت ، خسوف و غبار دست

 

افتاد روی خاک و ندا زد که یا اخا

دریاب از وفا و به یاری برآر ، دست

 

جانا بیا که جان کنم ایثارِ مقدمت

آن سان که در رهِ تو نمودم نثار ، دست

 

گر دیرتر رسی نگذارد ز من اثر

یابد چو خصمِ شوم بر این جسمِ زار ، دست

 

سلطانِ دین چو نالهء جان سوزِ او شنید

تعجیل کرد تا که به بالینِ او رسید.

 

مشکوة ‌کاشمری

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , مشکوة ‌کاشمری

 

------------

 

حضرت ابوالفضل العباس (علیه السلام)

 

گوزلریم قربان ابالفضل نگران گوزلروه

قانلی میداندا هراسان دولانان گوزلروه

 

یا ابالفضل نظر ائد درده گرفتارم آقا

بیر گوز آلتی منه باخسون ساغالار یارم آقا

احتیاجیم وا آقا قانلا دولان گوزلروه

 

ای سو اوستونده دوشن ساق و سولی

لطف ائله سن بیل علی اصغروون باغلی قولی

یوزومه باغلانیب هر یئردن آقا چاره یولی

جان فدا اولسون اوجا اوسته آخان گوزلروه

 

سالمیشام بوینوما عشقونده آقا آق کفنی

سسلرم داده ابالفضل مین امیدیله سنی

سنی زینب باجوون عصمتی سیندیرما منی

آغلارام قان آقا یولاردا قالان گوزلروه

 

یاده سالام او زمانون باشوا دئگدی یارا

مرکب اوسته بدنون لنگر ائدیب ساغه سولا

نه روا آهن عمود قولسوزا بیر قوللی ویرا

پرده چکدی او بیابانیده قان گوزلروه

 

اودی هر ایلده محرمده قرا من گیئرم

کیم دئسه قولارا قربان من ابالفضل دیئرم

یازا خنجر آدووی باشیمه فریاد ائدرم

قوی تصدق اولا باشیم جان آلان گوزلروه

 

زاهدا حکم جزا عاشیقه باطلدی اینااااان

عاشیقین زینتی دور باشدان آخان قرمزی قان

ننگیدور عاشیقه عشق اوسته اگر ورمسه جان

عالم عاشیقدی او حسرتله باخان گوزلروه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی

 

------------

 

در احوالات حضرت ابوالفضل (علیه السلام)

 

دیده ام در کربلای دست تو

عالمی را مبتلای دست تو

 

کربلا اینقدر شیدایی نداشت

بی تو و بی ماجرای دست تو

 

می کشد این حسرتم آخر که کاش

بود دست من بجای دست تو

 

شط بدان طبع رسا گیرم نساخت

یک دوبیتی در رسای دست تو

 

علقمه در علقمه تکثیر شد

موج پژواک صدای دست تو

 

دیدم از آغاز پایانی نداشت

قصه خونگریه های دست تو

 

چشم من با گریه می بندد دخیل

بر ضریح با صفای دست تو

 

هر که با دست تو دارد عالمی

من که می میرم برای دست تو

 

تا همیشه دست تو مشکل گشاست

ای خدا مشکل گشای دست تو

 

اوفتاد از پا امام عاشقان

تا که خالی دید جای دست تو

 

خم شد و برداشت و با احترام

بوسه زد بر پاره های دست تو

 

سایه هم همسایه نامحرمی است

گرچه می افتد به پای دست تو

 

ای به سودای تو اسماعیل ها

سر نهاده در منای دست تو

 

کعبه در سوگ تو می پوشد سیاه

تا نشیند در عزای دست تو

 

آب پاکی روی دست آب ریخت

ای به قربان صفای دست تو

 

 محمد علی مجاهدی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , محمد علی مجاهدی

 

------------

 

حضرت ابوالفضل العباس (علیه السلام)

 

یا ابوالفضل_بیر توکون بیز_ویرمروخ روضه ی جنات برینه

ئورگدوبسن_درس غیرت_عرشیده حضرت جبریل امینه

لک لبیک لک لبیک لک لبیک آقا آدیوه قربان

 

عبدصالح_یار قرآن_گوزل عنوان و نشان و لقبیندی

قسم عشقه_ایکی دنیا_سنی عباس الیین ئوز ادبیندی

لک لبیک لک لبیک لک لبیک آقا آدیوه قربان

 

آل هاشم_آییسان سن_باشین اوسته دولانان ستاره لردی

بالاقیزلار_علی اکبر_سنون عاشقین بلکده صودامردی

لک لبیک لک لبیک لک لبیک آقا آدیوه قربان

 

جان ابوالفضل_دیل آچاندان_یاحسین بن علی اولوب شعارین

بامرام و _باادب سن_آنان ام البنینه چکوب وقارین

لک لبیک لک لبیک لک لبیک آقا آدیوه قربان

 

سروقامت_آلاگوزلر_قدیوه غبطه ایدر شاخه ی طوبی

هاشمیسن_علویسن_فخر ایدر قوللاریوا حضرت زهرا

لک لبیک لک لبیک لک لبیک آقا آدیوه قربان

 

کربلاده_نینواده_ساقی اهل حرمسن آی ابوالفضل

هم علمدار_هم سپهدار_صاحب مشک و علمسن آی ابوالفضل

لک لبیک لک لبیک لک لبیک آقا آدیوه قربان

 

سنه زینب_جان دییردی_متقابلا خانم جان ایشیدردی

حرم اهلی چوخ سووردی_اوچ یاشیندا بالیا نوربصردی

لک لبیک لک لبیک لک لبیک آقا آدیوه قربان

 

سس دوشوبدی_کربلاده_گلوری جهاده حیدرین بالاسی

رزمگهده_تلین اوستن_مرحبا دییور اونا حسین آقاسی

لک لبیک لک لبیک لک لبیک آقا آدیوه قربان

 

نهرین اوسته_قاچاقاچدی_لشکر دشمنه ولوله سالوبدی

همتیلن_بو دلاور_نجه گور فراتی یک تنه آلوبدی

لک لبیک لک لبیک لک لبیک آقا آدیوه قربان

 

 بهلول حبیبی زنجانی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , بهلول حبیبی

 

------------

 

 احوالات حضرت ابوالفضل (علیه السلام)

 

باغبان چولده ایتیرمیشدی معطر یاسینی

اختاروب اما تاپانمور مظهر احساسینی

اغلیوب امداده سسلور با وفا عباسینی

هی دیوردی زینبون نور دوعینی هارداسان

ای سالان چولدن چوله مظلوم حسینی هارداسان

 

قوم کین علقم کنارینده ادیردی همهمه

ناگهان سلطان محشر باخدی سمت علقمه

گوزلری دوشدی حسینون قانه باتمش پرچمه

باد غم اسدی داغلدی دشت و صحرایه ائلی

قارداشین بیر حالدا گوردو حضرتین سندی بلی

 

گلدی بالین ابالفضله امام مقتدا

گوردو یا الله امید عترت آل عبا

بیر سنخ نی مثلی گویا ایلیورآه ونوا

توکدی گوزیاشین ددی عالم اولا ویران اخا

دیده مجروحه اولسون اصغریم قربان اخا

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی

 

------------

 

در احوالات حضرت ابوالفضل (علیه السلام)

 

سالسالار سو صحبتین عبّاسه آغلار گوزلریم

یـاد ایـدر شخصیّتین عبّاسه آغلار گوزلریم

 

کربـلا دشتینـده سالدی غُلغله سو صـحبتی

خیمه‌گاهه باغلاناندا سو چوخالـدی قیـمتی

اُلدوره سـوز عطش آز قالدی آل عـصمتی

یاد ایدور اول ساعتین عباسه آغلار گوزلریم

 

ساقی لـب تشنه‌گان باخدی سارالمش گللره

بوش قالوبدی مشگلر گلدی گران سرلشگره

آدی سقّادی، ولـی تاپمور سو دلسیز اصغره

قیل تصوّر غیـرتین عبـاسه آغـلار گوزلریم

 

بعضیسی ایلور سوسوزدان خیمه‌لر سمتنده غشّ

بعضیسی سسلـور منی یاندیردی بو سوز عطش

چـاره تاپمـور قـزلارا آغلور ولی اول ماه وش

درک ایدنده رقّتین عباسـه آغـلار گـوزلریم

 

ایوای عباسین آدی سقّـادی سقّـاده سـو یـوخ

بو سِمَت کرب و بلا سـردارینی آغلاتدی چوخ

العطش صوتی اونون قـلبین دلـوبدور مثل اوخ

آلدی صبر و طاقتین عباسه آغلار گـوزلریم

 

کیـم گـورور عبّـاسی تزتز لبلرینـده سـو دیور

آز قالور اُولسون سوسوزدان بیر سوری آهو دیور

قزلارین آخمش گوزی اولدوزکیمی سوسو دیور

غم ساراتمش صورتین عباسه آغلار گوزلریم 

 

 حاج غلامرضا عینی‌فرد زنجانی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , عینی فرد

 

------------

 

احوالات وداع حضرت ابوالفضل (علیه السلام)

 

عشق بازان از جهان گشتند سیر

جمله گی رفتند جزشاه و وزیر

 

آن وزیر با وفا جان جهان

یک نظرانداخت برسلطان جان

 

دید شاه مات است جسمش درخطر

جزهوای آن جهان نبود بسر

 

خواهرش بر سینه و بر سرزند

نه فلک را دخترش اخگرزند

 

قداو ازقتل اکبر چون کمان

رنگ او چون گل بهنگام خزان

 

مادراکبر بنالد از فراق

پرشده ازالعطش این نه رواق

 

موپریشان ایستاده  خواهرش

جان دهد لب تشنه یکجا اصغرش

 

یکه و تنها ستاده شاه او

سیر دارد برافولش ماه او

 

فرشیان درشادی و درهلهله

عرشیان درناله و درولوله

 

حلقه وار از هرطرف تیغ و سنان

ایستاده چون نگین سلطان جان

 

راست شد مو دربدن جانش طپید

دست شست ازجان خود لب را گزید

 

گفت ماندن دور باشد ازصواب

جان دهد این طفلها ازبهر آب

 

شد روان اما دلش ناقوس وار

ناله دارد از جهان گیرد قرار

 

نی بخود مینالد آن یارعزیز

برغریبی عزیزان اشگریز

 

گوید ای دنیا چه سان دون پروری

جان بیازاری کنی تن را جری

 

آل بوسفیان نگربی واهمه

موپریشان بین بنات فاطمه

 

مرحوم رازی طارمی زنجانی

منبع کانال گنجینه گذشتگان

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , رازی طارمی زنجانی

 

------------

 

اظهار عطش

 

شجاع عرصه میدان پر دلیر یلی

نهنگ قلزم قهر خدای لم یزلی

 

هلال برج سعادت مه سپهر اساس

همای اوج سعادت او مه لقا عباس

 

ایدوب ملاحظه اطفال تشنه لب حالین

گوروب که رنگ یوزوندن قاچوبدی اطفالین

 

سکینه اوز قوریان لبلری کیمی بیر مشک

آلوب الینه توکر مشک دیده دن یره اشک

 

دالیندا دسته ایله اللرونده خالی جام

ویروبله سس سسه اطفال تشنه کام تمام

 

ایدوب سکینیه بیر نوعیله عطش تاثیر

گلوب سو ایستماقا یوخدی حالت تقریر

 

یانور یانان جگری سو آدی گلنده دله

نشان ویرور او یانان لبلرون اشاره ئیله

 

یتن زمان دولانوب باشینه چو پروانه

دیدی اماندی سوسوزدان یتیشمیشوخ جانه

 

بو تشنه کاملرون بیر سنه گمانی گلور

هامی بولور اوزون الدن سخا نشانی گلور

 

نجه روادی فراتین سویی اولا جاری

عطش کباب ایلسون اهلبیت اطهاری

 

شجاعتین اولوب عالمده گون کیمی مشهور

بو قدرتیله عمو واردی غیرتندن دور

 

گلوب بو خیردا اوشاقلار سنه دخیل عموجان

روا دگل قوناقین اعطش دیوب ویره جان

 

بو مشکی چگنوه سال دورما فکر آب ایله

بو تشنه لبلری سیراب ایدوب ثواب ایله

 

گلونجه سن سو یولی گوزلوری بنات صغیر

او قدر صبرلری یوخدی ایلسن تاخیر

 

(حقیری) ایلگلن سن عمو اوزون سیراب

او گون که گون که اونی تشنه لیق ایدوب بی تاب

 

مرحوم حقیر خویی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , حقیر خویی

 

------------

 

مقدمه محاربه و شهادت حضرت ابوالفضل (ع)

 

 به قلم مرحوم ذهنی زاده بخش اول

 

بصیرتیله گوزوم گور بو کون و امکانی

تمام عالمی هر ماسوانی بول فانی

 

گتوردی موجد عدمدن وجوده موجودی

گینه عدمدی بلا شک وجود پایانی

 

هامی یارانمش اولوب محو اولاندی آخرده

تلاوت ایله دوشون کل من علیهانی

 

خدای لم یزل و حی و فردیدور باقی

ایدوبدی وجهینه مخصوص لفظ یبقانی

 

همین بو دار فنا بیر نزولگهدی بیزه

نجه کی منزل کاروان بیابانی

 

بو کاروان او زمان قرب مقصده یتیشر

که حشره گاهیده ایلر معاد جسمانی

 

ایدر او عرصه گهه قادر قدیم احضار

هامی معاشر جنی نژاد انسانی

 

هامی گورر او گون اعمالینون نتیجه سینی

بدون اینکه نتیجه ویره پشیمانی

 

بیر ایله گوندی او گون یاد ایدنده اوضاعین

یاخون اولور ایده جیحون سرشگ دامانی

 

اولار او گون هامونون ورد و ذکری وا نفسا

نجه حبیب اولا یاد ایلمز احبانی

 

قاچار اوغول آناسندان آنا اوز اوغلوندان

محالیدور سالا بیر کیمسه یاده آبانی

 

خیال یوسف کنعانی ایلمز یعقوب

ابوالبشر ایدجاخ ترک یاد حوانی

 

ایدر کسوف او گون جرم نیر اعظم

حجاب خسف دوتار روی ماه تابانی

 

گونیله آی ایکسی جمع اولولا بیر یرده

اولور جماعتین عین المفر تبیانی

 

اولار جماعت ایکی قسمته او گون تقسیم

بیرسی فرقه جنت بیرسی نیرانی

 

گر ایسته سن گورسن رستخیز اوضاعین

همان او گونده وقوعه گلن قضایانی

 

مجسم ایله گوزونده عراق صحراسین

او دشت محنت و غم وادی بلایانی

 

گورن گورر ایکی فرقه او قانلو صحراده

بیرسی فرقه شیطان بیرسی شیطانی

 

بو یاندا عده ئی معدود دور اناث و ذکور

او یاندا آتلو پیاده نظام یوخ سانی

 

او قدر قان توکولوب نعشلر قالوب بی سر

ایدوب عقیق یمن قان بسیط غبرانی

 

نماز خوف قیلولار بو یاندا وحشتیله

او یاندان اهل نمازه ویرولا پیکانی

 

یخلدی چوخلاری توپراقه ختم اولونجا نماز

اولوب شهید قویوب بی سپاه سلطانی

 

اولار کی قالدی کنارینده شاه مظلومین

یارالانوب هامی پیر و جوانین ابدانی

 

مبارزتله قالانلاردا بیربیر اولدی شهید

اولوبلا شوقیله بزم وصال مهمانی

 

او گلستان محبتده گول وجودیلری

امام الیله مزین ایدردی قتلانی

 

بیر آز زماندا قالان بیر شه اولدی بیر سردار

نه قالدی قاسم و اکبر نه مسلم و هانی

 

قتال نوبتی یتدی او دم ابوالفضله

دوتوب غبار محن نه رواق مینانی

 

بو فکره دوشدی که شمس شهادته مه اولا

یازوب بولوردی قضا کلکی بیله فرمانی

 

لوای سلطنتین آچدی پرچم فتحین

شهنشهون باشی اوستونده اول وفا کانی

 

دولاندی باشنه عرض ایلدی سنه قربان 

منیمده واردی باشیمدا هوای قربانی

 

اجازه مرحمت ایله که خاک پایوندا 

نثار ثار ایدوم ای ثاری ثار رحمانی

 

بسان مور الیمده هدیه جان نقدی

حضوره گلمیشم ای کربلا سلیمانی

 

بو تحفه پیشگهونده حقیردور لیکن

قبول ایدر کرم اهلی هامی هدایانی

 

بو دللر آلدی دلون اول شه شکسته دلین

توکوب عذاره جگر قانی چشم گریانی

 

کمال حسرتیله باخدی بیر علمداره

او بیر باخیشدا واریدی رموز پنهانی

 

بویوردی سنده گیدورسن نیدوم من بیکس

حسینوین بولوسن یوخدی یار و اعوانی

 

سن اولماسان منه دشمن جری اولار قارداش

توکر بو پیرو ناحق سپاه حق قانی

 

علاوه اهل و عیالیم گوزون تیکوبدی سنه

سنی بولور حرم اهلی ، حرم نگهبانی

 

کسیلسه پرتو لطفون سر حرمدن اگر

اولار حرم گونوزی لیل تار و ظلمانی

 

دوتوم که من دیمورم سن اوزون خیال ایله

مآل کار حریم امیر بطحانی

 

جواب ویردی اوزوم آگهم مطالبدن

ولی عیاندی سنه صبریمون یوخ امکانی

 

نجه دوزوم اوزون آگاهسن برادرجان

عطشدن عرشه چخوب اهلبیتون افغانی

 

بیری دیر عطشیمدن خدا هلاک اولدوم

یاخوندی ترک ایده روحیم بو تنگ زندانی

 

بیری النده دوتوب بوش سو جامی سو دلده

توکر او جامه سو تک اشک چشم شهلانی

 

بویوردی ایمدیکه یوخ چاره سنده گیتملوسن

بیر آز سو ایسته ویره بلکه لشکر جانی

 

همینکه ایسندی گیتسون دیدی برادرجان

دایان دویونجا گوروم بیر او قد بالانی

 

بو یول اولوم یولودی گیتمه بو شتابیله

یخار سموم ستم بیله قد طوبانی

 

چتندی بیرده سلامت گورم سنی هیهات

بولاق گرکدی غنیمت بو مختصر آنی

 

بودور مرام دلیم قول بویون اولاق بیرده

یانان اورکده آزالداخ شرار هجرانی

 

همینکه قول بویون اولدی حسینیله عباس 

گتوردی شوره بنات بتول عذرانی

 

سکینه فاطمه نی تاپدی زینبی کلثوم

سریه شاه زنانی رباب لیلانی

 

بیوک کیچیک هامی بیر بیرله قول بویون اولدی

ظهوره گتدیله شور نشور عظمانی

 

ایله سیزیلدادیلار ایتدیلر ایله شیون

صدای ناله دوتوب گنبد معلانی

 

همین بو ساعت اولوب اقتران شمس و قمر

سالوبدی صحبت این المفره نسوانی

 

خلاصه هر ایکی قارداش وداع کامل ایدوب

یانا یانا قویوب اول ماه مهر رخشانی

 

باتوب خیامده میداندا چخدی مهر منیر

ضیائی خیره لدوب چشم قوم اعمانی

 

ادامه دارد ...

 

مرحوم ذهنی زاده

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , ذهنی زاده

 

------------

 

مقدمه محاربه و شهادت حضرت ابوالفضل  (ع)

 

 به قلم مرحوم ذهنی زاده بخش دوم

 

باتوب خیامده میداندا چخدی مهر منیر

ضیائی خیره لدوب چشم قوم اعمانی

 

نصیحته دل آچوب زاده لسان الله

که خوابدن اویادا قوم دل سکارانی

 

منی بویوردی بو لشکر هامی تانور که کیمم

گونوز گون اولکماقون اولماز نیاز برهانی

 

منیم کنیم ابوالفضلدور آدیم عباس

ویروب غلام حسینه علی عمرانی

 

بوگون ولیک علمدار شاه بی سپهم

علاوه ایلدی سقا ولی سبحانی

 

ویروب بو مشکی منی نهره ایلیوب اعزام

سقاء تشنیه مامور ادله سقانی

 

گلون آچون سو یولون آز عناد ایدون ای قوم

عطش شرارینه یاندورمون آل طاهانی

 

پیمبر اوغلی سوسوز قالسون عترتی یانسون

ولی فرات ایده سیراب وحش و حیوانی

 

نقدر ایتدی نصیحت گوروب قبول اولماز

محال دور آییدا پند و وعظ اعدانی

 

گرک آچا سو یولون آبرنگ شمشیری

غلافدن چخادوب تیغ برق آسانی

 

اوزون ویروب قشونا ابن ضیغم الغزوات

صفوف میسره نی پوزدی نظم یمنانی

 

بیرآز زماندا آچوب نهر علقمه شهراه

وروب شریعیه سرعتله باد پیمانی

 

قباقجه مشکنی دولدوردی باغلادی بندین

اورکدن ایلدی حمد قدیم الاحسانی

 

همان او حالده داغ عطشله داغلی دلی

آلوب برودت آب فرات دریانی

 

هر ایکی اوجونی دولدوردی ایستدی ایچسون

خیال ایدوب عطش خسرو لب عطشانی

 

نوکوب سویی دیدی اوز نفسنه ملامتیله

دگل طریق مواسات دوست نسیانی

 

حرامیدور سنه شرع وفاده آب حلال

ایچر اورک قانی لب تشنه عشق قربانی

 

وفایه سیر ایله لب تشنه چخدی دریادن

ولیک ایلدی سیراب نخل ایمانی

 

جهاد اکبری ایتدی خیامه آت سالدی

صول الده مشکی دوتوب صاقدا تیغ برانی

 

به حکم میر سپه آلدی دوره سین لشکر

یاغش تک اوستنه یاغدی خدنگ بارانی

 

قویاردی مشکی ووراردی قلج آچاردی یولی

ایدردی مشکنه حامل دوباره یسرانی

 

تمام همتنی حفظ مشکه صرف ایلیوب

ایدردی مشکه وقایه تمام اعضانی

 

شجاعتیله او صحراده لافتی اوغلی

وورور توکور داغیدور قوم بی سر و پانی

 

او شیر شرزه که هر سمته ایلور عطف عنان

قاچور چو دسته روبه گروه سفیانی

 

گنه گلور گوتورور مشکی بیر قدر آپارور

گورر خدنگه نشانه نشان اعدانی

 

آپاردی خرمالیقا حفظ مشک تدبیری

بو گیرو دار او تدبیر جنگه دارانی

 

قویاردی مشکنی نخله دالندا دوره سینی 

طواف ایدردی چو پروانه شمع سوزانی

 

مجسم ایله همان عالمی خیالوندا

او کثرت سپهی سر سپاه تنهانی

 

گرک نه قدرت اولیدی بیر الده بیر مشکه 

ایدیدی کوته اوتوز مین ید تعدانی

 

همان او حینده تل اوسته حسرتیله امام 

ایدردی قارداشنون رزمینه تماشانی

 

گوروب مشقته سالموش سو مشکی عباسی

ایدوب فراهم اونا زحمت فراوانی

 

بو فکره دوشدی که قارداشنا حمایت ایده 

دوزنمدی قویا یالقوز او شیر غرانی

 

آت ایستدی گتوروب دخت فاطمه زینب

دوتوب رکاب سوار ایتدی ابن زهرانی

 

سوار اولان کیمی سسلندی جان سپهداریم

گلور حمایتوه عالمون جهانبانی

 

اوزون ووروب قوشونا الده تیغ آتشبار

داغیتدی قارداشنون دوره سندن اعدانی

 

هر ایکی قارداش او دم آرخا آرخیا ویردی

ایدردی بیر بیرینون حفظنه تقلانی

 

ایله ووراردی قلج مرتضی نشانه لری

که مشکل ایتدیله اشراره فتح آسانی

 

دیردی هر ایکی دلبنده آفری دلدن

اگر باخیدی او دعوایه شیر یزدانی

 

او ایکی قامتی شور قیامتین قلجی

سپاهه ایلدی محشر او دشت و صحرانی

 

گوروب بو شورشی سسلندی زاده وقاص

مخاطب ایلدی اشرار شام ویرانی

 

دیدی بو طرزیله وورسا قلج ایکی قارداش

دم حسامه چکر جمله پیر و برنانی

 

تلاش ایدون آییرون شاهدن علمداری

چکون کناره هاموز شاهد منایانی

 

قشون او وقتده دریا کیمی گلوب موجه

مضاعف ایلدی فلک نجاته طوفانی

 

آیردی قوم فشاری عنای مشک آخر

او شهریاردن اول شهسوار هیجانی

 

پیمبر اوغلی اویاندیدی ذوالفقار الده

توکردی تپراقا کفار بی محابانی

 

بویاندا وارث حیدر النده شمشیری

ایدردی زیر و زبر قوم سست پیمانی

 

ووراردی خرمن عمر سپاه اشراره

شراره صاعقه تیغ آتش افشانی

 

ایله فشاره سالوبلار او قوم تنگدلی

که تنگ ایدوب قشونا اول وسیع میدانی

 

قاچور سواره ایاقلور پیاده نی آتلار

دوتوب او چولده یارالی نواسی هر یانی

 

نه وار آتا خبری اوز عزیز اوغلوندان

نه بیر خلیل سالور یادینه اخلانی

 

امام ایستدی عباسدن خبر بولسون

بو اختباره ایدوب اختیار ایمانی

 

قلج ووراردی دیردی اناابن ختم رسل

بابام پیمبره حق نازل ایتدی قرآنی

 

آلاردی بو سسی عباس اودا ویرردی جواب

آتام علی اوجادوب نام حی اعلانی

 

بیری بیرینون آلاندا سسین ایکی قارداش

سیلردی زنگ محندن دل مصفانی

 

بیر آز گیچردی گینه سسلنردی سبط نبی

سایاردی منقبت لاتعد و تحصانی

 

گورردی گلدی جوابی گینه ابوالفضلین

علیدن ایتدی بیان افضل ثنایانی

 

اوقدر گیچمدی آلدی قطعتموا سسینی

آلان اوسمعی هامی صوت جهره واخفانی

 

بولوب که قارداشینون صاق قولی قلم لندی

ایدر صول اللی جهادی اوحیدر ثانی

 

ایله آلیشدی دل شهریار خونین دل

شرار آهینه یاندی وجود ارکانی

 

یداللهین قولونی قوه دن بوغم سالدی

غم برادار ایدر بیله بیر تقاضانی

 

گینه وررادی قلیج سبط احمد مختار

نهان ایدردی همان محنت هویدانی

 

تلاش ایدردی که قارداشینایتورسون اوزون

قضا آپار مامیش الندن عنان یارانی

 

قلج ووراردی دیردی انا ابن محمود

که نازل ایلدی حقینده حق اسرانی

 

دیردی قارداشی من لافتایه دلبندم

بوچرخ پیرگورنمزاو شاهه همتانی

 

هامی بولور که منم بیر ابو تراب اوغلی

تراب ذلته توکدی منات وعزانی

 

صول اللی ایلرم اوزدینمون حمایتینی

ایچیم شهادتیله جام مرگ احلانی

 

که یعنی غم یمه قارداش هله یخلمامشام

نشان وریرور رصول الیم ضرب شست یمنانی

 

خلاصه حامی دینون ایکی رشید اوغلی

قیراردی فرقه مرتد و بی تولانی

 

اوقدر عرصه نی تنگ ایلمیشدیر قوشونا

ایدوب معاینه سفیانیان منایانی

 

اوحینده گینه سسلندی سرورمدنی

دیدی مناقب سلطان ومللک لولانی

 

بویوردی گوهر گنجینه رسولم من

علاوه وارث اعمال خلق میزانی

 

گوروب امام که سسلنمدی ابوالفظلی

بولوب کی یخدیلار اول سروعالم آرانی

 

کمال حسرتیله رزمگاهه سالدی نظر

اویان بویانه دولاندوردی چشم بینانی

 

آلوب اوشه نظره مصرع علمداری

همان اوکعبه مقصود اهل معنانی

 

دیر او وقتده راوی که منده حاضریدیم

اوعرصگهده گورردیم اوشاه خوبانی

 

سورور سمندینی سرعتله قارداش آختاروری

اوشاهره آچمشدی عالی ودانی

 

بیراز گلوب یخیلوب صدر زیندن ناگه

الیمدن آلدی بو غم دامن شکیبانی

 

ددیم حسینه خدایا نه یاره دگدی مگر

که سالدی آخر ایاقدان او سرو سرپانی

 

اوقدر کچمدی گوردوم ایاقه دوردی امام

باسوبدی باغرینا بیر ال نشان جانانی

 

گهی اوپردی گه ایلگردی قرمزی گل تک

همان اوقرمزی قانیله دست حمرانی

 

دیردی بواله جان جهانیان قربان

روادی گوزبواله توکسه اشگ مرجانی

 

خدا بولور بو الون حقی چوخدی بوینومدا

گوروم گواه بو چوخ حقه حق دانانی

 

آلوب او حینیده قارداش سسین شه مظلوم

که داده سسلور او تخت ولایه اولانی

 

تعاقب ایتدی سسی تاپدی قارداشی قارداش

گوروب خسوفه دوشوب اول مه درخشانی

 

بیر ایله حیرته دوشموش مه بنی هاشم

تصور ایلیه بولمز او صورت مانی

 

نه حاله قالدی بیر الله بولور و بیرده اوزی

او حالتیله گورنده او قانه غلطانی

 

الین قویوب بلینه سسلدی وای آرخام وای

دوتوب نوای حسینی سپهر خضرانی

 

کمال لطفیله اگلشدی توپراق اوستونده

او شهریار که ایتمز پسند دیبانی

 

ایکی الیله گوتوردی او قانلو توپراقدان

او توپراقا قانا آغشته ماه سیمانی

 

آلوب دیز اوسته باشین سویلدی سنه قربان

بو جان کی فدیه دی بو جانه عالمین جانی

 

بو چولده یاخشی مواسات ایلدون حقا

جزای خیر ایده پروردگار ارزانی

 

سیلردی قارداشینون یوز گوزوندن القانی

که گوز آچوب گوره مه روی مهر زیبانی

 

آچاندا قانلی گوزون نور عین عین الله

گوروب جمال جمیل ایلین تجلانی

 

او قدر قالمادی موسی کیمی دوشه مدهوش

گورنده وجهه وجه خدانی نورانی

 

او طور عشقیده گلدی کلیم عشق دله

محل صحبته زیبنده بولدی سینانی

 

چوخ انکساریله عرض ایلدی اوجالدی باشیم

گوروم اولیدی سر افکنده قوم ادنانی

 

منی بو دشتیده سندن خجالت ایلدیلر

اولیدی کاش خجل دوره سینده دورانی

 

ایدنمدیم سنه خدمت چوخ اعتذار ایدورم

اوزون قبول ایله بو اعتذار با جانی

 

ادامه دارد ...

 

مرحوم ذهنی زاده

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , ذهنی زاده

 

------------

 

مقدمه محاربه و شهادت حضرت ابوالفضل (ع)

 

 به قلم مرحوم ذهنی زاده بخش سوم و پایانی

 

ایدنمدیم سنه خدمت چوخ اعتذار ایدورم

اوزون قبول ایله بو اعتذار با جانی

 

نه بیر سن، اهل حرمدنده شرمسار اولدوم

سنه عیان ایلیوب لامکان خفایانی

 

سنون بو ووقتیده تشریفون ای وفا کانی

منی موفق ایدوب ایلیم وصایانی

 

سنی قسم ویریرم فاطمه جلالتینه

قبول ایله من ابوالفضلیدن تمنانی

 

نه قدر اولممیشم خیمیه آپارما منی

وار احتضاریمون ایسی قوم اوسته رجحانی

 

سو اولمادی بولوسن اهل بیتیدن خجیلم

شکست ایتدی قضا رسم عهد و ایفانی

 

دگیدی قلبیمه مشکه دگن خدنگ ای کاش

سووردی مرغ دیلم بیله تیر پرانی

 

فسوس و آه گلوب مشکه دگدی پاره لدی

سو آخدی نقش بر آب ایلدی عنایانی

 

دیه دیه سوزونی یومدی گوز دیدی تهلیل

یانا یانا قویوب اول وارث مسیحانی

 

امام ایستدی قتلایه نعشینی آپارا

مزین ایلیه بو گول همان گلستانی

 

هزار حیف او تک باغبان گلشن عشق

یغانمادی او گل برگ برگ خندانی

 

الینی قارداش الیندن اوزوب خیامه گیدیر

گوتوردی لیک نشانه او مشک شان شانی

 

بیر آز گیدور دایانور قارداشا باخور آغلور

سرشکی موجده شرمنده ایلور عمانی

 

گورن بولوردی که چوخ ناگراندی قارداشدان

شرار هجر برادرله قلب بریانی

 

باخاندا بیرده گوروب ماه هاشمی باشینی

جدا بویوندا ایشخلاندوروبدی دنیانی

 

دورار جدا بویی گون خلقه گر قیامت اولور

حسینه لیک بو آی ویردی حشر اعلانی

 

کسوفه مایل ایدوب شمس عشقی ماه وفا

محبت اهلی ایدر حل بو معمانی

 

عجب دگور سالا خسف قمر کسوفه گونی

عجب بودور گوره گون وقت ظهر یلدانی

 

خلاصه خیمیه یتدی امیر حل و حرم

چاقردی زینب وارونه بخت نالانی

 

بویوردی یغ باجی جان اهل بیتیمی باشیما

چاقر اولان حرم عصمت ایچره ثگلانی

 

گلوب منیله ابوالفضلیمه بیر آغلیالار

دویونجا اوخشیالار اول جوان رعنانی

 

یغشدلار چادرا اهل بیت شاه وحید

او بزم ماتمه اولدی امام اوزی بانی

 

عزایه سیر ایله بیر ماتمه گلنلره باخ

بو چرخ گورمز ایله دوده معزانی

 

دمم ووراردی بیری گل جمالینه سیلی

و یا یولاردی بیری طره مطرانی

 

بو قدر وار ایله آغلاشدیلار سیزیلدادیلار

صدای ناله ثرادن دوتوب ثریانی

 

امام گوردی کی واضیعتا دیر زینب

یوزونده آرتوروری سیل اشگ طوفانی

 

بویوردی ای باجی واضیعتا بلی والله

نه یاخشی بولدون اوزون درد بی مداوانی

 

بو قوم ایلدی نسل پیمبری ضایع

داغتدی ظلم الی شیرازه بند فرقانی

 

تدارک ایله اسیر اولماقوز یقین اولدی

دیار شامه چکر شامیان اسارانی

 

بیله خیال ایدورم شه دین کیمی بو سوزی

دگیشدی نغمه هر عندلیب شیدانی

 

دانشدلار بالالار بیر بیریله آهسته

یتوردولر باشا بیر آز زماندا نجوانی

 

ال آتدی هر بالا اوز زیب و زینتین سویدی

نه گوشواره نی ساخلوب نه زینت پانی

 

نه عقد لولوئی بیر قیز قویوبدی بوینوندا

نه ساخلادی بیر اوشاخ دست بند لالانی

 

دیردیلر که نه ایدر دست بند و کردن بند

اسیره قیز که نه حامی نه مایه شانی

 

طناب ظلم اولاجاخ دستبندیمیز آخر

وورار بویوندا کمند عقده عقدیمیز سانی

 

سویوندی قیزلار اسارت تدارکین گوردی

قویوبلا شوریله اجرایه امر مجرانی

 

او بزم ماتمین ال وورما شرحینه (ذهنی)

یووار شرشگ قلم ایلین بیر املانی

 

بو شرح محنتی قوی روز محشره قالسون

قیامت ایله همان رستخیز کبرانی

 

مرحوم ذهنی زاده

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , ذهنی زاده

 

------------

 

احوالات حضرت ابوالفضل (علیه السلام)

 

بنْگر آن چشم و چراغ عالمین

تشنه‌لب سقّا و سردار حسین

 

نور چشم منبع آب بقا

یادگار خسرو خیبر‌گشا

 

چون به حکم قبله‌گاه کاینات

فرد و تنها کرد تسخیر فرات‌

 

لمعه‌ای از جلوۀ وجه اله

تافت بر دریا چو نور قرص ماه

 

بحر قهر و غیرت و عزّ و شرف

هم‌چو گوهر گشت در کام صدف

 

نی خطا شد، کشتی بحر وقار

یافت اندر ساحل دریا قرار

 

در دل دریا، تبش افکنْد تاب

آب از سوز لبش شد دل‌کباب

 

چین موج افتاد بر رویش ز تب

دید تا سوز دلِ آن خشک‌ لب

 

آمد از شور لب نوشش به جوش

راز دل سر کرد با بانگ و خروش

 

کای لبت، سرچشمۀ آب بقا!

خاک پایت، چشم جان را توتیا!

 

تشنه‌ام از جان به لعل جام تو

تشنه‌کاما! این من و این کام تو

 

گر کشی دست نوازش بر سرم

پای فخر آید به فرق کوثرم

 

تشنه‌ام بر غنچۀ عطشان تو

خسروا! دست من و دامان تو

 

از زلال لعل خود، آبم ببخش

سرخ‌رویم کن، چنان لعل بدخش

 

گر بتابی چهرۀ رغبت ز من

من شوم از ذلّت و ذلّت ز من

 

مرده‌ام از لعل خود، جانم بده

زآن لب خشک، آب حَیوانم بده

 

کام عطشان و لب دریای آب

جان بدو مشتاق و دل در التهاب

 

شوق و شور از دل، توان و تاب بُرد

دست، مشتاقانه سوی آب بُرد

 

آب در کف تا نشانَد سوز تب

دست‌ها آورْد تا در پیش لب

 

هر که را در آب می‌افتد نظر

عکس خود بیند میانش جلوه‌گر

 

لیک آن سرمست صهبای وفا

ساقی لب‌تشنگان کربلا

 

اندر آن آیینۀ زنگارفام

دید عکس شهریار تشنه‌کام

 

کز عطش، پژمرده گویی ارغوان

یکّه و تنها میان ناکسان

 

جذبه‌های عشق، کار خویش کرد

یاری‌اش، عشق مآل‌اندیش کرد

 

ناگهان جوشید بحر همّتش

قطع شد از‌ آب، تار رغبتش

 

پس به نفس خویش گفت آن شرزه‌شیر:

دور شو اینک، ره خود پیش گیر

 

بر شرار خاطر من، دم مزن

نقش آمال دلم بر هم مزن

 

زنده خواهی خویش بی‌او؟ عار باد!

خوار باشی! روزگارت خوار باد!

 

همّتش شد چیره بر سوز عطش

نفس شد مغلوب در این کشمکش‌

 

دید در کف، آتشی دارد روان

کز نَفَس افتاده سوز اندر روان

 

بی‌محابا از کف خود ریخت آب

در جهان افکنْد شور و انقلاب

 

از سر خود آب را تا باز کرد

خود، میان عاشقان، ممتاز کرد

 

از وفای آن یل خشکیده‌کام

قدسیان، مستغرق حیرت، تمام

 

سوز جان با صبر خود، خاموش کرد

تا که صهبای شهادت، نوش کرد

 

خامه درمانْد و زبانم لال شد

جام چشم از اشک، مالامال شد

 

طوطی طبعم ز گفتن لب ببست

رشتۀ شعرم دگر از هم گسست

 

مرحوم عابد خیابانی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , عابد

 

------------

 

احوالات حضرت ابوالفضل (علیه السلام)

 

یازام ایستیرم هر اَلین سوزون گلور ابتدا سنون اللرون 

یازا بولمرم اَلیمه اگر کومک اولماسا سنون اللرون

 

یتور ابتدای کلامیده کسوک اللرون اَلیمه ایله

که منیم سطوح کلامیمه ویره ارتقا سنون اللرون

 

یتور اللرون الیمه سوزی ،ایله باشلیوم، ایله قورتاریم

ایدیم ایله عرض ادب سنه که اولا رضا سنون الرون

 

صاق اَلون مصیبتینی ویا صولوون حکایتینی یازوم

نجه یاردیلار باشووی نجه،یره سالدیلار سنون اللرون

 

سنون اللرووی بابان ندن ،آلوب اللرینه ویرنده جان

اوپوب اللرون دوتوب اوز گُویه ایلدی دعاسنون اللرون

 

اوپوپ اللرووی بوعلته که جهانیانه بولوندوره

نَدی ارزشی ،نه مقامی وار شَه لا فَتی سنون اللرون

 

سنه حسینی ورَن زمان،بابان ال اَله نیه آغلادوز؟

دیین اولمادی ولی تیز ایدوب اونی برملا سنون اللرون

 

الووی حسینون اوساربان کسَن الّلراوسته قویاندا سن

اونون اوّل اللری تیتردی ،دی گوروم ویا سنون اللرون؟

 

اگر اهل محشره امر اولا هامی اللرین گویه قوزیه

هامینین الیندن اوگون فقط گوروشر اوجا سنون اللرون

 

یره پرچمون اوزمانیدن که دوشوب کنارفراتیده

گینده نسیم صبا اَسور،ایدوری صدا سنون اللرون

 

کیم اونی فرات کنارینه گوتوروب وروب،دئیه لر منه

دیرم باجون وروب اَل ،ولی یتوروب اونا سنون اللرون

 

ایلییوبله نقش علملره،کسوک اللرون بودور علتی

گیده کیم حسینون عزاسینه اولا رهنما سنون اللرون

 

نه قدر معابره شهریده ورولوبدی سبزوسیاه علم

اولاری حسین آدینا وروب هامیسین آقاسنون اللرون

 

تاپا بیرمریض شفا اگر،اوکسه شفانی خداویرَر

ولی خلق بیله دیر،ویروب اوکسه شفاسنون اللرون

 

بوکفایت ایلر او الّلره که گوروب دوشوب یره اللرون

یره دوشدی قویدی یوزون اوپوپ،شه کربلا سنون اللرون

 

سنون اللرون نه ادبلدی سو الونده تشنه اولا اولا

بوشادوب سووا ،سووا ایتمدی اوگون اعتنا،سنون اللرون

 

کیم ایده بولردی اوجرأتی ویرا خیمه گاه ربابه اوت

یره سالماسیدی اوگونکی گون اگراشقیاء سنون اللرون

 

سالوب اوّل اللروی صورا،باشووی بوعلته یاردیلار

که باشون یاراسینا قویماقا داخی اُلماسین سنون اللرون

 

سنون اللرونده نه وار سنه،بالالار سو مشگینی ویردیلر

دیوب العطش ایلموردولر نیه بس رها سنون اللرون

 

اورگینه قویدی بو نیّته الووی رقیه سرینلسون

اورگی بولوردی فراتیده دگجاق سووا سنون اللرون

 

بوقدر گناهیله (گلشنی) اگر ایسته سه اولا تبرئه

عرصات حشرده تک اونا ایدر اکتفا سنون اللرون 

 

 گلشنی

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , گلشنی

 

------------

 

اشاره به عالم ذز

و گریز به شهادت

حضرت ابوالفضل (علیه السلام)

 

ازل گون منشی ازل کتاب البلا یازدی

بلانی اوّله سالدی دالیجا للولا یازدی

 

اولوبدور مشتری فیض بلایه چهارده معصوم

بلاطومارینه هرتک تکی لفظ بلی یازدی

 

سوال اولدی کیم ایستور دین یولوندا بیر دیشی سینسون

قبلت کلمه سین فوراشریف انبیا یازدی

 

ندایتدی کیمون وارمیلی هنگام عبادتده

قلینجا باشدا ییرویرسون قبولین مرتضی یازدی

 

خطاب اولدی یانا درگاهی هانسوزدا رضایت وار

رضیت بالقضائک حضرت خیرالنسا یازدی

 

صداگلدی قاپون یانسا قابیرقوندا گرک سینسون

دوباره راضیم هردرده خاتون جزا یازدی

 

اولوب ابلاغ آجی زهری شیرین سوتک ایچن واردی

توکولسون طشته اکبادی آدینی مجتبی یازدی

 

اولوب تکلیف واردور بیرنفر یتمیش فداویرسون

منیمدوربوگوزل سوداغریب کربلا یازدی

 

ندایتدی گرکدور قیزلاروندا دستگیر اولسون

خوشام هر امروه دیلدن قتیل نینوا یازدی

 

امینم فاطمم واردی سکینم وار رقیّم وار

اسارت دفترین تکمیل ایدوبدی جابجا یازدی

 

یتوبدور سس بوپیماندا سنه یولداشدا لازمدی

تعهدنامه چوخ سنگینیدور کلک قضا یازدی

 

اسارت موقعینده اهل عیالون سرپرست ایستر

بوسوداده سنه غم خامه سی مشکل دوتا یازدی

 

حبیبیم ابتلا چوخدی شریکون اولماسا اولماز

صدا گلمز تک الدن منشی کار آشنا یازدی

 

گوروب تنهاحسینی گلدی زینب ال اله ویردی

شریک اولدوم حسینیمله بلاده ربنا یازدی

 

خلوص واشتیاقیله تعهد نامه مهر اولدی

قلم کرب وبلا دشتین محل ابتلا یازدی

 

اولوبدورهجرتین آتمیش بیری تاریخ عالمده

مورخلر حسینون آدینه مردخدا یازدی

 

چخوبدور کعبه دن میقات عشقه باغلادی احرام

منانی قویدی حسرت نینوا دشتین منا یازدی

 

اگر عالِم فساد ائتسه هامی عالَم فساد ایلر

شریحه ایلیون لعنت حسینه افترا یازدی

 

ئوزون نیروی فتوادن او ظالم بهره مند ائتدی

امام کون و امکانه اهانت برملا یازدی

 

جری ائتدی عراقون ماجراجو بی وفا خلقین

حسینون قتلنون فتواسینی آلدی طلا یازدی

 

گچوبدور اون گجه ماه عزادن اولدی عاشورا

باخوب صبحه اوصبحی عاشقان صبح صفا یازدی

 

اولوبدور تشنه لر جام بلانی ایچمگه تشنه

دوشوبدور زیندن هر کیم یره انّی فدا یازدی

 

حسین ئوز اوغلونا خلعت بیچوب گوندردی میدانه

شهادت نامیه اکبر ئوز آدین ابتدا یازدی

 

دالیجا قتلگاهه زینبون اوغلانلاری گئتدی

شریکه باخ شریکیله نجه عهده وفا یازدی

 

ایکی اوغلون فدا وئردی دیمه دی آدلارین بیر یول

مقام صبریده الحق ئوزون انگشت نما یازدی

 

خداوندا خداوندا نه قدرت واردی زینبده

کتاب عمرینه اللی بش ایل سلم و رضا یازدی

 

کچوم سوزدن گئدوب شهزاده قاسمده شهید اولدی

فلک طوی حجله سین برهم ائدوب ماتم سا یازدی

 

طویون تبریکی زرّین خطّیله اولسون گرک انشاء

قلم پیکان اولوب خط طلائی قان حنا یازدی

 

عروسی باخدی داماده دئدی بیر یاندیران کلمه

منی مستوفی محنت عجب بختی قرا یازدی

 

فرات اوستونده القصه بنی هاشم آیی باتدی

امامه سرگشاده عرضه سین صاحب لوا یازدی

 

یوزوم اوسته یخلدیم توپراقا ادرکنی یا مولا

یره هر یاره دن قانیم آخوب حمد و ثنا یازدی

 

نه حالیله آنام زهرا گلوب گوردی دیدی احسن

رضایت نامه سین گلدی علی المرتضی یازدی

 

قاپونداخدمتیم آزدور ولی سن گل رضایت ویر

دیسونلرنوکره مولابرات مرحبا یازدی

 

سویا ویردیم آغیرقیمت ایکی قول بیرگوزوم گیتدی

بوخالی مشگه شام اهلی نقدری گوربلا یازدی

 

گیدنلرده گوزوم یوخدور گوزوم تک سنده دور سنده

دوشنده مشکله دردین سنه هرمبتلا یازدی

 

قالان بیر قانلوپرچمدی حسین جان گل ویروم تحویل

بوپرچمده مشیت خامه سی رمزعزا یازدی

 

علمدارون سسین آلدی حسین سسلندی یا زینب

اسارت ناموزی میداندا قوم اشقیا یازدی

 

گیدوم میدانه آغلارسوز گلنده قدی خم گلسم

سوسوزلاره ابالفضلیم حدیث البکا یازدی

 

نجه گلدی نجه تاپدی عزیزین فاطمه بیلدی

ازلده سرسلامت اوغلونا غملی آنا یازدی

 

حسین سندی بیلون دشمن ایچینده آغلاما صبرایت

قدر کلکی بوماتمده منی اهل نوا یازدی

 

عمود آهن دگن باشی حسین آلدی دیزی اوسته

کتاب روزگاره بیر نچه بند اوخشاما یازدی

 

صفای گلشنیم قارداش حصار ایمنیم قارداش

مرکب گوز یاشی کیپریگ قلم اول مقتدا یازدی

 

بو عشقه بو مواساته آتامدا فخر ائدر قارداش

نه من مندن قاباق تحسینوی اهل کسا یازدی

 

الون گئتدی بلیم سندی علم یاتدی حسین ئولدی

سسوز مشون سسولار دردینه یاخشی دوا یازدی

 

الون اولسیدی دشمنلر حسینه ال چالانمازدی

بدندن هر الون دوشدی منه قطع الرجا یازدی

 

حریم دین یخلمشدی کسوک اللر ستون اولدی

یازانلار مشکل دینه سنی مشکل گشا یازدی

 

دوداقوندن ائدوب بوسه گوزوندن ئوپمرم اما

اجل حکمین جفا تیری گتوردی گور هارا یازدی

 

باجون زینب دوزر اما آنوندان ناگران من

اونا غم کاتبی دنیا بوئی واحسرتا یازدی

 

خیامه تک گئدوم قارداش و یا که اگلشوم بوردا

بو آز یولدا منه دشمنلریم چوخ چوخ جفا یازدی

 

ایاق اوسته دورا بُلمم الیمدن ده دوتان یوخدی

اولوب مأیوس هارا ئوز دردینی بو مبتلا یازدی

 

سنه بو دهرده (انور) تفضل اولدی مولادن

اولوب طبعون روان خامه نه سوز یازدی رسا یازدی

 

مرحوم انور اردبیلی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , انور اردبیلی

 

------------

 

احوالات حضرت ابوالفضل (ع)

 

به قلم مرحوم شهاب تبریزی 

(بخش اول)

 

ایدون سرشکوزی جاری مدام ابوالفضله

سَبیل اشک ایلیون تشنه کام ابوالفضله

 

اجازه گوز یاشینا سیل تک تمام ویرون

او غملی روضه سینی یاد ایدوب سلام ویرون

 

همیشه گوز یاشین حسرت گوزیله جویا دور

سوور آخان سویی هر یرده اولسا سقّادور

 

سکینه دن سو خصوصینده گر چه خجلتی وار

خدا یانیندا ولکن بیوک جلالتی وار

 

او گونکه امر خداوندیله قیامت اولور

ایکی کسیک الی سرمایۀ شفاعت اولور

 

آناسی فاطمه ائیکه اُمید امّت دور

دیر شفاعته عبّاس الی کفایت دور

 

نقدر فکر ایده سن عزّتین محال اولماز

اولوم جلالنه قربان بئله جلال اولماز

 

تصوّر ایله رعیت ده بیر جلالته باخ

مقام و مرتبه سین سیر قیل رعیّته باخ

 

اوزی رعیتدی گور نه قدر جاه آپاروب

امام کرب و بلاده اونا پناه آپاروب

 

او هانسی ساعتیدی عالمین پناهی حسین

پناه آپاردی ابوالفضله سیّد حرمین

 

همان او وقتیدی باتمشدی قانه انصاری

قالوردی بیر علمی بیرده بو علمداری

 

اسوردی تا نقدر اَلده پرچم علمی

یوخیدی فاطمه قیزلارینون مَلال و غمی

 

ولیک اوچ گونودی خیمه لرده سو یوخودی

بو باره دن حرم عصمتون غمی چوخودی

 

دولیدی شیونیلن خیمه و جلال حسین

سیزیلداشوردی سوسوزدان تمام عیال حسین

 

سوسوز بالالار اَلنده گورنده بوش جامی

دولوب پیالۀ چشمی کسیلدی آرامی

 

گلوبدی خاطری درده حرم نواسیندن

توکندی صبر دلی العطش صداسیندن

 

غَیور طبعینه گنجیده اولمادی باخسون

سوسوزلوق آتش اطفالی یاندیروب یاخسون

 

مشّرف اولدی حضور امامه چوخ دلتنگ

چوخ عِجز قیلدی که بلکه آلا اجازۀ جنگ

 

امام ویرمدی اذن جدال عَلمداره

بویوردی سنسیز ایدیم من بو چولده نه جاره

 

منیم بو گون بو بیاباندا سن پناهیم سن

رئیس لشگر و سر کردۀ سپاهیم سن

 

منیم بو گون علمیم پایدار دور سنیلن

بو خیمه لر بو حرم بر قراریدور سنیلن

 

کُمکلریم کیمی یتسن شهادته سَنده

اولور منیم داخی جمعیتیم پراکنده

 

دوباره عرض ایدوب عبّاس که ای امام زمان

نجه گوروم سنی یالقوز اولوم سنه قربان

 

اجازه ویر منه یوخدور حیاتمه هَوسیم

دوشوبدی کثرت غمدن شماریه نفسیم

 

نجه روادی فراتین یولونی باغلیلر

سوسوز قالوب بالالار خیمه لرده آغلیلر

 

نجه روادی منیم قولّاریم سلامت اولا

دوروب باخام سوسوزوندان سکینه رنگی سولا

 

اگر چه دامنوه بیرده بیر اَلیم یتمز

بله حیاتی ندیم غیرتیم قبول ایتمز

 

شهیدلر یری بزم قتالیده خوشدور

غمیم زیاده دی چونکه منیم یریم بوشدور

 

قوروبلا مجلس شورا قوجا جوان یکسر

کَسیک باشیله صباح ایلسونله شامه سفر

 

ویروبله رأی تماماً چوخ اکثریت وار

بو گون اورا اِیده رم منده ده بو نیّت وار

 

مرخّص ایله گلن عشق بیدقین گوتوروم

گیدوم او مجلسه منده مرامیمی یتوروم

 

مگر بو قدر غمیله دایانا بوللّم من

مرخص ایلمسن غیرتیمدن اوللّم من

 

امام عصر گلوگیر گوردی عبّاسی

گَلوبدی لرزیه تترر تمام اعضاسی

 

یاخیندی آیریلا روحی غم و مصیبتدن

علی کیمی قیزاروب گوزلری حَمیتدن

 

اجازه ویردی علمدارینون آچوب یولونی

ولیک بو سوزیلن باغلادی ایکی قولونی

 

بیوردی ایمدیکه آماده سن گیدورسن گیت

سوسوز بالالاریما بر ایچیم سو تحصیل ایت

 

گُتوردی بیر علمی بیرده بر قوری مشگی

فراتدن قباق ایسلاتدی مشگنی اشگی

 

وداع قیلدی هامی اهلبیتی فرداً فرد

سکینه سوزشنی سو سوزیله ایلدی سرد

 

ویروب سو وعده سی اول مه جبینه آیریلدی

آلوب او مژده نی آخر سکینه آیریلدی

 

قلجین ایتدی حمایل اولوب عقابه سوار

سوروب عقابنی فرزند حیدر کرّار

 

یتشدی لشگر اعدا برابرینده دوروب

ابوتراب کیمی نیزه سین ترابه وروب

 

ازل رجز اوخیوب آشکار ایدوب حَسَبین

نشان ویروب اولارا بیر به بیر حَسَب نَسَبین

 

بو قدر ظلمه بیوردی ندور سبب ای قوم

حسین قالوب بو گون اوج گوندی تشنه لب ای قوم

 

اوزی حرملری خوردا اوشاقلاری یانوری

علاوه بیر سود امر اوغلی وار الولانوری

 

گلون ویرون آپاریم بیرجه مشگ خیمیه سو

ترحّم ایلیون آخر پیمبر اوغلودی بو

 

امامدور بو سیزه سیز اگر مسلمان سوز

ایدون ملاحظه قرآنی اهل قرآن سوز

 

تمام سوره آیاتین ایلیون تفسیر

گورون گلوب کیمون حقّنده آیۀ تطهیر

 

همان حسیندی بو جدّی مصطفادی بونون

آناسی فاطمه قارداشی مجتبادی بونون

 

روا دگول آخا آب فرات ای لشگر

سوسوزدان اودلانا اطفال ساقی کوثر

 

او سنگ دللّره هر قدر ایتدی موعظه لر

جماد تک اولا را ایتمیوب نصیحت اثر

 

اَلینی قبضۀ شمشیر جانستانه قویوب

علی کیمی قلجین فرق شامیانه قویوب

 

ایدوب فراته طرف حملۀ دلیرانه

توکوب چو برگ خزان باشلاری بیابانه

 

حیات خرمننه دشمنون شرر سالدی

بضرب تیغ آچوب یول شریعه نی آلدی

 

اوزونی سالدی فراته نهنگ بحر و بطا

قباقجا مشگینی دولدوردی تشنه لب سقّا

 

بو فکریلن که یولون گوزلوری سوسوزدی حرم

ایدوب شتابیله چگننده مشگی بیر محکم

 

گوزونده آینه تک بیر فرات جلوه لنوب

عطش هجوم ایلیوب تشنه لیق علاوه لنوب

 

ادامه دارد ...

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , شهاب تبریزی

 

------------

 

احوالات حضرت ابوالفضل (ع)

 

به قلم مرحوم شهاب تبریزی

بخش دوم

 

گوزونده آینه تک بیر فرات جلوه لنوب

عطش هجوم ایلیوب تشنه لیق علاوه لنوب

 

سویون او جلوه سی گُل عارضنی سولدوردی

هر ایکی اوجنی بی اختیار دولدوردی

 

یتوردی لبلرینه ایستیوب اولا سیراب

پیمبر اوغلونی یاده سالوب اولب بیتاب

 

ملامت ایلدی اوز نفسین اول وفا کانی

سو ایچمدی داخی گویا بو اولدی عنوانی

 

حسین سوسوز قالا آیا نجه روادور بو

ایچه دَمادَم اُلوم شربتین ایچم من سو

 

جهاد اکبر ایدوب نفس بیدقین یخدی

سویی بوشاتدی الیندن سودان سوسوز چخدی        

 

خیامی قصد ایلدی مقصده اولا نایل

کسوب خیام یولون دسته لر اولوب حایل

 

اوجالدی هلهلۀ گیر و دار میدان دان

خدنگ لر قویولوبدور کمانه هریاندان

 

وروبلا تیر ز بس هر طرفدن هر دسته

پر آچدی پیکری عَنقا کیمی عُقاب اوسته

 

او قومدن ابداً ایتمیوبدی باک چو شیر

آچوب النده علم پرچمین چکوب شمشیر

 

صفوف دشمنی طومار تک آچوب بوکدی

بویاندی صفحه میدان او قدر قان توکدی

 

اولاندا هر طرفه حمله ور قاچاردی سپاه

نجه که شیر گورنده فرار ایدر روباه

 

وراردی هر کسه که بر قلج او کان غضب

دوشردی توپراقا دوت پارچا راکب و مرکب

 

رشادتین ایدوب اظهار ایله جنگ ایتدی

او قوم روسیهه روزگاری تنگ ایتدی

 

نه قالدی میمنه و میسره نه فوج و نه تیپ

ویروبدی کشتۀ دشمنله پُشته لر ترتیب

 

دیر او وقتیده راوی تمام وحشتیلن

او چولده منده قاچاردیم قاچان جماعتیلن

 

صدای الحذر اوج ایلمشدی نُه طاقه

اَلیدی باشیدی پیکر دوشردی توپراقه

 

او قدر گچمدی گوردوم دیر قاچان لشگر

قیتدی اوز یرینه جمله باغلانوب صفلر

 

یاتان علملر اوجالدی صدای بهجتلن

چالولا طبل فرح شامیان بَشارتیلن

 

دیدیم نه وار دیدیلر گور حسین علمدارین

باخوب درست نه گوردوم سالوبلا قولارین

 

گینه چناه آپاروب قولّارین بقیه سینه

باسوبدی بیدقینی جان تک اوخلی سینه سنه

 

تمام همّتینی واگذار ایدوب علمه

علم مباد یاتا وحشت اوز ویره حرمه

 

بولوردی محشر اولور خیمه لرده یاتسا علم

تکوبدی گوز علمه قرخادین کنیز حرم

 

ایدردی بیرده سو مشگین محافظت چوخ چوخ

یوزون قباقه ویرردی گلنده هر بیر اوخ

 

گنه آت اوسته دایانمیشدی بو خیالیلن

خیامه بلکه آپارسین سویی او حالیلن

 

اگر چه یول یوخدی گتماقا واریدی شتاب

باخاردی حسرتیله دشمنه ایدردی خطاب              

 

جماعت ایلمیون عرصه گاهی تنگ منه

یارالیم بو قدر ویرمیون خدنگ منه

 

وجودیمه دگه گر یوز مین اوخ گوارادور

نقدر شهپر آچا شاهباز زیبا دور

 

یوخومدی واهمه چشم پُر اشگمه دگسون

ولی هراس ایدرم اوخ سو مشگمه دگسون

 

حسین حضورینه فکریم بودور سلامه گئدوم

یولومی باغلامیون بیرده بیر خیامه گیدوم

 

خیامه گیتماقی لازم ایدن بو سودی منه

حسین یانندا بو سو خیلی آبرودی منه

 

سو اوسته چکمیشم ال من هر ایکی دستمدن

گوتور مَسونله بو سقّالیق اسمین اوستومدن

 

بو منصبی منه چون سرور مدینه ویروب

همین بو مشک که چِگنیمده دور سکینه ویروب

 

آلوب سو مشگنی سوز ویرمشم که سو آپارام

نقدر وار نفسیم من اوز عهدیم اُسته وارام

 

باشیمی کسماقا جهد ایلیسوز اوزوم بولّم

گیدوب ویروب بو سویی خیمیه گینه گَللّم

 

مدیر عشقدن اثبات عشقه مشقیم وار

حسین یولوندا بو گون اُلماقا چوخ عشقیم وار

 

حسینه وقفیدی جانیم پناه گاهیمدور

او اللّری که بو گون ویرمیشم گواهیمدور

 

داخی حیاتیمه پابند اولوم اولان دگولم

گئدوبدی سلسلۀ عشق من قالان دگولم

 

گلنده رزمگهه جانیمه دویوب گلدیم

حسین بالالارینی چون سوسوز قویوب گلدیم

 

تمام خورداجا قیزلار یولون کنارینده

سو جامی الده دوروبلار سو انتظارینده

 

نجه روادی جماعت دولی فرات آخسون

سکینه تشنه قالوب بوش سو جامنه باخسون

 

او وقته پیک اجل تک پر آچدی بیر پیکان

هواده آلدی علمداریدن قرار و توان

 

گلوب دگوب ایلدی مشگی پاره سو آخدی

اَل اولمادی سویی حفظ ایلسین دوروب باخدی

 

امیدینی داخی کسدی مرامه یتماقدان

خیالی منصرف اولدی خیامه گیتماقدان

 

گلوب دوباره بیر اوخ شامیان سپاهندن

مروّت ایلمدی دگدی سجده گاهندن

 

اوخی الیله چخاتماقه بس یوخیدی الی

نجه چخاتدی او پیکانی یادگار علی

 

همین مصیبتین عرض ایتماقا او سردارون

اوزوندن ایسترم عذر اول غیور علمدارون

 

یازولار دیزلرین ایتدی بلند عقاب اوسته

سالوب اشاقه مبارک جبینین آهسته

 

ایکی دیزینده دوتوبدور اوخی همین خبره

تکان ویرنده باشندان عمامه دوشدی یره

 

آچلدی باشی آخوبدور اوخون یریندن قان

یوزی گوزی بویانوب قانیله اولوب الوان

 

یتوب او الیده بیر سنگدل علمداره

وروبدی قلبنه ازّل دلیله بیر یاره

 

دیدی هانی او اوزون قولّارون شمادتله

نولوب شجاعتوه دورموسان بو حالتیله

 

بویوردی حضرت عبّاس کی زنازاده

شجاعتیم هامیا کشفدور بو صحراده

 

قولوم اولاندا گلوب گورمدون شجاعتمی

نشان ویریدیم او وقته سنه رشادتیمی

 

او بیحیا دیدی عبّاس یاخشی ساعتدی

سنون یوخوندی منیم اللریم سلامتدی

 

الین هوایه آپاردی عمود آهنیلن

الینی قویدی بلینه حسین شیونیلن                  

 

دمیر عمود آچوخ باش ویران سام پرور

نه عرض ایدم که نه احواله دوشدی اول سرور

 

همان او ضربتیلن قانی دولدی گوزلرینه

گلوب علمله علمدار کربلا یرینه

 

بو رسمدور یخلاندا بیری اوجا یردن

ازل قباقه ویرر هر ایکی الین بیردن

 

یوخیدی اللّری اعضانی حفظ ایدن اَلدی

یتنده صَدمه یوزی اوسته توپراقا گلدی

 

دوشه دوشه یره گوزدن توکوب یوزه قانیاش

یوزون خیامه دوتوب عرض ایدوب حسین قارداش

 

بلالیم منی درک ایت بلالی قارداشیم

اماندی گل باشیم اوسته کَسلممش باشیم

 

آلوب خیامیده قارداش سَسین امام زمان

دیدی دایان گلیرم قارداشون سنه قربان

 

او وقته زینب عُلیا جنابدندی خبر

حسین آت ایستدی گوردوم که دیزلری تِترَر

 

اوزون گتوردوم آتین قارداشیم سوار اولسون

حُسینه باخ بِله دنیانی تارمار اولسون

 

ایاقنی گوتوروب حَلقۀ رکابه قویوب

دیزینده اولمادی قوّت گِنه رکابه قویوب

 

همین بو طرزیله اوچ دفعه ایلیوب رفتار

سوار اولانمادی اول شهریار بی غمخوار

 

خانم دیور خبر آلدیم حسین بو حال ندور

نه صبر دور بو نه تأخیر دور خیال ندور

 

سوار اولوب نیه قارداش شتاب ایتمورسن

قالوب کمکسیز علمدار داده گیتمورسن

 

بیوردی هیچکیم آنام باجی حالمی بولمور

ایدوم نه چاره سوار اولماقا بلیم گَلمور

 

سسی خیامه گَلنده بلیم بوکولدی باجی

بلیم بوکولماقین عبّاس اوزوده بولدی باجی

 

علاقمی اوزی یاخشی بولوردی ازّلدن

او دور که قویمازیدیم قارداشیم گِئده اَلدن

 

بدنده روحیمیدی آیرلوب گیدوب زینب

گِدن زمان منی بی صبر و تاب ایدوب زینب

 

ایدوب امامین او احوالی کایناته اثر

مخدّرات حرم نالیه گلوب یکسر

 

بیری رکابنی دوتدی ملال و محنتیلن

بیری یاپوشدی الندن کمال حسرتیلن

 

گِروبله قولتوقونا شور و شینلن باجیلار

ایدوبله مرکبه اول بی پناه امامی سوار

 

الی بلینده جگر داغلی آه و زاره گلوب

تاپا او قولسوز علمداری کار زاره گلوب

 

دلنده قارداش آدی گوزلرینده قانیاشی

گزردی هر طرفه آختاروردی قارداشی

 

دیردی ویر سسیمه بیرده سس امان قارداش

هرایه گلمشم عبّاس هارداسان قارداش

 

یتنده بیر یره ناگاه مرکبی دایانوب

اونون دایانماقنا قلبدن علاوه یانوب

 

دگولدی جای تحمّل وظیفه یانماقیدی

شتاب وقتیدی یعنی بو نه دایانماقیدی

 

امام بولدی که بیر محنت مفصّل وار

یره باخاندا گوروبدور ایکی کسیک ال وار

 

گوتوردی قارداشنون اللرین فغانیلن

باسوبدی باغرینا جان تک او خسته جانیلن

 

یتوردی السیز علمداری مقصد دلینه

آلوب محبّت اوزیله ایکی الین الینه

 

النده قارداش اَلی آختاروردی چاره سنی

دولاندی گزدی تاپوب نعش پاره پاره سنی

 

گوروبکه دشمن آلوبدور آرایه قارداشنی

توانی یوخدی چاغیرسون هرایه قارداشنی

 

کسولّه باشنی یوخ اللّری قباقه ویره

باشین دولاندیروری بلکه قارداشنی گوره

 

داغتدی دشمنی دور بَر برادردن

یارالی باشین او مظلومین آلدی اللردن

 

ادامه دارد...

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , شهاب تبریزی

 

------------

 

احوالات حضرت ابوالفضل (ع)

 

به قلم مرحوم شهاب تبریزی

بخش سوم و پایانی

 

داغتدی دشمنی دور بَر برادردن

یارالی باشین او مظلومین آلدی اللردن

 

اولوب پیاده آتندان باشون آلوب دیزینه

گلوب محبّتی جوشه باخان زمان یوزونه

 

بیوردی آچگوزون ای صاحب علم قارداش

وفا یولوندا اولان قولّاری قلم قارداش

 

گوز آچگیلن گور اولوبدور نجه خمیده قدیم

بو چولده قویما کمکسیز منی نقدر دیدیم

 

اوزون گیدوب منی قویدون کمکسیز آخرده

ایدوم نه چاره ابوالفضل بو چاره سیز درده

 

منیم بو چولده نه بیر یار مهربانیم وار

نه قارداشیم و نه اوغلوم نه دادخواهیم وار

 

بو غربت اُلکده سن مایۀ گُمانیمدون

بِلیمده قوّه میدون دلده کی توانیمیدون

 

نقدر سن واریدون اهلبیت راحتیدی

حرملرین داخی بوندان صورا قیامتیدی

 

یاتان زماندا ابوالفضل جفائلن عَلمون

اسیرلیق غمی دولدوری قلبنی حَرمون

 

سنون دوشنده قولون گلدیم آه و فریاده

الیم کَسیلماقنا مَنده اولدوم آماده

 

بو گونده حقّنی قارداش لیقون ادا ایلدون

فدا اولوم سنه من جانوی فدا ایلدون

 

وصیّتون وار اگر ایله مهربان قارداش

اورکده ساخلاما درد دلون نهان قارداش

 

دالونجا گَلملیم گر چه بو یولی منده

دگول منه داخی سنسیز حیات زیبنده

 

گلوب تکلّمه عبّاس آه و زاریلن

حسینه عرض ایلیوب چشم اشگباریلن

 

واریمدی بیر نچه عرضیم بیانی لازم دور

بیان راز بو فرقت زمانی لازمدور

 

ازل جمالوی چوخ مایلم گورم قارداش

گوزوم یوزونده سعادتدی جانویرم قارداش

 

ندیم که چاره یولی ایمدی باغلدور یوزومه

گورنمرم یوزووی قان دولوب ایکی گوزومه

 

بو آیرلیق گونی بو باره دن غمیم چوخدور

سیلنمورم گوزومون قاننی الیم یوخدور

 

دُنوب بو حسرتیلن قانلی گوز یاشیم سیله

سن اوز الونله گوزومدن بو قانی پاک ایله

 

باخوم جمالوه جان بذل ایدوم من آسوده

نه خوشدی قارداشی قارداش یتورسه مقصوده

 

آپارما خیمیه بیرده منی ملالیم وار

سکینه دن سو خصوصینده انفعالیم وار

 

سو وعده سی ایلمشدیم مه مدینوه من

خیامه گیتسم اگر نه دیوم سکینوه من

 

بو قانلی مشگی آپار ویر سکینیه گورسون

حرارت عطشین مشگیمیله سوندورسون

 

بو مشگی گورسه بولر من قصور ایتمه میشم

خجالتیم واریمیش که خیامه گیتمه میشم                 

 

علاوه برده بو نکته گیچور خیالیمدن

کمال معذرتیم وار بو عرض حالیمدن

 

منیم یخلماقمی چوخلاری هله بولمور

هله جسارت ایدوب اُستوه گَله بولمور

 

یارالی نعشیمی گر خیمه گاهه حمل ایتسن

گوروب جنازه می جرئت تاپار سنه دشمن

 

وفالی قارداشا باخ گور نه نوعی خدمت ایدور

اُلوم زمانیده قارداشنا حمایت ایدور

 

او نچه کلمه سوزونده مرامین آندیردی

حسینی تک یولا سالدی خیامه یاندیردی

 

یارالی قارداشین اوز مقتلینده قویدی امام

دوروب ایاقه گوزی یاشلی ایتدی عزم خیام

 

سکینه دورموشودی خیمه لر قباقینده

عموییله بابا فکرینده سو سراقنده

 

گوروب باباسی گلور هر قدمده داده گلور

عموسی گلموری یالقوز گلور پیاده گلور

 

دیزینده قوّه سی یوخدور یواش یواش گلوری

گهی گلور دایانور گاهی گوز یاشین سیلوری

 

یِریدی کَسدی باباسی قباقین اول گُل یاس

سؤال قیلدی بابا بس هانی عموم عبّاس

 

سو وعده سی ایلمشدی منه او تشنه جگر

اوزی سو ایچدی یادندان منی چخاتدی مگر

 

جواب ویردی قیزیم کشف قیلما سو آدینی

منیم یانمدا گَتورمه داخی عمو آدینی

 

سنون عمون او وفاده دگولدی دنیاده

اوزی گِیده سو ایچه سالمیا سنی یاده

 

اُلونجه اشگیله دولدور بو چشم پُر نَمُوی

یولونی گوزلمه اُلدوردولر رشید عموی

 

هامی کنیز و حرم تا ایشیتدی بو خبری

تمام چولقادی شیون صداسی خیمه لری

 

حرمسرای امامتده ایله وحشت اولوب

قارشدی بیر بیره اهل حرم قیامت اولوب

 

گلوب امام اوزوده وارد اولدی خیمه سینه

یغوب حَرملری خُرد و کُبار دوره سینه

 

بیوردی اوخشیون عبّاسی بیرجه شیونیلن

صدا صدایه ویرون سیزده آغلیون منیلن

 

آناسی یوخدی یانندا اورکده نسگلی وار

بر اوخشاسین آنا تک هر کیمون آنا دلی وار

 

بو گون منیمده مصیبت له خاطریم دولودی

اوزومده آغلارام البتّه بو وفا یولودی

 

همیشه غملی زمانیمده یار و یولداشیدی

اولوم وفاسنه قربان وفالی قارداشیدی

 

بو گون وفاسنی عالملره نشان ویردی

سو ایچمدی سو کنارینده تشنه جان ویردی

 

اَلی اَلیمدن اوزولدی بِلیمده قالدی اَلیم

اُلونجه وار یری قارداش دیوم فغانه گَلیم

 

نه دل دوتور دانیشام نه گیدم بِلیم گَلوری

منیم بو حالتمی قارداشی اُلن بولوری

 

نظرده جلوه لنور قامت دل آراسی

اوزون قولی قَدِ موزونی شکل زیباسی

 

برابریمده دوران حالتی مجسّم اولور

محبّتیم گلوری جوشه اوزگه عالم اولور

 

ایشیق گونوز گوزومه تار اولوبدی شام کیمی

مصیبتی منی اودلاندیروب آتام کیمی

 

گرک دِیَم که صلابتده حیدریم قارداش

آتام نشانی شجاعتلی یاوریم قارداش

 

«شهاب» اگر چه یازار خامه سوز سوزی گَتورر

سنون دگول سوزی سوز صاحبی اوزی گَتورر

 

ترحّم ایلمسه اوزلری یقین اولماز

کلام اوز اوزونه بیله دلنشین اولماز

 

بو جزئی خدمت علمدار اوچون هدر گِتمز

شه آستانیدی خُدّامی نا امید ایتمز

 

نصیب اولا او نظرده اولانلاریله تمام

دوروب ملول ایده سوز غملی روضه سنده سلام

 

مرحوم شهاب تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , شهاب تبریزی

 

------------

 

احوالات حضرت ابوالفضل (علیه السلام)

 

روز عاشورا یل ام البنین

محضر شاهه یئتیشدی دلغمین

 

آشنای حرمت و فرض ادب

طرز خاصیله ایدوب عرض ادب

 

باخ وزیر جنگیده سن حرمته

اذن آلوب سوندان دل آچدی صحبته

 

خاضعانه عرض ایدوب ای شهریار

سینه می تنگه گتیردی روزگار

 

ایلدوقجا شامیان ظلم علن

باغریمی قان ایلیوب سوز محن

 

ای لب عطشانیوه جانیم فدا

غیرتیم چکمور بو حالی گورماقا

 

آیری بیر حاله سالوب محنت منی

اولدورر آخرده بو غیرت منی

 

آغلیور احوالیمه الده علم

ای کرم دریاسی گل ایله کرم

 

لطف قیل وئر رخصت میدان منه

جانم اولسون سیدی قربان سنه

 

قالسا قید بندیده شیر نری

رسم عالمدور اولار روبه جری

 

ای امام جمله کون و مکان

شمر کیمدور ویرسین عباسه امان؟

 

بیر اشاره ایلسن کل سپاه

ایستیر سندن بو صحراده پناه

 

مین بئله لشگر اولا ای پاک باز

کیمسیه یوخدور بو صحراده نیاز

 

من همان شاگرد شیر داورم

درسیمه دعوا گونونده ازبرم

 

غم یئمه قانه باتوبدور لشگرین

شیر تک واردور هله بیر افسرین

 

شیریوه ویرسن اگر اذن جهاد

اوندا معلوم ایلیر بیداد و داد

 

اذن ویرسن لرزه سالام عالمه

اگلشر شام اهلی یکسر ماتمه

 

سیز که واقفسیز ازلدن ذاتیمه

مانع اولما ایندی بو میقاتیمه

 

گوردی شه وئرسه وزیره اذن جنگ

عرصه میدان اولار کفاره تنگ

 

جان آلار جانلاردان اول حیدر خواص

عترتیندن شامیان ایلر قصاص

 

ایتدی فرمایش که ای شیر ژیان

یوخ رضای حق توکولسون چوخلی قان

 

ایندی کی سن اذن میدان ایستی سن

خدمت شایان جانان ایستی سن

 

یوخ سوزوم ای وارث شیرخدا

گئت گیدن یولاریوه جانیم فدا

 

گئت ولی لشگردن ایله سو طلب

چون که سنسن بو مقامه منتخب

 

خیمه لرده العطش آواسی وار

تشنه اطفاله اولوم سوداسی وار

 

لشگره بو وضع و حالی قیل بیان

اولسالار مانع اگر چه شامیان

 

اوندا بو شمشیرون عریان ایله، سن

دفع شر قوم شیطان ایله، سن

 

حضرت عباس پورلافتا

یکه تاز عرصه دشت بلا

 

سالدی مشکی دوشینه با شور و شوق

باغلادی شمشیرینی سردار فوق

 

تا سوار اولدی او چولده مرکبه

دوشدی لشکره یکسره تاب و تبه

 

خیمه لردن آچدی بیر آز فاصله

فکر ایدوب بولمم نه گلدی حاصله

 

دوندروبدور مرکبین اول پاک باز

شاه عطشانه دوروب باخدی بیر آز

 

حرمتیندن ترک قیلدی مرکبین

گلدی اوپدی شاه مظلومین الین

 

خون دل قاتدی آخان گوز یاشینه

نطقه گلدی عرض ایدوب قارداشینه

 

سیدی قربان دل بیداریوه

تاپماسام توفیق اگر دیداریوه

 

اولسا تقصیریم حلال ائت برملا

الوداع ای شاه دشت کربلا

 

قویدی یوز میدانه اول شیر ژیان

قلب لشگرده غرض تاپدی مکان

 

شاهین امرین بیر گوزل رفتاریله

لشگره نقل ایتدی خوش گفتاریله

 

ائتمدی هیچ کیمسه اما اعتنا

نطقه گلدی پور شاه لافتا

 

سویلدی آگاه اولون ای شامیان

آچماساز نهرین یولون ناچار الان

 

من اوزوم بو امری اجرا ایلرم

شور محشر بوردا بر پا ایلرم

 

ایندی بو مطلب گرک اولسون علن

ویرمیشم سوقولینی اطفاله من

 

گتمسه اخیامه گر بیر مشک سو

ایلرم بو دشتی یکسر زیر و رو

 

لامحاله ایندی بو امر محال

لامحال اولسون گرک در عین حال

 

مشکلی من یوخسا آسان ایلرم

مانع اولساز قانه غلطان ایلرم

 

حین صحبتده او دریای کرم

گوردی تاثیر ایلمور سوز ، لاجرم

 

ویردی جولان مرکبین دور و بره

رعب و وحشت ساکن اولدی دللره

 

نعره چکدی لشگره بیر شیر تک

خیره اولدی شامیان نخجیر تک

 

عرصه نی کفاره ایتدی بی ثبات

گوردیلر تهدید ایدور هر دم ممات

 

آز قالور تکرار اولا جنگ جمل

جانلاری بیر بیر آلا پیک اجل

 

اتممیش شمشیرینی عریان هله

لشگره دوشموشدی یکسر ولوله

 

دوتدی سعد اوغلی ولیکن سرسری

غیضه گتدی جان به کف سرلشگری

 

سسلدی میداندا با صوت جلی

ایسترم سندن مدد من ، یا علی

 

لاجرم شمشیرین عریان ایلدی

مقصد و منظورین اعلان ایلدی

 

حمله ایتدی پوزدی بیر بیر صفلری

آت دوشونده یوردی یکسر لشگری

 

قورخدان بیر عده اولدی بی قرار

عده ای فرصت تاپوپ ایتدی فرار

 

حمله سی بی مثل و عین رعد و برق

چوخلی باش سقا الیله اولدی فرق

 

کربلاده بیر اسفلی منظره

گورسدوب سقا سران لشگره

 

سویله دی ای جیره خواران سخیف

وار منه آیا بو لشگرده حریف

 

گلمیشم من پهلوان اولدورماقا

گلمدیم پیر و جوان اولدورماقا

 

جنگ عباسه نه چون صفینیده

شاهدیدی ابن سعد ، اول حینیده

 

ماجرانی ماریده ویردی خبر

سویلدی مارید ایشیتمورسن مگر

 

پور حیدر گور نه غوغا ایلیوب

شور محشر بوردا بر پا ایلیوب

 

قالدی لشگردن نچه فرد ضعیف

مرکبین جولان ویرور ایستور حریف

 

عزمینی جمع ائتدی مارد جزمینه

گلدی عباس دلاور رزمینه

 

سویلدی مندن وصیت ای جوان

جنگ ایدنمز منله نچّه پهلوان

 

من بو چولده پهلوان نادرم

جانیوی آلسام الیندن قادرم

 

گل بو ایشدن ائیله سن صرف نظر

ائتمسن گر فکر خامیندن حذر

 

لاجرم قصد ایلرم من جانیوه

عرصه ده غلطان اولارسان قانیوه

 

بس که مارد ایتدی سقایه عناد

لاجرم نطقه گلوب اول پاک زاد

 

سویلدی ای پهلوان نامدار

سعی قیل چوخ وئرمه میداندا شعار

 

بی جهتدور اولموسان بئیله جسور

تاپمسان بیجا یره بو چولده شور

 

ایتمرم من دشمنه عجز و نیاز

ایسته سن ویرم ولیکن امتیاز

 

طالب اولسان امتیازه فی المثل

حمله ایله گورسدیم عکس العمل

 

نیزه وی پرتاب ایله سن ای زبون

گر بولورسن جنگیدن فن و فنون

 

صحبته چوخ طول وئرمه عرصه ده

بی سبب چکمه بو یرده عربده

 

جرعتین وار بول غنیمت محلتی

قویما فوت اولسون بو عالی فرصتی

 

گوردی مارد اوز حریفین چوخ قدر

سهل سانسا فرصتی الدن گیدر

 

نیزه سین پرتاب ایدوب اول کین شعار

ائتدی سقا خط سیرینده مهار

 

ماردین چخدی الیندن نیزه سی

قالدی خالی مرکب اوسته پنجه سی

 

ویرمدی اصلا ثمر فن و فنون

مرکبیله اولدی با هم سرنگون

 

باخدی گوردی یوخ داخی راه فرار

شیره میداندا اولوب روبه شکار

 

سالدی دلدن ماردی اول با وفا

روحی اولدی عاقبت تندن جدا

 

باخدی تل اوسته او دریای کرم

گتدی سمت خیمیه نچه قدم

 

ایسته دی اولسون ادای احترام

شاهه وئردی بیر اشاره ئیله سلام

 

شه سلامین آلدی وئردی امتیاز

آچدی دل تحسینه ایتدی سرفراز

 

سسلدی ای شیر هیجا مرحبا

عشقیوه ایثاریوه جانیم فدا

 

اوخشیوبسان حیدر کراره سن

غالب اولدون لشگر خونخواره سن

 

ایندی معناده شه ملک ولا

شصتیوه احسن دئیور ای باوفا

 

بولسه بو ایثاریوی ام البنین

وار یقینیم سویلر اوغلوم آفرین

 

وار یری عالم سنه عشق ایلسه

عشقیوی بیر عمر سر مشق ایلسه

 

سن خدایه اولموسان امیدوار

ساخلیبدور اعتقادین پایدار

 

لشگر اسلامی ایتدون مفتخر

ثبت اولار تایخلرده بو ظفر

 

سمع سقایه یتوب تا بو نوید

تازه جان تاپدی او سردار فرید

 

قویدی یوز نهر فراته بی درنگ

کامینه چکدی عدو جام شرنگ

 

خوفدن اول لشگر بیدادگر

پارچالاندی ، ایلدی سقا گذر

 

جلوه لندی دیده سینده تا فرات

خاطر یندن کچدی مخیمده بنات

 

فکر ایدردی خیمه ده بیکس رباب

ائیلیوب سو قولونون اوسته حساب

 

اصغرین جان تک آلوب آغوشینه

زمزمه ایلور بو نوعی گوشینه

 

اغلاما ای نو گل عطشان اوغول

صبرایله جانیم سنه قربان اوعول

 

سالما افلاکه بئله شور و نوا

عهدینه عباس عمون ایلر وفا

 

ایلمه من بی کسی چوخ خونجگر

گلسه گر سقا الینده سو گلر

 

وار یل ام البنینین غیرتی

غیرتیندن ، چون چکنمز خجلتی

 

یا سنه ائیلر فراهم ایندی سو

یا آلار قانیله بو چولده وضو

 

حضرت عباس دریای کرم

اصغرین فکرینده قالموشدی اودم

 

ساقی عطشان شاه مشرقین

گه دئیوردی جان علی گه یا حسین

 

گه دئیوردی ای گل خیرالنسا

هم سنه هم اصغره جانیم فدا

 

الغرض یتدی فراته دلغمین

ووردی نهر اوستونده قانلی پرچمین

 

وارد اولدی نهره باچشم پرآب

سالدی یاده عترتی اول دلکباب

 

دولدوروبدور اوجونا بیر جرعه سو

ایلدی باخدوقجا بیله آرزو

 

گر یتورسم بو سودان اخیامه من

یوخ غمیم چاتدوم بو چولده کامه من

 

تشنه قزلار چخسالار پیشوازیمه

یانمارام بیر ذره سوز و سازیمه

 

بو سودان گر ایچسه مخیمده بنات

اوندا بو جانیم تاپار تازه حیات

 

ایچسه سو گر عترت زهرا بو گون

ائتمیشم من عهدیمه ایفا بو گون

 

عشقه باخ سقا الینده واردی سو

ایچمیری ائیلور ولیکن آرزو

 

سپدی اوجوندان سویی آخر سویا

ایچمدی سقای دشت کربلا

 

عارضه جاری ایدوردی اشکینی

دیده گریان دولدوروردی مشکینی

 

دولدوروب مشکین چکوب آغوشینه

سالدی سقای لب عطشان دوشینه

 

بند مشکی ایلدی محکم مهار

شور و شوقیله اولوب مرکب سوار

 

راه و رسم عشقه سقای بلد

سسلنوبدور یا علی سندن مدد 

 

 استاد طهمورثی (عتیق)

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , طهمورثی عتیق

 

------------

 

احوالات حضرت ابوالفضل العباس (علیه السلام)

بخش اول هزار بیتی مرحوم حسینی

 

هر کیمه یوز ورسه درد بی دوا

حضرت عباسه قیلسون التجا

 

بو علمدار شهنشاه وحید

درگهندن سائل ائتمز ناامید

 

بی سبب بو منبع فضل و ادب

اولمیوب باب الحوائج منتخب

 

فاطمه قیزلارینا امداد ایدوب

قلب زهرانی اوزیندن شاد ایدوب

 

کربلاده ایلیوب بو نامدار

بیر شهامت بیر رشادت آشکار

 

ویرمیوب دنیا اونون مثلین نشان

شستینه تحسین ایدوب کرّوبیان

 

فضل عبّاسی بیری ائتسه رقم

شاخۀ طوبی گرک اولسون قلم

 

نُه فلک الده گرک قرطاس اولا

تا رقم شخصیّت عباس اولا

 

آه او گوندن کربلاده کوفیان

ائتدیلر پیغمبر اوغلون باغریقان

 

ابن سعدی شاد ایدوب گولدوردوله

شاه دین انصارینی ئولدوردولر

 

نوریله ظلمات آرا باشلاندی جنگ

ابر غمدن یاغدی باران تک خدنگ

 

وِئردی جان بیر عدّه عطشان حق پرست

لشکر اسلامه یوز وئردی شکست

 

اولدی پژمرده شهنشاه انام

نه قوشون قالدی نه تیپ و نه نظام

 

کربلادن چخدی عرشه شور و شین

سندی اردویِ همایونِ حسین

 

نه سپه قالدی اوگون نه سرسپاه

بیر وزیر جنگ قالدی بیرده شاه

 

شاه مظلومین وزیر و حاجبی

قارداشی اون یدّی منصب صاحبی

 

لشگرین سقاسی صاحب پرچمی

قوّت بازو وزیر اعظمی

 

حیدر ثانی جوان بی قرین

شیر غضبان ، زادۀ ام البنین

 

صولت شیر خدانون مظهری

ملجائی ، فرماندهی ، سرلشگری

 

بیر روایتدور بو سوز چوخ معتبر

ایلیدی هر کیم عبّاسه نظر

 

حال حیرتده دیردی بو سوزی

گورمیوب مثلین بونون دنیا گوزی

 

قدرت و صولت ده خلقتده مثال

کُفّ عباسی یاراتموب لایزال

 

اوز کمالِ قدرتین پروردگار

ایلیوبدور خلقتینده آشکار

 

شاهی یالقوز گوردی اولدی سینه تنگ

گلدی تا تحصیل ایده فرمان جنگ

 

بیر طریق خاصیّله تکریم ائدوب

شأنینه لایق شهه تعظیم ائدوب

 

عرض ائدوب ای پادشاه ماسوا

بو کمک سیز جانوه جانیم فدا

 

گرچه من شیرخدا فرزندیم

فاطمه  ام البنین دلبندیم

 

حیدره دعوا گونونده مظهرم

واربونا فخریم حسینه نوکرم

 

شیریوون یا آچگلن زنجیرینی

یا الیندن آل بوگون شمشیرینی

 

بوندان آرتوق اولما راضی خوار اولا

بی لیاقت فرض ایدورسن سال یولا

 

من مگر بو دشته بیجا گلمیشم

 ایتماقا جنگه تماشا گلمیشم

 

ایلیم نظّاره ظلم دشمنه

نیلورم بو عمری عار اولسون منه

 

ئولمه میش زینب دوتوپدور یاسووی

بی هنر فرض ایلوسن عبّاسووی

 

نه روادور زنده قالسون نوکرون

تشنه لب دوغرانسون امّا اکبرون

 

نه روا دور ای خدیو رستخیز

اولسون عبّاسین الینده تیغ تیز

 

خیمه گاهوندن اوجالسین العطش

تشنه لیقدان ایلسون اطفال غش

 

من باخوم دریا کیمی آخسون فرات

سودیوب یانسون سوسوزلیقدان بنات

 

اذن ویر میدان جنگه آت سالوم

عدۀ مقتولوون قانین آلوم

 

صبریمی آلدی سوسوز قیزلار سسی

خاصّه لیلانون اوغول وای ناله سی

 

گرعلمدارون اله شمشیر آلا

قویماز اکبر قاتلی زنده قالا

 

گرچه بو لشگرده وار چوخ پهلوان

هر بیری دعواده بیر شیر ژیان

 

منده امّا ای شه یوم نشور

سن بُلورسن واردی نه قدرت نه زور

 

صادر اولسا جنگه فرمان مُطاع

دم شجاعتدن وورانماز بیر شجاع

 

ایلرم بو لشگری زیر و زَبَر

قویمارام قالسون سلامت بیر نفر

 

فتح ونصرت بیرقین وورّام بوگون

قانیله میدانی دولدورّام بوگون

 

محضرینده ویرّم عالی التزام

قویمارام قالسون بو تیپ و بو نظام

 

عرصۀ هیجانی قیلّام بحر خون

ایلرم هر نه عَلَم وار سرنگون

 

قادرم بو دشتی قاندان دولدورام

بیرقون نهر فرات اوسته وورام

 

قلبینی اشرار شامین داغلیام

خیمیه نهر فراتی باغلیام

 

قویمیام کفار اولا بیر لحظه شاد

دم حکومتدن وورا ابن زیاد

 

سیّدی وئرسن منه فرمان جنگ

شامده وورّام یزیده پالهنگ

 

شام امیرین سالّام ایله ذلّته

قوللاری باغلی گتورّم بیعته

 

شه وزیر جنگی گوردی خشمناک

غیرتیندن بُلدی مشرف برهلاک

 

بُلدی صاحب قولینه قارداشینی

قوزادی زانوی غمدن باشینی

 

ایتدی فرمایش ابولفضلیم دایان

بو دایانماقدا وار عالی امتحان

 

گرچه بو صحراده وار چوخ دشمنیم

سن ولی کبش کتیبم سن منیم

 

سن بوگون پشت و پناهیم سن منیم

سن علمدار سپاهیم سن منیم

 

سن حسینون قان توکن شمشیری سن

سن نیستان شجاعت شیری سن

 

سن شهید اولسان وفالی یاوریم

بُل سنار سنسیز بو چولده لشگریم

 

آیت فتح و ظفردور بو عَلَم

گوز تیکوبدور بیر سنه اهل حَرَم

 

بو علم وار دشمنوم اولمور جری

بو علم وار زینبون وار معجری

 

بوعلم یاتسا تاپار اَل شامیان

باشیمی ایلر سَنان زیب سِنان

 

سنسن آل اللهه بو چولده ظَهیر

پرچمون یاتسا اولار زینب اسیر

 

تا سلامتدور بدنده الّلرون

الّلری باغلانماز آل حیدرون

 

ئولدوروبلر اوغلومی قوم دنی

یالقوزام گل قویما قارداشسیز منی

 

ایمدی که ناچار اولوبسان گیتماقا

دشمن خونریزیله جنگ ایتماقا

 

ممکن اولسا ای جوان با ادب

بو سوسوز اطفاله ایله سو طلب

 

اولدی فرمان همای امام

قارداشا عنوان تحصیل مرام

 

داخل اولدی خیمه گاهه بی درنگ

ایلسون آراسته اسباب جنگ

 

جنگه دارا پهلوان بی قرین

باشه قویدی طاسکلاه آهنین

 

جوشن داود تک عالی زره

اگنینه گیدی فلک دن گلدی زه

 

باغلادی شیر اوژن روز ستیز

اوز خم ابروسی تک بیر تیغ تیز

 

ایلدی محکم بئلینده خنجرین

زَهره چاک ایتسون هامی دشمنلرین

 

دستۀ خنجرده قیلدی استوار

زلف اکبر تک کمند تابدار

 

کتفنه سالدی مُدَوَّر بیر سپر

پشت خورشیده سوار اولدی قمر

 

بیر الینده بیر سنان پُرشُکوه

بیر الیند پرچم نصرت پژوه

 

بیرده سالدی چگنینه سو مشکینی

خیردا قیزلار باخدی توکدی اشکینی

 

اولدی طالع خیمه دن چون آفتاب

آل هاشم ماهی پور بو تراب

 

غیظیله اولدی عقاب اوسته سوار

صدر زین اوسته دوتوب محکم قرار

 

تا عقابه گوستروب مهمیز تیز

ایلدی آلتیندا مرکب جست و خیز

 

گورجک عباسی چو شیر خشمگین

نُه فلکدن گلدی بانگ آفرین

 

زینب عباسه باخوب ائتدی نوا

سسلنوب قارداش سنه جانیم فدا

 

قلبیمه بو مطلب آرتیردی انین

کربلاده اولمادی امُّ البنین

 

اوغلونون جنگین گوریدی آشکار

ایلییدی امّهاته افتخار

 

شیریزدان اوغلی چون شیرژیان

لشگر شام اوسته سست ائتدی عنان

 

مرکز میدانه یتدی با شتاب

نیزه سین ووردی یره چون بوتراب

 

صولتیندن ایتدی لرزه بحر و بر

حیرته دوشدی قضا و هم قدر

 

سویله دی امر قضا حیدر دی بو

قدرت حق فاتح خیبر دی بو

 

حمله ایلور مرتضی دور لشگره

یوزقویوب تیغ الده فتح خیبره

 

ائتسه بو قهریله اقدام ستیز

آشکار ایلر قیام رستخیز

 

ایلین ساعت قضا بیله خطاب

گوئیا امر قَدَر وئردی جواب

 

بیله بُلمه حیدر صفدردی بو

حیدره دعوا گونی مظهردی بو

 

چرخین آلتندا شجاع ناسدور

مرتضی اوغلی آدی عبّاسدور

 

دست پرورد علی دلده الی

شوریله سسلندی دلدن یاعلی

 

غیظ یوز وئردی حسینون شیرینه

ال آپاردی قبضۀ شمشیرینه

 

قبضۀ شمشیر الینده یکسره

ایتدی حمله قلب فوج لشگره

 

یادگار مرتضی الده حُسام

ایتدی ظاهر شورش یوم القیام

 

دشمنین یوز دوندروب هر هنگینه

ووردی اَوَّل بیر قلج سرهنگینه

 

ادامه دارد ...

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (ع)

بخش دوم هزار بیتی مرحوم حسینی

 

دشمنین یوز دوندروب هر هنگینه

ووردی اَوَّل بیر قلج سرهنگینه

 

ئولدی فرمانده پوزولدی نظم جنگ

عدّه یوز قویدی فراره بی درنگ

 

کوفیان سسلندیلر اَینَ المَفَر

چخدی یردن عرشه بانگ الحذر

 

پور حیدر بیر آجیقلی شیریدی

پیش روده کوفیان نخجیریدی

 

ایتدی دعوا حیدر کرّار تک

آچدی بوکدی لشگری طومار تک

 

رزمگاهی ایلدی دریای خون

هاردا بیر پرچم وار اولدی سرنگون

 

اَل هامی اَلدَن اوجا قول دل پسند

تیغی هر بیر تیغدن بالا بلند

 

هر کیمه باشدان ووراردی تیغ تیز

تنگ مرکب دن اولوردی شعله خیز

 

اولدی عباسین الینده کارزار

فوق ایدیهم یدالله آشکار

 

بیربیری اوسته قالاندی کُشته لر

کُشته لردن اولدی پیدا پشته لر

 

بیر بیره پیوند کوگده باش و قول

جسملردن یرده باغلانمشدی یول

 

یوز گریزه گویدولار اشرار شام

قالدی نه افسر نه بیر فرد نظام

 

قورخودان ابطال ایتوردی اوزلرین

رُعبدن یخدی قاچانلار بیر بیرین

 

بعضی قاچماقدا مرامه چاتدیلار

اوزلرین بعضی فراته آتدیلار

 

ایلیه بیر یرده کیم عباس جنگ

پور دستان ایلیه بُلمز درنگ

 

نه دؤزَر بو صولت جانکاهه سام

نه ائدر بو جنگه گرشاسب دوام

 

سعد وقاص اوغلی تا ائتدی نظار

گوردی تاب ایتمور قشون ایلور فرار

 

یوز قویوب ابلق ساچانلار کوفیه

دولدی اَوَّلده قاچانلار کوفیه

 

آز قالور ائتسون او شیر نامدار

لشگری مور و ملخ تک تار و مار

 

آتشین دل همدم آه بارده

یوز قویوبدور خیمه گاه مارده

 

کیمدی بو مارد بُلونمز ما یُقال

ائتمسم تقریر اوندان شرح حال

 

عمروو عنتردن قوی بر نامدار

تالیِّ مرحب شجاعِ روزگار

 

خلق اولان گوندن سماوات و زمین

زورِ بازوده صلابتده یقین

 

وئرممیشدی کفرده گیتی نشان

ماردین مثلی هنرلی پهلوان

 

جمعیدی یوزمین او صحراده شریر

مارده اما تاپیلمازدی نظیر

 

صبحدن بیر ایله های و هوئیدی

کربلا میدانی قاندان جوئیدی

 

بیر کسی بُلموردی چون هم کارزار

ائتمیشیدی خیمه دن باشین کنار

 

ابن سعد اولدی او شومه مُلتجی

سویله دی سنسن بو دعواده نجی

 

ای اولان بو لشگره پشت و پناه

چاره قیل یاتدی علم سندی سپاه

 

گورموسن ایلور نجه عباس جنگ

لشگر شامه اولوبدور عرصه تنگ

 

تیغی هر بیر پهلوان باشینده دور

برق شمشیری اَیَر قاشینده دور

 

سُویله دی مارد بو نه سوزدور امیر

من کیمی شیری بُلورسن چوخ حقیر

 

مارده بو سوزدی تنزیل مقام

جنگ عباسه دیورسن ائت قیام

 

ایلورم بو امردن چوخ ننگ وعار

ایلیوم عباسیله من کارزار

 

سالمارام امّا سنون امرون یره

قویمارام عبّاس آتا جولان وئره

 

اولام ایندی عرصۀ رزمه روان

بیر شجاعت ویرّم عبّاسه نشان

 

قلبینی آل علینون داغلارام

تیغینی آلّام قولونی باغلارام

 

ائتدی تا بو سوزلری مارد بیان

خیمه سیندن چخدی چون پیل دمان

 

پیکری غرق سلاح کارزار

کوه پیکر بیر آتا اولدی سوار

 

معدن کبر و غرور الده سنان

رزمگاهه ایسته دی اولسون روان

 

ابن سعد امر ائتدی قوم کافره

ایلیون تکریم بو سرلشگره

 

قویمیون یالقوز گیده بو صف شکن

مین نفر دوشسون قباقه تیغ زن

 

صاغ و صولدا پشت سرده مین نفر

رزمگاهه ایلیون بونلان گُذَر

 

ماردین شأنی گَرَک ایتسون ظهور

گورمَسون یالقوز ابوالفضل غیور

 

ابن سعد امریله بیر عدّه سپاه

ماردیله ایتدی عزم رزمگاه

 

تا یتیشدی رزمگاهه اول دنی

قیتروب اوز یرلرینه عدّه نی

 

تا ابولفضلیله دوردی روبرو

باشلادی کبریله اوّل گفتگو

 

ایتدی عبّاسه عتابیله خطاب

ای جوان ،سعد اوغلون ائتدون دل کباب

 

سانما بیرنام آور پُر زورسن

بی جهت اوز زوریوه مغرورسن

 

گرچه قتال العرب فرزندیسن

صف شکن مرحب بُولن دلبندیسن

 

منده بو لشگرده ارشد افسرم

ماردم بولشگره سرلشگرم

 

ایسته سن دلدن سنی گر سالمیام

 بو ئولنلر انتقامین آلمیام

 

ال جدل دن چک ائشیت بو پندیمی

گل منیم ئوپ ایندی زانو بندیمی

 

مُلحق اول بو لشگر شاماته سن

ایلیوم افسر سنی لشگرده من

 

ائتمَسَن گر بو سوزی مندن قبول

ایلرم لابُد سنی خوار و ملول

 

آتش قهریله قلبون داغلارام

ای علی اوغلی قولووی باغلارام

 

من سنی بیر ذلّته قیلام دچار

تا دئسونلر وار نه قدری روزگار

 

کربلا دشتینده مارد نیلدی

مرتضی اوغلین نجه خوار ایلدی

 

شیرزاد شیر حق عباس شیر

حیدر ثانی ابوالفضل دلیر

 

تا ائشیتدی خصمدن بو سوزلری

قهر و غیظیندن قیزاردی گوزلری

 

هاشمیّه غیرت ایتدی ایله جوش

ایلدی دریا کیمی جوش و خروش

 

آچدی دل فرزند شیر کردگار

غیظیله سسلندی کی بی ننگ و عار

 

نه جسارت دور بوسنده ای دنی

نه حساب ایلورسن ای کافر منی؟

 

من او شیرم قهریم ایلر سنگی آب

ائتمرم اصلا سنی روبه حساب

 

وورما بیجا بیر بِله لاف و گزاف

بید تک لرزاندی مندن کوه قاف

 

من علینون شیردل فرزندیم

مرتضانون صف شکن دلبندیم

 

ادامه دارد ...

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (ع)

بخش سوم هزار بیتی مرحوم حسینی

 

من علینون شیردل فرزندیم

مرتضانون صف شکن دلبندیم

 

شیرزاد شیر حقم شیرگیر

آتش سوزاندی تیغیم سن حریر

 

تیغ تیز آلسام اله روز مصاف

صولتیمدن گیزلنر سیمرغ قاف

 

رزمده باغلار دیلین نام آوران

آچ اَلون باغلا دیلون ای بی نشان

 

ماردین آلدی بو سوزلر تابینی

راست قیلدی نیزۀ پُر تابینی

 

وئردی جِلوه نیزیه تا اُول پلید

پنجه سین آتدی ابولفضل رشید

 

نیزه سیندن دوتدی اُول کین پرورین

نیزه نین آلدی هواده لنگرین

 

باخدی گوردی مارد شوم و شریر

نیزه نین دوتدی گلوگاهین او شیر

 

سویلدی اَوَّل دئدیم ایتمه جَدل

ایمدی یوخ یالوارماقا هرگز محل

 

غیظیله سرهنگ هنگ کربلا

ایتدی فرمایش دایان ای بی حیا

 

بیله فکر ایتمه یتیشدون ایمنه

یالوارور عباس شیر اوژن سنه

 

آزمایش زورون ائت ای پهلوان

ساخلا اولسا قدرتون الده سنان

 

نیزه نی اول کافر بی ننگ و عار

ساخلادی زیر بغلده استوار

 

تا تکان ویردی عزیز بوتراب

نیزه نی آلدی الیندن چون عقاب

 

ماردین گوستردی عکس مطلبین

سالدی رُمحیله ایاقدان مرکبین

 

تنگ مرکبدن ووراندا نیزه نی

سرنگون ایتدی یر اوسته دشمنی

 

راکب و مرکب یخلدی نخل وار

سویلدی احسنت لشگر هر نه وار

 

وئرمدی عباس شیر اوژن امان

ائتدی حمله مارده الده سنان

 

صیدیله بازی ایدر نه نوعی شیر

ایله رفتار ائتدی عبّاس دلیر

 

بیر رشادت گوستریب اول نامدار

گوئیا روباه اولوب شیره شکار

 

بو لیاقت بو شهامت بو کمال

بو رشادت بو شجاعت بو جمال

 

بو هنر بو زور بیر تک بی معین

آی ائوین آباد اولا ام البنین

 

بسلیوبسن نه رشادتلی جوان

اوغلووا قربان بو «سعدی زمان»

 

کاملاً ایستوردی مارد خوار اولا

گزدیروردی رزمگهده صاق صولا

 

آت دوشونده چکدی از بسکه فشار

اوز غلامین سسلدی اول نابکار

 

عرصۀ میدانه گلسه طاویه

گورمرم عبّاس الینده هاویه

 

طاویه بیر مرکب مشهوریدی

جمله صاحب منصبه منظوریدی

 

ایلین گون خیمه سین تاراج عدات

مجتبادن غارت اولموشدی او آت

 

طاویه اوسته سوار اولدی غلام

بلکه مولاسین ائده تئز شادکام

 

رزمگاهه سوردی فورا مرکبی

گلدی عباسین حصوله مطلبی

 

گوردی تا قارداشینون مرکوبینی

بوشلادی اوز دشمن مغلوبینی

 

بوستان بوترابه سرو ناز

مرکب اوسته آچدی پر چون شاهباز

 

یوز بقیعه دوندریب با صد محن

گوزده قان یاش سسلدی قارداش حسن

 

یادیمه دوشدی زمان اصعبون

قویمارام بیگانه مینسون مرکبون

 

ایسته دی اُول باغریقان شیر ژیان

قولینه فعلیله وئرسون امتحان

 

قصد ایدوب غیظیله فوراً دشمنی

ووردی قلبیندن غلامین نیزه نی

 

سینه سیندن آشنا اولجاق سِنان

نوک نیزه اولدی کتفندن عیان

 

ویرمدی اولقدر مهلت جان ویره

مرکب اوستن قالخزوب ووردی یره

 

ال ایاقین جمع ایدوب مانند شیر

جست و خیز ائتدی او فحل شیرگیر

 

صدر زین اوستن اوچوب شهبازوار

طاویه اوسته دوتوب محکم قرار

 

گوستروب فعلیله پور بوتراب

شیر پشتینده جلوس آفتاب

 

بیرنمایش وئردی پور مرتضی

دوست و دشمندن اوجالدی مرحبا

 

چوخ فراستلیدی از بسکه عقاب

گوردی راکب گئتدی خالیدور رکاب

 

چکدی شیحه باخ فرسده جودته

قاشدی بیر باش خیمه گاه عصمته

 

صیحه سین آلجاق بنات ماه وش

سس سسه بیردن وئروبلر العطش

 

خورداجا قیزلار وئرنده سس سسه

چیخدی شیون صوتی چرخ اطلسه

 

بیر بیره سویلوب بنات ماهرو

گلدی سقّامیز خیامه گتدی سو

 

نالۀ المائیله دولدی خیام

خیمه دن چخدی سوسوز قیزلار تمام

 

گوردولر نه سو وَ نَه راکب گلور

مرکب عباس بی صاحب گلور

 

هاشمیاتین اوجالدی ناله سی

چخدی عرشه وا ابوالفضلا سسی

 

فاطمیه قیزلار ایتدی آه زار

کربلاده اولدی محشر آشکار

 

گوردی بو احوالی شاه تشنه کام

چخدی تلّ اوسته شهنشاه اَنام

 

گوردی قارداشی رشادت گوسترور

پهلوانلیقدا لیاقت گوسترور

 

قلزم ذخّار هیجایه نهنگ

ایلیوبدور مارده دنیانی تنگ

 

آت دوشونده گزدیرور صاقدان صولا

قویموری بیر ثانیه آرام اولا

 

دور و برده کوفیان ایلور نگاه

 قورخودان یکسر اولوبلار پَرِّ کاه

 

پهلوانلار تیتروری مانند بید

حال حیرتده قالوب قوم پلید

 

مارد اتباعندن استمداد ایدور

سعدین اوغلی لشکره فریاد ایدور

 

باغریمی ایتدی بو غصه چاک چاک

قویمیون فرماندهیم اولسون هلاک

 

ویردی تا سعد اوغلی فرمان هجوم

اُوینادی بیردن یریندن قوم شوم

 

قویدولار یوز شیر دلگیر اوستونه

گوئیا روبه گیدور شیر اوستونه

 

گوردی عبّاس رشید صف شکن

شاهبازی قصد ایدوب زاغ و زغن

 

سسلدی تکبیر دلدن شوریله

مارده بیر نیزه ووردی زوریله

 

آلدی جانین ایلدی امرین تمام

نیزه نی آتدی اله آلدی حسام

 

اوز آتاسی شاه خیبر گیر تک

ایتدی حمله بیر آجیقلی شیرتک

 

دشمنین قیلدی صفوفین تار و مار

آچدی تا نهر فراته رهگذار

 

تشنه سقا الده تیغ خونفشان

ائتدی نهر علقمه عطف عِنان

 

ابن سعد کینه جو و بدشعار

امر وئرمیشدی اوگون دورت مین سوار

 

راه نهری هرطرفدن حفظ ایده

خرگهِ شاهه مبادا سو گئده

 

گوردی مستحفظ لر عبّاس دلیر

قصد ائدوب نهر فراتی مثل شیر

 

سسسلنوبلر شعلۀ آذر گلور

الحَذَر عباس نام آور گلور

 

دوشدولر خوفه سراسر قاچدیلار

شیره روبه طبع لر یول آچدیلار

 

پرچمین نهر اوسته ووردی شیرجنگ

اولدی فورا داخل دریا نهنگ

 

موج آبی گوردی تا شهلا گوزی

چکدی ناله دولدی چون دریا گوزی

 

سالدی یاده تشنه لب قربانلاری

سویانیندا جان ویرن عطشانلاری

 

نه روادور سویلدی ای نهر آب

سندن اوتری گوزیاشی توکسون رباب

 

آغلاماقدان اصغرین باتسون سسی

گوگلره چخسون ربابین ناله سی

 

قویمادون ای سو سولاردا آبرو

قان اولیدى کاش آدی دنیاده سو

 

سن دگلدون فاطمه مهریه سی

سو دئدی یاندی بنات بی کسی

 

موج وور بو چولده سن دریا کیمی

آخ چوله اشک تر لیلا کیمی

 

اکبر شهزاده دوغرانسون سوسوز

آل حیدر قیزلاری یانسون سوسوز

 

من سنی قانیله اوتدان سیچمرم

آند اولا اللهه سندن ایچمرم

 

آغلادی توکدی عذاره اشکینی

آچدی چیگنیندن قوری سو مشکینی

 

چشم پر اشک و دل پُر تابیله

مشکینی دولدوردی سقا آبیله

 

سیلدی آب دیدۀ پراشکینی

ایلدی چیگنینده محکم مشکینی

 

مشگ نه مشگ، عالم امکانه رشک

فخر ایدور انهار جنّاته او مشک

 

تار پودی تار عمر کاینات

عترت طاهایه امّید نجات

 

صورت لیلا کیمی پژمرده دور

جلد مجنون تک اوزی افسرده دور

 

گوزلوری هشتاده دین لیلا اونی

آختارور ذرّیۀ زهرا اونی

 

آغلاماقدان آل حیدر خسته دور

عمر امّیدی او مشکه بسته دور

 

الده سو جامی سوسوز قیزلار تمام

گوز تکوبلر بیر او مشکه والسّلام

 

ساقى لب تشنۀ جام الست

یادگار شیر یزدان شیر مست

 

عترت پیغمبره حصن حصین

کان غیرت زادۀ ام البنین

 

عُروَةُ الوُثقای خلقه نور عین

ملجاء زینب علمدار حسین

 

ایسته دی ایتسون وفاسین آشکار

قویسون عالمده وفادن یادگار

 

ظاهر ایتسون ایله بیر صدق و صفا

خلقه بُلدورسون ندور رسم وفا

 

گوردی تا نهر فراتین موجونی

سوئیله دولدوردی فوراً اوجونی

 

سالدی یاده شاه مُلک عزّتی

سو دیوب قانیاش توکن جمعیّتی

 

بیرسووا باخدی عزیز بوتراب

بیرده باخدی دشمنه ایتدی خطاب

 

من که پور نامدار حیدرم

بو کمک سیز پادشاهه نوکرم

 

من بو گون ایله وفا وئرّم نشان

گورمسون مثلین زمین و آسمان

 

رهروان عشقه گوسترّم رموز

نهر آب اوستونده جان ویرّم سوسوز

 

بو الیمده جلوۀ آب روان

بو گوزیمده اشک چشم خونفشان

 

گر ایچم یوخ مانعی بو من بو سو

ایچمرم اما واریمدور آبرو

 

بو مروّتدور مگر ای قوم کین؟

من ایچوم سو، تشنه قالسون شاه دین

 

شاهد اولسون مقتدر پروردگار

وار الیمده ایچماقا سو اقتدار

 

ایچمرم رسم وفادن گچمرم

گر حسینیم ایچمسه من ایچمرم

 

باش ویروب باشدان وفامی آتمارام

بو سویا من آبرومی ساتمارام

 

لفظه معنا ایسته دی اعلان ویره

ایچمدی اوجونداکین توکدی یره

 

اول نهنگ بحر عزّ و احتشام

چخدی دریادن ولی خشکیده کام

 

بو وفا کیمدن ایدوب آیا بروز؟

 تشنه دریایه گیروب چخسون سوسوز

 

بیر اولوب عبّاسدن بو آشکار

گورمیوب گورمز نظیرین روزگار

 

گوردی ناگه لشگر بی عار و ننگ

چخدی دریادن سوسوز یورقون نهنگ

 

مشک چیگنینده او سردار دژَم

بیر الینده تیغ بیر الده علم

 

شیرتک عزم ائتدی نخلستان بویی

تا یاخون سالسون شه خوبان یولی

 

باخدی بو حاله عمر سعد پلید

خیمه گاهه سو آپارسا اول رشید

 

اولسا گر سیراب ایکی قارداش سودان

تاپسا زور و تاب ایکی قارداش سودان

 

لشگریله دولسا دنیا بحر و بر

جان سلامت قورتارانماز بیر نفر

 

سسلدی بیردن جماعت قویمیون

گوسترون چوخ استقامت قویمیون

 

جهد ایدون سو خیمه گاهه گیتمسون

بوسوسوز سقا مرامه یتمسون

 

تا بو فرمانی ایشیتدی قوم دون

اوینادی دریا کیمی بیردن قشون

 

نیزه و تیغ الده اولدی حمله ور

بیر کمکسیز یالقوزا قرخ مین نفر

 

ادامه دارد ...

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (ع)

بخش چهارم هزار بیتی مرحوم حسینی

 

نیزه و تیغ الده اولدی حمله ور

بیر کمکسیز یالقوزا قرخ مین نفر

 

کسدیلر اتباع بو سفیان یولی

باغلادی اول فرقۀ عدوان یولی

 

بحر قهر مرتضایه یادگار

ائتدی حمله الده تیغ جانشکار

 

آند اولا اوز جانینه لولاالقضا

عالم ایجادی ایلردی فنا

 

گلۀ روباه ایچینده شیر تک

جنگ ایدوردی میر خیبرگیر تک

 

ایله جنگ ایتدی او پر دل باوفا

نُه فلکدن گلدی بانگ مرحبا

 

باش و قول گوگده ایله اولدی عیان

گوئیا یپراق توکور باد خزان

 

سسلننده اول دلاور یاعلی

سس سسه وئردی ملکلر یاعلی

 

گل تماشا ایله ای شیر خدا

محشر کُبرادی دشت کربلا

 

باخ ابوالفضلین قلج وورماقینه

قانیله میدانی دولدورماقینه

 

گورنجه هنگامۀ محشر قورور

بیر بولوددور گوئیا قان یاغدورور

 

اوغلوون گور صولت شیرانه سین

ضرب و شستین پنجۀ مردانه سین

 

نه وفا سن ایتموسن پیغمبره

گوسترور مثلین شه بی لشگره

 

وار یری ای قدرت پروردگار

هر ایکی دنیاده ائتسین افتخار

 

ملجاء عالملره پشت و پناه

جهد ایدردی تا آچا خرگاهه راه

 

شیری گورجک قورخودان روباه تک

کوفیان تیترردی پَرِّ کاه تک

 

برق شمشیرین گورنلر قاچدیلار

بیر بیرین قورخوتدولار یول آچدیلار

 

هر یانا یوز قویدی او پیل دمان

سس سسه وئردی سپاه کوفیان

 

یول وئرون گلدی بلای ناگهان

قابض الارواح ابطال جهان

 

یاتدی بیرَقلر پوزولدی انتظام

ایستدی سعد اوغلو آلسون انتقام

 

سسلدی بس پهلوانلار هاردادور

اوخ آتانلار شه کمانلار هاردادور

 

ای جماعت گورموسوز بو نامدار

لشگری آز قالدی ایتسون تار و مار

 

آل حیدر اشکینی قان ایلیون

دورت طرفدن تیر باران ایلیون

 

بو کمکسیز پادشاهه سر سپاه

بو سپاهین ایلدی حالین تباه

 

هر کس اَلده گر آتا بیر قبضه خاک

تودۀ خاک ایلر عباسی هلاک

 

جرأته گلدی قاچان سربازلر

عدّه دن آیریلدی تیر اندازلر

 

کشور ایمانی ویران ائتدیلر

سرسپاهی تیره باران ائتدیلر

 

بُلدولر یالقوزدی یوخدور بیر کسی

سس سسه ویردی هواده اوخ سسی

 

اوخلاری یاغدوردولار باران کیمی

سینه سینده دوزدولر مژگان کیمی

 

اوخ مبادا مشکده جاگیر اولا

تشنه قیزلار چشمی اشکیله دولا

 

اوخ گلنده هر طرفدن اول جوان

سینه سین پیکانه ایلردی نشان

 

دل گوزی باخدوقجا اصغر اشکینه

حایل ایلردی قولین سو مشکینه

 

خیمیه یتماقه ایتدوقجا شتاب

دشمن بی رحمه ایلردی خطاب

 

من دیمم اوخ جسمیمه چوخ ویرمیون

ای جماعت مشکیمه اوخ وورمیون

 

تشنه دور ساقیِّ کوثر قیزلاری

سو یولی گوزلیر پیمبر قیزلاری

 

فاطمیّاته اگر ایتسم سبیل

بو سویا اولماز برابر سلسبیل

 

ایلرم شرمنده آب کوثری

قویمارام ئولسون سوسوزدان اصغری

 

من ائدن ساعتده عزم کارزار

غشّدیدی خیمه ده اول شیرخوار

 

عمر اصغر بسته دور بو مشکیمه

ئولّم اوخ دگسه اگر سو مشکیمه

 

گه ایدوب اتمام حجّت لشگره

گه ووراردی تیغ قوم کافره

 

جنگیله سرگرمیدی اول نامدار

لشگر ایلردی قباقیندان فرار

 

گیزلنوب نخلین دالیندا بیر لعین

غفلتاً ائتدی علمداری کمین

 

باخمادی گوزلور سوسوز قیزلار یولین

بیر قلج اندیردی سالدی صاق قولین

 

شیر گوردی کسدیلر صاق پنجه سین

زحمتین یاددان چخارتدی رنجه سین

 

سویلدی بو مشکه قربان اُول الیم

آز قالور گلسین دالونجا صُول الیم

 

سن وفالیدون بیر آز گیتدون قاباق

گئت دالونجا گلماقیم چکمز اوزاق

 

قوّت قلب و شجاعت سیر ایله

خارق العاده رشادت سیر ایله

 

صاغ قولوننان قان آتور فوّاره تک

آسماندور جسمی اوخ سیّاره تک

 

ظاهراً قصد ایلدی قدرت ویره

قویمادی شمشیرینی دوشسون یره

 

عجز بُلدی مکثنی تاخیرینی

دوتدی گوگده قبضۀ شمشیرینى

 

قان توکن شمشیری آلدی صول اَلَه

عالم لاهوته سالدی وَلوَلَه

 

تا هواده تیغین آلدی دستینه

سویلدی اَحسَنت لشگر شستنه

 

شیر تک بیر نعره چکدی خشمناک

آز قالوب دشمنلر اولسون زهره چاک

 

سویلدی پروردگاره آند اولا

قویمارام گلزار پیغمبر سولا

 

ای جماعت گرچه کسدوز صاقیمی

ویرّم امّا باشه ئوز میثاقیمی

 

ایلرم صول الّی خدمت دینیمه

تا وارام قیلّام حمایت دینیمه

 

من ابوالفضلم آدیم عبّاسیدور

تیغیم آتش دشمنیم کرباسیدور

 

تا او سردارین تمام اولدی سوزی

شامه دوندی اهل شامین گوندوزی

 

لشگری مقتول شه سرلشگری

یاردی صول الّی صف دشمنلری

 

یوز فراره قویدولار قوم کَفَر

چخدی عرشه تازه دن اَینَ المَفر

 

ناگه ائتدی اوزگه بیر ظالم کمین

ووردی سالدی توپراق اوسته صول الین

 

تک الین بو رسمدور اولماز سسی

هئچ محیطه بیر الین دولماز سسی

 

ال اله وئردی اودور بیر جفت ال

قویماسونلار تا یته دینه خَلَل

 

قوی دیوم دینه او اللر نیلدی

گون تک اسلامی سرافراز ایلدی

 

گورمیوب گورمز جهاندا بیر نفر

بیر کمکسیزدن گورونسون بو هنر

 

گور فنون جنگیده تدبیرینی

بوشلادی نه مشکی نه شمشیرینی

 

ساخلادی هم تیغینی هم مشکینی

دیشلرینده توکدی امّا اشکینی

 

پرچم اسلامی آه و زاریله

باغرینا باسدی کسوک قوللاریله

 

قلبدن آگاهیدی بو مطلبه

گر عَلَم یاتسا یتر غم زینبه

 

ایتسه لر گر سرنگون بو بیرقی

ذلّته تبدیل اولار دین رونقی

 

بو علمدور عزت احکام و دین

بسته دور بو بیرقه اسلام و دین

 

بو علمدور دینین اسم اعظمی

بو علم یاتسا یاتار دین پرچمی

 

عزتی قالماز بنات حیدرین

زینبین ایللَّه غارت معجرین

 

قول گیدوب گر سرنگون اولسا علم

دستگیر شمر اولار اهل حرم

 

بیرده حفظ ایلردی چوخ سو مشکینی

بلکه خشک ایتسون سوسوزلار اشکینی

 

مشکی تک دولموشدی چشمی اشکیله

طایر روحی گزردی مشکیله

 

تشنه لب ساقی دیشنده مشک آب

خیمه گاهه گیتسون ایلردی شتاب

 

بلکه سو مشگین یتورسون خرگهه

خدمتین ویرسون نشان آل اللهه

 

ئولممیش بلکه سو ویرسون اصغره

شاد گئتسون محضر پیغمبره

 

گوردولر کفّار بی رحم و شریر

رزمگهده پنجه سیز قالدی او شیر

 

عشرته تبدیل اولوندی غملری

ایتدیلر اَفراشته پرچملری

 

تازه دن طبل بشارت چالدیلار

دوره سین اول نامدارین آلدیلار

 

ووردولار اوخ بس که قوم نابکار

پیکری اولدی سراسر زخمدار

 

چاک چاک اولدی بدن جوشن کیمی

آچدی گول باشدان باشا گلشن کیمی

 

اَل گیدوب قالمیشدی پرسیز باز تک

آچدی شهپر تیریله شهباز تک

 

لفظدن گلسون گرک معنی اله

صارَ کَالْقُنْفُذ یازوبلار مقتله

 

جلدی گیزلندی ز بس دگدی خدنگ

قانیله اولدی وجودی لاله رنگ

 

گرچه بُلمز بو سوزی هر بیر عوام

قالماسون اما گرک ناقص کلام

 

پرده لی عرض ایلورم آنلار خَواصّ

داغ بَر دللّر نجه ایتدی قصاص

 

نیزه و شمشیریله پیکانیله

شال تک اولدی مُضَرَّج قانیله

 

گلدی ناگه بیر خدنگ آبدار

آلدی سقای حرمدن اختیار

 

باخمادی قانه دونن گوز اشگنه

سسلنوب قان قان دگوب سو مشکینه

 

مشکدن سو قانی تک اولدی روان

اولمادی ال حفظ ایده چکدی فغان

 

نفسنه ایتدی خطاب اول نامدار

سویلدی عبّاس اولدون خوار و زار

 

نه یوزیله عازم خرگاهیسن

شوقمند خاکبوس شاهیسن

 

ایمدیکی اوخلاندی مشکون گیتدی سو

فکر ایله وار سنده باخ گور آبرو

 

خیمیه بو حالیله ایتسن گذار

سو امیدیله چکنلر انتظار

 

گر قباقه چخسالار اللرده جام

ئولماقون خوشدور حیات اولسون حرام

 

اوج ایدر عرشه سوسوزلار شیونی

سو دیور گوزلور بالا قیزلار سنی

 

ای منیم نفسیم ئولومدن ایتمه باک

قوی اولوم من چاک چاک و سن هلاک

 

خوفه دوشمه کثرت کفاریدن

اِبشِری رحمت گلور جبّاردن

 

ئول ئولوم خوشدور گوارادور سنه

مین ئولوم دیدار لیلادور سنه

 

اصغر ایتدوقجا عطشدن پیچ و تاب

سو امیدیله سنی گوزلور رباب

 

چاک چاک ایتسونله قوی بو پیکری

غشّیده گورمه دوباره اصغری

 

منصرف ایتدی خیالین باالتّمام

خیمیه گئتماقدان اول خشکیده کام

 

دوندروردی آهین اودلی مشعله

آختاروردی بیر ئولوم سالسون اَله

 

بو خیالیله گیدوردی صاق صولا

سو یولوندا تشنه لب قربان اولا

 

گلدی تا یورقون یارالی تلخکام

ایلدی قبری اولان یرده مقام

 

قبرینون دوردی یرینده اول رشید

ئوز حیاتیندن ولیکن نا امید

 

ناگهان بیر مُبغِضِ آل على

بیر خدنگ آلدی اله اوچ شعبه لی

 

ادامه دارد ...

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (ع)

بخش پنجم هزار بیتی مرحوم حسینی

 

ناگهان بیر مُبغِضِ آل على

بیر خدنگ آلدی اله اوچ شعبه لی

 

اول خدنگی ائتدی تا وصل کمان

وا ابوالفضلا دیدی کرّوبیان

 

تا کمانه زور ویردی اول لعین

باشینی آچدی امیرالمؤمنین

 

اوخ کماندان قورتولاندا آه آه

قالدی قارداشسیز کومکسیز پادشاه

 

اوخ نه اوخ تقریره منده تاب یوخ

قاتلی اولدی ابوالفضلین او اوخ

 

سسلنور گوردی گلور تیر سه پر

وار نه ال نه اوزگه حایل نه سپر

 

گوزلرین یومدی سپهسالار شاه

غیرتیندن ایتمدی تیره نگاه

 

کربلا اولدی گوزینده تار و تنگ

سجده گاهیندن دگن ساعت خدنگ

 

پارچالاندی سجده گاه انوری

آخدی قانی دولدی شهلا گوزلری

 

یاره لردن گوردی سو تک قان گیدیر

سجده گاهین اوخ ولی چوخ اینجیدیر

 

نیلسون امّا یارالی نامدار

اللری یوخدی اوخی ایتسون کنار

 

سرو قامت ماه طلعت زورمند

مرکب اوستن دیزلرین ایتدی بلند

 

باشینی سالدی اشاقه بیر قدر

تا اوخی ردّ ایلسون اول شیر نر

 

دیزلرینده دوتدی تا محکم اوخی

زور ویردی چکسون اول ضیغم اوخی

 

بسکه ویردی قانلی پیکانه تکان

دوشدی باشیندن عمامه اُول زمان

 

گرچه چوخ زحمتله چخدی قانلو اوخ

قالدی امّا حیف اولا باشی آچوخ

 

گلدی ناگه بیر جفا گستر لعین

کبریله اَلده عمود آهنین

 

نه خجالت چکدی نه ائتدی حیا

نه اوتاندی مرتضادن اول دغا

 

بیمروّت چوخ جسارت ایلدی

آچدی دل اوّل شمادت ایلدی

 

بیر جسارت ائتدی اول بیدادگر

ایمدیده زوّاری قبرینده دِیَر

 

السّلام ای عبد صالح السّلام

ای مطیع امر حیِّ لاینام

 

ای اطاعت ایلین پیغمبره

وی اولان تابع آتاسی حیدره

 

ای بلا دشتینده مغموم السِلام

وی اولان مغموم و مظلوم السِلام

 

هئچ شهیده اولمیوب اصلا یقین

بو جفا ، یابن امیرالمؤمنین

 

دشمنین وار هر جفاسی گورموسن

ال یاراسی - دل یاراسی گورموسن

 

لعنت حق اول ستمگر دشمنه

دل یاراسی ئولممیش ووردی سنه

 

بُغضینی دشمن سنه چوخ بُلدوروب

هم الیله هم دیلیله ئولدوروب

 

مُلحد بی رحم و مغرور و دنی

گوردی تا خسته آت اوستونده سنی

 

سویلدی ای بحر هیجاده نهنگ

ایتمدون بو عرصه نی بو قومه تنگ؟

 

وار نه علت ایمدی دعوا ائتموسن

زور بازووی هویدا ائتموسن

 

اللرون نولدی ایا شیر قتال

دورموسان بو حالیله پژمرده حال

 

سن دگلدون اول پلنگ تیز چنگ

بیزلره ایتدون بو گون شهدی شرنگ

 

آنّوون قانی آخور رخسارووه

بس نه گلدی اُول اوزون قولارووه

 

ایتموسن بو جمعی بیحد تلخکام

یاخشی ساعتدور آلام من انتقام

 

آلدی بو سوزلر الیندن صبر و تاب

نطقه گلدی دشمنه ویردی جواب

 

من او شیرم که کسوبلر پنجه می

بیحیا آرتورما دلده رنجه می

 

پهلوانلاردان اوزاقدور بو مقال

عورته شایسته دور لفظی جدال

 

گر بو قومین سنسن الحق ارشدی

بو زنانه سوزلر ای کافر ندی؟

 

اوندا کی باشیم منیم پر شوریدی

اَلدَه شمشیریم قولوم پر زوریدی

 

گلمدون تا گوستریدیم زوریمی

بُلدوریدیم تیغیله منظوریمی

 

گلموسن بیر وقتیده ای کین شعار

نه الیم وار نه بدنده اقتدار

 

بو جوابی ویرجک عباس غیور

بی مروت دشمنی اولدی جسور

 

غیظیله ویردی جواب اول بی ادب

بس دایان دور یابن قتّال العرب

 

ایمدی که یوخدور سنون جسمونده اَل

ائتماقا قادر دگلسن بیر عمل

 

ایلرم شکر خداوند علیم

یوخ منیم یارَم سلامتدور الیم

 

ظلم الین آچدی او بی رحم زَمَن

آه یابن العسگری  یابن الحسن

 

نه جفا ایتدی او ظالم آشکار

خواستارم محضروندن اعتذار

 

باش آچوخ قول قوّه لی باشی آچوخ

بیر هوایه قاخدی بیر اَندی عمود

 

نیلدی بولمم او شوم بد شِیَم

سرنگون اولدی علمدار و علم

 

بیر صولا میل ایتدی پرچم بیر صاقا

پرچم اسلام دوشدی توپراقا

 

قد اوجا مرکب اوجا پیکر یارا

باش یارا سینه یارا اللر یارا

 

جسمده اَل یوخ ایده حایل یره

صدر زین اوستن اولا نازل یره

 

نه چکوب بیر خالق اکبر بُلور

بیر اوزی عباس نام آور بُلور

 

صدر زین اوستن دوشنده سر سپاه

سسلدی گل ای کمکسیز پادشاه

 

یا اخا ای شاه اقلیم اَلَم

قول گیدوب سندی باشیم یاتدی علم

 

داده گل قارداش اماندور داده گل

گلمه سن باش ویرمرم جلّاده گل

 

چوخ چالشدوم یاتماسون بلکه علم

اولمادی ممکن قولوم اولدی قلم

 

گرچه قان ائتمیشدی دشمن اشکیمی

ساخلادیم امّا دیشیمده مشکیمی

 

وعده ویرمیشدیم سوسوز قیزلاره سو

سوئیدی مشکیمده قارداش آبرو

 

اولماسیدی پاره سو مشکیم اگر

خیمیه قولسوز ایدردیم من گذر

 

مشکیمی تا اوخلادی قوم پلید

خیمیه گلماقدان اولدوم ناامید

 

بو سوزی ایله بیان اطفالیوه

سو دیوب عطشان قالان اطفالیوه

 

سودان اوتری تیکمسونلر گوز یولا

وار یری مشکیم کیمی گوزلر دولا

 

مشکمیله تسلیت قیزلار تاپار

گَل اوزون بو اوخلانان مشکی آپار

 

مشکیمی گورسه بُلر اطفال زار

نه چکوب مشک اوسته سقّای فکار

 

خدمتینده ائتمیوب سقا قصور

ظلمده طغیان ایدوب قوم شرور

 

تیغ کین اللرده قاتلّلر تمام

قتلیمه ایلوبله سعی و اهتمام

 

دوره می بیرحملر یکسر آلوب

گل نجه گور باشیم الّلرده قالوب

 

من که بو حالیله ای گردون مدار

قالموشام توپراقلار اوسته خوار و زار

 

گل دیمم بو باشیمی اللردن آل

سسلورم اما ایا گردون جلال

 

ئولممیش گل بیر گوروم گول صورتین

درک ایدوم فیض حضور حضرتون

 

خاک پایونده لب عطشان جان ویروم

جانیمی عالم لره اعلان ویروم

 

گرچه اوز آمالیمه من یتمیشم

جانیمی اما فراموش ائتمیشم

 

گلمورم بیجا فغان و شیونه

آغلورام بو آخر عمریمده سنه

 

گوزدن آخدوقجا دیور قان گوزیاشیم

وای کمکسیز قارداشیم وای قارداشیم

 

من که تاپدوم تاب و قدرتدن فُتور

ظلمده قویماز بو قوم کین قُصور

 

امرون ایللر بو صحراده تمام

هاشمیّاتی سویالّار اهل شام

 

نه قالار آل عباده بیر عبا

نه سُرادقده اساس پر بها

 

اَل آچار اهل شقاوت زینبه

کوفیان ایلر جسارت زینبه

 

پست فطرتلر زبس جرأت تاپار

باشلاریندان قیزلارین معجر قاپار

 

خیمه لرده پادشاه نشأتین

دادخواه ماسوا یعنی حسین

 

منتظر دورموشدی آشفته خیال

تاپدی ناگه حالتی تغییر حال

 

شاه بی لشگر او سرلشگر سسین

آلدی تا عرشه اوجاتدی ناله سین

 

ایتدی فرمایش ئوزوم قربان سنه

گلدیم ایتمه ناله گلمه شیونه

 

قوم و قارداشسیز اوغولسوز پادشاه

زینبه یوز دوتدی دلدن چکدی آه

 

سسلدی گل ای بتوله یادگار

یخدیلار عباسی قوم نابکار

 

آرخاسیز قالدیم بو صحراده باجی

حاضر ائت مرکب گیدوم داده باجی

 

گوزده قانیاش دلده آه آتشین

مرکبی گَتدی بتوله جانشین

 

فکریمه بو یرده بیر مطلب گلور

تیر آهیم باغریمی اوخ تک دلور

 

بو خبر اولسا صحیح و معتبر

وار یری سالسون سماواته شرر

 

ایسته دی شه مرکبه اولسون سوار

گوردی یوخدور دیزلرینده اقتدار

 

تا ایاق قویدی رکاب اوسته امام

تازه دن قویدی تراب اوسته امام

 

پوزدی حالِ زینبی بو ماجرا

سویلدی قارداش سنه روحیم فدا

 

وار نه علت اولموسان قارداش سوار

داده گیتمورسن شه گردون مدار

 

قارداشیم عباس استمداد ایدور

لشگر بیداد الیندن داد ایدور

 

وار نه سری ایلوسن تاخیر سن

انتقامه چکموسن شمشیر سن

 

تا ایشیتدی باجینون بو سوزلرین

تازه دن دولدوردی قارداش گوزلرین

 

ایتدی فرمایش باجی دوتمور دلیم

یخدیلار عباسیمی سندی بلیم

 

زینبون آلدی بو سوزلر طاقتین

بوینونا قول سالدی سبط رحمتین

 

سسلدی کلثومی محزون و فکار

سویلدی گل باجی ایتمه آه و زار

 

اول ابوالفضله بو چولده جانشین

دورت عنان مرکبی ای بی معین

 

ناله و دادیله لیلا و رباب

بو کمکسیز شاهه دوتسونلار رکاب

 

مرکبه قارداشیمی ایلوم سوار

گئتسون اولسون قارداشیم عبّاسه یار

 

گلدی بو سوزدن فغانه اهلبیت

ایتدیلر قانیاش روانه اهلبیت

 

ووردلار حلقه ملول و اشگبار

مرکب اوسته ایتدیلر شاهی سوار

 

مظهر صنع خدای لاینام

ماسواللهه گوی آلتیندا امام

 

قدرت حق حجة پروردگار

یوز قویوب میدانه الده ذلفقار

 

صیدی گویا قصد ایدیبدور شاهباز

لشگره ووردی اوزین شاه حجاز

 

لشگری قاتدی قباقه شیر تک

یوز فراره قویدولار نخجیر تک

 

پیش روسیندن قاچاندا اهل شام

غیظیله سسلردی شاه تشنه کام

 

ای ایدنلر خانۀ دینی خراب

وی حیاسیز فرقه کفار کتاب

 

قلبیمه بیحد دگوب سیزدن یارا

بی مروّتلر قاچورسوز سیز هارا

 

سیز طریق دین حقدن چخموسوز

سیز آتام حیدر ایوینی یخموسوز

 

ظلمیله قان ائتمسوز گوز یاشیمی

قاچمیون ئولدورمسوز قارداشیمی

 

ایمدیکی ئولدورمُسوز ای کوفیان

رحم ایدون باری ویرون نعشین نشان

 

تیغ تیز الده سوسوز دلده رجز

ناگهان گوردی دایاندی مُرتَجَز

 

باخدی تا سلطان مظلومان یره

توکدی گوزدن قطرۀ مرجان یره

 

بی جهة باغلانمیوبدور گوردی یول

باغلیوب قاندان یولی بیر جفت قول

 

بُلدی شه قارداشینون قولّاریدور

تشنه لب سقاسینون قولّاریدور

 

ایتدی اشکین رشک جیحون و فرات

اَندی مرکبدن امام کاینات

 

سالدی یاده یادگار حیدری

باسدی جان تک باغرینا اول الّلری

 

سویلدی قارداش بو الّلردن منه

واضح اولدی نیلیوب اعدا سنه

 

ادامه دارد ...

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

احوالات حضرت ابوالفضل (ع)

بخش ششم هزار بیتی مرحوم حسینی

 

سویلدی قارداش بو الّلردن منه

واضح اولدی نیلیوب اعدا سنه

 

کسمه سیدی الّلرون بو کوفیان

الّلریم گورمزدی ظلم ساربان

 

اوپدی قارداش الّلرین سبط رسول

تازه دن قویدی یره زار و ملول

 

صدر زین اوسته دوتوب اولشَه قرار

نهر علقم سمتینه سالدی گذار

 

مهر دائم چرخیده ماه آختارور

اقتباس نور ایچون راه آختارور

یرده اما عکس اولوب بو ماجرا

محشر اولموشدی او گون که کربلا

 

مهر عزت معنی ام الکتاب

نور وحدت چرخ دینه آفتاب

 

لالۀ نعمان کیمی قلبنده داغ

قارداشین نهر اوسته ایلردی سُراغ

 

گوردولر شمس هدا ماه آختارور

تک قالوب سرلشگرین شاه آختارور

 

گلدی تا جنب فراته یتدی شاه

قان ایچینده مُنخَسَف دور گوردی ماه

 

باشی اوسته الده قاتلّلر حسام

ایلسونلر آز قالور امرین تمام

 

قتلینه قاتلّلر ایلور کشمکش

صورتین سورتور یره اول ماه وش

 

صفحۀ خاک اوسته اشگ آلیله

ثبت ایدور گویا زبانحالیله

 

راضیم عطشان کسیلسون بو باشیم

صبر ایدون اما که گلسون قارداشیم

 

باشیمی ای لشگر عدوان کسون

اوز غلامین شاهینه قربان کسین

 

ایلرم گلسه او یالقوز تاجدار

خاکپای شاهه نقد جان نثار

 

بیرده ای کفّار بی شرم و حجاب

من گلنده ایتماقا تحصیل آب

 

تشنه لب ساقی کوثر قیزلاری

العطش دلده پیمبر قیزلاری

 

سوزش دلدن اشارت ویردیلر

بیر علم بیر مشک امانت ویردیلر

 

صبر ایدون مهلت ویرون گلسون امام

جان ویرن ساعت ایدون تحصیل کام

 

بیرقی مشکی اونا تقدیم ایدوم

جانیمی جانانیمه تسلیم ایدوم

 

پرچمی مشکی آپارسون مَخیَمَه

ویرسون اطفال رسول اکرمه

 

قان ایدوب بُلسون بو لشگر اشکیمی

باغرینا باسسون سکینه مشکیمی

 

شاه سردارین گورنده زخمدار

قالمادی قلبینده تاب و اختیار

 

دشمنی ایتدی پراکنده امام

اولدی مرکبدن پیاده تلخکام

 

اگلشوب آلدی دیزی اوسته باشین

گوزلریندن سیلدی قانلی گوز یاشین

 

توکدی گوزدن قانلی یاش ای وای دیدی

قارداشا بیر باخدی قارداش وای دیدی

 

گوردی نه حالیله یارب قارداشین

ایلدی گویا مخاطب قارداشین

 

ای علمداریم وفالی یاوریم

قارداشیم  فرماندهیم  سرلشگریم

 

آچ گوزون ایدادخواهیم آچگوزون

ای منیم پشت و پناهیم آچگوزون

 

ای یوزی ماه سپهر هاشمی

باش ویروب گر چه اوجاتدون باشیمی

 

سنسیز اما ای منیم آرخام ایلیم

چارم اسگیلدی داخی سندی بلیم

 

بو شکستیله تاپار ای حق پرست

رکن اسلام و عمود دین شکست

 

نه گلور بِل نه دوتور قارداش الیم

نرکس شهلا گوزون قانین سیلیم

 

گئتدون ای ناموس و غیرت معدنی

بو بلالی چولده تک قویدون منی

 

طاقت و آرامیمی بو غم آلوب

یرده شمشیرین بلا صاحب قالوب

 

من غریبه چوخ موثردور غمون

تاپشوروم قارداش کیمه بو پرچمون

 

ای پناه ماسواللهه پناه

وی سپه سیز پادشاهه سرسپاه

 

ای قولومدا قوّتیم دیز طاقتیم

غم گونی همدم شریک محنتیم

 

ای شجاعتده آتام حیدر منه

دور اولوب سنسیز جری لشگر منه

 

ای هامی دعواده محکم سنگریم

یوخ گورولّر سنگریم دشمنلریم

 

قصدی قتلیمدور بو ناکس لشگرین

دور قباقین بیرده کس بو لشگرین

 

قویما دشمنلر منه اولسون جری

ای نیستان جدل شیر نری

 

سن که گیتدون ای عزیز بوتراب

ایلینمز اهل بیتیم بیرده خواب

 

یاتمیان گوزلر ولی راحت یاتار

شام و کوفه لشگری کامه چاتار

 

دستگیر ایللّه زهرا عترتین

زینبین الدن آلولّار عزتین

 

قزلاروم یول گوزلور ایلور آه زار

قویما قالسون گوزلری چوخ انتظار

 

ای جمالی ماه رخشان دور گیداخ

دور گیداخ ای شیر غرّان دور گیداخ

 

ای کواکبدن اولان چوخ یاره سی

پیکرین صد چاک ایدن اوخ یاره سی

 

کوفیان بس که ووروب تیر و سیوف

قانیله مه صورتون ایلوب خسوف

 

حالیوه تاب ایلمز دل اولسا داش

نه سلامتدور بدن نه اَل نه باش

 

پیکرون چوخ بنزوری خندان گوله

دسته دسته اوخلار اوخشور سنبله

 

طاقتیم سنسیز برادر طاق اولوب

پیکرون قران کیمی اوراق اولوب

 

تا وارام آهیمله سینه داغلارام

سویلرم وای قارداشیم وای آغلارام

 

آدووی دلدن ئولونجه سالمارام

سن که ئولدون منده ئولَّم قالمارام

 

ای سو اوستونده سوسوزدان اودلانان

ایلمه غم یوخدی بو چولده آنان

 

وای اوغول وای سسلنوب دوتسون عزا

تعزیه دار اگلشوب گیسون قرا

 

قیزلاریم یکسر دوتار ماتم سنه

هم منه آغلار عیالیم هم سنه

 

زینبیم باشین آچار قاره گِیَر

ساچ یولار کلثوم وای قارداش دیر

 

موسم هجراندی ایّام فراق

صبح وصل اولماز داخی شام فراق

 

ترک ائدیرسن ایمدی که بو بی کسی

خوشدلم بیرده آلام قارداش سسی

 

گل دیله درد دلون قویما نهان

گر وارون اولسا وصیت قیل بیان

 

تا یتوردی بو مقامه شه سوزون

آچدی عباس وفا پرور سوزون

 

اول سپه سالار شاه تشنه کام

شهریاره اَوّل عرض ایتدی سلام

 

صوندان ائتدی ناله گلدی شیونه

سویلدی یا سیّدی قربان سنه

 

نوکروندن باش ویروبدور بیر خطا

سندن اما واردور امید عطا

 

هر قدر مندن خطا شایسته دور

بیر ایله سندن عطا شایسته دور

 

ایتدیم استمداد گلدون یا اخا

بو چاقورماق مندن اولدی چوخ خطا

 

بو گلیش هر قدر زحمتدور سنه

مین ایله اسباب خجلتدور منه

 

من سنی ای شاه دوران سسلدیم

جان ویروردیم بُلمدیم جان سسلدیم

 

خجلتمدن تنگ اولوب گوزده بو دشت

ای شه عالم غلامون قیل گذشت

 

قدرتیم یوخ علّتین واضح دِیَم

سن اوتورموش یرده یاتدیق یِردییَم

 

اولمیوبدور بی جهت سوءِ ادب

وار بُلورسن یاتماقیمدا چوخ سبب

 

نه سلامتدور باشیم قارداش نه اَل

یوخدی حتی جسمیده سالم محل

 

بسکه دشمن نیزه و خنجر ووروب

بیر بیریندن جسمیم اعصابین قئروب

 

قدرتیم اولسا یر اوسته یاتمارام

شاه و نوکرلیق رسومین آتمارام

 

قلبیمی آهیمله بیجا اویمارام

گر دورا بُلسم سنی تک قویمارام

 

نیلیوم چوخدور یارام دِل خَستِیَم

دورماقا یوخ قدرتیم جان اوستِیَم

 

آز قالور سر منزله یتسون جرس

سس کسیلسون سینه ده باتسون نفس

 

ظلم الیله مشکله دوشدی ایشیم

واردی سندن سیّدی بیر خواهشیم

 

آند ویرم جدّیوه شاها سنی

ئولممیش قتلایه حمل ائتمه منی

 

سن ضمایر سرّینه آگاهسن

حجت حق باب علم الله سن

 

وار بو عرضیمده ایکی سرّ نهان

گرچه عالِمسن ولی قیلّام بیان

 

علت غائی بو عرض مُبهَمَه

بیر بودور حمل اولسا جسمیم مَخیَمه

 

پیشواز ایتسه سوسوز قیزلار تمام

دلّلرینده العطش الّلرده جام

 

یوز ویرر بی منتها محنت منه

مین ئولومدن سخت اولار خجلت منه

 

بیرده وار بو عرضیمین بیر علتی

قصد نصرتدور غلامون نیّتی

 

قان توکن وحشی عربلر باالتّمام

قتلیوه یکسر ایدوبلر ازدحام

 

گر چه قان توکماقلیقا عطشاندیلار

مندن امّا بید تک لرزاندلار

 

رعب شمشیریم اولاردان تاب آلور

فرض ایدولر صاقدور عبّاسون قالور

 

چوخلاری بُلمور بو قوم ناکسین

شیریوون قارداش کسوبلر پنجه سین

 

گر منی حمل ایلسن قتلایه سن

نعشیمی گورسه بو اشرار زَمن

 

اوستووه قارداش اولار دشمن جری

اَل آچار آل امّیه لشگری

 

بو وصیتدن بودور فکریم منیم

بُلمَسون بو ماجرانی دشمنیم

 

قارداشیندان تا ایشیتدی بو سوزی

دولدی اشکیله شه بطحا گوزی

 

ایتدی فرمایش امام دل دو نیم

ایلسون رحمت سنه ربِّ رحیم

 

هم حیات و هم مماتونده مُدام

ایلدون نصرت منه ای نیکنام

 

سنکه گیتدون قویماز اعدا دینجَلَم

گیت دالونجا آز قالور منده گَلَم

 

بو سوزی تا شاه دین ایتدی ادا

قولّارینی سالدی قارداش بوینونا

 

قول بویون اولدی علمداریله شاه

اولدی ظاهر اجتماع مهر و ماه

 

بیر یره جمع اولدی تا شمس و قمر

زینبه گورسندی محشردن اثر

 

حیف اولا اول غملی گیر و دارده

قول یوخیدی پیکر سردارده

 

تا اودا شه بوینونا بیر قول سالا

قالمیا حسرت ئولنده کام آلا

 

ناگهان باخدی شه والا مقام

عمر سردار اولدی نهر اوسته تمام

 

گورمسون گوز یاشلی شاه بی کسی

یومدی سرلشگر گوزین باتدی سسی

 

دوردی قارداش نعشی اوستن شاه دین

آیریلوب گون یرده قالدی ماه دین

 

یوز گوزی قانلی الی قانلو امام

نهر علقمدن ایدوب عزم خیام

 

دلده قارداش گوزده قان یاش اشکبار

حالی پوزقون زار و محزون دلفکار

 

گه گیدردی گه چکردی دلدن آه

گه دونوب نهر اوسته ایلردی نگاه

 

باخدی سعد اوغلی شهین گوز یاشینه

چوخ باخور گوردی جدالر باشینه

 

سسلدی اُول دشمن پروردگار

قویمیون لشگر حسینی انتظار

 

دوندرون قانه گوزونده گوز یاشین

تئز کسون عبّاس نام آور باشین

 

قانیله قلب حسینی دولدورون

نیزیه قارداشینون باشین وورون

 

بیرده دوندی ایسته دی باخسون او شاه

بُلمورم نه گوردی واویلا و آه

 

قالدی بیر حاله ولیِّ دادگر

ایلدی دشمنلره حالی اثر

 

آغلادی آهیله سینه داغلادی

حالینه سس چکدی کفّار آغلادی

 

تا یاخونلاشدی خیامه شهریار

اولدی آل الّلهه محشر آشکار

 

گوردیلر سلطان دین محزون گلور

محنتی اندازه دن افزون گلور

 

بیر الینده تیغی بیر الده عنان

دلده قارداش وای - اوزی محزون گلور

 

غصه سی آرتور اولور افزون غمی

خیمه گاهه هر قَدَر مقرون گلور

 

گه گلور گاهی فرات اوسته باخور

گوزلری اشکیله چون جیحون گلور

 

الّلری قانلو پیاده تلخکام

گوز یاشیندان گورسنور دلخون گلور

 

شه یانینجا گلموری سر لشگری

تک گلور احوالی چوخ پوزقون گلور

 

گه دورور اشکین گوزوندن پاک ائدور

گه چکور ناله  شه گردون گلور

 

آز قالور روحی بدندن آیریلا

روحی جسمینده اولوب مسجون گلور

 

روحینی گویا فرات اوسته قویوب

قلبی تک قاندان گوزی مشحون گلور

 

حال عدیدن چخوب گلمور دیزی

خسته و آهسته و یورقون گلور

 

طاقت و تاب و توانادن دوشوب

منکسر اول قدرت بیچون گلور

 

زلف لیلا تک پریشانحال دور

ایتماقا لیلالری مجنون گلور

 

جهد ایدور لفظاً غمین مستور ایده

گوز یاشندان ظاهره مضمون گلور

 

لشگری مغلوب اولان سلطان کیمی

شاه دین احوالی دیگر گون گلور

 

گوئیا باش آچماقا ساچ یولماقا

اهل بیتین ایتماقا مأذون گلور

 

هاشمیّات اول شهی پژمرده حال

تا گوروبلر اولدولار غرق ملال

 

اولمادی بیر کسده اصلا اقتدار

ائتسون استفسار اول شهدن نه وار

 

بیر سپهر بُرج عصمت اختری

شاه مظلومین عزیزه دختری

 

اللری باشدا سکینه دیده تر

ایسته دی بُلسون قضایادن خبر

 

اول شه دنیا و دینه سوگُلی

گُلشن پیغمبرین سولموش گولی

 

تا نظر سالدی آتا احوالینه

گئتدی آغلار گوزلی استقبالینه

 

العطش دلده گوزینده اشک ناب

خسرو بی لشگره ائتدی خطاب

 

ای حبیب حضرت ربّ جلیل

علمده مین خضر و موسایه دلیل

 

ای ستمکش فرقۀ خناسیدن

اطلاعون وار عموم عباسیدن؟

 

هَل لَکَ عِلمٌ بِعَمّی یا اَبَا

آشکار ایله بو خشکیده لب

 

ایلین ساعت عموم عزم جدال

وعده ویدری سو منه اول مه جمال

 

پوزماسا افکارین اوضاع مصاف

اولمیوب اولماز عموم وعده خلاف

 

یا اوزی ایچدی او غیرت معدنی

سو ایچنده سالمادی یاده منی

 

شه ایشیتجک اوز قیزیندان بو سوزی

مشک تک دولدی سرشکیله گوزی

 

ائتدی فرمایش داخی دوتمور دلیم

بیرقیم یاتدی قیزیم سندی بئلیم

 

بو غمیم نه آشناد داغلار یادی

نه عمو آدی گتور نه سو آدی

 

شاه بی لشگر پریشان حالیه

خیمه گاهه گلدی بو منوالیله

 

هاشمیاته نه ائتدی التفات

زینبه نه باخدی میر کائنات

 

دلده قارداش گوزده قانیاش یکسره

وارد اولدی خیمۀ سرلشگره

 

خیمه نین سالدی ازل دامانینی

تا بُلوندورسون غم پنهانینی

 

صیحه چکدی بی سپه شه آغلادی

اولدی آل حیدر آگاه آغلادی

 

شه ئوزی دوتدی علمداره عزا

اولدولار ماتم نشین آل عبا

 

سسلنوردی وای وفالی قارداشیم

وای مصیبت لی گونومده یولداشیم

 

وای آتام اوغلی امیدیم یاوریم

وای عزیزیم وای نشان لشگریم

 

اللری باشینده دخت مرتضی

باخدی بو حاله دئدی واضیعتا

 

خون دل قاتدی سرشک آلیله

شاهه عرض ائتدی زبانحالیله

 

دادخواه آل پیغمبر هانی

قارداشیم عباس نام آور هانی

 

ای انام اوغلی بیان ایله گوروم

رزملرده تالی حیدر هانی

 

پرچمون اسمور اوزون پژمرده سن

بس علمدار وفاپرور هانی

 

بو بیاباندا سنوبدور لشگرون

لشگر اسلامه سرلشگر هانی

 

اکبرون ئولدی بو حاله قالمادون

هجر اکبردن غمی اکبر هانی

 

گورسنور حالوندن آثار شکست

جنگ لرده سنمیان لشگر هانی

 

نه گلوب عباسه یالقوز گلموسن

سندن آیری دوشمین یاور هانی

 

گرچه امیدیم کسیلمیشدی ولی

سویلمزدیم عونیله جعفر هانی

 

بیر امیدیم قارداشیم عباسیدی

بس امید زینب مضطر هانی

 

بیر ابوالفضلیم دیردیم وار منه

ایلین جرأت جفا گستر هانی

 

بو رشادت که علمداریم ده وار

آل طاهادن آلان معجر هانی

 

ایمدی بو قانلی علم بو اوخلی مشک

گوسترور عباس شیر نر هانی

 

آغلاما آغلار گوزون قربانی من

گوز یاشون پاک ایلین اللر هانی

 

گوزلری یاشلی گورنمزدی سنی

محرم راز دلون دلبر هانی

 

کشتی صبرون دوشوب قارداش گله

ساحل امیدیوه لنگر هانی

 

موج اشکون گوزده طوفان ایلیوب

ناخدای آل پیغمبر هانی

 

اکبرون تک یوخسا قارداشون ئولوب

ایمدی بس بیر یاور دیگر هانی

 

چوخ یازانلار دفتر غم باغلیوب

ای « حسینی » بیله بیر دفتر هانی

 

چوخلار ایلر ادعا من نوکرم

سن کیمی منظور شه نوکر هانی

 

حشرده وار چوخ شفاعتچی سنه

سوزلرون تک شافع محشر هانی

 

بیتیوه بیر بیت وار جناتیده

بو سوزی رد ایلین کافر هانی

 

دوشموسن فکره سنه ظلم ایلین

ظلم ائدن ظالملره کیفر هانی

 

انتقامین حضرت عباس آلار

آز بیان ائت منتقم داور هانی

 

شه پریشان گوردی حال زینبی

آشکارا کشف قیلدی مطلبی

 

ائتدی فرمایش زبانحالیله

باجی دولدور چشمون اشک آلیله

 

ای منه بو گون شریک غم باجی

قلبیمون اسرارینه محرم باجی

 

ادامه دارد ...

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت ابوالفضل (ع)

بخش هفتم و پایانی هزار بیتی مرحوم حسینی

 

ای منه بو گون شریک غم باجی

قلبیمون اسرارینه محرم باجی

 

پوزدولار اهل جفا پرگاریمی

تشنه کام ئولدوردولر سرداریمی

 

من کیمه بو چولده درد دل دیوم

بُلدوروم آیا کیمه اسراریمی

 

محرم اسراریمی ئولدوردولر

آلدیلار الدن منیم غمخواریمی

 

ئولدوروب قارداشیمی دولدوردولار

قانیله بو دیدۀ خونباریم

 

بیرقیم یاتدی داغیلدی لشگریم

یخدیلار قولسوز سپه سالاریمی

 

حیف اولا بوردا دگل ام البنین

اوخشاسون شیر اوژن پیکاریمی

 

دوتماقا بزم عزا قارداشیمه

باشیمه یغ عترت اطهاریمی

 

من توکوم گوز یاشی قارداش وای دیوم

ایلیوم خالی دل سرشاریمی

 

اهل بیتیم باش آچوب ائتسون فغان

اوخشاسونلار قافله سالاریمی

 

خورداجا قیزلاردا وا عمّا دیسون

شرح ویسونلر غم دلداریمی

 

باجیسی کلثوم باشینده قرا

گورسون اشک چشم و آه زاریمی

 

آغلاسون آغلاتسون آل حیدری

یاده سالسونلار مآل کاریمی

 

قارداشیم عباسه بیر ماتم دوتاخ

یاندوروم من آه آتشباریمی

 

ئولدی عباسیم یقین اولدی منه

لشگر اعدا سویار قیزلاریمی

 

ظلمدن دویماز بو چولده اهل نار

یاندوراللار خیمۀ زر تاریمی

 

قول کیمی سعدی اوغلی بازاره چکر

دست بسته عابد بیماریمی

 

شهده بو احوالی گورجک طاهرات

دولدی داد و شیونیله شش جهات

 

بُلدولر تا دختران مه لقا

وار اجازه باش آچوب ساچ یولماقا

 

شوریله اگلشدیلر یکسر یره

باشلاریندان توکدولر معجر یره

 

دوتدولار عباسه بیر بزم عزا

عرصه گاه محشر اولدی کربلا

 

اوغلی قارداشی ئولنلر موکنان

بو عزایه گلدیلر مویه کنان

 

صبحدن یتمیشدی هر اندوه و غم

داغدار اولموشدی نسوان حرم

 

هر شهیدین ماتمینده بانوان

ایسته میشدی ایلسون داد و فغان

 

یتمسون سس بلکه سمع دشمنه

شاه دین اولموشدیی مانع شیونه

 

بو سببدن هاشمیات حزین

آختاروردی فرصت داد و انین

 

گوردولر مانع اولان گوز یاشینه

سس چکوب آغلور ئوزی قارداشینه

 

وئردیلر اوغلی ئولنلر سس سسه

ناله قوزاندی سپهر اطلسه

 

گلدی قارداشی ئولنلر شیونه

خون دل گزلردن آخدی دامنه

 

باش آچان زلفین یولان سینه ووران

ائتدیلر اوضاع شور حشر عیان

 

باشلادی بیر ناله و شیون بنات

دولدی واعمّا سسیله شش جهات

 

نه گلین نه قیز نه خاتون نه کنیز

سر بسر اولموشدی گوزلر اشک ریز

 

نه گوروبدور نه گورر دار فنا

ایله بیر ماتم ایله بزم عزا

 

رسم عالمدور دوتانلار بزم یاس

حاضر ایللّر ئولندن بیر لباس

 

خیمه اثناسینده امر شاهیله

قویدولار داد و فغان وآهیله

 

مایۀ ماتم نشان حزن و غم

اوخلی بیر سو مشکی بیر قانلو علم

 

وئردیلر عباسه عالی امتیاز

باشلارین آچدی خواتین حجاز

 

گول کیمی گول یوزلی قیزلار سولدولار

وا ابوالفضلا دیوب ساچ یولدولار

 

یولدولار از بسکه زلف مشک سا

دولدی بوی عنبریله کربلا

 

بیر بیر اوسته قالاندی مشک تر

چینه طعن ائتدی او دشت پر خطر

 

دلده واعمّا بنات مه جبین

رنگ زرفامه توکوب دُرّ ثمین

 

بزم ماتمده بودور رسم جهان

مجلسه حاضر اولار بیر نوحه خوان

 

بو عزاده لشگری مغلوب شاه

هم ئوزی هم بانوان عزّ و جاه

 

اولدولار هر تک تکی بیر روضه خوان

ائتدیلر عباس آدین ورد زبان

 

موج اشکیله چو دریا داشدیلار

سس سسه یکسر وئروب آغلاشدیلار

 

شه ئوزی گویا زبانحالیله

قارداشین اوخشاردی بو منوالیله

 

وای علمداریم یارالی قارداشیم

وای پناهیم وای وفالی قارداشیم

 

هم آتایدون هم نه قارداشیدون

ای آتام حیدر مثالی قارداشیم

 

یوز ویرر سنسیز منه آیا نه حال

کیم اولار دنیاده حالی قارداشیم

 

یاتمیان گوزلر یاتار بوندان صورا

زینبون آرتار ملالی قارداشیم

 

شنسیز ای دعوالرین شیری اولار

قیزلاریم دشمن غزالی قارداشیم

 

قوللارین باغلار بنات حیدرین

کوفه و شامین رجالی قارداشیم

 

فاطمیاتی سویار اشرار شام

نهب اولار خرگاه عالی قارداشیم

 

بیر عبایه اکتفا ایلر تمام

عصمت کبری عیالی قارداشیم

 

آدلاری اسلامدن بیر پایه ده

گورسنر ظلمین کمالی قارداشیم

 

تاب ائدنمز سس چکر آغلار یانار

گورسه کافرلر او حالی قارداشیم

 

مشکون اوخلاندی قولون اولدی قلم

تا سودان مشک اولدی خالی قارداشیم

 

تشنه لب قیزلارمی سیراب ائدر

مشک چشمین اشک آلی قارداشیم

 

تا سنون الده اسوردی پرچمون

کیم ائدردی بو خیالی قارداشیم

 

شمره سبط مصطفی مغلوب اولار

یا اولار تالان جلالی قارداشیم

 

وار یری صون گونلرین ائتسه خیال

زینبیم اولسون خیالی قارداشیم

 

فکر « سعدیِّ زماندور » جایزه

نظم ائدوبدرو بو مقالی قارداشیم

 

رسم عالمدور بلی اولسون گرک

نوکره سلطان نوالی قارداشیم

 

شه زبانحالینی ائتجک تمام

تازه دن دولدی فغانیله خیام

 

گوزده اشکی الده زلفی دلده آه

شیونه گلدی سکینه دخت شاه

 

صورته زلفین داغیتدی چون سحاب

ابر زلفیله دوتولدی آفتاب

 

سنبل زلفین پریشان ایلدی

بیر پریشان جمعی گریان ایلدی

 

گونۀ زرفامه توکدی دُرّ ناب

بو زبان حالیه ائتدی خطاب

 

ای وئرن سو اوسته جان عطشان عمو

من اوزون قاللاریوه قربان عمو

 

من دئدیم سو - سن گوزوم اوسته دئدون

گوزلرون دولدوردی امّا قان عمو

 

چوخ وفالیدون ئوزونده ایچمدون

تشنه لب سو اسوته ویردون جان عمو

 

شمکون اوخلاندی قولون اولدی قلم

مشک چشمیم اولدی اشک افشان عمو

 

سو امیدیله منه اللرده جام

تشنه قیزلار گلدیلر مهمان عمو

 

قول وئردیم من سنون امیدیوه

اولدی امیدیم ولی حرمان عمو

 

اولمییدی کاش قوللارون قلم

بیز قالیدوخ سر بسر عطشان عمو

 

ئولمییدون سن ئولیدوخ بیز تمام

المییدی کوفیان خندان عمو

 

بیر سنه تیکمیشدی گوز یالقوز آتام

سنده گئتدون سرور دوران عمو

 

قان ایچن دشمنلر ایچره قالدی تک

هادی دین حجت یزدان عمو

 

گئتدی الدن آل هاشم عزتی

تاپدی جرأت قوم بو سفیان عمو

 

کیم یتر سنسیز منیم فریادیمه

باغلاسا قوللاریمی دونان عمو

 

تا سکینه سوزلرین ائتدی تمام

گلدی شوره زینب علیا مقام

 

بو زبانحالیه زهرا قیزی

نطقه گلدی زینب کبری قیزی

 

ای آتام اوغلی عزیز مادریم

وی رشادتده نشان حیدریم

 

شیر صولت کان غیرت قارداشیم

غم گونونده یاوریم غم پروریم

 

عزتیله شهر یثربدن منی

سن گتوردون ای غضنفر مظهریم

 

هودجه نازیله میندیردون مدام

گاه سن گه شاهزاده اکبریم

 

وای منه بوندان صورا بو دشتیده

قالدی نه بیر محرمیم نه یاوریم

 

زینبه سنسیز اولار کیم دادخواه

ظلم الین آچسا اگر دشمنلریم

 

کسدیلر تا اللرون بُلدوم قالار

خولی و شمرین الینده معجریم

 

سن شهید اولدون حسینیم قالدی تک

وای کمکسیز قارداشیم وای داوریم

 

دستگیر اولماقلیقیم اولدی یقین

کامه یتدی دشمن کین گستریم

 

ای قیامتدن علامت قامتی

اولدی بو صحراده برپا محشریم

 

یاحسین من سسلورم آقا سنی

سنده لطف ائت دئ (حسینی) نوکریم

 

یوز ایل عمر ائتسم سراسر معصیت

یوخ غمیم سنسن شفیع محشریم

 

دست خالی محشره گلسم اگر

بسدور الده اولسا نوحه دفتریم

 

بانوان هاشمیه سربسر

تک به تک عباسه اولدی نوحه گر

 

حیف اولا ائتماقلیقا داد و انین

بو عزاده اولمادی ام البنین

 

نسگل اولدی چون آناسی اولمادی

نعشی اوسته باش آچوب ساچ یولمادی

 

یثربه قالدی اونون باش یولماقی

اوغلی عباسه عزادار اولماقی

 

شهر یثربده او بانوی حیا

ئوز علمدار اوغلونا دوتدی عزا

 

چون خواتین حریم عز و جاه

زار و خسته دلشکسته دلده آه

 

دللرینده ذکر اوضاع سلف

اختران برج ناموس و شرف

 

ائتدیلر رجعت دیار شامیدن

اولدورلار آزاد قید و دامیدن

 

کشف اولوندی ماجرای کربلا

محشر کبری گوروندی بر ملا

 

زوجۀ شیر خداوند وحید

فاطمه ام ابوالفضل رشید

 

وئردی ترتیب اول ستم کش دورت مزار

هر بیری بیر نوجوانه یادگار

 

ائتدی قبرستاندا دائم مسکنین

عرش اعلایه اوجاتدی شیونین

 

یاد ائدردی ئوز عزیز جانلارین

تشنه لب جاندان گئچن اوغلانلارین

 

وای اوغول وای دلده گوزده اشک ناب

یثربین اهلینه ایلردی خطاب

 

حالیمی بیحد پریشان ائتمیون

رحم ائدون گوز یاشیمی قان ائتمیون

 

اولمیون راضی اولوم چوخ دلکباب

ائتمیون ام البنین آدی خطاب

 

سویلینده سیز منه ام البنین

آرتورو بو آد منه شور و انین

 

یادیمه قهرا دوشور اوغلانلاریم

قوت روحیم عزیز جانلاریم

 

واردیدی دورت سرو آزادیم منیم

اونلاریله خاطر شادیم منیم

 

نه روادور بیر اوغولسوز مادرین

سسلسونلر ادینی ام البنین

 

وای منه ایوای بلالی قلبیمه

وا اسف ایوای یارالی قلبیمه

 

نقل ائدوللر کربلادن بیر خبر

بو خبر ایلور منی شوریده سر

 

اوغلوم عباسین دیولر اهل شام

اللرین قطع ایلیوبلر تشنه کام

 

ای منیم شیر اوغلوم ای ارام جان

ای آدی عباس ئوزی شیر ژیان

 

من ائشیتدیم بیر ستمکار عنود

کرلاده ووردی باشوندن عمود

 

سن که دعواده آجیقلی شیریدون

صاحب سر پنجه و شمشیریدون

 

واریدی کیمده جسارت برملا

سن کیمی شیره ائده بیله جفا

 

الده گر اولسیدی شمشیرون سنون

ایلینمزدی جسارت دشمنون

 

بس بیله معلوم اولور قوم شریر

اللرون کسمیشدی ای شیر دلیر

 

تا حیاتیم وار بو دنیاده ملول

واابوالفضلا دیوب یانام اوغول

 

قولینه فعلیله بانوی جهان

وئردی دنیاده غریبه امتحان

 

جان وئرینجه ائتدی افغان آغلادی

توکدی گوزدن خون دل قان آغلادی

 

یثربین والیسی مردان شرور

جنب قبرستاندان ایلوردی عبور

 

گوردی بیر عورت ایله فریاد ائدور

وای اوغول وای دلده آه و داد ائدور

 

شش جهاتی دولدوروب شیون سسی

پارچالور قلبی فغان و ناله سی

 

سویلدی کیمدور بو سینه داغلوری

هانسی ثکلا اوغلونا قان آغلوری

 

وئردیلر اول سنگدل شومه جواب

بو بلا همخانه سی خانه خراب

 

بوترابه زوجه دور ام البنین

مادر عباس فُهل بی قرین

 

شمردن آرتون شقی مروان دون

گوز یاشین توکدی غمی اولدی فزون

 

بیر بیره چالدی الین اول نابکار

سُویلدی ام البنینون حقی وار

 

واردی تا دنیا یوزونده کائنات

دوغماز عباسون نظیرین امهات

 

ای بنی هاشم آئی کان ادب

وی اولان باب الحوائج منتخب

 

من حسینی ناخوشام هم بی کسم

دامنون محکم دوتوب ویرّم قسم

 

بیر حسین اول شاه دینون جانینه

بیر آنان ام البنینون جانینه

 

ایسته اللهوندن ای کان وفا

بو مرضدن تئز منه ویرسون شفا

 

اوچ آئی گئچدی ملول و دلغمین

بیر تصادم ایلیوب خانه نشین

 

نه سینیق چی باش تاپور نه بیر طبیب

باری سن لطفوندن ائتمه بی نصیب

 

تا شفا وئرسون خدای لاینام

آستانوزده ائدوم خدمت مدام

 

 مرحوم حسینی سعدی زمان

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات , اشعار طویل و هزار بیتی مرحوم حسینی ,
زبان شعر و شاعر: نوحه ترکی , حسینی سعدی زمان

 

------------

 

در احوالات حضرت ابوالفضل (علیه السلام)

 

آلدی ناگه دوره سین جلادلر

الده عریان خنجر فولادلر

 

گوردیلر یوخدی الی ایتسون دفاع

باشینی کسماقدا باشلاندی نزاع

 

بیر بیره اون یدی جلاد عنید

سبقت ایلور ایتسون عباسی شهید

 

ایلدی عباس او قومه خطاب

ایتمیون بو امره بیر بیله شتاب

 

ایتمرم من عجز گر چه دشمنه

بو قدر اما ویرون مهلت منه

 

باشیمی ای قوم عدوان کسمیون

تا گلینجه شاه عطشان کسمیون

 

گورموسوز سلطانی گوزلر گوزلریم

صون نفس جانانی گوزلر گوزلریم

 

من سلوک راه عشقه سالکم

بو باشا فکر ایتمیون من مالکم

 

بو باشون واردور بیر اوزگه صاحبی

او منی ایلیوب سعادت طالبی

 

وار بو ذوقون اشتیاقینده بو باش

تا کسلسون شه ایاقینده بو باش

 

دهرده بو باش گرک ممتاز اولا

خاک پای شاهه پای انداز اولا

 

ویرمرم بو باشی سلطان گلمسه

باشیم اوسته شاه عطشان گلمسه

 

خوشدی آخر ساعت ای قوم ظلام

شه رکابندن دوروب اوپسون غلام

 

مرحوم استاد شانی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , شانی

 

------------

 

احوالات حضرت ابوالفضل (علیه السلام)

 

چخوب چون خیمه دن اول شهسوار عرصه هیجا

یل دریا دل و ضیغم شکار و مرتضی آسا

 

شجاع صف شکاف شیرگیر آهنین پیکر

دلیر زهره سوز دشمن انداز پلنگ آوا

 

همایون عهد و ضیغم جهد وکیوان مهد و سیمین قد

ملک کردار و مهر آثار و خوش رفتار و مه سیما

 

تهمتن روی و ثعبان خوی و میدان پوی و دعوا جو

فلک تمکین و اژدر کین و قهرآگین و جان فرسا

 

نبی بذل و علی فضل و حَسن حُسن و حسین احسان

ملک امر و فلک فرّ و قَدَر قَدر و قضا امضا

 

سحاب مرحمت , کان کرامت منیع حکمت

یم جود و سخاوت یادگار سید بطحا

 

علمدار شه گلگون قبا , ماه بنی هاشم

سپهدار حسین بن علی عباس رزم آرا

 

سکینه قلبنون آرامی سقای سپاه غم

پناه زینب و کلثوم و یار عترت طاها

 

دم هیجا ووران دم مرتضادن رزم صولتده

فروزان کوکب برج مهابت نیّر بیضا

 

اووان دشمن دماغین نیزه ی آتش فشانیله

ایدن فرعونیانه آشکارا معجز موسا

 

گچن جانان یولوندا قوللاریندان اشتیاقیله

ویرن جان سو کنارینده سوسوز امّا اوزی سقّا

 

سوار اولدی عقابه مرتضی تک چون او نام آور

عیان اولدی عیال مصطفایه محشر عظما

 

گوروب تنها علمدارین حسینون گیتدی آرامی

گلوب افغانه گویا سویلدی با چشم خون پالا

 

بویوردی کای ایدن خم قدّیمی بار فراقونده

بیله تعجیلیله بو قانلی میدانه قدم قویما

 

منی یالقوز قویوب گیتمه که یوخدور بیر مددکاریم

داغلموش لشکریم گیتموش سپاهیم قالموشام تنها

 

الوب اکبر یانوب قلبیم یوخومدور یار و غمخواریم

دوباره نار هجرانه بو یانموش قلبی یاندورما

 

بو غربت الکده قارداش منی یالقوز قویوب گیتمه

اگر سن اولماسان جرئت تاپار بو قوم بی پروا

 

توقف قیل اپوم بیر قوللاریندان دم غنیمتدور

فرات اوسته سالور ایمدی یقین بو قوللاری اعدا

 

ولی ای شیعه لر بولمم نه حاله قالدی اول سرور

گورنده قارداشین قولسوز دوشوب چون شاخه طوبا

 

ووربلار جسمنه از بسکه اعدا زخمی زخم اوسته

اولوبدور پاره پاره زخمدن اول نازنین اعضا

 

یاخوندور غرق اولا قان لجه سینده زورق جسمی

آخوبدور قانی از بس چشمه چشمه موج ایدر دریا

 

تمام ایت (سائلا) درد اهلینه بیر رمز کافیدور

تمام مطلبی کشف ایتماقا دللرده یوخ یارا

 

مرحوم سائل خوئی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , سائل خوئی

 

------------

 

در احوالات حضرت ابوالفضل (ع)

 

بو کمال و معرفت اولموشدی عباسه سبب

شه حضورینده ایدردی چوخ مراعات ادب

 

سسلینده قارداشین بسکه ادبلیدی مدام

سیدی، مولا، خطاب ایلردی مانند غلام

 

مدت عمرینده بیر دفعه او پور بوتراب

فاطمه اوغلی حسینه، ایلیوب قارداش خطاب

 

او همان ساعتدی ال تاپدی اونا اهل جفا

سسلدی آتدان دوشن حالتده ادرکنی اخا

 

یا اخا، گوزدن عذاره توکدی قانیاش، سسلدی

عرض ایدوم نه علته بو دفعه قارداش سسلدی

 

گر چه بیر نوعی یازوب بو یرده هر صاحب قلم

شوشتری مرحوم، اوز راءیین بیله ایلر رقم

 

پرده و حایل گوزوندن گوئیا اولدی کنار

حضرت زهرانی بو حالیله گوردی آشکار

 

دولدوربدور اشکیله اوز دیده خونبارینی

سسلنور ایوای اوغول عباس، آچوب قولارینی

 

شوقیدن بسکه فرحلندی او پور مرتضا

بو دلیله گوردی چون سسلور اونی خیرالنساء

 

گل اوغول گل سینمه، قویموسان منت منه

اولموسان قربان حسینه، فاطمه قربان سنه

 

صدر زین اوستن یخیلدی چون علمدار حسین

خم اولوب قدی پوزولدی پرگار حسین...

 

آقای حاج مجید بدایعی (اشکی)

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , اشکی تبریزی

 

------------

 

حضرت ابوالفضل العباس (علیه السلام)

 

چون که نوبت بر بنی هاشم رسید

ساخت سازِ جنگ عباس رشید

 

محرم سرّ و علمدار حسین

در وفاداری، عَلــَم در نشأتین

 

در صَباحت ثالث خورشید و ماه

روز خصم از بیم او چون شب سیاه

 

زادِ حیدر، آتش جان عدو

شیر را بچّه همی ماند بدو

 

در شجاعت یادگار مرتضی

داده بر حکم قضا دست رضا

 

خواست در جنگ عدو رخصت ز شاه

گفت شاهش کای علمدار سپاه

 

چون علم گردد نگون در کارزار

کار لشکر یابد از وی انقطار

 

گفت تنگ است ای شه خوبان دلم

زندگی باشد از این پس مشکلم

 

زین قفس برهان من دلگیر را

تا به کی زنجیر باشد شیر را

 

خود تو دانی ای خدیو مستطاب

بهر امروزم همی پرورد باب

 

که کنم این جان فدای جان تو

در بلا باشم بلاگردان تو

 

هین مبین شاها روا در بندگی

که برم از روی او شرمندگی

 

گفت شه چون نیست زین کارت گریز

این زپا افتادگان را دست گیر

 

جنگ و کین بگذار و آبی کن طلب

بهر این افسردگان خشک لب

 

تشنه‌کامان را بکن آبی سبیل

الله ای ساقی کوثر را سلیل

 

عزم جانبازی‌ ات لختی دیر کن

در بیابان تشنگان را سیر کن

 

گفت سمعاً ای امیر انس و جان

گرجه باشد قطره آبی به جان

 

گرخود این غرقاب، پایابم برد

چون تویی دریا بهل آبم برد

 

گر در آتش بایدم رفتن، خوشم

ای شهنشه کز خلیل است آتشم

 

این بگفت و شاه را بدرود کرد

بر نشست و آنچه شه فرمود، کرد

 

شد به سوی آب تازان با شتاب

زد سمند بادپیما را در آب

 

بی محابا جرعه ای در کف گرفت

چون به خویش آمد دمی گفت ای شگفت

 

تشنه لب در خیمه سبط مصطفی

آب نوشم من؟! زهی شرط وفا

 

عاشقان کز جام محنت سرخوش اند

آب کی نوشند، مرغ آتش اند

 

دور دار ای آب، دامن از کفم

تا نسوزد ماهیانت از تَفم

 

دور دار ای آب لب را از لبم

ترسمت دریا بجوشد از تبم

 

زاده شیر خدا با مشک آب

خشک لب از آب بیرون زد رکاب

 

گفت با خود، روی ماهش هر که دید

درّ شب تابی شد از دریا پدید

 

شد بلند از کوفیان بانگ خروش

آمدند از کینه چون دریا به جوش

 

سوی آن شیر دلاور تاختند

تیغ‌ ها از بهر منعش آختند

 

حیدارانه آن سلیل ذوالفقار

خویش را زد یک تنه بر صدهزار

 

تیغ آتشبارِ زادِ بوتراب

کرد در صحرا روان خون جای آب

 

کافران خیره رو از چارسو

حمله‌ ور گردید چون سیلی بر او

 

او چو قرص مه میان هاله ای

تیغ بر کف شعله جَوّاله ای

 

حمله ها می برد بر آن قوم لُد

همچو بابش مرتضی روز اُحُد

 

ناگهان کافر نهادی از کمین

کرد با تیغش جدا دست از یمین

 

گفت هان ای دست رفتی، شاد رو

خوش برستی از گرو، آزاد رو

 

ساقی ار یارست و می این می که هست

دست چِبوَد، باید از سر شست دست

 

لیک از یک دست برناید صدا

باش کآید دست دیگر از قفا

 

لاابالی نیست دست افشانی ام

جعفر طیار را من ثانی ام

 

دست دادم تا شوم همدست او

پر برافشانیم در بستان هو

 

از ازل من طایر آن گلشنم

دست گو، برداردست از دامنم

 

چند باید بود بند پای من

تیر باید شهپر عنقای من

 

تا که در قاف تجرّد پر زنم

عالمی را پشت پا بر سر زنم

 

تن نزد زان دستبرد آن صف شکر

تیغ را بگرفت بر دست دگر

 

راند کشتی ها در آن دریای خون

از سرانِ لشکر، اما سرنگون

 

خیره عقل از قوّت بازوی او

عِلویان در حیرت از نیروی او

 

از کمین ناگه سیه دستی به تیغ

بر فکندش دست دیگر بی دریغ

 

هر دو دست او چو گشت از تن جدا

مشک با دندان گرفت آن باوفا

 

ماه گفتی با ثریا شد قرین

یا که عیّوق از فلک شد بر زمین

 

چون دو ست افتاده دید آن محتشم

گفت دستا رو که من بی تو خوشم

 

خصم ار بردت زمن، گو بازدار

مرغ دست آموز را با پر چه کار

 

شهپر طاووس اگر برکنده شد

نام زیباییش زان پر زنده شد

 

اندر آن کویی که آن محبوب دوست

عاشق بی دست و پا دارند دوست

 

باز ده ای دست هین دستم به دست

تا به هم شوییم دست از هر چه هست

 

در بساط عشق دست افشان کنیم

جان نثار جلوه جانان کنیم

 

عاشقی باید زمن آموختن

شد عَلَم پروانه از پر سوختن

 

اینت شاه، آن شمع بازافروخته

من همان پروانه پر سوخته

 

بد چو شور عشق سرتاپای من

شد قیامت راست بر بالای من

 

تا مجرّد کس نشد زین بال پست

سوی منزلگاه عنقا پر نبست

 

خصم اگر زین دست بر من دست یافت

نی شگفت، از جام عشقم مست یافت

 

ورنه روبه کی حریف شیر بود

خاصه آن شیری که از خون سیر بود

 

ناگهان تیری فرود آمد به مشک

عِلویان از دیده باریدند اشک

 

شد چو نومید آن شه پردل ز آب

خواست از مرکب تهی کردن رکاب

 

وه چه گویم من چه آمد بر سرش

کز فراز زین نگون شد پیکرش

 

من نیارم شرح آن را بازگفت

از عمود آهنین باید شنفت

 

چون نگون از مرکب آمد بر زمین

زد به سر در آسمان روح الامین

 

کای دریغ آن سرو باغ مرتضی

شد زپا از تیشه سوءُالقضا

 

ای دریغ آن هاشمی ماه منیر

کز فراز آسمان آمد به زیر

 

ای دریغ آن بازوان و دست او

رفته چون تیر خطا از شست او

 

ای همایون رایت دیبا طراز

چون شد آن دستی که پروردت به ناز؟

 

شد خداوندت مگر غلتان به

کاین چینن از پا فتادی سرنگون؟

 

گو دگر زین پس نبالد بال تو

بازگشت آن قرعه اقبال تو

 

زاد حیدر باهزاران عجز و ذُل

رو به خیمه کرد کای سلطان کُل

 

دست من کرد از تو خصم دون جدا

هین تو دستم گیر ای دست خدا

 

شاه دین از خیمه آمد بر سرش

دید در خون گشته غلتان پیکرش

 

ز مژه دُرها زخون دیده سفت

روی بر رویش نهاد از مهر گفت

 

کای دریغا رفت پایابم ز دست

شد بریده چاره و پشتم شکست

 

ای همایون طایر، ای فرخ هما

شهپرت چون شد که افتادی ز پا؟

 

از زپا افتاده سرو سرفزار

چون شد آن بالیدنت در باغ ناز؟

 

خوش بخسب ای خصم زین پس بی هراس

خفت آن چشمی که از وی بود پاس

 

شیر یزدان چشم خونین باز کرد

با حبیب خویش شرح راز کرد

 

گفت کای بر عالم امکان امیر

خاک و خون از پیش چشمم بازگیر

 

بو که چشمی باز دارم سوی تو

وقت رفتن سیر بینم روی تو

 

عذرها می جویم ای دریای جود

که دو دستی بیش در دستم نبود

 

لطف کن ای یوسف آل رسول

این بضاعت کن ز اخوانت قبول

 

گفت خوش باش ای سلیل مرتضی

دست، دست توست در روز جزا

 

دل قوی دار ای مه پیمان درست

که ذخیره ی محشر من دست توست

 

چو ن به محشر دوزخ آید در زفیر

این دو دست است عاصیان را دستگیر

 

شد چو فارغ شاه ازین گفت و شنود

مرتضی آمد به بالینش فرود

 

با تلطف گفت کای فرّخ پسر

خوش ببردی عهد جانبازی به سر

 

وقت آن آمد کز این زندان تنگ

پر گشایی سوی بالا بی درنگ

 

این اشارت چون شنید آن میر راد

چشم حسرت بر رخ شه برگشاد

 

گفت ای صد چون منی قربان تو

من که رفتم، باد باقی جان تو

 

این بگفت و مرغ جان پر باز کرد

سوی گلزار جنان پرواز کرد

 

شد پرافشان جعفر طیار وار

در گذشت و رفت یاری سوی یار

 

شد هم‌ آغوش شه بدر و حُنین

ماند از او دستی و دامان حسین

 

مرحوم نیر تبریزی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه فارسی , نیر تبریزی

 

------------

 

حضرت ابوالفضل العباس (علیه السلام)

 

قلم ایدر گینه طرز کلامی بوردا عوض

قلم اولان قولا یعنی که آغلاماقدی غرض

 

چخوب فراتدن یوز قویدی خیمه گاهه طرف

کسوب قباقنی دوت مین نفر شریر طرف

 

چکوبدی نعره آلوب غیظیله اله شمشیر

آتاسی شیر خدا تک او پور شاه نجف

 

ایشتدی نعره سینی خیمه گاهیده بالالار

او تشنه دلّلره یوز ویردی بو سسیله شعف

 

باخوردی زینب کبری گوزی حسین یوزینه

گوروب سارالدی سولان گل کیمی او کان شرف

 

دیدی نه وار مگر عباسی ییخدیلار آتدان

چالّولا طبل بشارت گلور ترانه دف

 

بیوردی باجی سلامتدی قارداشیم امّا

قلج آلوب صولا اول قلزم هنرده صدف

 

دوشنده بیر قولی عباسون ای امام زمان

حسین بیله پوزولور یوز ویرور بو حال اسف

 

نه چکدی بولمم او دم که گلوردی سرعتیله

گوروب دایاندی آدی ذوالجناح اوزی رف رف

 

باخوب نه گوردی که یرده ایکی کسوک ال وار

تأسفیله او مظلوم ویردی بر بره کف

 

گوتوردی قولّاری بر اوپدی باغرینا باسدی

او قدر قالمادی اولسون قوای جسمی تلف

 

اوجالدی شیونی سهم و صلابتی چوخالوب

گوروب او صولتی دشمن فرار ایدوب صف صف

 

یتیشدی بیر یره گوردی یخوبلا قارداشینی

آلوبلا دوره سین اون یدّی بی حیا و شرف

 

داغتدی دشمنی گوتوردی تراب ذلّتدن

آلوب باشین دیزی اوسته ابوترابه خلف

 

پیمبر اوغلونون احوالینه او ساعتده

چکوب سس آغلادی یکسر پیمبران سلف

 

عجبدی یانمادی افلاک حسینون آهندن

که سوز اولاندا اورکده چوخ آهده تف

 

گوروب بدن دولوسی نیزه دور قلج خنجر

علاوه سانسیز اوخا سینه سی اولوبدی هدف

 

دیدی بو گلدی که خندان اولوبدی بر دسته

و یا دوشوب یره اوراق اولوبدی بر مصحف

 

چکوب کناره نچه اوخ او گل عذاریندن

یولالّا اولسا گر اطراف گلده خار و علف

 

آچوب گوزین دیدی ای کربلا سلیمانی

غلامیدیم سنه ایتدون حساب بیر آصف

 

بو حالتیمده مشرّف بیوردون ایتدون یاد

که ای باباسی هامی انبیالره اشرف

 

یوخومدی تحفۀ قابل ولی قبول ایتسن

نثار مقدموه بر حقیر جاندی بکف

 

قصور خدمتدی عفو ایله بو گون سندن

خجالت ایتدی منی بو گروه مستضعف

 

بو آرزونی ایدر (شأنی) ای شه ذیشان

اُلن زمانیده اولسون یری زمین نجف

 

مرحوم شانی

منبع مجموعه کانالهای مدح و مرثیه

موضوع: حضرت ابوالفضل العباس (ع) احوالات ,
زبان شعر و شاعر: نوحه ترکی , شانی